المساعد الشخصي الرقمي

مشاهدة النسخة كاملة : ǁ ǁǁ آآآهـ يـا ويلهـ قلــــبٍ صويــبٍ بانــت أقدارهــ ǁǁ ǁ



المنسيه
11-30-2007, 12:17 PM
http://3rb9.com/uploads/7f0ed5a981.gif (http://3rb9.com)

السلامـ عليكمـ والرحمهـ ..

حبيت أحطلكمـ هـذي القصهـ .. أمنــزلتــنهـا من فترهـ بس ما قريتهـا . .

بس قالـولي القصهـ واااايـد حلـوهـ ... وحطيتهـا عشان نقراها مع بعـض ^_^ ..

وان شـاءاللهـ أتكـون حلـوهـ ..

الجزء الأول..

(كانت اليدة ميثاء وربيعتها شما ونشبة؛ و البنات ..هند ومي خوات و فاطمة بنت خالتهم .. فارشين الحصير فحديقة ألمانيا ومجابلتنهم البحيرة ؛)

- نشبة : يالله شو هالمكان الزين !!

- شما: (وتزاعج) امايا زهوور لا تسيرين بعيد..

- ميثاء: طاعي السيلانيات كيف متيمعات ..خلي بشكارتج اترد عن يفرون راسها ..

- شما : وابويه الله يسلمني ويثبت رويلاتها..(وتي زهوور وتيلس وياهم..)

- ميثاء:هييي اميه تعالي يلسي ..مافينا بعد ..يشردن ..

- شما: وابويييييييه طاعي الجلاب !! اعنبوا اوادم هب جلاب من كل صوب !!

- نشبة: قومي !! روحي أتروّع من الجلاب !!!

- ميثاء: ماعنثرنا !! توّنا فارشين وين تبينا نلتعن؟

(اشويـه وانـه يشوفـن جلب عود ياي صوبهم و البنـات اتيودن في بعضهن .. )

- فاطمة: ويييييه !! يدوه الحقي علينا !!!

- مي: ويه ويه امييييه!!!!

(نشبة وميثاء يرفعون نعولهم ..)

- نشبة أونها اتروغـه : ســـّي !!! ســــّي!!! خيرك الله ســــــــــّي!!!

- ميثاء : ســّي !! ســـّي !! روغيه نشيبه روغيه!!!

- شما: ويه ويه ويه !!! واعثرتي ياي صوبنا !! اشتلن اشتلن !!

(عاد العيايـز ولين ينّشن يبالهن سنة !)

نشبة : ســــيّ !! ســـــــيّ !! (- وتزاعج على وحدة -) امايا !!! تعالي شلي جلبج !! عق فوادنا غربله الله !!!

(ياهن ووقف لهن صوب الحصير؛ البنـات متروعات و ينتفضن؛ يت صاحبته .. وهو الهرم؛ عزكم الله مال نحاسـة سواها حذال الحصير إمرة؛ بالضبط، وهن مبققـات عيونهن مب رايمات يقولن شي؛ وسـار عنهن ..)

- شما اتغشت : غربلك الله يالخايس يالنيس!!!

- ميثاء : انا الغلطانة !! انا !! انا اللي يايبتنكم هالمكان !! ولا انتوا ويه حديقة ؟؟؟ انتوا ويه عزبة وخيمة بس!!!

- فطيم : خالوه هذي اصلا حديقة جلاب ..مب اوادم شوفي ..

( بصدتهن و يشوفن لافتـة كاتبين عليهـا إنه الحديقة حديقة جلاب ..)

- نشبة : امايا !! لو انعرف نقرا جان ما سمعنا كلام المدحوبة ميثوووه !! (- وشلشلن اغراضهن - ) ادريبج يا ام النعول ردي نعالي !!!

- مي معصبة : حشا والله ما خذت نعالج ! تتبلين عليّة يا عيوني؟

- نشبة : اسكتي !! اسكتي بنت بالخير !! فطمووه؟ غربل الله منكرج وانا اقول منو ماخذ نعالي !!

- فطيم بكل براءة :والله يايدووه هب نعالج ..

(و هنّود يالسة حذالهـا؛ تسمعها وتأشر عالجلب ..)

- ميثاء : هنود؟ شو تبين به الجلب؟

- هنّود فخاطرها: الجلب ماخذ نعالج !!

(ومادرن لين ردت نشبة بها الحاسية ..)

- نشبة : صدق يوم قالوا عنك جلب !! ردّه !! رد نعالي أقولك !!(- وتلحقه بس بالبطيء ؛ ثرها الا لوتيّة ما تخاف من الجلاب ..سوّت المستحيل عسب نعالها ..لين فره في البحيرة -) انا براويك يالهرم يالهــــيس!!!

(وكانت تركض وراه مع انها عيوز لكن محد يقدر لها ..خلّت من عمرها مضحكة ..وفصخت الطبجة الثانية بتفرها عليه ..بس ذكاءها منعها .. وصاحبة الجلب والبنات ميتين من الضحك .. )

- ميثاء : الله يعوضّج خير بدال هالنعال !!

- شما : الله يعينج !! بتمشين حافية !! عطوها كيس تلف ريولها به !!

- نشبة معصبة : جيييه؟ اتحرين ريولي محناية؟ الا امايا !!!

- فاطمة: هدي الوضع هدي يعلني افداج ..( - وفصخت نعالها وعطته لنشبة –)

- نشبة : يعلج يا فطووم بنت مييثووه بريّل يسترج ويحطج ع راسه ( -وتزاعج - )قولي آمين !!!

- فاطمة: آمين !! آمين عن تاكليني !!

(وهن توهن بيركبن الموتر انتابت وحدة من البنات حالة مثل الصرع بس مب الصرع نفسه ..تنتفض؛ كانوا متجدمين الا نشبة اخر وحدة والبنية طاحت عليهم ..)

نشبة : ويه !! الحقوا عليه !! طاحت البنية !!!

(شما ونشبة يولولن من الزياغ ويركضن صوبها والبنتين يصيحن متروّعات عليها و من الموقف نفسـه؛ ياهن مايد يركض صوبهم وشلاها إيد وريـول؛ كانت شرا الميتـة؛ ودوهـا المستشفـى؛ أسعفوها و خلاف الدكـتور رمّس مايـد .. وسار عنـه ..)

- مايد : يقول الدكتور.. انه الدوا اللي عطاها الدكتور النفساني سوالها آثار جانبية ما رامت تستحمله لأنه قوي و ..

- كلهم : و شو؟

- مايد مرتبك؛ مب عارف شقايل بيخبرهم : قالوا بيغيرون لها دوا . .وبيتريونها تقوم ..لأنه الدوا أثر عليها لدرجة .. إنها مثل .. فغيبوبة ..

(يا الله يا صدمتهن؛ البنيـة من كم من سنة مَب مترقعـة والحينـه هذا اللي زادهـا ؟!)

- ميثاء يدتها :متى بيطلعونها من العناية ؟

- مايد: باجر ..

- نشبة : يالله اتصبرنا ..عمرها ما اتهنت .. (– و اتصيح- )

- ميثاء وماسكة عمرها : ميود اتصل باللي ما يتسمى وخبره !!

- مايد : بس يا امايا

- ميثاء: لا بس ولا شياته ..يمكن يحن قلبه عليها .. بعد اللي سواه فيها !!

- مايد: جهنم كلته !!!

- ميثاء: سير عيل الفندق وبشر يدك واخوك..وهالله هالله فيه ياهل ما يفتهم ...


ان شاء الله عيبكم الجزء الأول ؟؟ والتكملة بعد فترة ...

ولا تنسـون أتقولولـي رايكمـ http://vb.arablocale.net/smile/images/054.gif (http://www.arablocale.net/)


ღ .. أختكمـ المنسيهـ .. ღ

^خلافي^
12-01-2007, 09:10 AM
مشكووره اختي ع القصه

ولا تحرمينا من يديدج

و الله يعطيج الف الف خير و عافـ ي ـه

و السمووحهـ

المنسيه
12-17-2007, 08:42 AM
( .. الجزء الثاني ..)

(و بنرد بعجلة الزمن؛ من يوم هم صغاريـة .. كل شخصية باسلوبهـا؛ و القصة روحهـا بتقول لكم منو هذيـلا؛)

- هنّود : مرررحبا الثاع ولا خلثن ..علوومك ابويه؟؟ (- وحاطة ايدها على اذنيها اتسوي عمرها ترمس في التيلفون – )

- مانع: أنا ؟ أنا بخير علوم أمج؟

- هنود: انا ليولي متكثرة !!

(قصدها ركبتها متكسرة .. اتقلد العيايز يوم يتشكن؛ .. خخخخخخ ما تنلام ما تسمع إلا هالشكاوي .. إلا ركبي إلا ريوليـه و إلا ظهري .. و جان خلصن من رويلاتهن بيدورن على البشاكير و البيادير !)

- مي ملانة : عن الغلاسة الزايدة قوموا خلونا نلعب !!!

- هنود: مابا .. ليولي متكثرة ..

- مي: جاب جاب يالله طوفوا

(مي و هنّود وعيسى ومايد اخوان؛ أما مانع فهـو .. و إلا تدرون شقايل مَب مخبرتنكم .. مفاجعة !؛ أقصـد مفاجأة .. )

- شمايل كانت تترياهم وهي تستوي بنت عم مي و هنّود: توة الناس !!!

- هنوّد: شو نثوي يا امايا .. ليولي متكثرة !!

- شمايل : متكسرة يالجذابة؟ مادري منو يراكض وشبعان من المراكض وطايح ع ويهه !!!

- مي: منّوع جيه ما سرت تلعب ويا الاولاد يا عيوني؟

- مانع: ميود قال لي احرس الحريم عن اييهن شي انته الريال !!( - ويدق على صدره- )انا ريال ولد ريال !!

- شمايل : اخرط !!! احيد امك يابتك مب ابوك !!

(مي من صغرها هي الزعيمة؛ وسارت بهم البقعة اللي دوم يتيمعون فيها البنيـات ..)

- مانع يتصدد : هذا مكانكم؟

- مي: إن علمت حد يا منّوع( – وهي إتقربه-) يا ويلك يا سواد ليلك؛ بييب السجين مال اميه وبقطّعك وبشويك( – وهي تتطالع البنيات؛ بعيونها و الشر يتطاير منهن -) بناكلك واهلك ما بيدرون ! "والخيبة زيغتني !"

(يا الله البقعـة؛ صحراء .. محد هناك؛ وكل وحدة منهن داستلها شيوال؛ تحفر به .. وكانن يحفرن و حفرتهن غزيـرة؛ يعني كل وحدة حسب طولها، و عقب ما خلصن يابن زوليـة و حطنها فوق الحفرة ..)

- هنّود : احلى شي .. ما بغينا انخلث !

(كانن عبيطات؛ بس عبطهن حلو؛ كلهن ماسكات أيادي بعضهن إلا مانع ما طاع .. )

- مي: وييييه جبان ودب بعد !

- مانع بشفايفه الحمر : انتي الجبانة والدبة !! ( " وااايه فديت الكيوووت " )

- مي: يالله عاد منّوع !!

- مانع: مابا يعني مابا !!! اميه موصتني ما العب ويا الحريم !( " خخخخخخخخخخ اسميه جذاب؛ لا ويقول لي حريم بعد ")

- مي: كيفك بيفوتك ياعيوني !

(و يمشن صوب الزولية .. وهن يصفرن و بثلاثتهن ووقفن على الزولية بس ماطاحن ؟!)

- شمايل: اويييه؟ ليش ماطحنا؟

- مانع: قوموا بتطيحون ..مب زين !!! بيعوّركم !!

(قامت هنّود و تنقز هذيجي النقزة النقـزة على الزولية وما تشوف عيونكم إلا النـور ..)

- هنود ومي وشمايل : آآآآآآآآآآآآآآآآي !!

(و طاحن هذيجي الطيحة؛ فوق بعضهن و جنهن يثبتن لعمارهم المثل القايل - من حفر حفرة لأخيه وقع فيها- )

- مانع يشوفهن يحاولن يظهرن : دواكم !! محد بيفزعكن !!

- هنود: منووعي ثاعدنا !! مانروم اتكثرنا يابوك !!!

- مانع يقلدها : بث بثاعدج انتي !!

- مي تصارخ : منووووووع!!

(هن يتساعدن و مانع يعاون و عقب جهد ظهرن؛ ما وحاهم إلا يتهم وحدة متلثمـة ..)

- دومينكا : بابا؟ بابا؟

- مانع: يعلج الساحق ..شو بغيتي؟

- دومينكا : ارباب يريد انته !!

- شمايل : منوووع ؟ بلاها بشكارتكم؟

- مانع يسوي عمره ريال : روحي روحي روحي!!! روحي البيت ويوم بشبع برد !!

- هنود: منوووعي؟ بلاها بشكارتكم غادية غير ام الدوييث؟؟

- مانع: انتي ما اتدلين ..ابويه ما يداني البشاكير ولا شيفتهن حتى انا ..وقايل لأمايا يتلثمن اصلا شكلهن يزيغ انتي شدراج!!!

- مي : الا انتوا يا عيوني اتزيغون!!

(كانوا أعز أخوة بين بعض؛ هنّود الشيطانة، شمايل الحليوة الهاديـة .. مي المسيطرة؛ ومرت

الأيام عليـهم لين تحولوا أهل مانع وكان ما يبغي يفارج ربعه و خصوصا هنّود؛ متعّود إنـه

يتضارب ويـاها و تضربه وإلا تفلعه بأي شي و ترد روحها إتداويـه ولا إتحط له العايدين فراسـه؛

أكثر الفلعـات تيـه على راسه؛ اتفره بحصى بأي شي اتشوفه بحديده .. شرا الأولاد هالبنية

تحب تلعب وياهم؛ كانوا يوم يلعبون كرة القدم دوم يحطونها حارس المرمى؛ لين يوم عن يوم و

سنة عن سنة؛ كبرت و عقلها بدى يفهم إنه لازم ما تلعب؛ من اهنه تبدى القصـة؛ كل

شخصية بتعرف بعمرها و تعليقي بيكون من بينهـا و ما بتتوقعـون منو البطلة .. )

بنت الإسلام
12-28-2007, 09:15 PM
كثييييييير حلوة هالقصة

يلاااااااااااااااا كمليييييييييييييييييييي

المنسيه
12-29-2007, 11:59 PM
أن شــــاءاللهـ ،، ^__^ .. ومشكورهـ ع المـروور ..

وأبا رااايج في القصـهـ ،، يعني شو اللي حبيتيهـ وشو اللي ما حبيتيـهـ ..

( هـذا الـبـــارت الثالـــث )


(بعد الحادث)




• انا اسمي مي الاخت العودة الطموحة ..احب الحياة ..جميلة جميلات ليوا ..محد

احسن عني ..عمري 26 (- جذابة هي اصلا 29-) خريجة اعلام بامتياز ( - جذابة ب جيد- )

اشتغلت مذيعة اخبار فقناة واشتهرت وكل الناس حبّوني (- بس كانت تبا تشتهر زيادة-) وياني

عرض ما يتفّوت من قناة اني اكون مذيعة (.- كان معاشها ما يكفيها على حد قولها -) احب

اتكشخ وألبس كله ماركات وكله من تعبي ..اصلا محد تعب عمره وقال بيساعدني ..ما احب

الزواج ..اكره شي عندي - وكله من الحادثة- اممممم شو بعد؟ احب اكون الـ leader فكل

شي ( – بيني وبينكم تراها منافقة ووغدة – من غير ما كان فيها اي ملامح جمال يمكن بس

طولها كانت قبل الحادثة تستحمل كل شي وتنطنش اما الحينه لا .. )


• انا هنّود مريت فمرحلة صعبة فحياتي ..قبل الحادث كنت بنية حبوبة ومرحة (

وكانت "احلى البنات" )والكل كان يحسدني على قلبي الطيب (- لين حصل اللي غيّر مجرى

حياتها -) انا عمري 21 سنة (- ويوم حصل الحادث لها كان عمرها 18 سنة-) ماحب اتكلم

وياحد اصلا منو يستاهل ؛ اصلا من دخلوني هاكي المكان وانا ما عقدت صداقة لا ويا

الممرضات ولا الدكاترة ولا اللي شرات حالتي ( – وتصيح-) هذا شي هب سهل !!! (– أعرف

عن هنّود بأنها أعقلهم كلهم؛ كانت الإخت المثالية ! – وكانت حبوبة وعصبية فنفس الوقت

وشيطانة بعد بس الكل يحبها لحشمتها – وبعد محيّرة لمانع- )


• انا مانع عمري 27 لويش تسألين؟؟ (قصده ليش) ضابط في مركز مكافحة المخدرات

(ومحير لهنود.. ابيضاني البشرة ..خشمه طويل بس مب وايد وعيونه عاديات بس يوم يبتسم

تبتسم الدنيا له من حلاته ..طويل عريض ومافيه متن ..بس يوم ياهل كان دوم يعايرونه بالدب

ومن كبر ضعف ..)


• نشبة : شو تبون فية؟؟ ما روم اقول عن عمري شي اشدراني !! سيري عند حد

ثاني .. (وتزاعج) شموووه يبونج!! _( نشبة تكون عمة غريبة يعني اخت ابوها اللي اسمه

حمد ..وعايشة فبيت روحها حذال بيت قوم ميثاء وعندها بنت بنتها فطيم اللي امها توفت

وتربت على ايدها .. ولسانها متبري منها ودوم تنقع صواريخ مب صواريخ صدقية ..قصدي

فرمستها خخخ)



• شما : مرحبا الساع .. هلا امايا .. انا شميم ..وتقدرين تناديني شما النسيم .. انا يا

امايا ما عندي حد غير خوياتي نشيبة وميثوه وبشكااااااااااااارتي الفقيّرة .. اذكروا الله!! عن

اتوحونها !! الله يثبت رويلاتج يا زهور !! ( ما عندها عيال ولا ريل بس معرسة 3 مرات وكلهم

اتوفوا)

• ميثاء : شو تبون بي؟؟ يالله سيروا مناك عندي 100 شغلى فراسي !! ( ميثاء تكون

يدة هنود وعيسى ومايد وشمايل وهناء..وعلى فكرة اتحب اتلقط كلام بالانجليزي خخخ)

• حمد يد العايلة ..وايد طيب وما يسمع عدل من اذنيه لكن الدنيا ما تسوى بلاه


• عيسى : انا عيسى وعمري 27 سنة فمقتبل عمري على ما يقولون .. مخلص

الثانوية وأشتغل سكرتير فشركة خاصة ( يشتغل في التحريات من 7 سنين بس محد يدريبه

حتى اهله ..كان دوم يتنكر عسب يزخون المخالفين ..لين يته فرصة بتحقيق حلمه انه يستوي

ضابط ويرقونه) انا شاب فأول عمري (ويبين انه كوول عسب شغله ..بس الناس ما يدرون

فشغله ويتحرونه من الشباب اللي يتعاطون ) واحم احم محيّرين لي بنت خالتي فطييم

يعلني افداها يعني يا بنات محد يتقرب خلاص عواس لفطوم... (كان يموت ع ترابها وهو انسان

مثقف وواعي وحبوب وعلى طيبته ما بتحصلون وكان يحّن على خواته واخوه ..ويتريا اليوم

اللي بيعرس فيه..بس العين بصيرة واليد قصيرة ..و الله عاطنه جمال هب على حد كان

اسمروعيون وساع عسليات وغمازته تحت عينه بالضبط ومحلتنه اكثر .. وخشمه الرفيع

والطويل .. وعيبهم الوحيد انهم فقراء )


• فاضل : انا بوعيسى (ويدوخ سيجارة ) عندي حرمتين وحدة عراقية الله ياخذها ان

شاء الله وغريبة وساكنين ف ليوا .. فقراء على قدنا .. حتى الشغل ما يتحصل هالايام ..

وعندي بنتين وولدين .. محد نافعني فهالدنيا غير ميووووه وميوود ولا عواس الجلب جان سمع

كلامي وخذا له وحدة بنت عز ولا بنت الفقر ولا هنود ام لسانين متى الله بيفكني منها وتاخذ

منوّع ويريشنا بالفلوس .. (كان فاضل ماخذ له عراقية وشفطت فلوسه وفيلته اللي في دبي

ويابت له بنية وهي مي .. ومن الغصة اللي جاسته شل عنها البنية ورد ليوا وخلا غروووبة

تربيها.. بس مي ما سلمت من كلام الناس دوم ايعايرونها ببنت العراقية وهي ولا بهمه..وكانوا

عايشين على موتر واحد واالللي هو موتر عيسى مال الدوام ..)


• مايد : يا هلا والله .. مرحبا ملاييين.. انا.؟ انا اسمي مايد بن فاضل ..وعمري 23

سنة .. (ومحير لبنت عمته شمايل .. كان ما يدانيها بعيشة الله مع انه في ليوا محد يمدح في

الجمال والرزانة غير ب شمايل وهنود ..ويشبه وايد عيسى بس طبعا ميود مطول شعره يقلد

الموضة هالايام) وتقدرين اتقولين مب اي بنية اتدش خاطري .. اللي يباني يركض ورايه ..

(والخيبة يالخقاق العود ..من زينها عادة اللي بتراكض وراك مالت عليك)


اتمنى اتوضح لو شي بسيط...


====-====-====-====-====-====-====

( هـذا الـبـــارت الرابـــــــــــــــع)


الجزء الرابع : قبل الحادث :

يالس و مشتط؛ حاشر الدنيا ..

- بوعيسى: غرّوب ؟ غرّوووب ؟ وينها أم السعف و الليف ؟ ( يتكلم عن حرمته غريبة الفقيّرة)

- هنود فخاطرها : حرمتك العراقية أم السعف والليف (– ردت عليه-) لا تقول جذيه عن امييه !

- بوعيسى يودها من شعرها : جاب يالحيوانة !

- هنود ما لحقت تشرد عنه : آآي !! آآآي!! آآآي امااايا !!!

- عيسى نش : ابويه هدها !

- بوعيسى : جاب ولا اتطول لسانك عليه .. صدق انك هب متربي !!

- هنود استغلت الفرصة وردت : سر !؛ سر عند العراقية وبتعلمك الطبوب (– و تركض بعيد- )

- بوعيسى : إن ما يوّزتج منوووع .. متى بتنجلعين عن ويهي !

- هنود : يوم بموت !

- بو عيسى: فكاك .. اسميني بذبح ذبيحة !

- هنود: هذا جان عندك بيزات يوم لهطته العراقية ( – وهي تتطالعهم -) متى تي يا منوع واتفكني من الصدعة !

- عيسى يضحك : جريب، جريب !

(كانت العوايـل من بينهـا متفقـة؛ بس تفكيـر الأبـو كان تفكيـره إنـه يبـا الفكـة من هنّود و إنها تاخذ واحد عنده خير يرفع من مستواهم أكثر من إنه يستـر عليها؛ كيف ؟ .. بسيطة زواج مانع و هنّود؛ مع إنه ما من بينهم قرابـة لكن الفلوس تغّير النفوس؛ و مايد أخوها لـ شمايل بنت عمه ما دروا عنهم قلوبهم ويا بعضهـا ؟؟)

- بو عيسى يدوخ السيجارة : محد نافعني في البيت غير مي وميود !

- ردت عليه هنود و هي واجفتله صوب الباب : إلا قول منو منزل راسك بين العرب غيرهم !!

(كان هم بوعيسى يدور له على شغل ثاني؛ عسب يحسن من وضعهم؛ عصبيته كانت زيادة عن اللزوم؛ نش لها و صفعها هذيجي الصفعة و دفرها على الأرض؛ نعم كانت المتمردة بين اخوانها؛ و هاكي اليوم مول ما يتنـسى كانت مخلصة الثانوية العامة و نتايجها ظهرن ..ومحد باركلها غير امها وعيسى ويدها ويدوتها ..)

- عيسى : لا تزعلين يا هنودتي؛انتي اتعرفين انه مب من خاطره ..

- هنود: مبيّن !؛ من استويت وهو ما يطيقني ..ويبّدي عليه بنت العراقية !

- عيسى : خلي عنج هذا كله ..اتجهزي باجر بوّديج وبحوّطج في دبي ..

- هنود بلهفة : صدق عواس؟ ومنو بيي ويانا؟

- عيسى : فديتج هاتي اللي تبينه ..

- هنود: والله العظيم يا عواس ان خليت بنت العراقية تي ويانا بجتلك !!

- عيسى ضحك كم خاطره؛ كانت ضحكته عذاب : لويش؟

- هنود: هذي كلمة مانع .. تذكرها ؟

- عيسى: اعنبوا يوم اتلاقى وياه لازم هالكلمة تنقال

- هنود تضحك : خلنا من منّوعي ! عادي اييب فطومي ؟

- عيسى : عاشت ! بتيبين حرمتي ؟ الا قولي كيف بتجلعينها وعندها 100 الف حراسة ؟

- هنود: ربك بعد يوم أريد شي !!

(أصبحوا ثاني يوم؛ نش عواس الفير يصلي؛ وهو راد من المسيـد ..)

- عيسى : السلام عليكم ..صباح الخير بغروووبة (امه) اللي ما فيها حييلة (- ويبوسها على راسها – )

- غريبة : يعلني افداك يابويه ..حبتك العافية ؛ يالله اقرب بنتريق ..

- عيسى : جريب يطوليه بعمرج ياغير بسير اتريق عند يدي حمد ..

- غريبة : عيل الله يحفظك وسلم على امايا وأبويه..

- عيسى : ان شاء الله يبلغ .. وعي هنود على الساعة 9 بطلعها ..

(قبل لا يظهر؛ يسمعون زعيج .. )

- مي : والله لأراويك يا ميود ..انا تحط فمرحاضي معجون والله لأراويك (- واتزلزل البيت من صريخ مي-) تعال هنانه ..

- ميود: ما بيي هناانه خخخخخخ شو بتسوين؟؟

(وينزل ميود وياخذها شردة ومي وراه وفصخت نعالها وفرته ..عيسى كان مدبر بيظهر ..)

- عيسى :آآآآآخ

- ميود : ويييييو على راسه !!

- عيسى : ميود !! يوز عنها !!

- مي : آآآخ اسفة يا عيوني !!

- عيسى : لا فديتج عادي ..ان شاء الله لو ضربتيني بجاب ما بنطق بحرف ( - سارت حبته ع راسه – )

- مي : love you brother

- عيسى ويغمز لها : love you too sister

- ميود : يالله عالحب الاخوي انا !! الله لا دامها !!!

- ام عيسى : اعنبوا كلامك كله سم ؟ انفد حجرتك وصل الفيّر !!

- مي: عواسي؟؟ وين بتوّدي هنود؟

- عيسى : بوديها دبي ..

- مي : وانا؟

- عيسى : انتي؟ بوّديج ورا باجر روحج محد وياج ..وين تبين تسيرين؟

- مي: صدق يا عيوني؟ انا ابي اسير امارات موول .. بس باباتي ما عطاني فلوس ..

- عيسى : وانا وين سرت؟

- ام عيسى: خلاص يا امايا ..انا بعطيج ولا يهمج ..

ظهر عيسى عنهم صوب بيت يده ..

- عيسى : هود !! هود!! هيييييييييههههأأأأأأأأ !! وينكم يا عرب؟

- نشبة: مرحبا ... هدا هدا .. يا حمد!!! حمد!!! (وهو يالس حذالها وتزاعج) حمد وصمخ!!!

- حمد اخوها : جيه تزاعجين؟ اصمخ؟ ما اسمعج؟ منو ياينا؟ (- وهو يصد - ) عيسى؟ يامرحبا وسهلا اقرب يا بويه !

- نشبة اتحرطم: انا احينه يهزبني .؟؟ امبونك تسمع اللي تباه !! ( - وعيسى يضحك وهو يسلم على يده اللي قام له – )

- حمد: اسمعج !! اسمعج !!

- نشبة : ماقولكم ؟ يسمع اللي يباه !! اقرب يابويه انته هب غريب !! (- ويحبها على راسها-)

- عيسى : اخبارج خالوه واخبار عزبتج؟

- نشبة : بخير يسلمون عليك..

- عيسى : منو هم؟

- نشبة : هوشي !!

- عيسى يضحك : وعلوم حرمتي؟ تستاهلون نجاحها .. سلمي عليها وباركيلها عني !!

- نشبة : ليش بعد هذا كله ؟ هذي جدامك !!

(يا الله؛ صد لها وهو مكيف آخر كيافة !)

- عيسى : ياويلي وييلاه

(و كانت فاطمة متلثمة وما تبين الا عيونها ..كانت مخبلتبه ..)

- فاطمة: السلام عليكم ..

- عيسى : شكلي احلم ..

- نشبة : لا يابويه ما تحلم ..رد السلام ..

- عيسى : هاااه.؟ عليكم السلام ورحمة الله وبركاته (- وفطامي فخاطرها تضحك – )

- فطيم : شحالك عيسى ؟

- عيسى بلهفة : عمررري ما بنساها هالكلمة ..

- حمد : حووووه!! حوووه !! سيري ازجري ميثووه!!

- فطيم : ان شاء الله ان شاء الله ..

- عيسى بحسرة : يدّي خربت ياخي!!!

- حمد: شو تقول؟

- عيسى يصارخ : ماشي!!! ( - ونشبة تضحك –)

- حمد: انزين جيه تزاعج؟

(عادة يلس عيسى يتريق ويا يده؛ على أمل إنه فطيم ترد تظهر له .. لكن خاب أمله لنه مطرشين البشكارة ويوم هو مروح كان مستانس؛ لكن اييـه واحد شرا الباكستانيـة .. )

- حسن :باجر العملية الساعة 9 والله يوفقك .. (- هو زاغ – )

- عيسى ويصد يمين : ليش ما اتصلت؟

- حسن : قلت لازم اشوفك يا خوك ..هذي العملية خطيرة ..

- عيسى : مانع يدري ؟

- حسن : اكيد يدري .. ولا تنسى اللي دربناك عليه ..وعلى الساعة 10 بالكثير من يطلع من البيت بنزخه ..

- عيسى : الله يوفقنا ان شاء الله

- حسن: ما تباني ايي وياك؟

- عيسى: ما بيصدق ..لازم نزخه هو وجشاره ..

- مايد : اتزخ منو هو وجشاره؟ ( - وزاغوا اثنينتهم- ) هااااااه؟ علومك خان؟





>>لا حوووول شو بيستوي بعواس؟؟ بيعرف ميود بالخطة ولا شو؟؟ وكيف بيكون لقى عيسى ب فطيم <<

دانوه
01-05-2008, 06:32 PM
منـسيووووووووووووووووووووووووووووووووووووووووووووو وووووووووووووووتـيييييييييي

كمـلي الـقصهـ دخيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييلجـ

بلـييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييـز

واللهـ القصـه عذاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااب >_<

المنسيه
01-05-2008, 06:43 PM
( الـــبــارت الخـــــــــامـــــــــس )


- عيسى: ما بيصدق ..لازم نزخه هو وجشاره .. (– في لحظة إييد واحد تييي على جتف عيسى – )-
- مايد : اتزخ منو هو وجشاره؟ ( - وزاغوا اثنينتهم- ) هااااااه؟ علومك خان؟-
- عيسى : ميود؟ شو تسوي هني ؟ انزين عبدالله انته توكل وباجر بنتفاهم ..
-
- حسن: اوكي ارباب ..
-
- عيسى فخاطره : عوذبالله من ابليس زيّغني !!
-
- مايد: ياي اعرف شو سالفة الجشار ..
-
- عيسى : عن الغلاسة الزايدة !! اقبض طريجك !!
-
- مايد: بتعطيني موترك فديتك؟
-
- عيسى يتغيلس اكثر : لا فديتك اقبض التكاسي ما يقولن شي!!!
-
- مايد: افااا!!! واخوك حبيبك؟
-
- عيسى : بوّدي قوم هنوّد دبي !!

- مايد: اوووهوووه !! انته الرمسه وياك ما تفيد !! علّك بالحراق !! (- ويسير بعيد – )

- عيسى : الله يسامحك ياخويه ..

(يدري بأنه مايد ما يقصد برمسته؛ بس مايد كان مشتط و يسب ؛ كان يبا كل شي له، بس مب محصلنه لنه أبوه مب موفرنـه ..يعني حتى فاضل كان قاسي على عيسى وهنود ..وحرمته اللي صابرة عليه ..ودخل عيسى البيت)

عيسى : اميه؟ يا اميه؟ وين هنود؟؟ (دق على حجرة امه محد رد ودخل .. ويسمع صوت في الحمام ..حد يهاوع ..) امييه؟ انتي بخير؟

ام عيسى: ياية !! ياية انزل وبييك !! (وهو زاغ على امه ونزل وهو متوتر ..وطلعت من حجرتها ومحمر ويهها مب طبيعي ..)

عيسى مستهم: اميه؟ خير؟ أوديج المستشفى؟

ام عيسى تبتسم: ما فية الا كل خير .. (ويلست تشرب قهوتها)

عيسى بفرحة : لا يكون في عضو خامس بيي في الطريج؟

ام عيسى : يابويه تقدر اتقول جذيييه !!

عيسى حط راسه على ثبان امه : لا حول ولا قوة الا بالله

ام عيسى : خير؟ مب عايبنك؟

عيسى : بيي واحد وبياخذج عني يا غروووبة !! انا روحي اغار !!

ام عيسى : يالغيار العوود !! (وتضحك) وحرمتك فطموه؟

عيسى : هذيجي الرووح آآخ يا ويلي ويلاه ..وانتي يا غروووبة ...انتي؟؟ فشعتي قلبي تفشيع ..

ام عيسى: يامنكرك!! يامنكرك!! ..عادة ابويه مب اتخبر حد ..خلني اتأكد اول ...

عيسى : شو تتأكدين؟ خلاص انا اتأكدت لج ..دامج اتهاوعين وتزاوعين ..احينه بييج الوحام ..ابويه وين؟؟

ام عيسى : سار الشغل ..يابوك رحمنا ..ولا المناجر اللي كل يوم انحصله ..

عيسى : شو نسوي ابونا ولازم نستحمله ..اذا نحن ما استحملناه منو بيستحمله .. (ويتنفس بصوت عالي) انزين يا غرووووبة..

ام عيسى : مالك من الله شين ..

عيسى: عاد انا اقووولج جارانتي انه ولد !!

ام عيسى تضحك : شدراك؟

عيسى : احساسي يقول ..

ام عيسى : خلك يا بو احساس ..

عيسى : هي والله .. تفتح احساسي من شفت فطيم اليوم .. (وهو يسمع بطنها ) اميييه؟

ام عيسى : ها يا بويه؟

عيسى : اتحرك الولد !! والله!!!

ام عيسى تضحك : بعده ما مداه استوى اعنبوا !! يابوك يوعانة وبطني يغرغر !!

عيسى : مرة ثانية غيري نغمة بطنج ..نبا انعرف انفرق ياخي ..

ام عيسى : ياخي اسكت خلنا انطالع الاخبار المحلية !!

(ويسمعون غريبة وعيسى هرنات ..وحد مبطل الباب )

- هنود والغبار وراها وتزاعج : يعني شوه؟ بتخيسنا في الموتر من الحر؟؟ وانته ميّلس اتهذرب هنيييه؟؟

- عيسى : اووووووه نسيناج !! سامحينا ياغرووبة بنسرح جدا دار مكتوم تامرين بحاية؟

- ام عيسى : جان بتمرون الجمعية خذوا لي يونية عيش بو سنارة ...

- عيسى يضحك : والله حالة ..لا يكون (متوحمة)

- هنود: يالله عاد فطسنا حر!!! (وتهف بشيلتها اتقول مهفة ..وسارت على طول ركبت ورا صوب الدبة )

- عيسى : انزين.. انزين ياي !! (وهو توة يركب الموتر ..) لا إلـــــــــه الا الـــله ...

- نشبة وشما وميثاء : مــــحـــــــــمـــــــد رســــول الله .. ( صد ورا منصدم ومبجج عيونه وميثاء جدام راكبة ..)

- عيسى : بسم الله الرحمن الرحيم !!! من وين ظهرتن؟

- نشبة : من بطون امنا !! الله يغفر لهن ويرحمهن !!

المنسيه
01-05-2008, 06:45 PM
( البـــــــــارت الســـــــادس )

(يالله على ما اظن انطر حلجه من الابتسامة ..)

• عيسى : فطيم؟

(وفطيم صخت ..كانت ما تواطنه بعيشة الله ..مجبورة تاخذه ..وتبتسم غصب عنها ..)

• فطيم فخاطرها : اوووفف شو يبا بعد؟؟ بيلس طول الوقت اجابله؟؟

(شما تنغزها عسب اترد ولا حياة لمن تنادي)

• ميثاء: يالله بويه اتوكل ..

• عيسى اتكدر : ان شاء الله .. (حرك الموتر ..بس وقف يوم كان بيظهر الموتر من البارك..) امايا شما؟؟

• شما: ها يابويه؟

• عيسى : جان بتبدلين اماكن ويا فطيم ..ما شوف منها !! (خخخ يا مكره ..شكله يبا اييلسها في النص )

• ميثاء: داون داون مافينا بعد ... (عيسى انصدم)

• عيسى: داون؟

• فطيم بصوت واطي : سخيف !!

(وحزتها ماتوا من الضحك عليها ..وبدلوا الاماكن ..واتحركوا وحط لهم ميحد ..)

• ميثاء : يا عواس بدل هالشريط عوّر لنا راسنا ..قابض لنا قمة وقمة وقمة وقمة !!

• نشبة : الا امايا لا يبدل !! هذا سعيد .. يالله !! اسميه احيده هاكي اليوم سايرين بيتهم..ويعّد علية من هاكي القصيد الغاوية!!


(كلهم صدوا انصدموا من الكلمة .. كيف قصيد وغاوية؟؟)

• هنود: امييه نشبة ؟؟ بيسحبون عنج الجواز !!!

• نشبة صدت ورا : شعنه امايا !! بسم الله علية !!

• هنود : بيعطون جوازج لزهور بشكارة اميه شما من التنقيييع !!

• نشبة : اي نقعات هذيييه؟؟

(وضحك عيسى بصوت عالي ما رام ايّود عمره .. وكلهم يضحكون عليها ..)

• شما اتكلم عيسى : ابويه عيسى ؟ متى قررتوا اتعرسون انته وفطيم ؟

(فطيم احمر ويهها ويطالعها عيسى من المنظرة )

• عيسى : امايا خله فطيم اتقرر وين بتدخل من الكليات .. وانا تم من عيوني ..

• فطيم : فقدتها من عيون !!

• شما اتصد ورا : وانتي يا راعية منوع؟؟

• هنود : والله يا طويلة العمر؟؟

• فطيم تبتسم: احينه بيبدا التفلسيف !!

• عيسى يتمصخر : وااايه الحمدلله!! نطقت البنية !!

• نشبة نشت له نشة : فديتها امبونها ترمس بس اتخّيل ..

• عيسى : هييييه انتي دافعي عنها ...بتبدينها علية!!

• نشبة: لا حشا علية !! هي بنت بنتي وانته ولد اخوي

• عيسى بصوت واطي : يالله بدينا بالتخريف !! (ويرمس بصوت اوضح) اخوج حمد اللي هو يدي صح ولا؟؟

• نشبة : هييي صح

• عيسى : عيل كيف خليتي يدي ابويه؟؟

• نشبة : عاد انا قصدي غروبة تكون بنت حمد وانته ولدها!!!

• عيسى يصفق بسرعة : يا سلام عليج !! (ويضحكون)

• هنود: خلوني اكمل ..

• عيسى : كملي كملي ..بس بقطع فرمستج من فترة قاري قصة .. وواحد اسمه عواد كله يعج قصيد ويعصب على اهله يوم ما يخلونه يكمل هههه

• هنود: هييييه مال الجود !!انا قريتها بعد ..غربلها الله هالكاتبة طول الوقت وانا منقبض قلبي على احمد ..

• نشبة : عن شو اتكلمون؟؟ طوّل يابويه عالقمة !!

• ميثاء : ياهي سلطة الزمان !!

• عيسى : شوفوا انا بقول لكم شي مانع ما رمس بالسالفة .. ولا تيلسون اتحطون امال وهالسوالف عالبنية ..

• ميثاء: وهو صادق ..واهله بعد ما كلمونا !! (واتكدرت هنود)

• عيسى حس انه اخته اتكدرت وسار بيفرحها: وانتوا اتحرون منوع دب شرات قبل؟؟

• هنود بلهفة : صدق والله عواس؟؟ (ويلست اتخيله وهي مستانسة)

• عيسى : والله غادي غير قلم.. (ويصيح تيلفونه) هلا ببوراشد ..ههههه عمرك طويل ... (ورفرف قلب هنود)

• هنود فخاطرها : شو هالحظ الحلو؟؟؟ منوع؟؟ يعلك يا منوع اتي المكان اللي نحن فيه ..آآآآآآمين ..

• هنود : اميه ميثاء ؟؟

• ميثاء : عونج..

• هنود : قولي آمين؟؟

• ميثاء اتطالعها بمكر : أدريبج !! آآمين ان شاء الله ..

• نشبة : إشوو؟ علموني؟ وجيه ما علمتيني انا؟؟

• هنود : لأنه اميه ميثاء حرمة مؤمنة .. (ونشت لها نشبة نشة)

• نشبة : غربل الله مذهبج الخايس !! جيه ونحن يهود؟؟

• شما : اقولج انا !! صدقتي يا نشيبة ..اميييه؟ نحن نصلي ونصوم الحمدلله ..في اليوم الواحد (وتسوي بايدها العشرة بعشرة) 200 تسبيحة و 200 تهليلة .. والمسباح في الشنطة ..

• هنود بصوت واطي : يالله كلوني ...

• نشبة : اسمعج !! اسمعج تراني !!

• هنود : شو اسوي يا اميه؟ انتي ماشاء الله عليج محد يسلم من لسانج ..يعني انتي اتسبين من صوب ويروحن حسناتج ويردن يظهرن من صوب بسبت صلاتج خخخخخ

• نشبة : استغفر الله العظيم ... (اونها سكتتها بهالكلام ..صبروا عليها بتننقع عليهم نشبة )

• عيسى : انزين ..ان شاء الله ..نتلاقى هناك ..

(ووصلوا صحارى ..وهم نازلين معتجلين ..ومبندين على عباة شما ..وكانت ميثاء اتحرطم)

• ميثاء: اعنبوا يا شمووه ...بلخة ما تشوفين؟

• عيسى يبتسم : الله سلم صبيعاتها ..ههههه

(وهم يمشون ..وفطيم حذاله وتحاول تسير بعيد ..ويوم وصلوا ما يسمعون الا طاااااخ... )

• شما: والخيبة !! شو هالجلاص؟

• ميثاء ونشبة : اتخيب العدو !!

(وعيسى سيده مسك راسها )

• هنود: لا زجاج هههههه

• عيسى : انتي بخير امايا؟


(وهنود وفطيم يضحكن بصوت عالي ويشاركنهن نشبة وميثاء ..لأنه شما تمشي وما شافت الباب الزجاج ودعمته)

• ميثاء : اسميها مدحوبة !!

• نشبة : زين ما كسرتي جلاصاتهم !!!

• فطيم : امييييه؟ زجاج مب جلاصات !!!

• نشبة : كلهم شرات نفس الشي .. (هالانسانة التنقيع من صفاتها ..)

• عيسى : يا سلام !! يا سلام عالرمسة !! درر ما شاء الله .. (هو والبنات يضحكون)


هل القدر بيجمع بين فطيم وعيسى؟ وهل مانع بيلتقي ب هنود؟

كل هذا باجر .. من غير بعد عملية عيسى باجر شو هي؟؟ ان شاء الله كل شي باجر

المنسيه
01-05-2008, 07:08 PM
(البــــــارت السابع)

>>>> في شي حبيت اوضحه اللي هو انه البنية اللي طاحت فغيبوبة ..تستعيد طفولتها يعني ..تتذكر طفولتها ليييييييييييييييييين عمرها الحالي ...وبنوصل ليين ألمانيا ..يعني ليش طاحت فغيبوبتها وليش الدكتور النفساني ..وكل شي ان شاء الله.. >>>>

( كان عيسى طول الوقت قلبه منقبض بس ماكان يبين لهم لأنه اول مرة بيقبض على عصابة اتروّج المخدرات لا وفبيت شعبي وعلى منو؟؟ على عيال بلاده ..والمشكلة الاكبر اللي يروجون هم كم من شخص من عيال البلاد اللي غرتهم الفلوس من غير ايمانهم ناقص)

(وكلهن اتغشن من دشن المول ..وعيسى سار يسحب فلوس من الصرافة .. توة نازل معاشه 6000 درهم ..سحب 2000 وخلا على ينب 1500 لأمه .. من غير الباجي بيقسمهن لميود ومي عسب يوم بيوديها دبي مرة ثانية ..ما خلا شي لعمره ..يبدي اهله واخوانه قبل ..وكانوا يتشرون بس عيسى يحلف ما يخليهم يدفعون ..اما فبيت بو عيسى ..مايد فغرفته يتكلم في التيلفون ويا بنت ..)

• مايد : هنوووه؟ وين كنتي؟

• هناء : سوري حياتي كانت شوشو حذالي ..

• مايد باشمئزاز : إييييييييييييييه ام السعف والليف !! شو تبا ؟؟

• هناء : ماشي حياتي ..تسألني اذا كنت ابا عشاء ...

• مايد : هيييييه!! بس مب جنج هالايام متنتي وخصوصا انج مربية كرشة؟

• هناء : خلاص انا زعلانة انا تقول عني جذيه؟ يالله باي !!

• مايد: هنوووه غناتي بندي بندي بندي ..وادخلي النت خلّص رصيدي .. (وييه يالقفطة سيده كاش في الويه اتقول ..)

• هناء : تبا رصيد بطرشلك ؟

• مايد عصب : يا حيوانه !! اهبي !! جانج بتغدين شرات اختج اذلفي !! (وبند فويهها ..وهو يضحك ودخل النت)

• هناء فخاطرها : حقير !! والله لأراويك !! (وطلعت برع الحجرة ..)

• هناء : اميييه؟ يا اميه؟

• ام شمايل : هنه ..هنه!!

• هناء : وين شوشو؟

• ام شمايل : سارت بيت بو عيسى ..

• هناء : اووووفيييييه !! وليش ما قالت لي.؟

• ام شمايل : تراج رغتيها حليلها ..امايا .. هذي اختج العودة هالله هالله فيها انتوا خوات ..

• هناء : never mind

)وسارت فوق وفتحت الكمبيوتر ..وشمايل شافت الباب مبطل ودقت الجرس ودخلت ..واحينه بخبركم شو السالفة .. مايد محيرينه لشمايل ..وهي تموت على ترابه ..ااما مايد مايدانيها بعيشة الله ..لأنه هنوه اختها اتكلمه بالدسة على اساس الصداقة بس فارة مخه فر .. لأنه كان حلو وشمايل حلوة .. كانت اتطلع عن اختها انها تظهر ويا شباب واتكلم وايد .. وبعدين صدّق ..وكان يساير فموضوع الزواج عسب الفلوس وبسبب ضغط ابوه عليه )

• ام عيسى : ميود؟ يا ميود !! بو طبر !!

• مايد: اميييه !! كم من مرة اقووولج ما تناديني بهالاسم !!

• ام عيسى : عيل قم قم !!! سر طالع منو عالباب ..

• مايد : وين عنج السبالة ميوووه؟

• ام عيسى : سر يابويه الله يهديك !! (وسار وهو يتحرطم ..)

• مايد : هاااه ثرج انتي؟ شو تبين؟

• شمايل : السلام عليك ..

• مايد بدون نفس : عليج السلام ... نعم؟

• شمايل : هنود ومي موجودين؟

• مايد: ميووه السبالة داخل دشي يالله!!

• شمايل : انزين ليش تفاتن؟

• مايد: اوووففف تراج لعوزتيني !! قولي انج ياية ترمسيني ..تراني ما عندي وقت لهالمصاخة !!

• شمايل متغصصة : ان شاء الله .. (ومشى جدامها وهي وراه .. وهو يبا يضحك لأنه كسر راسها بهالكلام .. اما شمايل عاضة على لسانها مستحملة ..)

• مايد: ميووووه !! السبالة هذي تباج !! (وشمايل رفعت راسها اتطالعه ...وسارت فوق عندها ..وكان يالس يكلم هنوه عالمسن ..وعلى الساعة 12

(ووصلوا قوم عيسى البيت وكانت هنود ميتة من المشي ..وكلهم كانوا رقود ..وعيسى سار يتسبح ..وبرزت هنود اغراضها اتطالعهن وهي مستانسة ..وحد يدق الجرس ..)

• هنود اتحرطم : ياربي منو ياي هالحزة؟؟ ( لفت شيلتها واتلثمت ما تبين الا عيونها ووقفت عند الباب ..) منوووه؟؟ (ومحد رد ..وتصارخ) منووووووووووه؟ (واتكلم عمرها) اوووهووووه؟ جيه ما يردون؟؟ (وبطلت الباب وحصلت X5 عند بيتهم والفضول جايسنها ..عجت اللثامة وشدها انه الموتر كله تراب ومغبر ..ويلست تكتب بصبعها عالدريشة .. ## مالت عليك .. وععععع## وتضحك وتشرد داخل ..وهالريال كان في الدكان ولمحها تركض داخل ..يبا يعرف شو كانت تسوي ..ويربع لموتر ..ويشوف موتره ويضحك ..)

• مانع: اسميها ياهل !! (ويدق الباب..)

• هنود: انا ياهل؟؟ انا براويك يالهيس!! (وتزاعج تقلد مي اختها ) منووو؟ منو يا عيوني؟؟ (وكانت ماسكة عمرها تبا تضحك بس مب رايمة)

• مانع منصدم : ياعيوني؟؟ (وبصوت ينسمع) عيسى موجود؟

المنسيه
01-05-2008, 07:44 PM
( البـــــــارت الـــــــثامــــــن )

• هنود: انا ياهل؟؟ (وتزاعج تقلد مي اختها ) منووو؟ منو يا عيوني؟؟ (وكانت ماسكة عمرها تبا تضحك بس مب رايمة)

• مانع منصدم : ياعيوني؟؟ (وبصوت ينسمع) عيسى موجود؟

• هنود: شوووووووووووووه؟؟

• مانع يزاعج : عيسى!!! عيسى موجود؟؟

• هنود: ماسمع يابويه عل حسّك !!! (ومحمر ويه هنود تبا تضحك)

• مانع فخاطره : حشا ما يسوى علية!!

• مانع: لا حووول!! (ويزاعج) عيسى !!

• هنود تتكلم شرات يدها حمد : بس يابوك سمّعت اليّران ..اتحراني صمخة؟؟ من اقووله؟؟

• هنود فخاطرها : فديتك يا يدي !! (وحزتها ضحك ..)

• مانع: قوليله بوراشد .. (ويخفق قلبها بخفقة مب طبيعية ..)

• هنود فخاطرها : ويه ويه ويه الحب مالي هنيي؟؟ هااااااااايه يا مانع !! (وتنقز ..وتمشي يميين وترد يسار.. راسها داير من الفرحة) ياربي وين اضرب براسي ..وين ..!!

• هنود: ان شاء الله..

( .. وبطلت الباب عالخفيف قالت بتقبضها شردة داخل بس اكيد بيشووفها وهي ما بتشوفه وهي ما تبا يفوت اليوم بدون ما تشووفه عشرت سنين وسنين ..صديق الطفولة والريل المستقبلي ....واتلثمت وطالعت فوق جان اتشوف الغافة اللي حذال الباب واتعلقت بالجذع اتقولون سبالة متشلبحة..ربّعت ريلها وما يظهر منها غير عيونها ..ههههه ام الدويس .. ما يسوى عليها هذا كله خخ ..)

• هنود فخاطرها : ياهو بلى !! بس والله لأشوفك بأي طريقة ..لو على قطع رقبتي (وقلبها يدق بسرعة .. واتنفس بصعوبة)

• هنود اتكلم شرات امها :أبويه ..؟؟ انته اقرب الميلس على يمينك ..

• مانع : ان شاء الله قريب .. احم احم ..

(وهي قابضتنها ضحك بس عالهزاز على الاحم احم ... خخخ وهو صد يمين ويسار ما حصل اللي كلمته .. ويصيح تيلفونه .. وقف وبند الباب وراه ..)

• هنود فخاطرها: ياويلي ويلاه !! منووووع؟؟ اسميك غرشوووب!! آآآآآآآآآآآآآآآي قلبي!!! الحقوا علية !! بدوّخ .. واعلية عليييك ضعفت ..لا خلييت من هالعيون .. وهالغزووز .. اندووك انته !!! حليييله واعلية على حواجبك سامحني سامحني .. ( فالعتنه يوم هم يهال بحصاه ومسوية ندبة صغيرة على اخر حواجبه ..) لا بس محلتنك !!

• مانع : يصير خير باجر من اوصل المركز ياطويل العمر ...فالك طيب ما طلبت .. الله يحفظك ..

(وهي اتطالعه وقلبها يرفرف الا قولي ينبض بنبض مب طبيعي ..وهو يمشي .. وشاجة الحلج من الفرحة .. وسمعت شي يتحرك حذالها ..صدت يسار ..انه قطوة سودة وعيونها صفراء مادري خضراء .. من حطت هنود عينها فعين القطوة ..)

• هنود: إييييه !!

(صد يطالع من وين هالصوت ياي ..شاف شي يتحرك صوب الحديقة وبعدين شاف شي بعد يتحرك صوب الغافة ..)

• مانع: لا يكون سرووق؟ اهب!!

• هنود ترمس شوي شوي : غربلج الله بعيد !! جب !! جب !! جب !! خليني انزل والله لأراويج .. سيري غربل الله هالعيون .. (وتشهق شهقة قوية ..لأنه مانع ياي صوبها )

• هنود فخاطرها : يا هي وهجة !! ويييه يالفضيحة !! وين اضرب براسي .. (وجان اتقوم عن الجذع وبينّت ..)

• مانع يزاعج: انا يا ينك يالسروق يالسروق !! انزل ولا والله لأغسلك .. واشلك ويايه الشرطة .. ( ويربع صوبها .. وهي قلبها يدق وعيونها دمعت من قال الشرطة .. حليلها لابسة جلابية زرقاء غامجة فتبيّن شرات الكنادير مال الرياييل .. ويوم توها بتحط ريلها على الجذع الثاني ..وصل مانع) انزل اقووولك !! ..والله اسويها وأأيييك فووق ..

المنسيه
01-05-2008, 07:45 PM
(الجزء التاسع)


هنود فخاطرها : والله ما رمست هالحزة وياك !! هاللي ناقص بعد!! يالله اتفججني من محنتي !! (وحطت ريلها عالجذع الثاني .) آآآي ريولي اتيرّحت (ومسك ريلها ..وهي زاغت وانتفضت ..)

مانع: سوّد ويه ابووك حوّل اقولك حوّل !!! (واتدوسه فراسه ..وطاحت عصامته ..) آآآخ الله ينطبك !!!

هنود فخاطرها : دواك يالهيس !!

(وكان الجذع الثاني برع البيت ..وعفدت عفدة حست عمرها روحها بتظهر ..وتتنفس بصعوبة ..وتركض وتنخش ..ومانع بطل الباب ..صد يمين ويسار ما حصلها ..)

مانع : يعلك العدم .. اتعفد على بيت الحرمة (قصده هند).. والله لأحصلك !! (ووقف حذال موتره ومن الغيظ اللي جاسه رفس التراب وروح داخل ..)

هنود: آآآي عيني !! (واتحرطم واتحج عينها ..) انا على اخر عمري انخش تحت موتر لا وبعد رفسني فعيني؟؟ آآآآآي !! هااااايه هاااايه وينج يا نشيبة اتدافعين عني .. آآآآخ اتكسرت !!! (وقامت شوي شوي وتنفض التراب عن ويهها وسبته سب ..) احلم اني اخذك !! حمار واحد !! عميت عيني

(اما في الميلس )

عيسى : يا هلا يا مرحبا ..بلاك بوراشد مبهدل؟؟

مانع: ..عواس!! ما لحقت ياخي ... واحد عافد على بيتكم .. (عيسى انصدم )

عيسى : شو تقول يا ريال !!

مانع : هي والله ..اصبر انا توّني مسوي حق واحد من الربع ..بخلي دورية اتحوم ففريجكم ولا هالسروق !!

عيسى : يابويه هذا ميووود محد غيره !!

مانع: خلنا من هالسالفة ..سوالك الريال؟

عيسى : هيييه نعم ..سوا .. بس والله شكله خوّان !! دامنه يتعاطى ..

مانع: نحن نبا مصدر البضاعة من وين عسب انزخهم كلهم ولا يهدمون عيال بلادنا !!

عيسى : هيه والله صدقت ..

مانع : بس هالمرة ان شاء الله بنتوفق دامنه الشيخ يدعمنا .. بس اباك تشل سلاحك وياك وهذن البيزات ..10000

عيسى : بس مب جنه وايد ..

مانع : انته سو اللي عليك يا عيسى وهالله هالله بعمرك ... اقرا آية الكرسي ..

عيسى : هههههههههه بلاك متخوّف ان شاء الله كل خير .. واخيرا اذا نجحت بترقّى ..

مانع : عرسي وعرسك فنفس اليوم ..شو رايك؟؟

عيسى :: ماشاء الله بتعرس؟؟؟ بالبركة علييك بس اترياني ... (وكان عيسى زايغ ..بس يجيس النبض..)

مانع: وشخبارها عروووسي؟؟

عيسى سيده ابتسم : هاكييه في الصالة ..توّنا رادين من السوووق ..حليلها مستانسة انها نجحت .. (مانع كان بيقول حق عيسى شي بس سكت .. واحمر ويهه .. يمكن انحرج ..)

مانع وقف : انزين عيل انا بترخص..

عيسى : على وين ..على وين ..يا مذهبي الخايس حتى نسيت أقهويك ..

مانع: نحن مبينا قهوة؟؟ ما حيد .. انا بقهويك فعرسي خخخخخخ

عيسى : ان شاء الله ..اللهم آآمين ...

مانع: يالله عيل فمان الله .. (ووصله لين الموتر .. وهو راد يشوف هنود اتحرطم ساعة كاملة ..)

عيسى : بلاج انتي بعد مبهدلة بالدور؟؟

هنود: شوف لا تكلمني لأني واصلة حدي ..

عيسى: جيه شو صاير؟؟

هنود : هذا الجلب منوع !!

عيسى: منووع؟؟ جيه بلاه؟؟

هنود: انا قلت ما بغيه يشوفني يبالي سنة لين اركض .. واتشلبحت عالغافة ..

عيسى منصدم :شوووه؟ سبالة ؟؟

هنود: عواس عن المصاخة !! (وينقع من الضحك يتخيلها كيف متشلبحة عالغافة ..) وهاي الجلبة القطوة ..

عيسى يضحك : يالله اميييه نشبة ورثتج التنقيع على اصوووله .. اتسبين القطو واتقوليله جلب؟

هنود: جاب جاب ..ويقول عني سروووق !!

عيسى : هاااااااااااااااايه هههههههههه حسبي الله عليكم ما روم بطني بطني !! وانا اقوووله لا !! هذا ميوود!!

هنود: وانخشيت تحت موتره ..

عيسى : غربلج الله لو داسج !!

هنود: لو يموووت ما خذته الهيس !!

عيسى : تحلمين الا قولي اتمنينه !! هذا النسيب عن الغلط ..

(والصبح نش يصلي الفير ..وقلبه منقبض .. ورد البيت ..)

ام عيسى : يا هلا ياهلا ...

عيسى : وايييه فديييت هالويه !! اميييه عن انسى قولي حق مي اني ماروم اوديها ان شاء الله باجر وهذوه المصروف وزعيه .. وهذا لج والله ما تعطين ميود انا عاطنه روحي (وسيده طاح ع ثبانها ..هاي العادة دوم عند الشباب .. وايييه اتصال وقام بسرعة وطلع ..)

هزاع : اتغيّر الموعد ..

عيسى: شوووه ؟ شعنه؟؟

هزاع: جان تبا البضاعة تعال الساعة 10 هالمكان .. اوقف فهالمنطقة وانا بييك ...

عيسى: خلاص تم ... (وبند عنه ..واتصل ب مانع بس ما يرد ..جان يتصل ب حسن ..) ..هلا حسن ..

حسن: يا صباح الخير ....

عيسى : انا ما عندي وقت يا خوي ترا الريال غيّر المكان ..

حسن قام من مكانه: اشووووووووووووووووووووووووه؟؟؟

عيسى : وين انزين مانع؟؟

حسن: سار يرمس الشيخ ... وياخذ الاذن ..

عيسى : من الغبشة؟؟

حسن: شو اتحرى .. يوم السالفة وايد قوية لازم إذن ..

(وبند عنه .. وسار بيت يدوته يبا يشووف فطيم .. لأنه الكلام جدي لازم يصير .. )

عيسى : السلام عليك يدي !!

اليد حمد : يا هلا يا مرحبا وسهلا بولدي ...

عيسى : علومك يدي؟؟

اليد حمد: هااااه؟؟

عيسى يضحك: ردينا على طير ياللي !!

اليد حمد : أي طير؟؟

(ودشت نشبة عليهم وسمعتهم ..)

نشبة : وتلوموني يوم اقووولكم؟؟؟ السلامن عليكم ...

فطيم: السلام عليكم ..

اليد حمد وعيسى : عليكم السلام والرحمة ...

نشبة: ميثوه وين؟؟

عيسى : معسكرة في المطبخ ...

نشبة : ابويييه هيييه من استوت هناك تيلس ... ونشيبة يت؟

(عيسى وفطيم نقعوا من الضحك )

عيسى : يالله يا اميييه .. وانتي شو اسمج؟؟؟

نشبة: ردينا؟؟ انا نشبة .. اوووووووووووووووووه !! شميم شميم ..!!!

اليد حمد : شميم ما يت يالمدحوبة !!

نشبة : المدحب محد غيرك ..

عيسى : اميييه بغيتج انتي وفطيم في الميلس ...

(فطيم زاغت ..)

نشبة : ان شاء الله ...

(ودشوا الميلس وهو كان يالس فآخر الميلس .. ونشبة وفطيم حذال بعض ..)

عيسى وملامحه جدية : انا يا اميييه اباج تسمعيني انتي وفطيم ... انا ان شاء الله عندي شغل اليوم واذا وفقني بيرقّوني ..وبيرفعون معاشي ..

فطيم رفعت حواجبها مب عايبنها الوضع : وقصدك تبا اتجدم العرس؟

عيسى : هيه نعم ..انا ما بمنعج عن دراستج بس انا عالعرس ماروم ما عندي لو تبين عيوني بجلعها لج وبعطيج اياها .. ما يغلى عليج ..

فطيم بكل غرور: خلها لك ما ريدها ...

عيسى : ممكن تسمعيني ؟؟

نشبة : انطبي واسكتي خليه ايكمل كلامه .... كمل فديتك الشيخ ...

عيسى: انا بملج عليج .. واللي اقدر عليه بحطه ..

نشبة : ونحن شارين الريال يا عيسى وموافقين ..

فطيم : ومنو قالكم اني موافقة؟؟؟ هااااه؟؟ تجبرون وحدة واتحيّرونها وهي ما اتطيق هالشخص؟؟

عيسى منصدم : هاااااه؟؟

فطيم : هيييه مب هاااه !! اصلا انا ما اطيقك ولا اطيق حتى غلاستك الفاضية .. وجانك تبا اتعرس خذ هنووه وايد بنات الا انا .. فهمت مادانيك ولا اطيقك بعيشة الله!! (وطلعت وهي رافعة خشمها ..)

عيسى مبجج عيونه : الله يهنيج يا فطيم ...

(واحمر ويهه وظهر من البيت حتى ما اتريّق ..كيف فطيم اللي هي فطيم اللي عاشقنها ..تهدم كل شي بإيدها ..هو عمره ما غلط عليها .. وكان في الموتر وعم الهدووء كان ايفكر لين اتصل به مانع يكلمه وسار لين مكان يبدل فيه وكان لابس بنطلون وفانيلة ومتضايج حده .. وخلاف سار المكان اللي قاله هزاع ..ووراه ربعه اللي في التحريات بس بمواتر عادية ...وبعدين اتصل به هزاع ودلاه المكان .. كان مكان بيت عادي شعبي محد فيه .. وقرا آية الكرسي ودخل ..دق الباب وبطل له واحد باكستاني .. ودخل .. وسار الصالة ويلس .. ويا صوبه واحد ..وقام عيسى ومبجج عيونه منصدم ..شو هالصدمات اللي اتحتذف عليه ..)

هزاع: يا هلا والله ... (وانصدم هزاع انه عيسى وعيسى بعد اخسين ..)

عيسى : هزاع؟؟؟ شو تسوي هني؟؟؟ تتعاطى؟؟ لا ما اصدق !! والله لو يدريبك منوووع بينحرك !!!

(هزاع يكون اخو مانع ..)

المنسيه
01-05-2008, 07:47 PM
(البـــــــارت العاشر )

هزاع: شو ينحرني ؟ جيه هو شدراه؟ انته بتخبره؟

• هزاع أصغر من مانع بسنة وانسان طايش ..وبطالي ماكمل دراسته وكله ويا ربعه الخايبين شراته ويعتمد على امه ومانع في الفلوس .. يتعاطى الهيروين من سنة ..ويروّجها بعد ..مع انه ملامحه اتبيّن انه وسيم لكن يبين انه مكار ..

عيسى اتوهق : شو اخبره الله يهديك ..خلك عون هب فرعون !!هههه he's just my friend that’s all..

هزاع : سمعت انك تشتغل سكرتير .. شو يايبنك لطريجنا؟؟

عيسى : والله ياخي ملينا !! (ويحط ايده ورا راسه يبين انه هو مستريح) كله شغل وكراف ..خلنا انعيش ونستانس الحياة حلوة !!

هزاع : هي والله صدقت ..انزين ما علمتني شو نوع الحلاوة اللي تستخدمها وتبا الكمية العودة حق منو ؟ (حلاوة =مخدر )

عيسى : الحبوب وانته؟ (وهزاع حسّر عن ذراعه اليمين ) هيييييه..انا ابا كمية لي ولربعي ..واحد من الربع خلاني اجرب بس وايد ياير يوم يبيع وانته سعرك وايد زين ..يالله يالله بسرعة عطني .. (وكان عيسى يمثل انه ينتفض ..وعيونه تبيّن من التعب بس الاصل من المكياج حاطين له تحت عينه اللون اللي يبين انه تعبان قريب من البنفسجي الاملح)

هزاع : ويبت البيزات وياك؟؟

عيسى : فمخبايه هاذن !! (وطلعهن ..ويصيح تيلفون هزاع ..وقام)

هزاع : لحظة بس ... (ويطالع عيسى بمكر )

عيسى : اوكي ...

(وهزاع دبّر عنه وطلع ..وعيسى يطالع التيلفون الثاني ماله وكان مشغل التسجيل وخشاه ورا التكية ..عسب ما يفتشه هزاع وطلع التيلفون الاول ويلس عدل ..جان يطرش مسج لتيلفون نشبة يعرف انه فطيم بتقرا .. "أغليتج وعمري ما قللت قدرج واعرفي انه اللي ما يباني ما بصيح ابغيه "

هزاع يتكلم في التيلفون : هلا بقلبي وعيوني ..هلا بسبالتي ههههه (وهو بالاصل لو تدرورون في المعاجم مي معناتها سبالة ..خخخخ..المعذرة من اللي اساميهن مي ..)

مي :جاب جاب !!! وين انته يا عيوني ؟

هزاع : انا في البيت ...

مي : انا لازم ارد لك موبايلك ..ياخي ماقدر والله بنكشف والله لو درت هنود ام لسانين بتخبر علية !!

هزاع: انزين ابا اشوفج ..

مي: ويييه يا عيوني انته تامر ..بقول لأمي اني بنام عند شمايل ..

هزاع : خلاص لقانا عالساعة 11 .. (وإيييه الباكستاني ..) انزين بسويلج خلاف ..

الباكستاني مفزوع : ارباب ارباب!! هذا بوليس برا انا في شوف !! والله والله ارباب !! (وانصدم هزاع ..)

هزاع: شووووه؟؟ شدراهم ؟؟؟ (وزاغ هزاع ..وحزتها عرف انه عيسى هو من الشرطة وخصوصا لأنه ربيع مانع اخوه)

الباكستاني : والله في شوف... هذا يسوي لبس سيم سيم انا..!!! بس انا في عرف!! هو وقف بارك وكلوا داخل السيارة انا في سمع سيارة شغل (تشتغل) بس مافي انزل.. 5 سيارة !!!

هزاع : الله يغربلك يا منوع وهجتني وهجة واكيد مانع وياه ...والله ما اطوفها لك والله !!! ناصر جهز الحبل والابرة في الحجرة (ودش داخل وهو ميت من الغصة بس الا ينتقم.. ويبتسم هزاع) كل شي جاهز اتفضل الحجرة سلم واستلم ..

عيسى : جيه ما يبته هنيه ؟؟ (حزتها شك ..)

هزاع: الكمية وايد هب شوية ..

عيسى : انته مالك امان هات البضاعة لين عندي وابا اشوفها وافحصها ..

هزاع ابتسم بس بخبث : ان شاء الله تامر ... (وسار عند ناصر ويابوا البضاعة فكرتون..وناصر قفل الباب .. حزتها عيسى بجج عيونه شو السالفة ..)

عيسى : جيه قفلت الباب ؟؟ لا يكون شاك فية ؟؟؟

هزاع: ههههههههه شاك فيك؟؟؟ههههههههههههههههه (ويحمر ويه عيسى وقلبه يدق بطريقة هب طبيعية لأنه احساس الخطر ياي صوبه ..) ناصر اربطه ...

عيسى : اييييييييييييييه شووووووووووووو !!! (وهزاع يمسكه وعيسى يفلت عمره منهم بس ناصر يمسكه بقوة لأنه ناصر جثته عودة ..) شو بلاك هدني اقووولك (ويرفس هزاع)

هزاع : آآآآخ الله ياخذك انا احينه براويك !! (وياب حديدة طويلة وضرب به ع بطنه..)

عيسى : آآآآآآآآآآآآآآآآآآآآآآآآآآآآآآآآخ !! (ورفسه مرة ثانية عيسى حزتها حصل بوكس بحديدة على ويهه خلته يصرخ صرخة كأنه رقبته من زود الضربة افترت ..وضربه بنفس الحديدة على بطنه ..يبرد حرته ..والدمان ينزل منه ..وهو يوّن من الويّع ...إلا داير راسه ...)

هزاع: ناصر اربطه !!! (ورد ايد عيسى على ورا وربطه ..) والله لأكسر خشومكم يا عيال فاضل ... اتفي عليك وعلى هالويه !! (وطاح عيسى عالارض ..) ناصر سير بطل الباب الصغير اللي من ورا ..وشوف حد ورا ولا لأ .. وحط كل البضايع داخل الكورولا..

اكمل ولا لأ؟؟

المنسيه
01-05-2008, 07:50 PM
(الجزء الحادي عشر)



(اما عند مي وهنود كانن يتحرطمن في الشارع ويتضاربن وكانن بشيلهن البيض وشالات خلاجينهم لأنه منقطع عنهم الماي ..وسايرين يتسبحون بيت بوغريبة..)

• هنود: جاب جاب !! هديني اقولج !! حمارة وحدة !! (وتضربها مي على راسها ..)

• مي: انتي الجلبة !! ليش تاخذين قميصي الفوشي !!

• هنود: مالت عليج وعلى قميصج فوقج .. هذا قميصي اصلا ..امايا قمصانج قياسهم لارج وانا ميديوم يا تيسة خخخخخ !!! قصدي يالدبة !!! ..

(ودشوا البيت والحريّم يتريقن ..)

• مي وهنود فنفس الوقت : السلام عليكم ..

(وسيده طالعن بعض وكل وحدة صدت الجهة الثانية ..)

• نشبة وميثاء وفطيم وشما : عليكم السلام والرحمة ..
• شما : ويه ويه ويه ليش يايبين خلاجينكم؟ حسبي الله عليك يا فضول !!
• نشبة ترفع ايدها فوق وتدّعي: يعلني اشوف فيك يوم منكسر كسرة يا فضول !!

(وهم يضحكون وميثاء اتأشر بإيدها ..)

• ميثاء: سيرن اتسبحن سيرن ندريبها السالفة !!
• هنود : اميه نشبة !! وخصر مثل كسرة وراها ضمة وفتحة على حد السكون تواجه !!
• نشبة : سيري سيري الله يهديج !!


(وهنود صدت ورا توايج من الباب ..)

• هنود: انا قلت لكم اني سمعت صوت !! (وطالعتهم ) ويه ويه ويه!!! ؤيال ياي صوبنا !!

• ميثاء : يالجذابة العودة !!

• هنود: والله اني ما جذبت !!

• نشبة : ويه ويه ويه دامنها حلفت !! اشتلن اشتلن لا يكون عبيد ربيع حمد !! ويييه يالفضيحة هاتوا برقعي مادري وين فريته !!!

(واستوت عندهم حالة استنفار يتراكضن .. شمة المطبخ وميثاء وراها ونشبة اونها اتحبي اتقولون سمسوم اتدوّر على برقعها ..وهنود ميوّدة بطنها من الضحك على نشبة ومي وفطيم دشن داخل..وبطلت هنود باب حجرة يدتها عاليسار ودشت الحمام..)

• هنود تزاعج عسب تسمعها نشبة : اميه نشبة البرقع على راسج !!

• نشبة : حسبي الله عليكن

(وحطت شعار دولة الامارات قصدي البرقع ..ويوم توّها شالة ركبها بتقوم ..)

• حمد: شو عندكن؟
• نشبة : وين الريال؟؟

(وهي تناهي ..وهييييييييييهأأأ جد قفلت هنود الباب عليها ..الحرمة قاصة عليهم ومي اتدق عليها واتوّعد لها بالويل ..)

• حمد: شو تقولين ما اسمعج ؟

• نشبة تتنهد : اقبض الباب اقولك !!

• حمد: شوه؟ ما اسمعج !!!

• نشبة : حسبي الله عليك !!

• حمد: مسوّدة الويه جيه اتّدعين عليّة؟

• نشبة : يامنكرك !! يا منكرك عيل هذا سمعته !!

(وردوا يكملون ريوقهم واليد اتريق مال بسرعة بسرعة لأنه بيظهر ويا ميود ..وهنود ينسمع صوتها وهي تغني في الحمام..)

• ميثاء : حسبي الله على هالبنية !! (وتزاعج ) بس يا اميه الله يهديج !! Come come!!

• نشبة : اشووو اتخمه؟ (وتزاعج) يا هنود !!

• مي : يا ام السعف والليف !! اطلعي يا عيوني !! (والصوت يتردد وخصوصا صوت مي )

• نشبة : ياامايا يا هنود !! اظهري الله يهديج !! بسّج من التلعليع!!!

• هنود وتزاعج في الحمام : اركب الحنطور درقن درقن واتحنطر درقن درقن !! (خخخخ الناس في حالة وهي في حالة )

• ميثاء اتحرطم : سير فججها يالمهيندي !!

• نشبة : ويدييييه شو تقول هذي؟

• فطيم: عاشت عاشت !! درقن درقن !! ههههههههه

• هنود تزاعج : اهداء هاي الاغنية لفطيم ونشوبة الحلوة واهداء خاص لميوووه السبالة ... احم احم كح كح كلتوني !!

• ميثاء : يالله شدي !! اسمعي سمعي الطفاسة انتي بس !!

• هنود: يالله ميوووه يا عيوني !! (واتقلدها) اركب الحنطور درقن درقن !! (وفطيم سارت اتغسل وميوووه مشتطة)

• شما: امايا زهور !! يا زهور !! سيري دقي على هنود !! محد مخلص مياهة فريجنا غيرها ..

• نشبة : عشان جيه يايين يتسبحون عندكم ..

• ميثاء: الا امايا ..هذا ابوها الهرم ماطاع يدفع فاتورة الكهرباء والماي وقطعوا عنهم الماي ..

• نشبة : حسبي الله عليه ..عيل شو بيسوون ؟؟

• ميثاء : امايا انا اليوم مطرشة ميود وعلطتنه البيزات يدفع .. شو نسوي لو مب هالفقارى جان ما دفعت ..
(ويوصل مسج لنشبة وشلت التيلفون)

• نشبة : ألو؟ ألووووه؟ ألووووه يا مالك السم !! تتصل وتبند ادريبك تبا اتسمع الحس ملعون الصير !!

• شما : امايا يمكن يا ينج مساج .. ( خخخخ شكلها تبا حد يهمزها ..)

• ميثاء : إييييييه المدحوبة !! أي مساج يسمونه مسك (مسج= مسك عند العيايز كل شي جايز)

• نشبة : امايا فطيم ؟ يوووووه فطيم؟ فطيم وصمخ !!

• فطيم : ياية ياية!! (ويتها ) آمري يا عيون فطيم ..

• نشبة : ماباهن عيونج احينه مسوّدة الويه ..سيري فجي التيلفون يايني مسك !!

• فطيم تضحك : مسك ؟ يالله عالمسك والعنبر !!

• نشبة : تنطزين؟ سوّد ويه ابوج مسوّدة الويه .. (وشلت التيلفون واتطالع) منو مطرش؟ يمكن مال الشؤون !!

• فطيم : لا اميه هذا عيسى ..

• نشبة : شو مطرش؟

• فطيم: كاتب انه ما يباني !! (وتتنهد) واخيرا !!

• ميثاء تزاعج : مسوّدة الويه ولج ويه ترمسين ؟؟

• نشبة : ميثوه استهدي بالله .. (وفطيم منزلة راسها ..)

• ميثاء: انتي بنتي لكن ما هقيتها منج ..جيه شو سوابج.؟ هااه؟

• شما : وهي صادقة ؟ هذا عيسى الشيخ فديت ويهه ..

• ميثاء : لا عمره غثاج ودوم يبغي رضاج ..لكن (وتمسح على برقعها ..) ها ويهي ان خذتيه ..والله لأدوّر له شيخة من الشيوخ تستاهل ولا هاي لعبتج الماصخة !!!

• فطيم روحت : اوهوووووه !!!

(اما عند هزاع وعيسى ... هزاع سواله حركة نذالة ..)

• هزاع : عواسوووه شحالها اختك ميوووه؟؟

• عيسى : جاب لا تطريها على لسانك !!

• هزاع : بطريها !! شو بتسوي اذا قلت لك هذي my girl friend?

(وحس عيسى مثل الرعشة فجسمه من سمع هالكلام ..)

• عيسى : اختي اشرف من اللي انته اتقوله يالجلب !! تف عليك يال ...........

• هزاع زاد بعناده وخساسه :تباني براويك شي بيعيبك عن اختك .. (وبطل تيلفونه ودخل ارشيف الصور ويراويه التيلفون ..) شو رايك هااااه؟ هني كنااااا في الموتر .. طبعا بدون شيلة وعباة .. (وعيسى يطالع وقلبه ياكله من الغيرة على اخته كيف تسوي جذيه ..) وهني في المول ؟؟ وهني في الشقة

(وحزتها الارض كانت اتدور ب عيسى ..مب مصدق انه هاي اخته اللي تسوي جذيه ..)

• عيسى : انته اكبر جذاب وهذي هب اختيه اكيد سارق الصورة جلب واحد ومركبنها !!

• هزاع : ياويلي انا !! معقولة؟؟ عندي اكبر اثبات ياعيون هزاع ..

(ويروايه فيديو كانت مي لابسة ملابس مب لها كأنه وحدة ثانية ..وتضحك وفالة شعرها ..حزتها قام عيسى على ركبه .. وعجاه ناصر وطاح عيسى على ورا .. وانصقع راسه عاليدار ..ودوّخ ..حزتها هزاع ..)

• هزاع :ناصر هات الابرة قبل ما ينش !!

• ناصر: اوكي ارباب .. (وعطاه ..)

• هزاع : انا براويك يا ولد فاضل ..والله لأكسر خشومكم !! (وضربه بالابرة ودوّخ ..)

• عيسى نش : شوهذا ؟؟

• هزاع: بس بنريحك وضربناك ابرة ههههههههههه

• عيسى بطل عينه : شو سويت يالجلب !!

• هزاع : ههههه ماشي بس زدت جرعة الهيروين يالغالي (وعيسى هب مصدق ..) ناصر خلنا انشله يالله ..


(ودوّخ بسبت الجرعة والضرب عالراس .... وشلوه وشلوا اغراضهم وشردوا وبعد ساعة كاملة حسن ومانع حرقوا تيلفون عيسى ..ماشي فايدة مايرد ..قالوا الا يداهمون المكان ..دقوا الباب محد يرد . كم من مرة .. وداهموا المكان .. المكان كله فاضي مافيه اي شي حتى عيسى اختفى ..ويلسوا يفتشون الاغراض .. بعد 3 ساعات من البحث والتعب حصلوا دمان على الارض ..)

• الشرطي حسن : سيدي هذا تيلفون حصلناه ورا التكية ..

• مانع: حطه كدليل وارفعوا البصمات وردوا لي اياه (وبصوت واطي) وينك يا عيسى !! وينك !! (ورفع حسه) وحللوا هالدم ...

• الشرطي : ان شاء الله سيدي ...

(وبعدها اختفى عيسى ..)

دانوه
01-05-2008, 07:50 PM
كمـلييييييييييييييييييييييييييييييييييييييي

المنسيه
01-05-2008, 08:00 PM
(الـــــبارت 12)


(وكان عيسى وايد غالي على ربعه وخصوصا مانع وحسن .. ويتصلون به وما يرد .. وقلوبهم موول هب مطمنة هذيلا تجار مخدرات هب لعبة .. يعني احينه لو انكشفوا اكيد بيجتلونه ..ويوم بطلوا الباب الصغير ..قاموا يسألون مني ومناك ..لين ظهر لهم شاهد واللي هو ناصر .. وودوه لمركز الشرطة ..ويوم رفعوا البصمات .. كانت بصمات عيسى بس عليه .. وطبعا الفضول جايس حسن يبا يعرف شو كان مسجل هالعيسى .. ويوم سار مكتبه ..شل تيلفون عيسى والتقرير اللي يؤكد انه بصمات عيسى بس فيه ..وبطل التسجيل .. وكان يسمع وهو مب مصدق لين دش عليه مانع ..وبند التسجيل من الزياغ ..)

• مانع: ها بشر ؟ شو النتيجة؟ اكيد حد من البتانية ...

• حسن: سيدي بصمات عيسى عالتيلفون ..والشاهد؟

• مانع: شيّب لي راسي ..وطلع لي قرون !!

• حسن : اعترف؟ اخافه يا سيدي من العصابة !!

• مانع: والله انه مكار ..قال شاف 3 ؤياييل شالين عواس وشردوا !!

• حسن : قال اساميهم؟

(مانع يلس مجابل حسن وعج الجحفية ويلعب بشعره من التوتر اللي جايسنه..)

• مانع : لا ..بس مخلنه عند عبيد هو بيستلمه .. من غير مخلي دورية اتحوم فهاكي الفريج ..

• حسن قام وهو معصب : ياخي انته جيه بارد؟ هذا ربيعنا اللي شلوه ويمكن الله لا قاله جتلوه !!

• مانع عصب : يعني انا مب متروّع على ربيعي؟ شو تباني اسوي أزيّد عن اللي سويته؟

• حسن : انا بسير أدوّر ..

• مانع : خذ وياك دورية ..

• حسن : انزين ... (وروح وتم مانع يالس روحه في المكتب ..ويتصل ويتصل عليه على امل انه يردون على الاقل لو بتانية لأنه لو ردوا سيده بيعرفون مكانهم ..وشاف الاوراق ..)



(اما فبيت اليد حمد .. كانوا مبرزين العيايز واليد حمد وغريبة ..وهنود مطفرة حمد ..والبنات اتيّمعن وسارن الطابق اللي فوق )

• مي : ليش يا عيوني؟ اخويه شو ناقصنه؟

• فطيم : not my type

• هنود: عدال عدال يابنت اوناسيس !!

• فطيم : انا الصراحة ابا ريال عنده وعنده وعنده !! مب عواس اخوكم !! (وتقولها باشمئزاز .. وفرتها هنود بالموسدة ..)

• هنود ومي : لا والله؟ (وصدن كل وحدة الجهة الثانية مب طايقات بعض .. )

• هنود: جلبة وحدة الا اتمنين واحد شراته قولي جان حصلتي منه فديت روحه !!

• مي : يا عيوني يا عواس !!

• فطيم : لا ومطرش مسج يقوللي اللي يباني ما بصيح ابغيه .. هههههههههه من زينه عاد !!

• مي: عن الغلط !! (ودشن شمايل وهناء ..)

• هناء: hi , girls ?

• مي : هايات ..

• شمايل : مرحبا ملاييين ولا يسدن فذمتييه !!

• هنود تبوسها : زين انج ييتي !! يالله يالله ..شو رايج نتزحلق عالدري؟

• شمايل متحمسة : يالله !! يالله فطيم !!

• فطيم : بطني يعورني ماروم !!

(وهنوه ومي كانوا رواحهم ..وهنود ركبت على حد الدري واتزحلقت لين وصلت تحت .. )
• نشبة : يالله شدي شدي طاعي ام سروال !!

• شما : وابويه وابويه على منكرج !!

• ميثاء : يوزي يا هندوه بطلع الخيزرانة تراني !!

• غريبة : اميييه عيب سيري فوق !!

• هنود : امييييه اتمرن بلاكم انتوا؟ (وتركض فوق وهي تضحك ) شوشو؟ سيري هاتي الفودر من حجرة اميه ميثووه ..

• شمايل : وليش انتي ما تسيرين؟ انا اللي اتهيست الخيزرانة اخر مرة وانتي يا مسوّدة الويه شردتي وخليتيني !!

• هنود بيأس : فطيم؟

• فطيم تضحك : no darling

• هنود : ما فيكم خير .. الخير في البقر مالت عليكم .. (ونزلت وهي اتحرطم .. ) اميه ميثاء؟ حد في الحمام؟ بطني يعورني ..

• ميثاء : لا محد سيري !!

(هنود تركض ما وحالها انها طالعة ..)

• اليد حمد : اكيد شالة شي من الحجرة !! هههههههههههههههه

(وقامت اترش الفودر على حد الدري كله ...)

• ميثاء : ويدي غربل الله منكرج الخايس ...

• نشبة : حسبي الله على ابليسج !! ماعليه الخيزرانة بييبها ... (وغريبة وحمد يضحكون ..وهن يتحرطمن ..)

• هنود تزاعج : واااااااااااااااااااااااااااحد !! اثنييييييييييييييييييييينه !!! ثلاثة !! ويييييييييييييو !! ( وتييييكم وحدة اتطييير من فووووق هنود وشمايل وراها..)

• شمايل : آآآآي اميييه!!!! الحقي علية !! (وشعرها يطييير وشيلتها طاحت )

(واتطيح هنود على صينية الفوالة ووييهها عالصحن ..)

• حمد : هاهاهاهاي

• شما : زين جذيه.. زين جذيه.. زين ما اتكسرتي !!

• هنود : آآآي يا ويهي !! يعورني !!

• نشبة : مسوّدة الويه (وتيوّدها من اذنيها ..)

• هنود: ما يعوّر

• نشبة : معلوم!! معلوم يوم ما يعوّر دامنه لسانج طويل !! قومي يالله قومي!!

(هنود نشت وسارت اتكمل اللي بدته بس زاد ينونهم هي وشمايل ..واييي غريبة اتصال ..)

• غريبة : لبيه يا بوعيسى

• بوعيسى : انتي وينج هاده البيت وين اتهومين مسوّدة الويه.؟

• غريبة : سامحني الغالي كنت اتقهوي عند اميه ..

• بوعيسى : يالله تعالي البيت وارحمينا من السوسة امج

• غريبة عصبت : هب ياية وجان في شاربك خير ارمس !! (وبندت فويهه ..) احينه انا اميه سوسة !!

• ميثاء : احينه انا سوسة ؟؟

• غريبة : لا بسم الله عليج !!

• نشبة : اتسوّس راسه الخربان ان شاء الله يعله بعوق ما يقوم منه ان شاء الله ..مادري شو اللي الله عاجنج عليه !!

(والبنيات قابضاتنها لعبة عالدري ..ويندق الجرس ويسير اليد يطالع منو .. وهو راد .. ومبطل الباب .. لنه يعطس لكم هذيجي العطسة ..واتطير تركيبة الضروس عالارض ..)

• نشبة وشما ردوا ريوس : اشوووه هذا بسم الله !!

• حمد: شو تقولين؟

• ميثاء : لا تخافن الا ترجيييبة مال الضروس جيه ماتدريبه اخوج مافيه ضروس!!

• نشبة : ما قول غير طلعت غش..الله يعينج ياميثووه اكيد يتراوالج في الليل!!

• مايد : هههههههههههههههه ياربي منكم شواب ما تنلامون !! (وتيكم بعد بنية اتطير من على الدري ومنو ؟؟ شمايل وهي ما تدري شو السالفة .. واتطيح عند ريله ..) هووووب هووووب !!!

• شمايل رافعة راسها : اسفة !! (وتلف شيلتها شويه وبتنقع رقبتها)

(واحمر ويهها من الاحراج وتربع فوق ...البنية ما تدري وين تضرب براسها لا وبعد ياية طيران اخيييييج احينه بيقول ماريدها ...وسارت فوق علمتهم وميود قابضنها تعليق على شمايل لدرجة انها ما استحملت وروحت البيت اما النظرات بين ميود وهنوه كانت فاضحتنهم وشما لاحظت هالشي ..اما عند مانع في مكتب حسن ..)

• مانع: هذا التقرير (ويلس يقرا باهتمام .) اوووه !! يعني اندور الا فنفس الدايرة ماشي غير بصمات عيسى لا حووول !! (ويشوف التيلفون ..) زين هذا التيلفون بس ليش خاشنه ورا التكية ؟ شو السبب؟ انا لو فخطر شو بسوي عشان ما يكتشفوني؟ (وبعدين دوّر في التيلفون ودخل التسجيل وكان في تسجيل واحد بس وايد طويل ..) يالله نسمع ..ان شاء الله يوصلنا لشي !! (ويفتح التسجيل ويسمع ..وبعد 5 دقايق من الصدمة وكان مبطل عينه عالاخر ..) لالالالا ما اصدق !!! هزااااااااعوووووووووووووه !!!

(قام وطلع وشل التيلفون وياه ..)

المنسيه
01-05-2008, 08:08 PM
(البـــــــارت 13)

(وركب مانع ويشخطه وهو يتصل بهزاع ..وكان هذاكي تيلفونه مغلق ..ويضرب بإيده عالسّكان من الغصة ..يبا يتلاحق على عيسى.. ويتصل بالبيت محد يرد ومن الغيظ اللي جايسنه .. وقفّ موتره برع يترياه يوصل البيت فكانت الساعة 3 ..ونزل هزاع من موتره وهو ريل ورى وريل جدام .. ويوم شاف مانع يالس عند دروازة البيت..وحديدة فإيده.. رفع هزاع كندورته شوي ويقبضها شردة .. ومانع سيده قبضه قبل ما يركب موتره ومسكه من رقبته ..)

• مانع: ملعون الصير !! يالجلب !! اشووووف اييييدك !! (ويرفع ايده زايغ ومانع يقبض ذراعه وشاف الدم مزرق يعني يتعاطى..) وين عيسى؟ قول احسن لك !!

• هزاع عيونه بينطرن من الزياغ : هاااه؟ ع ع ع عيسى منو؟

• مانع:انا براويك عيسى منو !!! (ويرفسه فبطنه هذيجي الرفسة ..)

• هزاع : آآي آآي التوبة !! التوبة مانع !! (وكان صدق يتروع من اخوه مانع ..)

• مانع: ارمس!!!

• هزاع: إإإإإإإإ مادري مادري !!! (والدمان ينزل من ويهه)

• مانع: والتسجيل؟ هاااااه؟؟ كل شي موجود !! عيل مفضح اخته؟؟ لابارك الله فيك هذي هي التربية؟؟هذا اخرة الدلع؟ لا وتضربه بالابرة ما تخاف ربك؟؟ ياراعي المخدرات؟؟ اعنبوا مخدرات؟ جيه هو شو سوا بك؟؟ حرام ما اهدك لين اتقول..لا والله وهذي حلفتي.. بتطيّح في المستشفى وحزتها ما بتسّلم مني !! جلب !!

(ويرد يضربه ضرب جتله من الضرب ساعة كاملة وهو على هالحالة يضربه... وهذاكي شكله ما يحس من تأثير المخدر ..)

• هزاع: خلاص خلاص بقولك وين !! بس دخيلك الا السجن!!!

• مانع: واتحراني بهدك؟؟ حرام اني ما هديتك وشوف خلني احصله والله بتشوف شي ما يسرك يالخايس.. اتفي عليك !!

(وركب في الموتر ويدليه عالمكان ومانع مب طايع يرمسه ..بس كان يفكر انه يسلمه بإيده بس الفضيحة بتستوي ثنتين ..اسميها الناس بتاكلهم اكل ولا حد بيرضى ايكلمهم حتى ..ووصلوا المنطقة ..)

• هزاع: والله اني فريته فهالمنطقة !!!

(ومانع كان مركز على المكان ما كان فيه غير قطرات دم صوب الرصيف ..)

• مانع: ان استوا فيه شي ما تلوم الا نفسك تسمعني؟ اذلف البيت وان طلعت من الحجرة بّطلع مكانك من تحت الارض تسمعني؟؟

• هزاع: ان شاء الله ..ان شاء الله ...

(وروحوا البيت ومانع يحس راسه بينفجر من اللي صاير ..اخوه اللي رباه وعمره ما قصر فيه من عقب ما مات ابوهم يسوي جذيه شعنه؟؟ شو اللي حادنه؟وتم مب عارف شو يسوي .. اما اليوم الثاني في الشغل ..)

• مانع: عبيد سير ناد حسن ..

• عبيد: حسن سافر

• مانع منصدم : شوووه؟

• عبيد: نزل امر من الشيخ انه يسافر وياه فمهمة رسمية وهو بيكون ويا الحرس الاميري ..

• مانع معصب: كيف جذيه والقضية اللي نشتغل عليها وعيسى ؟

• عبيد: تقدر تقول انه القضية انغلقت خلاص لأنه ماشي دليل !!

• مانع: انته شو تقول وعيسى؟؟؟ شو معناته؟؟ (ويتصل ب حسن وهذاكي ما يرد..) افففففف

• عبيد : لين الحينه متكتمين عن السالفة ...

• مانع: مب كيفهم يغلقون القضية منيه والدرب انا بسير اكلم العقيد شعلية انا !! آدمي يختفي وانتوا صاخين !!

(وسار وكلم العقيد وامر بالبحث عن عيسى وفرقة البحث قاموا يبحثون فكل امارة من غير بعد ما يأسوا ..قالوا لازم يعلمون اهله اكيد لانهم ما يدرون وينه هو ..كانوا يدورون عليه ..ولازم مانع يخبرهم لأنه هو يعرفهم..)

(فبيت فاضل)

• غريبة: فاضل دخيل الله سير طالع ولدك والله مستهمة من امسات ما ياء !!

• فاضل: بالله عليج ريال طول وعرض اكيد بايت في دبي !!

• غريبة : لو بايت بيرمس وبيقول وبيتصل حتى تيلفونه مغلق

• فاضل: فكينا يا حرمة !! احينه بطرش ميود !!

(.وكان مايد في الشركة ..)

• مايد : السلام عليكم ...

• واحد مصري: عليك السلام ورحمة الله وبركاته

• مايد: اخويه في عندكم موظف اسمه عيسى فاضل؟

• المصري: امممم عيسى؟ لحظة بس ..

• مايد واقف ويطالع: اوكي

• المصري: لأه حضرتك مافيش عندنا هالاسم ...

• مايد: شو تقول؟ اتأكد اخوي الله يخليك !!

• المصري: دي شركة اللي بيشتغلوا فيها وافدين والمدير العام هو المواطن الوحيد ..

• مايد : يا هي وهجة وين سرت يا عواس؟؟ كلهم يدورونك؟ وليش قصيت علينا؟؟ لايكون متعرف على عيال السوّ؟

(ومايد روح البيت وخبرهم..وكانوا مستهمين وغريبة موّيمة ..لين اندق باب البيت ..)

• مانع: السلام عليكم


في منو بيلتقي مانع؟

وشو بيقول لهم؟

هل بيعلنون وفاته؟

وشو بتكون ردة فعلهم؟

واتمنى تقييمكم للقصة

دانوه
01-06-2008, 12:34 AM
كمـليييييييييييييييييييييييييي

منسيـوتي دخييييييييييييييييييييييييييلج كمـلي بليييييييييييييييييييييز

غزولهـ..}~*
01-06-2008, 01:00 PM
منسيوووهــ كمليهااا

المنسيه
01-06-2008, 01:26 PM
(البـــــــــارت 14)


• مي: عليك السلام والرحمة ..

• مانع نزل راسه : بوعيسى موجود؟

• مي : من اقوله؟

• مانع: قوليله مانع سيف ..(ومي بججت عيونها هب مصدقة ..)
• مي : انته مانع؟

• مانع: هي انا مانع لويش؟؟

• مي : هاااه؟ أها اوكي لحظة بس !!

(وتربع داخل ..وابوها كان يتضارب ويا ام عيسى ..)

• ام عيسى : شو تباني اسوي؟ اعجه اللي فبطني؟

• بوعيسى : اتسوين خير والله !! (ويدوخ سيجارته ..)

• ام عيسى تيب له بالطيب : انته انسان مؤمن وتصلي وتقول جذيه؟؟ اخخخ عليك .. ولدك هذا من لحمك ودمك ..

• بوعيسى : كم بعيّشكم؟ وبعد واحد خامس؟؟

• ام عيسى : الله يطوّل بعمر ابويه دومه اللي يساعدنا ..انته من متى تساعدنا؟

• مي تركض جدا ابوها : ابويه !! ابويه !!إلحق عيني !!

• بوعيسى : ها اميه؟ (وأم عيسى اتطالع بوعيسى بنظرة ..)
• مي : ماااا ..ماااا .. مااانع اللي بياخذ هنود برع ..

• بوعيسى : الله يستر بس ما يقول ما يبا يعرس ..لا يكون سامع عنها شي !!

• ام عيسى : بنتي اشرف من كلامك الوصخ ...
(وتركض مي وبطلت شيلتها وشعرها يطير ..بطلت الباب...)

• مي تزاعج : هندوووووووووووووووه !!! هندووووووووووووووه!!!

• هنود متلحفة وراقدة ومبطلة عين وحدة : الله يا صوتج اعنبوا خفي عليه !!(ومي اتعفد على شبريتها ..).

• مي : عندي خبر يا عيوني بيخليج تعطيني اللي اريده !!

• هنود: مابا الخبر وماباج !! اذلفي عني !!

(وحطت الموسدة على راسها ..)

• مي : بكفيج يا عيوني .. (ويوم وصلت عند الباب ..) ترا مانع حبيبج عند الباب ويبي يكلم ابويه !!

(وهنود عجت اللحاف ..)

• هنود مكشش شعرها ومبججة عيونها : لا يكون بيرمس عن العرس؟؟

• مي : شمدريني أنا إيش يبي؛ بتين لو لا ؟

• هنود تعفد لها من الشبرية : معلوم بيي إتحريني بجابل ويهج، ضكي عنيـه آشوفج ..

• مي : تعالي تعالي .. نَوَرية بتطلعين هيجي ؟!

• هنود : سمعوا .. نَوَرية أمج !

• مي : ثمني كلامج عاد شايفتني مارومج، ليش عيني ..

خطفت عنها هنود جدى كبتها ..

- هنود : والله ماعندي مونة مجابلتنج فارجيني !!!

(تمت مي مكانها تطالع هنود وهي تظهر لها جلابيـة بتغير ثيابها، غاضتهـا و فخاطرهـا إتفكر في مانع .)

مي فخاطرها: الله يغربل عدوه إيش جمال؛ إيش وسامة .. والله ماستغرب كان ياي ما يبي يتزوجها !

(سارت صوب التسريحة؛ ترتب خصلات شعرهـا و تغرد ..)

- هنود : العندليب ، اظهري !

- مي: آني ..

- هنود تيهـا تحوشها من الغرفة: ياللا ياللا ..!!

(ظهرت مي مقهورة بأنها ماردت على هنود لكنها إتحلف تقولون ياغير دياية و منقابها حديد؛ لكنها لعينة محد يدريبها غيري أنا وأحلى البنـات؛ أني ويـز .. إتلبست هنود دهديه دهديه و عفست سداتها ..)

- هنود : غربلك الله من قلم وين التعنت ](– تدور جحالها ..)

(لقته وخطت عيونها، وتوقت بوقايتها و ردت لثامتها على ويهها و ظهرت الصالة ..
أصوات متعالية، خذت دربها لباب المدخل تبا الميلس؛ وقفت ورا مي ..)

- غريبة : مانع .. دخيلك ثم دخلاك شوتقول .. ولديـه !

- منزل راسـه هب عارف كيف بيطري ضياع عيسى و فقدانه : خالتيـه ..

- بو عيسى : الشو مسـوي بعد عيسـوه ؟!

- مانع مل سو الظن في خويـه و زعج بهم : عيسى اختفى !

(شهقت هنود شهقة ماتبـا غيرهـا، حست بأنه فقدت شي من روحها، أخوها .. عضيدها، إسودت دنياها في عينهـا على سوادها .. عيسى اختفى ؟!)

- غريبة بغصتها، متمالكة أعصابها تنظر مانع بحيرة: اختفى .. اختفى ؟!

مانع صد بويهه عنها كيف بيجابلها وآلام غريبة وهنود وهل عيسى كلهم .. سببها هزاع أخوه !

- بوعيسى بجسوته، بظلمه .. جبار : مانع، إرمس .. خبرنيـه .. راح كيف راح شو سـوى ؟! سكـر .. تعاطى ؟! .. تعاطى !، ذبح له حد أكيد إنه ذبح له حد .. فضحنيــه !


- مانع يقاطعه بغصة وقهر : عميه !!! كرّم الله عيسى عن ما طريت، عيسى راح وهو يخدمك ويخدم هالبلاد .. عيسى كافح هالسموم لجل عيال بلاده .. لجل عيالك !! عيسى شرفك وشرف هله و الشرف لي بمخوته ورفاقتـه !!


(إنهارت غريبة، تهاوت مثل الورقة متروعة من دنياها بليا عيسى)

- غريبة: ويلي وويل قلبيه بلياك يا عيسى..

(مادرابها مانع بأنها هنّود ؛ ما يشوف إلا أعيان تغرغر بالدمـوع ..
تجدمت له، وقفت له ..)


{Cut}

غزولهـ..}~*
01-06-2008, 02:54 PM
منسيوهــ شو ها غش

حاطهـ بارت صغنون

حطي واحد طووويل

دانوه
01-06-2008, 03:11 PM
منـسيووووووووووووووووووووووووووهـ كمـلييييييييييي

*»[ ماڵڪ بديڵ ~
01-06-2008, 03:12 PM
:5fc0f220: حـــــبــيـــبـــتــي قـــصـــتـــج الــــــــــــصــــــــــرااااحـــــه فــــنـــتـــك

ومــــــــــــــــــــــــشـــــــــــــــكـــــــ ـــــــــــــــوووووووووره حـــــيـــاتــــــــــــو.:ongue:

المنسيه
01-06-2008, 03:41 PM
( الــــــــــبارت 15 )



(ودخلت )

• هنود: مستحيل عيسى يختفي منيه والدرب !! انتوا شو تقولون؟

(وصوتها الرنان وخصوصا ف حدته تم في قلبه ..وهو يطالعها ..)

• بوعيسى قام معصب : ذلفي داخل مسوّدة الويه !!

• مانع: عمي استهدى بالله وخلوني اكمل عسب اتعرفون شو استوى ..

• هنود مشتطة : شو اتكمل هاااه؟ شو اختفى؟ جيه مشترك فمسلسل؟ ولا مال العصابة؟

• غريبة: اميييه تعالي الله يهديج !!

• مانع: اخوج عيسى يشتغل تحري في مكافحة المخدرات ويايه .. وكان في مهمة انه يتخفى ويسوي عمره واحد يتعاطى (وهم منصدمين ..) وكان لازم يسوي هالشي عسب يبين للمروجين انه صدق رايح فيها .. ويوم داهمنا المكان اللي كان فيه ما حصلنا لا عيسى ولا البضاعة ولا حد بس دليل واحد وهو دم عيسى ..

(وهنود حضنت امها اللي حطت ايدها على قلبها ...)

• غريبة : دم؟

(هز مانع راسه، زاد توتره تم يتلفت يبا اييلس ورد ع الغنفة .. منزل راسه: دم .. دليل على انه مضروب و جريـح..)

• ردت غريبة يديها على ثمها ماتعرف بالشو تقول : يا الله تستر وتعين ..

• مي بعدها واقفة عند الباب و تنظر هلها بهمس تقول : وقتك هسّـه تختفي، شنو فلم هندي هذا !

• أحلى البنات : الناس مشتطة وانتي ولا على بالج يعلج العوق!

• سفرجل : انطبي طبج الله !

• مي : آني شكو تجببوني .. عيل ما تسمعونه كلش السالفة ما تدخل مخي ( .. فخاطرها ) دم .. مضروب ويريح و مو لاقينـه شو بيطلع يعني ..

• فاجأها مايد : ايه بنت العراقية الشو عندج اموقفة اهنيـه ؟

• مي تشهق : لعنة على شكلك وقفت قلبي !

• مايد يعطيها يمع ( يدحها ): جب جب .. (.. رد يسمع حس مانع، مّيزه ) ميـوه ها مَب حس مانع ؟

• مي : بَلي !

• مايد : زين أكيد عنده أخبار عن عواس !

• مي تضرب خدها : ما تدري ماتدري ..

• توها بتخبره دز ويها و دخل : مانع .. ماعندك خبر عن عواس له فترة مختفي !

• مانع نش : مايد ..

(ردت هنود في حضن أمها مارامت تستحمل فكرة إنه عيسى اختفى والله أعلم وينـه ووين أراضيـه .. يريح .. حي وإلا ميت .. كانت تصيح .. نشاقتها تنسمـع .. حتى غريبة لي الها فترة تحاول تيود دميعاتها ما رامت ..)

• مايد صد يطالع امه ورد يطالع مانع : اتصلت بالشركة اللي يشتغل فيها، قالولي ما عندهم موظف بهالاسم ياخي شو السالفة ..

• بوعيسى نش له : أي شركة وأي خرابيط .. أخوك طلع يشتغل فالشرطة .. ( رفع يديه) أخوك رفع راسنـا !

• أحلى البنات : الحينه .. الحينه تقول رفع راسنـا !

• بوعيسى يتطالع مانع : الحينه بتخبرك، الريال اختفى فالخدمة شو .. بتعطونا معاشه و بينزل له معاش تقاعدي .. هل كيف يعني ؟

• نشت له هنود : انته .. انته شو من الأبهات .. شو تقول .. يقول لك ولدك مختفي .. الله واعلم به حي والا ميت .. انته شو تخربط .. شو تقول انته .. بيزات ما بيزات ..

• مايد يصرخ بهم : بــــــــــــــــــــــــــــــــــــــــــس !!! ؛ فهمونــي شو اللي صاير !

• غريبة ترد كلام مانع على مايـد ...

• مايد : اخويه أنا مكافحة ؟!

• مانع هز راسه : هيه ..

• مايد : وينه .. دورتوه ؟!

• مانع ياخذ نصخه : على مدار هاليومين خذنا دوريـات بحث و دورنـاه لكن ما لقينـاه ..

• مايد يرصص عيونه : بهالبساطة ما لقيتـوه !

• مانع : مايد القيادة ما تقدر تسوي أكثر عن جذه ..

• مايد فار دمه : و تسمي عمرك ربيعه !!!

• بوعيسى : ميّود !

• مايد يرد على ابوه : جاااااب انته !

(صخت الدنيا بمايد، في لحظة انكسر .. اخوه اختفى وهو في حياته ما قال له كلمة طيبة .. في حياته ما شكره لنه كان نعم الاخو .. كان يباله الاحسن وهو دوووووم دوووووم يتساب و يرادد ..)

• مايد دارت به الدنيـا: مستحيل الموضوع يوقف اهنه .. هاي مب نهايته ..

• مانع : مالومك يا مايد عن نفسي حاس بالذنب ياكلنيـه .. عيسى مب الا ربيعي عيسى اخويـه .. شي مني .. القيادة سّكرت الملف على انـه ماشي ادلة كافية واعتبرت عيسى مفقـود .. معناته حي لين تظهر جثتـه ..

• غريبة تشهق : جثتـه !!!

• مانع : خالتيـه .. حي لين تظهر جثتـه لا تنسين بانـه جريـح و كمية الدم اللي شفناها مب شوية !.. نحن ما عندنا معلومات عنه غير هالشي .. اتصالنا به توقف عند وصوله مكان الكمين، عادةً تكون في اشارات بانه المواضيع سارت مثل ما نحن مخططين لها و هاللي شفناه من عيسى بس ..

• هنود تتطالع مانع بعيون الاتهام قاطعته : هذا اخويه اللي تتكلم عنه، بتخبل بي انتـه .. سنديه فالدنيـا مالي غيره !

• مايد يرد بفتين : مابغي اسمع حسـج !!!

• هنود : مافي شي بيطبنيـه .. ( ترمس مانع ) ما كان وياك ؟ .. ليش ما رديته اليـه .. ما يهمنيـه شغلكم رد لي اخويـه .. رده اليـه ..

(انهـارت هنود على قوتها؛ هالانسـانة القوية خلاص انهارت .. وتلاشت قوتها، بهستيريـا بدت تتعامل مع اختفاء عيسى .. نشت بتتجدم صوبهم لكن مايـد قدر يمسكهـا مع مقاومتها لكنه قدر يظهرهـا ..)

• مايد يفاتن : ميّوه اقبضي اختج !

• مي منصدمة في لحظة لقت هنود في حضنها : إيييييه لا تفاتن !

• مايد يدق لها بصبعه : مابا ألمحكن اهنيـه .. إنجلعن جلعكن بررررق !

(ردت هنود لصياحها مرة ثانيـة و مي مشت بها صوب حجرهم .. فجت عن هنود دزتها في غرفتها و بندت الباب )

• مي : كلش غبية لازم تسويلي فيها اونها عاد يعني وين بيروح هذا بعد كلهن يومين وبيطلع بيتم ضايع طول عمره والله ما نُدري يمكن مات بعد ..أووووووووووووف منها لا خلتني آسمع إش بيصير ولا خلتني آشوف الحلو !

(حاول مانع قد مايقـدر إنه يقنـع هل عيسى باللي صـار، اللي كاسـر ظهره أم عيسى ما رام يتحمل انه يشوفها بحالتها هذي، كيف بانها خسرت ولدها و ما يدريبها بتشوفه مرة ثانيـة و إلا لا .. يفكر هالعايلة بدون عيسى شو بيحل بهـا !

تدروبها المصايب، تنتشـر بسرعـة .. وما يتم حد فالبلاد ما يدرابهـا، فخر للعايلة كلها بأنـه عيسى مكافح لهالسموم لكن الناس .. ينوقلون الرمسـة .. وكل رمسـة عليها بهارات و الذي منـه .. حد من العايلة اقتنـع بانه خلاص عيسى ما بيـرد و توفى .. وحد منـهم لا زال عنده أمل بانـه رآآآآد .. )

(وبعد ما انتشر الخبر تتصل وحدة لميثاء ..)

• ميثاء : اهبي هباج الله !! امايا سيري قوليلهم عيسى شيخهم الا !! وما يخصه فهالسوالف .. واللي اتكلم جذيه محتّر لأنه شهيد .(وعيونها دمعن .. ورضت التيلفون رضة) المذهب ما يعرفونه ..

• نشبة : ماعليج منهم !! كلاهم الساحق والماحق .. (وميثاء اتمث دموعها بشيلتها ..)
• ميثاء : وينها فطيم؟

• نشبة : من درت واعلية عليها قافلة على عمرها !!

• ميثاء : وشميم؟

• نشبة : شميم يلست عندها ..لا حول ولا قوة الا بالله .. ميثوه شو اللي طرا علينا ؟

• ميثاء : مادري يا اختيه ..عيسى ماله خبر .. اختفى ..انا اللي بينطر راسي منه !! انه جيه ما علمنا انه يشتغل في الشرطة؟ والله انه شغلته ترفع الراس !!

• نشبة : شوفي يا غناتي جان تبين الجواب ...اتصلي بأم مانع وخلها تعطيج رقم مانع واتخبريه !!

(واتصلت بأم مانع وعطتها الرقم وتتصل به بس هو ما يرد ..اما عند شما وفطيم ..)

• فطيم : اميه شما؟ انا شو سويت !! خليت الريال اللي يحبني يموت كله بسبتي !! (واتطيح على ثبانها ..)

• شما : امايا استهدي بالله .. مب منج تراه حادث واختفى ..
• فطيم: انتي ما شفتي اميه غريبة !! (وبعصبية )كلهم قالوا انه ما شي فايدة .. وانا اللي عطيته كلام يعج الفؤاد من الخاطر وهو ما قال شي الا كسرت فؤاده ... الله ياخذني ان شاء الله ( و تصيح ...)

• شما : لا امايا لا تقولين جذيه !! حرام .. تراه عند ربه ..

• فطيم : الله يرحمك يا عيسى .. (وكل دمعة تذرفها اتحس انه قلبها ينفطر اكثر ..وتتذكر ابتسامته العذاب ..) اميه شما؟ (وتضحك) تذكرين يوم تدعمين الزجاج كيف يوّد راسج؟ ليته راسي ولا راسج .. ليتني عالاقل قلت له كلام يبتسم عليه ووالله اني اباه يا امايا !!!

(اما فموتر مانع .. كان هزاع وياه ..وكان التعب مبين على مانع ..
كان مانع مقهـور من الرمسـة اللي توصله عن عيسـى، وفالوقت نفسـه متلوم .. كيف الناس ظالمينـه وهو حل المصايب كلها بين يديـه واللي هو أخوه هزاع .. لكن مب عارف كيف بيتصرف !)

• مانع: شوف يا مسوّد الويه انا بحطك فمستشفى يعالجونك ...

• هزاع يترجى : دخيلك يا مانع لا !!!

• مانع يزاعج : جاب يالله جاب !! انا فعز شبابي اتيبلي الكلام؟ اهب هباك الله ..(وعيونه محمرات ..) بيقولون الصغير يتعاطى ويروّج والعود يزخهم .. الله ياخذ هالشكل ان شاء الله .. اعتبر هذي اخر مرة اساعدك ..ولا اتفكر اني بساعدك وعن أسهى هات موبايلك ..

• هزاع زايغ: لا !!

(ومانع ضرب بريك فنص الشارع ومسكه من رقبته وبطل الباب جهة هزاع وفراه هذيجي الفرة عالارض واتيّرحت ايده .)

• مانع: احينه منو القوي هاااه؟ يابو ويهين؟ (وشله من ثيابه وفراه داخل الموتر ..)

• هزاع: انا اخوك جذيه اتسوي بي؟

(مانع ضحك بس مب من خاطره ومسكه من ثيابه .. )

• مانع: شي فخاطرك؟

• هزاع ما يروم يتنفس : إإإإإإ ... لاء !!

(وساروا صوب عزبتهم ومحد هناك ولا الصريخ ونزل من الموتر ..)

• هزاع : لللللليش نحن هنيه؟ (كان ميت من الخوف..)

• مانع طالعه بنظره انه ولا مهتم : انزل أخيّر لك..

(ونزل بكرامته اللي ما بقى منها شي .. وطلّع مانع من الدبة شي ما يتصدق ولا اخو يسويه بس هو سواها .. قاب ..(حديدة طويلة ) وهزاع ميت من الخوف .. ودخلوا داخل العزبة وبندوا الباب العود ..)

• هزاع : ليش هالحديدة؟

• مانع: لييييش؟ انا براويك فيها عدل !! لأنه حرّتي ما بردت !! علك العدم !!


( Cut ~ )

دانوه
01-06-2008, 05:20 PM
منـسيوووهـ انـا بقـوولج متـى تـنزليين البـاقي

نـزلي البـاقي يـووومـ الثـلاثاـاء ^__^ .. اووكـيـه حبيبيتـي ^___^

المنسيه
01-06-2008, 05:42 PM
ههههه ان شـاءاللهـ من عنووونـي = ) ..

ومشكورهـ ع الأهتمام ..

بس أباا رايـج بالقصهـ ..

دانوه
01-06-2008, 07:47 PM
القـصهـ الصـراااحهـ عجيييييييييييييييييييييييييييييييييييييييييييييييي يييييييييييييييييييييييييييبهـ واللهـ

المنسيه
01-09-2008, 08:39 PM
×--- وألحيـنهـ بنـزل البـــارت الــــ 16 ---×

(البــــــــــارت 16)


(ويمسكه من كندورته ويضربه فجسمه كله ..)

• مانع محمر ويهه : قول !! وين عيسى ؟ قول ولا والله ما بتسلم مني والله ما اهدك !! (ويزاعج) وينه !!

• هزاع : آآآي!! الله يخليك خلني التوبة ..التوبة .. آآآي !! آآآي !! ( ويزاعج من الويع )

• مانع: عيل اتحراني بصّخ عنك؟ لا يابويه حتى السم اللي تاخذه بطلعه ... قول مكانه ولا بتشوفن شيّن ما شفته !!

(وبعد ساعتين من الضرب كان هزاع يدوخ ...ويرد يوعى ومانع شرات اللي ماله قلب حتى على اخوه .. لأنه اللي سواه هب هيّن ويمكن ياخذ فيها مؤبد .. تفتضح العايلة .. وعلى كل ضربة يضربه على كل نهشة ينهشه ينبه لأنه اللي يضربه هو اخوه ..لين اعترف بعد شوه؟ بعد ما جسمه كلّه معلّم من الضربات والدمان ينزل منه .. ومانع هب مفتكر ..)

• هزاع : خخخلاص التوبة !! بقول !! (ويحبي يبا يسير بعيد بس ريوله خانته ..)

• مانع: بترمس ولا أكمل؟

• هزاع : خلاص بقول كل شي !! بس ابا ماي !!

• مانع: تبا ماي؟

(وعج مانع الحديدة ويضربه بإيده وريوله من الغصة اللي جايستنه ..)

• هزاع :آآآي بطني !! مانع خلاص ارحمني !!

• مانع: عيل ما رحمت عيسى يوم ضربته وشوّهت سمعة اخته يالجلب !! على كل ضربة ضربته وبتحصل من هذا وأزيد .. يعلك بعوقن ما يشفيك ان شاء الله ..

• هزاع : والله يا مانع (توّة بيكمل )

• مانع مفّول : لا اتحلف !! لأنه ربي عزيز وغالي وانته الا كافر .. 0ويدوسه فبطنه ) كافر تسمعني كافر !!

• هزاع : خلاص بقول مكان البضاعة !!

• مانع: قول اسمعك ..

(وكانت ايد مانع ملطخة بدم هزاع اللي كان متشوّه ..)

• هزاع : حطيناهن فمخزن فمنطقة ........ ومحد غير الحارس هناك ...


(وبعد ألف ياويلاه اعترف هزاع بكل شي ..انه فرا عيسى في المكان اللي حصل فيه دم .. وخلاه في العزبة ويتوعده اذا طلع منها .. وكان مانع يتصل ب حسن ..)

• مانع: هلا هلا ياخوي وينك؟

• حسن : موجود ..عاد شو نسوي امر من الشيخ ..

• مانع: وتنسى خويك اللي ضايع عواس؟

• حسن : هااه؟ لا مانسيته !! حصلتوه .؟

• مانع: تطنز؟ حصلوه اونه ..

• حسن: مانع بتخبرك .. اتحيده التيلفون .. الدليل اللي كان .. (توة بيكمل )

• مانع: هيه هيه هيه أذكره ..

• حسن : شو طلع فيه؟

• مانع: هاه؟ لا ماشي ..عيل ما خبرتني متى بترد البلاد؟

• حسن : والله يمكن أطوّل لأنه الدورة سنة كاملة ..

• مانع: وكيف جذيه نزل القرار بسرعة؟

• حسن : علمي علمك .. من سمعت الخبر شليت شلايلي .. انزين بوراشد انا بترخص ..

• مانع: خلاص ربي يحفظك ... (وبند عنه وكان وايد مفول ..يعني وين بيختفي هالعيسى ..) أحس انه حسّون هب طبيعي ..يعني مب حسن اللي انا اعرفه .. (ويرد يتصل بالرقم اللي متصلي به ) السلام عليكم..

• نشبة : عليكم السلام والرحمة

• مانع: اختيه؟ حد متصل قبل شوي ..

• نشبة : لايابويه .. انته منو بغيت؟ أبووووووووووووووه !! انته مانع؟

• مانع: هيه نعم ..

• نشبة : عيل اصبر ..امك ميثاء تبا ترمسك ..يدة عيسى

• مانع: ان شاء الله .. (وتزجر على ميثاء ..وتيها ركض )

• ميثاء: مرحبا ..

• مانع: مرحبا الساع..

• ميثاء: منو؟ بوراشد؟

• مانع: هيه نعم .. شخبارج امايا؟ يعلج بخير؟

• ميثاء : يالله ياابويه وين بيينا الخير دامنه حبيب قلبي عواس هب موجود .. (وتصيح ..)

• مانع: يالله ياامايا .. استهدي بالله الا دموعج .. (وهدّاها وخبرها نفس الكلام اللي قاله لأهلها وسار محل مال التيلفونات ..) اخوي ابا نفس نوعية هالتيلفون ولونه بالضبط .. (واشتراه وروح البيت وعج العصامة اللي على راسه وهو في الصالة .. انسدح عالغنفة ..)

• ام مانع: شحالك يابويه؟

• مانع يلعب بشعره : أي حال اللي تسألين عنه يا امايا ؟ حالي؟

• ام مانع: خير يابويه فيك شي ؟

• مانع: هاااه؟ لا ماشي !!

• ام مانع: اخوك ما سوا تيلفون؟

• مانع: ماتدريبه مسافر .. يوم بيخلصن بيزاته بيرد !!

• ام مانع: لاحول ولا قوة الا بالله العلي العظيم وشعنه ماخبرني؟

• مانع: تدريبه يوم بيسافر محد يرده !! (وسار لغرفته ..وراسه يعوره ..) يالله ياراسي بينقّع علية !! (وطلع تيلفون عيسى والتيلفون اليديد وحوّل المعلومات من تيلفون عيسى لين اليديد .. طبعا الا التسجيل .. ودس تيلفون عيسى فآخر الكبت مال كناديره وخشاه فجيب كندورته الجديم ورد التيلفون اليديد فمخباه .. وطاح ع فراشه ..ويت في باله البنية المتلثمة اللي كانت تصيح ..) أسميج يا هند صدق صوتج حاد .. أثّر فية .. كيف عيل شكلج!! آآآخ!!! بس انا لازم ابتعد عن هالعايلة ..لا ما يستوي ..وهنود؟ هههههههههه صديقة دربي .. (ويطالع ويهه) لازم اخذها واراويها الفلعة اللي يوم نحن يهال ولين احينه موجودة ..يمكن الفلعة تامة لأنها كانت من الخاطر؟

كيف بتكون العايلة بدون عيسى؟؟

ومانع متى بيعرس؟

وحسن شو سالفته؟؟

وغريبة في البارت الياي ليش بتمشي الحال وبتنسى عيسى ولا حتى بتصيح عشانه؟

وهنود آآآآه منها ...كيف بتكمل حياتها؟؟


--------------------------------------------------


أتريـا ردودكمـ ،،

دانوه
01-09-2008, 10:13 PM
منسيـوووووووووووووووووووووووووووتـي

كمـلي .. والله مـا اقـدر اتـريا اكـثر .. دخييييييييييييييييييييييييييلـج

كمـلييييييييييييييييييييي

>____<

المنسيه
01-09-2008, 10:23 PM
الجزء الـ 17

( مانع بيلسته .. رد يتذكر ذكريات الطفولـة ويا هنّـود؛ لكن يرد له هم هزاع أخوه و عيسى خويـه .. و على ذا الحال لين ما غفى في مكانـه؛ وما وعى إلا لدوامـه .. في مكتبـه .. كان مغفـي و تـوه داشنـه )

مانع: السلام عليكم .. (كلهم ردوا السلام ..)

عبيد ونظرته كله توتر : مانع ! .. ( همس له ) الشيخ فمكتبك .. (بجج مانع عيونه منصدم ..)

مانع: إشووووه؟ متى رد من السفر ؟

عبيد : أخبرك مَب وقته .. من ساعة ونص وهو يترياك ..

مانع: انزين انزين .. (ودش وألقى التحية ..)

الشيخ : اتفضل ايلس ..

مانع: ان شاء الله سيدي ..

الشيخ : مانع ؟ هالتيلفون مول مافيه شي !! (وكان ماسك التيلفون اليديد اللي حطاه مانع على مكتبه ..) وانا عندي خبر انه في دليل ..

مانع حاول بقد ما يقدر يخفي ارتباكه: سيدي . . انا بعد اتوقعت جذيه .. بس مافي أي دليل يديد .. حتى عن الملازم عيسى .. دوّرنا عليه ما خلينا مكان ..

الشيخ : بس انا واصلني شي ثاني ..

مانع: خير سيدي ؟

الشيخ : همممم ماعليه ماعليه .. بس انته متأكد؟

مانع: طبعا سيدي ..

الشيخ : عيل ليش خشاه ورا التكية؟

مانع: علمي علمك سيدي ..

الشيخ : شوف يا مانع بنزل رتبتك لرتبة ملازم وان حصلت الدليل الوافي بترد مكانك ..

مانع: بس ياسيدي .. (وسكت وهو متغصص ..)

الشيخ : ولحد الحين تغلق القضية لين اتحصل الدليل..وان حصلته بترد لرتبة ضابط ..وبييك خلاف واحد وبيعطيك شي عطه لأهل عايلة عيسى .. (وروح الشيخ ومانع ضرب بإيده عالطاولة من القهر .. )

مانع فخاطره : انته يا هزاع تنزل رتبتي بسواياك، سوّد الله ويهـك .. آآآخ يالقهر !!

( تم يفكـر بحل )

فخاطره : أنا ليش ماعتـرف .. بس، وين بودي ويههي من العرب، هلي بينفضحون .. و كل الناس بيتكلمون عنا .. وينك يا عواس؛ فقدت الأمل فيـك .. كيف بجابل اختـك يوم باخذهـا .. والله ما بعرف أرقد الليل؛ سامحني ياخويـه .. ( ورد اشتط بقهر من أخوه ) كله من هزاعـوه الجلب !!!

( ظهر مانع وسـار عن العقيـد )

العقيد : مانع بننقل اغراضك برع ويا ربعك يعني مشترك .. (مانع احمر ويهه)

مانع: ان شاء الله سيدي ..

العقيد : والله مب بإيدي ..الامر ياي من فوق ..

مانع: ولا يهمك سيدي .. بس ياي اخذ امر بنداهم مكان .. سمعت من مصدر موثوق انه كمية مخدرات موجودة فهالمنطقة .............

(وتم القبض على هندي ما يخصه في السالفة كانوا طالبين منه المروجين انه يحرس المكان .. لأنه كان داخل المكان أجهزة كمبيوتر للبيع .. بس المافاجأة كما توقعوا كمية كبيرة من المخدرات .. خلاف ياه واحد عطاه شيك بمبلغ 150000 وسيارة .. لأنه الشيخ كان داري انه عايلة عيسى فقراء ما عندهم شي لدرجة ما عندهم موتر ... وودا مانع الموتر والفلوس عند اليدة ميثاء .. )

مانع: احم احم هووود هووود !! (وكان بالدريس)

اليد حمد: هدا اقرب اقرب ...(وماكان حد وياهم ..غير ميثاء..سلم عليهم ويلس ..)

مانع: انا عندي امانة لكم بس اباكم توصلونها لأميه ام عيسى ..

ميثاء : خير ان شاء الله؟

اليد حمد : شو تقول؟

ميثاء: خلاف خلاف ..اول شي خله يتقهوي وانا بقولك..(وهي اتقهويه)

مانع: اميه الشيخ آمر انه اعطي اهل عيسى هالشيك والموتر برع لكزس ستيشن .. وانا الصراحة مارمت اوديها عندهم البيت ..بسبب عمي فاضل .. ترومين تعطين خالوه غريبة والامانة فإيدج ..

ميثاء: وييييه !! الله يطول فعمره ان شاء الله (ويلست ميثاء تدعي للشيخ .. و روح مانع وتتصل بغريبة .. ويتها ..ودشوا الميلس يتكلمون هي وميثاء وحمد ..عن البنات ايين ويسمعن..) اميه غرووبة ..هذي يقولج شيك حقج وحق عيالج من الشيخ .. عطية ..ومانع مارام ايي بيتكم من اللي شافه من لحافة فضووول اللحف اللي هب شايف خير ..ويابهن عندنا عسب نعطيج ..

غريبة وعينها تدمع : يالله يامايا !! وااايد .. هذا كله حقنا؟ اميه حلفي انه هب منج !!

ميثاء تضحك: مينونة اعطيكم هالمبلغ؟ ادريبه فضول بيلهطه عنج ..

غريبة: الحمدلله والشكر ..الله يطول فعمره هالشيخ ..ويزيده ان شاء الله

حمد: ميثوه بسج هذربان !! انا بكمل عنج ..وعاطنكم موتر بعد ..برع في الحوي ..

(وغريبة مبججة عيونها ..)

غريبة: ابويه !! لا تصدمني ما فية اعج اللي فبطني من الفرحة !!!

ميثاء: غربلج الله وانا اقول من وين هندوه يايبة الخبال !!

غريبة تضحك: صدق هالموتر حقنا؟

حمد: هيييه حقكم (ويحبها حمد على راسها ) بس عادة قولي حق مسوّد الويه ريلج اني انا عاطنكم ولا وهذي حلفتي لا ياخذها ولا بيردها عليكم .. خلي ميود يسوقها بعد هو أهوّن عن ابوه ..

غريبة اتحبه على راسه : من عيوني يا بو غريبة هههههههههه احينه بتغار شموس (ام شمايل )

( وقتها كانت مي يالسـة في غرفتهـا تلعب في تيلفون امها و تتطالع سجل الهاتف، مكالماتهـا الواردة و الصادرة.. و ماتوقعت كيف إنها يوم بتقرى رمـزه على شاشتهـا .. بتتأثر هالكثـر )

مي تقرا اسمـه: عوّاس .. ( غررت العيون، تحجهن ما تبغي تضعف ) أنـا أروح و إنته تبقى؛ فدوة تسـوى هلي كلهـم ..

( تمثل بأنه مُب هامنها ما كانت مستوعبـة السالفة بكبرهـا والحينـه بمرور هالأيـام ولا حد يعرف عنـه شي .. بدت تفتقده خصـة إنه محد غيره في هالعايلة من اخوانهـا مهتـم لها .. فرت مي تيلفونهـا؛ و إنخشت في فراشهـا و تمت تصيح وهي تتذكر سيراتهـا و رداتهـا و مواقفهـا ويـاه .. دخل مايـد عليهـا دون لا يدق الباب بلا هود ولا هـدا .. )

مايد : ميّـوه؛ نشـي !

مي من تحت لحافهـا، تعدل من نبرتها : وِجع ياخذك؛ عمى ما تعرف تدق الباب !

مايد : نشي أباج ..

مي : شتريـد منـي من متى أباك وإلا تبغينـي في شي؛ لا بأنا اخوان ولا بأنا ربع ولا حتى معرفة؛ من عرفتكم و كلنا عداوة .. ( انكسر صوتهـا) إلا عواس .. ( بغت تكمل لكنها تمت تصيح هالمرة .. من خاطرهـا )

مايد مع إنها غمضتـه و ذكر أخوه رد : أخيـج هاي منو فج حنفيتهـا !!!

( ظهر من حيرتهـا و رض بالباب ما همتّه في النهايـة هي بنت العراقيـة .. لبسهـا ورد جدى كمبيوتـره وجابله .. نرد لعربانـا .. )

ميثاء: اميه هاي نعمة لكم .. بس اتحملي اتزلين واتقولين حق فضول!!

غريبة: لالا افا عليج !!

ميثاء: سيري بشريهم بهدية حمد هههههههه

حمد: ما اسمع شو؟

ميثاء : خير خير ..

(وغريبة يوم توها قايمة اييها اتصال من برع ..)

غريبة : الو؟ الو؟ منو؟ لا يابويه ماعرفك .. (وزاغت) خير؟ (وتبتسم) الله يبشرك بالجنة ان شاء الله

(وبندت عنه وبعد ربع ساعة انها تخبرهم بالخبر بانـه يتـم السيـارة من يدهـم حمد هديـه بس ماخبرتهم عن الفلوس .. بس خبرت هنود على ينب وقالت لها بعـد شي خلاها تفرح و ما سكتت إلا بعد ألف حلفة .. و ردت غريبة ترمس مايد عن الموتـر بأنـه هو بيقبضـه)

مايد بفرحتـه : هالموتر حقي؟

غريبة: هيييه حقك عاد يوم نبا شي لا تقصر !

مايد يطالع ميـوّه اللي ظهرت من حجرتها على اليولـة .. كانت هاديـة .. قام وجان يدح مي: افا عليج !!!

مي ردت بشرهـا وتسبه : كلب !!

( ردت حياتهـم لشبه طبيعيـة، عدى عن إختفـاء عيسـى .. غاب مانـع عن حياتهـم، إنـزوى لحالـه يصارع شي من تأنيب ضميـره؛ و أجبر أخـوه هزاع بأنـه يدخل مصـح عسب يتعالج من هالسمـوم اللي في جسمـه .. محد يدريبـه حتى أمـه لنه كان مغطي موضـوعه عدل، وخلال فتـرة الثلاث شهـور اللي طافن مـر عليـه .. ومن يوم الحادثـة تغيّـر اسلوبـه .. تغيّرت شخصيتـه مع أخـوه وجنّـه ما اييـه شي .. )

مانع : محتـاي لشي ؟

هزاع منزل راسـه: لا مشكـور ..

مانع بفتين: ارفـع راسـك !

هزاع صد مَب رايـم يجابل أخـوه : مانع ..

مانع : أقول لك ارفـع راسـك !

( رد هزاع يتطالع أخوه .. وقف له مانـع .. )

مانع من طرف عينـه: أحيـدك تدانـي السـوالف المصخرة ( قالها له جنّه يعايـره ) لكن تعـرف شو أسخف سالفـة .. و أكبر مصخـرة عرفتهـا في حياتـيـه ؟! ( رد وهو ما يتريـا منه يـواب) إنتـه !

( كان هزاع ينظر مانع .. حاس بأنـه يختنق .. بدى يستـوعب سوايـاه .. رد نزل راسـه وصد بويهه الصوب الثاني )

مانع رد؛ هداد : ارفع راسـك، لويش تنزله .. ارفعه شرا ما رفعت راسي .. ارفع راسـك لنك أدمنت .. ارفعه ضيعت شباب أعز ربعي .. اخويـه !!! ضيعت شبابه و ضيعـته .. ارفع راسـك فضحت هله و ضيعتهـم لويش تنزلـه .. ارفع راسـك .. ارفع راسـك رفعت راسي !!!

هزاع رفعه ما رام ياخذ منه زود : مانع يسدنيـه بس دخيلك !

صفعه مانع و قال : أي شي بيظهر مني عمره ما بيكون كافي !

( و ظهر عنه ..)

( خلال هالثلاث شهـور؛ وصلت غريبـة بحملهـا الشهر السادس .. بدت أمور عايلتها تستقـر نسبيًـا .. على غير العـادة بدت تصرفات الأبو تظهر مب طبيعيـة .. هادي و ودّر العصبيـة .. وفي يوم في بيـت ميثانـة ..)

حمد: هنود يوزي عني !!

هنود تلعب بصلعة يدها : ابويه؟ ليش هالجهة في شعر والثانية لا؟

نشبة : وراثة اللهم عافنا !! (وهنود تضحك)

هنود: انزين ابويه !! اشعنه ما اتطوّل شعرك شرا هذيلا اللي ايويلون؟

حمد: هيييييهأأأ .. وين نروم انقلد الشباب هذيلا قوم بالكشيش !!

هنود تضحك : ابويه خلني اصبغ لك شعرك .. والله بتطلع ازجرت !!

حمد: هندوه !! يوزي ولا العصا فايدي !! (وهي ميتة من الضحك ..)

هنود: انزين ..شو رايك اتراويني ترجيييييبتك؟

حمد على طول ضحك : هااااه يوّدي !!

(وعج الترجيبة على ايد هنود)

نشبة لايعة جبدها : وييييدييــــــــــــــــيه!! عفانا الله في التراب في التراب (وتوّدي الترجيبة صوب نشبة) اعععععععع !! بعيد بعيد !! فــــــــضّل !!!

حمد: اييييييه البقرة!! يوم ريلج متوفي !! منو بيلبس ترجيبة فهالسن غيري ؟

نشبة : الله يغفر لك ويرحمك ..الله يغفر لك ويرحمك يا سعيد!!

حمد: شو تقولين؟

نشبة تزاعج: ماقول شي ..

هنود: شو تقولين؟ ماسمعج يانشيبة!!

نشبة : جاب ..

هنود: واذا هذربت؟ (ونشت نشبة اتحبي صوب اخوها)

نشبة: مسوّدة الويه ..

حمد: هذي هذي !! هب انا !! (وايأشر على هنود)

نشبة : ادري ادري اتحراني عمياء وصمخة؟ (وشلت عصا حمد بتضرب هنود)

هنود : لا خلاص التوبة !!

حمد: المدحوبة يوزي.. مب كفاية جاتلة ريلج وبتجتلينها؟

نشبة : ويدي !! بسم الله علية !! بلاك كلتني بقشوري؟

حمد: هاااه عيل؟ جيه مسمين فريجنا فريج الارامل ..

نشبة : حشا محد مسمنه !!

حمد يتفلسف : بتخبرج انتي جاتلة واحد وشميم 3 الله أكبر عليها ....... (ويلس يعد لها يرانهم)

نشبة : بس بس بس اعنبوا !!!

حمد: فطيم؟ اميه بلاج موّيمة؟

فطيم: هاااه؟ لا ماشي ..

نشبة : من يومين خاطبينها عرب ..وردتهم

حمد: ليش فديتج؟ (وهنود قامت ولابهمه من كلام نشبة لأنها اتأثرت وايد بكلام فطيم يوم كانت اتذم عيسى)

هنود: يالله ابويه عطني مفتاح موترك ..

نشبة : وين بتسرحين؟ بيزخونج الشرطة !!

حمد: وين تبين؟

هنود: بوّديك المسيد أحصّل اجر بدال هالرغيد ميود !!

حمد: صدق ولا اتمصخرين؟

هنود: صدق والله ..

(وكانت مسؤوليتها انها توّدي يدها على كل فرض.. كانت اتسوق بدون ليسن ..معلمنها عواس من هي عمرها 15 سنة .. وبعد اتوّدي يدها الصلاة كل فرض .. يعني على شطانتها اتكفر حليلها خخخ .. اما عند هناء وشمايل ..)

شمايل : هنووه؟ شكلي بغّير تيلفوني ..(وكانت هنوه عالنت)

هناء بمكر : ليش عاد؟

شمايل: والله أذّوني !!وايد ارقام غريبة تيني مادري شو السالفة ..

هناء: مادري والله

شمايل اترد : هلا هنود .. أوووه !! اوكي اوكي أي لون أصفر؟ ههههههههه أسميج فنتكة 10 دقايق وبنزل جهزي الدري .. هاااه؟ لا حبيبتي قدها وقدود !!

(وروحت حجرتها وجلبت المكان كله وما حصلت ..سارت حجرة امها ..)

ام شمايل : شو اتدورين امايا؟

شمايل : اميه؟ سروالج الاصفر هذاكي بو كريستال وينه؟

ام شمايل : يامنكرج شعنه؟

شمايل : بنعيد التراث انا وهنود .. وابا بعد هذيجي الجلابية الخضراء القصيرة لين الركبة !!

ام شمايل : امايا هذا لباس هل عمان في المكسار قلنا بنلبسج

شمايل: ما عليه بلبسه ..

(وسارت وتعنتلت ولبسته وعقصت شعرها اللي لين ظهرها بس عقصته على ينب ...وحطت وردة صفراء على ينب ..ولفت شيلتها الصفرء ..وتتصل بهنود .. وكانت واقفة شمايل عند يدار بيتهم)

هنود: انا هنيه فبيت اميه ميثاء .. (كانن بيوتهم كلها حذال بعض اول بيت فاضل وحذاله حمد وقوم شمايل وبعدين نشبة وشما ..) تسمعيني؟ حوّل !!

شمايل : حوّلوج لإبليس .. أركب؟

هنود: هيه اركبي ..تراني يبت الدري الثاني ..

(وواحد داخل بيت حمد ويطالع البنات من بعيد وماسك عمره من الضحك ..وشمايل ركبت ويلست عاليدار )

شمايل : هاااه شو رايج؟ نايس؟ ولا مو نايس؟

هنود اتهز راسها شرات الهنود : فيري نايس!!

نشبة : حسبي الله عليكن!!! انزلي!! انزلي بتكسرين !! ميثوه !! ميثوه الحقي !! (وتدش داخل )

شمايل تضحك : عدلي لي الدري عن أطيح ..

هنود : ولا يهمج ..(ونزلت ) يالله مغواتج يالسيلانية

(اولما طلعن في الحوي العيايز.. وميثاء يايبة خيزرانة )

ميثاء : منو هذي اللي راكبة عالدري؟

(وقفن العيايز بهتّن في البنات)

شما: اندوج انتي !! سيلانيات ماباجي غير يحطن بانيان ..

شمايل : بركاتك يا أبله

(ونشبة مارامت جان تضحك .. بس مايدرون انه الهم ياينهم)

نشبة : لاحول ولا قوة الا بالله ...ياربي انتي ما توبي ؟

هنود اتأشر على عمرها: انا توبي؟ شو توبي؟ (وتضحك على نشبة )

نشبة : اثنيناتج !!

هنود: درر درر ما شاء الله ..صيييييييييييييو طاخ !!

شمايل : يالله شو نقع؟

هنود : المدافع نقعن !!

شمايل : بس بعده شهر رمضان !!

هنود : اتصدقين يا شوشو مع اني ما احب يوم شي ينقع لأنه السالفة يوم فيها نقيع الجيوب الانفية عندي ملتهبة (ويضحكن)

نشبة : مسوّدة الويه انا اناقع؟ ميثوه هاتي العصا (ودشن العيايز داخل .. وتمن هن برع واللي يطالعهن طلع وكان ميود ..اما البنات سارن بيت فاضل .. وهن مارات)

شمايل : ياختيه احس قلبي ناغزني

هنود : من شو؟

شمايل: من مريت صوب الكمبيوتر ..

هنود: يمكن كهربة اتشوطتي اتشوطتي !!

شمايل : عادي ايلس عالكمبيوتر؟

هنود: فديتج يلسي .. انا بسير اطالع اميه وبيي..

(ويلست اتصفح وتحس قلبها يدق بطريقة غريبة كانت زايغة من شو ما اتعرف...جان اتشوف المسن مال ميود والفضول طبعا لعب دوره وفجته لأنه الباسوورد مسايف وكل شي ..شافت لسته طويلة عريضة ..وسيده اتبطلت نافذة صغيرة كاتبتله " انا زعلانة منك " جان اتسير اتبند)

شمايل: هاي خصوصيات لازم ما افتش !! (بس رد الشيطان يوّزها .. ودشت عالجات لوج ماله .. وماكان ايرمس حد غير 3 .. 2 منهم شباب ووحدة ..) الا اطالع..( ويوم فجت...احمر ويهها ..) لالالالا ملعونة الصير !! الجلبة !! والله لأراويها !!!

Cut ~

دانوه
01-10-2008, 01:28 AM
كمـليييييييييييييييي دخـيييييييييييييييييييييييييييييييييييييييييييييلج

والله بمـوووووووووووووووووووووووووووت

كمـليهـا كلـها بلييييييييييييييييييييييييييييييييييييييييييز

المنسيه
01-10-2008, 01:51 AM
خخخخ كلها ؟؟ تدرين القصهـ فوق الــ 60 جزء !

دانوه
01-10-2008, 04:30 PM
عـادي عـادي

كمـليهـا اليـوم فـ الليـل

^____^

المنسيه
01-10-2008, 09:31 PM
(البــــــــارت 18)

(محادثة ميود وهنوه في الماسنجر)

• مايد :إيييييييييييه !!

• هناء : الناس يسلمون ..

• مايد : هههه اتعرفين السلام بعد؟ ماحيد!!

• هناء : اعرفه وأروم أعلمك جان ما تعرفه ..

• مايد : إييييييه جلبتي علومج؟

• هناء : محد جلب غيرك يالهيس !!

• مايد : قصدج محد جلب غير اختج ..

• هناء : خخخخ تستاهل ..

• مايد: الا تستاهل وأزيد ام الرياييل ..

• هناء : مايد عاد .. كله ترمس عنها اخافك الا تحبها ...

• مايد : وعععععع ماعندي ذوق !! شو تبيني اجذب يعني؟ شو رايج اسوي فيها حركة نذالة؟

• هناء : لا لا ايييييه عن الخبال ..

• مايد : انزين بنتأكد مرة ثانية .. كم من مرة ظهرت ويا شباب؟

• هناء : شدراني انا ماظهر وياها ..

• مايد : جاوبي ولا ببند وانتي ادرى والله لأقطعها بطاقتي !!

• هناء : لا خلاص بس 4 مرات ..

• مايد : وكم واحد اتكلم ؟

• هناء : وايد .. ما ينعدون بس الليسته اتزيد ...

• مايد : اسميج جذابة

• هناء : والله العظيم ..يعل راس شملوه القص لو اجذب عليك ..

• مايد : خخخخ اتحلفين براسها من غلاتها؟

• هناء : هذي اختيه !!

• مايد : انزين يالاخت لحظة .. (وتم اوفلاين وبعد نص ساعة دخل ورد) باج باج .. (قصده باك باك)

• هناء : هلا ولجم ولجم (ولكم ولكم) وين سرت عني؟

• مايد : سرت اتصل بربيعي ..

• هناء : هذا وقته؟

• مايد : عيل اتم طول الوقت مجابلنج يالجلبة؟

• هناء : شو تبا منه؟

• مايد : بس ابتداءً من اليوم والساعة 12 بالتحديد بتي ارقام غريبة عند الاخت شمايل ..

• هناء: ميود ويهّد!! نشرت رقمها ؟

• مايد : لالالالا بس عشان أأدبها ..نشرت رقمها في الجات عالعام .. وعند ربعي طرشت لهم مسجات انه هالبنية اتجنن..

• هناء: هههههههههههههه أجديت فيها أم الرياييل ..

• مايد: غريبة ليش ما حن قلبج عليها..

• هناء: ليش يحن على وحدة مفضحة عمرها؟

• مايد : وبعد خذت هالشي عذر عشان اراوي اهلج ويزخونها وبينتهي كل شي ..

• هناء : وانا؟

• مايد: انتي شوه؟ تبين عرس؟

• هناء : لا طبعا فديتك ..اللي بيننا بس friendship لاأزيد !!

• مايد : قصدج حب بس من صوبج

• هناء : يمكن خلط بين ال friendship وال love بس زواج لا !!

• مايد : عاد منو قال اني اباج وميت فيج .. بس موّنستني !!

• شمايل ماسكة راسها : يالله داير راسي ..لا إله الا الله ..إشوووه هذا اللي مستوي؟ حسبي الله عليهم .. حسبي الله عليهم ..وين أضرب براسي ...وين؟

(قامت واتلثمت وهي تصيح ويوم توها بتظهر من البيت تدعم فاضل ..)

• فاضل : اميه بلاج؟

• شمايل : هلا ابويه لا مافية شي ..

• فاضل : انتي هنوه ولا فطوم ولا شمايل؟

• شمايل : انا شمايل

• فاضل : بلاج تصيحين اتضاربتي ويا حد من البنيات؟

• شمايل : لا يابويه بس .. بس.. طايحة وريولي ايعورنيييه يالله فمان الله (وتربع البيت..وسارت حجرة هنوه شرات المينونة ..وتتصل بها بس يرن عندها في الحجرة .. خلاف تتصل على رقم نشبة واترد هناء ..) هنوه وين انتي؟

• هناء: انا فبيت اميه ميثوه بتغدا عندهم !! بلاج؟

• شمايل: ليش يوم اتصل ما تردين؟

• هناء: ناسية موبايلي .. بلاج شوشو ؟

• شمايل : مابلاني شي يالله باي (وبندت .. ويلست عالنت وشافت الجات لوج مال هنوه ) نفس الشي تف عليها الخسيسة !! جلبة !! (وتصيح) اشعنه اتفضحوني انا شو سويت؟ (واتدور على رقم ميود اللي عمره ما طاح فتيلفونها وحصلته موجود..وطرشت له مسج وهي مغيضة " تعال ابا اشوفك فمساحة البنات " قصدها المكان اللي دوم ييلسون هناك ويلعبون ) وبنشوف يا انا يا انته !! (وطرش لها " بلاج" وطرشت له " بكلمك ضروري ..اترياك هناك "وقبضت الباب وطلعت يعني كالعادة الام اتحراها سايرة عند يدتها ولا البنات ..بس هي سارت مساحة البنات ويلست في الحفرة اللي دوم يحفرونها وهي تصيح)

• مايد: هنوه بلاج؟

• شمايل عينها تخونها وتصيح وتصد صوبه : ياويل قلب سلب عقلي من داره ..

(كانت متحجبة وماخذة النص من الشيلة على ويهها .. وهو منصدم لأنه هاي هب هنوه)

• مايد يتمصخر عليها : هاااه انتي؟ شووه؟ اشوفج تقصدين ؟ خخخخ

• شمايل فقدت اعصابها : انته شو من الاوادم ؟ انا ميتة فيك وانته مب حاس؟

• مايد: هههههه من متى يا حظي؟

• شمايل : من يوم كنا يهال !! وكبر قلبي على شوفتك كل يوم من حياتي ..

• مايد : ياحظي المجرود ..احينه انتي من جمالج؟ خجاجة ببيزاتج بس!!! ورياييلج بعد..

• شمايل : انا جذيه؟ الله يسامحك ..بس بذكرك بشي !!! (والغصة تاكلها ..)

• مايد: خلصي دهديييه ورايه شغل اهم منج !!

• شمايل : طبعا !! الغدر والطعن في السمعة من اسلوبك .. (وبعصبية) ليش توزع رقمي؟؟ وانا احينه اكلم شباب؟ من متى؟ (وتدفره على صدره من الغياظ .. وهو مسكها ) شو من عيال العم انته؟؟

• مايد ولا مهتم : ماماتي !! اهلي غاصبيني عليج ولا انا ما اطالع هالاشكال السخيفة !! الله ياخذ هالشكل ان شاء الله !! (وهداها)

(وشمايل من رهافة قلبها ...كأنه حد طعنها )

• شمايل : يال !!! (توها بتسبه) ما تستاهل اني اسبك ..بس ربي يسامحك لأنه عمري ما بسامحك ..

• مايد : جهنم كلتج يا بنت الجلب !!

(اتغشت وتمشي سايرة بيتهم ..كل خطوة تخطيها ..اتمنى فأي لحظة تبلعها الارض ..)

• شمايل فخاطرها : والله اني حبيتك يا ميود ..قسمت برب الخالق اني عشقتك ..شوف قلبن حبك ووطيته.. شووو؟؟ اتخبلت؟ قمت افر بيت من القصيد كل ما اتذكر ميود؟؟ (وبعصبية) وهذي الخاينة !!! اقرب الناس لي !! جذيه تسوي!!! تدري اني احبه واموت على طوايف طوايفه ..

المنسيه
01-10-2008, 09:34 PM
(البــــــــارت 19)


(ووقفت قريب من بيتهم واتساندت ..)

• شمايل: هاي الحركة مسواية .. حركة نذالة بس عسب أبتعد عنه .. غدت قصتي شرات نواري وصالح ..بس بعدني حاطة امل انه يحبني .. والله قابضتني غبنة .. هم مستانسين وانا هموم الدنيا على راسي ..يعني لو خذته؟ بيرقدني عالارض؟ وبيعاملني شرات نواري؟ بس هذاكي اكتشف انه يحبها .. بس انا مش متينة ليش ما يدانين؟ ..الكل رايدني وانا رايدة هالمايد !! يالغبية !! منو بيسمعج؟ هو؟ كيف؟ دامنه فصف الخاينة الجلبة !!

(ودشت البيت هادية كعادتها .. مارمست حد ..يلست في الصالة تفرفر فهالتلفزيون وتذكر كلامه وعيونها يغرغرن .. مي تتصل بها بس شمايل ما ترد .. لين يتها البيت هي وهنود .. فرت مي عباتها ..)

• مي: جيه ما تردين ولا ما تنزلين ياعيوني؟

(قامت شمايل ومسحت دموعها ..)

• شمايل : هاااه؟ مادري ..

• مي : كنتي اتصيحين؟

• هنود : منو مزعل غرشوبة ليوا؟

• شمايل : لا ابدا ..

(هنود ومي يطالعون بعض )

• هنود ومي: ميود!!

• شمايل : لالالالا

• مي: منو ماخذ قلبج غيره هاااه؟ ذالة عمرج عليه ياعيوني والله ما يستاهل !!

• هنود: امبونه جلب !!

• شمايل معصبة : يوم انتوا تدرون انه جلب وما يستاهل ..شعنه تبونه ياخذني هاااه؟

• مي: والله محد غصبج قولي لا وخلاص ..

• شمايل وبكل جرأة : المحيّرة ما تقول لا لأهلها ولا شو رايج انتي يا هنود؟

• هنود: مي مب قصدها !! ميوووه جاب يالله !!

• مي : لا قصدي ونص يوم ما تبينه قولي لا وفكينا من الصدعة !!

• شمايل : واقفة في صفه طبعا اخوج .. بس لو تدرين شو سوا ..

• مي : اوهووووه !! انا بسير فوق عند هنوه ولا الرمسة الفاضية ...

(وعلى فكرة ترا هنوه وشمايل امهم اخت غريبة وابوهم اخو فاضل بس متوفي من سنين..)

• هنود: شو استوا يا طبجتي؟

• شمايل : يالله يا هنود ..ليش اخوج ما يدانيني؟

• هنود : مب سالفة ما يدانيج ..بس انتوا محيّرين .. لو ما كنتوا محيرين جان روحه ياء وخطبج ..

• شمايل : كله نفس الشي شو الفرق؟ انا ما لحقته بس من يوم نحن صغار وانا احبه واموت فيه ...

• هنود: انزين خبريني شو صار؟

• شمايل: هنوه اختيه اتكلم ميود ..

• هنود: شو اتقول؟

• شمايل: شو شو اتقول؟؟ اقولج اتكلمه ..يعني حبيب وحبيبة !! فهمتي !! (هنود انصدمت )

• هنود : اتخبلتي؟

• شمايل: احينه انا اللي اتخبلت ولا هي؟ انا اللي فعمري ماعرفت رقمه ..ويوم اشوفه يبدا العيد عندي .. واختيه تباه؟ من غير هي تفضحني وهو بعد؟ ليش ينشر رقمي ؟ انا شو سويت؟ لا وبعد هي اتجرجه شو من الخوات هذي هذي مريضة نفسية

(واتصيح بهستيرية ..)

• هنود: انتي الغلطانة ..

• شمايل : لا هب غلطانة ..قاللي انه هو مغصوب ..تبيني اخذ واحد ما يباني؟

• هنود : لا حول ولا قوة الا بالله .. اشوف فيك يوم يا ميود ...الله بيراويك يالجلب !!

(بس كانت هنود تدري بلسان ميود وتدري انه ما يباها .. وكانت ام شمايل تسمع ومتغايظة .. لبست عباتها من الغيظ وطلعت من الباب البراعي .. اما عند مي وهناء ..)

• مي: عادي ادش؟

• هناء: هاااي مايو ..علومج دارلينج؟

• مي: فاين والله ..بلاها اختج عاجة الجيزري على اخويه؟ (وهنوه ماتدري شو السالفة)

• هناء: جيه ؟ بلاها؟ مادريبها طفرة ياختيه هالبنية !!

• مي: ليتج تاخذين ميود بدالها !!

• هناء: صدق والله؟

• مي بمكر: ما صدقتي الله أكبر عليج ثرج الا تبينه؟ وينك يا ميود اتشوف المعجبات ..

(وعلى طول شمسة ام شمايل اتطير بيت قوم فاضل من غير كانت علاقتها بأبوها وامها متوترة ماكانت اتزورهم ومنو مبطل الباب )

• شمسة نمسك ميود من أذنيه : يا مسوّد الويه يالجلب يالميذّع !!!

• مايد : آآآآي خالوه بلاج؟

• شمسة: لعنت الله عليك !! انته تسوي ببني شمايل جذيه !! تعال جدامي عند امك يالحيري!!

• مايد: آآي آآآي خالوه هدي !!

• شمسة : جاب يالله جاب !! جان فيك خير ارمس والله لأجلع اذنيك يالهيس !!! (وتزاعج) غروب !! ياغروب !! تعالي !!!

• غريبة : خير ؟ خير؟ خير؟

• فاضل : بسم الله شو مستوي يا ام شمايل؟

(وساروا الصالة وويهها محمر شمسة)

• شمسة: والله ما عرفتوا اتربون ولدكم تف عليك وعلى ويهك ..

(وهو يمث ويهه ومنزل راسه)

• فاضل : خير يا ام شمايل؟

(طبعا علاقته بأم شمايل وايد زينة لأنه كل الحلال فايدها ولازم يرضيها ..واتخبرهم بكل شي ..)

غريبة: ويدي غربلك الله يا مسوّد الويه شو سويت في البنية !!

شمسة : هذي اشرف عنك يالهرم !! ومثل ما كسرت بخاطرها كل شي يوقف والعرس ينتهي وسير عند اللوث وخذهن وان شفتك جريب من بناتي واولهن هنوه والله ياويلك !!

(فاضل قام وصفعه طراق على ويهه)

فاضل: يالجلب يامسوّد الويه ..

(ويوم روحت شمسة .. دش فاضل على ميود في الحجرة)

ميود: شعنه تضربني؟

فاضل: لأنك مسوّد الويه !! تنشر رقمها لعنبوا دارك نحن نباكم اتعرسون وانته اتخرب كل شي !! اتسير واتصلح كل شي تفهم ولا لأ ..وان اتقربت من العقربة هنوه والله ما بتسلم مني تسمعني !!!

ميود: زين انزين !! افففففف

(وظهر فاضل من الحجرة ...وهو متضايج لأنه كل آماله بيتبخرن فلحظة وكله بسبت ميود ..)

(اما في المستشفى عند هزاع )

• هزاع يصارع الادمان : دكتور الله يخليك طلعني .. انا بخير شوفني ..مافية شي !!

• الدكتور : شو نطلعك؟ لازم ينظف جسمك من السم اول ..

• هزاع: والله والله .. (ويمسح على جسمه) آآي ظهرني !! (وبهستيرية) اقولك ظهرني !! (ويعج ابرة الدوا وابرة المغذي ..) آآآخ!!!

• الدكتور يمسكه : لا يا هزاع ... استهدى بالله ..

(والدكتور ضربه بابرة اتهديه وهو يحاول يطلع من الحجرة وصل لين الباب ودوّخ .. وشلوه الممرضين وودوه فراشه .. كانن جفونه سود .. وينتفض ويهلوّس ..وردت به الذاكرة سنتين ورا ..يوم كان يوّدي غدا لبيت ام غريبة .. وكان حزتها ما يخصه في المخدرات ولا دربه .. ويدق الجرس عليهم وبعد 5 دقايق يسمع صوت حد ياي من النعال ..)

• فطيم قبل ما تفتح الباب : والله يا هندوه ان طلعتي انتي بدوسج فبطنج !!

• هزاع فخاطره: والخيبة !!

(وفجت الباب .. ومسطاع مال الذباب فايدها ..عاد حزتها هو اتخبل ..شاف غزال مفنود ..وفرت النعال صوب الشيّرة .. وخشت مسطاعها وراها .. جان تبتسم..ومب عارفة شو اتقول حتى نست تتلثم)

• فطيم : إإه !! إإه !! إإه!! آسفة !!

(وتربع بعيد)

• هزاع: ردي!! ردي خذي الغدا !!

• فطيم محمر ويهها : أووه !! (وردت وهي منزلة راسها من الاحراج )

• هزاع: اتفضلي .. (وعطاها الطاسة الحرارة ) اتعرفين عاد بيت منو؟

• فطيم وهي مروحة: نعم؟

(صدت صوبه وهي مبتسمة )

• هزاع: بيت بومانع ..

• فطيم : ان شاء الله (وتهز راسها) مشكوور ..

• هزاع ميت ما يبا يروّح : ههههههههههه انزين تعالي بندي الباب عن القطاو ..

(وهي حليلها ريل ورا وريل جدام .. وجان تشرد داخل .. وهو يضحك ..وبعد فترة رمس امه وهي ما قصرت ..رمست نشبة بس طبعا ردوه .. لأنها محيّرة ل عيسى .. من غير هو ما يشتغل .. ومن حزتها أهمل عمره .. نسى كل شي ما همه حد .. ورد وعى من بعد الدوخة .. )

• هزاع: دخيلكم ظهروني ..بسوي اللي تبونه .. ظهروني ..

(وهو يصيح يمكن هب ندم .. يمكن يشفق على عمره ..)
(وعند هناء ..دشت شمسة وقفلت الباب عليها .. ومحد وياهم ..وشمايل في الصالة..)

• شمسة فإيدها خيزرانة: يا مسوّدة الويه !! انتي تشوهين سمعة اختج !!!

• هناء ماسكة جسمها عشان ما تيها الضربة : لا اميه خلاص التوبة !!!

(وشمسة تضربها ..)

• شمسة : يالخايسة !! نزلتي سمعتنا في التراب وكله بسبتج !! وأختج الشريفة جذيه اتسوين بها .. انتي الا مينونة وخبلة !!

(وهنوه تصارخ من الويع .. ووصلت عند الباب اتحاول اتبطله ما شي فايدة قافلتنه شمسة والمفتاح عندها ..)

• هناء : لا خلاص اميه التوبة !!

• شمسة : أي توبة؟ انتي فقلبج شي اسمه رحمة؟ فضحتي اختج وفضحتينا وياها لا بارك الله فيج !! جان في شاربج خير اطلعي من الحجرة !!!

• شمايل: اميه ؟ بلاج؟ افتحي الباب فديتج !!

• شمسة: شملوه ما يخصج !!

(وانغسلت غسال ما خلت مكان فجسمها ما ضربتها ويوم بطلت الباب كانت شمايل اتصيح عند الباب ..وجلعت الكمبيوتر وشلته وفرته من دريشة هنوه ..)

• شمايل: آآآخ يا اميييه !!

• شمسة اترمس هنوه: جان في شاربج خير سوي شي ثاني .. ان طلعتي من الحجرة بذبحج يالسبالة !!

• هناء: احسن لي اموت وانتحر !!

• شمسة: فكاك بنفتك من مصايبج يا ام الرياييل !! انتي ايمان ما فيج ولا جان ما فكرتي حتى جذيه !! انا ياما حذرتني اميه.. كله بسبت هالكمبوتر والتيلفون ماصدقتها واتضاربت وياها بسبتج !! والله انها صدقت !!

(وتمت محبوسة ومن درن العيايز سارن بيت شمسة وهدوا من أعصابها وحاولوا بكل طريقة )

• ميثاء: يا امايا الله يهديج ..خليها تي عندنا نحن بنرمسها واللي سوّته غلط وما بتعيده !!

• شمسة : انا اللي بربيها من أول ويديد .. ياما حذرتوني وانا ماسمعت شو بتيب لنا بعد !! والله ما تظهر من الحجرة وان شبّت والله انه ما ترد وهذي حلفتي !!

• نشبة : يامايا لا تحولفين !!

• شما: لا إله الا الله ..

• شمايل: اميه عادي اسير عند ابويه حمد؟

• شمسة : سيري يا اميه الرب حافظنج وهالله هالله بعمرج ..هذي هي البنية السنعة ولا الجلبة !! والله يا اميه انه الضغط ارتفع عندي حسيت دمي يفور مارمت !! اخت تسوي بأختها جذيه ؟ شو مصلحتها ..

• ميثاء: يا امايا هذي الغيارة ..


(وتمت هنوه حبيسة حجرتها ما تظهر وكان في راسها شي تسويه بس بعده مب وقته .. وشمايل صح انها حاطة فخاطرها منها لكن تي وتسولف وياها ..وبعد ما تطري لها أي شي عن اللي صار ولا حتى تسألها ..من غير محرّم عالبنات ايوونها بسبت حلفة شمسة )


(..وصلت كروت عرس.. وكانت الكروت فإيد هنود ..وفجت الكرت ..)

• هنود تزاعج: اميييييييه ميثاء يايتنج كروووت عرس

(نتشرف بدعوتكم لحضور حفل زفاف مانع سيف على وداد محمد .. وذلك يوم الجمعة 1-8-2007 في تمام الساعة الثامنة والنصف في قاعة الملتقى بمركز دبي التجاري .. ودامت دياركم عامرة بالافراح والمسرات .. وجنة الاطفال منازلهم .. )

• هنود: إشووووه هذا؟ وانا المحيّرة؟ انا شوه؟ لالالا شكلي احلم ..

• ميثاء : بلاج مصطنة؟ منو مطرش هالكروت؟ اعنبوا ما وقفن العراسات؟

• هنود: مانع بيعرس ..

• ميثاء : أي مانع؟

• هنود: مانع اللي محيريني له ..

• ميثاء تولول : ويديه غربله الله ..شو هالمصخرة؟جيه بنات الناس لعبة فإيده؟ وااااي يالفضيحة !!!

• هنود تنتفض : دخيلج يا امايا اتصلي واسألي .. يمكن مغلطين في الاسم ...

• نشبة: خليني انا بتصل وبغسل شراعهم !! هذيلا ابدا ما يعرفون المذهب ..انا قايلتلكم الولد لعّاب ما صدقتوني !!!

• شما : اصدقت نشيبة !! ولا حد يأمن يفر بنته على عيال سيفوه روحهم سم !!

• ميثاء: غربلهم الله يعلهم ما يترقعون ان شاء الله !!! خليني انا بتصل بهم ...هندووه سيري ازجري امج !!

• هنود: مابغي !! دخيلج يا امايا خليني اسمع !! (وتصيح) ليش ياربي !!!

• شما لبست عباتها: انا بسير اعلمها .. باخذ بشكارتي ويايه .....

(وقلبها انفطر .. مع انها شافته مرة وحدة لكن عيونها تدمع ويدتها تتصل بأمه ..)

• ميثاء : السلامن عليكم .. ام مانع؟ حياج الله ..

• ام مانع : الله يحييج غناتي ... (وكانت قافطة الحرمة ..)

• ميثاء نشت لها نشة وتبدا هجومها: انتوا السنع ما اتعرفونه ..ولا جان ما سويتوا هالشي !!

• ام مانع: ياختييه انا مفتشلة منج بس ولدي غيّر رايه ويبا ياخذ وحدة غير.. بس هند تراها هب شينة وبتحصل ريل ان شاء الله..

• ام مانع فخاطرها: يالله يا منوع .. وين أوّدي ويهي من خوياتي ..

• ميثاء : بسم الله عليها من الشين ..انتوا الا المذهب ما اتعرفونه ..ونسبكم اصلا ما يشرفنا !! (وبندت فويهها ) الله يغربلهم .. (وتصيح هنود)

• هنود: بس انا ما سويت شي ..ليش هداني؟؟؟ (ميثاء بندت عنها بدون ما اتعرف السالفة كلها ..)

• ميثاء : بييج شيخ شيخه !! انتي اختاري بس !!!

• هنود: مابا حد !! عفت الزواج .. عفت كل شي ... (ومسكت هنود راسها) لا وأكبر مصيبة .. هذي وداد اللي أدرس وياها ..

• نشبة : ربيعتج؟

• هنود: دوم اتمشى وياها وتتصل بي !! شفتي النذلة !! لا بركتن فيهم !! (وتصيح)

• حمد: منو مصّيح بنتي؟ (ويوم يخبرونه ) اصلا هذيلا هب رياييل الملاعين !! اميييه فديتج ليش تصيحين؟ باجر بييج واحد أحسن عنهم وزين انها يت منهم الجلاب !!

• هنود: بس يا يدي !!

• نشبة : ياخوي تراها متربية وياه .. وين تباها ماتصيح !! ومن يوم هم يهال ونحن محيّرينهم ..

• حمد: الله يغفر لك ويرحمك يا سيف لو كنت موجود .. جان ما سمحت لهذا يستوي ..

• شما: يالله يالناس !! امايا انتي محشومة لكن هو اللي بيفتضح .. الهرم..

(وتمت ملازمة البيت .. وتسمع زعيج)

• فاضل: طبعا شاف شي شين ولا ما جان عرس ولا خبرنا الا توّة !!

• غريبة: يا فاضل لا تقول عن بنتك جذيه !! تراها من لحمك ودمك !!

• فاضل: عيل شعنه هداها .. اكيد سامع شي !! ماشي غير املنا ف ميود !!

• هنود فخاطرها: آآآخ يا مانع !! انته جذيه تسوي بي !! انته !!

• مي: ليش تبجين يا عيوني .. تراج بتحصلين رجال احسن عنه..

• هنود: الله يخليج خليني !!

• مي: بتسيرين عرسهم؟

هنود رفعت راسها وبقهر : ليش لا .. تراه عرس صديق الطفولة وربيعتي !!! (وويهها محمر )

• مي: مجنونة !!

(وتمت صاخة وكاتمة كل شي وما فتحت الموضوع الا قبل العرس بيوم ..)

• هنود: اميه ميثاء:

• ميثاء: يالله بدون ما تقولين تم فديتج !!

• هنود: ابا اسير عرس هذاكي !! (نشبة وميثاء وشما يتطالعن بعض مب مصدقات)

• نشبة : اتخبلتي؟

• هنود: لا اتخبلت ولا شي (وجان تبتسم)

• ميثاء: امايا انتي محمومة؟

• هنود: ابا اسير ابارك لهم ..

• ميثاء: عن الخبال هندوه انا اعرف ينونج!!

• هنود: صدق يا امايا ما بسوي شي ..بس ابغي اشوف العرس ..

• ميثاء: ينّت وقعدت .. (وبعد ألف يا ويلاه شوفوا النتيجة)


(اما بعد ايام فمركز دبي التجاري .. دشن العيايز الثلاث ..وهنود وياهم وكانن العيايز كاشخات يالله هذاكي الكريستال عالكندورة المخوّرة .. ولبس هنود اللي متسلفتنه من عند شمايل كان يجنن عليها .. وشعرها المنشول والمكياج اللي ممكيجتنها شمايل.. وهن يالسات يسلمن شافتهن ام مانع واتغير ويهها ..وسارت صوبهم ..)

• ام مانع : يا هلا .. يا هلا .. يا مرحبا ..زارتنا البركة ..

• ميثاء : مب من الله !!

• ام مانع : خويتيه بعدج زعلانة افا عليج !!

• ميثاء : كل شي نصيب يا اختيه ولا تفتحين الموضوع يايين انبارك لكم ..

• ام مانع احمر ويهها : هلا .. هلا بالعروس .. (ضربتها في الوتر الحساس ..) شحالج امايا؟

• هنود : بخير ..

(حتى ما طاعت اتكمل .. وقلبها يفور من الغصة .. كل شي من الزين والغالي وحق منو؟ حق ربيعتها اللي تدرس وياها .. اللي طعنتها في الظهر .. وكانوا الخلق يطالعون طاولة قوم هنود ..)

• الحرمة ام كندورة حمراء : مب جنه هذي بنت غروبة اللي محيرينها له؟

• الحرمة ام كندورة صفراء : اندوج انتي !! شو تسوي هني؟ لا والعيايز وياها اكملت!! ويييه يالفضيحة !!

• الحرمة ام كندورة حمراء : جان ما تستوي فضيحة عودة الله يستر !!

• الحرمة ام كندورة صفراء : بس يقولون انه العروس اتكون ربيعتها في المدرسة ...

• الحرمة ام كندورة حمراء : واعلية عليها .. ما تستاهل بنت غرووبة .. مع انها الله يحفظها اخلاق وجمال ...

• الحرمة ام كندورة صفراء : اصلا عايلة بو مانع مافيهم خير .ولا نحن شو يايبنا عرسهم !!

• الحرمة ام كندورة حمراء :عيل اقولج امايا اتلاحقي عليها عن ايحجزونها ..لو انهم فقراء ..لكنها بنية ما اتحصل !!

• الحرمة ام كندورة صفراء : هي والله .. وجيه عيل ما شوف بنت العراقية وياهم؟

• الحرمة ام كندورة حمراء :ياختيه سامعة انهن ما يتقابسن !! من غير هذي شو يسمونها ميادة مادري مي !! قوية محد اقرا عنها .. مستقوية عليهم كلهم .. وسامعة انها راعية شباب..

• الحرمة ام كندورة صفراء : في التراب !! في التراب !!

• الحرمة ام كندورة حمراء :وبعد عرب شايفينها اتدوخ قدّو !!والاهل غاطين عنها يامّج !!

• الحرمة ام كندورة صفراء : الله واكبر عليها ..الله واكبر عليها !!

(وفي الطاولة اللي يالسين يحشّون فيهم الحرمتين كانوا 3 حريم فنفس الطاولة يتسمعن ومبججات عيونهن ..)

• وفاء تصاصر اليدة الجود : سمعتي؟ بل بل بل عليهن !! ولا اخبار الامارات

(والجود انخشت من بينهن )

• الجود: شو تقولون؟

• احلى البنات : واللي يتابعني فقصتي الرابعة بيعرف منو الجود خخخخخ



مب جني اليوم كريمهـ:devil2: ؟؟؟؟ خخخخخ

دانوه
01-10-2008, 10:41 PM
منـسيوتـي حـياتي كمـليهاااااااااااااااااااااااااااااااااااااااااااا ااااااااااااااا

دخـييييييييييييييييييييييييييييلـج

المنسيه
01-10-2008, 10:51 PM
(البــــــــــــارت 20)


• اليدة الجود : بعد هالحش كله وما عرفتي شو السالفة؟

• الجود: تصدقون هاييجي البنية صدق انها غاوية .. أحس بها مبأي شي يدخل راسها ..

• وفاء : يمه عليج !! شو رايج تقعدين معها وتسولفين ؟

• الجود: صدق والله ؟ يالله انقوم !!

• اليدة الجود : عيب امايا .. انخلي العرب وانسير مكان ثاني ..

• الجود: بس نحن ما انعرفهم !! قوموا ولا بخبر عليكم زايد ..

• وفاء : دامنه زايد لالالا ... يالله يمه ..

(واتعذرن وسارن جدا طاولة الهند)

• الجود: السلام عليكم ..

• نشبة وشما وميثاء : وعليكم السلام والرحمة ..

• الجود: هالكراسي لحد؟

• ميثاء : لا ابدا اقربن اقربن ..

• الجود واليدة ووفاء : جريب جريب ..

(الجود يلست حذال هنود والعيايز عند العيايز خخخ ..وكانت تتصل بأمها نداية)

• الجود: مرحبا بالحلوة ..علومج؟ أدريبهم كلوا لج جبدج .. لا ما دخلوها ..لا لله كل شي غاوي .. لا بس متصلة اتطمن وزايد؟ الحمدلله وانتي تعشيتي؟ ..خلاص عيل الله يحفظج ... (وبندت)

• نشبة تصاصر ميثاء : أسميها هالبنت غاوية .. جيه ما اتخطبونها حق ميود .. يمكن يثقل !!

• ميثاء : يالمدحوبة !! وشمايل؟

(وشميم قابضة راس الدفة وسوالف ويا اليدة الجود .. كانوا متوالفات)

• الجود: سامحيني الغالية ماعرفتج بعمري انا اسمي الجود ...

• هنود كان منشغل بالها باللي يصير : عاشت الاسامي وانا هند ..

• الجود مبتسمة : وهذي يدتي الجود وهذي بعد مرت عمي وفاء ..

(حزتها هنود بججت عيونها هب مصدقة )

• هنود: ان ان انتي الجود؟ (وتنغز نشبة وتقرصها عشان تلتفت صوبها) ما أصدق لالالا !!

• نشبة : غربل الله هالشيفة لج يا هندوه يالقراصة العودة !! آآآخ الله يغربلج بس !!

• الجود تضحك : قصدج القصة قريتيها ؟

• هنود مب مصدقة وتهز راسها : هيييه !! ما اتوقعت اني اجابل بطلة قصة يالله يالصدفة !!

• الجود تضحك من الخاطر : ليش فديتج عادي ..

• هنود: لا هذا شي هب عادي .. (وهنود يلست تتأمل اليدة ووفاء والجود)

• الجود: شكلج معجبة ؟

• هنود: ههههه والله معجبة ...

• نشبة تصاصرها : اميه؟ اتعرفينها؟

• هنود: شو ما عرفها الا اعرفها .. (واتبادلوا ارقامهم ..) الجود.؟ انتوا منو اتعرفون هني؟

• الجود: هل المعرس ..يدوتي اتعرفهم .. (والجود اتسوي عمرها ما تعرف) وانتي؟

• هنود: هااه؟ من الجهتين

(ووييهها احمر ..ويبندون الليتات ويسمعون المطربة " ألف الصلاة والسلام عليك يا حبيب الله محمد " عاد حزتها انقبض قلبها ..ومشت العروس بكشختها لين ركبت الدري اللي يوصل للكوشة ..وهنود لفت شعرها اللي لين آخر ظهرها ..واتلثمت بسبت التصوير ..)

• هنود فخاطرها : مستحيل أسكت عن حقي والله لآخذه !! انتي !! انتي !! بس هي ما يخصها ...هي ماضربته على ايده وقالت له تعال خذني .. انزين بس كانت تدري انه محيريني له الخاينة .. لكن والله ما أفوّت هالليلة على خير ..

• ميثاء : يالله امايا خلونا انروّح أحس رويلاتي جيّمن !!

• شما : صبري خلينا انطالع مسوّد الويه .. (وكلهن صدن صوبها)

• ميثاء : لاماروم رويلاتي ..يالله up up

• نشبة: يالله هنود ..سامحونا بنروّح

• اليدة : مسموحين ..ومشكووورين الغالية ونستونا !!

• هنود اتسلم عالجود : تراني بتصل بج اتريييني ..

• الجود: اليوم؟

• هنود: لا ..جريب ان شاء الله ..يالله فمان الله .. (ووايهتها وروحوا ويوم طلعوا يدورون وين ميود صاف الموتر ..) آآآخ بطني ..آآآخ آآآخ!!

• ميثاء: بلاج؟

• هنود: بطني ابا اسير الحمام ..

• ميثاء: لاحول ..احين وين الحمام عنا ..انا ماروم أوّديج ركّبي مووول وقفن!!

• نشبة : انا بوديها وأمري لله ..شما : لو زهور موجودة جان ودتجّّ

• ميثاء: طاعوا المتفيجة !! الا قولي هيازة.. يالله سيرن!! (واتروغهن بايدها ..وهن يمشن ..وتمن ميثاء وشما واقفات يتريّن الرغيد ميود)

• نشبة : توّج تزاعجين بطنج يعوّرج ..يالمكارة شو في راسج؟

• هنود ببراءة : انا؟ ماشي ..يمكن زيارين هههههه

• نشبة: الله وأكبر عليج !!

(ووصلوا الحمام ..ويوم خلصت عدلت لثمتها وكانوا مدخلين المعرس واخوان العروس وبعد ما ظهروا اخوانها)

• نشبة : يالله فديتج يتريونا

• هنود: وانا ما بأخرهم بس لحظة بسير وبرد

• نشبة قفطت: وين بتسيرين؟ امايا الله يهديج !!

• هنود: ماشي بسير أسّلم عالعروس !!

• نشبة : لا يا امايا الله يهديج عن الخبال ..تبين سيرتنا على كل لسان ..بيقولون بنتهم مب متربية !!

• هنود: وعيل هذا !! اللي يخلي سمعتنا في التراب؟ والله ما أطوّف هالليلة على خير !!

(وتمسكها نشبة )

• نشبة : لو انا غالية ما تسيرين .. (وفلتت ايدها غصب )

• هنود: انا من يوم كنت ياهل وزرعتوا هالشي فية !! مانع لهنود وهنو لمانع !! لين ما كبر ويايه والحينه بكل سهولة أوّدر كل شي؟ لازم أقهره ..

(وكانت تمشي بكل غرور ..ما يبيّن منها غير عيونها .. ومرّت صوب ام مانع وماعرفتها ..وتتحراها انها بتسّلم عالمعرس والعروس ..ومانع كان مستانس ويضحك لين شافها وهي القهر لابسنها ..الا الغيرة .. وعرفها وكان بيقوم جان يتم مكانه ويوم وصلت تمت مجابلتنهم واحمر ويه مانع ..وهو كان بكل كشخته حتى كان يبين اصغر ..خاف الللحية موول وعيونه المجحلة ..وبياضه ..وهو ما نسى هالعيون الوساع ابدا ..)

• وداد ترمس شوي شوي : اتعرفها؟

(ووخت هنود وكانت اونها تسلم على وداد بس كانت اتكلم )

• هنود: لازم يعرفني !!

(وكان راسها عند راس وداد وشوي بتلصق وكانت مستقصدة عشان يسمع )

• وداد قفطت : هنوده؟

• هنود : هند لو سمحتي .. (واعتدلت فوقفتها ومانع نزل راسه لأنه عرفها وخصوصا من حدّة صوتها ) انتي مالج ذنب ..بس كنتي ربيعتي وتدرين بكل شي !! لكن انته !!! (واتطالعه باحتقار ) انته ... يعلك ما تشوف يوم خير فحياتك ..انته ريال انته !!

(وعيونها كلها دموع .. ومانع قلبه يخفق بطريقة فظيعة ومب قادر يرد ..)

• مانع بكل جرأة : مشكوورة ..

(وهي منصدمة ..يوم توها بتتحرك اتعلقت عباتها بفستان وداد ما طاعت تنزل ..جان تمسك وداد الشك اللي بفستانها وبكل دفاشة واتطره بكل خساس جدام مانع وشلت هنود كرامتها و بغرورها تنزل من عالكوشة والكل يطالعها ..)

• نشبة : مينونة !! خبلة طوفي جدامي !!

(ويوم ركبن ..نشبة اتطالعها )

• ميثاء: بلاكن اتأخرتن؟

• نشبة : هذي هندوه .. ما حصلت هناكي كليلكس ( =كلينكس)

(وسترت عليها ..وبتم هالليلة ما تتنسى وخصوصا عند العرب الللي شافوا كل شي..وميود طول الوقت ادي شو محضر من المفاجآت .. كان سرحان .. واول ما وصلوا المعاريس حجرتهم في الفندق ..)

• وداد: لا تدقني !!

• مانع: لويش شو مسوي؟

(وعج البشت اللي كان فذراعه والسفرة والعقال ..كانت وداد يالسة طاولة المكياج .. وهو عالكرسي اللي مجابلتنه طاولة ابعد شوي )

• وداد : شمعنى اخترتني انا بدال هنود ؟

• مانع: احينه هذا وقته؟

• وداد تصيح : طالع كيف الناس تناظرنا الحين !! ودني بيت اهلي !!

• مانع : شوفي يا وداد عن الدلع .. هاي أول ليلة شو تبين الناس اتقول عنا ...

• وداد: شوف ان ما وديتني بين اهلي روحي بسير !!

• مانع: جان في شاربج خير اظهري والله ما ييتج !!

• وداد : لا تتحداني !! من غير امك الهيزة واقفة سامانديجا على الاقل تسحبها من كشتها !!

• مانع: هيييزة؟ وسامانديجا؟؟

المنسيه
01-10-2008, 10:55 PM
(البــــــــــــارت 21)


• وداد : هيييه ..شو اتحريى؟ أصلا امك ما تباني !! بس من متى وهي تمدح فهندوه السبالة !!

(ويقوم ويصفعها هذيجي الصفعة اللي عجتها عالارض كأنه افترت رقبتها ..)
• مانع : جلبة وحدة !! برع ظهري لابركتن فيج ..

• وداد : بتندم والله بتيني وانته اتروكع !!

• مانع : اتهبين يالجلبة !!

(وطلعت من الغرفة بدون عباتها وهو من عصبيته ما لاحظ شي .. وروح البيت اما فبيت فاضل ..)

• مي : تدرين يا عيوني ..اختج واعلية عليها غامضتني !!

• شمايل : اتصدقين على قد ما هي انضربت حسيت اانا اللي منضربة !!

• مي : هذي اخت هذي !!

• شمايل : توّج اتدافعين عنها ..

• مي : شمدريني يا عيوني ..شو رايج تباتين عندنا ؟

• شمايل : اليوم؟ لا خليها مرة ثانية !!

• غريبة : وشعنه ما تباتين عندنا هااه؟

• شمايل : لا اخاف اخلي هنوه روحها ..

(بس طبعا السبب الرئيسي بسبت ميود ..)

• غريبة : جيه ياهل هيييه؟ يالله عادة باتي واانا بكلم شموس ..

(وعند العيايز في الموتر )

• ميثاء : ميود بلاك؟

• نشبة : لايكون عاشق له وحدة؟

• مايد : هييه اميه معرس بالسر ماخذ روسية !!

• نشبة وشما منصدمات : ويييييييييييييييه !!

• ميثاء : شو تبابك الروسية يالحافي يالمنتف ..منو بيصرف عالثاني؟

• مايد : هع هع هع كشفتني يدوه !!

• نشبة : اصلا لو دوّر هالعالم دور داير دور ما بيحصل شرات شمايل ..

(ووقف فجأة ..ويصد ورا )

• مايد : هندوه انزلي سوقي ماروم ..

• ميثاء : عيل انا بدور ورا ..

(ونزلت هنود .. وهو ما يقدر يفكر الا بشمايل وهنوه ومنو يلعب براسه ؟؟ الله يهديه ما لقى يعطي غير هنود وهي روحها جايج القهر ضارب اعلاه ..)


(واتدوس عالبترول وكلهم اختضوا هذيجي الخضة وردوا على ورا)

• ميثاء : يالله يالله يالله !!

• شما : عجيتي فؤادنا ..شوي شوي ..

• نشبة : هيّدي .. يالله بسم الله ..

(وازداد غيظها يوم اتذكرت كلمة مشكوورة اللي قالها مانع ..)

• ميثاء : ميود ؟ ما تشوفها !! وقفي عن اتروحينا !! (وهي صاخة )

• مايد: هندوه بلاج؟

• هنود: ما بلاي شي انطم واسكت

(وشوية وبتاكله بعيونها ..كانت بسواقتها محطمة شوماخر يمكن بن سليّم بعد ..والأوادم اللي وياها عايشين رعب الا مايد اللي كان مب مهتم الا مرتاح ..)

• هنود فخاطرها : مشكورة هااااه؟ خايس واحد وحقير والله انك حقير !! الود ودي دايستنك بنعالي !! (وعيونها يغرغرن والجحال سال ..) والله انك هب ريال يالجلب .. وينك يا عواس اتطالع خويّك ونذالته !!

• شما : أشهد أن لا إله الا الله (وتتشاهد الحرمة صدق ) يالله نوصل بالسلامة ..يالله عمري ما طلبتك .. يالله بالعفو والعافية .. (وترفع ايدها وتدّعي ) بسم الله عليةّ !! بسم الله علية وعلى بشكارتي !!

(وميود يطالعهن ويضحك على خبالهن )

• نشبة : لا إله الا الله !! لا اله الا الله !! هيّدي يا امايا الله يهديج ..ميثوه اهزبيها !! (وتضربه ع راسه) وانته بو طبر شعنه ما تقول شي ..

• مايد : آآآخ اميييييييييييييييه !! يعوّر!!

• شما : أبووووووه !! بسم الله عليها هالزهور !! قايلتلها 100 مرة بطلي الليتات عن إيوونا السروق وانا المدحوبة نسيت !!

• ميثاء معصبة : طاعوا المتفيجة توّج اتذكرين ونحن في الطريج؟ الناس في حالة وانتي في حالة !!

(ومن وصلوا ليوا )

• نشبة وهي نازلة بتوّعد : التوبة ثم التوبة ثم التوبة أسير وياكن يالمدحّب !!

(وهم رادين البيت نزل ميود .. وهنود يلست في الموتر لكن تصيح ..وهو واصل عند الباب ..بعدين غيّر رايه وظهر قال بيروح ياخذ له رصيد .. وكانت الساعة 2 )

• مايد : هااااه؟ علومك مجيب؟ هات بطاقة 25 ..هيه وحدة ..(ويوم توة ظاهر يشوف وحدة بعباتها اتوايج من باب بيت شمسة واتبنده .. وموتر موّقف عند بيت شما ..) بس اميه شما محد اييها نصايف الليل شو السالفة؟ (وحس بالصدمة لأنه عرف منوه) هاي محد غيرها هالشملوه .. كنت متأكد !! مسوّدة الويه..(وطلعت من البيت وتمشي شوي شوي عسب محد يلاحظها ويوم توّها بتبطل الباب .. اتحس ب يد ماسكتنها من جتفها ..) واتحرين عمرج بتشردين؟

• هناء متغشية : هاااه؟ (وشرد راع الموتر) الله يخليك لا تفضحني !! الله يخليك (ومسكها من عباتها)

• ميود ويسحبها داخل بيت شمسة : خافي ربج اتخلين اختج الشريفة هنوه وتلوثين سمعتها وتنضرب بسبتج ياللوث؟

• هناء : انا .. انا .. انا .. الله يخليك استر علية !! (وتصيح)

• مايد دخل البيت وبعصبية : خالوه شمسة ..خالوه .. يا خالوه !!

(وبعد 5 دقايق طلعت شمسة بجلابيتها وزايغة منو يزجرها هالحزة ..)

• شمسة : بلاك؟ في شي؟

(وهي توايج صوب الدري ومستعجبة منو هاي اللي وياه ..يمكن طلابة ..)

• مايد: طاعي بنتج اللي اتدافعين عنها ..واللي انضربت هنوه بسبتها !! واقف لها موتر ..وواحد من الرغيد بيشردها ..الله وأعلم كم من مرة طالعة وياه !!ياماحذرتني هنوه منها !! وتبيني بعد آخذها !! (ويتفل عليها ) اتفي عليج من بنت شوارع !!

(ونزلت شمسة مب مصدقة شمايل بنتها حبيبتها هي اللي تسوي جذيه .. اول شي مسكتها وضربتها بالنعال )

• هناء: لا اميه خلاص التوبة !!

• مايد : ضربي وعلميها الادب ام الشباب ..

• شمسة : انا اللي ربيت وعلمت وآخر شي بناتي يطلعن صايعات قوم بو الرياييل؟ جلبة وحدة والله لأراويج .. (وترقعها بالنعال)

• هناء تصيح : التوبة ما عيدها ارحميني !!

(وسارت بتسحبها من شيلتها واتبطلت الغشوة وطاحت هنوه عالارض وانكشف عن ويهها حزتها ميود كأنه صاعقة نزلت عليه ..وشمسة أخسين )

• مايد : هن هن (وبصعوبة) هنوه؟


.. Cut !

دانوه
01-10-2008, 11:46 PM
كمـلي منـسيووووتي

دخييييييييييييييييييييييييييييييييييييييييييلـج

لو كنـتي تحـبيني دخييييييييييييييييييييييييييلج

المنسيه
01-10-2008, 11:51 PM
أحبـــــج فديتج =) بكمـل ولا يـهمج ...


------------------------------

دانوووووووووه هذااااااااا الباااارت خباااااااااااااااال خباااااااااااااااال بمعنـي الكلمهـ !__!




[البــارت الـ 22 ]


(اما في بيت بوعيسى ..كان يالس يشرب الشاي ويطالع البنيات ويا حرمته ..خخخ اول مرة ..)

• فاضل : اعنبوا ما بترقدن؟ بيأذن الفيّر !!!

• مي : ابويه؟ شو رايك أشتغل مذيعة ؟ (وهو يطالعها بطرف عينه)

• غريبة : ولا هالطول !! بنتي انا تشتغل مكرفونة !!

• فاضل : لاماشي شغل !!

• مي : لا !! مذيعة أخبار ..ربي يخليك .. عشان خاطري يا عيوني .. يمكن تتعدل احوالنا !!

• شمايل : والله بيقطّعونج الحريّم اللي في الفريج والله ما بتسلمين وما بتعرسين !!

• مي : منو يبي العرس؟ من غير معاش المذيعة في حدود ال30000 درهم ..

(فضّول زين ما جب الشاي على عمره، لازم ابويـه يوم انه سمع 30000 .. بجج عيونه)

فاضل : تجذبين !!

• مي : والله رفيجتي خبرتني ..يمكن بعد أزيّد !!

(وجان اتشج الحلج لأنها ضربت عالعوق )

• فاضل : انزين بفكر ..

• غريبة : قصورج بعد !! يالله قم قم وراك دوام باجر !!

• فاضل يبتسم لشمايل ومي : تصبحون على خير ..

• شمايل :وانته من اهله .. (وقامت ) انا بسير اطالع هنود ..

• مي : لا خليها .. ياعيوني تبجي خليها اتطلع اللي فخاطرها ..وبعدين هي ورحها من نفسها راح اتخبرنا !!

• شمايل تقرص مي : عيل يالمستخفة تبين تستوين راعية مكرفون !!

• مي تضربها ع راسها بالمخدة : عيل شلون يا عيوني اتم بطالية شراتكم ؟

(وشمايل اترد على ورا .. لأنه مي اتقرقطها .. )

• شمايل : ميوه هههه بس !! خلاص ههههههههه والله لا تقرقطين ... ههههاي !!

• مي : عن تدعمين ...

• شمايل: جذوب والله انج جذوب ..

• مايد : آآآخ ..

(شمايل صدت ورفعت راسها .. طالعته، نشف الدم فِ عروجها .. والصيحة يتها وحسّت الدموع ينزلن ..)

• شمايل : آآسفة ..

(وتمشي شوي شوي صوب المطبخ .. اصلا ماكانت حاسة بعمرها ... )

• مي : شو تسويين في المطبخ وليش شردتي عن ميود؟

• شمايل: هااه؟ عطشانة ... (وتتكلم شوي شوي وفايدها السجين مال السلطة .. ) أكيد احينه بيسبني .. (وهو كان واقف يسمع ..)

• مايد بحزم : مييوووه بدال الهذربان سوي لي عصير !!

(حزتها قفزت شمايل زايغة وحد السجين يرحها وقام ينزف ..)

• مي :آآي شملووووه اشووو هذا ؟

(وهي ماسكة صبعها ودموعها ينزلن من صوب والدم ينزف )

• شمايل فخاطرها : مب مثل اللي يرحني ميود..

• مايد فقد اعصابه : انتي مينونة !! خبلة !! شو رايج تنتحرين بعد .؟

( مي متفاجئة .. مندهشة ، أكيد اللي جدامها مَب ميود .. لنه يود شمايل .. مسكها من يديهـا و رافع صبعها سحبها صوب المغسلة.. وغسل اليرح وهي اتطالعه .. بعد مندهشة و مَب مصدقة ..)

• شمايل بعصبية : بس ..بس .. بس انا .. (وتفلت ايدها منه ) هدني !! عمرك لا اتحط لسانك فلساني .. تسمعني !! انته مب ولد عمي ولا عرفك !!

• مي: تعالي يا عيوني ..

(وودتها فوق )

• مايد : انا سويت شي غلط ؟ (وروّح فوق يبا حجرتـه ) طلعت هنوه الخاينة .. وانا مثل الاطرش في الزفة ..خلتني لعبة فايدها الخايسة .. وخلتني أخسر شمايل و ثقتها .. وفوق هذا شوّهت سمعتها .. كله مني !! لو ما سمعت كلامها .. جان ما صار هالشي .. هذي هي الخجة .. طاعوا وين وصلتني ..أسوي عمري مااحبها .. آخر شي أجرحها الا لوّثت سمعتها ..حتى لدرجة انها اتروّع مني ومن لساني الوصخ .. عمرها ما سبتني ..ليش اتحرك قلبي يوم انيّرح صبعها؟ آآآآخ (ويمسح على شعره) ليته صبعي ولا صبعج .. ليتني الدوا لصبعج .. أ ..أ .. انا عاشقنها؟ ..حرام اتخجج وآخر شي يندفن قلبي .. صدق كانت مبيّنة انها اتحبني .. وانا يعني ما حبها؟ الا اموت ع ترابها .. آآخ لين الحينه أذكر كلامها في الساحة .. ليتها سبتني وضربتني أزيد ..ولا شافت هالشي مني .. (وطلع من الحجرة بعد نص ساعة ..يلس يتسمع ..بس شكلهن رقود ..)

• مايد فخاطره : ابغي اشوفها .. والله لأشوفج .. عاد هالمرة ما بهدج !! (وحط ايده على قبضة الباب ) لالالالا شو افتح الباب عليهن ..لأازم أستحي وأخيّل على ويهي وأغدي ريال ..

(ورد لحجرته لكن ما عرف يرقد الليل ..
كان واحد واقف يترصد لبيت عيسى بس محد يدريبه .. ونشوا الصبح وكان فاضل يتسبح وطلعوا مي وشمايل لبيت بو غريبة ..)

• مايد يدق الباب عليه : ابويه !! ابويه !!

• فاضل : شو تبا؟

• مايد : اظهر ابا فلوس ..

• فاضل : ما اسمعك .. خلاف خلاف بكلمك ..

• مايد : أوووووووووووه انا مستعيل ..

(وبطل بوك ابوه وشل 1500 وطلع ..وبعد نص ساعة ظهر فاضل من الحمام ..)

• فاضل : غروووّوب؟ يا غرّووووب !!

• غريبة : ياية ياية !!

(وتمشي شوي شوي وحاطة ايدها ع بطنها المنتفخ )

• فاضل: منو مبطل بوكي؟

• غريبة : محد .. أصلا محد دش الغرفة ..

• فاضل : وميود؟

• غريبة : ميود طلع ..

• فاضل بعصبية : 1500 ناقصة !! اقولج حد داش الحجرة !!

• غريبة : والله محد ! بتتهمني انا؟

• فاضل : والله من خذتج ما سرقتي واحينه بتسرقين؟ عيل والبنات وينهن ؟

• غريبة : مي وشمايل فبيت ابويه .. وهنود فحجرتها ..

• فاضل : محد غيرها ..السروق !!

• غريبة : بوعيسى استهدى بالله شو سرّوقه؟ بنتك هذي !!

• فاضل : بنتي ولا غيره .. نحن مب مربين عيالنا عالسرقة ..عشان جيه منوع ما يباها طلعت سروق !!

• غريبة تتطالعه وهو ظاهر : استخف هالريال أنا أدري من يوم خذته أقول فخاطري مَب صاحي .. يا الله تعيني على هالعيشـة !

(ويدش داخل حجرة هنود والمسطرة الخشب فايده وقفل الباب .. وكانت هنود يالسة وموّيمة ..)

• هنود: خير؟

• فاضل : وين البيزات؟

(وهي اترد على ورا ومنصدمة )

• هنود: أي بيزات؟

• فاضل : اللي فبوكي يالسروق !!

• هنود : والله مادري عن شو اتكلم .. (ويضربها بالمسطرة ..) آآآآي ابويه !! لا !!

• فاضل : طلعيهن يالسروق !!

• هنود: والله هب انا حلفت برب الكعبة انه هب انا ..

• فاضل : جذوب !!

• هنود : آآي !! ابويه !! دخيل الله ..

• غريبة سمعت اليولة و زعيق هنّود و تشل بعمرها تبا تحايز وهي بروحها يا الله بدينهـا: افتح الباب يا فاضل !!

(وبعد ساعة من الضرب والصريخ والصياح والظلم ..)

• فاضل : اطلعي من البيت ..وإن شفت رقعة ويهج والله لأجتلج يالسروق !! برع !!

• غريبة : فاضل هذي بنتك !!

• فاضل : أي بنت هااه؟ سروق ...سروق (ويمسك هنود من شعرها ..)تسمعين؟ هذي تربيتج !!

(وشلشلت اغراضها ..وغريبة اتحاول ويا الابو بس ماشي فايدة ..)

• هنود تيّر نشاقتهـا: هذا أبو هذا ؟ يفكر في البيزات بس ..ويفكر اني ماخذتنهن؟ لا بارك الله في الساعة اللي انولدت فيها .. لا بارك الله في الساعة اللي عرفت فيها بانك ابويــه !

(دميعاتها على خدها ..خذت شنطتها وهي اتعرف انها بتفارج هالبيت وما بترد .. ونزلت بدون ما تدريبها غريبة ..اول ما وصلت بيت حمد يدها انهارت عند باب الصالة المبطل .. وما تروم اتشل ريولها ..)

• نشبة : بسم الله عليها ..بسم الله عليها ...

(فطوم تركض لها ..)

• فطيم : بلاج فديتج؟ وشو هالشنطة؟

• هنود : جذبني يا فطيم .. وطردني.. طردني من البيت يا فطيم .. ظهرني من بيتنـا ولا جني بنته من لحمه ودمه وقطعة منه !! طاعي ويهي.. منتفخ من الضرب (وتلمس ويهها)... آآآي ..

• ميثاء : الله ياخذك يا فضّول !! الله ياخذك ان شاء الله ..

(وتساعدوا لين ودوها داخل .. مي وشمايل نازلين ..)

• مي : شو حصل؟ هنود شفيج؟

• شمايل: غناتي بلاج؟

(واتخبرهم باللي استوا ..اما اليد حمد ما استحمل وسار لهم وميثاء وراه ونشبة بعد ..اما شما ويا البنيات تمت ..)

• اليد حمد : انته ريال انته يال ...............(ويسبه سب ) جانك ريال ما فريت بنتك هالفرة !!

• فاضل : ريال غصبن عنك وعن اللي يابوك !! طالع بنتك وتربيتها للعيال ..عيل انا بنتي تسرق 1500 شعنه؟ عسبت جذيه منوع ما يباها لأنها سروق !!

• ميثاء تمسكه من كندورته وكان هو زايغ وخصوصا منها : انته يالهرم يالهيس ياللوثة !! انته ياللي ما تسوى شي تقول عن بنت بنتي جذيه ..وبعد من لحمك ودمك .. لابارك الله فيك ولا في الساعة اللي يوّزناك بنتنا .. يالطّلاب العود !! يالكنجوسي !! وهي متعففة من السروق .. جان عن الطبايع الزينة كلها يايبتنها منا ولا جد مرة شفنا زلة .. لأنها حرمتن حشيم ولاجان عليك .. مالت عليك وعلى بيزاتك فوقك .. (ويوم اتقربت منه هو زاغ ورد على ورا ) تف عليك من ريال .انته الا فريخ !! نحنا اللي بنربيها وبنعلمها والا جان عالسروق محد غير حرمتك العراقية ولا اكمل؟

(شكلها تدري بشي ومب طايعة اتقول ..)

• نشبة : فقدت هالشيفة الخايسة

• اليد حمد : جان عالبيزات ..(وطلع ال 1500 ..وفراهن فويهه .. ومن وصلوا )

• نشبة : يالله ..يالله .. يالله ازجروا لي ميود .. حاسة ارتفع عندي الضغط ..اباه يجيسه اذا ارتفع ..

(ومحمر ويهها )

• مي تتصل بميود : ها ميود؟ وينك ؟ تعال بيت اميه ميثاء صايرة مشكلة جايدة ..

• ميثاء : هذا بيتج يا هنود .. ونحن انعرف انج ما سرقتي الا عقل ابوج الخربان ..(وهنود اتصيح )

• هنود : انا شو ذنبي؟ هاااه؟ والله اني قافلة على عمري من نشيت والله ما طلعت من الحجرة ..

• فطيم :هنود بسّج عاد عن الدلع .شورايكم نعيد تراث أول ؟

• شمايل : قصدج سيلانيات؟

(هنود سكتت)

• مي : ايه ايه ايه احلى شي !! تذكرين هنود ..يوم نلعب عالزولية ؟

• هنود: ماندري بالشيوال موجود ولا ؟

• شمايل : اكيد موجود ..

• فطيم : بس شرط ما بنتريا .. كل وحدة اتبدل واتخلص وتسير الساحة ..

• نشبة : وابويه ع منكركن .. (وحاطة فودة على راسها بسبت الحر..)

• شما : خذوا وياكم زهور توّنسكم ..

• شمايل : شكلنا بنكنسّل السيرة ..

• هنود نسّت كل شي : بس على شرط .. كل وحدة اتعقص شعرها ونلبس هذاكي السروال الاخضر بو كريستال والجلابية الصفراء القصيرة ..وعن انسى الوردة اللي على ينب .. ياويلكن !!

• ميثاء : اتغربلتن من بنات ..

• فطيم : شو نسوي يا امايه انرفه عن عمارنا ..

(وكل وحدة اتلبست وظهرت وشمايل اتأخرت لأنه مستوية ضرابة عالحمام .. واستون السيلانيات الاربع مي وهنود وفطيم وشمايل .. ويوم توّها شمايل ظاهرة من البيت ..)

• مايد : شمايل ؟

• شمايل : نعم؟ (وصدت زايغة وماتوقعت انه مايد ) شو بغيت ؟

• مايد مبتسم : انا آسف ..

(وكانت اول مرة تشوفه مبتسم )

• شمايل: على شو وشو؟

• مايد : على كل شي سويته !!

• شمايل: لو كا عندي اخو وسوّا فأختك جذيه بتسكت؟

• مايد : خلينا من اللي فات ...

• شمايل : ليش في شي فات؟ بعده هالحاضر ما نسيته .. تتحرى هالشي سهل؟ تتهم وحدة بإنها ام الرياييل؟

• مايد : شو معناته هذا كله؟

• شمايل : معناته ماشي زواج .. ومعناته انته ما تحبني وانا .. (وصخّت)

• مايد : وانتي شو؟ ما تحبيني؟ (كأنه حد طعنها )

• شمايل ويغرغرن دموعها : ابدا لا تقول جذيه حتى لو بمصخرة ..

• مايد : انا يا شمايل احبج الا اعشقج ..

(وهي مبججة عيونها من الصدمة )

• شمايل : إشوووووووووه؟ بعدك بتتمصخر عليّـه ؟

(ومشت عنه اتصيح ومسكها من ذراعها)

مايد : يوم اكلمج ما تصدين عني ... احبج يا شمايل .. شو ما تحسين فيّه ؟ (وهدها وهي تنتفض )

شمايل: انته تبا تلعب بقلبي .. وانا قلبي رهيف ما يستحمل ...

مايد : منو قالج اني قادر اني اجرحج مرة ثانية يا غناتي؟

شمايل تتطالعه مَب مصدقتنـه: غـنـاتـ ..ـــي ؟! .. انتـه.. انتـه .. شو تقـول ؟!

مايد : والله والله ..

( بغته يسكت لنها ما بتتحمل إنـه يلعب بها مرة ثانيـة .. الأولى لعبة كرهه والثانيـة حبها له ؟! .. توها بتمشي )

تخبل مايد يوم شافها بترد تمشي عنـه: لا .. لا تسيرين ..

( صدت تتطالعه .. عيونها محمرات .. خوف على حيرة )

شمايل ماسكة عمرها عن لا تزعق في ويهـه: شو تبغي !!!

مايد : انتي ليييييش ما تفهميني .. والله اني احبج و احبج و احبج .. وأبغيــج !، ولو تبين حتى من اليـوم برمس خالتيـه عسب العرس !!

( حست شمايل بأنهـا تحلم، رصصت عيونها جنها تبا تتأكد بأنه اللي يرمسهـا مايد، معقولـة .. عقب كل اللي سـواه فيهـا و الكلام اللي شرا السم .. يحبها ؟!
مايد أول شافهـا منصدمـة وخلاف مندهشـة، اتطمن قلبه حس بأنهـا لانت له و بتسامحـه .. وجان يعطيهـا هذيج الابتسـامة اللي تعذب الفواد ..وخش يديـه في جيبــه وظهـر منـه صرة صغيـرونـه )

مايد سحب يديها : إنتي حبيبتي، و يديـج ما بتكون في يد غير يديــه ( و حط الصرة في يديهـا و رد أصابع يديهـا على الصرة) أبـا أشوفج دوم لابستنهــا .. وإن ضيعتيهـا ( ضحك) بجتلج !!

( كانت تتطالع يديهـا و اللي حطه في يديهـا ويوم ضحك رفعت راسهـا .. سكت و ابتسـم لها .. هد يديهـا وسـار أما شمـايل .. تمت واقفة في مكانها، مَب مصدقة و اتمنت انه يقرصهـا قبل لا يسيـر بس عسب تتأكد إنها ما تحلم )

شمايل ترمس عمرهـا: أنا حبيبتـه ؟!، أنا فحلم وإلا .. ما صدق ( تقرص عمرهـا) آي .. لا لا بعدنيـه ماصدق هذا ميّود .. ميّود اللي ( توها بترد تذكر اللي سواه فيهـا و ذكريـاته السم وياها .. بس ودرت عنها هالذكرى اللي تكدر و فجت الصرة تشوف شو هادنها مغرم صبابة !) وايـه فديتـك .. فديتـك .. ماخذلي سويـرة سلسلة ! ( وبدون ما تفكـر لبستهـا و حضنت الصرة ) أحبك وماقدر ماسامحـك !

( تمت واقفة .. هيمـانة الاخـت .. هيمان يالمحبوب هيمـان .. وكانت بتطول لو ما ذكرت البنيـات )

شمايل : أويـه خس الله السالفة نسيت الشلة !

( ظهرت، وهي واصلة الباب شافت مايد صوب الزراعـة .. بعده ما روّح، تصدد .. وخلاف زقرتـه )

شمايل : مايــــد !

رفع مايد راسه يتصدد و يوم شافهـا رفع يديـه وقال : عيــونــه !

( رفعت شمايل يديهـا تراويــه .. يوم شاف يديـهـا و السلسلـة .. تخبل .. يطيــر و يحل من فرحتـه، ابتسـم من خااااطــره و هي صدت عنـه استحــت .. سارت عنه تمشي ..)

شافها سايرة عنـه، قال مايد بصوت وجنه يرمس عمره : والله أحبهـا !

أما شمايل وهي ظاهـر قالت جنها ترمس عمرهـا : والله أحبـه .. ومسامحتنـه ..

( توها الحبيبـة واصلتنهــم، لمحتهـا مي )

• مي: توّة الناس لا لاتين !!

• شمايل هايمة : ليتني تميت واقفة !!

• مي: شو سالفتها .. (وتصارخ ) يالله احفرن !!

• هنود : ميوووه ويهّد صمختينا !!

• فطيم : حشا يالله ياذنيّه !!

(وهن يحفرن على قد جسمهن وسووا الحركة بس قالوا هالمرة لازم أغزر يحفرون ..)

• هنود : فطوم يالهيزة احفري !!

• فطيم : وين احفر ضكي عني !!

• مي: وانتي يا عيوني ما راح اتشاركينا ؟

• شمايل تنتبه لها : هاه؟ انا ؟ لا خليني فهيامي ..

• مي: مالت عالدبّش !!

(وبعد ألف يا ويلاه حفرن وحطوا الزولية )

• فطيم واقفة : واحد (وتهز راسها)

• هنود: اثنينه ..

• مي: ثلاثة !!

• شمايل: أويييه؟ ليش ما طحتوا؟ هنود ؟ نقزي على الحطبة نقزة قوية وعجيهن !! خخخ

• فطيم : نذلة !!

• مي: لا !!

(وهنود نقزت )

• مي وهنود وفطيم : آآآآآآآآآآآآآآآآي !! (وطاحن )

• مي: حسبي الله عليج يا هنود ..ضكي عني طحتي عليه !!

• فطيم : هنود ويهّد قومي !! حشا غربل الله هالعظام !!

• هنود ميتة من الضحك : كسرتكم صح؟ هع هع هع شريرة ..

• شمايل اتوايج وكانت منسدحة ع بطنها واتكلمهم : الله أكبر عليكم .. خندق مب حفرة !!

• هنود تضحك : يالله ساعدينا !!

(وهي مادة ايدها عشان تسحب هنود الحطبة ..واتحس شمايل انه حد يسحبها من ريلها ..)

• شمايل زايغة : آآآي !! إلحقوا علّـيه !!

• هنود بعدها في الحفرة : بلاج؟ (وكأنه شي سحبها ) شي سحبها والله شي سحبها !! (وتزاعج ) شمول بلاج؟

• شمايل : الله يخليك هدني ..بعطيك اللي تباه ..الله يخليك ... (وهي تنتفض وتترجى وكان مثبتنها عالارض وثنينه وياه ) طالع مخبايه في بيزات بظهرهن والله بيزات !! (وتصيح )

• مي تصارخ : شمايل شفيج ؟

• شمايل : لا !! الله يخليك الله يخليك إلا .. إلا شرفي (وحاطة ايدها ع جسمها عسب تمنعه ) لا دخيلك آآآه إلحقوني إلحقوني .. (وتناهي ) لا الله يخليك .. ( تصرخ ) لا اتدقني يالنيس !! ميوووود .. ميود إلحق علية !! (وتصيح وتستنجد ) هنود !! مي .. فطيم !! يالله ارحموني !! (وتصرخ صرخة ) آآآآآي

(مي وفطيم شالين هنود عسب اتشوف )

• هنود : ايييه يالخياس هدوها ..الله يغربلكن شلوني عدل !!!

• مي: آآخ يالله واحد اثنينه ..ثلاثة ..

• فطيم : يالله ترحمها برحمتك ..يالله اتكون مزحة بس

(ويوم شلوها شافت هنود شي أول مرة تشوفه)

• هنود : شمايل !! اشردي !!(وكانوا ثلاث رياييل .. وواحد ياء صوب هنود بيسحبها ) لالالالا نزلوني !! ميوه نزليني !!

(ومسكها يبا يسحبها وهي تبا تفلت ايدها وطاحت عالبنات ..)

مي : آآآخ !! يالله بسم الله شو هالبلى؟

هنود: ارفعوني ارفعوني .. مرة ثانية !! شمووول بتموت يالسين يغتصبونها والله !!

فطيم تصيح بهستيرية : بيغتصبونا والله بيي دورنا !! شو نسوي؟ شمايل مالها حس !!

هنود: تماسكي يا شمايل !!(وكانت شمايل تنتفض والدمان ينزل منها ومن ويهها لأنها تنضرب وملابسها متطرطرة ) شملوووه لا تهدينـا لا تخلينـا !! هاااااايه ميود يباج ونحن نباج !!!

شمايل صرخت بقوتهــا : آآآآآآآآآآآآآآآآآآآآآآآآآآخ

(وهنود اتصيح و اتصيح بهستيرية أكثر من اللي تشوفه واتحس انه انعقد لسانها .. )

Cut ~

دانوه
01-11-2008, 12:34 AM
كمـلي

بليييييييييييييييييييييييييييييييييييييييييييييييي ييييز

حـطي 5 بارتـات ورا بـعض

المنسيه
01-11-2008, 12:48 AM
(الجزء ال 23 )


(اما في بلاد بعيدة وهي امريكا في ولاية من الولايات الامريكية )

• حسن وباين عليه التعب : الحمدلله على سلامتك يا عواس؟ شو اتحس عمرك الحينه؟

• عيسى شكله كأنه مزيّغ : انا؟ انا وين؟ حسن؟ انا في المستشفى؟ ليش؟

• حسن بهداوة : استهدى بالله يا ريال .. وانا بفهمك بكل شي ..

• عيسى : شو تفهمني هااه؟ وين اهلي عني؟ ليش ما يوني المستشفى؟

• حسن : ما يدرون ..

• عيسى : الا يمكن متبرين مني !! (واعتدل فيلسته ويطالع ذراعه) خاز المخدر عن جسمي؟

• حسن : انته اتعرف وين انته اصلا؟

• عيسى: فبوظبي ..

• حسن : لا يا عيسى انته فأمريكا .. من كم من شهر وكنت فغيبوبة .. وكنت نص ميت ..

• عيسى نش بعفوية واتذكر فجأة : هزاعوووه الجلب !!

• حسن : نحن ندري باللي استوا ..

• عيسى : والتيلفون حصلتوه؟

• حسن : مادري شو اقولك ..

• عيسى : شو ؟ شو اتقولي؟ الدليل وجدامكم؟ تبون شي أزيّد بعد؟

• حسن : مانع ..

• عيسى : طبعا مانع درا .. وما بيرضى بالغلط لو على قطع رقبته ..

• حسن : مانع بدل التيلفونات ..عشان يحمي اخوه !!

• عيسى وهو محمر ويهه وعرقان: جذوب !! والله انك جذوب !! مانع مستحيل يسوي هالشي !!

• حسن بانفعال: انته على شو اتدافع عنه هاااه؟ اقولك بدل التيلفونات وسوا عمره يدّور عليك .. وهزاع مفلت في الشوارع .. لاوأزيدك بعد ..وعرّس من كم من يوم .. وودرها اختك وخذ ربيعتها وبعد بتدافع عنه؟

(يالله يا صدمته ..مب عارف شو ينطق ..هل هذا كله حلم؟ هل رفيق مانع يخون ثقته الا يخونه ويسوي هالشي ..)




=============================






(الجزء ال 24)


• عيسى : اتصدق يا حسن؟ انا ومانع اكثر من الاخوان ..عمري ما فكرت انه اخويه جذيه بيسوي .. بس ما لومه ..انا يا حسن يوم شفت هزاع جدامي ما صدقت عمري.. فكرت أحميه ولاأدمره؟ ..انا اللي سويته شي هب سهل .. بس عشان هزاع ينتشل من هالسم ... (وعيونه محمرات) وآخرتها يضربني انا بالابرة؟ ويشوّه سمعة اختيه؟

• حسن : مالومك يا خويه !! وانا اللي شفته شي هب هيّن ..بس من شفتك طايح عند باب بيتنا هاكي اليوم شي جاسني ..وانا وربي شاهد حسيت انه مانع متغير ..وعلى طول اتصلت بالشيخ يطولي بعمره واتصرف .. يعني لو فيه ذرة ذمة ياعواس جان خذ التيلفون وراواه الشيخ..

• عيسى : آآخ لو يطيح فإيدي بس !! (ويضرب على ايده بحسرة ) متى بتطلعني؟

• حسن : يوم بتستوي بخير

• عيسى : شو قصدك؟

• حسن : ما نظف دمك من .....

• عيسى : كمل؟ ليش سكتت؟ من السم؟ اعنبوا مرقد مادري من متى !!! (ويعج الابرة اللي فايده ويفرها من الغيظ اللي جاسه .. كان متغايظ ومحتر من العدالة اللي صايرة ..كل من هب ودب قام يخش ويدس وينهب ويسّوي ..اما في استراحة البنات )

• مي : بلاج هنود ؟ شو شفتي؟

(وكانت هنود تبا ترمس تصارخ وهي على جتف مي وفطيم ما فيها حس لين ياها الريال الثاني ..وهي يوم حاولت تنزل من على جتفهم مسكها مسكة قوية ..)

• فطيم تصارخ : لااااااء هدها !! هدها دخيلك

• مي : لا الله يخليك لا !! (هم يمطون ريلها وهو يسحب ايدها وهنود تنتفض وداير راسها لأنه نهايتها قربت واتطبه بإيدها الثانية بالتراب وبالغلط رفست فطيم ..)

• هنود فخاطرها : لا !! هدني !!!

(وتصيح ..وسحبها وكانت اتقاوم ..وشافت جثة شمايل وملابسها المقطعة ..ومن الزياغ وصريخ البنات والحر الزايد دوخت هنود ..اما مايد كان ياي عند البنات ويسمع صغيروني يلهث وياي صوبه ..)

• غديّر : ميود!! ميود !!!

• مايد: شو بلاك؟

• غديّر : خواتك كلهن يصرخن بيموتن !!! ريايييل عندهن !!!

• مايد مبجج عيونه : رياييل؟ اي رياييل؟ اشوووه رياييله؟ في الاستراحة؟

• غديّر : هيييه هناك وحدة ميتة والله انا شافيتها !!

• مايد : غديّر سير ناد ابوك واخوانك بسرعة !!!!

(ويربع مايد مايشوف شي جدامه غير طريجه ..)

• مايد فخاطره :شمايل وخواتي هناك !!يعلها جذبة !! يعلها جذبة !!!

(ويشردون الباكستانية لأنهم شافوا ظل واحد يربع )

• مايد يزعج : ميوووه !!! يا شمايل !!!! فطموه وينكم؟؟

• مي: تعال هنانه !! إلحق علينا يا ميود!!!! (وتصيح )

(اول ما وصل شاف بنتين ..وحدة صوب الحفرة واللي هي هنود واللي بعيدة وهي شمايل اللي كانت ثيابها متطرطرة والدمان اللي فجسمها كله وهو يطالعها وقلبه يدق بطريقة مب طبيعية خايف عليها واحمر ويهه وكان مب مصدق ..)

• مايد والغصة تاكله : ش ...شمايل؟

(ويربع جداها ناسي اخته اللي اقرب له منها )

• فطيم ومي : ميود؟ ميود؟ تعال جدانا ..

(نزل على ركبته وشلاها بين ايده )

• مايد وعيونه يغرغرن دموع : شمايل؟ غناتي؟ (ويزاعج) يعلكم العدم !! (وهو ماسكنها ..ماسك حبيبته والتصق الدم فيه ) غناتي؟ غناتي شمايل !! (رد نزلها وقام وعج حمدانيته وفصخ كندورته ولف جسمها .. يسترها وماسكنها ومب طايع يتحرك .. ) يالله ياربي خذ روحي ولا روح حبيبتي .. خذ روحي !! (وكان راسه على راسها يصيح مب عارف كيف يتصرف وحاضننها ..ويطالعها ..حتى رقبتها ما سلمت منهم كانت ميّرحة ..ويوم حس انه بنت عمه بتموت الا بتضيع قام .. ) والله لأحصلهم ..بتميين حية ..انتي قلتي اتحبين مايد .. صح غناتي؟ (ويشهق لأنه عمره ما فكر انه يشوفها جذيه وهو يمشي إييييه غديّر وشباب الحارة والشواب كل واحد ب فرده ..ركب مايد موتره وشمايل بعدها فحضنه ) أحـــــبج !!! (ويخضها ) قومي !! لا تموتين !! أحبـــج وأحب كل شي فيج ..تسمعيني؟ ...أعـــشقج يا غناتي !! انتي لمايد بس !!

=============================







(الجزء ال 25)

(اما عند الشواب والبنات)

• بوغديّر: يالله اعوذ بالله !!! سعيد!!! سير لحّف البنية وطالعها اذا حية !!!

• سعيد: ان شاء الله ... (عج كندورته ولحفها )

• بو غدير: يا شباب هذيلا بناتنا وجذيه يستوي فيهن (ويمسح دموعه) كل واحد ياخذ موتره ويدوّر في السيح على اللي سواو هالشي ...ونحن اللي بناخذ حقهن !! الله لا سامحهم !!

(وقاموا الشباب يتراكضون .. اما الشواب قاموا حطوا العصي داخل الحفرة وسحبوهن ... من غير كانوا متصلين بالشرطة ... ويشوفون حريم عيايز متغشيات يتراكضن ..)

• ميثاء : واعلية !! واعلية !! بناتي !! راحن بناتي !!!

• بوغديّر : ما صار الا الخير !!!

• سعيد : مادري يابويه ماحس انها اتنصخ !!

• شما : يالله بالستر !! (والحريم يصيحن )

• ميثاء : شو مستوي يا ميوه؟ فطموه؟ ما قلتوا بتون هني ؟ منو ياكم ؟ منوووه؟

• فطيم تصيح : والله يا اميييه كنا نلعب لين يونا اجانب وشمايل !!! آآآآآخ يا شمايل ماتت !!

• مي: والله العظيم

(ووصلت سيارة الشرطة ومانع نازل ويا كم من واحد ..)

• مانع: لو سمحت شو مستوي هني؟

• سعيد : عيال الذين ..عافدين على بنات فاضل

(مانع يتصدد ويطالع بنات يصيحن )

• مانع: كم من واحد؟

• سعيد : ما انعرف ..اتخبر البنيات ...

• مانع: يا عبيد سير اسأل البنيات ... انزين وحد استوا فيه شي؟ بلاهم الشواب متيمعين ؟

• سعيد : بنت محمد عفدوا عليها هييي وبنت فاضل ووداها ميود الدختر !!

(ويتقرب شوي شوي .. )

• مانع: ابويه سعيد لو ما عليك امارة ... ابا اشوف اذا البنية بخير ...

• بو سعيد : شكلها حية !!حية !!

(وقام بو سعيد وسار يرمس البنيات .. ومانع يطالعها ومبجج عيونه ..يا سبحان اللي خلقها ..عليها جمال مب على حد ..ويطالع دم على ركبتها ..وهو منصدم صدمته ..وقلبه يخفق..)

• مانع : لالالا ... معقولة؟ هنود؟ هذي هنود؟

• ميثاء: بلاها هنود ؟ ماتت؟

• مانع: لا !! صبري !!! خذوها بعيد ...

(ويوم وصل مايد المستشفى..كان بوزاره وفانيلته .. ودوها العناية ...)

• الدكتور : شو حصل لها؟

• مايد وهو يشاهق من الصياح : دخيلك يا دكتور ... هذي اليوم كانت بتغدي حرمتي !!! وعفدوا عليها !!!

• الدكتور : اغتصبوها؟

• مايد: سر سر عالجها !! دخيل الله عن يفوت الوقت !!!

• الدكتور : بس انته خايس دم ..حصل لك شي؟

• مايد وماسك فانيلته الداخليه وكله عصبية : هذا دمها دم حبيبتي اللي ثّوروا فيها الخياس !!!

المنسيه
01-11-2008, 01:10 AM
(الجزء ال 26 )


( اما في استراحة البنات .. مانع يجيس نبضها ..بس هو اللي انتفض من لمسها ..)

• مانع : ابويه ؟ خلنا نتساعد نشلها المستشفى.. حالتها والله انها !!!

• اليد حمد : ولا حد يزخها !!

(قام اليد وشلاها مع انه ما يروم .. لكن عشان محد يزخها ريال غريب .. شلاها واليدة ميثاء تحط ايدها على راسها وتولول من الصدمة )

• ميثاء : واعلية عليج يا بنتي !! راحت بنيتي !!

• مانع : امايا ما فيها الا العافية !!

(وركبوها موتر مال شرطة المكافحة )

• عبيد : سيدي خذت اقوال البنات ..

• مانع: اركب يالله بنوديها المستشفى ..

• عبيد : بس يا سيدي !!

• مانع : بسرعة اركب !!

(ويركبون الموتر وكانت هند على حضن يدها اللي عمره ما ذرف دمعة بس هالمرة من الصدمة ما استحمل وصاح لأنه بنتين من بناته اغتصبن ..وكان ملحف راسها عشان ما تبيّن.)

• اليد حمد : وغلاتج يا غناتي بحصلهم !!

• مانع يتكلم في التيلفون : رقيب عبدالرحمن ..نريد 3 دوريات صوب ليوا في منطقة ................ ..هيه نعم البلاغ عن 3 افراد اغتصبوا بنتين ..ادري انه نحن مكافحة ..بس اكيد السالفة فيها انتقام بسبت الضابط السابق عيسى ..

(وكان يسوق والغصة جايستنه)

• مانع فخاطره : معقولة؟ هنود؟ يالله يا الدنيا !! يابتج لين عندي ؟ (ويطالع في المنظرة النصفانية بس مب مبيّن شي) آآآخ ..بنت بهالجمال... يالله اتخفف على اهلها ..يالله اتخفف من مصيبتهم ..

(ومن وصلوا على طول ودوها العناية المركزة .. ويشوفون واحد مكشش راسه ويالس عالكرسي ومنزل راسه لين ركبه ..)

• اليد حمد : مايد ؟ ( رفع راسه يطالع يده ) شمايل؟ شو حالتها؟ (واليد متصبب من العرق )

• مايد : ما يندرى يابويه !! ان ماتت كله بسبتي (ويغرغرن دموعه ) انا اللي فرطت فيها!!

• مانع : استهدى بالله يا مايد !!

• اليد حمد : جاب !! وفارج !! لك ويه ترمس بعد ؟

• مانع منصدم : انا مقدّر الوضع وسامحني !!!

(ووقف بعيد عنهم .. وكان ينبض قلبه بطريقة غريبة..وبعد ربع ساعة يشوفون 5 حريم يترابعن .. كانن ميثاء وشما ونشبة وشمسة وغريبة..)

• غريبة تصيح : بشرني يابويه .. بنتي !!!

• شمسة : دخيلك يا مايد لا تجذب علية !!

(وكانن يصيحن بالمصيبة اللي حلت عليهم وكل وحدة تدّعي ..وبعد ساعة ..)

• الدكتور : تستاهلون سلامة بنتكم ..

(وكلهم استبشروا خير )

• غريبة وشمسة : من؟

• الدكتور : حرمتك !!

• مايد ردت له الروح والابتسامة : صدق؟ احلف ؟ والله اتحلف !!! (ودموعه ينهمرن لأنه هب مصدق )

• اليد حمد يرفع ايده : يالله .. اللهم مالك الحمد والشكر ..

• غريبة وبهستيرية : وهند؟ بنّيتي ؟

• الدكتور : اي هند؟

• اليد حمد : توّنا مدخلينها !! ( ويأشر ) فهالغرفة !!

• الدكتور : بروح اشوفها .. لحظة لو سمحتوا !!

(وبعد ربع ساعة ظهر )

• غريبة منهارة : ها بشّر ؟

• الدكتور : الحمدلله ما صار الا الخير ..عطيناها شي يهديها ..والدكتورة النسائية من تطلع من غرفة المريضة راح تدخل تكشف عليها ..

• غريبة تصفع عمرها : واعلية !! واعلية !! بنيتي عفدوا عليها !! لا بارك الله فيهم !! الخياس ... الجلاب !!!!

• ميثاء : امايا احمدي ربج !!

• اليد حمد : لا تسوين جذيه يا امايا !!!

• نشبة : اتحمديلها بالسلامة واذكري الله ..

• شما : انا دخلوني وبقرا على راسهن ..

• مايد : دكتور ؟ لو سمحت ممكن شوي؟

(وساروا لغرفة الدكتور ..)

• الدكتور : نعم؟

• مايد : دكتور؟ شو حالة شمايل ؟

• الدكتور : سامحني بس الدكتورة اللي كشفت عليها واتسجلت الواقعة وهي الاغتصاب والصراحة هذيلا مب اوادم ..الله سلمها ..بس الله يعينها يوم بتقوم .. ونحن لازم نخبر الشرطة ..

• مايد ما سمع غير : مغتصبة ؟ (وحط ايده على راسه ) لا حول ولا قوة الا بالله !!

• مايد فخاطره : كنت اتوقع مضروبة !! مسروقة !! لكن اغتصاب؟؟!!

• الدكتور : يالاخو ؟؟؟ احم احم !!

• مايد : هاااه؟؟ وأختيه بعد مغتصبة ؟؟

• الدكتور : بعدها الدكتورة ما كشفت عليها .. لأنه حرمتك كان العنف مبيّن في ينبها .. وفي طر في رقبتها كان بالسجين .. وفأماكن متفرقة فجسمها .. الله يكون فعونكم ..وانا انصحكم بيحتاجون لدكتور نفسي .. وأي طلبات ما يردك غير لسانك ..

(اما فحجرة شمايل ..وبعد ساعة ..يعني عالعصر ..كانوا يلفون راسها بالشيلة)

• شمايل وهي راقدة : لااااا !! هدني !! خايس واحد !!! (وتصيح لين وعت )

• شمسة : بسم الله عليج يابنتي !!!

• ميثاء : عوذ بالله من الشيطان ..اشربي امايا هالماي مقراي فيه ..

• شما : تستاهلين السلامة يا بنيتي !!

• شمايل : امايا؟ انتي هني؟؟

• شمسة تحبها على راسها : هييييه فدييييت ويهج !!! (ويوم توها بتتحرك )

• شمايل تتويع : آآآآي !! امايا !! شو بلاه ينبي؟

• ميثاء : لا تتحركين غناتي ..يعلني افداج !!!

• شمايل : امايا !! (وتصيح بهستيرية ) توّني اتذكرت !! ثلاث رياييل !!! هييييه !!! (وعيونها يغرغرن ) عف !! عفدوا علية !!! ليش ما مت؟ ليتني مت ولا شفت هالشي !!! هذيلا مب اوادم !!! امايا !! سمعتي الحينه في التراب !!! آآآآآآآآآآآآآآآآآآآآآآآآآخ يا امايا !!!

• شمسة تصيح : استهدي بالله ..اذكري الله !!

(ويدخلون سرر حذال شمايل وكانت منصدمة )

• شمايل : هنــــــــــــ ــــــ ... هنود؟ (وصدت يمين ويسار ) هنود صح؟ بلاها؟

• غريبة : واعلية عليها !!! حسبي الله عليهم ونعم الوكيل !!!

• شمايل تصارخ : أرمسكم !!! اقولكم بلاها هنود ؟

(قفزوا مكانهم من صرختها .. مب متعودين عليها جذيه )

• ميثاء : اللي حصل لج حصل لها !!

(وشمايل تصيح بهستيرية ... مب طايعة تسكت .. وقامت ترفس الفراش تبا تطلع من الحجرة )

• شمايل: طلعوني من الحجرة !!! مابا أيلس !! والله بيوني بيعفدون علية !!! انتوا ما اتعرفونهم !! هذيلا مكارين !!! حزتها منو بيدافع عني !!!

(وعجت الآلآت مال قياس القلب ..وتصارخ شرات المينونة ..لين نشت هنود ..مع انهم كانوا يحاولون يهّدونها ..)

• هنود: آآآآآآ

• هنود فخاطرها : شو مستوي؟ (وهي ماتروم اتكلم )

• مايد : شمايل؟

• شمايل : ميود ؟ (وعيونها يغرغرن ) اللي حبيته وحافظت عمري من أي زلة عشانه راح ..ههههههههه شو المهم؟ محد مهم !! صح ميود؟

• مايد : شو تقولين يعلني افدا روحج؟

• شمايل: ههههههه تفدا روحي؟ والله ؟ أحينه؟ لالالالا شكلك مغلط في البنية

(واتقرب منها ويحط ايده على راسها يمسح عليها وتمسك ايده بالقو وتعضه ...)

• مايد معصب : شمااايل !!!

• ميثاء ونشبة : شمايل بس قلنا !!!

• شمايل : كلكم تظهرون برع !! بسرعة !!! (وقامت وهي يرحها بعده ما برى ) بسرعة برع !!! (وقامت اتدزهم واتدفّر العيايز ..)

• شمسة : يا اميه لا مب جذيه !!

• شمايل : برع ما بشوف حد !! (وما استراحت لين طلعتهم كلهم وقفلت الباب ) هذي هي خياس الدنيا !! همهم جسم الحرمة !! ترا الاغتصاب ما يعرف لا بنية ولا ياهل !! (وتيلس عند الباب تصيح )

• مايد يدق الباب : يا شمايل فجي الباب ولا بكسره !! (وكان الدق عالي لدرجة اتحسه بين ضلوعها لأنه يهتز جسمها من الدق عالباب ..وهنود اتطالعها وزايغة لأنه شمايل طول عمرها هادية وما بتسوي شي مثل هذا )

• شمايل تصارخ : اكسره !! وبتشوفني منتحرة !! شو تبا فية؟ انا مب شمايل اللي تعرفها !! انا وحدة سمعتها في الطين ... تسمعني في الطين !!

(وهنود اتطالعها وتنتفض .. اما مانع كان صوب المصعد يتكلم في التيلفون )

• مانع: ها امايا؟

• ام مانع: بتتأخر ابويه؟

• مانع : اميه استوت مشكلة عودة ..

• ام مانع : خير ان شاء الله ...

• مانع : بنت فاضل وبنت محمد عفدوا عليهم .. وأحينه منّومات في المستشفى ..

• ام مانع منصدمة : شو تقول؟

(وكانت حذالها وداد اللي بججت عيونها وشغلت الرادار )

• وداد: شو مستوي؟

• ام مانع اتكلم شوي شوي : لاماشي ... (وقامت سارت غرفتها ) مانع !! اتحمّل اتخبر حرمتك !! والله انها بتتجهز حق الشماتة !!

• مانع: امايا حرام عليج .. وداد جذيه؟

• ام مانع: وهم انزين في أي مستشفى؟

• مانع : مستشفى ............

• ام مانع : انا احينه بييي ..

• مانع: شو تين مالج حاية !! بيروغونج !!

• ام مانع: لو يروغوني بعصا .. نحن اللي سويناه فبنتهم شي مب هيّن .. ولا شو رايك؟ (وسكت لأنه متلوّم ) هذيلا عشرت عمر وياهم .. وجانك انته اللي فرقتنا بعرسك ..الوليف عمره ما يفترق عن ربعه .. (وبندت عنه وسارت اتبدل ثيابها دهدييه وهي نازلة ) يا آسيا !! آسيا !! نادي بشير خله يشغل الموتر ...

• وداد حاطة ايدها على خاصرتها : هاااه؟ سايرة عند عيال فاضل؟ دواهم من هذا وأكثر ..يعلهم ما يتهنون فحياتهم شرات ما خربوا عرسي

• ام مانع : خافي ربج فيهم !! مهما يكون هذيلا كنتي اتزورينهم وعادينج شرات بنتهم !!

• وداد : اي بنتهم؟ اي خرابيط؟ ايهبون !! انا اشتريهم وأخليهم عبيد فإيدي ..

• ام مانع : مالت عليج وعلى كلامج السم فوقج !! خافي الله فيهم !!

• وداد: عيل انا مابا اطوّفها السالفة على خير وإلا أزورهم !!

• ام مانع : يلسي مكانج وجري الدعنة !! أحينه بتيج العنود ..

• وداد واتحولف : والله ما يلست لين أبرّد حرتي !!

• ام مانع : تبين تسوين فضيحة ..العرب في محنة !!

• وداد : عيل يوم يت السمسومة هندوه الكوشة ما قلتوا شي ..وانا حقي ما بضيّعه ..(ولبست عباتها )

• ام مانع : عيل والله ما ركبتي الموتر ..تبين؟ إلتعني فموتر ثاني يالحية ام روس !!



• وداد تضحك مب هامنها : من زين اللي بيركب وياج عادة !! روز رايز بييبلي ابويه !!!

(وروحت ام مانع وكانت مضغوطة من اللي صار .. ااما وداد ركبت التكسي وسايرى اتسوي الفضيحة ..)

دانوه
01-11-2008, 01:11 AM
كمـلي منـسيـوووهـ دخيييييييييلج

عـشاان خـاطري

المنسيه
01-11-2008, 01:12 AM
حطيت توني جزء


(الجزء ال 26 )

دانوه
01-11-2008, 01:50 AM
كمـليهـاااااااااااااااااااااااااااااااااااااااا

بليييييييييييييييييييييييييز

المنسيه
01-11-2008, 02:01 AM
(الجزء 27)


• مايد : فجي الباب يا غناتي فجي !!

• شمايل: يا غناتي؟

• مايد: هييه غناتي ..لو استوابج اخس عن جيه تراج غناتي ..وحبيبتي تذكرين شو عطيتج آخر مرة؟ (وتطالع الاسويرة اللي فإيدها .. ) موجودة بعدها؟

• شمايل: هاااه؟ هيييه ..

• مايد : راويني ابا اتأكد ..

• شمايل تصرخ : انا مب ياهل اتقص علية !!

• مايد : اقص عليج؟ شمايل؟ بسألج سؤال .. (وهي ساكته ) انتي بعدج اتحبين مايد؟ (ويالله ضربها عالعوق .. كيف ما اتحبه دامنها عاشقتنه من يوم هم يهال وهو اتربى عالقسى وهي اترده بحب ..) شكلج عمرج ما حبيتيني !!فمان الله ..

(وهو روّح وكانن الحريم ميّلسات يتريونها تفتح وسيده تفتح الباب )

• شمايل : بذبحك بإيدي ان قلتها مرة ثانية تسمعني؟

• مايد صد صوبها ومشى جداها : وانا بذبحج ان ما سمعتي كلامي في معلوم ؟ (واحمر وييها وابتسمت له ) اتعرفون اني احب بنتكم !! الا عاشقنها عشق !!

• ميثاء : آآآخ عليك !!عيب !!

• شمسة بعصبية : مايد !!!

• نشبة : يوم بتاخذها قول لها هالكلام ..احينه انطب ...

• مايد: شومايد؟ انا كم بصبر؟ وهذي بنت عمي يعني مب غريبة (ويغمز لها ) صح؟

(شمايل سكتت وردت داخل وتصاصر هنود .. اللي اتطالعها باستغراب ..)

• شمايل: سامحيني ياختييييه ياهنود !!سامحيني عاللي سويته فديت روحج ... (وابتسمت هنود )

• مايد دش الغرفة : طاعوا !! انا ارمسها وهي سارت عني !!! إإييييه حرمة سعادة مايد ..

• شمسة : طاعي اسمعي التنقيع ...اميه نشبة لحقي اتفوّق عليج !!

(وردت لسريرها ..اما مايد سار وحب هنود على راسها واستسمح منها وكانت اول مرة وهذي هي البداية .. ورد يلس صوب شمايل ويسولف وياهن كأنه شخصية عيسى ردت واتحولت لمايد ..وعن هنود لين الحينه مايدرون باللي صاير لها ..والعيايز ما طاعوا يرمسون بالسالفة لين يوصلون البيت ..ويلقون لها حل)

• مانع: هود .. هود .. مايد؟

• مايد : لحظة !! لحظة !! شمايل ..هنود؟ اتغشن ...

(اما هند انتفضت من الزياغ)

• هنود اتغشت وفخاطرها : مانع؟ شو يسوي هني؟

• اليد حمد : اتغشن ...بندخل ...

• ميثاء : اقربوا ...اقربوا ...

(ودخل مانع واليد حمد وعبيد )

• مانع وعبيد : السلام عليكم (وردوا السلام ..)

• مانع : نحن يايين نسألكم كم من سؤال ..

• مايد : خلاف ما يستوي؟

• مانع: كل ما قربّنا بنحصلهم ...

• مايد : بس لا تتحيرون ...

(شمايل تنتفض وماسكة يد امها ..)

• مانع: انتي هند؟

• شمايل : لا .. انا شمايل ..

(وقلبها يدق ..ومانع احمر ويهه ..ومستعيل يبا يسمع صوت الهند ..)

• مانع: ممكن اتخبرينا شو استوا؟

• شمايل معاندة : ما استوا شي ..

• مايد : شمايل ... لا تناحسين وسمعي كلامي ..

• شمايل وتوجه كلامها لمايد : هذا شي ما ينقال ..

• مانع : اختيه؟ نحن شرا اخوانج نعين ونعاون ..ومحتايينج اتعاونينا ..

• شمايل : وينكم يا اخواني عني ؟ وينكم يوم اغتصــــــ ..اغتصبوني (ودمعتها انذرفت ..وهي اتطالع مايد اللي محمر ويهه ويبا يسوي شي ..يمسح دموعها لأنه حاس بها .. بس مب قادر..وخبرتهم بكل شي يبونه ..بس المشكلة ما عرفت توصفهم عدل ..)

• مانع : ما قصرتي يا اختيه .. (وقام وسار جهة هنود ) وانتي هند..

(وما عرفت شو اتقول ..ويسمعون صوت وحدة اتيهيل ..)

• ................: كلولولولولولوش !! (وهم صادين عالحشرة برع )

• اليد حمد : انطبن !! طب الله راسكن !!

• نشبة : ويييييه يعله مبارك وسعيد ..يعله مبارك وسعيد .. (ودشن شما ونشبة )

• غريبة : بلاكن ؟

• شمسة : حصلتوهم؟

• نشبة : طلعت بنتج ما جاسوها ... توّها الدكتورة قايلة ... (ومانع صد يطالع هند ..وهند احمرويهها بس طبعا ما يبيّن منها شي .. وهو قايم..لأنه عبيد لمح له بشي .. )

• مانع: نحن بنخليكم تستريحون وباجر بناخذ افادتها .. (بس شكله هو يماطل عشان يطالع هند ..طلع هو وعبيد وساروا يكلمون الدكتور ..)

• ام مانع : السلام عليكم ..

• هند فخاطرها : اكيد خبرها مانع ..

• نشبة : هلا عليج السلام يا مرحبا الساع ...

• ميثاء : عليج السلام والرحمة مرحبا بخويتيه ...

• اليد حمد : انا بترخص ...فمان الله ...شخبارج ام مانع ؟

• ام مانع : بخير ..بخير ربي يعافيك ... (وروح ..وروحت شما وياه ومايد طلع بس واقف برع .وسلمت عليهم ام مانع ويلست ..) انا من سمعت الخبرما حسيت والله برويلاتي ..ما تستاهلن .اللهم مالك الحمد والشكر .. (واتطالع هنود واتحبها ع راسها ) حاطة فخاطرج من صوبنا ؟ (وهنود اتعج الغشوة وتبتسم لها )

• هنود فخاطرها : وانا ازعل منج يالغالية ؟

• ميثاء : فيج الخير والله ..

• ام مانع : باجر ريوقكم وغداكم وعشاكم علية ..انتوا بتنشغلون في المستشفى..

• غريبة : مشكورة يا اميه ما تقصرين ..اعنبوا البنات كلهن بخير ..

• ام مانع : هذيلا بناتي واتربن على ايدي ..والله وهذي حلفة ... بتردوني بعد ؟

• غريبة : لا لله ..

• شمسة : مشكوووورة يا خالوه يعله مديم ...

• ام مانع : هذا الا من خيركم فديتج ...

(وتمت وياهم ساعة اترفه عنهم وتسوي سوالف ويا البنات ..وخلاف روحت .. )

• غريبة : هنودة؟ بلاج امايا؟ من يت الحرمة ما اتكلمتي .. (وهنود اتأشر بإيدها مب فاهمة ..) بلاج امايا اتأشرين؟ (واتأشر بإيدها انها ما تروم اتكلم ..وردت الام تصيح وتنوح ..ونادوا الدكتورة ..وكشفت عليها .. بس بكل صراحة كانت هنود مستانسة انها ما تتكلم افتكت من الصريخ والزعيج ...) بلاها دختورة ؟

• الدكتورة : هذي حالة نفسية .. او عقدة يمكن من اللي شافته .. ويمكن مع الايام تتحسن بمساعدة الدكتور ..

• غريبة ودمعتها على عينها : يالله .. يالله يا عزيز يا كريم ترحم بنتي وبنت اختيه برحمتك ...

(وروحوا بعد ألف يا ويلاه ..وتمت شمسةويا البنات ..وكانت اطول ليلة في حياتهم ..اما في غرفةمانع وكانوا رقود ..)

• مانع يهذي باسم وحدة اكيد عرفتوها : هنود؟ هنود؟ فدييييييييييييييييت روحج يا حبيبتي ... هنود؟ فدييييت ويهج يالقمر ..قطعتي قلبي يا غناتي .. (وهو يوّن الا باسمها )

• وداد نشت واتدزه : قم !! قم اقولك !! قم يعل ليحان ظهرك ينفجن فج !!

• مانع ناش مغفي : الله يغربلج زيغتيني ..بلاج؟

• وداد : وبعد في فراشي تطري هندوه الجلبة؟

• مانع : حشا !! منو طراها؟؟ اظني فحلمج ..بس انا ما يتني اليوم ههههه

• وداد : سخيف وايد ..

• مانع : وايد حلو أعيبج ..

• وداد : من زينك عاد ..الشيفة شيفة والمعاني ضعيفة ..

• مانع : ودادوه يالحيواة .. ثمني كلامج يالبقرة !! (وتدفره دفرة وتعجه من على الشبرية ..) والخيبة اتخيبّج يالجيكرة !! مب ايد عليج

• وداد : انا جيكرة؟ يالدب !!

• مانع : انا دب؟ مادري منو مرّبي شحوم ولحوم ..مالت على هالشيفة .. (وانسدح ويدفرها هاييجي الدفرة ويتلحف ) هاااااااااااااااايه فديت اللي في بالي ..لا خليت ..لا خليت .. (وهي منشحنة واتسب في خاطرها)

• وداد : اذا لقانا هب اليوم ان شاء الله باجر يالسبالة ..

(وعلى يولة الحادث والمستشفى ..يوم درا فاضل ما اهتزت شعرة منه ..يمكن انصدم لكن ما فكر حزتها اييها .. اما مي وفطيم ما ياهن الرقاد ..وعند مي في الغرفة ..)

• مي : انا شمدريني انه هذا رح يحصل .. ولمن؟ لأختيه.. يالله تعينها ..

(اما عند فطيم )

• فطيم : ما يستاهلن ..حليلهن .. مادري كيف بيكملن حياتهن وعلى هذا العار اللي بيلازمهن طول حياتهن .. وينك ياعيسى اتشوف شو استوا على خواتك !!

(اما البنات الاربع ما رقدن الليل..وحتى مايد يفكر بحالة حبيبته .. من كثر ما يفكرن بالحادث كأنه فيلم رعب وينعاد .. بس شمايل اللي ترقد وتنش وتوّن من اللي تشوفه ..واتذكرت ويوههم وكيف كانوا يضربونها بس عشان تسكت ..والصبح وصل لهم الريوق ودش مايد على الساعة 8)

• مايد : صباح الخير .. (ومحد رد ..هنود كانت راقدة وشمسة حاطة راسها على هنود ومتغشية وراقدة عالكرسي ..وشمايل عدلت شيلتها ودخلت شعرها وهي ساكتة وسرحانه ..) احم احم بلاها الحب مالي؟

• شمايل : هاااه؟ صباح النور ..

• مايد : شمايل اتحبيني ؟ (واتراويه السلسلة ) ابا اسمعها منج ..

• شمايل: ماله داعي هالسؤال.. يعني على كل ما تشوف شيفتي بتسألني؟

• مايد : اتحبيني ولا لأ؟ لا تنرفزيني؟ كل يوم بسألج وكل دقيقة عشان اتأكد انج اتحبيني ..

• وداد : ماشاء الله حب وغرام ..ولا بيّن فيج اعنبوا عفدوا عليج ثلاااااثة وبعد عاشقنج الرابع؟ شو تبا فيها؟ جان ما اتكون حامل ف ولد حرام هي وهندوه الجلبة (وهنود سيدة بطلت عينها من اللي سمعته ) يعله ان شاء الله توائم وما اتوفقون ..عاد شو بيفججكم من كلام الناس ..

• هنود فخاطرها : خافي ربج (ونشت شمسة )

• مايد يصارخ يبا ينهد عليها : انتي الا بنت شوارع ..اشوف ظهري برع لأرقعج بأي شي جدامي

• وداد حاطة ايدها على خاصرتها : اونه بيرقعني !! ههههههههههه اصلا زين اللي صار ..اسميني الا استانست وقمت أوّوع بيزات من الفرحة .. يعلكم من هذا وأزيّد .. انا ببيزاتي أبيعكم وأشتريكم وبتكونون تحت ريلي ..غصب عنكم ..

(ومانع كان عند الباب هو وعبيد ومنصدم من اللي يسمعونه ومبججين عيونهم على الحرمة الملسونية اللي تسبهم سب ..)

• عبيد : والخيبة !! بنت الذين ..اسمع شو تقول .. خلنا اندش انأدبها ... ملعونة الصير !!

=================================================

الجزء (28)


مانع يمسك عبيد: لحظة لحظة !! خلني اسمع ...

(ومانع مب مستوعب ..حرمته شو تسوي هني ..مع انه ورثه ابوه الفطنة والذكاء لكن هنيه خانته حاسته )

مايد : عنلات صيرج يالخايسة !! ظهري برع اقولج ..(ارتفع ضغطه من غير ويهه محمر ..)

وداد : احينه ودرتني ..وسرت عند وحدة خايسة ؟

شمايل اتطالعها منصدمة : ودرتها؟

مايد : شمايل لا تصدقينها جذوب !!

وداد : انا جذوب؟ اوكي جاني جذوب ..فجي ايميله وبتحصلين صوّري كلها موجودة ..ومن غير عشقنا وغرامنا ..اصلا من سنين وهو عاشقني ...

شمسة : ايييييه استري على عمرج وانفدي !! محد بيستر علييج !!

(وقامت شمايل مب مصدقة ..)

شمايل وشياطين الدنيا ع راسها وقامت وصلت لين عندها : طلعي برع احسن لج !!

وداد بكل جرأة : ما بطلع شو بتسوين ؟ (مايد سار لها ودزها يبا يطلعها وهي تفلت عمرها ..) هدني !!

مايد : طلعي بكرامتج !! جان بقى شي منها !!

وداد : انته ريال انته ؟

شمايل : ما بتطلعين صح؟

وداد اتمردت : ما بطلع شو بتسوين ؟ فضيحة في المستشفى ؟

(على الرغم انه الكل يسمعها ..يعني ما حشّمت ولا استحت على ويهها وقالت حرمة عوده تسمع هالكلام ..أبدا ... متمردة ..ولعينة ..ونذلة فنفس الوقت ..وقامت شمايل ومسكتها من شعرها بكل قوتها ..)

وداد اتحاول تفلت منها : هديني يالمينونة !!

(ووصلت عند اليدار مال حجرتها ..وكلهم نشوا..بيمسكونها .. مايد يمسك شمايل من بطنها ..وهي ترافس بريولها ..)

شمايل : هدني اقولك ..

وداد : مينونة !! خبلة .. جلبة وحدة !!

(وداد اتقربت من شمايل اللي ترافس ومب طايع هو يهدها عن اتسوي شي ..)

مايد : شمايل فديتج ..استهدي بالله ..

شمايل تصارخ : هدني اقولك !!

(وتصفعها وداد هاييجي الصفعة ..حزتها شمايل ما استحملت ..عضّت ميود .. وفلتها .. من الويّع )

مايد :آآآآي !!

شمسة : شمايل !! لا يا بنتي !!

(وعفدت على وداد اللي طاحت عالارض وتيوّدها من رقبتها وتصفعها كم من كف ..ومثبتنها بريولها ..)

شمايل : احينه انا مينونة؟ يالخايسة يا ام الرياييل؟

(وميود رد يمسكها بس مارام يجلعها ..وهنود من الخوف سارت بتنادي الممرضات ..ويوم طلعت انصدمت ب عبيد ومانع ..وهي اتأشر وهو حزتها احمر ويهه ..كان معصب ومفوّل بس مب عارف شو يسوي جدام هنود ..ولحفت هنود ايدها بالشيلة وقامت تدزه داخل هو وعبيد ..)

عبيد : تبانا نتدخل ..

مانع: ما يخصك ..

(اما في امريكا )

عيسى يصارخ وحاس روحه بتظهر : آآآي !! لحقوا علية احس شي ينهش ينبي !! آآآي!!

حسن توّة داش : عيسى ياخوي .. بلاك بسم الله ؟

عيسى : ازجر الدكتور خله يعطيني مسّكن بموووت ..آآآآآه ... (وكان يتحكك وعينه مسوّدات هالمرة صدق ..) آآآي !! يا حسن وصاتي اهلي ان استوا شي ..(ويصيح من الويّع)

حسن : ما بيصير الا كل خير يا عيسى وهذا آثار المخدر ..وبعد فترة بيخوز عنك ..

(والممرضة اتطالعه وتبتسم وتضربه بالابرة عشان اتهّديه ..ورقد ..وكانت الممرضة تتمدح ل حسن بجمال عيسى وهو ساكت .. وكانت هاي آثار المخدرات بدت اتأثر فيه .. كان يكره الاكل وما ايعرف يرقد الا بمسّكن .. بس طول الوقت يحاول عشان خواته وامه وابوه وفطيم ..)

عيسى وهو راقد يتلفظ ب : فطيم ..احبج يا غناتي ..فطيم ..انا حبيتج ..حبيني شرات ما احبج ..

(اما في المستشفى .. دخل مانعوشمايل مب مستسلمة ..ويوم شافت مانع ..)

مانع: هدّيها !!

(وقامت شمايل وهي منتصرة )

شمايل : شفت الشرف والكرامة؟ شفت؟ شفت يالأخ !! شفت حرمتك اللي غدت بنت شوارع؟ شفت؟ (وعبيد منصدم وعيونها تدمع ومسكها مايد من ايدها ..) هدني !!ولك ويه تلمسني؟ صدق انه الرياييل مالهم امان !!

(وداد هالمرة زايغة لأنها صدق في ورطة ..مانع يطالعها بحقارة الود وده ذابحنها..ونزل لها ..وهي كانت تنتفض اول مرة تشوفه جذيه ومسكها من كشتها )

وداد : آآآي !! آآآي !!!

مانع : براويج الخساس على اصوله طوفي جدامي ..الله يلعنج ويلعن اليوم اللي خذتج فيه ..

(ويوم طاف جدا هنود ..وبعده ماسك في وداد ...)

وداد : تف عليج يالخايسة !!

(حزتها صدق احمرت عينها ودموعها نزلن ..لأنها تفلّت عليها ومانع بكل قوته مسكها من رقبتها ..)

مانع : هاي عمتج وعمّت طوايفج كلهم ..(ويرد يمسك شعرها ) تسمعين ؟ (ويوم توّة قرب ايده بيمسح على خدها اللي متفلة عليها ..صدت الجهة الثانية ماتباه يلمسها ..كانت زايغة ..بس لمس خدها ومسح ..)

مايد: ايييييه !! لا اتدق اختيييه !! ياويلك مني !! (وسار له )

مانع يأشر له : مالك حق ترمس !! أقدر أعجك فقضية وكل الدلائل عندي ..ومحد بيفججك منها تسمعني؟

مايد : حرمتك الا جذوب !! (وحزتها فار دمه .. وهد راس وداد )

مانع : ان تحركتي ..بثوّر فيج وانتي اتعرفيني .. (وهي اتطالعه وزايغة واتهز راسها..ويطالع مايد ) شو قلت؟ (وسار له )

شمسة : يابويه استهدوا بالله ..مب جذيييه !!

مايد : خلييه خالوه !!

(وطبعا حركةمانع من يمسك حد من رقبته خلاص قاضية ما يرومون يتنفسون ومسك مايد بنفس الحالة .. )

عبيد : دخيلك يا مانع مب جذيه مب بالدريس

مانع : واحينه؟ كلمت الحرمة ولا لأ؟

(وشمايل اتطالعه بتكبر )

مايد : هدني اقولك !! (وكان رافعنه عن الارض ) هـــ ...هـــ.. هيييه كنت اكلمها .. (وكلهم انصدموا )

مانع : والصور؟

مايد : مـــ .. مو ــــــ موجودة..فلـــــــ فالكمبيوتر ..(ويدفره مانع هاييجي الدفرة ..اما في بيت فاضل ..يصيح التيلفون )

غريبة : مرحبا ..

الجود : السلام عليج خالوه ..

غريبة : عليج السلام فديتج ..

الجود : هند موجودة؟

غريبة : سامحيني ا غناتي .. منوّمة في الدختر ..

الجود : بسم الله عليها ..شو صار عليها ؟ (واتخبرها بالسالفة كلها ..ويوم بندت عن غريبة ..كان احمد ياي على غفلة ويقرقطها ) هههههه مب عيب عليك؟ انته ياهل الحينه ؟ احينه بينش زايد ...

احمد : خليه ينش .. شووراه من الشغلة ؟

الجود : احمد؟

احمد: حياته وروحه ..(وهي اتطالعه وتبتسم )

الجود : نسيت ..

احمد : ادري كلامي كله عسل ..

الجود واتدزه مال مصخرة : يهالويه ..

احمد : الجود؟

الجود : يالبيه ..

احمد : لبيتي الحاية ويايه ..

الجود : هههههه على نفس الوزن والقافية ..

احمد : خلينا من القافلة الحينه (وهي تضحك على استعباطه ) مستانسة ويايه ؟

(حزتها ردت بها الحاسية يوم يقول لها محمد هالكلام ..احمر ويهها ..وصدت الجهة الثانية منحرجة ..)

الجود : هييه مستانسة .. مستانسة ..

احمد : يوم انج مستانسة ليش اتصدين الجهة الثانية؟ انا ماخذنج من سنتين وبعدج تستحين مني؟

الجود قامت : احمد؟ اتعرف ليش وافقت آخذك؟

احمد يلعب بشعرها : عشاني غرشوب؟

(الجود ضحكت من خاطرها )

الجود: انته مكار !!

احمد: ولا لأنج ما استحملتي كل يوم انج تشوفيني ..اعترفي اعترفي

الجود تبتسم اونها متعجبة منه : خجاج واحد ..

احمد : وطبعا ثمرة حبنا زايد ..

الجود: وايد اتحلم ..

احمد : وايد ..شكلي الا بسير اعرس عليج ..يمدحونهن بنات البلاد من غواهن (اونه عاد مروّح ومسكته من ايده )

الجود : ياويلك !! احمدان !! (ومسكها من ايدها وحباها ع راسها )

احمد : وانا منو عندي غير جامتي ..

الجود : يا ريال شو هالتشبيه؟ ههههههه

احمد يطالعها فعينها : احبج يا ام زايد ..

زايد : اهىء اهىء أهمد !!

احمد: طاعي مذهب ولدج .. (وسار صوب زايد اللي عمره سنتين ..وماخذ ملامح ابوه وبياض امه )

الجود : بلاه بسم الله عليه ..متعلم ومتربي ..

(واحمد يضحك عليها .ويحبب زايد الليكان يضحك )

الجود : ماعليه انته ما شفته البارحة ..اميه وفاية تضحك عليه ..

احمد : شو مسوي ؟ لابس برقع يدوه؟ دومه ادريبه !!

الجود : لا ..بس عواد منزل سالم ولده وحليله .. كل ما يشوف زايد يهز راسه ..ههههههههههه

احمد: ههههه حشا غادي سبال ..

لبجود : وعاد ولدك اشوفه يايني ايطير ..ماما ..وماما .. ويهز راسه ..عادة يقولي يو هذيلا اللي يهزون روسهم (وهم ميتين من الضحك )

احمد : شكله عواد من احينه معلمنه عالتجوليع ههههههههه من اولها ..

الجود : عن انسى ..بسير وياك بتشرى هدية حق ربيعتي ..

احمد : منو هاي؟؟

الجود : وحدة متعرفة عليها في العرس .. وأحينه متنومة في المستشفى ..

احمد: جيه؟ متى بتسيرين لها؟

الجود: برمس اميه وفاية ونداية والجود ..بس يمكن باجر اذا الله راد لأنه ماشي تحفيظ قرآن غير يوم الاحد ..

احمد : خلاص غناتي ..انا بشتري لكن التوصيلة خله اخوج يوديكم

الجود : ان شاء الله فديت عيونك

احمد وبجدية : صدق؟

الجود : شو الصدق؟

احمد : عيوني حلوة؟ (واحمر ويهها )

الجود : انته صدق ما تستحي

احمد : اندوج انتي رد رقد ..



شو راح يحصل بين وداد ومانع ؟

هل بيطلقها وبيرد لهنود؟

هل عيسى بيتعافى ولا حد بيلعوزه؟

وشو مصير هنود وشمايل بعد الحادث؟

وشمايل بتكمل ويا مايد ولا بتودره؟






=================================================

دانوه
01-11-2008, 03:50 PM
منسيـوتي كمـليهـا اليـووومـ فـ الليــل

دخييييييييييييييييييييييييييييييييييييييييلـج

المنسيه
01-11-2008, 05:14 PM
ان شـاءاللهـ ،، الساعهـ 11 بحط الباقـي =)

دانوه
01-11-2008, 11:35 PM
الساعـه 11:36

المنسيه
01-11-2008, 11:45 PM
ههههههههه ان شـاءاللهـ ،، ألحيـنهـ بنزل البارتاات

المنسيه
01-11-2008, 11:52 PM
http://www.al5yaal.com/uploads/8a9eb39789.jpg (http://www.al5yaal.com) البارت 29 http://www.al5yaal.com/uploads/8a9eb39789.jpg (http://www.al5yaal.com)



قرآءة ممتعــة}
:S_043:

الجــزء الـ ( 29 )

(وعلى غفلة وعتها رحيل )

رحيل : ماما؟ ماما نشي ..

الجود : هممم؟ (ويوم بطلت عينها شافت رحيل جدامها واتبخر كل الكلام اللي صار بينها وبين احمد وزايد الصغير ) وين زايد؟

رحيل : عند ماما سلامة ..

الجود : سيري هاتيه اتولهت عليه ..(ويوم سارت رحيل ) اشوا انه كله حلم ..وينك يا احمد؟ الله يذكرك بالخير .. حتى في الحلم اتزوجتك خخخخ ..قبل كنت اعرف اخبار محمد منك ..وأحينه من سافرت ولا الطشة .. يا سبحان الله يحصل لبنتين ..وكان بيحصل لي ..اللهم مالك الحمد والشكر ..يالله اتعينهم ..(وكان احمد مسافر برع البلاد ..وكل اللي حصل حلم ..بعد ما كلمت غريبة ) بسير اكلم اميه نداية عن سيرتنا للسوق ..

( اما في المستشفى .. يلست هنود وشمسة عالكرسي يتنهدون من اللي صار ..)

هنود فخاطرها : يالله الحمدلله واخيرا !!!

مايد : اعنبوا ما بغت !!

شمسة : يالله يالله لبجتوا ضو في الدختر !!!

شمايل اتطالعه : واتحرى عمرك ما اذنبت؟

مايد: شو؟

شمايل وعيونها محمرة : اطلع من الحجرة !! برع !!

مايد مسكها من ذراعها : ما بظهر شو بتسوين ؟

شمايل: هدني !! (ويوم هداها ) تف عليك من ريال جانك ريال مغازلجي بو الحريّم !!

مايد : ايييييييييييييييه عن الغلط !!!

شمايل: شو غلط ؟ هاااه؟ اباك تطلع من حياتي وتنجلع منها ...

مايد: ما بطلع وجانج حرمة سوي بعد شي ..والله هب ساكت ..

شمسة: جاب ولاكلمة !! بتسكتون ولا لأ؟ العنت الله عليكم !! مايد؟

مايد وبغرور : خير ؟

شمسة : تبا شمايل؟

(مايد اتغيرت ملامح ويهه)

مايد : نعم؟

شمسة: ما سمعت؟

مايد: هيييه اباها

شمسة : عيل بتاخذها !

(شمايل وهنود منصدمين )

شمايل : شوووه؟ ومنو قال اني موافقة؟ جيييه مالي شور؟ وعقب اللي سمعتيه تبينه لي؟

شمسة : يالخبيلة نستر الفضيحة !! اعنبوا دارج الناس بتاكل ويوهنا وانتي ولا بهمه؟

المنسيه
01-11-2008, 11:55 PM
http://www.al5yaal.com/uploads/8a9eb39789.jpg (http://www.al5yaal.com) البـــــارت 30 http://www.al5yaal.com/uploads/8a9eb39789.jpg (http://www.al5yaal.com)



(الجزء ال 30)

( في موتر الشرطة )

• وداد : انا .. انا .. مانع .. انا كنت اجذب ما سويت من هالشي ..

• مانع : تجذبين هاااه؟

(ويطالعها من المنظرة النصفانية ..لأنها كانت يالسة ورا ..شرات اللي قابضين عليها )

• وداد : والله ما اجذب عليييك ..بس كنت ابا ألعّوز شمايل ..

• مانع : لا حرام عليج.. خليتيني أصّدق (ويزاعج ) انطبي طب الله راسج !!

(اول ما وصلوا البيت ..بطل الباب وسحبها من كشتها )

• وداد : آآآآي !! آآآآآي !! آآآآي (والبشكاير والدريول يطالعونهم ) مب جدامهم دخيلهم ..

• مانع محمر ويهه : جاب يالله جاب !!

(وتوّة مبطل الباب وغصّت ام مانع )

• ام مانع : اح اح يالله شو مستوي لا إله الا الله !!

• مانع : ما يخصج !!

• وداد : لحقي عليّة خالوه بيذبحني والله !! (وهي تترجى )

• مانع والشرار فعيونه : الا بقصبّج !!

(وسحبها فوق لحجرته وامه تلحقه ..بس قفل الباب وهي ما لحقت )

• ام مانع : افتح الباب يا مانع ... (وهي اتدق بقو ) يابويه استهدى بالله ..

• مانع : انا تفشليني جدام اهلي وتنزلين راسي؟ وتفضحيني ؟ (ويصفعها طراق يعجها عالارض ..ويضربها ضرب ..وخذ العصاه المحناية ..وانا اقول اسميك ريال..وسفرجل مبججة عيونه ومتقبضة فية ..وعطاها من الخاطر) بس على هذا كله تستاهلين اللي ايييج وزود ... انتي طالق !! (وبطل الباب ويسحبها ويفرها برع حجرته ماكان يشوف شي جدامه ..وبند الباب وهو يطلّع ثيابها والغصة جايستنه ) انا انخدع من بنية؟ اكرم انها مينونة .. لكن والله لأراويها .. (وكان يطلّع ثيابها ويرّض بباب الكبت ..وبطل الدريشة ..ويشوفها برع بتركب الموتر ..ويزاعج ..) ان ركبتها يا بشير بتتكنسل !! (الدريول زاغ وهي اخسّين ) تبين ثيابج؟ (وهي اتطالعه ) خذيهن !! ( ويفرهن من فوق وقامن ثيابها يتطايرن في الهوا ..اللي على الموتر ..واللي على الزرع واللي على صوب يرانهم ..ويلس في حجرته يفكر في وداد ..اما في المستشفى )

• شمايل ماسكتنها امها : بتظهر ولا لأ؟

• مايد : ما بظهر شو بتسوين؟ انا قلت لج اني آسف ..

• شمايل تزاعج : اظهر برع لا بركتن فيك ولا في أسفك

• شمسة : يابويه اظهر الله يهديييك .. (وتغمز له عشان هي بتهديها ) كفاية الفضايح !!

• مايد : مب ظاهر لين تعقل بنتج !!

• شمايل : جيه انا مينونة؟ هديني عليه !! هالهرم !! بو الحريّم !!

• مايد : قولي اللي تقولينه ..انا راضي بس انتي لي انا فهمتي ؟

• شمايل : ياخي ماريدك غصب هوو؟ اطلع !! اطلع !!

(هنود ردت فراشها لأنها ضايجة من ها كله )

• مايد : اتحلمين !!

(يعني شمايل منفعلة ومايد عنادي مب طايع يهدها ..وهي خذت جلاص الماي وفرّته ..بس ضرب الباب وانكسر )

• مايد منصدم : لهالدرجة اتوّصل؟

• شمايل : وأزيدك بعد !!

(وطلع من الغصة ..وهو طالع يصيح تيلفونه )

• مايد: نعم؟

• فاضل : ميود؟ رد البيت اباك !!

• مايد : ان شاء الله ..بس انته ما بتي المستشفى؟

• فاضل : لا ما بيي خلها تلتعن عني ...

• احلى البنات = ياويلي ايقول عن بنته جذيه ...

(ويوم سار البيت محد كان في البيت كلهم ساروا المستشفى )

• مايد يتنهد ويلس وهو يرد شعره على ورا : خير يا بويه ..

• فاضل : الخير بويهك .. انته ولدي ..اللي تسمع كلامي ..واباك اتحط هالشي في بالك مبدنك عن كل اخوانك ..

• مايد : خير؟

• فاضل يدوخ له المدواخ : اباك تاخذ شمايل بنت اخويه وتستحملها ..

• مايد : بس ..

• فاضل : لا بس ولا شي ..هالمرة بتاخذها وبتستر عليها ويوم بنحصل على بيزاتها .. خذ عليها البنية اللي تتمناها .. بعد ما انروم انخليك اتطلقها .. مافينا الناس بتاكل ويوهنا ...

• مايد : بس انا اباها .. مابا بيزاتها ..

• فاضل : ههههه اسميك يابويه .. انته اتحب؟ واتحبها؟ اتقص على ابوك اللي ايعرفك؟ ماعليه حبها خخخخخ قص علية بكم من كلمة ... (وبجدية ) دامنك ما تبا بيزاتها انا اباهن .. خذها وحبها وعطني البيزات مفهوم؟

• مايد اتضيّج :خلنا من هالشي ..انا تراني خذت البيزات عنك هب هنود ..

• فاضل منصدم : بعد انته اتغطي عنها؟

• مايد : لا والله يابويه .بس انا وايد زعلت شمايل هاكي اليوم .. وسرت آخذ لها شي رضوة .. وانا دقيت عليك بس يمكن ما سمعتني ..

• فاضل : ماعليه فدوى عن راسك .. تراهن بيزيدن بعد الزواج بدبلات ..

(واحمر ويه ميود ..وطلعوا هنود وشمايل من المستشفى ..ومن ردت غرفتها)

• هناء بكل شماتتها : شحالج شموول؟ تستاهلين السلامة حبيبتي ..

• شمايل : الله يسلمج ..

• هناء فخاطرها : يالله يا شماتة الناس فيج !! أحينه مول محد بياخذج .. طاح سوقج ياختيه ..

• هناء : شو قالج الدكتور؟

• شمايل : جاب واذلفي عن ويهي

(وهناء انصدمت انه اختها اتجرأت اتقول هالكلام .. اللي عمرها ما يكون في لسانها غير آسفة وسامحيني ..وعيال الحارة موول ما قصروا من هاكي اليوم وهم يدورون عليهم وكانوا روحهم مسوين قضية من السالفة .. لأنهم يخافون يتهجم على خواتهم وخصوصا لأنه ليوا طول عمرها دار الامان )

• سعيد: ميود .. نحن حصلنا امسات الباكستاني اللي...

• مايد: وين؟ زخيتوهم؟

• سعيد : حصلنا واحد بعيد صوب السلع .. المهم غسلناه لك غسال الدمان والله يظهر منه .. نحن وخويان شما ما قصروا ..

• مايد : وينه الحين؟

• سعيد: وديناه الشرطة ..

• مايد : والباجين حصلتوهم ؟

• سعيد : ماشي ولا أثر .. من غير هاكي الهيس ..يقول انهم افترقوا ..

• مايد : مشكور يا بوعسكور ..يالله عيل انا ساير الشرطة ..

(اما في الموتر كانت اليدة الجود ويا الجود وراشد اخوها اللي يسوق )

• راشد : احينه شعنه ما تخلون حمد البطالي هو اللي يوّديكم؟ انا وراية 100 شغلة !! لا وبعد طلعوا من المستشفى ..

(وتظهر اليدة عصاتها وتضربه على جتفه )

• اليدة : جاب يالله جاب !! كفاية متحيرين عالعرب بسبت رقادك !! (راشد يضحك وتبيّن غمازته )

• راشد : يالله بالعفو العافية يا جراند ماه (قصده يدته )

• الجود : اسكت الشيبة !!

• راشد : ما خبرتوني بلاهن هالبنيات؟

• اليدة : ما بلاهن شي ميهّد !!

(الجود اتصد ورا )

• الجود: هيه .. هيه ..

• اليدة : سويتيلهم تيلفون؟

• الجود : لا بعدني .. قلت لين نوصل ليوا ..

• اليدة : المدحوبة اتصلي يمكن هم محد ..

(واتصلوا بغريبة اللي دلتهم الطريج بس دلتهم بيت ابوها لأنه ريلها بيفضحهم.. وكانت عالباب موقّفة نشبة خخخخخخ)

• نشبة : ياهلا يا مرحبا وسهلا ..

• شما : يامرحبا الساع .. اتفضلوا ..اتفضلوا ..

• اليدة الجود : زاد فضلج الغالية ...

• نشبة : الميلس على يمينكم .. (ومن عفاشتها ودتهم ميلس الرياييل ودششتهم ..وراشد ينزل الاغراض ) شحالك ابويه ؟

• راشد منزل راسه : بخير ربي يعافيج ويسلمج ..

• نشبة : اقرب ..اقرب الميلس على يمينك .. احينه بييون الرياييل .. (ودخّل الاغراض داخل ودخل ميلس الحريم وشرب القهوة ..)

• ميثاء اتلف شيلتها واتعدل برقعها واتدخن شيلتها شي وتدخل : ياهلا ياهلا (ويوم بطلت الباب ) ويه ويه ويه السموحة (وتفر ع ويهها الغشوة )

• راشد قام ونزل راسه : لا انتي سامحيني خالوه ..

• ميثاء : شخبارك ابويه؟ واخبار الاهل ؟

• راشد : بخير ربي يعافيج ..

• ميثاء : استريح ..استريح ..احينه بييي مايد وبو غريبة ..

• راشد : مشكووورة خالوه .. (وروحت )

• ميثاء : حسبي الله عليج يا نشبوه يالمدحوبة !!!

(ومن درت مي انه في عرب يايينهم على طول اتعدلت واتمكيجت و يت مسرعة ..وعلى طول لميلس الحريم .. وفجت شيلتها اونها عادة تبا تراويهم كشختها وتبطل الباب )

• مي: السلام عليكم ..ويييييييه (وتلبس شيلتها ) آسفة يا عيوني !!

(راشد قام وصد ورا وكان محمر ومب رايم يقول شي )

• راشد فخاطره : شو السالفة بلاهن؟

(وبندت الباب )

• مي تتنهد : آآآه يا قلبي (وتتساند عالباب ) ايش جمال؟ الا غرشوب ياويلي !!

(اما هنود كانت عند شمايل ويوم اتصلوا ببيت شمسة يت ..)

• هنود فخاطرها : ياربي فشلة .. كيف بسّلم عليهم وانا ما ارمس؟ احينه بيتشمتو علية !! لا وبعد مب حاطة مكياج ولا حتى جحال ..يالفضيحة !!

(غريبة تبطل باب الميلس مال الحريم من داخل صوب الصالة)

• غريبة : يا مرحبا السااااا ـــــــــــ ويه ويه ويه ريال !! (واتغشى ) سامحني يابويه سامحني وافضيحتيييه !!

• راشد حزتها مب عارف شو يسوي : لا مسموحة مسموحة..انا بترخص ..

• غريبة : لا والله تستريح .. نحن مغلطين ... (ويوم هي مبندة )

• راشد : ياهي بلشة ... شو هاللي جايسنهم؟ بطلع احسن لي !!

(وهنود طبعا مادخلت من باب الصالة وعجت اللثامة وتمت متحجبة .. وبطلت الباب مال ميلس الحريم من برع يعني شرات مي ..وينكفخ راس حد بالباب وعينكم ما تشوف الا النور وينسمع صوت طاااخ )

• راشد ماسك راسه : يالله !! والخيبة !!

(ورد على ورا ويلس عالغنفة .. وهنود مبججة عيونها وتوايج من الباب ..)

• هنود احمر ويهها وفخاطرها : وييييييييييييه يالفضيحة !! ريال !! ريال !!

• راشد فخاطره وهو يطالعها : ياحر قلبي حرااااه ... تذبح من دنى يومه !!

• راشد : ياويلي !!

(ومنصدم من حلاتها وبراءة عيونها وخصوصا الرصاصيات الحادة كانت خايفة وحايرة ..وعلى طول فرّت الغشوة ع ويهها .. وهي اتأشر له اصبر اصبر .. وتربع المطبخ )

• هنود فخاطرها : ياهي نشبة !! اكيد انطر راسه !! وابووووييييه !!

(وقلبها يدق بطريقة فظيعة .. ومتلوّمة منه .. وهو حاط ايده على راسه )

• راشد يبتسم : ياويلي ويلاه ..ياليتها دوم ... ياليت اللي شفته هب حلم .. يالله اترد !! يالله اترد .. ردها لي دخيييلك ياربي !!

المنسيه
01-11-2008, 11:58 PM
http://www.al5yaal.com/uploads/8a9eb39789.jpg (http://www.al5yaal.com) البــــــــارت 31 http://www.al5yaal.com/uploads/8a9eb39789.jpg (http://www.al5yaal.com)



(الجزء 31)

(اما في المطبخ .. زهور بشكارة شما ترمس هنود )

• زهور : هنود؟ تبين شي؟ (وهنود اتأشر لها تبا ثلج ) هاااه؟ شنو تبي انتي؟

• هنود فخاطرها : انا ليش أعوّر راسي وياها؟ (وتبطل الثلاجة واتطلع الثلج ..وتصد يمين ويسار اتدوّر على شي .. وتحط كم من قطعة ثلج في الجلاص .. وتشوف شيلة امها ميثاء ميّلسة عالكرسي وتشلها وطرتها على ينب وخذت قطعتين ثلج ولفتهن وربطتهن بالشيلة .. وشلّت الجلاص وياها .. وتربع داخل ..وقلبها يدق مال زياغ .. وهي اتدق الباب .. وهو عالغنفة متساند ومغمض عينه .. ودشت ..اتوقعته ظهر ... ) هو هنييه !! (وبتعجب ) راقد؟ لا يكون استوا له ارتجاج في المخ ؟ (وتربع له واتقرب شوي شوي .. حطت الجلاص عالطاولة ..وخذت اللي لافتنه بالشيلة واتقربت ) يالله بسم الله الرحمن الرحيم .. يالله ما يكون استوا به شي (ورفعت كم من شعره ولقت يرح خفيف على يبهته..وحطت الثلج على راسه )


• راشــد فخاطره : واااايه يعلني اسّد عووقج ..

• هنود فخاطرها : ليش ما ينش؟ بس هو يتنفس !!

(وما اتحس الا بإيد مرفوعة وماسكة ايدها ..وهي من الزياغ ردت على ورا )

راشد بطل عينه : زيغتج صح؟ (وهي تنتفض خايفة .. عمرها محد لمسها ايي اللي ما اتعرف اسمه يلمسها؟ وفلتت عمرها منه بالقوة وتطالعه باحتقار .. مع انه ما يبيّن منها شي لأنها متغشية ..) آآسف والله ..
(ومن الغياظ حطت فإيده الثلج عشان يعالج عمره ودبّرت عنه ) صدق قمة !! .. (وما سوّت سالفة وهي تمشي عنه ) يقولج الشاعر ..

هنود منصدمة وفخاطرها : شووووه؟ عواد؟ (وصدت صوبه )

راشد ومركز عليها وبدون ما يحس : من ذكرت قلبي ب خلن صافي النية
لا ريم لا هو ب مها لا هي دمانيّـــــة
لانرجس الشام لا جوري مغانيــــــــها
ياويل قلبن متيم طاح في غـــــيــــــــــّه
معزل العــود والشرتات زاغيـــــــــــــها
عاينت براق صوبه لاظ لاظيـــــــــــــــــّة
على دياره عسى السحاب ســــــاقيهــــا

(وهو قام منحرج وهي أخسّين وكله من اللي قاله ..وروح موتره .وهي بندت الباب واتساندت عليه )

هنود فخاطرها : لا ريم لا هو ب مها ولا هي دمانيــــــّه ..ياويل حالي .. انا شو جايسني؟ ليش ابا ارد الميلس مرة ثانية؟

(ودشت ميلس الرياييل واتحاول تتناسى الموضوع ..و أشرق ويه الجود ..وسلمت عليهم )

الجود : تستاهلين السلامة فديتج ..

هنود فخاطرها : ياربي محلاتها ..صدق عالطبيعة جميلة ...

الجود : عيل مي اختج؟ هااه؟ (واتهز هنود راسها ) ههههه ما عرفتني اقول لها؟

مي : شنو؟

(الجود وتخبرها كل شي ..)

الجود : هنود اقولج شي وما تزعلين؟ (وتبتسم هنود )

مي الفضول لعب بها : قولي قولي ..

الجود : اختج هنود ماشاء الله عليها غواها مثل هل البدو .. وتاخذ من هاي اللي في القمة صدق شبه رهيب ..بس طبعا هنود احلى بعيونها الرصاصيات وشعرها الشليلي ..وانتي يا مي ..

مي: انا شنو؟

الجود : وانتي احلى ما فيج يا مي عيونج ..وبعد كلمة ثانية

مي احمر ويهها لأنه اول مرة حد يمدحها : شنو؟

الجود : ياعيوني .. (وهن يضحكن )

مي : لاحظتي هالشي يا عيوني؟

الجود: اكيد يا عيوني .. (وهنود اتأشر للجود تسألها منو يايبنهم ) ما فهمت ..

مي: هنود بتروحين مكان؟ اووووووووه !! لالالا تقولج من يابكم؟ انا اقول احمد (وهي متشججة) ايش جمال ياناس !!

الجود تضحك : احمد؟ لا مب احمد منو اتوقعين؟

مي: حمد؟

الجود: لا !! راشد اخويه ..

مي: فضيحة ..دخلت الميلس وهو استحى ..كله من اميه نشبة !!

نشبة : نشبج سكني في بلاد مالها دوا قولي آمين اسمعج تراني ..

مي : الله اشتغل الرادار !!

غريبة اتغير ويهها فجأة وتتكلم شوي شوي : اميه؟ اميه؟

ميثاء: عونج ..

غريبة : تعالي .. (وتطلع من الميلس )

ميثاء: بلاج؟

غريبة تبتسم : اميه؟ شكلي برّبي !!

ميثاء: وابويييه !! هذا وقته؟ يوم عندنا عرب؟

غريبة : لاتخافين بتصّل حق ميود .. (ميثاء اتلخبطت ودار راسها )

ميثاء: اتخبلطتي ؟ وأوّدرج؟ هم بيعذرونا من غير نشبة وشميم عندهن.. سيري انتي يلسي وانا بسوي حق ميود وأبوج (وتتصل ) محد يرد !!احينه وين ذلفوا؟ قومي لبسي عباتج واترييني برع بناخذ تكسي وامرنا لله ..شو نسوي بعد ..وبتعذّر للعرب ..

غريبة : اميه لاتسوين جذيه بعمرج انا بتصرف اعنبوا اانا يبت4

ميثاء: اييه المدحوبة ..لبسي عباتج وعن الهذرة !! (وسارت ميثاء مال دهديه لبست عباتها ودشت الميلس ) سامحيني يا ام سالم بترخص عنج .. ام عيسى دق عليها الويّع وأحينه بتربي وبنوديها المستشفى ..

اليدة الجود : بالبركة بالبركة..اتيسري وما عليج منا ... ومنو بيوديكم؟

ميثاء : بنركب تكسي .. محد الرياييل ..

(وهنود ومي انفعلوا وسيده قاموا وطلعوا برع يدورون على امهم )

مي: وينها؟ (ودشوا داخل ) اميه؟ وينج؟ (وهنود زايغة ومتقبضة فأختها )

اليدة الجود : والله ما تركبن تكسي ..هاكوه ولدنا هنه خلوه يوديكم ..

ميثاء : مشكووورة ..مشكوورة يعلني افداج ما تقصرين ...

الجود قامت : انزين انا نيرس ...سيستر اعرف ..

اليدة الجود : ساعديهم .. وسيري زجري على رشود ...

الجود قامت وسارت على طول سوت حق راشد : وين انته؟

راشد: انا في الموتر ..

الجود: انزين شغل الموتر حرمة بتربي وبنوديها المستشفى ...

راشد : وابويه شو تقولين؟

(ومن الغلبة بندت فويهه )

الجود اتطالع غريبة وتكشف عليها في الحجرة : خالوه انتي بتربين بس يبالج وقت ..

غريبة : يزاج الله خير يا بنتي ..بس والله ويّع رهيب ..انا كل عيالي يبتهم ما صحت جذيييه ..آآآآخ يالله تصبرني !!

(وقاموا ... )

الجود: يالله خالوه ..

مي: نحن بنسير وياكم ...

الجود : ما فيها الا كل خير اعنبوا بس بتربي

مي: ما يخصني بنسير يعني بنسير هاي اميه ....

ميثاء: بس عن الحشرة انزين طوفن بنات شربت !!

(والبنات كأنهن مزيّغات اول مرة يشوفهن امهن جذيه ..واول ما ظهرن بطل راشد السيت اللي ورا ويلس يتريا ..وعرف انه الطويلة هيييه اللي داوته والقصيرة اختها .. وهو متشجج )

راشد يرمس شوي شوي : حظ ياناس .. (وهي شافت حركة شفايفه وفهمت ..ومحد لاحظ هالشي ..وهي سيده احمر ويهها ..)

هنود فخاطرها: ياربي انته كله فويهي ..مابا اتعلق فيك (وهو يبتسم ابتسامته الطرر وهي ابتسمت بس ما كانت تدري انه الغشوة طاحت عن ويهها والله كشفها لين نغزتها مي)

مي: اتغشي وبسّج مغازل ..اميه بتربي !!

(وفنفس الحزة قرصته الجود)

الجود: انته ما اتيوز؟ بند السيت وخل بنت الناس فحالها !!.. (وهنود على طول من الاحراج اللي جاسها صدت الجهة الثانية )

راشد فخاطره : هااااااااااااااااايه يهالعيون ذبحتيني بها ولا ابتسامتج عمري ما شفت بسوم شرات بسومج الطر

دانوه
01-12-2008, 12:48 AM
كمـلي دخيييييييييييييييييييييييييييييييييييييييييييييييي ييييييييييلـج

عـشااااااااااااااااااااااااااااااااااااااااااااااا ااني

المنسيه
01-12-2008, 01:00 AM
http://www.al5yaal.com/uploads/8a9eb39789.jpg (http://www.al5yaal.com) ( الجـزء 32 ) http://www.al5yaal.com/uploads/8a9eb39789.jpg (http://www.al5yaal.com)

(واتحركوا ..وراشد صاخ الا مستانس ويحمد ربه ويشكره انه البنية يالسة ورا ويقدر يشوفها المهم انها موجودة ..)

• غريبة تتويع وترمس شوي شوي : آآآي !! إلحقوا علية بمووت !!

• مي تصاصر هنود : بلاها اميه اتحجى شوي شوي ؟ (وترمس بصوت واضح ) اميه فديتج اتحملي ..الله بيسّرها لج (وتمسك ايد امها من اليمين مع انهن يالسات ورا والام جدام بس في النص وتامة اتويّع بس بصوتواطي عشان راشد ما يسمع ..كان فيها حليها صبر وهنود مسكت ايدها الثانية )

• هنود فخاطرها : يالله يا اميه لاترصّين جذيه !!!

• مي :آآآي امايا اتعوريني !! (وصد راشد يطالع منو هاي ..)

• غريبة : جاب يالله جاب ..

• ميثاء : سكتي يا ميوووه !! (وهي يالسة تدّعي )

• غريبة : آآآخ ..ابويه ؟ كم يبالنا وقت؟

• راشد : هاااه؟ (وصد ورا ) نص ساعة المستشفى بعيد

• غريبة تتنهد : يالله !! يالله اتصبرني .. شكلي الا برّبي في الموتر .. (حزتها راشد زاغ ويزيد السرعة )

• راشد فخاطره : يالله اتعفوا عنها ..

(وكانوا البنتين هنود ومي عايشين فمأساة بسبت غريبة لأنها راصة على ايدهم وذابحتنهم انحبس عندهم الدم خخخخخ كانن يتويعّن ومي اتوّن ونين والجود اتطالعهم وتضحك .. ومن وصلوا على طول مال بسرعة بسرعة نزلوا غريبة والجود وميثاء )

• ميثاء : يالله دهديييه (وبندوا الباب ...مي وهنود يطالعون بعض )

• احلى البنات = انزين والاوادم اللي داخل؟ نسيتوهم؟

• مي : مب جنهم نسونا؟ (واتدز هنود ) دقي عالدريشة اشوف !!(وقامن يدقن عالدريشة ..وراشد نساهم ..كان اييب الكرسي المتحرك حق غريبة ويوم يلست يطير بها داخل والجود وميثاء وراه)

• راشد يعطي الكرسي حق النيرس : بسرعة الحرمة بترّبي !!

(اما عند البنات )

• مي : الله يغربله نسانا .. هنود عفدي جدام !! (هنود صادة الجهة الثانية مب راضية واتأشر لها )

• هنود فخاطرها : انتي سير عفدي جان اترومين !!

• مي : انتي الغرور يسري فدمج يابنت فاضل !! (وهنود اتطالعها بنظرة غرور وتبتسم)

• سفرجل = انزيني الخبايل قابضات على بعض ..حاولن سوّن شي !!

• مي : اوفييييييه !! انا بعفد وامري لله (وعفدت ونص جسمها يعني راسها جدام ..وريولها ورا ) دزيني هندوه يالسبالة !!

• هنود تضحك وفخاطرها : لو تموتين !! حشا يابوج تمساحة !!

(وفي المستشفى )

• ميثاء : اميه الجود؟ مب جنه نحن ناقصين؟

• راشد : الجود دشت اتطالع خالوه ..

• ميثاء : وجيه ماخلوني ادش؟

• راشد : ما يستوي خالوه !!

• ميثاء : تعال وينهن البنات؟

• راشد: اي بنات؟

• ميثاء: بنات فاضل !! مي وهنود !!

• راشد: مادريبهن والله اذا نزلن ...

• ميثاء : ويديه !! وين سارن؟ سر سر يابويه طالعهن !!

(ورد حليله يربع يدورهن )

• راشد : اعنبوا وين سارن؟ لايكون نسيتهن في الموتر؟ (ويربع ووصل الموتر ..اول ما فج الباب بجج عيونه ) اشوووه هذا !!! شعنه عافدة جدام !!!(سارت مي بتتدل ما رامت .. وهنود مال غيظ مسكتها من ريولها ودزتها على جدام )• مي : آآخ الله يغربلج ياهنوده يالسبالة !!

• راشد حزتها ميت من الضحك : اختيه نزلي عن اتكسرين !!

(واعتدلت ونزلت ..وبطل راشد السيت حق هنود ..ونزلت وهي عينها ما خوّزتها عنه .. كانت مأخوذة منه الا من سحره ووسامته ..وبند الباب ويدخلون المستشفى .. هو جدام والبنات يلحقنه ..لين وصلوا ..وبعد ساعتين بالكثير .. طلعت الجود وحليلها منهد حيلها ..)

• الجود : مبرووووووووووووووك ياكم ولد .. وحليو بعد ...(وهم كلهم مستانسين وسارت الجود صوب اخوها االلي واقف بعيد ) يابت ولد ..راشد : بغيتج قولي تم ..

• الجود : آمر ..

• راشد : شو اسمها البنية المتغشية زريفة الطول ؟

• الجود تبتسم : هذي هند اللي يايين انزورها ..

• راشد : هي اللي طاحت في المستشفى؟

• الجود : هييه ..بس ..

• راشد : انزين ..ليش هالبس؟

• الجود : البنية تراها ما اتكلم ...

• راشد انصدم وصد يطالعها : شو قصدج؟ (وصد نظره صوب الجود )

• الجود : نحن ليش زايرينها؟ لأنه كم من باكستانية عفدوا عليها هيي وبنت عمها ...

• راشد : شوووه؟ (وكلهم صدوا على زعجته ) انزين ..وووو..ووو؟

• الجود : التحاليل اثبتت انها ما انلمست وبنت عمها حليلها حالتها النفسية مول ما اتسر ..وهي حليلها من اللي شافته اختفى صوتها ..

(وراشد على طول اتذكر شي )

• راشد : اذا قلت لج شي بتسوينه ؟

• الجود : شوه؟

• راشد : انا ربيعي كان وايد يعاني وهو ياهل وما خلا مكان ما سار له عشان يتعالج ..وفي عيادة نفسية ..

• الجود تقاطعه : راشد نحن مالنا خص ..

• راشد : شومالنا خص؟ ماعليه هذا بس suggestion

• الجود : ادري والله بس هم تفكيرهم بيتحرونا نتحراهم ميانين ..

• راشد : انتي ما يخصج وارمسي ..ولا انا بسير لين البنية وبرمس ..

• الجود زاغت : انزين انته ليش مشتط؟

• راشد احمر ويهه : هاه؟

• الجود تغمز له : عشقتها ؟

• راشد : سيري ..سيري سيري عني ..انا بروح الاستراحة ..ولا تنسين اترمسينها ..ولا اولله اسويها !!

• الجود : بفكر وبرد عليك !! (وهي قاصدة تلعب بأعصابه )

• هنود فخاطرها : لالالالاتروح ما شبعت من ..أويييه يالفضيحة ..شو هالكلام؟ انا هنودة ..اقول هالكلام؟ وحق منو؟ اخو الجود؟ اخيييج علية ..صدق ما أخيّل

• الجود : هنودة؟ تعالي شوي بقولج شي ..

• مي : وانا؟

• الجود تبتسم : انتي بعد !! (وهم يمشون ) هنوده؟ شو رايج اتعالجين؟ (وهنوده مستغربة )

• هنود فخاطرها : عن شو؟ (واتأشر لها ليش ..)

• الجود : عن اللي شفتيه انتي وبنت عمج عند دكتورة نفسية انا كنت اتعالج عندها ..

• هنود فخاطرها : بس انا مب مينونة ..

• مي : بس ياعيوني ..هنود ما تقدر اتحجي ..وشمايل صايرة حساسة زيادة عن اللزوم وعدوانية وانفعالية بعد !!

• الجود : هنود زعلتي مني؟ (هنود تبتسم بس تحترق من الداخل) انا ابا مصلحتج ..يمكن انتي عرفتيني عن طريق القصة بس انا والله ما بغيلج المضرة ..(وعطتها الكرت اللي عطاها راشد )

• هنود فخاطرها : جيه يتحراني هبلة ولا غبية ما افتهم فهالسوالف؟(هنود اتأشرلهم بسير تشرب شي ..بس والله انها ناوية عليه ..وسارت عند الاستقبال وخذت ورقة وقلم .. وكتبت ..وهي معصبة واتفور ..واتسير وتبطل الباب اللي يوديها صوب الاستراحة وصدت يمين ويسار اتدوره وهو كان يالس وعاطي ظهره ..واتسير له وتوقف عند طاولته وهو يطالعها لأنه سيده عرفها ...)

• راشد : هل ـــــــــــ(توة بيقول هلا ..واتفر الورقة عالطاولة بدفاشة .. والكلام المكتوب هو " انته ما اتعرفني ولا اتعرف الحالة اللي مريت فيها وانا لا بني مينونة ولا خبلة وجان عالعقل اوّزع عليك وعلى غيرك وافهم تراني بنت أيواد واعرف اعج الكلمة العدلة ويوم تباني تي من الباب هب الدريشة .. جان هذا تفكير امريكا سر خذلك وحدة على قد مستواك ..." وهو يطالعها ) بس انا ... (وما خلته يكمل ..واتطّر ورقة الدكتور النفسي واتفره ع راسه وتمشي عنه)

• هنود فخاطرها : هذا دواك ودوا غيرك من المغازلجية !!!

.
.
.
.
.
.
.
.
.


http://www.al5yaal.com/uploads/8a9eb39789.jpg (http://www.al5yaal.com) ( الجـــــــزء 33 ) http://www.al5yaal.com/uploads/8a9eb39789.jpg (http://www.al5yaal.com)



(الجزء 33)

(وهي مدبّرة مرّوحه .. وتوّها حاطة ايدها عالباب .. تحس بإيد تمسكها من ذراعها ..حزتها زاغت وارتعشت وصدت وهي ماسكة غشوتها عن اتطيح عن ويهها ..)

• راشد محمر ويهه : مب انتي اطّرينا لورقة واتفرينها فويهي يا حلوة؟ تفهمين؟ انا مشيتها بمزاجي ..فهمتي يا هنودتي؟

(وفلتت ايدها بغصب )

• هنود فخاطرها : هنودتك؟ هدني !!! قليل الادب !! (وروحت وهي ميتة من الغياظ والغصة والقهر ..) الله يغربله صدق حقير !! ما يستحي ..انا جذيه يسّوي بي؟ (وعجت غشوتها )

• ميثاء : تقدرون تدخلون داخل ..

• مي : بلاه ويهج؟ شو صار؟ (والجود على طول فهمت وسيده اتسير عند اخوها بترمسه ..وبدفاشة خذت ورقة وقلم )

• هنود تكتب : انا مب مينونة ..تفهمين ولا لأ؟ (ويوم دخلن ..امهن كانت راقدة وحذالها كائن بشري صغيرون ابيضاني راقد .. كل شي فيه صغير ...ويتحرك بالخفيف) وااايه فديييييته .. ياربي محلاته ...

• مي : ياويلي انا مصغرونه .. (ميثاء اتشله )

• ميثاء : بسم الله الرحمن الرحيم .. (وتحبه ) امايا مي؟ خذي الموبايل من مخبايه واتصلي حق بوطبر ..شوفيه بلاه اتحيّر ؟

• مي : ان شاء الله .. (وتتصل .. وهنود شالة الياهل ..) ألووو .. ها وينك؟ امك ربّت !!

• مايد : حلفي؟ شو يابت؟

• مي : 3 اولاد توائم..

• مايد منصدم : شو تقولين؟

• مي : ههههه اتمصخر وياك يابت ولد حليو شراتي .. انتوا وينكم؟

• مايد : غربلج الله روّعتيني !!! نحن في دبي انا و أبويه حمد مب طايعين نتفجج ..زحمة هلاك !!

• مي: انزين ياعيوني .. دق لأبويه وخبره ..

• مايد : ولا يهمج ... (ويصد صوب يده ) بالبركة بالبركة يابوغريبة .. (ويحبه على راسه )

• حمد: على شو ؟ فزنا بشي؟

• مايد : خخخخخخ بنتك ربت !! اتعرف شو معنات ربت؟ يابتلي سند اخو .. (واتكدر فجأة ) الله يغفر لك ويرحمك ياخويه .. وينك اتشوف اخونا الصغير .. (وعينه تدمع .. اما عند البنات في المستشفى )

• ميثاء : ياربي انا متوّحلة !! (يعني فنشبة ) منو بيأذن فأذنين الولد مب زين بعد يتم جذييه ..لازم يسمع ذكر الله ..

• مي : انا بأذّن يستوي؟ (وكلهن يضحكن عليها )

• الجود : لازم يسمع صوت ابوه وهو يأذّن ..

• مي : ابوه باجر بيي ..

• ميثاء : هي والله صدقت ما بيي غير باجر آخر الناس ... اميه الجود؟

• الجود : آمري خالوه؟

• ميثاء : سيري سألي اخوج جان يقدر يأذّن عالولد ..

• الجود : ان شاء الله

(ووعوا غريبة )

• ميثاء : اميه غريبة؟ غريبة ؟

(وبطلت عينها )

• غريبة : همممم ولديّة وينه؟

• ميثاء : تستاهلين السلامة يا امايا .. ياج ولد ما تحصلين مثله من غواه ..

• غريبة متلهفة وتمد ايدها : راويني اياه ..

( و يتها مي وفإيدها الولد )

• مي : تستاهلين السلامة يا اميه ... (وحبتها على راسها هي وهنود )

• ميثاء : امايا غريبة ..احينه بيدش راشد ..بيأذّن فأذنين الولد ..

• غريبة مستغربة : ليش محد ياء ؟

• ميثاء : ميود وأبوج مصطكين في دبي .. وريلج ما يندرابه !!

• غريبة بكآبة : ماعليه .. خله يدش ..

• الجود : ادخل يا راشد ..

(واتغشن غريبة وميثاء .. اما هنود ومي لا .. ناسيات عمارهن .. كانن يالسات بعيد عن السرير في الغنفة ..)

• راشد : هود .. هود ...

• ميثاء : اقرب .. اقرب ..

(ودخل حليله بدون ما يرفع راسه )

• راشد: تستاهلين السلامة ويتربى فعزكم..

• غريبة : الله يسلمك يابويه ..

• راشد : شو قررتوا اتسمون البطل؟

• غريبة : ما يندرى ..بس انا لي راي .. تافقون عليه؟

• ميثاء : الشور شورج وهذا ولدج ..

• غريبة : بنسميه راشد على هالريال الطيب ..

(سيده ملامح ويهه اتبدلن من الفرحة ..اول مرة حد يفكر جذييه )

• راشد : صدق خالوه؟

• غريبة : قول امايا .. انا شرات امك ..

• راشد : هاتي سميّي راشد ... (الجود شلته ومن حطته فإيده ) بسم الله عليك ..ربي يحفظه (ويوم باسه على راسه .. كانت هنود اتطالعه مستانسة حدها وعيونها تدمع لأنها حسّت انها ظلمته .. ويوم حط شفايفه عند اذنين الياهل .. ) الله أكبر (ومسكت هنود ايد مي ..)

• هنود فخاطرها : عشقته .. (وهو يكّبر .. وناولها الولد وروّح وثاني يوم زارها فاضل وإيده خالية .. ومايد اللي كان مستانس حده بأخوه من غير حصل شغل فنفس المكان اللي داوم فيه عواس وهو مركز مكافحة المخدرات .. ومرّت الايام وهنود كل ما ياها تكتئب اول شي لأنها بعيده عن عين امها ..وبعد بسبت عدم نطقها وبعد مانع اللي نسته وحّل مكانه راشد اللي خلته فارس بنظرها مافيه مثله .. كيف عشقته وهي ما شافته غير مرة؟ بس هي قارية عنه وكانت اصعب مأساة ..انه يشوف حبيبته اللي بياخذها ميتة جدامه ..وخذوا ثلاث شهور وراشدا لصغير يكبر يوم عن يوم انا عند هناء ..)

• هناء : شمايل؟ هذي المرة الالف اللي اييج ميود واتحوشينه برع ..

• شمايل : جاب يالله جاب ما يخصج .. فضل عنج جيييه تسالين تبينه؟ امبونج تبينه بالهني عليج ماباه !!

(وروحت هناء حجرتها وقفلت الباب .. وطلعت من داخل المخدة الموبايل اللي بالدسّة عندها ..وكان ياينها رقم غريب..)

• هناء بدلع : الوه؟

• هزاع : هنوه؟

• هناء مستغربة : انته منو؟

• هزاع : انا هزاع ..

• هناء : انته وينك ياخي من زمان؟

• هزاع : اخويه عاجني فمصحة مال الادمان ..هنوه ابا منج شي ..

• هناء : ماعندي فلوس ولا شي !! هزاع : فضّلت عنج ..ابارقم نصور الباكستاني يالله بسرعة ..

• هناء بعناد : آسفة ما عندي !!

• هزاع متغايظ : شوفي ياهنوه !! لاتخليني أفضحج جدام اهلج وأقول لهم انه التسجيل اللي راويته عواس هو صوتج انتي .. وانتي مصوّرة اخته مي .. وأصلا عمري ماعرفتها ..وكل الفيديوهات يبتهن منج والبنيةمول مالها خص ..

• هناء عصبت : انته تبا اتخرب بيتي؟

• هزاع : وانتي عيل ما تبين تساعديني؟ انا اللي عطيتج وعطيتج وسويتج هب انتي !! انا اللي قلت لج صوّري اخته وطرشي لي وببيّن لعواس اني اكلم اخته .. وكل شي موجود عندي..خليني اوصلج وانا اروم اقبضج من رقبتج ..

(وهناء تسمع صريخ)

• شمايل يالسة عالارض ورافعة مال المرحاض وترجّع: اميه ماروم والله ماروم ...

• شمسة : اميه لازم تاكلين !!

• شمايل : اتشوفيني يالسة ازاوع ..اقولج لايعة جبدي وماداني الاكل !!دم؟ (واترّجع وتصيح من الويّع وعند هنوه)

• هناء : انزين اتصل بي في الليل عالساعة 12 وبعطيك رقمه .

• هزاع: ان خوّنتي فية الفضيحة بتوصلكم ..

• هناء : لا ان شاء الله افا عليك ..فمان الله (وهو بند فويهها )

• شمسة تتصل :الو؟ ها ميود ؟ إلحق علينا ودنا الدختر شمايل ميهودة ..

• مايد : شو بلاها؟

• شمسة : يالسة اتزوع ومن كم من يوم ما تاكل واحينه اشوفها اترجّع دم..هاي عندها اكيد سوء تغذية !!

(ويسرع لين بيتهم )

• شمايل : مابا اشوفه ياناس والله مابا اشوفه !!

شمسة : امايا ماعليه لاتكلمينه ..بس خلينا انوّديج الدختر وانا واعدج انه ما يكلمج انتي مريضة ..

(وبعد ألف ياويلاه رضت ويلست ورا ويا امها وحالتها مولما اتسر كان ويهها مصفر ومن وصلوا )

• الدكتورة : خير ؟ خير؟

(وانسدحت شمايل عالفراش ومايد يتريا برع )

• شمسة : خير بويهج .. هذا يا اميه .. شمايل ما تاكل من فترة وشكله قابضنها هالفيروس منتشر وتزاوع ..

• الدكتورة : خير ان شاء الله .. نحن بنفحصها وما يصير الا كل خير

(وخذوا ساعة ونص وهم يكشفون .. والدكتورة يايبة نتيجة التحاليل للحجرة ومايد وقفها قبل ما تدخل ...)

• مايد : خير دكتورة؟ شمايل شو فيها؟

• الدكتورة : من انته؟

• مايد : انا ولد عمها

• الدكتورة تبتسم : مبروووك شمايل حامل ..

• مايد منصدم : لالالالالا انتي غلطانة ...

• الدكتورة : نتايج التحاليل اثبتت هالشي .. وشمايل حامل وهي في الشهر الثالث ..

(احمر ويه مايد وحط ايده على راسه ..وهي دشت )

• شمسة وشمايل : شو تقولين؟

• الدكتورة : اقولكم مبرووووك بنتج حامل وفي الشهر الثالث

(ويسمع مايد صريخ وحد يولول من المصيبة وهو داير راسه مب عارف شو اللي يحصل .. احمر ويهه وقام بيشّل عمره لكن انكسر .. هيه نعم انكسر؟ الا انفطر فؤاده وقام يصيح شرات اليهال .. مب مصدق انه حبيبته واللي بياخذها حامل من هالباكستانية الخياس )

المنسيه
01-12-2008, 01:08 AM
http://www.al5yaal.com/uploads/8a9eb39789.jpg (http://www.al5yaal.com) ( البارت 34 ) http://www.al5yaal.com/uploads/8a9eb39789.jpg (http://www.al5yaal.com)



(الجزء 34)

• شمايل عينها اتخونها وتصارخ : ما جذبت ودّود ..هاهاهاهاي ..يوم قالت بحمّل!!

(دش مايد وعيونه كله دموع بعد )

• مايد ماسك عمره : طوفي عالموتر ..

• شمسة : خلونا انروّح ... احس عمري بنهار ..لاحول ولا قوة الا بالله ..

• شمايل : تراني قلت لكم .. (واتحط ايدها على بطنها ) حامل !! وبعد توائم .. يمكن ؟ كل شي جايز .. وبيكونو سفاحين !! هههههههههه (وفجأة تصيح بحرقة ) وانا اللي اتريا اليوم اللي بتاخذني فيه؟؟ يا سبحان الله .. سبحان مغيّر الاحوال ...

(مايد ما خلاها اتكمل وسحبها من ذراعها )

• مايد : طوفي جدامي !! (وهي اتطالعه مستغربة )

• شمايل : تصيح؟ وعلية؟ ليش؟ انا اصلا استاهل اللي إييني ..

(وأول ما وصل وصلوا الموتر .. حط راسه عالسّكان )

• شمسة : ميود اسمعني عدل ...

• مايد : شو اسمع ياخالتيّة؟ شو اسمع اكثر عن اللي سمعته؟

• شمايل : طبعا .. الغلط كله مني !! تراني انا قلت للباكستانية تعالوا عفدوا علية !!

• مايد يصرخ : جاب لأصفعج طراق ع ويهج !!

• شمسة : ان نطقتي ذبحتج تسمعين؟

• شمايل : ههههههههه ..ضربي !! ذبحي !! كل شي ما يفيد فية الحين !!

• شمسة اتجاهلتها : ابويه؟ هالشي اللي استوا ماباك اتخبر به آدمي تسمع؟

• مايد : وانا بخبر منو؟

• شمايل : اذا هو ما خبّر؟ هههههههههههههههه والله وهذي حلفة انا اللي بخبر وبتكلم عن عمري !!!

(مايد صد ورا ويصفعها هاييجي الصفعة عشان عقلها يرد لها )

• مايد : سمعيني خالوه .. انا اتخذت القرار .. يومين وبني بملج عليها ..

• شمايل : ومنو قالك اني موافقة؟ جيه مالي شور؟

• مايد : عيالج بيغدون عيالي قطعة مني !!

• شمايل : ههههههههه ضحككتني !! قطعة منك؟ أحيد اللي بييبه قطعة من الباكستانية مب منك !!

• مايد فار دمه : انطبي ولا إييج شي مني !!!

(شمايل صخّت وهي تسمعهم وحاطة ايدها على بطنها وتسمعهم يتفقون وهم في الموتر على كل شي ... وهي مشمئزة منهم .. ويوم وصلت البيت غدت عدوانية وايد .. اتكسّر اي شي جدامها .. مرات تبا تنتحر وتصيح فنفس الوقت ..وقبل ما يملجون فنفس اليوم اتصلت شمسة بحريم العايلة كلهن عشان يتيمعون فبيت ابوها حمد ..)

• شمسة تقفل باب حجرة شمايل : شمايل انا بظهر بسير اكلمهم عن سيرة دبي ...

• شمايل اتدق الباب : فجي عني !!! فجي !!! ليش اتدسّين عنهم ؟؟؟ والله اتفجين الباب ..

• شمسة : من ارد ببطل الباب ..

• شمايل : اميييه والله ان ما فجيتي الباب لأصارخ وبيسمعون صوتي وبأعلى صوتي بقول اني حامل !!

• شمسة : انجبي !! ان سمعت حسّج بجتلج !!

• هناء : اميه؟ شمايل شو تقول؟

• شمسة : خبيلة لا تسمعين كلامها .. من اللي استوابها ما تدريبها انتي؟

• هناء : والله انا اللي ادريبها ...

• شمسة : ان خذتي السبير وفجيتي بابها جتلج تسمعين يا هنوه؟

• هناء : ان شاء الله .. ان شاء الله..

• شمايل : هنووه؟ انتي هنييييه؟ نسيت اخبرج يا وخيتي اني حامل بتوائم ....

• هناء: والله انها خبيلة ....

(وروحت شمسة .. وحصلت غريبة وولدها راشد ومي وفطيم ونشبة وشما وهنود وحمد ومايد وميثاء ..)

• حمد: خير يا ماايا؟

• شمسة : انا قررت أيّوز شمايل لميود .. وباجر بيملجون ... وورا باجر بنسير انا وشمايل دبي ..

• ميثاء : خير تسوون .. سيروا رفهوا عن عماركم ...

• شمسة : امايا نحن مب سايرين يوم ويومين ورادين؟

• ميثاء : عيل؟

• شمسة : بنوّدي شمايل اتعالج ... امايا انتوا مب عايشين ويانا فنفس البيت .. لو تسمعين صريخها نص الليل ..وصياحها تقولين ذيبة .. أشوا انكم يراننا ولا لو حد غيركم جان اشتكوا علينا للشرطة .. وانا كبرت وماروم تعبت يامايا ..

• ميثاء وحمد : مستشفى الميانين؟

• شمسة : لا حشا مب هالمستشفى ...

• ميثاء : عيل؟

• شمسة : عند دكتور نفسي ...

• ميثاء : ندري يعني وين بتيلس؟

• شمسة :تراه عنده مستشفى خاص ...

• ميثاء تصارخ : ويديه بتعجين بنتنا فمستشفى مال الخبايل؟

• حمد: شموووس؟ اتخبلتي؟ اتفرين بنتج فهالمكان؟

• ميثاء : جانج ما تبينها وماترومين على تربيتها (واتدق على صدرها ) انا بربيها ..انا اللي بعلمها ..

• شمسة : الحاية مب حاية تربية وتعليم...امايا البنية مب مرتاح بالها من السالفة ... كفاية الناس ماكلة ويوهنا ...وهذي الا فترة وبترد شمايل اللي نحن نعرفها ...

• ميثاء : خافي الله فبنتج بتعجينها هناك؟ منو عندها هناك؟

• شمسة : انتوا ما يخصكم انا ياية ابلغكم بهالشي .. وبخلي هنوه عندكم لين أوديّها وأيي ..

• مايد : بس ياخالوه ... محد عندها هناك في دبي ...

• شمسة طالعته بنظرة : تامرون بشي؟ انا بروّح واتمنى باجر نشوفكم فملجتها ... تعال مايد ...

(وكانت دوم بعجرفتها حتى على اهلها ..وطلعت )

• مايد : خير خالوه؟ ليش سويتي جذيه؟

• شمسة: عيل تبا يكبر بطن بنتي جدام خلق الله؟ سيده بيعرفون من منو... وبياكلون ويوهنا أزيّد ما هم ماكلينا !!

• مايد : بس انا كيف بشوفها؟

• شمسة : انته تباها؟

• مايد : ما اتصورين يا خالوه يوم عن يوم اتعلق فيها ..بس بعد اتقطع .. لكن بستحمل كل شي منها ...

(وروحت شمسة البيت وبطلت عنها الباب ..)

• شمايل : توّة الناس؟ خبرتيهم انه ما بنملج؟

• شمسة : بتملجين غصب عنج ... تسمعين ولالأ؟

• شمايل : انا بسير بيت ابويه حمد بدال هالصدعة !!!

• شمسة : سيري واعرفي انه باجر من نملج .. واليوم اللي عقبه بنسير دبي تسمعين ؟

• شمايل : شعنه؟ بتدورين عن الباكستانية اللي عفدوا علية ؟

• شمسة : اسميج قوية !! تردين السالفة علية يالسبالة ؟؟

• شمايل احمرت عيونها : طبعا لا بس انا الغلطانة ... انا تربيتي سمحت لي اني اطلب منهم هالشي يا بنت حمد !!! (وحطت ايدها على بطنها تضربه ) انا انا انا فهمتي؟


(وطلعت وهي معزمة الا اتخبر خويتها هنود ..بس ما حصلتها كانت سايرة اتوصل فطوم ونشبة ...)

• ميثاء : اميه شمايل؟ بلاج غناتي؟ مول خفّت زياراتج وما اتين !!!

• شمايل : شو تبيني اقول يا امايا؟ الحمل ملعوزني ولا جان كل يوم والثاني عافدة عندكم ...

• ميثاء : شو تقولين ؟ اي حمل؟

• شمايل : تراني حامل !!

• ميثاء : اامايا عن الخبال ... اي حمال اي خرابيطه؟

(وتتصل بشموس تسألها .. وطلعت شمايل وهي تضحك ..وسارت عند مي يمكن اتحصل عندها عزوة ..وواقفة عند الباب تسمع عمها فاضل يتكام على راحته ويضحك وصابه الفضول )

• مايد : بس يابويه انا ما عندي مهر لشمايل ...

• فاضل : هههههه انته ما تفتهم؟ اقولك انا عمها وبخليها اتوّكلني .. وبحط المهر 500

• مايد : بس انا حتى 500 ما عندي .. وتوّني متوظف

• فاضل : عيل شو فايدة ابوك؟ (ويدق على صدره ) بس يوم بتاخذها اباك اتردهن دبلات .. تسمعني؟ وخصوصا عقب ما خبرتني انها حامل .. ها معناته انه مستحيل يفرطون فيك .. لأنك بتستر عليها .. منوغيرك بينفعها؟

• مايد يمّشي وياه : هيييه صح منو غيري !!!

• شمايل تتكلم شوي شوي وحرقتها فعيونها : قسما بالله بو طبيع ما ايوز عن طبعه !! عمري ما بسامحك عاللي سويته .. عمري يا ميود ياولد فضول ما سامحك ....

دانوه
01-12-2008, 01:55 AM
منسيـووهـ لا تكـملينهـا الحـيين

الاسبـووع اليـاي كمـليهـا

اووكيـه حبـي ^__^

المنسيه
01-12-2008, 01:58 AM
انا قلت ألحيـنهـ بدخـل بشوفها كاتبهـ ( منسيووووه دخيييييييلج عشاااااااااني كمليها ) هههههههههههـ

ان شـاءاللهـ ،، بكملها الاسبوع الياي ولا يهمج ،، ..

دانوه
01-12-2008, 08:26 PM
لااااااااااااااااااا دخـيلج كمـليهـا الحـين

نزلـي بـارتـين بس

المنسيه
01-13-2008, 10:46 PM
http://www.al5yaal.com/uploads/8a9eb39789.jpg (http://www.al5yaal.com) ( البارت 35 ) http://www.al5yaal.com/uploads/8a9eb39789.jpg (http://www.al5yaal.com)





(الجزء 35)

(وتربع البيت وهي تصيح .. وما تشوف جدامها لين دعمت امها )

• شمسة : هوووه ...هووووه بلاج؟

• شمايل تصيح : اتعرفين يامايا اني رخيصة؟ وقمتي انتي حتى تبيعيني؟

• شمسة منصدمة : انا ابيعج؟ لاتفكرين جذيه يابنتي .. (وتصيح ) انا استر عليج .. شوفي انا بفهمج ..

• شمايل : امايا ماباه والله قلبي عافه ..اتعرفين شو عافه؟

• شمسة : سمعيني .. اذا ربيتي ويبتي ولد ولا بنية .. بياخذ اسم منو؟ لازم اسم ريلج بس المهم من العايلة .. لو ابوج حي .. الله يغفر له ويرحمه جان سميناه وخليناه اخوكم ولا اختكم حتى .. بس بعد الله ما يرضى .. واختج عمرها محد بيي يخطبها .. والله بيقولون عيال حرام على شو انناسب؟

• شمايل : اميه سمعيني ولأول مرة .. انا هالمرة ما بجذب عليج وبعقل وكل اللي تبينه بيصير بس تسمعيني ..وبيييبلج المصحف وبحلف عليه ..

• شمسة : ليش هذا كله؟

• شمايل : توّني رادة من بيت عمي فاضل وسمعته يكلم ميود .. وميود خبره عن حمالي ..وبيخليني أوكّله ومهري بيخلونه 500 درهم تسمعين؟ اونه نحن اللي عاجين عمارنا على ميود وبينهبون بيزاتنا عن طريق هالزواج .. والله يا امايا .. كل بيزات ابويه بتضيع وبتم في ذمتج ..

• شمسة منصدمة : شو تقولين؟ اكيد انتي مخرفة !!

• شمايل: والله ما اجذب عليج .. جد مرة جذبت عليج؟

• شمسة : خافي الله هذا ولد عمج ..

• شمايل : ماعليه يامايا .. بسايرج .. لكن بقولج انه عمي فاضل من ينهب بيزاتنا بيرفسنا شرات الجلاب ... طاعيه احينه كيف يبا رضاج .. كله بسبت البيزات ..

• شمسة يلست : شمايل؟ عيل ما تبين مايد؟

• شمايل مصرة : ماباه .. مابا واحد كرست عمري وانا ياهل بس عشان ارضيه وآخرتها بعد كل هذا الشي يباني عشان بيزاتي..

• شمسة : عيل اتزهبي .. زهبي اغراضج الليلة .. بنسير دبي ..

• شمايل منصدمة : شو تقولين؟

• شمسة : زهبي اغراضج بسرعة ..

• شمايل : امايا .. دخيلج لا توّديني عند الميانين ..

• شمسة : بوّديج الدختر .. تيلسين هناك فترة ..

• شمايل : امايا دخيلج ابا ايلس وياكم ... والله ما بسوي شي .. حبسيني في الحجرة .. قفلي الباب عليّة ما بصارخ والله .. والله ما بخبر حد اني حامل ..

• شمسة يغرغرن عيونها : اباج اتعافين من داخل يعني نفسيتج .. اباج اتردين ليوا وانتي مرفوعة الراس ..سيري ..سيري .. (وسارت حجرتها وهي مكسورة الخاطر .. وتصيح من خاطرها .. وتشلشل اغراضها ) الو؟ فطوم؟ وينها عمتيّة؟ انزين .. (وبعد 5 دقايق عالخط ) الو؟

• نشبة : مرحبا ..

• شمسة : عموه؟ طلبتج فديت راسج ..

• نشبة : واعلية عليج بلاج؟ تم .. تم..

• شمسة : اباج تين احينه انتي وفطوم تباتون عندنا .. ابغي اكلمج ...

• نشبة : تامرين يا بنت اخويه .. بس انتوا مستوي شي عندكم؟

• شمسة : شي جايد يا عمتيّة !!

• نشبة : خلاص خلاص نحن يايين .. فمان الله ..

(ورضت بالتيلفون ..اما عند شمايل )

• شمايل :آآآآآخ .. ياربي بزووع .. (وكان خشمها ينزف دم ..ويابت الكلينكس ومثته ) خذتي يالدنيا مني وايد أشياء رديلي شي ولو شي بسيط .. (وتصيح ) ومايد اللي صدقته وسامحته .. رد خوّن فية .. طلع كل هذا بسبت البيزات .. والله لو طلبهن مني ما رديته .. لكن بالحيلة ؟ أسميني هبلة واذا خذته بتعذب وبتطلق وبينشفطن بيزات ابويه .. شقى عمره ..

شمسة تدخل عليها : اتكلمين منو؟

(وتمسح شمايل دموعها )

• شمايل : اكلم عمري .. اليوم بنسير دبي؟

• شمسة : لا باجر الصبح .. هبابنا لين انخلص ..

• شمايل : اميه انا احبج ..

• شمسة تصيح : وانا احبج يا غناتي ..

• شمايل : اميه ؟ ابا فطوم ومي وهنود يرقدون عندنا اليوم .. تراني بنقطع عنهم ..

• شمسة : تامرين امر .. اتصلي بس لا تبينين لهم انه بنسير مكان ..

(واتصلت بهم وقرروا ايون .. وميثاء حاسة بشي مب طبيعي وسكتت )

• نشبة : سلامن عليكم ..شملوه وين امج؟

• شمسة : انا هنيه .. تعالي امايا اتفضلي ..

• نشبة : خير؟

• فطيم حبت شمسة : شحالج خالوه؟ فديتج باخذ شمايل فوق .. تعالي شملووه ( وتسحبها )

• شمايل : اوكي ..

• شمسة : هوووه !! هوووه!! شملوووه شوي شوي على عمرج ...

• شمايل حست بالنغزة : فطوم وين الباجين؟

• فطيم : يايين .. يايين !!

(وبعد ربع ساعو اتيمعوا البنات .. مي وفطيم وشمايل وهنود ونشبة )

• شمسة : انا ما رمت ارمس لين يتيّمعن البنات .. اسمعّني عدل والشي اللي بيستوي ما يظهر من هالبيت تسمعون؟

(والبنات يتصددن مب فاهمات )

• نشبة : شو السالفة يا شموس؟

• شمسة : هنود؟ مي؟ ترانا باجر ما بنملج ...

(وهن مبججات عيونهن )

• هنود فخاطرها : لويش؟

• مي : شو السبب؟

• شمسة : تبوني أيوّز بنتي عشان ينسرقن بيزاتها؟ ولا عشان ابوكم؟ تراه ابوكم مول ما فيه خير .. دامنه يصّبح ويمسّي اختيه بكلامه السم الخايس ومعيفّكن العيشة .. و فّر بنته في الشارع واتهمها بالسروق !! (واحمر ويه هنود ) حتى اخوكم العود عواس الله يغفر له ويرحمه ما سلم منه ومن لسانه هئ واتفق ويا ميود انه ياخذ شملوه ... عشان ياخذ بيزاتها .. هذا ريال الحينه؟ هذا اللي بنأمنه على بنتنا؟

• نشبة : لا حول ولاقوة الا بالله .. يعني احينه كل هذا وميود يجذب على بنتنا؟ انزين هذيلا عيال عم !!

• شمسة : ليش حد حس على دمه وقال اللحمة عظاظة ابدا !!

• شمايل : طلع عمره ما حبني .. وكل كلامه لأنه ابوه يجرجه ..

• شمسة : اباكم تمشّون في السالفة .. نحن عالساعة 10 بنسرح جدا دبي .. والله وهذي حلفة اللي بتخبر بزوالها .. خلوه يترياها لين نص الليل .. انا براويه هالهيس ...

(والبنات ردن حجرة شمايل وساكتات على غير العادة .. )

• شمايل : اتكلمن ؟ بلاكن؟

• مي : شو نقول يا عيوني؟ الذلفة ذلفت ميود !! اهم شي انتي ..

• فطيم : بس ميود من آخر مرة وايد اتغيّر .. من غير يشتغل ومعتمد على عمره .. ويصلّي ..

• شمايل : كل هذا جدامكم .. لكن انا اليوم سمعته في الصالة يكلم عمي فاضل .. وأمنّته اميه على سر ومن شاف ابوه خر بكل شي .. (وتبتسم ) شخبار رشود؟

• هنود صدت يمين ويسار وفخاطرها : غربل الله مذهبج زيغتيني ..

• مي : هههههههههه شفتوا اللي انا شفته؟ ابصم بالعشرة انج عاشقتنه ..لا تجذبين !!

• هنود احمر ويهها واتطلع دفتر صغير دوم وياها وتكتب : انطبي ..

• شمايل : ها معناته عاشقتنه ..

• مي : هنود اذا ما تبينه فريه على اختج العودة ينفع؟ (وتعفد عليها هنود واتعظها وتصرخ هذيجي الصرخة ) آآآآي .. اتغربلتي يا هنود يالعظاظة العودة ... آآآي (وتمط مي شعرها )

• هنود فخاطرها : ملعونة الصير ..

• شمايل : هدوا ... هدوا الوضع ...

• فطيم : ملل يا ناس .. شو رايكم نرتبش شوية؟

• هنود تكتب ل مي : جبانة ولا تسوينها؟

• شمايل تصارخ : جبانة هههههههه

• فطيم : تسوينها ... تسوينها ..

(هنود تضحك وتطالعها بمكر )

• مي : طبعا ياعيوني انا قدها وأسويها ...

• فطيم وشمايل يصفقون : عاشت .. عاشت ..

(وشمايل نست همومها )

• هنود تكتب : اوكي قدها؟

• مي : قدها وقدود !!

• هنود : عيل يا ام قدود .. اباج تلبسين كندورة رياييل مال ميود ولا ابويه حمد .. المهم كندورة .. وبنحط لج سما دبية .. وأباج تيولين بعصا وخلاف بسلاح ..

• فطيم : اهبي !! اهبي !!

• شمايل : هب هب هب هباج الله

• مي : اوكي انا قدها !! بسير البيت بييب كندورةميود وبيي (والبنات قابضاتنها ضحك .. وبعد ربع ساعة دخلت مي ) بلبس وبييكم ..يالله نزلوا المسجل بنطّر الدنيا اليوم ...

• فطيم :بسير أدق على هنوه بيفوتها ...هههههههههههه

(ونزلوا تحت .. وهنوه طبعا عشان ما يفوتها يابت كيمرة فيديو ...)

• شمايل : عاشت بنت ليوا ههههههههههه

• فطيم : اوب اوب !! شحالك بو راشد ؟هههههههههههه

• هناء: لالالا خطيرة !!!

(ويلسوا البنات عالدجّة ومي واقفة ف حوي بيتهم ..لابسة كندورة رياييل بنية ومسوية بشعرها ذيل حصان )

• مي اتحذر : هنوه ما تصورين تسمعين ؟

• هناء : لا افا عليج ...

(وشغلت هنوه الكيمرة عن قصد وسوّت زوم على مي وحطتها بعيد عنها ..وشغلوا المسجل )

• ميحد : شارك الغية في سما دبية جان تبغي

• هناء وفطيم وشمايل : تشوف الناس في جنة !! (ويصفقن)

• هناء : أووووب اووووب يابس يابس !!!

• شمايل : أهأ أهاأ

(اول شي ترزف بعصا وخلاف بسلاح .. وتسوي نفس حركات الشباب ..بس كانت متمكنة بالعصا وهنود ميتة من الضحك .. كانت مي مسوتلهم جو .. ويردون يعيدون الاغنية )

• فطيم : طاعي طاعي شو لابسة بو شوجة ...تيول في بوشوجة !!

• شمايل: وابوييه عن اتطيحين !!

• مي : أهاأ !! أهأ !! اسكتوا عني شالني الهوا يا عيوني !! (واتخرطفت وطاحت على ركبتها ) آآآي !! بس الحمدلله جت سليمة ....خخخخخخخخخخخ

• شمايل وفطيم وهنوه :هههههههههههههههههههههههههاااااااااااااااااااااااي

• فطيم : دواج يالناقة !!

(واتكمل رزيف ... اما فحجرة شموس كانن ثنيناتهن رقود )

• نشبة نشت : شموس؟ يا شموس؟ واعية؟

• شمسة : لا بعدني ..

• نشبة : تسمعين اللي انا اسمعه؟

• شمسة : امايا ها يمكن حد معرس !!

• نشبة : الا امايا مب دق .. أسمع قرآن (وحطت ايدها على قلبها ) وابويه يمكن فضول اتوفى !!

• شمسة : انزين امايا سيري وايجي من البلكونة وقوليلي ..

(وقامت وسارت والفضول ماكلنها )

• نشبة تصارخ : وابووووييييييييييييييييه .. (وحطت ايدها على راسها ) إلحقي شمسوووه إلحقي !!! أخييييييييييج يامذهبكن الخايس .. أخيييييج .. غربلكن الله يالماصخات يالقوايا ... ميوووووه !! عنلات صيرج لابسة كندورة ميود هاااه؟ سيري بدلي العنت الله على هالويه ليلج .. قومي يا شمسووه !! قومي نشي طاعي الرزيف اللي يستوي برع ..

(وصدن البنات )

• شمايل : منو هاي اللي توايج؟

• هنوه: يمكن ام الدويس شالنها الهوا ويانا هههههههههههههه

• فطيم : كملي كملي امايا ... خخخخخخ (وكانوا مطنشينها ومستانسين وشالنهن الهوا )

المنسيه
01-13-2008, 10:50 PM
http://www.al5yaal.com/uploads/8a9eb39789.jpg (http://www.al5yaal.com) ( البارت 36 ) http://www.al5yaal.com/uploads/8a9eb39789.jpg (http://www.al5yaal.com)

(الجزء 36)

• شمسة : بلاج عمتيّة تزاعجين؟

• نشبة : لحقي على بناتج وبنات اختج .. (وتزاعج ) فطموه !! غربل الله مذهبج .. بتدشون ولا أييب العسو؟

(شمسة قامت توايج .. ونشبة نزلت لهم )

• شمسة تضحك من خاطرها : حسبي الله عليكن .. ما ودّي أضحك .. حسبي الله عليج يا ميوه من بنية !! هههههههههه كندورة ميود؟ فرحتينا شوي يا بنت اختيه !!

(وحصلت كل منهم لشخة بس بنعال على مقفاها من نشبة .. ومن وصلن حجرة شمايل .. بدّلن .. كانن يضحكن كل وحدة معنجشة .. وكل وحدة منهن لابسة بجامة يعني بنطلون شكل والقميص شكل ثاني لون ثاني )

• فطيم : اوييييه يالعنجاش !!

• مي : سارت هنوه؟

• شمايل :هييه سارت ..

• مي : اتصدقون اني شاكة فيها .. حسيت بها مصورتني وانا أيول .. باجر احسن لي ارمسها ..

• شمايل : ماعليج انا باجر برمسها ..

• هنود تكتب : والله بتوله عليج يا طبجتيه .. واذا سرتي متى بتردين؟

• شمايل : اممم مادري والله ..

• فطيم : بسألكم سؤال وخصوصا موّجه ل هنود ومي ..

(وهم يطالعونها لأنها جدية فكلامها )

• مي : خير يا عيوني ؟

• فطيم : عيسى حي؟

(هنود زاغت وبججت عيونها )

• مي : شو قصدج؟ عيسى اتوفى من زمان !!الله يرحمه ..

• فطيم : عيل ليش احس به؟ هاااه؟ والله اني احس به بين ضلوعي .. وليش ما دفنوه في المعشرة ؟

• مي : نحن ما دار على بالنا هالشي .. سوينا عزاء بس ..

• شمايل : انا هذا ولد خالتيّة وعزيز على قلبي ومحد أخيّر عنه .. بس بعد اانا شاكة في الموضوع .. تبين الجواب الشافي؟

• فطيم : اموت واعرف ..

• مي : حتى انا هذا اخويه ..

• شمايل : بييبلج رقم عقيد في الجيش .. هو كان ربيع ابويه الله يغفر له ويرحمه وأميه دوم اتخبره يوم بتبيع شي .. وبعد واصل عند كل حد ..

• فطيم : بس كيف برمسه؟ شو اقوله؟

• شمايل : قوليله انا من طرف ام شمايل .. وابا منك خدمة وبس .. ومن يعرف انج من صوب اميه ما بيقصر ..

• فطيم : بس اخافه يردني والله ويهي بيعورني ..

• شمايل : عواس يستاهل انج تسألين عنه ولا لأ؟

• فطيم : فدييييت روحه ...

(اما ف أمريكا .. كان عيسى يكلم السيستر بالانجليزي وانا اترجم لكم خخخخخخخخ)

• عيسى : متى اقدر اروح بلادي ؟

• السيستر : ليش مليت منا؟

• عيسى : الصراحة هيه .. وابا ارد بلادي عند اهلي ..

• السيستر : انته وايد فظ ..

• عيسى : يعني اجذب؟

• السيستر : قرار العودة ب يد الطبيب ..

(وهي مروّحه )

• عيسى : شكرا على كل شي ..

• السيستر : لا شكر على واجب ..

• عيسى طلع من مخباه بيزات : تعالي .. (واتقربت منه ) اتفضلي ..اعتبريه شكر ..

• السيستر احمر ويهها : لكن انا اتعابي آخذها من المستشفى (وردت له البيزات فإيده ) أشوفك بعدين

(وروحت .. وهو اتعجب منها .. لو غيرها جان خذت وهي ساكتة .. وبعد 5 دقايق حد يدق الباب ..)

• عيسى : اتفضل ..

(وعيسى مبجج عيونه من اللي داخل .. كان ريال في اول الثلاثينات .. وعليه جمال شيوخ .. خصوصا العيون الوساع العسلية .. وطوله الفارع .. وعيسى يعرفه )

• الشيخ : سلام عليك ..

• عيسى : طويل العمر؟

(و فز عيسى من مكانه وألقى التحية العسكرية )

• الشيخ سعيد: استريح ..استريح .. بعدنا ما ردينا البلاد .. ههههههههه

(وعيسى متصلب جسمه من الزياغ لأنه الشيخ بذات نفسه عنده )

• عيسى : حاضر سيدي

• الشيخ سعيد: قلت لك استريح .. (ويلس الشيخ ومجابلنه عيسى .. اللي يوم يلس ما اتحركت عضلة من عضلاته ) اول شي الحمدلله عالسلامة .. ما بغيت ياخي اتعافى ..

• عيسى يبتسم : الله يعافيك سيدي ..

• الشيخ سعيد: شو صحتك الحينه؟

• عيسى : بوم البوم ونتريا الاذن مال الخروج وأرد البلاد ..

• الشيخ سعيد: عيل يبالك فترة ..

• عيسى : خير سيدي؟ حصل شي؟

• الشيخ سعيد: اول شي اهلك يدرون وبالاخص الوالدة انك ياي امريكا فمهمة رسمية وممنوع عليك تتصل بهم حتى بسبب الدورة اللي عليك .. او هم يعرفون انك حي بس الوالدة تدري .. لأنه العصابة مال المخدرات ان دروا بيسوون اي طريقة عشان يدمرونك ..

• عيسى : بس يا طويل العمر .. انا الحمدلله اتعالجت وخفيت ومالي يلسة هني .. بنرد البلاد وهناك باخذ حقي اللي ضاع ..

• الشيخ سعيد : بس انا اباك وهذا اعتبره امر .. تدرس فكلية مكافحة المخدرات عندهم هني .. هن الا سنتين .. واذا شديت حيلك بتخلصهن فسنة ونص وبتكون شهادة بكالوريوس .. ومن غير عملهم كله ميداني وانا تقرير بيوصلني عنك كل اسبوعين وبيمشيلك راتب ..

• عيسى : بس ياطويل العمر هاي كلافة

• الشيخ سعيد: هب كلافة ولا شي .. دامنه ولد البلاد ضحّى بعمره عشان بلاده .. لازم يكافىء على هالشي

(وحزتها حس الدنيا كلها بخير من كلام الشيخ .. اما فحجرة ميود )

• مايد : انا شو اللي يخليني أتفق ويا أبويه؟ اخافني اظلمها بس انا اباها واحبها ..الا عاشقنها .. مالي غير الصدق ..باجر بخبرها عن ابويه .. وبكبر فعينها ولا الجذب عليها .. ابا رضاها .. كفاية اللي عانته .. من صباح الله بسير لها...

(وعند البنات في الحجرة كانن منسدحات بس على عرض اربعتهن )

• فطيم : ضكي مناك يا ميوه تراج متنتي !!

• مي : لا يا عيوني .. هاي هنود شمدريني شو تأكلها اميه ميثاء ..

• شمايل : اتعرفون اني بتوله عليكم ..

• مي : بس مبكثرنا .. يعني انا كنت وايد جاسية عليج .. سامحيني يا عيوني ..

• شمايل اتفر الموسدة على مي : مسوّدة الويه من متى تعتذرين؟

(وكانن يتناجرن ويرمسن لين الصبح وهن يضحكن ويوم حانت ساعة الوداع كانن رقود بس شمايل حبتهم على يبهتهم وما طاعت اتوعيهم وكانت تصيح ..شلت اغراضها وحطت ورقة على الطاولة وروحت ..اما ميود راحت عليه نومة )

• شمايل من الغصةوكانت في التكسي ويا امها : شكله ميود بيتحطم اليوم ..

• شمسة :لاهوب يشله .. هذا ريال هذا !!

• شمايل : صدقتي بس والله يا ماايا وهذي حلفة لأرد لج وانا بخير وعافية ورافعه راسج .. انا لو يخوزن عني هالكوابيس جان انا بخير ..

(ويوم نشن البنات )

• مي : شنو هذا؟

• فطيم : اقري الورقة ..

• مي : كاتبة ما تقرونها الا في الليل بعد ما يروح مايد .. والبنات اللي يقرونها بس وهذي ذمة ..

• فطيم : خلاص حطيها فمخبا هندوه وخلينا انروح .. صدق من احينه حسيت بفراغ ..

(على الساعة 12 ونص يسمع مايد الأذان..)

• غريبة: مايد ..يامايد نش الله يهديك ...

• مايد: اوووه امييه عاد ... (وحطت رشود الصغير حذاله هو ولعوبه وطفر به .. نص الروان فراسه .. ويمط شعره ..) يابوك شو هذا !! خيستني روان ...

• راشد: إإإإه .... اغغغغغغغغغغ ...

(مايد نش منصدم )

• مايد : اويييه !! بتأخر على شمايل اخافها بتسير الصالون وما ألحق عليها ... بسير اصلي وبطير عندهم ماشي غير هالحل .. (وقام ودا رشود عند امه وسار بسرعة تسبح وتوضأ وعالمسيد )

دانوه
01-13-2008, 11:01 PM
عـذااااااااااااااااااااااااااااااااااااااااااااااا اااااااااابـ هـا البـارت

كمـلييييييييييييييييييييي

المنسيه
01-13-2008, 11:03 PM
انا حاطه بارتين أقري الثاني

35 + 36

دانوه
01-13-2008, 11:12 PM
خـلاص .. كمـليهـا يووومـ الخمـيس >__<

المنسيه
01-13-2008, 11:16 PM
ان شــــاءاللــه

بس يـــا ويــــلج ان قريتـــيـها في منتدى ثاني =) ..

أذا بغيتيني أحط باقـي البارتاااات طرشيلي مسـج انزين ؟! ^^

المنسيه
01-17-2008, 01:47 PM
اليـوم الخميـس =)

بحطـ البارتات فليل ،، أوكيهـ

دانوه
01-17-2008, 02:44 PM
اوووكيـهـ

تعـرفيين انـي داااااشـه المنتـدى بـس عشـان اجـووف كمـلتيهـا ولا لاء >__<

المنسيه
01-17-2008, 02:55 PM
أفــا عليـج انا ما نسيتها اصـلا ..

أكيـد اليوم فليل بحطها =)

ترا البارتات اليايه خبال ..

دانوه
01-17-2008, 04:27 PM
خخخخخخخخخخخخخخـ ان نسيتـي بصـفعجـ ^__<

المنسيه
01-18-2008, 01:04 AM
http://www.al5yaal.com/uploads/0867a5c515.jpg (http://www.al5yaal.com) الجزء 37 http://www.al5yaal.com/uploads/0867a5c515.jpg (http://www.al5yaal.com)




(اما في بيت ام مانع )

ام مانع: يا مرحبا الساع .. يامرحبا الساع بحرمة ولدية !!

وداد : مب من خاطرها !!

مانع: حشمي هذا اميه ع تسمعج !!

وداد حاطة ايدها على بطنها : هلا خالوه؟ ممكن تسوين لعنود ابا اكلمها؟

مانع: عنودوه هني شو تبين بها؟

وداد: بخبرها عن حمالي بعد شوه؟

العنود اخت مانع وهزاع الصغير معرسة لكن مشّيبة راس ريلها من طلباتها اللي ما تخلص ... دلوعه واستفزازية .. وملعووونة .. وربيعة وداد الروح بالروح .. طبعن اجتمعن الشياطين .. حنطية شعرها قصير لين رقبتها عيون صغار .. بس زوينة يعني مب ذاكا لزود بس تحاول تستوي ملكة جمال .. بس بعدها ما وصلت لهالمرحلة ..

العنود : واااااي نوّر البيت ما بغيتي توصلين وبروك الزواج للمرة الثانية !!

وداد تضحك : الله يبارك فيج .. (ويوم يلسن روحن ) والله ما ياب راسه غير الولد

العنود مشمئزة: عيل شو اتحرين؟ ياحبهم حق العيال قطيعة !!

(ويوم سارن البنات بيت حمد )

• ميثاء : يالله .. يالله .. يالله من وين يايات؟

• مي : من عند قوم خالوه شموسة ..

• ميثاء : عيل شمايل وهنوه وينهم؟

• مي : سايرات الصالون ..

• نشبة داخلة عليهم : وتجذبين يا ميوه؟ مسوّدة الضلع !!!

(أحينه مأمنينهن انه ما يخبرن حد .. وشمسة كانت خايفة البنات يخبرن .. طلعت الخروفة العودة هي نشبة ..)

• فطيم تصاصر نشبة : ونحنا على شو موّصايات؟

• نشبة : الا امايا هذي الا يدتها مب حد غريب .. ولا عادة مسوّد الضلع ميود !!

• ميثاء بججت عيونها وتزاعج : جيه شو مستوي؟

(وداشة شما هي وزهور وراها )

• شما تزاعج : وابوووييييييه !! انا قايلتلكم شي مستوي !!!

• مي والبنات يتصددن : شو السالفة يا ناس؟

• ميثاء : بلاج شموه؟

• شما : مادري والله بس شفتج اتزاعجين قلت اكيد شي جايد مستوي !!

(والبنات خذنها ضحك )

• نشبة : سمعي منج لها !! ترا شموس خذت بنتها وساروا دبي ..

• ميثاء منصدمة وتزاعج : اييييه الخبايل والملجة؟

• نشبة : امايا المغازلجي العود ميود .. طلع يجذب على شملوه وبياخذها عشان بيزاتها .. اتحيدين يوم نشوف في التلفزون ونعايب عليهم يوم ينشلن بيزاتهم .. جذيه غادي ولدنا وكله من الجراج العود فضول !!

• ميثاء : شو تقولين !! شو هالخبال؟ ميود يسويها؟ انزين بنت عمه من لحمه ودمه !! يامايا انا اعرفه ما يسوي جذيه !!

• شما : اخخخخ عليه من ولد مضيّع المذهب !!

• ميثاء وفجأة : هنوه مخّلاية روحها؟ اكمّلت !! (واتدز مي وفطوم وهنود ) سيرن سيرن هاتوها ما اتخّلى روحها !! يالله بسرعة !!

• مي : ان شاء الله ان شاء الله ارباب .. (وهن سايرات .. يشوفن مايد يدق الباب ) اويييه ميود !!

• هنود فخاطرها : زين اني ما اتكلم ولا جان لوثّت لساني فأخو ما يستاهل .. تف عليك من ولد خايس !!

• فطيم : مب اتخبرينه يا ويلج !!

• مي : اوكي اوكي .. (وتزاعج ) ميود !! ميود !!

• مايد : اسمعج .. اسمعج هب اصمخ .. شو تبين؟

• مي : انته اللي شو تبا ياي هالوقت؟

• مايد : ما يخصج ..

• مي تمارج : تبي اتحجى مع الحب يا عيوني ؟

• مايد مغيّض : هيه ما يخصج !! اوامر ثانية؟

• مي : شمايل ياعيوني راحت الصالون ..

• مايد : متى؟

• مي : من نص ساعة ..

• مايد : انزين ليش انتوا هنه؟

• فطيم : بسير آخذ كواشي شمولة ...

• مايد : وشعنه بتاخذين مالها؟ رمسيها اول .. الناس يستأذنون اول ..

• فطيم : طاعوا منو يتكلم .. إيييه انته !! هذا الشي ما يخصك ..ولا اقولك الشخص اللي له ويهين ما يتكلم

• هنود فخاطرها : زين اتسوي فيك يالهيس !!

(ودشن البيت )

• مايد : شو قصدها؟

(اما في بيت حمد)

• ميثاء: ياحمد هاي السالفة كلها ..

• حمد: احينه ميود اللي انا مربنه جذيه يسوي؟

• ميثاء : سبحان الله طالع على ابوه .. العرج وين بيرده بعد ..

• حمد: بس بعد كلام ويوصلج بيت قوم شمو ما تطيحينه تسمعين؟ لو هو جدامي جان يوّدته من رقبته لابركتن فيه من ولد رغيد !! تعالي هنوه وينها؟

• ميثاء : هاكيه فوق ..

• حمد : سويتي حق شموس؟

• ميثاء : لا ولا بسويلها .. خلها اتم بكبرتها .. يعني اتخبر عمتها وانا امها ما تخبرني حشا غادية عدوة لها !!

(وأذّن العشاء .. وبعد الصلاة .. البنات يترابعن عالبلكونة يبون يشوفون الاحداث .. اما العيايز ساروا بلكونة حجرة هنود .. ويدقّون الباب مايد وفاضل والمليج ..وخلاف دخلوا وكانوا مستغربين انه الليتات مال الحوي مبندة ..وخلاف دخلوا الميلس وحصلوا دلال القهوة مجهزة والميلس مدخنينه وهذا كله اوامر شمسة .. والبشكارة نفذته وبندت الليتات الباجية وروحت بيت ميثاء .. وهم يهودّون والحماس ضارب ميود .. كان لابس كندورة كركمية ومتعصم .. والعطر يقول انا .. كان صدق غرشوب ..)

• فاضل : مايد سيرد دق عليهم .. طالع وينها شمايل؟

• مايد : ان شاء الله

(وهو قايم )

• فاضل : تعال وين يدك؟

• مايد : مادريبه والله ...

• فاضل : شكله بعده يروكع ..سر سر ناد البنية مب فاضين .. خلنا انخلص

(وكان فاضل متحمس .. ودخل الصالة والليتات مبندة )

• مايد : شو السالفة؟ (وقلبه يدق من الفرحة يمكن يبون يفاجأونه شي ..) عيد ميلاد حد وانا مادري؟ (وخلاف بطل الليتات وقلبه يدق زيادة اكثر واكثر وركب وسار غرفة شمايل ) شمايل؟ انتي داخل؟ (بطّل ماحصل حد .. ودخل كل حجرة وهو عيونه محمرة ) سويتيها يا شمايل ؟ والله ما هدج !! (ويبرع تحت عالميلس ) مال خساس يابويه !! مال خساس !!

• فاضل : بلاك بسم الله؟

• المليج : خير خير؟

• مايد محمر ويهه وضرب ايده عاليدار : سارت دبي وكسرت كلامي !! سوّتها !! والله ماهدها !! حرام اني ما اهدها !!

• فاضل منفعل : ليش عاد؟ انته قلت لها شي؟

• مايد : انا ادري اللي فراسها بتسويه !! انا ساير عند يدي !!

(ويربع من الغصة اللي جاسته )

• فطيم : اويه اويه لحقوا !! هاكوه ميود ظهر ..ويه ياي عندنا .. شكله مشتط !!

• مي : وييييييييييييييه بتشّب حريجة في البيت !!

• هناء فخاطرها : زين احسن ...يوم ما بيحصلها بياخذني انا انا العاقلة ولا الخبيلة !!

• هناء : احسن هالهرم!!!

• هنود فخاطرها : ويلي ويلاه !! ميود يوم يعصب ما يشوف شي جدامه الله يستر بس !!

• مايد يزاعج : يدي؟ يا يدي وينك؟ اميه ميثاء؟

• ميثاء نازلة من فوق: خير ؟خير ؟ شو بغيت؟ (والبنات يوايجن من الدري )

• مايد : شمايل وين؟ (وسكتت مول ) يعني ما بتقولين؟

• نشبة ظاهرة له : انته !! انته يا مسوّد الضلع .. يالهرم يالهيس !!ولك ويه تي البيت بعد؟

• مايد مفوّل: انا ما كلمتج الحين ..

• نشبة : طاع المذب الخايس .. صدق انك مضيّع المذهب .. طبعا وين بتسير هذي الا تربية فضّول !!

• ميثاء: خلينا اندش حجرتي .. دشي ..دشي ..

• نشبة : بعده ما برد فؤادي .. مالت عليك وعلى شيفتك فوقك يابوطبر من زينك عادة الا شيفة ملغوّطة !!

• مايد: اوهووووه !! (وطلع وهو معصب وكل تفكيره يوصل دبي .. وايييه اتصال وبدون ما يشوف الرقم يرد) نعم؟

• شمايل : مبروك عالعرس؟

• مايد: شملوووه ويهّد !!!

• شمايل: ههههههههه اكثر عن اليهد اللي انا فيه؟

• مايد يفاتن : وين انتي؟

• شمايل : امممم تقدر اتقول راس الخيمة ولا لأ الشارجة ... امممم لالالالا تقدر اتقول الفجيرة ...

• مايد يهزب اكثر : شوفي لو انتي فآخر العالم بييبج .. تعرفين شو بيييبج؟ وما بستريح لين اشوفج !! وحزتها ماهدج .. وهذي كلمتي !!

(وسيده بندت فويهه وتنتفض لأنها زايغة منه ..بس كانت ما تقدر تسمع كلامه لأنه قلبها سيده يصدقه .. وهي تخاف تقوله انها بعد اتحبه .. اما عند البنات)

• فطيم : هنود فجي الرسالة .. خلينا انطالع ..

• مي : ايييه .. ايييه فجي ..

(ويوم فتحتها)

السلام عليكم .. ..سامحوني ياخواتي على كل اللي سويته فيكم يمكن عذبتكم ويايه .. انا فعمري ماشفت ولا اتأثرت الا يوم اغتصبوني .. كلمة سهلة النطق .. صعبة النسيان .. اتعرفون عاد اني حامل .. هيه نعم حامل .. ماباكم تفكرون فهالشي عني ..انا اباكم تتذكرون يوم نسوي مقالب فبعض .. لكن الله بيعلمني الصبر عليه .. الحمال هب سهل وخصوصا اذا كانت البنية هب معرسة وشراتي بعد ..ولو دروا الناس بتاكل ويهي .. كفاية سالفة الاغتصاب .. النظرة .. نظرة الشفقة تكفي تبيّن ..وأباكم اتعرفون لو افترقنا ..يوم ..شهر .. سنة .. دهر ..الوردات الثلاث دوم فقلبي صح يا عيوني؟ (وحزتها صاحت مي لانه الكلام لها ) وانتي ياعاشقة رويشد؟ (وابتسمت هند) ابا اشوفج يوم من الايام ترمسين والله تولهت على هذربانج .. وبنت نشبة ..فديت روحج .. يبت لج رقم .. واسم العقيد .......... وهذا رقمه ................ وانا تراني رادة لكن مرفوعة الراس .. والحينه لعبتنا جبانة ولا تسوينها؟ ابا كل وحدة تسير اتحب العيايز الثلاث ع راسهن ..واتحملوا على بعض تراكم ماخذين قلبي كله .. وهالله هالله فأختيه

اختكم ام سروال اصفر مزّري



(وحزتها يضحكون بس يصيحون زيادة .. اما في بيت فاضل .. داش وراض الباب ..)

• غريبة شالة راشد : يالله كسّرت الباب .. هااه ملجتوا؟

• فاضل مفوّل : سيري شلي اغراضج وعيالج وسيري بيت اهلج .. انتي مالج يلسة فهالبيت ..

• غريبة زايغة : ليش؟

• فاضل : قلت انفدي عن ويهي لأفرج انتي وولدج !! انفدي وانتي طالق .. اصلا انتي منو يحبج ويقهرج؟ انا ماخذنج عسب بيزاتج .. وحبيت اقولج برد لأم مي العراقية تباني وبتدفع لي 100000 بدال الألف .. (ويدزها) يالله اذلفي عن ويهي ...

(وهي مب مصدقة ... ريلها يطلقها ..وزين ما عجت راشد من ايدها .. لو هوما تحرك ..)

المنسيه
01-18-2008, 01:05 AM
http://www.al5yaal.com/uploads/0867a5c515.jpg (http://www.al5yaal.com) الجزء 38 http://www.al5yaal.com/uploads/0867a5c515.jpg (http://www.al5yaal.com)

• غريبة : فاضل؟ بوعيسى؟ استهدى بالله؟ انا شو سويت؟ اذا غلطت؟ حقك علية .. بس بعد هالعشرة كلها اتطلقني؟ (وتصيح ) انا .. ام .. ام .. ام عيالك ...

• فاضل يقلدها يوم تشاهق : ام ام ام اي ام؟ هاه؟ تراج مثل ما دشيتي حياتي بروغج منها !!

• غريبة : غريبة تصيح : فاضل .. دخيلك .. نحنا كبرنا عن هالسوالف ... تباني بهالسن اتطلق؟ وعيالي يتلتهون؟؟

• فاضل : ههههههههه حبي ريلي اول ..

• غريبة وفإيدها راشد ويطالع ابوه : اللي تباه بسويه ... بس دخيلك ...

• فاضل : انزين .. احينه برّدج لعصمتي بس اول حبي ريلي ..

• غريبة : لهالدرجة مسترخصني؟

• فاضل : انا قلت اللي عندي ... اوووووهووووه ..انا بروّح ..

(ودبّر عنها بيروح ومسكته غريبة )

• غريبة : لالالالا خلاص .. (وتقولها بغصة ) بحب ريلك ..

• فاضل : يالله اشوف ..

(وكانت مي واقفة توايج من الباب وحاطة ايدها على ثمها وتصيح )

• مي فخاطرها : لا يا امايا لا !!

(غريبة نزلت على ركبتها )

• فاضل : لحظة .. لحظة .. بصوّرج لأنها لحظة تاريخية يوم تنكسر خشومكم يا بنات حمد .. (والله وظهّر تيلفونه .. غريبة تيّر نشاقتها ..غطت راس راشد بايدها .. ووصلت لين ريله وتوّها بتحط شفايفها على ريله ) آآآآآآآ .. عن انسى !!حبي نعالي اول وخلاف ريولي .. ترا اخافج تلوثيني بشي .. (وهي تتألم وتبوس نعاله وخلاف ريله .. وكانت دايسة على كرامتها دوس ..)

• غريبة فخاطرها : الله بيرّد لي حقي .. حسبي الله ونعم الوكيل ..

(وهو يصوّر )

• مي فخاطرها : انته ابو انته؟

• فاضل بعد هذا كله : احلمي اني ارد لج !!

(وهي اتطالعه منصدمة .. وطاف عنها وسار فوق .. وهي طاحت غشيانة )

(وشلت عنها راشد وحطته عالغنفة وكان راقد حزتها ) دخيلج يا امايا .. (وبعد 5 دقايق ..نشت غريبة ) امايا بنوّديج المستشفى .. دخيلج .. انا ما بطّمن غير بجذيه ..

• غريبة : انا بخير ما فية الا العافية .. (وتبتسم وترفع قصة مي ) خفتي علية؟

• مي : وليش ما خاف عليج؟ انتي اميه ...

(ونزل فاضل وفايده شنطة صغيرة )

• فاضل : مي لمي اغراضج حصلت لج وظيفة ..

• مي : مابيها .. ماتشوف اميه مريضة ؟

• فاضل يصارخ : لاتخليني اعاملج شرات ما عاملت عواس وهندوه !! (و يت في باله فكرة )

• مي : انزين بوّدي اميه وبيي .. (وهي تصيح )

• غريبة قامت : وين بتوّدي بنتي؟

• فاضل : اي بنت؟ هاي؟ مب بنتج !! احيد امها عراقية وحليوة !!

• غريبة : الام مب لازم تربي من بطنها الا هي اللي ربت وعلمت ..

• فاضل : ردينا للمواعظ؟ انتي شو؟ ما تفهمين؟ اقولج مب بنتج !!

• غريبة : بنتي ونص !! (وتحضن مي ) مب هادتنها وجان في شاربك خير اسحبها بعد !!

• فاضل : عيل بسير آخذ بنتي هنيد .. فديتها هههههههههههههه

• غريبة : لالالالالا!!!

• فاضل : وعرفي انه اول واحد بيخطبها وعنده بيزات بوافق عليه تسمعين؟ سيري زهبي اغراضج ميوه !! ربع ساعة وتكونين في الموتر ..

• مي: ان شاء الله .. ان شاء الله .. (وروّح ) اميه ؟ شفتي الظلم اللي نحنا فيه؟ وينك ياعواس؟ وينك تشوف البلا اللي نحن فيه!!

• غريبة تصيح :اميه حلفي انه اول ما توصلين تسويلي تيلفون !!

• مي : والله .. والله .. بسوي .. انا وين اصبر عنج؟

• غريبة : يوّدي هذي بيزات وهذا تيلفوني .. خشيه عندج !! يوم محتاية شي خبريني !! وانا لازم بأي طريقة بوّصلج !!

• مي : بس .. مابا .. الله يخليج ...

• غريبة : لازم تاخذينه .. (وزهبت اغراضها مال بسرعة قصوى .. وتسمع هرن وتطالع حجرتها للمرة الاخيرة وتروّح) هالله هالله بعمرج يامايا مسألة وقت وبنتيّمع .. وصلاتج هب تنسينها .. انا ادريبه ابوج خيّر !!

• مي منصدمة : على كل اللي سواه وبعد خيّر؟ (وأول ما ركبت الموتر ) ابويه ابا اسّلم على خواتي ... (وتشوفه يرد ريواس )

• فاضل : جاب وانطمي !! (ونزل بيت قوم حمد .. وكانوا العيايز في الميلس .. بس هو سيده سار فوق وحصل البنات ) هندوه؟ تعالي ..

(فطيم وهندوه وهنوه منصدمات وصدت الجهة الثانية رافضة حتى اتطالعه )

• هنود فخاطرها : احينه؟ توّك متذكرني؟ وياي تراضيني؟ والله ما يييت .. (وسكتت )

• فاضل : يعني انتي ما بتقومين؟ (ويمسكها من رقبتها ويسحبها وراه )

• فطيم : عمي الله يخليك هدها .. الله يخليك !!

• فاضل : قومي عني .. امها بين الحياة والموت في المستشفى وتبا تشوفها وهي تكابر؟

• نشبة: بسم الله شو مستوي؟

(ومروا جدام نشبة وهنود ميتة من الزياغ على امها ودفرها وركبها الموتر وشغله وروح)

• ميثاء تولول : شلاها؟ وين وداها؟

• فطيم : قال خالوه غريبة في المستشفى بين الحياة والموت !!

(وترابعوا بيت فاضل بيكلمون ميوووه عن شو اللي صاير )

• ميثاء : ميوه ؟ يا ميوه؟

• نشبة : فضول ويهّد !!

• غريبة تمسح دموعها :هنه هنه !!

• ميثاء : شو مستوي وينه فضول؟ يقول انج ميهودة؟شو اتقصون علينا؟

• غريبة : فضول طلقني وشل ميوه وياه ..

• ميثاء : اييييه الخبيلة خذ هندوه بعد وياه !!!

• غريبة منصدمة : شوتقولين؟ خذ هندوه وياه؟ شو يبا فيها؟ (وزاغت وغدت شرات المينونة ) والله تبلغون الشرطة والله تبلغونهم .. كفاية شل ميوه !! وبعد هندوه؟ لابارك الله فيك !! الله يستر .. ربي سترك ..

(وتحرق تيلفون فضول وهو ما يرد .. خلاف تتصل بميود واتخبره .. وردت سوّت للشرطة وهي تنتفض ونشبة وميثاء يصيحن وغريبة تتكلم وتصيح .. اما في الموتر كانت مي حاضنة هنود وتسكتها ..وإيييّه اتصال )

• فاضل : وابويه شيخ متصل بي؟ (ويرد ) ألو؟

• راشد : سلام عليكم .. ويايه بوعيسى؟

• فاضل بكل ذرابة : عليكم السلام .. .. هيه نعم وياك بوعيسى ياطويل العمر ..

• راشد : وياك راشد سالم بن محمد

• فاضل : يامرحبا والله .. خير يابويه؟

• راشد : خير بويهك .. نحن سمعنا عن بناتك بكل خير ونبا القرب منكم .. وعاد قلنا لازم نزوركم ..

• فاضل : اي وحدة منهن.؟؟

• راشد : بنتك هند ..

• فاضل : يالله جان تباها طويل العمر بتيك بعباتها حتى ... (وانصدم راشد )

• راشد: بوعيسى متى نقدر انمرك انا وعمي؟

• فاضل : باجر .. باجر جان تبون ..

• راشد : خلاص بنمر باجر .. وبنحصل الجواب ولا؟

• فاضل : اكيد .. ترانا اتحولنا في دبي .. ونحنا في منطقة ..............

• راشد : انزين ومتى تبانا انطرّش الحريمات يتفاهمن؟

• فاضل : ياريال خلك من الحريمات .. نحن اللي بنتفق ..

• راشد : بس الاصول ..

• فاضل : اي اصول اي خرابيطه؟

• راشد عصب : احينه تسّمي الاصول خرابيط؟

• فاضل : العفو العفو السموحة مب القصد طويل العمر .. بس خلنا نتقابل ونحن بنتفق على كل شي ..

• راشد : على خير ان شاء الله ..

• فاضل : ربي يحفظك .. ربي يحفظك .. (وبند وصد ورا ) اسميج يا هندوه حظج من السماء .. ياينج ريال .. اسميه بيغرقج بالبيزات من ساسج لراسج !!

(وهن منصدمات .. اعنبوا ما وحالهن حتى دبي ما وصلنها .. وإييّها خطيب؟ وهنود تمسح دموعها .. وقلبها يخفق بسرعة واتطّلع من مخباها )

• هنود تكتب : امايا شو استوا بها؟ ليش هي في دبي؟

• مي تصاصرها : اميه؟ منو قالج انه اميه في دبي؟

• هنود تكتب : ابويه قال طوفي امج بين الحياة والموت .

• مي : جذاب !! اميه ف ليوا وما فيها اي شي ..

• هنود : انزين ليش وين بيودينا؟

• مي : انتي ؟ مادري .. بس انا عشان حصل لي وظيفة وبنيلس عند النسرة العراقية ..

(هنود صخت ووقفت صياح )

• هنود وفخاطرها : انزين انا شو يخصني من هذا كله؟

(وما حست بعمرها الا راقدة )

• مي فخاطرها : بعد كل هالسنين .. ارد للعراقية اللي فرتني ولا سألت عني؟ بقّوي قلبي .. احينه بنشوف العراقية اللي كل الناس يعايروني بها .. بنشوف اللي كل رمسة والثانية تنقال بنت العراقية وبنت العراقية ..جنه مالها رب ..

(اما فبيت ام مانع )

• مانع طايح على ثبان امه : اميه؟

• ام مانع : خير؟

• مانع : رضيتي علية يوم رديتها؟

• ام مانع : اكيد يابويه .. والله الناس كلت ويوهنا .. روحنا هب ناقصين .. ابويه؟

• مانع: يالبيه ..

• ام مانع : هالاسبوع هزاع ما اتصل !! رمسه؟ سو له تيلفون خله يرد تراني ماروم استحمل اكثر ..

• مانع : خلينا من هزاع الرغيد .. روحه مستانس ومكّيف ويا ربعه ..

• ام مانع : بس يابويه هذا مب يوم ولا اسبوع .. شهور!! وبنكمل سنة !!

• مانع يغير السالفة : تعالي امايا عنودوه وينها؟

• ام مانع : بعدها اتهذرب ويا حرمتك ..

• مانع : متى بتجابل ريلها؟ وهذا النص شبر ما يروم يرمس؟

• ام مانع: يابوك شو اسويبها ماحنتني محنة !! مستقوية عليه .. حتى على ابو ريلها بوغديّر مسكنتنه في الملحق !!

• مانع : سمعيني اميه .. انا رديت ودوود لانها حامل .. لكن ان يلست عنودوه اتجرجها حرام يطلقها وأعفد بعنودوه ب عسو !!

• ام مانع: شو يعني؟ تبا ولد يتربى بعيد عنك؟ هذا شي زين؟

• مانع قام: سمعيني يا امايا .. شي (ن) ويوصلج .. البنت اللي اتكلم في التيلفون اتطيح من عيني !! تفهمين؟

• ام مانع : وولدك او بنتك؟ اللي ياي في الطريج؟ منو بيربيه غير اللوث !! اعنبوا فكّر..

• مانع : عندج هالحل .. هي بتم عندنا لين تربّي لكن ان حسيت مسوية شي من ورايه والله لأسحب الياهل عنها وبتم بدونه .. وبعد في شي فخاطري .. اباج تخطبين لي ..

• ام مانع مبججة عيونها : تخبلت يا منوع؟ منو بترضى انها تسكن ويا الحية حرمتك؟ والله بتاكلها ..

• مانع : انا ما يهمني .. اهم شي راحة بالي .. نحن صح نتشارك شبرية وحدة لكن من هاكي اليوم طاحت من عيني ولا اتقرب منها ..

• ام مانع : خلها اتربي بالسلامة وخلاف يصير خير ..

• مانع : لالالالا انا اباج من باجر تكلمين العرب ..

• ام مانع : اي عرب؟

• مانع: ابا هنود ..

• ام مانع منصدمة : هنود؟

المنسيه
01-18-2008, 01:06 AM
حطيـــت بارتيــــن ( 37 + 38 )

دانوه
01-18-2008, 01:47 AM
كمليهـن بااجـر

اووكيـه حبي

انـا بظهـر يـلا باايـ >__<

دانوه
01-18-2008, 10:49 PM
منـسيووووووووووووووووووووووتـي

كمـليييييييييييييييييييييييييهـا دخيييييييييييييييييييييييييييييييييييلـج

المنسيه
01-19-2008, 02:32 PM
http://www.al5yaal.com/uploads/c1e270e1dc.jpg (http://www.al5yaal.com) البارت 39 http://www.al5yaal.com/uploads/c1e270e1dc.jpg (http://www.al5yaal.com)

(وعند عيسى .. كان سرحان .. يتذكر كلام وحدة عشقها بس .. " ومنو قالكم اني موافقة هااااه؟ تجبرون وحدة واتحيّرونها وهي ما اتطيق هالشخص " .. وبعدين " هيه مب هاااه!! أصلا انا ما اطيقك ولا أطيق حتى غلاستك الفاضية .. وجانك تبا اتعرس خذ هنوه .. وايد بنات إلا انا .. فهمت مادانيك ولا أطيقك بعيشة الله ")

• عيسى غرغرن عيونه بس حبسهن هالدموع : الله يذكرج بالخير .. فتحتي عيني على وايد أشياء .. وطيبتي معاج ومع غيرج يابت لي الدمار .. (و.. رد حد يدق الباب.. وهو يائس ) اتفضل ..

• سعيد : سلامن عليك راعي ليوا؟

(ولا إراديا فز قام من مكانه وألقى التحية العسكرية )

• عيسى : عليكم السلام ورحمة الله وبركاته سيدي ..

• سعيد : نحن شو قلنا؟ نحن هب ربع؟

• عيسى : العين ما تعلى عن الحاجب سيدي ..

• سعيد : شو هالمنطوق الملتوي يا عواس؟

• عيسى : آسف سيدي ..

• سعيد : انزين استريح ..

(عيسى وبعد محاولات ويا سعيد لان راسه )

• عيسى : اتعرف انه معرفتي فيك ترفع الراس ؟

• سعيد : قبل كل هذا .... نحن ربع ولا شيخ وسيده؟

• عيسى ابتسم : أكيد ربع وشيخ على راسي من فوق !!

• سعيد يضحك : شكلي بعاني لين اتخوّز كلمة شيخ ..

• عيسى ابتسم : شكلك يالشيخ ..

• سعيد : قولي يا عيسى .. ف شو كنت اتفكر قبل ما ايييك؟ مادري شفت عيونك حسيت في شي ..

• عيسى : انا؟

• سعيد : هيه انته !!

• عيسى : أفكر بالدنيا كيف خذت وعطتني ..

• سعيد : شو عطتك؟

• عيسى : سبحان الله حصلت فويهي شيخ وأخويه حسن لكن مانع اللي كنت معتبرنه خوييّه

• سعيد يقاطعه: مانع؟ خلك منه تراني أدبته .. ماعليك منه .. خلنا انخلص من الدورة .. وانا بس ابا اشوف نظرة مانع لك يوم بيشوفك ..

• عيسى : سيدي انته ويانا؟

• انا ماخذ مساق أعلى لأني ان شاء الله أكمل الماجيستير ..

• عيسى : بإذن الله بتاخذها .. سيدي سؤال لو ما عليك أمر ..

• سعيد : آمر يا عيسى ..

• عيسى : يعني انا طلبت كم من مرة حسن يخليني أتصل بأهلي وكل مرة يتعذر لي ..شو السالفة؟

• سعيد : مارمت أخليه يعطيك اتكلمهم لين تستعيد عافيتك كلها ..

• عيسى وبفرحة : وأحين؟

• سعيد طلّع تيلفونه من مخباه : اتفضل ..

• عيسى : زاد فضلك .. (ومن لمس التيلفون .. اتذكر تيلفونه اللي نساه بقصد.. ورا التكية بس قال ما بيفتح الموضوع الا بعد ما يخلص من اتصاله .. وهو يتصل على موبايل أمه بس محد يرد ....ورد يتصل عالبيت بعد محد يرد ..) ياربي كم رقم ميود؟ كم؟ (وتم يحاول يبا يتذكر .. بس ماشي فايدة ..) بتصل وأمري لله (ويرمس بصوت خفيف ) اتمنى ما ترد .. (وخذ رنتين وردت)

• فطيم : ألو؟

• عيسى يغير صوته ويغلظه زياده : مرحبا ..

• فطيم : خير بغيت شي؟

(وسيده زاغ عيسى .. قال يمكن عرفت صوته .. وخصوصا ب ردها الجافي والغرور كله فصوتها )

• عيسى : ام عيسى موجودة ؟

• فطيم : شو تبا فيها؟

• عيسى يقوّي قلبها : وانتي منو يا ام نص عص ؟ مدخّلة عصّج في شي ما يخصج؟

• فطيم منصدمة : جاب يالله جاب عنلات هالويه !!

• عيسى جانج تلعنين بدون ما تشوفين .. ياحيّج انتي وتغربيلج فوقج !!

(وسعيد يطالعه وميت من الضحك )

• فطيم :انته صدق ما تستحي !!

(وترقع التيلفون فويهه )

• عيسى : واللعنة !!

• سعيد : يالله يالله يالله شاب ضو!!

• عيسى : هاي الجلبة ما طاعت تعطيني أميه !!

(ورد يتصل وايد وهي ما اتطيع اترد )

• سعيد : انزين ليش اتعّب عمرك؟ لحظة بس .. (سوا شي بالتيلفون ) انزين 5 دقايق ووحياتك بترد

• عيسى : جيه شو سويت؟

• سعيد : ماشي .. بس اتصلت عالبلاد .. خليت خطها من تتصل بها على طول اترد اوتوماتيك ..

• عيسى : كيف جذه؟

• سعيد : لا تسأل !! ههههههههههههههه

• عيسى : داهية !! (وبعد ال 5 دقايق يتصل ) ألو؟

• فطيم : بسم الله كيف رد ؟ (وحاولت اتبند بس الخط مفتوح ) اوووفففف بلاه ما يبند؟

• عيسى : لين تعتذرين ما بيبند !!

• فطيم : اتهبي يالسخيف !! يالمغازلجي العود !!

• عيسى : ورايه 100 شغلة ولا مجابل الشيّف شراتج !! انا مب ياي اغازل حضرتج !!

• فطيم عصبت : وانا ما بعطيك خالوه غريبة لين أعرف السبب ..

• عيسى: وياج أمن الدولة !!

• فطيم يوم دققت في الرقم : وابويه شيخ !! (وتزاعج ) خالوه !! خالوه لحقي أمن الدولة يبونج !!

(وضحك عواس من خاطره لأنه فطيم زاغت )

• نشبة : اعنبوا ما مداهم وصلهم الخبر عن فضول مسوّد الضلع.؟

.
.
.
.
.
.

http://www.al5yaal.com/uploads/c1e270e1dc.jpg (http://www.al5yaal.com) البارت 40 http://www.al5yaal.com/uploads/c1e270e1dc.jpg (http://www.al5yaal.com)

• غريبة تمسح دميعاتها : ألو؟

• عيسى رد صوته عادي : امايا؟

(وقلبها رفرف وحطت ايدها على ثمها )

• غريبة : معقولة؟

• عيسى : امايا ..سيري بعيد ابا اكلمج ..

(وتربع فوق وتقفل الباب وكان تصرفها كاشفنها عند فطيم )

• غريبة : عواس؟ وينك يابويه؟ وينك؟ فدييييييييييييييييت ويهك وروحك .. يعلني افداك وأفدا نصخك .. (وتصيح بهستيرية )

• عيسى عيونه تدمع : هاااااااااايه يا امايا هااااااااااايه متوله على هالصوت وعلى حضنج !!

(ويسمع صوت ياهل يلعب )

• راشد : اغغغغغغغغغغغغ اغغغغغغغغغغغغغغغغ .. (ويضحك راشد )

• عيسى منصدم : اميه؟ ربيتي؟

• غريبة : هيييه .. أخوك سميناه راشد .. عواس؟ أبويه؟ ليش هالدوامة كلها؟ ليش منوع جذب علينا وقال انك اختفيت .. والله .. والله شاهد علية .. حسيت روحي بتظهر ..

• عيسى : فديييت روحج وقلبج .. امايا هاي قصة طويلة .. عوّرت لي قلبي .. دخيلج يا امايا مثل ما كنتي كاتمة السر قبل تمي به .. لين أرد البلاد ..

• غريبة : متى يابويه متى؟ فخاطري شوفتك .. ابا اشوف ويهك ..

• عيسى : امايا؟ طلبتج .. صوري لي راشد .. بيموت قلبي ان ما شفته ..

• غريبة وتصيح زيادة : لا تقول جذيه ولا عمري ما بسامحك على هالكلمة .. احينه هالحزة بطرشها لك

• عيسى : امايا كلمة وتسمعينها وتنفذيها فديتج

• غريبة : آمر يا بويه

• عيسى : مانع ان دخل بيتنا انا ما برد الامارات أبدا تسمعين؟

• غريبة : شعنه؟ شو مسوي؟

• عيسى : انا اقولج يا اميه

• غريبة : ان شاء الله ان شاء الله

(وهي اتكلم وياه بس موول ما طرت له بالمصيبة اللي صايرة عندهم .. ومن بند عنها )

• سعيد يتنهد : مادري ياخي كنت اتكلم الوالدة وحسيت كأنها امايا .. الله يرحمها ..

• عيسى : ليش انته جد شفتها؟

• سعيد : لا .. بس حتى صوتها كان ينسمع كانت متلهفة صح؟

• عيسى : يالله !! قامت تصيح .. بس بعد حسيت شي مستوي بس مب عارف شو هو ..

• سعيد : انزين واللي انهدت عليك ؟ هاي منو؟

• عيسى : هاي فطيم .. اللي كنا محيرين لبعض ..

• سعيد : تباها؟

• عيسى : لو كانت آخر بنت في الدنيا بدّبر عنها ..

• سعيد : لهالدرجة ما تباها؟ جيه شو سوّت؟

• عيسى يبتسم : قصة طويلة ..

(ويرد له التيلفون )

• سعيد : لا هذا التيلفون مالك .. انا عندي الثاني ..

• عيسى : مشكور .. يطوّلي بعمرك .. (وفجأة يته فكرة ) بسوي حق حرمة فنتكة ..

• سعيد : منو هاي؟

(فمستشفى الامل )

• مايد : السلام عليكم .. بغيت أسأل عن مريضة عندكم ..

• الريال : عليكم السلام .. شو الاسم؟

• مايد : شمايل عبد الله ..

• الريال : اممممم شمايل .. شمايل .. شمايل ..اخوي ما عندنا هالاسم ..

• مايد : متأكد؟ دخيلك .. رد اتأكد .. (واتصل بشمسة بس مغلق ) والله بحصلج !! اخويه؟ في مستشفى شرات هالمستشفى؟

• الريال : لا اخوي .. في عيادات نفسية خاصة وايد ..

• مايد : لا حول ولا قوة الا بالله .. (وإييه اتصال ) ألو؟ ها؟

• غريبة : وينك ميود؟

• مايد : انا في المصيبة اللي اسمها شمايل !!

• غريبة : حسبي الله عليك !! نحن في حالة وانته في حالة !!

• مايد: جيه شو مستوي؟

• غريبة : ابوك شل ميوه وهندوه وودّاهم عند حرمته العراقية ..

• مايد : شوتقولين؟

• غريبة : انته اتدل بيتها؟؟

• مايد: لا والله فعمري ما طحته ..

• غريبة : اباك تروّح منطقة المحيصنة ..

• مايد : ما أدلها يا امايا ..اتصلي بالشرطة خله يدي يتفاهم وياهم ..

• غريبة : اتصلنا وقالوا لازم 24 ساعة مادري شو يخربطون علينا ..

• مايد : انزين اتعرفين اسمها ؟ او اتدّلين المنطقة ...

• غريبة : أدل .. أدل .. هيه أدل !!

• مايد : عيل انا راد البلاد .. وباجر بنسير ..

• غريبة : وانا وين بييّني رقاد؟

(وعند مي وهنود وصلوا )

• فاضل : إيييييه !! إيييه نشن وصلنا !!

• مي : انزين ..

(وهم نازلين )

• هنود فخاطرها : يالله قصر هب بيت !!!

(وهن داشات ومبججات عيونهن عالقصر العود )

• فاضل : شفتن بيتي اللي بنيته وسرقته؟ شقى عمري !!

• مي : وليش راد لها؟

• فاضل : بترد الخير كله لي !!

• مي : مب من الله !! اكيد وراها شي !!

(ودشن ووصلن الصالة العودة الأنيقة ..وهنود بتدوّخ هي ومي من اللي يشوفونه من الخير ..)

• هنود فخاطرها : ياويلي ويلاه !! ربي ترحمنا !!

• فاضل : زينة؟ يا زينة؟ وينج يا حياتي؟

• هنود: حلاك سكني ان شاء الله من أبو خايس

• مي اتمتم : فضل عنك من ابو !!

• الخدامة ماريا : ماما سليب ناو ...

• فاضل : وديهم انزين حجرتهم وانا بسير لها ..

(هنود ومي منصدمات .. وهن يمشن وراها .. )

• مي: ياويلي !! هذي حجرتنا؟ لالالا ما اصدق !!

(وكانت حجرة عودة .. وفيها سريرين .. ستارتها مخملية تركوازية .. والاكسسوارات اتخبل صرب المنظرة العودة .. والكبتات من الماهوجاني الغالي .. كل شي من الغالي والزين .. هن كانن يطالعن بعض وصاخات .. بدلن ولبست هنود لبس مي ..لانه ما عندها ..)

• هنود تكتب : مستانسة بهالوضع؟

• مي : مادري لين الحينه ما اصدق انه هذا بيتنا !!

• هنود: انا متى برد؟.

• مي : مادري مادري .. خلينا نرقد والصباح رباح ..

• هنود : انزين واللي خاطبيني منو هذيلا؟

• مي : جارانتي هذا منوع !!!!

(وبندوا الليت .. وهنود كانت زايغة لأانها تتذكر الحادثة تخاف حد يعفد عليها )

• هنود فخاطرها : بسم الله الرحمن الرحيم !! يالله تحفظني من كل شر .. يالله .. والله وهذي حلفة انه ما اخلي حد يمس شرفي حتى لو عرست..انا افرط بعمري عشان ابويه؟ لا وألف لا..

(اما عند شمايل وشمسة كانوا في الشيراتون )

• شمايل: اميه؟ والله بيعرف وين انا !!

• شمسة : لا ما بيعرف ..

• شمايل : كيف؟

• شمسة : بنقول انه اسمج هنوه !!

• شمايل : هنوه؟ ليش؟

• شمسة : سيده بيعرف مكانج !! وانا ما فية عالصدعة .. انزين امايا .. انا يبت هنيه لأنه اول مكان بيسير له الدختر مال الامل .. انا يا اميه اباج اتحملين على عمرج وعلى الصغيروني اللي ياي في الطريج .. وانا روحي بوّصيهم !!

• شمايل : لا يا امايا لا توّصينهم دخيل الله .

• شمسة : خلاص اللي تشوفينه .. وانا كل اسبوع بييج بطالعج ..

• شمايل : بتوديني باجر وبتردين؟

• شمسة : هيه يا امايا ..

• شمايل تصيح : اتحملي على يدي حمد والعيايز اتعرفين انهم عيوني !!

• شمسة : اتوصيني على هلي؟

(غريبة طالعة من الحجرة )

• غريبة : شو تسوين عند الباب؟

• فطيم وعيونها يغرغرن دموع : هذا عواس صح؟ هذاا !! هذا حبيبي؟ هذا اللي قلتوا انه مات؟ والله كنت حاسة انه هب حي (وتحط ايدها على قلبها ) قلبي مول ما خاني !!

• غريبة : انتي شو تقولين؟ منو؟ عواس؟ بلاه؟

• فطيم : عن الاستهبال خالوه !! دخيلج هذا قلبي هب لعبة تلعبوا به !!

• غريبة وعصبة : وانتي رحمتيه يوم كان جدامج؟ عطيتيه كلام مثل السم !! وضاع منج !! شوفي ذا مال الشؤون متصل وانتي الا تتوهمين يالمغفية !!

• فطيم تصيح : والله انه هو والله !!

(وروحت غريبة عنها ..وعند عيسى وسعيد )

• عيسى : أخت يدي .. طالع الرمسة انته بس .. هذي انسانة وايد عزيزة (إييه مسج ..) ويلي ويلاه !! ربي يحفظك يا راشد !!

• سعيد: صورة اخوك؟ (ويراويه اخوه اللي مصورتنه وهو يضحك ) وايييه بسم الله عليك .. الله يحفظه يا ربي!!

• عيسى: كنت اتكنى اكون موجود .. وايد أشياء فاتتني !!

• سعيد : خلّص من الدورة وانا بردك البلاد .. وانته رافع راسك وكاسر خشوم الناس اللي أذّوك !!

• عيسى : يالله اسمع عيوزنا شو بتقول .. (ويرد يتصل وأوتوماتيك يرد ) ألو ..

• نشبة : مرحبا؟ مرحبا ؟ (وتزاعج ) امايا فطيم .. طاعي يمكن حد مطرش لي مسك !!

(عيسى وسعيد يضحكون عالهزاز وميتين من الضحك وسعيد حاط ايده على ثمه )

• عيسى يقلدها : مسك !!

• فطيم ترمسها من فوق وعيونها كله دموع : خلاف !! خلاف !! مالي بارض !!

• نشبة : ألو؟ ألو؟ حشا !! بخلي حمد ياخذ لي موووووووبايل يديد ..

• عيسى يغير صوته : مرحبا الساع ..

(وزاغت نشبة )

• نشبة : بسم الله من وين ظهرت لي؟

• عيسى: من بطن اميه الله يحفظها ههههههههههههههه

• نشبة : ياربي انا وين سامعة هالكلام؟ وين وين؟

• غريبة : اميه؟ منو تكلمين؟

• نشبة: واحد يباني !!

• عيسى : اختيه وياج من دائرة الاراضي

• نشبة اتأشر لهم بتسير بعيد لأنه السالفة فيها بيت : يا هلا ياهلا والله مرحبا مليووون

• عيسى : اختيه انتي مقدمة على ارض؟

• سعيد يرمس شوي شوي: حرام عليك يا عويس !!

• نشبة: هيه ابويه .. من 23 سنة ..

• سعيد حط ايده على يبهته منصدم : والخيبة !!

• عيسى : عيل ان شاء الله بعد يومين بنتصل بج .. وعاد نبا جوازج وخلاصة القيد عشان نتأكد ..

• نشبة: والله العظيم يابويه والله والله شاهد علية !! اني نشبة بنت عبيد بن سالم آل

• سعيد: وابويه طلعت الاصل والفصل ههههههههههههههههههههههههه .اسألها ان سوّت هوية !!

• عيسى: اختيه؟ انتي كم عمرج؟

• نشبة: عاد مب عودة وايد يابويه ..

• عيسى : خخخخخخخخ طاعوا المكر ! يعني كم؟

• نشبة : مادل يابوك !! نحن يوم كنا نسير الخور ويا البنيات كنت الا 10 سنيات

• سعيد : ههههههههههههههههههههههاااااااااااااااااااااااااااي !!

• عيسى: ايام الغوص؟

• نشبة عصبت : اي غوص؟ جيه اتحراني ما افتهم؟

• عيسى ميّود عمره عن الضحك : ان .. ان .. ان .. انزين ابا من اسوي تيلفون انتي تردين تسمعين؟

• نشبة : ان شاء الله من عيوني

• عيسى : الا اختيه سويتي هوية ولا لأ؟

• نشبة : منو هاي؟

• عيسى : هوية !! هوية شرات الجواز !!

• نشبة : ويديه محد قاللنا

• عيسى : عيل بيضيع البيت !!

• نشبة : لالالالا يابويه لا !! الاسبوع الياي انا سارحة وبسوي هوية !! بس وين يسوونها فمال الهجرة؟

• عيسى: لا في البريد !!

• نشبة : ماعليه انا بكلم فطمووه هيه بتقولي انا يوم اسألها عن شي اتصخ .. ثرها الحرمة غاشتني !!

(وعند فاضل في الصالة .. يرد على اتصال.. )

• فاضل: مرحبا

• مانع: بوعيسى؟

• فاضل: انته مانع صح؟

• مانع: هيه نعم ..

• فاضل : خير يا مانع؟

• مانع: باجر بمر صوبكم

• فاضل : خير؟ في شي؟

• مانع: بيي أخطب بنتك هند ..

• فاضل منصدم: بعد هنود؟؟

دانوه
01-19-2008, 04:49 PM
كمـليييييييييييييييييييي

دخـييييييييييييييييييييييييييييييييييييييييييييييي ييييييييييلجـ

المنسيه
01-19-2008, 07:24 PM
http://www.al5yaal.com/uploads/42c44522c6.jpg (http://www.al5yaal.com) البارت 41 + 42 + 43 + 44 + 45 http://www.al5yaal.com/uploads/42c44522c6.jpg (http://www.al5yaal.com)

• فطيم طايحة ع شبريتها : والله انه عواس .. لو مب عواس جان ما اعتفس ويه خالوه جذيه .. (وتسير حجرة نشبة ) يالله ما تنش .. يالله ما تنش .. (وخذت التيلفون وهي ساكتة وردت حجرتها ) والله انه عواس ..آآه يا ويله .. انزين ليش جذبوا علينا ؟

( تتصل وهو راقد )

• عواس لا اراديا رد عليها : هاااه؟ ألو؟

• فطيم : مرحبا ..

• عواس : اممم.. (وهي يخفق قلبها )

• فطيم : راقد؟

• عواس : همممم

• فطيم : أحبك يا عواس ..

• عواس : هااه؟ هممممم .. انته منو؟ (وبطل عين وحدة مب مستوعب شي)

• فطيم : انا فطيم .. (وبند التيلفون الا غلقه ..ردت اتصلت كم من مرة .. بس هو كان مغفي ما يدري بالدنيا ) فديته ياربي رمسني !!!

(اما ميود وصل البيت على الساعة 5 الفجر .. وكان يائس .. طاح على الغنفة في الصالة وما حس بعمره الا راقد .. وعلى الساعة 10)

• شمسة : بسم الله الرحمن الرحيم .. شمايل ؟ بلاج؟

• شمايل : ما فية شي بس اطالع الاوادم من الدريشة .. ليش غلطت؟

• شمسة : لا امايا .. يالله سيري اتسبحي لين إييبون لنا الريوق ..

• شمايل : ان شاء الله .. (وهي داشة الحمام )

• شمسة : خازت عنج اللوعة ؟

• شمايل : هيه

• شمسة : انزين سيري سيري .. (ويوم سارت ) كيف خازت عنها اللوعة وهي في الثالث ؟ يعني يتها يوم او يومين بس؟ يالله اتقوّمها بالسلامة .. (وشمايل تتسبح)

• شمايل فخاطرها : ما بستريح لين أكسر خشمك يا مايد .. انا تلعب بي؟ جيه انا شو سويت؟ طول عمري قلبي يخفق باسم مايد عمره ما نظر لحد ثاني غيرك .. ولا لأني طلبت منهم يعتدون عليّة ولا شي ؟ (وتصيح ) بس انا لازم ما اصيح ( وتحط ايدها على بطنها ) ليش ما احس فيك؟ كل بنية اتحس بوليدها .. الا انا !! يمكن ما عندي قلب .. طبعا ما عندي قلب من اللي صار .. وين بحّب الولد .. الله يصبرني بس


(وفبيت حمد )

• نشبة : اقولكم البارحة سوالي واحد

• شما: ويدي منو؟

• نشبة : واحد قال يباني اسوي جواز يديد

• ميثاء : اعنبوا من شهرين مجددين لج ..

• نشبة : قاللي الريال ان ما سويته ما بيطلع لي بيت
..
• شما : ابووه !! قصدها هوية !!

• ميثاء : ومتى سوا ما شفناه؟

• نشبة : امسات مسوي في الليل !!


• ميثاء بججت عيونها : اييييه المدحوبة !! اي ريال يسوي في الليل؟ وين مكتب مفتوح في الليل؟ خلق الله رقود !!

• نشبة : انتي شدراج؟ هذيلا قوم بو 12 ساعة عيل فيهم هيازة شراتج ..

• ميثاء : ماعليه بنسويلنا يوم وبنسير ..

• نشبة : شموس سوّت تيلفون؟

(ويصيح التيلفون )

• ميثاء : بسم الله يالساحرة !! يالساحرة !!

• نشبة : اذكري الله ميثووه عن اتعجيني !!

• ميثاء ترد : مرحبا ..

• الجود : سلامن عليج خويتيه ..

• ميثاء : عليج السلام والرحمة ..

• الجود : وياج خويتج الجود بنت سعيد ..

• ميثاء : مرحبا .. مرحبا الساع ..

• الجود : مرحبا بخويتيه .. ياختيه امسات حرقنا تلفونكم ومحد يرد ..

• ميثاء : هيييه يا امايا سامحينا كنا فبيت غريبة .. انتي شحالج وشحال البنات ؟

• الجود : بخير ربي يعافيج .. عاد نحن قلنا بني اليوم .. وبنخطب بنتكم .. الهند حق رويشد ولد ولديّة ..ويوم رمسنا ابوها قال تعالوا دبي ...

• ميثاء انصدمت : سامحينا موول ما ندري يا خويتيه .. هذا ملعون الصير فضول !! انتي بغيتي منو من البنات؟

• الجود : هند .. هند ..

• ميثاء استانست : حياكم الله أي وقت يا غناتي .. (وردت بها الحاسية ) جيه انتوا قلتوا لأبوها؟

• الجود : بسم الله عليج شكلج مغفية .. امايا قاللنا ابوها تعالوا دبي

• ..ميثاء : اشوووه؟ جيه؟ خويتيه بسويلج خلاف وبرد عليج الخبر ..

• الجود : على خير ان شاء الله .. سلمي سلمي (وبندت عنها (

• ميثاء : واعثرتي عثراااه ..

• شما : خير؟ خير؟

• ميثاء : الله يستر من فضول لا بركتن فيه ولا في اللي يابه ..

• شما : جيه شو مستوي

• ميثاء : جان ما إييّوز هنود !! (ويصيح التيلفون ) شموه !! طرشي زهور تزجر غروب دهديه !! (وترد ) مرحبا ..


• ام مانع : مرحبا الساع .. علومج ميثوه؟

• ميثاء : تسّرج علومي يا غناتي .. انتي علومج؟

• ام مانع : بخير والله .. ميثوه؟ ابا اكلمج فسالفة لكن مخيّلة منج (=مستحية منج )

• ميثاء : افا يا عويش من خويتج؟

• ام مانع : ترا والله متلوّمة منج ..

• ميثاء : خير؟

• ام مانع : مانع يبا يخطب هنيد .. (ميثاء حطت ايدها على راسها )

• ميثاء : وابوييه .. وابوويييه ..

• ام مانع : ادري والله .. أدري وانا اعرف ردكم .. بس ماباج تكدرين عمرج ..

• ميثاء فوّلت : احينه يبا هنود؟ جان قلتي له من زمان جدامك .. توّك تباها؟ وبعد على عصمتك عديلة !! اتهبي !!

• ام مانع : انزين ميثوه .. امسحيها فويهي ..ورمسي البنية واذا قالت لا .. عمرنا ما بنطريها السالفة .. عشان ما نعيش الندم ..

• ميثاء : على خير ان شاء الله ..

• ام مانع : تراه فضّول زاجرنه بيكلمه ..

• ميثاء : متى ها؟

• ام مانع: هاا امسات ..

• ميثاء : والخيبة اتخيبه من أبو .. (وبعد ما بندت عن ام مانع ..)

• غريبة : سلامن عليكن ..

• ميثاء : لحقي يا غروب .. لحقي على ريلج الهيس !! بيسوي فلم هندي ببنتج !!

• غريبة منصدمة : بلاه؟

• ميثاء: اليوم متصلة الجود .. الحرمة .. راعية بوظبي بتخطب هنود لراشد ..

• غريبة ابتسمت : يالله هاي الساعة المباركة ..

• ميثاء : لا وبشيرج .. متصلة ام مانع اتخطب هنود لمانع بعد ..

• نشبة مبججة عيونها : والخيبة !!! مب حظ عليها هالبنية .. على ايامنا ما استوا جذيه ..

• غريبة : وابوييه .. إشوووه هذا !!

• ميثاء : قومي نشي وعّي ميود !! خلينا نتلاحق عليهم .. فضّول بييّمع مانع وراشد ..

• غريبة : أخييييج يا فضيحتنا !! (وخلّت راشد الصغير عند فطيم .. وربعت البيت ) قم !! قم بوطبر قم !!

• مايد : شو يا امايا .. والله اني ياي الصبح ..

• غريبة : قم يا ريال البيت .. ابوك بيفضحنا جدام العرب !!

(وخبّرته بالسالفة .. وسار اتسبح واتلبس .. وسارت وياهم ميثاء .. يعني غريبة وميثاء ومايد بس .. اما عند مي وهنود )

• مي: خلاص خلصتي؟

(هنود اتعدل شيلتها وتهز راسها بالايجاب )

• هنود فخاطرها: يالله تستر .. يالله ما تكون امها مستجلبة !!

(وهن نازلات .. يسمعن تيلفزيون .. طارين علية ..)

• .............: يمه قرصتني عقربة .. (ويسمعن دبيج )

• مي: السلام عليكم .. (ويوم صدن يمين انه وحدة قصيرة متصابية ومترصصة بالبنطلون .. وقابضتنها رقص ..وهن منصدمات ) السلام عليكم..

زينة صدت وسارت لهم مسرعة : هالو !! هالو !!هالو يا عيوني .. (ومي تنتفض ) هلا ببنيتي ..

(وزينة تصيح وعلى طول حضنت هنود )

• هنود فخاطرها : مب انا والله !! مب انا ..

• زينة : انا ما كنت ادري انه بنتي جميلة جذيه .. آآآه ويلي عليج ..

• مي : شو ها.؟ (وكانت حرمة قصيرة وما فيها وايد حلاة .. عمرها 45 سنة بس تبيّن اصغر متمكيجة ..شعرها اسود وفيه خصل شقر ..وضعيفة بس ويهها منتفخ .. ) انا بنتج هب هي !!!

• زينة منصدمة : شنو؟ (وترد تحضن مي ) سامحيني يا بنيتي .. شمدريني .. ههههه

• هنود فخاطرها : اتخبلت الحرمة .. (ويلسوا يتريجون ومي اتطالع امها وهذيجي اترمسها بس كانت مي تتأملها .. )

• مي فخاطرها : هاكيه امي العراقية .. هاكيه .. جدام عيني ما ينلامون العرب يوم كانوا يعلقون علية !! كانوا يعرفون انها رقاصة فمرقص .. (ودموعها يغرغرن )

• زينة : آآه ويلي شفيج يا نظر امج؟

• مي : انا ما روم .. ابا ارد ليوا ..

• زينة : شنو؟ انتي شنو تقولين؟ ما بيج اتحجين .. انتوا جايين هنانه وبتمون هنانه .. هذا بيتكم ..

• مي معصبة : بيت ما ربيت فيه؟ بيت الرقاصة اللي يابتني؟ بيت تيب رياييل؟ بيت تشرب غراش الخمر؟

• زينة : انا يا مي ؟ اتحجين عن امج كذيه؟

• مي: انتي ام في الجواز (وقامت هنود تتمسل وسارت الحجرة ) لكن اللي ربتني وعدتني من بناتها اميه غريبة تفهمين؟

• زينة تصيح : بس انا يا بنيتي ..ابوج اللي خذاج عني .. انا ما كنت رايدة هالشي ..

• مي : رايدة ولا هب رايدة !! من يوم انا ياهل يعايروني ببنت العراقية ما كنت افتهم .. وكبر ويايه هالشي .. لدرجة كرهت بلادج .. بس احينه خلهم يقولون ويشبعون بعد .. انا امي اماراتية وابويه بعد ..في وايد ناس من العراق نفسهم عزيزة لكن انتي؟ انتي من حثالة المجتمع !!

• زينة : ياعيوني .. انتي ما تعرفي حالة بلادنا كيف ..

• مي: لو فيها دمار شامل .. انا اقولج اتمنى اتكون اميه عراقية ويالسة في بلادها .. مب ياية تعرض نفسها في المراقص !!

(وروحت الحجرة وهي مفوّلة )

( اما في مستشفى الامل )

• شمايل : يالله يا اميه .. هذا المستشفى وايد عود ...وايد عرب فيه .. حتى رياييل .. اخاف .. (واندست في ذراع امها)

• شمسة : اذكري الله ..اانا حاطتلج في الشنطة مصحف ..

• الممرضة : نحن هني بنستلمها ..

• شمسة : أي شي سوولي تيلفون ..

• الممرضة : ان شاء الله .. (وتوّها الممرضة بتكمل كلامها .. ما حسّت الا بشمايل حاضنة شمسة .. ويوم روحت ) هناء ...حبيبتي .. (وشمايل تصد يمين ويسار مستغربة وينها هنوه ..وعقب اتذكرت انه امها حاطتنها باسم هناء ) اعتبريني ربيعتج وناديني متى تريدين ..

(وطاف جدامهم واحد زين ما جلّع جتف شمايل .. وقامت تتنافض ويلست عالارض )

• الممرضة : هوووه !! هووووه!!! هزاع على وين العزم؟

• هزاع : بسير اسوي مكالمة ..

• الممرضة : خلص الوقت ..

• هزاع : ماشاء الله عضوة يديدة!! مخدرات ولا خبال؟

• الممرضة : هناء لحظة بروح انادي الممرض المناوب عشان يوّديه ..

• هزاع : ليش هذا كله؟ قبل لازم اتصل ..

• الممرضة : طوف جدامي .. اتحمل اتقرب منها لأنها حالتها حالة اغتصاب .. (وهو يمشي على جدام وصاد وراء يطالعها اللي كان ما يبيّن شي غير ويهها بس اتنافض )

• شمايل فخاطرها : ربي سترك !! ربي سترك .. هذيلا اللي فيهم اعواق الدنيا كلها ميوبين هنه؟ الله يستر يمكن يعفدون علية !! انا ادريبهم هذيلا ما يشوفون شي جدامهم ولا يحسّون بالذنب !!

(ويفلت هزاع عمره من الممرضة ويركض صوب شمايل وهي اتطالعه ودموعها نزلن وقلبها يخفق من الزياغ ... ومن وصل عندها نزل على ركبته ومسكها من جتوفها ...وهي داسة راسها على ركبتها)


====================

• هزاع : اعتبريني اخوج .. يوم محد بيسمعج .. انا اللي بسمعج يا شمايل .. انا دوم اكون في الحديقة العصر على الساعة 5 اترياج ..

• الممرضة : هزاع !! مب كأنك زوّدتها؟ شكلها اقامتك بتطوّل !!

(وروّح وياها .. وهي تمت مبهّتة و منصدمة ومن رفعت راسها )

• شمايل فخاطرها : كيف عرف اني شمايل؟ هذا جذاب !! اكيد من ربع هاييلا !!

(وودوها حجرتها .. كانت عبارة عن سريرين ومطلة عالحديقة وفيها سور يعني من سابع المستحيلات الشردة من هالمكان .. يعني اللي مسّواي حق شمايل كنها يالسة في فندق 5 نجوم .. وطاحت عالشبرية .. )

• شمايل : احينه انا وانته بنتجابل وايد .. آآخ يا ولدي .. مادري كيف بتعامل وياك .. اخافني اقصّر فحقك ..

(ودخلت الممرضة )

• الممرضة : لا تخافين بس بنسوي تحاليل !!

• شمايل : لا !! مابا تحاليل !!

• الممرضة : لازم حبيبتي .. عشان الدكتور النفسي يوم بيعطيج الدوا .. ما يكون له آثار يمكن عندج حساسية من شي معين ..

• شمايل داست على كرامتها : ان شاء الله ..

• الممرضة : شكرا .. معظم اللي إيونا المستشفى ما يتجاوبون بس انتي ما شاء الله عليج ..

• شمايل فخاطرها : يالله تستر علية !ولا الفضيحة .. يالله ما تكتشف اني حامل .. بس لازم كرامتي فوق كل شي ولا ميود الهرم ...آآآخ كيف حبه لبسني ...

(اما عند عيسى )

• حسن : عواس؟ قوم . قوم ...

• عيسى : هممم .. والله ما شبعت والله ..

• حسن : فوّتت حصة الرياضة .. احينه بتيك الممرضة ..

• عيسى بطل عينه : يالله !! فاتتني صلاة الفير .. (وقام مال بسرعة بسرعة وتوضأ وصلّى وبعد الصلاة سار يتسبح ويوم طلع ) تعال ما خبرتك حسون ... (وهم يتريقون ) هاكي اليوم سرت بعطي الممرضة بيزات على فزعتها ما رضت .. ممرضات اخر زمن .. ناس يتمنون وهي خجاجة .. ما رضت !!

• حسن ميت من الضحك :انته اتعرف منو هاي؟

• عيسى يرد شعره على ورا : ملكة جمال امريكا ؟

• حسن : ياريت !! هذي بنت واحد مرشح مال الانتخابات .. سيناتور سيناتور !! يعني مليارديرية !!

• عيسى : والخيبة هههههههههههههههه عشان جيه ما بغت البيزات مب من مستواها ..

• حسن : عيل شو اتحرى ؟

• عيسى : بس حليلها خيّرة ..

• حسن : الا تحبك !!

• عيسى منصدم : اتحبني؟

• حسن : اتعرف انه يوم كنت فحالة الادمان مول ما هدتك .. كانت ليلها بنهارها موجودة ..

• عيسى : حليلها غمضتني .. بيض الله ويهها .. صدق انها نشمية ..

• حسن : هههههههههههههههاااااااااااااي عاش نمر بن عدوان !! انزين عواس كم بتعطيني؟

• عيسى : اللي في البوك .. خير؟

• حسن : هههههههه ماباه بوكك !! انا اليوم بسافر بالسلامة .. خخخخخ

• عيسى : يابوك سامحني عجيتك فنشبة ويايه ...

• حسن يضحك: احيدها اميه نشبة في ليوا ...

• عيسى : ههههههههههههههااااااااااي وأبشرك بتسير تسوي هوية ..

(وحسن ميت من الضحك)

• حسن : بسألك شو استوا في الحادث؟

• عيسى : يعني هذا وقته؟

• حسن : انته من يبناك لين حزتها ما طعت ترمس ..

• عيسى : شو اخبرك؟ اخبرك اني انجتلت من الضرب .. بس الحمدلله .. الحمدلله والشكر انه الله نجّاني .. يعني لو واحد مكاني جان مات .. بس بعد الضرب اللي حصلته .. مول ما انسى هالباكستاني اللوث !! اللي خبر علية !! وما حسيت الا شالني وعاجيني في الدبة .. ولا الحقيرة ميووه !! نزلت راسي .. (وعيونه احمرن ..) وودوني مكان ما اذكر وين .. الله يغربله .. وهدّاني هناكي في السيح .. ويوم وصلت عند الرصيف وانا ميت وداير راسي .. كنت حاس بالدوار .. رقدت عالشارع لأنه بعدها شفت واحد هندي يرمسني وهو زايغ .. وشلاني ودليته بيتك ..ما رمت اخليه يردني البيت عن يستوي شي بأميه وخواتي ..

• حسن يبا يغير السالفة: عواس ...؟

• عيسى : خير؟

• حسن : ابا اخطب وحدة من اهلك ..

• عيسى مبتسم : هذي الساعة المباركة.. منو بغيت؟ انته آمر ..

• حسن : ما يامر عليك عدو ..

• عيسى : الهند؟

• حسن : لالالا تبا تستوي المشاكل بيني وبين منوع .. مع احترامي ما اقدر ..

• عيسى : مي؟ بس مي اكبر عنك ..

• حسن : لالالالا الا مي !!

• عيسى : جيه بلاها مي؟ (واتذكر الكلام اللي انقال في التيلفون ) غير عن مي .. المشكلة شمايل حق ميود .. ولا جان يوّزتك الحليوة .. شو رايك ب فطوم؟

• حسن مبجج عيونه : فطوم؟ ايييه عواس؟ اتخبلت؟

• عيسى : ليش اتخبل هاه؟ البنية ما تباني ولا اتطيقني بعيشة الله ..

• حسن : انزين انا ماروم آخذها .. منو بعد؟ في حدباجي؟

• عيسى : همممم هيه هنوه ؟؟ ههههههههههههه هذي البنية شيطانة .. بس حليلها طيبة ..

• حسن : عيل من اتخلص من الدورة والدراسة .. شو رايك اترمس اهلها؟

• عيسى : على خير ان شاء الله .. وبعد بتكون مخلصة الثانوية ..

• حسن : تشبه منو؟

• عيسى : تشبهني هههههههههههههههه وابويه عليك من احينه مستعيل؟

• حسن : انزين طيارتي عالساعة 1 في الليل وانته شكلك تتمايط .. يعني الدكتور وقّع على ورقة الخروج وانته شكلك عايبتنك بنت السيناتور ..

• عيسى : انا ما ااتدش راسي الا قهوة البلاد ..

• حسن : هااه؟ ثرك ما تحب الكوفي الغسالة .؟

• عيسى : لا لله احب القهوة العربية راعية الهيل والزعفران ..

• حسن شاف تيلفون عالارض وشلاه : يا مستهتر !! الشيخ يعطيك موبايله جذيه اتسوي؟

• عيسى : هههههههههه مب قصدي والله اتعرف كنت حلمان اني اكلم فطيم ..

• حسن : عشقك لها ماله حدود ..

• عيسى : قول عشقي لها وقّف يوم استوالي الحادث ..

(وطلع من المستشفى وحط اغراضه ف شقة حسن وساروا يتمشون .. اما في دبي ..)

• مايد : والله يا امايا دار راسي ويوعان ..

• غريبة : ودنا مكان خلنا ناكل ..

• ميثاء : ودنا مكان نتيّدد بيأذن العصر ..

• مايد : خلونا انرد البلاد .. ابويه ترا والله ما يرد متقصد انه ما يرد .. ونحن اندوّر في المنطقة ومحد يعرفهم ..

• ميثاء : الا نحصلهم !!

(ووداهم ياكلون لهم شي )

• غريبة : تصدقين يا اميه؟ يت في راسي فكرة ..

• ميثاء : خير؟

• غريبة : فضول طول عمره ما يستحمل هندوه !! مول ما يقهرها .. لو انا قلت له انا ياية آخذها بيناحس وما بيرضى !! شو رايج يا ميه اذا سألنا ليش يايين .. بنقوله عشان ناخذ راي البنية وانروّح وهو اعطيج ضمان من يحيدنا ظاهرين بيقول شليها وياج ماروم لها ..

• ميثاء : هي والله صدقتي طول عمره ما يدانيها مع انها من لحمه ودمه ..

(اما بعد أذان المغرب .. كان راشد ويا عمه علي وعواد .. ووصلوا عند بيت فاضل وكانوا في الميلس )

• عواد يصاصر راشد : يقول الشاعر ..

(واحمر ويه راشد )

• راشد : انطب مب وقته !!

• عواد : يالله كل هذا حق العروس؟ والسيوفي يصل من اذنيك لو شمته اخافها اتدوّخ.. ثرك متعبن حالها يا رويشد !! هههههههههه

• راشد يدفره بكوعه : بتسكت ولا هههههه

• علي: والله يا بوعيسى .. نحن يايين انخطب بنتك هند ل راشد ولد اخويه ..

• فاضل: والله زارتنا البركة يا بوحمدان ..

(وحد يدق الباب .. فاضل سار يبطل الباب ..)

• مانع: السلام عليكم .. (وكلهم ردوا السلام .. ويلّم عليهم )

• عواد يصاصر راشد : هذا اخوها؟

• راشد : شكله مايد اخوها .. (وكان مانع منصدم .. منو هذيلا ..)

• علي: وبغينا انعرف رايك ..

(اما عند الدكان )

• مايد : بابا؟ في بيت جديد مال ماما زينة مال دانس ؟

• الهندي : انته شنو يقول؟

• مايد: في عرف بيت مال مامازينة؟

• الهندي :إيييه .. هذوه !!

(وكان مجابل الدكان )

• مايد : والخيبة هب بيت .. قصر !!

(ومن وصلوا .. بطلت ميثاء الباب )

• زينة : هوووه هوووه من تريدين؟

• ميثاء: جاب يالله جاب ..إلتعني مكانج وان اتحركتي يا ويلج وسواد ليلج ... (وتصارخ ) ميووه؟ يا هندوه ؟ (ومي طالعة من المطبخ )

• مي : امايا !!

• غريبة : واااايه فديت يومج يا غناتي ... (وتحضنها ) لا خليت من هالويه .

• .ميثاء بججت عيونها : سمعيني يالرقاصة !! أي وحدة حجرة هنود؟

• زينة : م م م م م

• ميثاء تزاعج : رمسي لا بركتن فيج !!

• زينة : مدري (وزايغة )

• مي : اول حجرة عاليسار ..

(وتسير ميثاء فوق وهي مفوّلة وكانت توقعاتها انه هنود بترضخ وتبا مانع .. وبطلت الباب فجأة وزاغت هنود )

• هنود فخاطرها: بسم الله الرحمن الرحيم !!

• ميثاء : هندوه ؟ تبين تاخذين منوع ولا رشود؟

(وهذيجي تهز راسها مب عارفة شو السالفة )

• هنود فخاطرها : شو قصدها؟

• ميثاء : يالله دهديه قولي !! مانع ولا راشد ؟ .. ولا اقولج؟ قومي ... قومي يالله !! لبسي وجايتج !!

• هنود فخاطرها : امييييه بلاها يدوه زيغتني !! (وميثاء ساحبة هنود لين تحت )

• غريبة : وااايه هنود !!!

• هنود فخاطرها : امييييه !! (وعيونها كله دموع ..)

• ميثاء : إييييه الهزازة وين الميلس؟ (واتأشر زينة )

• مي : شو مستوي اميه؟

(ويسيرون الميلس ويدقون الباب ويفتح فاضل )

• فاضل : شو تسوين هنه؟

(ميثاء تدفره بعيد )

• ميثاء : قوم عني يالنيس .. سلامن عليكم يا عرب زايد سامحوني قاطعتكم .. (وهنود منخشة ورا ميثاء ونازلة لين مستوى جتفها وكلهم وقفوا وردوا السلام بس مستغربين .. ) بس انا يدة هند ومابغي اغشكم مثلما سوا ابوها .. قصده يايبنكم هنه يبا يشوف منو الدفّيع اكثر ..

• فاضل احمر ويهه : عيب يا ميثوه !!

• ميثاء : انته اتعرف العيب ؟ هاه؟ مسّود الويه !!

• راشد فخاطره : يغشنا؟

• ميثاء : تراه هو يحاتي البيزة .. وانتوا يايين اتخطبون صح يا راشد .. ويا مانع؟

(صدوا الشباب على بعض وهنود بعد )

• هنود فخاطرها : وابويييه شو اللي صاير !! منوع ورشود؟؟

• ميثاء : هذي البنت جدامكم (وصدت ورا ) اشوفك ما رمست يا فضول؟

• فاضل : تجذبين جدام العرب؟

(وهنود اتمسّل ايدها تبا تشرد )

• ميثاء تهزبها : تمي مكانج ولا اتحركين ..بس ابا اراويكم .. منو اللي يجذب ومنو اللي صادق .. (وتسحب هنود جدام عشان تي حذالها وهذيجي منزلة راسها) طوفي جدامي الحينه .. كلهم شهود .. منو بغيتي؟ مانع ولا راشد؟

• علي: جانه غصب ما نريد يا اختيه ..

• ميثاء : هب غصب بس خله تختار عشان ما تقول ظلمناها او غصبناها .. وعشان ما يظلمها ابوها !!

• مانع فخاطره : اكيد تباني .. الله يستر ما تسوي حركة خساس وتاخذ رشود ..

• راشد يطالعها وفخاطره : ليتني ما حطيتج فهالموقف ولا شفت دمعتج

• ميثاء : ترا جدامكم البنت تراها ما تتكلم .. منو بغيتي؟ (وردت تبا تشرد وكانت تصيح ومغطية ويهها ومستحية .. يالله يا فضيحتها )

• هنود فخاطرها : ماباه يطالعني وانا اصيح !!

• ميثاء بحزم : ردي اقولج !! (وكانن ورا الباب يتسمعن غريبة ومي ) يالله اشوف أشري !! (واتدزها على جدام وكانت تتنافض وهم على اعصابهم ومنصدمين من اللي صاير .. ورفعت ايدها وأشّرت عليه واحمر ويهها زيادة وسيده على طول وقفت ورا ميثاء)


====================



• عواد وراشد يطالعون بعض : ههههههههههههههاااااااااااااااااااااااي ..

(لأنه هنود أشّرت على العم علي .. اللي كان منصدم وضحك .. وكانت تبا تسويلهم جو ولا هالجو المشحون )

• علي: انا؟ ههههههههههههههههههههههههه

• ميثاء : حسبي الله عليج !! فضحتينا !! غربلج الله ...

(وهنود تضحك عالهزاز .. ومانع ملامحه جدية )

• علي: خالوه تفضلي يلسي ولا تحرقين اعصابج .. ترا بنتج سوّت لنا جو لأنه شوي مشحون .. اتفضلي اتفضلي ..

(ويلست مجابلتنهم وحذالها هند اللي كانت على ريولها وفخاطرها ترفعهم واتطالع حبيب القلب رشود ..)


• ميثاء : زاد فضلك يابويه .. سامحنا والله بس هذي ذمة .. (واتطالع فاضل اللي منصدم اللي لا يهش ولا ينش .. وخصوصا جدام ميثاء ) البنية حرام يتسوى فيها هالشي .. وانا ماباها تنظلم على إيد ابوها وخصوصا انه البيزة حارقتنه .. (وحزتها احمر ويه فضّول .. وهنود متيّودة فإيد ميثاء .. وميثاء اتحاول تفلت إيد هنود عشان تتكلم على راحتها )

• هنود فخاطرها : يالله .. سبحان الله .. احينه مانع يركض ورايه؟ بعد كل المشاكل؟ لا وراشد اللي سبيته هاكي اليوم وظلمته .. راشد ...آآآخ منك ..

• ميثاء صدت صوبها : بس يا هنود .. هديني خليني اتكلم .. الله يهديج ..

(وراشد يبتسم وفيه ضحكة .. وعواد حليله ضحك بس عالهزاز .. وهي تتكلم )

• مانع فخاطره : سبحان اللي خلقج يا ام عيون رصاصية .. والله لو يطلبون مهرج اللي يبونه يفداج ..

• ميثاء : شو رايج يا هنيد؟ منو بغيتي؟ (و يت اللحظة الحاسمة واتأشر عليه )

• هنود فخاطرها : ابا راشد .. اباه .. كيف ماباه وانا عاشقتنه .. (وطلعت وهي منحرجة ..)

• راشد فخاطره : واااااااااااااااايه يعلني افدااااج وافدا هالصبع اللي أشر علية !!!

• عواد : بالبركة .. بالبركة يا راشد ..

(مانع قام من مكانه وهو مفوّل الا منصدم وطلع .. )

• مانع: انا؟ انا ترفضني ؟ لويش؟ كله عشان ما خذتها؟ وخذت ربيعتها؟ يعلج ما تتهنين مثل ما حطمتي قلبي يا هنود !!

(وعلي يسلم على فاضل وحتى الشباب ..)

• ميثاء : عاد شرطنا ..

• علي: اللي تريدونه نحن حاضرين ..

• ميثاء اتطالع فاضل : نبا اغلى مهر .. (وفاضل سيده ابتسم ) وهو انكم تدفعون للمليج 50 درهم وعن الملجة ويقرا آية الكرسي .. وهذا هو المهر .. وان طلب ابوها شي ثاني تراني بلغي الزواج ..وأسويها يا فضّول ..

(فضول منصدم ويلس مكانه )

• راشد ميت من الفرحة : جان تبين خالوه بقرا لج الآية الحينه جان بغيتي تراني حافظنها ...

• ميثاء تضحك : حسبي الله على منكرك مستعيل عالملجة؟ ههههههههههه شو رايك يابويه؟

• علي: هذا العرس العدل .. والزهبة علينا .. متى تبونا نملج؟

• ميثاء : انتوا متى تبون؟

• علي: الاسبوع الياي .. (وراشد ينغز علي )

• راشد : خله عقب يومين ... (وعلي متعجب منه )

• ميثاء : على خير ان شاء الله .. عاد يا راشد لا تقول من نملج ملجة الرياييل بشوفها وبتم وياها.. خمس دقايق وبتطلع تسمعني؟ يوم عزيمة الحريم بتشوفها ..

(وانقطعت آمال راشد اللي كان متحمس )

• عواد: يقولكم الشاعر ..

• ميثاء : شو يقول يابويه؟

• عواد: يقولكم بالبركة عليكم ويعله مبارك وسعيد ..اوووب قصدي راشد..

• ميثاء : علينا وعليك يابويه عقبال ما نشوفك معرس

• عواد :هههههههههه خالتيّه انا معرس وتحتي ذرذور عيال هههههههههه

• علي: على بركة الله..

(ويسمعون داخل )

• غريبة : كللللويييييييييييييييييييييييييييييييييييش ..وااايه بالبركة .. (وتحضن هنود ) يالله يا فرحتي اليوم..

• مي : بالبركة يا عيوني ..

(واتسلم عليهم )

• هنود فخاطرها : الله يبارك فيكم ..اخجلتوني .. يالله يا رشود انته من نصيبي يا عيوني ..ههههه

• غريبة : يعلج يا ميوه يا بنتي يا خبز إيدي بريل شيخ او تاجر ..

• مي تضحك : فديتج يا امايا ..

• غريبة : تصدقين يا ميوه انه ميود متوله عليج؟

(مي تضحك )

• مي : آنيي؟ من متى يا حظي؟

• غريبة : والله .. يقول قبل اشوفها وألعوزهاوتيلس تصارخ .. وأحينه البيت مب شي بدونها ..

• مي : وااايه فديته .. (ويتها الصيحة ) وينه هو؟

• غريبة : في الموتر .. ما طاع ينزل ..
(وتركض برع .. وتبطل الباب ..)

• مي : ميود !! (وتحضنه وهو منصدم ) تولهت عليك يا بوطبر !! (وتضربه على راسه )

• مايد : هههههههه آآي انتي ام طبر طالعه على اخوج .. متى بتردين؟

• مي : اممممممممممم يوم بيبيض الديج ..

• مايد : وبعده ما باض ؟

• مي : اصلا محد متوله عليّة ليش ارد.؟

• مايد : ميووه جاب يالله جاب هذا كله .. ومحد متوله عليج يالبطرانة؟


وباجر بنخبركم اذا سارت شمايل عالموعد ولا لأ..

هل بتلتقي ميود او هزاع ..


====================

• ميثاء : انزين عيل بنترخص .. واسمعني عدل يا فضول .. جان تباني أستر على فعايلك جدام الهزازة .. اتتمم عرس بنتك على خير .. وزهاب البنت علية لا تخاف عالبيزة ..

(وزينة توايج من المطبخ ..)

• فاضل: وليش بخاف عالبيزة دامني بايع البنية وبفتك منها..

• ميثاء اشتطت : غروب !! يالله طوفي ..

• مي: على وين؟

(وهنود متعلقة فأمها )

• غريبة بحزم : تموا عند ابوكم ..

(وفاضل منصدم )

• فاضل : اكملت !! وانتي ما تبين تربينهن؟

• غريبة : شعلية انا؟ بناتك انته أولابهن !! تراك انته اللي خذتهن.. (وغريبة تصاصر هنود ) لعوزيه هو وحرمته صدقيني بيّردكم عندنا ..

(وهنود منصدمة من كلام امها )

• مي : اميه ما تبينا؟

• غريبة : اباكم .. بس يوم بتكرون لي خشم ابوكم .. تذكرين يا مي؟ تتذكر يا فضّول؟

(فاضل صد الجهة الثانية )

• فاضل : يالله اتوكلوا بدون مطرود ..

• ميثاء : لا تخاف الاسبوع الياي بني .. اووووووووووه .. قصدي بنطرش لكم البيزات ويا ميود عشان تجهزونها .. ياله غروب ..

(وروحن بس كانن في الموتر منكسرات .. لأنهن اتوقعن انه فاضل بيمشي البنات وياهم ..)

• غريبة : امايا شفتي ويه ميووه ؟ والله انها غمضتني ...

• ميثاء : الله يستر من الهزازة وملاعيبها ..

• غريبة : وابوييه ... اخاف اتسوي شي فبناتي ..

• ميثاء : اذكري الله .. انتي ما حفّظتي هندوه؟ اكيد بتنفذه دامنه السالفة فيها شطانة !! يا امايا ما شفتيها اليوم فشلتنا جدام العرب ..

• غريبة : جيه شو سوّت؟

• ميثاء : انا اقول لها أشري منو بغيتي .. والهرمة أشرت على عمه !!

• مايد : هههههههههههاااااااااااااااي .. مسوّدة الويه !!

• غريبة : هههههه حسبي الله على منكرها من بنت !!

• مايد : امايا ..

• غريبة : ها يابويه ..

• مايد : سوي حق خالوه شموس ..

• ميثاء تنهد عليه : سوّد ويه ابوك يالهرم !! (وتضربه على راسه ) بوطبر تبا تاخذ شملوه عشان بيزاتها !! هذا اللي ربيناك عليه ؟

• مايد : انا؟ امايا انا اللي قلته حق ابويه بس كلام عشان يسكت .. ولا انا رايد شمايل ..

• ميثاء : جذوب اسميك انك جذوب .

• مايد : ب شو احلف لج يا امايا ..

• غريبة : لا تحلف ولا شي .. تبا البنية؟ إلحقها ودوّرها نحن ما يخصنا ..

• مايد يتوّعد : صدقوني ان حصلتها باخذها غصب (ن) عن الكل ..

• ميثاء : بوطبر !! لا تهمل شغلك !! بيفنشونك !! ومحد بيّدور لك ..

• مايد: يلتعن الشغل .. اهم شي غناتي ما تبتعد عن نظري .. كانت تدوم جدامي حتى لو أهزبها بس اهم شي اني كنت اشوفها دوم .. حتى يوم كانت تركب ع الدري وتعفد من بيتهم لبيتكم يا امايا .. نظري موول ما يخوز عنها ..

(اما عند هزاع )

• هزاع : ليش ما يت؟ حليلها ما اتوقعت انه اخت هنوه يفرونها في النفسية .. الله يعينها ويصبرها .. لازم هنوه اتكون بدالها مسوّدة الويه .. انا لازم أساعدها ..

(وشمسة من وصلت ليوا سيده سارت بيتها ودخلت حجرتها تصيح حتى ما سألت عن هناء .. اول شي دوم بناتها جدام عينها .. كيف بتتعود على فراق شمايل اللي مالية البيت كانت بضحكتها وحتى هدوءها .. اما عند فاضل وزينة في الحجرة )

• زينة : حسبي الله عليها من عيوز مخرفة !! تطلب مهر انه يقرون آية ؟ لا صارت ولا استوت !! لعنبوا شنو هذا العقل !! لا وانا سامعة انه عريس مريّش وعنده بدال المليون ملاييين ..

• فاضل : الله ياخذها من عيوز محيصنة !! غصصت بي .. قهرتني !! لكن انا براويها خله الملجة اتعدي وانا ببهدل فبنتها اللي رافعة راسها بها .. دوم هنود وهنود ولا جنه عندهم بنت ثانية ..

• زينة : واعلية عليج يا بنيتي اكيد مشغلينج خدامة عندهم ..

• فاضل : ما شفتيهم كيف يحتقرونها ويسبونها كل يوم وخصوصا غرّوب .. ومانعتنها من الشغل وحتى الظهرة .. حتى الثياب اتلبسها ثياب هنود المستعملة ..

• زينة : آآآويلي .. آآآويلي عليج يا بنيتي .. وانته ساكت ما تقول شي؟

• فاضل : انا تراني ما رمت عليها ويوم طفح الكيل تراني طلقتها وسحبت هندوه بس عشان اكسر قلبها التعبان هذا !!

• زينة: اشوف فيج يوم اسود يا غرّوب .. يعلج ما تتهنين فحياتج كلها ..

• فاضل : زينة ما خبرتيني سرتي المحطة تسالين عن اوراق ميوه؟

• زينة: إيييه رحت قبل ما تجون .. والصراحة ما كانوا موافقين لأنها ما فيها مقاييس جمال ..

• فاضل : وبعدين.؟

• زينة: الواسطة ما تقول لأ !! ههههههههه كلمت واحد يشتغل في المحطة ... بس على امل انها تستغني عن العباة والشيلة.. أصلا شنو هالعبايا .. انا ما ألبس أخلي بنتي تلبس؟

• فاضل : إييييه زينة !! مجتمعنا ما يرضى .. عيب اصلا ..

• زينة : والله انته ومجتمعك طقوا روسكم .. انا هذي بنتي انتوا شكوا؟

• فاضل : يصير خير ..اللي تبينه بيصير .. بس هنود مالج خص فيها .. ما فينا انا روحي ابا الفكة منها ما فية اتطيح فجبدي ويشرد عنها المعرس ..

• زينة: باجر راح نروح السوق نشتري اغراض الملجة .. وبنسوي تغيير لوك حق بنيتي وبنتك لوجه الله عشان ما يقولون زينة النسرة ما سوّت شي وما فيها خير يا عيوني ..

• فاضل : انتي اصلا الخير كله .. انزين ما خبرتيني متى بتحولين لي البيزات عشان امشي عمري في المشروع .؟؟

• زينة : آآني راح افكر وأرد عليك .. انته اتعرف انها فلوس مش لعبة يا عيون زينة ..

(حزتها سكت وميت من الغصة لأنه الغصة يته من صوبين زينة وميثاء خخخخخخ دواه ..وعند البنات )

• مي : حظج يا عيوني .. لا وبعد يايينج اثنينه .. عمري ما شفت خطبة جذيه ..

• هنود تكتب : عقبالج يالسبالة ..

• مي : على قولة ماماتي ب شيخ او تاجر ..

• هنود تكتب : تحلمين انتي واميه ...وااااااااااااااااااايد !!

(مي تضربها على راسها )

• مي : جاب جاب عيل شو ناقصني آني؟

• هنود تكتب : شوية طول !! شوية توسيع لعينج .. شوية تصغير لبراطمج.. شوية تقصير لسانج .. ويقصرون بعد على حسّج يوم تصارخين .. (وتضحك هنود )

• مي : جليلة الحيا !! اصلا اتمنين تستوين مثلي يالقمة !!

• هنود تكتب : خلّج انتي يا اخت القمة .. قصدي يا راعية اليولة ..

(طاحت هنود وحطت الموسدة على ويهها اتغطي مستحاها .. من غير تخفي ويهها البشوش ..)

• هنود فخاطرها : آآآخ .. ويل حالي عليك .. معقولة احبك؟ معقولة اباك؟ معقولة ضحكتك عذاب؟ انا غبية بعد !! لو رفعت نظري شوية شو بيستوي يعني؟ محد بيلاحظ!! اصلا لو رفعت نظري جان اميه ميثاء جدّت عيني بصبعها .. خخخخ .. أوووف .. أويييه منو كان اللي ويا رشودي؟يمكن حمد او فهد .. او راشد .. او عواد فديته !! هههههههه رشودي بيغار !! (وتحمست اكثر ) ياربي اتخبلت !! هههههههه وحليلها الجود ملّقطة الجمال من صوب ابوها .. وطلع العم علي صدق ما فيه حيلة جنه واحد من الشباب .. لا خليت منه .. ومنوع !! دواه يستاهل الهرم .. انا اللي احترق قلبي وخلاني اصيح صياح عليه .. وذلّني لا وفي الكوشة يقولي مشكورة !! خله الشكر ينفعك انته وحرمتك النسرة .. والله مصخرة !! معرس ويباني بعد !! خلاص فات الفوت !! رشودي متربع فقلبي الحينه ومحد بيروم يشله من قلبي .. ياخي ليش احس انه مرات فمواقف يكون بارد ومرات يعصب ويشتط .. ومعقولة بعد ما ماتت اللي كان بياخذها يفكر يعرس ..؟ طبعا يحق له من غير انا شو ناقصني؟ لو يدوّر ف ليوا محد احلى عني .. مب شكلي زودتها .. بس شو اسوي عشقته ..

(وعند راشد )

• فهد : اخخخخخخخخخخخخخخخخ (ما يضحك بس كان يناخر لأنه راقد )

• راشد علي : ياخي صّخ خله يرمس..

• فهد : هاه؟ (نش منتبه على مغفي ) ياخي تعبان خلني ارقد !!

(عواد داش عليهم وحاط على جتفه ولده زايد اللي عمره 5 سنين )

• حمد : خاف الله فيه !! طالع عيونه مب رايم يبطلهن !!

• عواد: يقول الشاعر !! (ويأشر على راشد ) يا هنود بس الله يهديج !!

• راشد : اتعّلق على حرمتيه؟ ماعليه ماعليه خلها توصل اول !!

• عواد : ياخي هههههههههههه يدتها فنتكة !!

• حمد: جيه ؟ خبرونا شو استوا؟ اذا عندها اخت احجزوا لي اياه دخيلكم ابا اعرس !!

• عواد :هههههههههههههههههههههههااااي !! انطم يالدياية !! دخلوا العروس وقالوا اختاري المعرس .. ونحن نتحرى اللي حذالنا اخوها !!! ههههههههه طلع ياي يخطب نفس البنية هههههههههههااااي ..

• حمد وراشد وسهيل: اووووب !! اووووب !!عواد : اكمل ولا لأ بو سنيدة؟ (راشد يأشر له يكمل ) والعيوز مشتطة .. يوم قالت لها أشري اتوقعون على منو أشرت؟

• حمد وراشد : على منو؟

• سهيل : عليك !!

• عواد يرفع راسه : زيود !! عنلات صير ابوك !!خيّست راسي كله روان !! حسبي الله على ابليسك !! (حليله كان ينود على راس عواد .. ونزله على ثبانه ورقد ..) هههههههههه ادري نذل ما بقول .. اتوقعون منو؟

• حمد: يعني حد غير رشود؟

• عواد :ههههههههه لا !! على ابوكم !! (وعواد ورشود نقعوا من الضحك لأنهم اتذكروا الموقف )

• راشد : انا والله كنت على اعصابي ابا اعرف شو ردها بس والله لو تشوفون ويه عمي علي بجج عيونه والعيوز أخسّين ههههههههههههههههههههااااااااااااي !!

• عواد : ابويه اونه يقول انا؟ يباها من الله هو !! ماعليه ان ما خبرت عليه وفاية !!! بس حليلها البنية ياها غربال من العيوز من الخاطر .. شرات عيوزنا ما تقصر !!الله يعين اذا توالفن !!

• راشد : بس عاد عيبتك السالفة؟ احينه بتنش يدوه بتقول حد يطريني !!

(وكانوا يتكلمون عن الخطبة بس راشد كان بعيد عنهم )

• راشد فخاطره : خطبتج يالمغرورة !! وبتصيرين من نصيبي .. ما اتوقعت اني احب بعد ميرة !! او حتى يتعلق قلبي الشغوف بج يا هنودتي ..لدرجة انه صورتج مب طايعة تنمسح في بالي .. حتى يوم عصبتي هاكي اليوم نظرة الاندهاش حسيت بها .. ليتني ما فلّتت ذراعج ..

(اما عند غريبة تسمع حد يدق الباب ..)

• غريبة : ويدي بسم الله الرحمن الرحيم !! منو يدق هالحزة؟ صدت يمين وحصلت رويشد راقد .. (وقامت وفتحت الباب ) ويدي؟ ميود؟ بلاك يا بويه؟

• مايد : الصراحة ابا ارقد عندج مب يايني الرقاد ..

• غريبة : وابوييييه؟ جيه انته ياهل؟

• مايد : امايا .. قولي اللي تقولينه تراني ولدج الصغير !! قبل عواس كان ويايه في الحجرة هو ونيسي ويوم راح كنت أسمع دبيج خواتي وضرايبهن .. احينه موول صخة ما اسمع الا حسّج وحس رشود .. (وميود جنه ياهل )

• غريبة : تعال انزين تعال .. (وكان شعره مكشش بس حلوعليه وهو داخل وساحب موسدته وياه ) هههه معلوم معلوم لازم هالموسدة !! بترقد عالارض ما عنثري تنجلب على رشود تسمعني؟

• مايد : شمعنى رشود من انوّلد لين الحينه وهو يرقد عندج؟ وانا مسترخصة فية هالرقدة؟ ابا حنان !!

• غريبة تضربه على راسه : بوطبر !! انته عاد محد مبزّي (= مدلع ) شراتك!! انته لين كملت 15 سنة ترقد عندي !! ورويشد حليله ما تهنّى !!

• مايد : بتذليني عال 15 سنة اللي رقدتهن عندج؟ ماباهن كلهن ضرايب وحشرة ويا ابويه!! احينه ابويه محد !! (ويمارج ) يعني الحنان عندج فول اوبشون ههههههههههههه ابا سيريلاك !! (وردت ضربته على راسه )

• غريبة : انته ما اتوب؟ يالله ارقد !! عنلات صير ابوك !!

• مايد : ان شاء الله بس قوليلي قصة قبل ما ارقد .. (وجهزت له الدوشق وهي تتحرطم عليه لأنه يلعوزها ويضحك .. ويلست وحط راسه على ثبانها وهي تمسح على راسه )

• غريبة : أي اوامر ثانية؟

• مايد : ارحم الله والديج جان بتيبين لي سيريلاك مال رشود وخاشوقة !!

(ويته ضربة ثالثة ع راسه )

• غريبة : بوطبر حشّم !!

• مايد : آآي !! خبقتي لي راسي !! ادريبج حاطة عينج على راسي !! اذكري الله عن يطيح شعري !! ولو سمحتي تمسحينمن قاموسج اسم بو طبر اسمي مايد.. ميادي .. جذي الدلع !!

• غريبة : لا حول ولا قوة الا بالله .. الله يعين حرمتك .. (وهو يضحك )

• مايد : حرمتي؟ باجر بسير ادوّر عليها .. صدقيني لو هي فآخر العالم بييبها ..

• غريبة : اتحبها ميود؟

• مايد : شوما احبها؟ الا احبها واحبها واحبج يا اماه !!

• غريبة : هههههههه حسبي الله على مذهبك !! مادري من وين تيب هالمغازل منو يعلمك؟

• مايد : انا مدرسة وروحي أدرّس .. تبين؟ بعلمج !! انف عيب امايا !!! الحريم ما يغازلن !! (وغريبة تضحك ) ضحكي يا امايا ضحكي .. بسنا من اللي شفناه من ابويه وظلمه !!

• غريبة: هي والله في هذي صدقت .. بس انا اللي ماحناتني خواتك ..

(اما عند شمايل )

• شمايل : مستحيل اتقرب من ريال .. مستحيل !! (وكانت الليتات مبندة .. واتطالع تحت الباب في حد يمشي كان قلبها يدق ) يالله ارحمني برحمتك ..ياالله .. (وعلى الساعة 1 ..تصرخ ) آآآآآآآآآآآآي إلحقوا علية !!آآآآي !!! بيعفدون علية !! لا تتقرب دخيل الله .. بعطيك اللي تباه !! في عندي بيزات والله !! آآآآآآآآآآآىي !! (وتدخل الممرضة ..عطوها ابرة تهديها .. وعلى الساعة 3 نشت على نفس الصريخ .. وبعد الساعة 6 الصبح نفس الصرخة

....اما اليوم الثاني نشن الصبح وتلبسن ويوم هم على طاولة الفطور )

• زينة : سمعيني عدل يا مي .. وحطي كلامي حلقة فأذنج !! حصلنا لجيا عيوني وظيفة وهي انج تكوني مذيعة .. بس شرطهم ..

• مي : شووه؟ مذيعة؟ شو شرطهم؟

• زينة : انج ما تلبسي عباة وشيلة ..

(مي وهنود يطالعون بعض )

• مي : تبيني انغسل من الضرب؟

• زينة : ليش يا عيوني؟ انتي ما مسوية شي غلط !! كاني آني ما ألبس شي صار؟

• مي : انتي غير وانا غير !!

• زينة : غير ف شنو؟ انا امج اللي يابتج !!

• مي : تبين ابويه يسطعني طراقات .؟؟ والله لو يدري ميود جان ذبحني !!

• زينة : شوفي اليوم سماح (واستقوت زيادة ) لكن مرة ثانية يوم بحجي شي يتنفذ .. ما ريد أي حجج .. هذا مستقبلج اللي ضيعتيه من قبل !! قوموا روحوا بدلوا بنروح السوق نشتري ل هنود اغراض الملجة !!

(وهنود منصدمة انه العراقية بتدفع .. واما في المستشفى )

• الممرضة : هناء حبيبتي قومي .. عندج موعد ويا الدكتور النفسي ..

• شمايل : ان شاء الله.. ان شاء الله .. (وبدلت ملابسها ويوم دخلت المكتب ) لالالالا طلعوني !! ما اقدر طلعوني !!

• الدكتور زايغ : خير خير شو صار؟

• شمايل تصيح وتصارخ بهستيرية : اقولك لا تتقرب .. دخيلك تراني ما استحمل .. حرام عليك .. حرام عليج يالدنيا تسوين فية جذييه .. بعيد !! بعيد قلت لك !!

• الدكتور : خلاص ..خلاص .. اللي تريدينه .. ممرضة منال؟

• الممرضة : نعم دكتور ؟

• الدكتور : حوليها للدكتورة سعاد حالا .. قوليلها حالة طارئة ..

(ويوم حولوها بعد ربع ساعة دخلت )

• الدكتورة : هناء؟ خبريني عن حياتج؟

• شمايل : عن شو اخبرج؟ ما عندي شي اقوله..

• الدكتورة : أي شي .. طفولتج .. مراهقتج مع انج مبيّن عليج فمراهقتج !!

• شمايل تصرخ فويهها: احينه انا مراهقة؟ امايا انا حرمة لكن حقيرة !! اتعرفين شو حقيرة؟ ضيّعت شرفي !! بس ما كان بإيدي.. غصب (ن) عني .. لو سمحتي ابا اروّح حجرتي انا تعبانة ..

• الدكتورة : اسمحي لي يا هناء .. بس باجر بتكلم وياج لأني احس انج مرهقة ..بوصف لج بروزاك بيهديج بس تاخذينه الصبح .. و تاخذينه 3 حبات عشان يريحج ..

• شمايل : مشكورة دكتورة

• الدكتورة : وعد اتكلميني باجر؟

• شمايل : ان شاء الله .. اللي تامرين به ..

(طلعت وهي تنتفض .. زايغة .. شو بتكون ردة فعل الدكتورة ..اكيد بتخبر الدكاترة اللي وياها عنها وعن حالتها الميئوس منها .. اما في السوق ..)

• مي : يالله ياربي يا ريولي .. هنود؟ انتي ما يعيبج العجب؟ انتي ما تبين فستان مثل الخلق؟

• هنود تكتب : مادري ما دش شي مخي ..

• زينة: هنودة ؟ عيوني؟ اكتبي لنا ..إيش تريدين ..

• هنود تكتب : مادري بس انا يالسة اطالع ..

• زينة : شو رايج في الاحمر؟

• هنود تكتب : مادري لونه مب شي ..

• زينة تتمصخر: ماباجي غير الثوب شو رايج بعد؟

• هنود تغيرت ملامحها وتكتب : صدقتي !!! وانا هذا اللي اباه !!

• زينة : صدج؟

• هنود تكتب: هيه والله فخاطري بموووت ان ما سويته !!

• زينة : حبيبتي .. ما في خياط بيسويلج اياه .. ويبيله وقت على الاقل شهر ..

• هنود تكتب : ما يخصني ..

(وساروا دوّروا ..وماشي فايدة كله يحوّشونهم لأنه محد راضي يسويلهم ..)

• مي : بسوي حق الجود عادي؟

• هنود تكتب : فشيلة شو نقول لها؟

• مي : نباها تساعدنا ... اذا هي في دبي بنمر عليها او هي تمر علينا .. (وتتصل مرتين .. وخلاف ترد) سلام عليكم

• الجود : عليكم السلام ورحمة الله وبركاته

• مي : شحالج الجود؟

• الجود : بخير الحمدلله .. منو ويايه؟

• مي: اافا يا عيوني ..

• الجود: ميوووووووووووووووووووووه !! فديتج شحالج؟

• مي: بخير الله وشحال النسيب؟

• الجود: ههههههه والله ما يندرى به البارحة اسمعه يهذرب ويا الشباب وطارين الدنيا من الضحك..

• مي : عاد طلبناج .. نحن ما ندل دبي ابدا ..

• الجود : انزين تبيني ايي؟

• مي: اذا تقدرين .. هنود طلبتها عسرة تبي ثوب !!

• الجود : ههههههههههههههه ثوب؟ حق الملجة؟ احيد فستان يلبسون ..

• مي: مزاج غربله الله من مزاج !! (واتطالعها هنود وتضربها على راسها ) آآي ههههههههههه

• الجود : انزين ماعليه برمس يدوتي واميه نداية ..وان شاء الله بني نطالع العروس وطلباتها ..

• مي: اوكي يا عيوني ... يالله عيل اترخص متنا حر ..

• زينة: شنو قالت؟

• مي: قالت بيمرون اليوم اذا الله راد هيي وامها ويدتها ..

(اما عالعصر الساعة 4 بعد ما صلّت شمايل ..طلعت وتتمشى ويا الممرضة اللي تكلمها بس هي مسوية طاف .. اتفكر ف ميود ..)

• الممرضة منال : وهذي حديقتنا .. (وكانت شمايل تتلفت .. اتطالع ناس كل وايد وخصوصا شباب يتعالجون عن المخدرات .. واللي مرضى نفسيا .. بس ما حصلت ولا بنية .. كله رياييل..)

• شمايل: وديني داخل ما روم !! اخاف حد يعفد علية !! (وتنتفض )

• الممرضة : هناء حبيبتي .. شوفي كل واحد وياه ممرضة اتطالعه وتراقبه .. يعني ما عليج خوف ..ما خبرتيني انتي شو تحبين تسوين ؟

• شمايل: مادري ..

• الممرضة : انا عن نفسي .. عندي بنية ودوم ايلس وياها ألوّن ..

• شمايل: تلوّنين؟

• الممرضة : هي ألّون ليش هذا شي عيب؟

• شمايل: مادري ..

• الممرضة : شورايج اييب لج ألوان وكتاب للتلوين؟

(شمايل تهز راسها انها موافقة ..وتمت واقفة عند شجرة عودة اتطالعها .. وحسّت ب فراغ ..ويلست ومتساندة عليها .. ما لاحظت انه في واحد متعلق ع الشجرة يطالعها ..)

• شمايل: آآخ منك يا ميود كيف ملكتني؟

• الممرضة : اتفضلي .. هذي الألوان والكتاب.. ترا صفحتين بنتي مريم ملوّنتنهن .. يالله انا بطالعج من بعيد ..

• شمايل: انزين .. (وبطلت الكتاب وروحت الممرضة .. وهي تتصدد يمين ويسار اتخاف حد يتقرب منها .. ولقّت انه الدار أمان ) فديييتها ياربي ..شكلها صغيرونة ... (وبطلت الصفحة مرسوم عليها تويتي ويالسة اتلوّن وهي مستمتعة وبعد ربع ساعة وهزاع طول الوقت يطالعها وهو مستمتع )

• وداد: هااااه الحامل؟ بعدج عن اتربين؟

• شمايل رافعة راسها اتطالع منو اللي يدري عنها : انتي؟

• وداد : هيه انا .. يقولون انج حامل؟ ييت ابارك لج هههههههههههههههه حرام يفوتني هالشي ..

• شمايل: انتي شو تبين مني؟ مب كفاية الفضيحة اللي سويتيها في المستشفى؟

• وداد: الطراق اللي عطيتين اياه عمري ما بسامحج عليه .. وصدقيني يوم عن يوم بتندمين على اللي بسويه فيج بعده ما ياج شي ..

• شمايل: خافي الله يا وداد ..


• وداد: انا مب ياية عشانج بس عشان اقولج (وحاطة ايدها على بطنها ) تدرين اني حامل؟ لا وبعد ابشرج انه ميود ..

• شمايل: ابوه؟

• وداد: هههههههههههههههه لا مب ابوه .. بس حبيت اقولج اني رديت ل ميود .. ويكلمني ونتقابل بعد

• شمايل منصدمة : شو تقولين؟

• وداد: شو اتحرين؟ فديتج ... رد .. وعلى فكرة اعترف انه يحبني ويباني .. وبياخذني من اتطلق من منوع

• شمايل: تصيح : انزين ليش ياية اتخبريني؟

• وداد: بس جذييه .. عشان هو بيدوّرج واذا حصلج بيقول والله انا ابا اخذ شملوه عشان بيزاتها ..

(قامت شمايل وهي منفعلة وتمسكها من شعرها )

• شمايل: انتي يالخايسة !! ياللوث !!! انا اللي براويج يالجلبة !! (وتطيح وداد عالارض وتصارخ .. تستنجد ) خله ايي ياخذج الحينه يالجلبة !! (وتصفعها .. ) يعلج بعوق (ن ) ما تقومين به !!


(الجزء 45 )

• الممرضة مندفعة صوبهم وتمسك شمايل : لا يا هناء لا هناء !!

• وداد: آآخ الله ياخذج طلعتي الدم !! آآآي !! (وكانت مشرمختنها على خدها )

• شمايل: الله ياخذج وياخذ ميود فوقج !! يالخياس !!! (وبعد ألف يا ويلاه ودوها الحجرة .. وزادت عصبيتها .. وقامت تكسر كل شي ..) يعلكم العدم ان شاء الله .. ما عندكم قلب !! مبهدليني فحياتي يالجلاب !!

(وداد وصلت البيت على الساعة 2 )

• ام مانع: وداد؟ بلاه ويهج؟

• وداد منهدة عليها :جاب !! ما يخصج !!

(وبطلت باب الحجرة )

• مانع منسدح عالفراش : انتي وين سرتي؟

• وداد: وانته ليش ما ماداومت؟

• مانع: تعبان راسي يعورني .. (ويوم دقق في ويهها ) شو ها؟ بلاه ويهج؟ منو مشرمخ خدج؟

• وداد: هاي قطوة عنودوه اختك .. الله ياخذها تسببت عليّة !!

(وعدّت السالفة على خير .. وعند عيسى )

• عيسى : باجر بنبدا دوام .. وبلتهي عن الكل .. حتى عن اميه .. (ويقرا الشروط .. انه ممنوع يستخدمون التيلفون لمدة 6 شهور لأنهم متدربين .. وخصوصا اذا يبا ينتسب للقوة الخاصة الداخلية .. وإييه اتصال ) هلا بطويل العمر ..

• سعيد : مرحبا الساع .. مشغول ولالأ؟

• عيسى: والله متملل ..

• سعيد : أهأ .. متملل وانا وياك؟

• عيسى : والله صخة .. قبل حسن وانته واحينه ولا حد ويايه ..

• سعيد : شو نسوي نتغلى ..

• عيسى : انف شو بعد هذا !!

• سعيد : هههههههههههه هذي المناكر اللي عندهم ..

• عيسى : انزين سعّود متى بتي؟

• سعيد : ليش اتولهت علية؟

• عيسى : لا .. بس اتولهت على منطوقك ..

• سعيد : يالله اتفججت تراني ..

• عيسى : ادريبك .. انزين عازمنك موافق؟

• سعيد : اوكي .. فأغلى مطعم صح؟

• عيسى : ههههههههههه .. انته قدرك اعلى .. بس عازمنك على قدر ميزانيتي ..

• سعيد : وميزانيتك .. شو تسمح؟

• عيسى : اعزمك على ماكدونالد ..

• سعيد : هههههههه مطعم مال المهرج هاكي؟

• عيسى : لا يغرك شكله .. ترا احلى اكل اكلهم ..

• سعيد : خلاص انزين انا ياينك ..

(اما عند مي )

• مي : ألو؟

• الجود : هلا ميوتي .. غناتي وصلنا الشارع العام صوب ...

• مي : خلاص يا عيوني نحن بنتلقف لكم .. (ومن بندت عنهم ) لحقي عيني لحقي يا هنود !! (وهذيجي اتطالعها ) قوم جود وصلوا .. (واتراكضن من العيّلة ونزلن تحت ) زينة؟ يا زينة !!

• زينة : خير يا بنيتي !! في المطبخ !! في المطبخ !!

• مي : قوم جود وصلوا !! والله وصلوا !!

• زينة : ويييه ... انا مرخصة السايق اليوم .. حد منكم يعرف السواقة ؟

• مي : كلنا انعرف ..

• زينة : آني راح اخلص طبيخ واروح اتحمم .. وانتوا روحوا هاتوهم .. (وتعطيهم مفتاح الموتر )

• مي : أي موتر ناخذ؟

• زينة : خذوا البورش كايين .. (وعلى فكرة عندها 4 مواتر في البيت .. بورش كايين .. ليكزس استيشن ومرسيدس وكامري .. واتفججت مي وهنود أخسين .. ويوم وصلن الموتر )

• مي : هنود فخاطري اسوق .. (وهنود اتطالعها بنظرة ) بس !! اخاف من زمان ما سقت !!

(وهنود تدفرها بعيد وتاخذ المفتاح )

• هنود فخاطرها : انا بسوق عنج يالجبانة ..

(ويوم ركبن هنود ومي يطالعون بعض )

• مي : بنحصله ولا لأ؟

• هنود تهز راسها بإيجاب وفخاطرها : احساسي يقول انه هو .. ويل حالي عليك يا الغالي ..

(وتشخطه ويل وبعد 5 دقايق .. )

• عواد : يالله يالله يالله اعنبوا حرق الشارع !!

• اليدة الجود : وابويه الله يسلمهم ..

( ويشوفون نفس الموتر يريوس .. ومي وهنود يطالعون بعض لأنهم اكتشفوا شي ..)

• مي تصارخ : اويييييييييييييييييييييييييييييييييييييه

• هنود فخاطرها : يا فضيحتنا !!

• مي : لا ونحن مجابلينهم كيف جذيه؟ (ثرهن الحبايب متعدلات وحالتهن لله وناسيات يلبسن عباة وشيلة وكانن لابسات شيل بيضاء .. وهن مفتشلات .. هنود اتأشر عليها تتصل ب جود .. وتتصل )

• الجود : هلا ميوتي .. هذا موتركم؟ وابويييه حرقتوا الشارع يابوج !!

• مي : هههههههههههه لا وأبشرج نسوق بدون ليسن بعد !!

• الجود تضحك : ههههههههههه بعد؟ بارك الله فيكم .. عواد؟ حرّك الموتر هذيلا هم .. (وهو منصدم .. اما مي خبرت هنود انه اللي يايبنهم هو عواد هب راشد وعند عيسى وسعيد ..)

• عيسى : وماشي .. قالت انها ما تدانيني بعيشة الله

• سعيد منصدم : معقولة ؟ وربي هذي هب آدمية !!

• عيسى يضحك : هههههههههه ليش؟ هذي هي الحياة .. (ويصيح تيلفونه ( ياشايف (ن) نفسك على الناس هونك .. الله الكبير .. (ويرد على طول ..) مرحبا الساع ..

• فطيم تغير صوتها : مرحبا الساع ..

• عيسى : الله حيّه ..

• فطيم : الله يحييك .. شحالك؟ (وقلبها يدق بطريقة مب طبيعية لأنها زايغة )

• عيسى : بخير الله يسلمج ... منو بغيتي الشيخة ؟

• فطيم : ليش؟ ما عرفتني؟

• عيسى : لا والله ما عرفتج ؟؟

• فطيم : انا سارة ..

• عيسى يضحك : وانا سعيد

(وسعيد بجج عيونه )

• سعيد يتكلم شوي شوي : ويلك ويلاه !!

(فطيم انصدمت كيف سعيد؟ ووينه عيسى ؟ بعد الصوت مب صوت عيسى .. أصلا كان عيسى زجمان ومتغير صوته بس كان احساسها يشدها صوبه .. )

• عيسى : انتي متصلة تسألين وتعّرفين بعمرج؟

• فطيم مصّرة : أكيد .. (وهي تبا تسمع صوته زيادة عشان تتأكد ..)

• عيسى : مخسّرة رصيدج على مكالمة خارجية؟ سمعيني يا بنت الناس .. مب انا اللي بيلس ألعب بعقول البنات .. و الله يستر عليج وعلى أمة محمد .. يالله انا اترخص ..

(وبند عنها وهي احمر ويهها )

• فطيم : قسما بالله براويك !! مادري على شو شايف عمرك !! ولد الذين !! خجاج !! بس انا متصلة عشان عيسى مب عشان حلات ويهه الجلب !!

(وترد تتصل كم من مرة )

• عيسى : لا حول ولا قوة الا بالله !! بلاها هذي طفرة!!

• سعيد : ياخي عطني اياها بهزبها هزبة محترمة !!

• عيسى: اندوك عندك اياها !!

• سعيد : ألو؟

• فطيم : انته صدق ما تستحي .. مب انته اللي اتبند فويهي ..

• سعيد : عنلات صيرج انتي صدق المذهب ما تعرفينه .. الريال ما يبا يكلمج غصب هوو؟

• فطيم : والله ما وجهت لك الكلام .. يوم بتيك الرمسة تقدر اترد ..

• سعيد : جاب يالله جاب .. صدق بنات آخر زمن !! يوم تبين المغازل مكوّدين في البلاد !!

• فطيم : صدق جليل الحيا !! انته هب متربي لو متربي جان ما نطقت بهالمنطوق اللي شرات ويهك !!

• سعيد: اوووه !! انا ليش اعوّر راسي ببنت لوث !! (وبند فويهها )

• فطيم : حقييير !! والله بتشوف .. وانته يا عواس بحصلك يعني بحصلك !!

• سعيد : يالله اعنبوا اشوووه هذا !!

• عيسى : شدراني والله .. ومن البلاد بعد !!

• سعيد : يمكن حبيبتك !!

• عيسى : منو قصدك؟ فطيم؟لالالا اصلا فطيم ما عندها موبايل ...

(وفطيم اصلا ما استراحت لين خلت يدتها تاخذ لها موبايل ورقم ...اما عند فطيم )

• فطيم: ألو السلام عليكم .. ويايه العقيد ......؟

دانوه
01-19-2008, 08:59 PM
كمـليهـا حـبي دخييييييييييييييييييييييييـلج

دانوه
01-24-2008, 09:55 PM
منسيـووووووووووووووووووووووووووووووووووووووووووووو ووووووهـ

لـو كنتـي تحـبينـي كمـلييييييييييييييييييييييييييها

دخـييييييييييييييييييييييييييييييييييييييييييييييي يلـج

المنسيه
01-24-2008, 11:03 PM
http://www.al5yaal.com/uploads/00eb5d7706.gif (http://www.al5yaal.com) الجــــــزء 46



• فطيم : ألو؟ مرحبا .. ويايه العقيد .............؟

• العقيد : يا مرحبا .. هيه نعم وياج العقيد .....

• فطيم : انا ياة من طرف ام شمايل ...

• العقيد : اللهحيّه .. آمري الشيخة؟

• فطيم : بغيت أسأل عن شخص مفقود من 6 شهور .. اسمه عيسى فاضل ...

• العقيد : ان شاء الله .. بس هو وين يشتغل؟

• فطيم : يشتغل فمكافحة المخدرات .. وبعد حادثة دهم على مكان اختفى ..

• العقيد : ممكن اعرف شو يقرب لج؟

• فطيم وبغصة : أخويه ..

• العقيد : انزين الشيخة .. عطيني يوم بالكثير .. وبرد عليج خبر ..

• فطيم : أي شي عنه ... يزاك الله حير وفمان الله .. (وبندت عنه ) أحبه يا ناس أحبه .. أحب عواسي !!

(اما عند قوم مي )

• زينة: ياهلا والله زارتنا البركة ...

• اليدة الجود: تسلمين يا غناتي .. عادة يالغالية من طرت الجود انه بنّيتكم تبا تلبس ثوب .. قلت هذا الشي الزين .. يالله فرحت من قلبي .. أسميني كوّدت القطع الغاوية ..

• زينة : سامحينا طلبتها عسرة !!

(وهنود تقهويهم )

• اليدة : لا وين .. انا ما سويت شي بس يبت القطع ..

• عواد : هود !! هود !! (واقف عند الباب )

• زينة : هدا هدا ..اقرب ... (مي اتطالع امها منصدمة ..انه امها اتكلم اماراتي بطلاقة )

• الجود : اقرب عواد ...

(واتغشن )

• عواد دخل : وين احط الاغراض؟

(وساحب وراه 5 أجياس من الكبار ..)

• هنود فخاطرها : ويلي ويلاه !! كل هذا حقي؟

• مي: شو هذا؟ خالوه تراج وايد يبتي .. وهي الا بتلبس قطعة وحدة ..

• اليدة : امايا هذي حرمة ولدي هب لعبة ولازم تلبس من الزين ..

• الجود : هنود؟ كيف تبينه الثوب؟

• هنود تكتب : مادري انتوا شو رايكم؟

• اليدة الجود : تبينه شرات الثريا ولا النشل؟ ولا المنقّد؟

• هنود تكتب : شو الأحلى ؟

• اليدة : امايا شو تقول؟

• الجود : اتقول شو الاحلى؟

• اليدة : كلهن غاويات ..

• هنود تكتب : انزين شو لبست ف يوم عرسها ؟ أي واحد؟

• الجود تضحك : هذا وقته؟ تفتحين المواجع؟

• اليدة : بلاكم؟

• الجود : تقولج ف ليلة عرسج شو لبستي؟

• اليدة تتنهد : هييييييييييييييييييهأأأ .. لا تذكريني يا غناتي لا تذكريني .. يالله محلات هاكي اليوم .. يالله يا حلاته .. (وكل وحدة تتخيل كيف ليلة عرسها بتكون .. وبعد نص ساعة من البحث والتنقيب .. اختارت قطعة مقّلمة كلها ألوان .. واليدة طول الوقت اتفداها .. ) شو شوركم؟ بعد يومين نسير العين عند المخوّر نوّدي القطعة؟

• زينة : شوركم وهداية الله يا عيوني !!

• اليدة : انزين بنسوي حق يدتكن بنخليها تي ويانا ..

(هنود ومي يطالعون بعض ..)

• هنود فخاطرها : كشخة !! والله اتولهت عليها !!

• الجود : هنود غناتي؟ تعالي شوية ؟

(وقامن سارن الميلس .. هنود اتأشر لها ..)

• هنود فخاطرها : خير؟ الله يستر بس !! (وطلعت الجود من شنطتها ظرف ) شو ها؟

• الجود : هذا من راشد ..

(وعطتها وطلعت وتمت هنود اتطالع الظرف .. )

• هنود فخاطرها : ليش كل هالغموض؟ (وفتحت الظرف متوقعة انها رسالة حب .. شي .. حقها .. طلع ... وهي منصدمة ..) وابووويييييه !! يالله تستر !! يالله تستر !! (شيك بمبلغ 500000 درهم ويصرف لحامل الشيك .. من كثر الأصفار اشلقّت ..) انا عمري ما طلبت ولا تمنيت اني أغتني .. مادري ليش حبيتك .. بس يوم بكون ع ذمتك تقدر تصرف عليّة !! يمكن درا انه نحنا فقراء او ابويه ضغط عليه .. لكن انا براويه .. (وطرّت الشيك صغار صغار مال غياظ .. وحطته داخل الظرف بس لاحظت ورقة داخل .. شلتها وحطتها داخل مخباها وبندت الظرف ..ويوم هي طالعة .. الجود قامت وسارت صوبها .. عطتها الظرف .. وكتبت " اتمنى يوصل الظرف ل راشد ..")

• الجود : من عيوني .. حشا غادية غير مرسال .. متى الله بيفكني واتعرسون نبا نرقص !!

(وهنود تبتسم بس مب من خاطرها لأنها لين هالوقت متغايظة من الشيك .. وعلى الساعة 10 روحوا .. ويتهم زينة الحجرة .. )

• زينة : هنود يا عيوني .. ما يصير قاعدة في البيت جذيه لازم تنتجين !!

• مي : كيف تنتج جيه هي بقرة ؟

(وهنود من الغياظ اتفرها بالموسدة )

• هنود فخاطرها : ملعونة !!

• زينة : قصدي انها لازم تشتغل .. اوك تكمل دراستها .. تشوف العالم ... مو كله محبوسة فهالحجرة ..

• هنود تكتب : منو بيرضى يشغلني؟

• زينة : هنود حبيبتي .. خلي السالفة عليّ.. بس بكرة روحي ودّي اوراقج البلدية ..

• هنود تكتب : ما عندي اوراق .. ما خلا لي فرصة أشل شي ويايه ..

• زينة : على ما اظن عند ابوج هالأوراق انا راح أسأله .. وانتي يا مي من بكرة ماشي عباة ولا شيلة ..

• مي : بس !! مادري مادري مب مقتنعة ..

• زينة : شوفي يا عيوني انا ماني ناقصة بنت معقّدة !! تريدين تعيشين فهالبيت ترا له قوانينه !!

• مي : والله انا مب عايبني شو بتسوين؟

• هنود فخاطرها : غربلج الله سكتي عنها روحها بتنسى ...

• زينة : حلمج انج اتكونين مذيعة بيروح ولا بيرجع تفهمين؟ انا كلمت حد انج اتروحين البعدا لبلدية بس طبعا ما شي فايدة ..شكلج مكانج هنه في البيت ومالج مستقبل !!

(وروحت عنهم وتمت مي مشغووول بالها وهنود نامت وفتحت مي لابتوب ماخذتنه لها زينة .. )

• مي : ياربي ملل شو اسوي؟ (دخلت الأغاني وخلاف المنتديات بس بعد ملل .. وخلاف اتجرأت انها تدخل شات بس مب أي شات .. شات صوتي ..) بجرب وأمري لله .. (وبعد ساعة كاملة كانت اتبين لهم انها بنت محد اقوا عنها وخصوصا من ردودها الجريئة .. كانت حاطة السماعة وترمس رياييل وحريم .. وخلاف خلّت غرفة الشات وما تم فيها غير واحد .. ) اوووه !! ماروم بالسماعة (وعجت السماعة ... )

• العقاب: محد ويانا شكلنا شردناهم ..

• مي : يستاهلون !!

• العقاب : ليش انتي قوية وايد؟

• مي : وليش انته ضعيف وايد؟

• العقاب : من طيب اصلي ههههههههههههههههههههه (وكان صوته ينسمع ووايد عالي وغليظ ...)

• مي : انزين يوم بتتكلم شوي شوي لانه اختيه راقدة وبتسمعك ..

• العقاب: ليش اتخافين منها؟

• مي : انا اخاف؟ انا اخوّف !!! (وكان مار فاضل بيسير حجرته ..ويسمع صوت ريال يضحك ... الا ميت من الضحك ويرمس بعد .. )

• فاضل: عوذبالله من الشيطان .. اعنبوا جني فغرفة البنات ؟ (وحط أذنيه عالباب يتسمع )

• العقاب : فديييتج والله لا خليييييت من الجريئة انا !!!

(فاضل اشتط أكثر منو هاي الجريئة الماصخة اللي اتكلم شباب .. وبطل الباب .. بس كان مقفول ..)

• فاضل يدق الباب : بطلي الباب !!

• مي : اوييييه ابوي !! ابوي !! بكلمك خلاف يالله باي !! (وبندت اللابتوب وقلبها يدق .. شو بتسوي شو بتسوي؟) يالله تستر علية !! يالله تستر علية !!!

(وحطت اللابتوب على ثبان هنود اللي كانت راقدة وقلبها يدق .. وبطلت الباب ..)

• فاضل : انا سامع حس في الحجرة !! (وكان مطيّر عيونه يبغي يعرف ...)

• مي : آآآآه (وكانت تتثاوب ) خير؟ نحن رقود !!

(ودفرها ودخل ..وقام يطالع تحت الشباري ويبطل الكبتات ..ومي حاسة عمرها انه نهايتها قرّبت ..)

• العقاب: اوكي يالله باي سلمي على ابوج !! ههههههههههههههه

• فاضل صد ويطالع اللابتوب : وتسوي ن عمرج راقدة هاااه؟؟



.
.
.
.
.
.
.
.
.
.
.
.
.
.



http://www.al5yaal.com/uploads/00eb5d7706.gif (http://www.al5yaal.com) الجــــــزء 47


(الجزء 47 )

• مي تهز هنود من جتفها : هنود؟ هنود قومي!!

(وهنود بطلت عين وحدة ..)

• هنود فخاطرها : أشوا .. الحمدلله انه طلع حلم .. ولا جان ذبحتها !!

• مي : قومي !! ابويه يدق الباب وانا زايغة !! والله آسفة .. مدري شنو أسوي !!

(وقامت هنود مفزوعة من فراشها .. لأنه اللي حلمته كله صار .. وحصلت اللابتوب ف سرير مي ..)

• هنود فخاطرها : الله يغربلج !! اتكلمين شباب ؟

(ومي واقفة تنتفض وشوية وبتنطّر عيونها من الزياغ .. لأنها اول مرة تستوي هالسالفة .. مع انه ما يخصها في الشباب بس من يت هالمكان اختّست .. صح انه محد يشجعها بس عقلها هو اللي اتغيّر .. قامت هنود معصبة ..شلت اللابتوب وبندته كامل ..)

• فاضل : إييييييييييييه !! وينكن!! (ويسمعون دق قوي .. وحطت اللابتوب فكبت الثياب وبطلت التلفزيون وقصّرت شوية عليه وبطلت الباب ..) اعنبوا سنة !! جيه اتأخرتي؟

(وهنود اتطالع مي )

• مي : هااااه؟ لا ما شي كنت أرمسها ..

• فاضل يطالعهم بطرف عينه مب مصدق : وانا سامع صوت !! بعد مب أي صوت !!! صوت ريال !!

• مي : هاااه؟ هاااه؟ حشا !!

• فاضل : بلاج هااه وهااه؟ (وسار بطّل باب الحمام وخلاف الكبت وتحت الشباري يطالع وعقب سمع ضرابة وصريخ .. ) مرة ثانية قصروا عالتلفزيون يالتنابل .. حاشرينا به فهمتوا؟ ولا كسرته على راسكن !! (وحط ايده على راس هنود ويدفر راسها واحمر ويهها واأول ما طلع من الباب .. سيده هنود قفلت الباب .. )

• مي يلست: أووووف ما بغى!!!

(ويت هنود مسرعة وصفعتها هايييجي الصفعة اللي خلّت أذنيها تدوي وعشان عقلها يصحى.. ومي قامت معصبة وركضت الحمام تصيح .. هم صح يتضاربون لكن عمرهم ما وصلوا انه وحدة تصفع الثانية .. بس لازم تصفعها عشان تصّحيها من الوهم اللي عايشتنه ..وتمت هنود طول الليل صادة الجهة الثانية وتصيح ومي بعد ..اما عند شمايل .. ردت لها الحالة نص الليل .. وقامت اتهاذي بس هالمرة بمنو ب ميود .. اما عند راشد اللي كان في بوظبي وياي دبي ع نص الليل ..)

• الجود :ألوووووووووووووووووووووووووو؟؟

• راشد : جودوه انتي وين؟

• الجود : ف بلادي انته وين ؟ (الحرمة مغفية )

• راشد: هههههههههههههههه اتقولين عروسي مطرشة شي وينه؟

• الجود: منو؟ ليش انته منو؟؟

• راشد يصرخ : إيييييييييييييييييييييه !! جودوه !! عنلات صير اخوج رشود !!

• الجود : هاه؟ (وبطلت عين وحدة ) شو تبا رشود ؟ غثيتني تراك !! يالله بسرعة بيفوتني الحلم !!

• راشد : هههه انزين اتقولين انه العروس مطرشة شي وانا احين واصل البيت .. وين حاطة الظرف؟

• الجود : فحجرتك يالتنداه !! ترانا فنفس البيت !!

• راشد : جيه ما رديتوا بوظبي؟

• الجود: لا !! لأنه بعد يومين بنرد نسير العين ويا عروسك نختار لها الثوب ...

• راشد : لالالاه !! (وشج الحلج من الفرحة ..) زين .. زين والله.. (وبعد ما بند عنها ..وصل البيت وسيده على غرفته ..بند الباب وراه وطاح على فراشه يطالع الظرف ... أول ما بطلاه ..) هههههههههههههه هاي البنية عمرها ما اتوب !! كله تفهمني غلط ... لكن خلينا نملج بس وانا براويج يا الغاوية ...

(اما اليوم الثاني ..سارن هنود ومي وكانن ما يتكلمن ويا بعض ومي بعدها بعباتها وشيلتها..اما في البلدية ..)

• موزة عمرها 17 سنة توّها مخلصة الثانوية ويالسة في البيت..بيضاء وكولها 170 ووزنها 55 .. عيونها ماشاء الله وساع ... ودوم يسمونها ام عيون فناييل من جمال عينها واتساعها .. وفيها لمحة البداوة .. عيونها عسليات وخشمها ضعيف وسليل واللي يميزها يوم تبتسم لازم يرتفع حاجبها الأيسر هذا يبيّن غرورها مع انه من داخل وايد خيّرة وبعد ما تسكت عن حقها ..وشيطانة ومسوية جو في البيت .. واذا كان البيت هادي ها معناته انه مويز شي بلاها ... وعنده اخو اكبر عنها اسمه عبدالله

• مويز : مشكووور ياخويه مشكووور .. والله انك فرحت قلبي ..

• عبدالله : شوفي عاد .. اباج يا مويز اتّمين بحشمتج ..

• مويز : افا عليك.. مويز اختك مب الكلمة هي اللي توّديها وتيبها ..

• عبدالله : يالله طوفي انروّح البيت ..

• مويز : ان شاء الله .. (وهو ميت من الضحك .. مب جنه كلمه ودتها ويابتها ..)

• عبدالله : لا فديتج .. تمي اتريي دورج .. انا ما أبا أضيّع عليج فرصتج ..

• مويز : ميرسي بوكو .. (اما هنود ومي وصلن المكتب نفسه اللي فيه مويز )

• مي : السلام عليكم .. (وكلهم ردوا السلام .. ) لو سمحتي الأخ عادل ..

• السكرتيرة :الاسم لو سمحتي؟

• مي : هند فاضل ويايين من طرف الأخت زينة .. (وحوالي ثواني ..)

• السكرتيرة : اتفضلي .. اتفضلي ..

• عبدالله يصاصر مويز : هذيلا شكهم كبّارية

• مويز : ونحن؟

• عبدالله : نحن ما نحتاي الواسطة ..

• مويز : أكيد .. (ودخلوا المكتب )

• مي : السلام عليكم ...

• عادل يرحّب ويهلي : ياهلا يا مرحبا ملايين فذمتيه .. هلا بمذيعة المستقبل ..

• مي : ماشاء الله خبّروك؟

• عادل: اكيد .. احم سامحوني اتحبون تشربون شي؟

• مي : لا شكرا .. بس نحنا يايين عسب الوظيفة حق اختيه ..

• عادل : هيه نعم .. نحن بنحطها في مدينة الطفل وهناك ك وظيفةمساعدة سكرتيرة ..ودوامها الصبح بس بتم متلثمة جذيه؟

(وصدت هنود وهي شوية وبتاكله..)

• هنود فخاطرها : الله ياخذك ان شاء الله تباني أتطلّق؟

• مي : اكيد بتم جذيه !!

• عادل : آسف على السؤال .. انا خلاص وقعت على الأوراق ..لو سمحتي ابا اشوف الجواز وخلاصة القيد .. (ويوم عطوه ... تم يتمتم ..) ما تنلام يوم اتغشت .. أوووف يالقهر ليتني حطيتها عندي سكرتيرة ..ياربي شو هالغصة ...

• مي : هذا كل شي؟

• عادل : تقدر باجر اتداوم وبيعطونها كرت لازم اتوقّع اول الدوام عن طريق الآلي وآخر الدوام ..

• مي : مشكور وما قصرت ..

(وتاخذ عنه الأوراق )

• عادل: سلمي على زينة سلامن كثير ..

• مي اتغايظت : سلامن ما يوصل ان شاء الله ... (وطلعن .. وبعد ما سارن ..)

• السكرتيرة : تقدرون تدخلون..

• مويز : شمعنى دخلتيهم قبلنا؟ ونحن من نص ساعة نتريا ..

• السكرتيرة : هذيلا يعرفهم الأستاذ عادل وهذي أوامره ..

• مويز : والله حالة .. (ومن دخلوا ..)

• عبدالله : السلام عليكم .. (عادل بجج عيونه وقام )

• عادل : عليكم السلام ورحمة الله وبركاته .. اتفضلوا اتفضلوا ..

• عادل فخاطره : يالله يالحظ اعنبوا القمارى اليوم من كل صوب؟ اسميه من حظ ..

• مويز : غلاسة !! (وينغزها عبدالله لأنه صوتها ينسمع )

• مويز فخاطرها : يعل عيونك تنجّد .. قسما بالله نظرتك خايسة يالوصخ !!

• عادل : انتوا يايين عشان الوظيفة صح؟

• مويز : اكيد ..عيل ليش يايين عشان نجابلك؟ (وعادل منصدم )

• عادل : انزين .. انا محتاج سكرتيرة لمكتبي ..

• عبدالله : لا آسف ما اقدر أخلي اختيه هنه تشتغل .. انا مقدم أوراقها عشان اتحولونها لأي مركز .. يعني مكان أكثرية حريم يشتغلن ..

• عادل : انزين خلاص .. (وسوا عمره يدور في الأوراق .. وقامت مويز )

• مويز : لو ماشي وظيفة خلاص مب لازم اتدوّر (وقاموا )

• عبدالله : يالله اختيه طوفي..

• عادل : أوووه حصلتها !! شو رايج فمدينة الطفل؟

(وهو مال بسرعة بسرعة يوقّع اوراقها )

• مويز تغيّرت ملامحها : صدق؟ (وتبتسم ) يزاك الله خير يابويه وما عليك قصور !! (عادل بجج عيونه ..وبصوت واطي اتقول) أحسن عشان تتأدب..

• عادل فخاطره : ابويه؟ يالله انا مب من كبري !!

(وهم طالعين )

• عبدالله : أجديتي فيه يا مويز .. شكله كان يبا واسطة شرات هذيلاكي .. اباج ابدا ما اتغيرين .. انتي جذيه ازجرت ..


• مويز : أويييييييييييه اشووووه هذا؟

• عبدالله: يالله تستر ..

• مويز : إلحق عليهن طالعهن دهديه !!


كيف بيكون لقاء هنود ومويز؟

دانوه
01-25-2008, 12:01 AM
كمـليييييييييييييييييييييييييييييييييييييها

دخييييييييييييييييييييييييييييييييييييييييلج منسيوووووتي

بليييييييييييييييييييييييييييييز

المنسيه
01-25-2008, 12:19 AM
(الجزء 48)

(اما عند الدكتورة )

• شمايل : بتمّين اتطالعيني وايد؟

• الدكتورة : انا اترياج اتكلمين ..

• شمايل : انتي كل شي اتعرفينه عني .. وأكبر اثبات الملف اللي على الطاولة .. انا ليش أعوّر راسي..

• الدكتورة : صحيح بس هذي وقائع .. وانا اباج اتخبريني خطوة ب خطوة ..

• شمايل تضحك بهستيرية : هههههههههههههاااااااااااي ضحكتيني .لالالا مافية أضحك وأنطر وينطر ويايه ال .. (وسكتت لأنها كانت بتقول ولدها ..) ممكن أسير الحجرة؟

• الدكتورة : انزين سؤال أخير .. ليش ضربتي الحرمة امسات؟

• شمايل : قصدج وداد؟ لسبب بسيط ..هههههههههههههه لأني مينونة ..

• الدكتورة : انتي مش مينونة .. انتي عندج صدمة عاطفية ...

• شمايل تضحك : هههههههههاااااااااي ياربي !! انتوا يايبيني هنيه عشان اتضحكوني جذيه صح؟ أسميكم فنتكة .. طبعا طبعا صدمة عاطفية .. بخبرج بقصة حلوة سمعيها بتعيبج .. (وتتقرب زيادة من الدكتورة ..) كان يا مكان في قديم لا في يديد لالالالا.. في بلادي بلادي بلادي ..بنية عشقت لها واحد ..امممممم شو احلى صفة فيه اممممم شوه؟ شوه؟ شوه؟ هيه لقيتها !!! واحد خسيس ولعين وجذاب بس قلبي حبه .. (ونزلت راسها ) بس كل تأخيرة وفيها خيرة ..اتعرفين ليش؟ لأنه الصدمة العاطفية يتني من 3 باكستانية مادري أي واحد منهم حبني .. (ورفعت راسها بكل جرأة تبيّن قوتها ) مادري الأول .. اللي كنت أتوسله .. أقوله بعطيك بيزات .. اللي تباه بس ولا كأني اتكلم ..عفد علية والثاني ووالثالث .. امممم أي واحد منهم حبني المشكلة ما أذكر .. ولين الحينة مب متذكرة .. منو ها اللي خطبني من اهلي عشان يستر علية .. شكله الثاني !! كان ويهه سمح بس ما رحمني (وبعصبية ) يا أم صدمة عاطفية !!!

(وروحت عنها وهي تصيح .. وما حست بعمرها الا وهي واصلة الحديقة صوب الشجرة ..وكانت الساعة 12 وبعد نص ساعة من الصياح )

• هزاع : بدال هالصياح لوّني الكتاب اللي عطوج اياه ..

(ورفعت راسها صدت يمين ويسار وما حصلت حد )

• شمايل : بسم الله الرحمن الرحيم ..

• هزاع: انا فوق .. (وصدت فوق وحصلته متشلبح عالشيّرة وقامت من الزياغ تحبي بعيد ..) طبعا شردي شردي !!

(وهي صدق شردت وسارت غرفتها وهي تنتفض وبطنها كان يعورها وكانت اتزوع دم هالمرة وبطنها يذبحها من الويّع وكانت كاتمة على عمرها ..)

• شمايل : لازم أستحمل الويّع !! انا اللي يبته لعمري .. يالله اتعفوا عني ...يالله ..

(اما عند فطيم )

• فطيم : ألو؟

• العقيد : سامحينا عالتأخير ..

• فطيم : مسموح بالحل .. خير؟ حصلت شي ؟

• العقيد : سامحيني ما باليد حيلة .. دخلت على ملفات المكافحة وحصلت على ملف عيسى كاتبين عليه سري ..

• فطيم متوترة : كيف يعني سري؟

• العقيد : يعني ما نعرف اذا هو ميت ولا حي وخصوصا انه سري للغاية وكله من أوامر الشيخ ..

• فطيم : خلاص مشكور وما قصرت .. (وبندت عنه وهي متغصصة ) بس والله ما اهدك !! لأنه قلبي عمره ما خانّي !!

(وطرشت له مسج " ضيفني على هالايميل .......... واتمنى اتكون بداية صداقة لا غير ")

• عيسى: ياربي !! هالبنية موول ما بتخليني في حالي انزينهي شو تبا !! حشا لزقة عنزروت !!

(اما عند باب بيت نشبة .. حد يدق الباب )

• نشبة : منو؟

طاك طاك طاك طاك

• نشبة : منو يا مالك السم !! (ويدق زيادة ) كسّرت بيباننا !! (ويوم فجت الباب ) امنوه؟ بوطبر؟

• مايد سيده حباها على راسها : فديتج انا لا خليت من هالويه السموحي .. يعلني افداج يا نشيبة !!

• نشبة : ويدي بسم الله بلاك؟

• مايد : ما بتقولين لي اقرب ولا بعدج زعلانة.؟

• نشبة وتضربه على طبره : مسوّد الضلع جذيه اتسوي ببنت ابوك...

• مايد : ههههههههههههه ردينا للتخريف ..

• نشبة : خرّف الله ضلعك المهاروم !!

• مايد : قصدج بنت عمي صح؟

• نشبة : وانا شو قلت؟ انته ما اتوبي؟

• مايد : توبي؟ههههههههههههههه

• نشبة يأست منه : اقرب داخل خلنا انشوف آخرتها وياك ..

• مايد : جريب فديتج ..

• شما : منو يا نشيبة ؟

• نشبة : بو طبر حد غيره !!!

• شما : الله يحفظه .. الله يحفظه في صورة !!

• مايد متعجب من المثل اللي عجته شما : في صورة ؟ جيه انا برواز؟ ماعليه بنطوّفها على خير هع هع هع

(وبعد ربع ساعة من الأهلا وسهلا ومرحبا ملاييين .. )

• نشبة : ماحيدك يا ميود تيني البيت الا وجان في راسك شي..

• مايد : انا؟

• نشبة : لا زهور ..

• شما : بلاها زهور بسم الله عليها ...

(وميود يضحك )

• مايد : عاد انا ياي أسأل عن هنوه .. (هو يدري ان جلب الرمسة على نشبة سيده بتخّر وبتقول مكان شمايل ..)

• نشبة : بعد ما هديتها احينه تباها؟ اندوكم وانا اتحريتني جالبة الرمسة .. امبوني فهيمة ..

• شما: انتوا شو تقولون؟

• مايد : عاد انا ودي ارد لها .. الود ودي اييب المليج وآخذها ..

• نشبة : وايد اتحلم .. دامنه فروها فمال النفسية ما بترد الا وهي بخير ...

• شما: شو هاي النفسية .؟ اول مرة اسمع بها !! ايييه المدحّب !! (توّها بتقول هنوه في البيت عند شموس بس قاطعها ميود)

• مايد : ويييه انا اول مرة اسمع بها مال شو هي؟

• نشبة : مستشفى مال وحدة جنها يسمونها امل..هاي يقولك دكتورة وحدةتعالجهم عن كل شي رويلات .. حتى لو ياينهم متكسر .. بس واعلية عنها هنوه من اللي صار لها يلّسوها هناك في الحجرة وياها..

• مايد : جيه متى ودوها؟

• نشبة : يوم الخميس الصبح مدخلينها .. (وشما تقرص نشبة )

• شما: ونحن شو موّاصايين؟

• نشبة : عن شو؟

• شما: مب قايليلج لا تتكلمين عن شملوه؟

• نشبة: ابوووووووووووووووه !!

• مايد ضحك :لا تخافون ما بسير لها انا اصلا قطعت الأمل ..

• نشبة : ما بتسير لها اخافك الا عشقت امل الدختورة اللي تعالجها .. اصلا انته ما بتعرفها

• مايد : جيه ما بعرفها اعرفها هاي شمايل حبيبتي

• نشبة : حبك برص قول آمين يا بو البيزات .. اتعلمت شرات فضول !! ابويه يوم غيّروا اسمها وعطوها اسم اختها وين بتعرفها

(طاعوا ولا جنه موّصاية انه ما تقول .. وهو قام )

• مايد : اكرمكم الله .. يالله بترخص ..

• نشبة : وين بتسير؟

• مايد : ورايه دوام .. (ويوم روّح ..) ماعليه يا شموول ان ما يبتج والله ما كون مايد ان ما يبتج!!!

(ااما عند مي )

• مي : ألو؟ مرحبا الجود ؟... (وتكلمها بتوتر ..)

• الجود : هلا مي ...

• مي: انتي وين؟

• الجود : انا فطريج شارع الامارات مرّوحة بوظبي..

• مي : خير انتي ما بتين باجر ويانا؟

• الجود : لا فديتج حصلت لي مشلكة في الشغل ما اقدر .. خير؟ في شي؟

• مي : هاه؟ لا ماشي..

• الجود : والله اتخبريني ...

• مي : دعمنا

• الجود بججت عيونها : شو تقولين؟

• مي: والمشكلة ولا وحدة منا عندها ليسن واخاف يحبسونا !!

• الجود : الله يحفظك وصار لكم شي؟

• مي : لا ما صار شي .. كلنا بخير .. بس ما عليه انا بسوي حق ابويه .. الله يستر بس ..

• الجود : لا تسوين ولا شي انا بتصرف ...

• مي : بس كيف انتي ف بوظبي ..

• الجود : ما يهمج انتوا وين ؟

(واتخبرها بالمكان وكل شي ..)

• مويز ترمس هنود : انتي بخير؟

• هنود فخاطرها : الله يغربلج ويغربل اليوم اللي يابوج فيه يا ميوه !!!

• مي : هي بخير ..

• مويز: اعنبوا انتي اول مرة تسوقين ؟

• مي : الصراحة من زمان ما سقت .. وناسية شوية ..

• مويز : عيل منو يايبنكن؟

• مي : هنود !! الله يخليج ممكن اتقولين حق اخوج لا يتصل بالشرطة لأنه كلنا نسوق بدون ليسن !!

• مويز منصدمة : بدون ليسن؟ وكلكن؟ اكملت ..

• مي: الله يخليج لين ما تي ربيعتي ..

• مويز : خلاص ولا يهمج ... (وسارت عند اخوها اللي واقف بعيد ) عبادي !! لا تتصل بالشرطة اصبر ..

• عبدالله : خير؟ هن استوا فيهن شي؟

• مويز : لا هن بخير ..

• عبدالله: عيل؟

• مويز تضحك وعيونها تدمع من الضحك : يسوقن بلا ليسن ...

• عبدالله : الله اكبر !! جيه في الجاهلية نحن؟

• مويز : ربيعتهن بتي وبتيلس مكانهن اصبر لاتتصل ..

• عبدالله : خلاص سيري يلسي وياهن .. لين ما آخذ لكن شي .. أكيد مرارتهن انفجرت .. واعلية على موتري ..

• مويز : الله يعوّضك خير .. يوم اقولك خذلك رنج بدال النيسان اللي يهدر علينا اتقول بينفجر ..

• هنود تكتب : البلخة !! منو بيي؟

• مي : الجود بتي ..والله لو ابويه درا جان جتلنا !!

• الجود تتصل على راشد : ألو؟

• راشد : هااااااااه؟

• الجود : رشود قم اقولك !!

• راشد : منو؟

• الجود : اختك الصغيرة !!

• راشد : يالله باي (وبند فويهها وغلق موبايله مغفي الأخ )

• الجود : انا براويك يالتمساح !! (وتتصل على البيت )

• راشد : اوفيييييييييييييه !! منو؟

• الجود : حرمتك داعمينها في البلدية ......... وان ما لحقت عليها بتموت ..

• راشد بطل عينه وعج اللحاف : شو تقولين؟

• الجود تبتسم لأنها عرفت انه هو يحبها : يا تلحق ياما تلحق !! بسرعة سير لها !!!

(وبندت عنه وهي ميتة من الزياغ ..)

• راشد يبدل ثيابه : معقولة هنودتي تستوي ميرة مرة ثانية؟ لالالا بسم الله عليها .. يالله يالله تستر ..

(وخذ السويج ويسوق وهو مسرع خايف انه شي مستويبها مب عارف هي داعمينها ولا هي داعمة حد وعيونه محمرة .. اول ما وصل حصل واحد ريال بعيد يتكلم .. ومي اتكلم مويز .. وهنود يالسة عالرصيف وحاطة ايدها على راسها اتغطي عمرها عن الشمس الحارة ..)

• هنود فخاطرها : ياربي متى بتي الجود متنا من الحر !!!

(راشد نزل من الموتر وقلبه يدق بطريقة فظيييعة ..وخلا الموتر ف نص الشارع مب هامنه شي .. وركض جداها ..)

• راشد مسكها من من ذراعها : هنود غناتي دخيلج لا تموتين !!!

دانوه
01-25-2008, 12:32 AM
خخخخخخخخخخخخخخخخخخخخخخخخخخخخخخخخخخخخخخخخخخخخـ

عذاااااااااااااااااااااااااااااااااااااااااااااااا اااااااب هـا البـاااااااااااااااااااااارت

كمـلي دخيييييييييييييييييييييييييييييييييييييييييييلج

>__<

دانوه
01-25-2008, 06:35 PM
كمـلييييييييييييييييييييييييييييييي

بليييييييييييييييييييييييييييييز

المنسيه
01-25-2008, 06:48 PM
(الجزء49)

(وهنود رفعت راسها اتطالع منو هالهرم اللي ميوّدنها ويدعي عليها بالموت .. وعصّبت وقامت واقفة)

• هنود فخاطرها : ويه بسم الله الرحمن الرحيم من وين ظهر لي هالساحر ... (وتضربه بايده الا تكفخه ) عنلات صيرك يالهرم انا براويك !!

• راشد :آآي !!! آآآي !! هنيد بلاج؟

(وفصخت نعالها وتربع وراه بطبجة وحدة ولابهامنها وتضربه وهو يشرد عنها وتلحقه ... طرباخ طرباخ ..)

• هنود فخاطرها : قصورك تلمسني بعد !! هرم واحد !!

• راشد : انا راشد .. راشد ...

(ومن الغياظ اللي جاسها فرّت عليه النعال .. وقامت تمشي وهي اتعرّي .. وخلاف فرت الطبجة الثانية ومشت حافية ..)

• هنود فخاطرها : انا راشد .. راشد وخير يا طير !! نقعن المدافع !! قليل الأدب ما تستحي على ويهك !! من متى الرياييل ايّودون حريمهم قبل العرس؟ ماعليه ان ما خبرت عليك يدتك .. هي اتعرف اتأدبك .. هذا من الحينة متطيفس !!

(وهي تتحرطم وهو واقف منصدم والطبجة فإيده ..ليش سوّت جذيه وسار صوبهم )

• مويز : هههههههههههااااااااااااي !! شفتي اختج كيف تربع وراه بنعال؟

• مي :هههههههه حسبي الله عليها فشلة هذي البنية .. انتي اتعرفين منو ها؟

• مويز : اكيد من الشباب الرغود مطفربها ..

• مي : لا يا عيوني .. هذا الاسبوع الياي بيملج عليها ...

(ومويز منصدمة ..)

• مويز : والله؟

• مي : شفتي عاد؟ هل ليوا غجر ...

(وهنود سارت عند البنات وعبدالله ساير يكلم راشد )

• عبدالله :ههههههه سلامات سلامات .. دواك محد قالك اتغازل البنية ..

• راشد : نعم؟

• عبدالله : الله ينعم عليك .. خذ موترك واتوكل لأنه الهرنات هب موقفة ..

• راشد : هاي خطيبتي ..

• عبدالله ميت من الضحك : جيه وين نحن ف سوريا خطيبتي؟ ياخي اتكلم عدل ..

• راشد : والله انه ملجتنا يوم الخميس .. ب شو احلف لك؟

• عبدالله : خلاص انا ما يخصني .. انا بتصل بالشرطة عشان انخلص بسرعة ..

(وسارت مي بكل جرأة تكلم راشد وهومنزل راسه )

• مي : سامحها يا عيوني بس من اعتدوا عليها هاكي اليوم وهي تخاف من الرياييل ..

• راشد منصدم : شو تقولين؟

• مي : شنو؟ ليش ما خبروك؟

• راشد : هاه؟ لا خبروني بس ناش من الرقاد مغفي ..

• مي : ههههههههه تباني اطلب لك كوفي؟

(وهنود اتطالعها ويتطاير من عينها الشرار على جرأة مي وأصلا كانت ميتة من الغيرة عليه )

• مويز : اتصدقين موقفج عيّبني ..اتبينين انج بنت بدو وأصيلة .. انا مويز .. وانتي؟

• هنود فخاطرها : انا هند ... (وتبيّن لها انها ما تتكلم )

• مويز احمر ويهها : ويييه انا آسفة ما كنت ادري انج .... (ودمعت عينها )

• هنود تحضنها وفخاطرها : ليش تصيحين ..

(ويوم يت الشرطة مي رازة بويهها ويوم حلوا المسألة )

• راشد : مي نادي هنيد ..يالله بوديكن البيت ..

(ومي تمشي بكل رقة صوب هنود)

• مي : هنود حبيبتي يالله راشد بيّردنا ..

• هنود تكتب : اتخبلتي؟ نركب وياه؟

• مي: عيل منو بيردنا يا عيوني؟

• مويز: نحن بنرّدكم ..

• مي : مشكورة بس ما اتدلّون ..

• هنود تكتب : جانج بتغدين فارطة ركبي وياه الرب لج حافظ .. لكن انا لا ..

• مي : بكيفج ..

• هنود تكتب : مويز لو ما عليج امارة بكلّف عليج ممكن توّصليني البيت؟

• مويز تبتسم : افا عليج عيوني لج ..

(وتبتسم لها .. وحسّت انها بنية اتعرف الأصول .. لكن اختها اللي بدت يوم عن يوم تستوي فارطة ..)

• راشد : وأختج؟

• مي : تبا ترد البيت وياهم ..من غير انته ما اتدل .. وبدّليك البيت ... (وهي ركبت جدام ..اما هو نزل وسار صوبها ..وهي اتطالعه ومب مهتمة ..)

• راشد : هنيد اكسري الشر وركبي الموتر ...

• هنود اتطالعه ومب مهتمة وفخاطرها : والله لو تموت ..

• راشد احمر ويهه : انتي اتحبين اتخالفيني من الحين.؟

• هنود تكتب : والله اذا هب عايبنك طز لأني ماركب ويا ريال غريب

• راشد : بس انا باخذج ...

• هنود تكتب وهي معصبة : يوم بتملج علية يصير خير اما الحينة لو تنطبق السماء عالأرض يالأجنبي !!

(وكانت مويز سايرة اتخبر اخوها )

• عبدالله : شو مستوي؟ اشوفهن افترقن هذيلا خوات؟

• مويز : هذي الا ماصخة .. اقولك اخويه هنيد بنوّصلها البيت ..عادي.؟

• عبدالله : مافي مشكلة .. يالله طوفي ..

(وركبت مويز ورا ويا هند .. وهنود اتطالع القوية مي اللي ترمس رشود )

• هنود فخاطرها : الله ياخذج يا ميوه !! جذيه تسوين بأختج؟ الله لا سامحج يالفارطة !!

• مويز : هنيد؟ هذي اختج؟

• هنود تكتب : هيه ..

• مويز : مادري بس لهجتها شوي مكسّرة ..

• هنود تضحك وتكتب : لأنه امها عراقية ..

• مويز :أها وأمج؟

• هنود تكتب : من ليوا ..

(وكانت هنود شاغلتنها مويز لو مب هيه جان صاحت .. وعند عيسى )

• عيسى : سعيد شفت البلى اللي انا فيه؟

• سعيد : إشوووه؟

• عيسى : اتحيدها الطحنة اللي سوّت هاييجي المرة؟؟

• سعيد : اووووه الطحنة ما غيرها؟ بلاها يعلني بلاها؟

• عيسى : مطرشتلي ايميلها ..

• سعيد : احلى شي .. بس تعال اخافك كنت ممثلولا مطرب قبل ما تدخل المكافحة ...

• عيسى : هههههههههههه قصدك عن البنات يالداهية؟

• سعيد : هيه عيل شي غيره؟

• عيسى : شوف انا فعمري ماكلمت بنات.. بس هذي غريبة مصرة تلاحقني روحي حافي ومنّتف شو تبا فية؟

• سعيد : انته ضيفها ويصير خير .. لأنه بينشل تيلفونك العصر ..

• عيسى : بس انا ما اذكر ايميلي ..

• سعيد : سو لك واحد يديد ..

• عيسى : شو أسّمي عمري؟

• سعيد : essa

• عيسى : هههههه لا مابا حد يعرف اسمي .. اخاف اتكون ربيعة فطوم ...

• سعيد : وانته تخاف من فطوم؟

• عيسى : لقيتها .. شو رايك في المحقق كونان؟

• سعيد :ههههههههههههاااااي بتتحراك ياهل ..

• عيسى : انزين احلى شي .. عشان ما اتحط آمال علية ..

• سعيد : ليش انته على شو ناوي؟

• عيسى : تقدر اتقول اني كنسلت فطيم من حياتي .. وكنسلت الزواج من مخي بعد ...

(اما يوم وصلت هنود البيت )

• زينة : هلا والله يا عيوني !! (وتتصدد) وين مي؟ اكيد توقّف الموتر في الباركينج ..

(وهنود تفصخ شيلتها ..)

• هنود تكتب : لا يا عيوني بنتج الا فارطة وتبا تسوي مشاكل

• زينة زاغت : خير؟

• هنود تكتب: اليوم دعمت سيارة

• زينة : شنو؟ كيف؟وهي صار لها شي؟

• هنود تكتب : والله الخيل يوم دعمت العرب سوّت حق الجود .. وياء اخوها وركبت وياه ماطاعت تي ويايه ..

• زينة: شنو لوحدهم؟

• هنود تكتب : لا الشيطان ثالثهم بس..

(وروحت حجرتها وهي تصيح ..وبعد ربع ساعة نشت واتذكرت الرسالة اللي كاتبنها راشد لها ..وسارت الكبت وطلعتها )

هنيد هذا الشيك هدية صغيرة لج عشان تقّضين اشغالج واللي محتايتنه .. وأي شي تأمرين به من عيوني
واتمنى ما فهمتيني غلط يوم في المستشفى .. انا كان قصدي تتعالجين لأنه فخاطري أسمح حسّج .. كفاية انج ملكتيني ..

• هنود فخاطرها :ههههههههههههههههه والله ضحكني هنود دخيلج لا تموتين !! جيه وين نحن عايشين لايكون مسوين فلم هندي ؟ هههههههههههه بس ياربي خبل بي !! شكله طررر يا ناس .. لا وبعد يسميني هنيد فديت رويشد انا ..

• وداد: ألو؟؟

• هناء: هلا ودووود .. وينج من زمان ؟

• وداد : انا موجودة انتي اللي وينج؟

• هناء : موول ما كان عندي رصيد ..

• وداد : افا عليج انا بطرش لج ...

• هناء : هذا العشم فيج .. خبريني سويتي اللي اتفقنا عليه؟

• وداد: سرت لها وما خليت شي .. اقولج بس عفدت عليّة لا بركتن فيها ..

• هناء : جان دستيها فبطنها .. امبوني ما دانيها ..

• وداد : الفضل لج لو ما دليتيني مكانها كنت بخرب على ميود..

• هناء : يبالج تفرّين مخ ميود بكم من كورس ..

• وداد: ميود؟ ميود حبيبتي مالي وبيتم لي وبتشوفين ..

• هناء :ومنوّع؟

• وداد: منوع عالمقاعد الاضافية ..

(اما عند ميود..)

• مايد : متى اقدر ازور مريض عندكم؟ يوم الخميس؟ العصر؟ اها واذا سألت عن مريضة ممكن تساعدوني؟ اخاف اتكون ييتيّة عالفاضي .. هيه نعم .. اسمها هناء ............ أيوا ان شاء الله بصبر .. (وبعد 5 دقايق ) ليش ياخي؟ ليش ممنوع؟ شو يعني بعدها؟ مشكلة؟ مشكلة شو؟ نعم؟ منو هالحرمة؟ انا .؟ انا ريلها ليش في شي؟ حامل منو هاي الحرمة الحامل؟ خلاص انا بيي يوم الخميس واتمنى اتخلوني اشوفها لأنه اذا ما خليتوني اشوفها بطلّعها من المستشفى ويحق لي ...

،
،
،



(الجزء 50)

• مايد يرد عالتيلفون اللي ياه : هلا مانع ..

• مانع : انته وين ياريال؟ تباني أبلّغ عليك ؟

• مايد : خير؟

• مانع: ماتبا اتكون ملازم؟ ليش دوم اتأخر؟

• مايد : اسمعني يا مانع .. انا طول عمري اسمع شور أبويه لين عجّاني فداهية .. ومشاكل مالها آخر ..

• مانع : انته ما تبا بيزات عشان اتعرس؟

• مايد : ليش العروس موجودة؟ تراها شردت ..

• مانع: عن الخرابيط اللي مالها داعي .. وصلتنا معلومة انه واحد يتاجر بالأفيون ويوّزعهن عالمدمنين قصدي على اللي يتعالجون ..

• مايد : وين هذا؟

• مانع : فمستشفى دبي على ما أظن

• مايد : لالالالا الصراحة اعفيني ما اقدر ..

• مانع : شوف هذا آخر انذار لك ولا بتنسجن هاي مب لعبة .. خذ التفاصيل واسمعها .. بتدخل المستشفى على أساس انك مريض نفسي لمدة محدودةبس لين اتطلع لنا منو هذا المهاروم اللي يوّزع الأفيون ..

• مايد : بس مستشفى دبي ما عندهم مال علاج الادمان ..

• مانع: قصدي مستشفى الأمل .. (عادة حزتها اتشجج)

• مايد : صدق والله؟ يزاك الله خير .. انا لازم أصلي كم من ركعة شكر .. حمدلله ياربي الحمدلله ..

• مانع: بسم الله بلاك؟ قبل ما تبا .. شو استوا؟

• مايد : لا ماشي .. بس سيدي .. شوهي التعليمات ؟

• مانع : اول شي بنغيّر هيئتك وبنخليك آسيوي ..

• مايد: شوووووه؟ فلبيني اعععععع!!! جيه قلّوا الرياييل؟

(ومانع ميت من الضحك )

• مانع: واذا سألوك ميط الرمسة .. أونك اتقلّد البنات …

• مايد عصب : هب هبيت قصوري بعد !! والله لو يدرون اهليّة بيقولون قلّة المرجلة !! والله ل يوسّموني !!

• مانع: اتمصخر .. بس كل ما يرمسونك ساو عمرك أبلم ..

• مايد : انزين سيدي في مشكلة ..

• مانع: شو هي؟

• مايد : يوم انه خشمي طويل .. شجى بتخلونه فلبيني ولا بتقولون أبويه مواطن ؟

• مانع: أقول اجلب ويهك .. اجلب عنلات صيرك !!

(وعند ميثاء )

• ميثاء : حمد ترانا باجر بنسير دبي..

• حمد : الرب لكم حافظ ..

• نشبة : ونحن مالنا رب؟ لو اقولك سالفة بتقول لي شو تقولين؟ اما حرمتك وليفتك بتسمعها ..

• حمد يعج الترجيبة : شو لااايج ... (ويراويها اللي كم من ضرس باجيات ...)

• شما : هههههههههههههههه واعلية

• نشبة : ويييه عفانا الله .. ارحمنا الله يرحمنا برحمتك

• ميثاء : who احينه طراج؟

• حمد : يالله احينه نطر لها العرج الأمريكي..

• شما : الله يحفظنا في صورة امبوننا بنسير وياها ..

• نشبة : منو علمج انتي؟

• ميثاء : انا علمتها ..

• نشبة : وجيه ما علمتيني؟

• ميثاء : كنتي عند غرّوب ..

• نشبة : وغرّوب بتي؟

• غريبة تدخل وفإيدها رشود : لا ما عنثرّية .. امايا وصات(ن) أوصيج ..رمسي ميوه وهندوه جيه ما يرّدون عليّة يوم اتصل؟

• ميثاء : من تغلى تخلى .. وانا اشوف ميوه بتطبّع من طبع العراقية ..بنقول هذيجي ما ترمس لكن اللي ربيتيها قبل الكل .. يقولج المثلا لا تربي النغل ..

• غريبة : بسم الله عليها لا تقولين عنها جذيه .. امايا هاي بنتي .. لو اني ما يبتها تراها بنتي ..

• نشبة : وهندوه بنتج؟

• غريبة : بلاها؟

• نشبة : كيف شافها راشد؟

• غريبة : شجى بعد كيف شافها؟ كان يرمسها بالتيلفون

• نشبة توّلول: أسكنت !! أسميها قوية هالبنية !!

• ميثاء : ياربي المدّحب فكل مكان .. نشبوه؟ شجى البنية بترمس دامنها ما تتكلم؟

• نشبة : هي والله صدقتي شقايل؟

• غريبة : اللهم طوّلج يا روح !! دخيل الله فهموها ارتفع ضغطي ..

(وبعد ما فهموها )

• نشبة : انزين ترا انا هذا قصدي انتوا اللي هب فاهميني ..

• شما: الله يحفظج في صورة على هالكلام .. لا تخليني أخبر عليج ..

• نشبة أونها تلملم السالفة : خلينا من هذا احينه .. منو بيوّدينا؟ أحيدج يا ميثوه ما عندج نيسن !!

(هههههههههههههه نيسن قصدها ليسن )

• ميثاء : الا امايا انتي بتوّدينا ..

• نشبة : انا .؟ شدراني بالسواقة علىايام سعيد الله يغفر لهويرحمه كان يحلف ألف يمين اني ما أسير الدكان يغاااااااار...

• شما : طاعوا طلعت ودخلت فسالفة غير ..

• ميثاء : ويدي فقدت الغيارة !! ماعلينا غرّوب رمسي ميود ..

• نشبة : مسوّد الضلع ياني البارحة ..

• شما: اليوم .. اليوم..

• نشبة: اللي هو !! (واتذكرت ) لا عادة هو ياي يسّلم فديت ويهه موّجب موجّب .. راعي واجب !!

• غريبة : وعععععع بوطبر؟ من متى يا حظي؟ اخافج يا عموه خريتي !!

• نشبة تزاعج : انا؟ الا امايا انتي المدحوبة !! او هذي راعية الجلاصات !! ..البارحة كاسرة جلاصاتي !!

• شما: هب انا حشا عليّة !! روحج اتدّخلين هالقطاوة بيتج فضل عنهن ..

• ميثاء : وعن فضّول فوقهم ان شاء الله

(وعند فاضل )

• فاضل يكّح من الخاطر شرقان : كح كح كح كح ..يالله حد يطريني !! دحيني دحيني !!

(واتدحه زينة كم من دحّة .. وكان محمر ويهه وما يروم يتنفس .. وتضحك هنود عليه عالهزاز)

• هنود فخاطرها : دواك !!

• مي تتمخطر الساعة 2 : مرحبا الساع .. مرحبا مليووووون ولا يسدن يا عيوني !!

• فاضل يشرب ماي: توّة الناس؟ لالالالاتين بعد !!

• مي : شو أسوي؟ دامنه بنت الثانية ما طاعت تي ويانا .. وكانت بتخّلي السيارة وروحه الريال ما يدّل !!

• زينة: لا ياعيوني وانتي دليتيه؟

• مي : دليته ودليت أبوه بعد ..

(قامت هنود معصبة ودخلت الحجرة )

• فاضل : ان عدتيها وركبتي ويا ريال غريب ما تلومين الا نفسج تسمعين؟

• زينة : انتي احينه راح اتكونين مذيعة ولازم اتكوّنين سمعة زينة !! وبييج النصيب لا تستعيلين ..

• مي : وين بييّني النصيب دامني خسفة؟ هاه؟

• زينة : ورحتي المقابلةولا نسيتي؟

• مي : افا عليج رحت وقلت له يمر .. ومن وصلت هناك عجيت عباتي وشيلتي ..

• فاضل : شو هالمنكر بعد؟

• مي : هذا اللي مب عايبنك من عجيت شيلتي وعباتي ورمستهم ووقعت وياهم العقد ب 30000 درهم نوط ينطح نوط .. في الشهر الواحد ..يعني بنغتني ..وبيسكتك صح؟

• فاضل يبتسم : اكيد .. بس انا كنت خايف عليج .. (وهو ساير المطبخ ) فلوووس !! فلوووس !!

• زينة : انا معطيتج الحرية لكن مو تستويلي بنت شوارع وهذا اللي ركبتي معاه راح يصير زوج اختج يعني اتحملي على تصرفاتج ..

• مي : أي تصرفات؟انا اختيه تسوي حركات التغلي وما تبيه ماعليه آني أبيه ..

• زينة : مب عيب عليج اتقولين هالكلام؟ من يملج عليها راح يكون اخوج تفهمين؟

• مي : والله مب شرط يا عيوني .. جانج اتريدين يكون اخوج على راحتج محد مانعج وانا ما عندي اخو غير مايد ..

• زينة: والسيارة ؟ إش صار فيها؟

• مي : ماشي دعمة خفيفة عالدّبة !! جان بتطرشين السايق يوّديها الوكالة ..

• زينة : بارك الله فيج من بنت !!

• مي : شو اسوي هذي اول مرة ...

• زينة : وعن المقابلة ؟

• مي : ماكو بس بكة بيطلعوني في الأخبار المحلية مراسلة .. ولازم أجيهم الصبح ان جان اتكلم ويا الأستاذ يعلمني ويفهمني عشان ما انسى النص او اتأتئ..

• زينة : أها زين عيل .. عدلي عمرج وسشوري شعرج ..

• مي : اكيد .. بس شكلي ما بحضر .. لأني الصبح بروح ويا هنود العين ..

• زينة : شنو؟ هاي فرصتج واتضيعينها؟

• مي : ما يهمني أي شي تفهمين؟ (وعالعشاء ) عطيني مفتاحج بسير آخذ لي عشاء وبيزات لو ما عندج مانع ..

• زينة : مي انتي وايد اتغيرتي ..

• مي : هههههههه صدج؟ من متى؟ يالله بسرعة هاتي ... (وسارت زينة ويابت لها السويج وعطتها .. وعجت شيلتها وعباتها عالغنفة مب مهتمة .. وطلعت ) أحينه محد يقدر علية !!

• زينة : هنود؟ حبيبتي؟ فتحي الباب .. شفيج يا روحي؟

(وفتحت الباب تصيح )

• هنود فخاطرها : هذي هب اخت والله هب اخت !!

• زينة : شفيج؟

(وتحضنها وتصيح )

• هنود تكتب : متولهة على اميه .. والله متولهة عليها ..

• زينة : والله مو بإيدي .. انتي زعلانة على مي ؟

• هنود تكتب : اتعرفين انها كانت تتكلم عن ابو راشد ؟

• زينة : إيييه أذكر ...

• هنود تكتب : مات مقتول الله يرحمه .. وهي كانت تدري .. وحتى كلامها عن راشد ... ما رحمت ابوه !!

• زينة : الله يسامحها .. ماعليج راح تكبر وتعقل ..

• هنود تكتب : منو اللي لازم يعّقل الثاني .. انا ولا هي؟ هي الأخت العودة ...

• زينة : خلّج من هذا .. انا بخبرج بشي يمكن محد يعرفه غير ابوج بس على شرط ...

• هنود تكتب : آمري ..

• زينة : تنزلين معاية وتاكلين ..وبعدها راح اخبرج ..

• هنود تبتسم وتكتب : ان شاء الله .. (ووقفت عن الكتابة وعقب كملت ) طول عمرنا نعايرها ببنت العراقية وطلعت امها بنت أصل ..

• زينة تبتسم : مادري بس كل ما اشوفكم .. أحسّج انتي بنتي ... وهي دوم تبتعد.. يعني انتي ما يهمج الماديات وهي اهم شي عندها .. (ونزلن) ترا ام سالم مسوية اتقول راح اتمرج الصبح الساعة 7:30 شوفي ابيج اتطلعين ثيابج بره قبل ما تنامين .. وانا راح آخذهن ... (وهنود تهز راسها بالايجاب ومن خلصوا ) انتي تتوقعين اني سرقت فلوس ابوج صح؟

• هنود احمر ويهها وفخاطرها : ياهي وهجة!!

• زينة: انا راح اخبرج بالسالفة .. حبيبتي انا اهلي تجار يعني هاي هاي .. وأبوج بعد عنده خير بس نحن اكثر .. وتزوجني طمعان ويسحب من عندي فلوس على انه مديون ويشغلهن .. على حسب علمي .. وسويتله توكيل يفوّضه بكل شي ..وانا ماني عارفة بأي شي .. وبعد فترة سمعت انه ارباحه قامت اتزيد لكن آني ما يوصلني شي .. (وهنود مندمجة ) الرجال طلع يلعب بفلوسي سهرات ولعب وحريم .. وفلوسه يتاجر ويربح وبعد ما واجهته اتعرفي شو قال؟

• هنود فخاطرها : صدق انه ابويه نذل .. شو؟

• زينة : قاللي اذا مش عاجبج الوضع كلش روحي لبلادج ...

• هنود فخاطرها : الله اكبر عليه من ابو!! طبعا هذي من شيّمه !!

• زينة : واتخيلي انا اتحديت اهلي وخذته من دون موافقتهم .. واتبروا مني .. وهم يا ما حذّروني منه لكن النصيب ووين يجي .. وصبرت وصبرت وانا كاتمة على نفسي الغصة .. لين يوم من الأيام جبت له اوراق وهو كان تحت تأثير اللي ما يتسمى الخمر وخليته يوّقع ..

• هنود تكتب : بس كيف نحن سمعنا انج سامحيني ترقصين فمراقص وكذا..

• زينة : إإييييه بعد ماخذ فلوسي قبّضني الباب ورحت أسكن عند رفيجتي وماكان عندي حل غير المراقص انا ما عندي تأهيل ولاني دارسة او متعلمتلي صنعة يعني محد بيرضى يشغلني .. واتعلمت الرقص .. (وهي اتقولها ومنزلة راسها ) وليتني ما تعلمته بس هو اللي جاب لي حقي كنت ارقص بلا روح واضحك مش من خاطري .. وأبوج عنده كنه العيد ..بس اتجنن يوم عرف انها لفلوس فإيدي وحتى بيته .. وطلقني وخذ بنتي حشاشة يوفي..

• هنود تكتب : بس كيف خليتيه ايرد مرة ثانية؟

• زينة : قلت له راح اعطيه 100000 درهم اذا ردني وشكله كان محتاج الفلوس

(وعند راشد )

• راشد :اهأ اتعشين عني وما تترييني؟ شو تاكلين؟

• اليدة : والله امبوني آكل روحي .. آكل رقاق ودهنه ..

• راشد : حق المتن لا ما روم ..

• اليدة : انا متينة؟

• راشد يضحك : هههههه لا دخيلج كفاية انضربت لين ما قلت بس ..

• اليدة : جيه منو مكفخنك.. احيدك ريال تاخذ حقك بإيدك .. ثرك الا خرطي ..

• راشد : هذي جودوه الله يغربلها عجّت فؤادي ..

• اليدة : جيه شو مسوية؟

• راشد : وعّتني وقالت لي حرمتك داعمة ياتلحق يا ماتلحق ..

• اليدة : وابوييه صدق اتكلم؟

• راشد : هيه والله اتروّعت وسرت اطالع شو السالفة .. والله لو تشوفين قلبي حزتها متوفي متوفي اقولج من الزياغ اللي جاسني عليها ..

• اليدة تضحك عليه: يالله ثرك عاشقنها ...

• راشد : عاد من كثر ما شوفها .. يا مطوّلة لسانها يا ضاربتني !!

• اليدة : انته الا جمبازي !! هي حليلها وين ترمس؟

• راشد : هيييه حليلها قلتيلي !! ايدها يوم تكتب والله انها اتقطّع ...

• اليدة : انزين نحن عالبر بعدنا ما ملجنا .. ما تباها قول ...

• راشد :هاااااااااايه يا امايا .. على اللي تسويه فية اباه .. رااااااااااااايدنها .. (وتضربه على راسه ) آآي شو قلت؟

• اليدة : مب جدامي استح على ويهك من احينه متعلم المصاخة؟

• راشد :هههههههههههه اميه بقولج شي..

• اليدة : قول ياكثر ما تقول .. يوم عند عمك ما تيسر تقول..

• راشد :ههههههه لأنج مطلوبة وايد .. الا عواد وعياله .. الا احمدوه الا رشود .. لا والغصة احمدوه مسافر لازم اتجّرخين له تيلفونات ..

• اليدة: هذا الغالي بو زايد .. هو امبونه من استوا يغازلني ويذّكرني ب يدّك (وتصيح ) هئ هئ هئ هئ يالله الله يغفر لك ويرحمك وانا يوم يا يوم يا يو........ (وترمسه برمسة مب مفهومة لأنها كانت مصحوبة بصياح ..)

• راشد يقاطعها : اميه تراني يوم يوّدت هنيد ( والحرمة من سمعت كلمة يوّدت رفعت راسها كأنه منصدمة من شي .. هو احمر ويهه ) شو مستوي بلاج امايا؟

• اليدة مسكت العصا على يمينها وقامت اتشاوح بها وهو رد على ورا : يوّدتها؟ يوّدتها؟ من احينه؟ من احينه متعلم المصاخة ؟ ما سواو خير هالأمريكان نوّديكم تدرسون وتردون لنا ماصخين ومتعلمين الطفاسة

• راشد : امايا بلاج علية؟ يوّدتها لأني كنت زايغ عليها ..

• اليدة اتطالعه بمكر : أسكنت زايغ عليها !! اخييييج عليك يالماصخ يالرغيد !! امبوني أذّم عيال علي واخافهم ينحرفون عن الطريج .. طلعت انته بسواد ويه !! هرم واحد تعال هنه .. انا بعلمك الأدب !! قليل الأدب !!

• راشد : أميه خلاص عادة انا ما كنت ادري .. من غير البنيةما قصرت .. خبقت راسي بنعالها ..

• اليدة : واعلية يعوّرك؟

• راشد يتدلع : هي شوية منيه !! (ويتقرب منها وتضربه على راسه ) آآي !!

• اليدة : لو تكسر لك راسك زين تسوي فيك !! ابويه هذيلا بنات عرب وجبايل لو وحدة ثانية بتقول هي فديتك داعمة تعال هالمكان وشاوح بي دبي تراك بتاخذني خلاص .. لكن هي والله لو تسأل عنها يإنه مثلا أخلاقها مفنودة .. يضربوا بها المثل ..

• راشد : مفنودة هالهنودة !!

• اليدة : ابويه اسمعني ..

• راشد : قبل ما اسمعج داوي راسي لأنه مخبوق ..

• اليدة : بطّل السدة بتحصل العايدين هاته ..

(وسار ورد يابه وطاح على ثبانها )

• راشد : لو حار ماباه !!!

• اليدة: يالدياية حاطين خيل فيه !! يوم خبقت راسك جان سرت الدختر؟

• راشد : لا عاد خفت ينوموني او يلفون راسي ب شاش وانا باجر ورايه سيره بوّديكم ..

• اليدة : استريح الدريول موجود ..

• راشد ويضحك بمكر : هههههههه لا عادة انا سويت شي ..

• اليدة : شو سويت يا بو الفلعات !!

• راشد : رخصت الدريول ...

• اليدة : سوّد الله ويهك !!

• راشد يضحك : يعني لازم انا اوديكم ..

(وتضربه بعصاتها )

• اليدة : اتحرك اشوف جان ما اصب غرشة العايدين على راسك هرم واحد !!!

دانوه
01-25-2008, 07:53 PM
ههههههههههههههههههههههههههههههههههههههههههههه

عـجييييييييييييييييييييييييييييييييييييييييييييييي ييبه اليـدهـ

عشـاااااااااااااااااااااااااااااااان خـوييييييييييييييييييييييطـري كمـليييييييييييييييييييها >_<

المنسيه
01-26-2008, 02:44 AM
(الجزء51)

(وعلى الساعة 1 في الليل )

• راشد يتجلب مب ياينه رقاد : اووووف ليش هب يايني رقاد .. (ويتصل على احمد ) احمدوه؟

• احمد: نعمين؟

• راشد : بلاك ياخي؟

• احمد : ماشي بس فية رقاد .. وكلما بحط راسي وأرقد حد يسويلي .. وهالمضيفة ملعوزتني .. بند تيلفونك وبند تيلفونك ..

• راشد : جيه انته وين؟

• احمد: في الطيارة راد البلاد ..

• راشد : احمدوه !! إلحق على خويّك !!

• احمد: جيه بلاه خويّه؟

• راشد : I'm in love

• احمد : وخير يا طير؟ أنقّع شلّق يعني؟

• راشد : اوهووه يالله باي ..

• احمد يضحك : لا والله !! تتصل وتوّعيني وتقطع حبل افكاري وآخرتها اتبند وتخليني ب حيرتي؟

• راشد : احمدوه بتسمعني ولا لأ؟

• احمد : لازم اشارك واتفاعل وياك ...

• راشد : احمدوه رفعت لي الضغط ..

• احمد : هيه انته عج المياديف !! احمدوه اصغر عيالك !!

• راشد : انزين يا احمدان .. (ويخبره عن هنود وعن اللي سوّته )

• احمد يضحك بصوت عالي وكل الخلق اتشوفه في الطيارة : ههههههههههه احلف؟ تربع وراك؟

• راشد : جاب جاب .. بس والله حركتها غريبة .. يعني عادي .. شو بيستوي؟ وأصلاكنت زايغ عليها خفت انه ... (وما طاع يكمل )

• احمد: انا اعرف ليش ... (وبجدية اكثر ) شوف بوسنيدة انته نص عمرك قضّيته ف أمريكا .. وتعلمت عاداتهم وتقاليدهم ..

• راشد : صح بس بعد ما نسيت عاداتنا ..

• احمد : يمكن ما اتعرف انه البنية المحترمة ما تداني تنلمس بشعرةوحدة .. تبا الناس يتكلمون عنها بكل شي زين وخصوصا اخلاقها وسمعتها .. وهذا يبيّن انه البنية لوما سوّت جذيه .. انته بتقول خلتني أدقها وبتخلي غيري يدقها .. حتى لو فرضنا انك زايغ عليها .. بس هذا طلع لا إراديا ..

(وتم يالس يفكر بكلام احمد ويضحك .. بس كل ما يتذكر شكلها كيف تربع وراه .. يموت من الضحك وأذّن الفجر ونشت هنود تصلي وحصلت مي راقدة اكيد ياية نص الليل .. وبعد الصلاة .. سارت اتسبحت ..ولبست جلابية صفراء يايبتلها زينة اياها .. وتجحلت بأثمد لأنها كانت حاسة عيونها اتعوّرها )

• هنود فخاطرها : مب حاطة أي شي فويهي .. خله يشوفني على طبيعتي بدال الصبغ .. انا روحها عيوني منتفخة .. (وطلعت شوي شوي وسارت المطبخ )

• زينة : يمة !! خوفتيني !! كان نمتي؟ انا كنت راح أصحّيج !!

• هنود فخاطرها : كنت أصلي ..

(وتسويلها بإيدها حركة انها تصلي )

• زينة : آني اليوم مسوّتلكم خوش ريوق ..

• هنود فخاطرها : شو؟

(وتبطل الطاستين الحرّارات .. وحدة فيها سندويشات جبن والثانية عرسية .. وهنود مبججة عيونها ..)

• هنود تكتب : والخيبة اتعرفين اتسوين عرسية؟ متى حصلتي وقت تضربينها ؟

• زينة تضحك : فديتج آني خبيرة في الأكل الاماراتي جارتي علمتني .. وفي المطبخ هنانه محد يدخله غيري ..

• هنود تكتب : وآني بسوي شاي حليب كرك ..

• زينة تضحك : اتحجي على كيفج يوم عن يوم بتتعلمين تتحجين عراقي .. (وبعد نص ساعة انه اليدة الجود مسوية تيلفون ) هالو؟ مرحبا ..

• اليدة : مرحبا الساع ... صبحج الله بالخير يا بنيتي ..

• زينة : صبحج الله بالنور حجة .. شلونج حجة؟

• اليدة : بخير وعافية غناتي .. شو اصبحتوا اليوم ؟

• زينة : الحمدلله بخير .. الساعة جم راح تمرون على هند؟

• اليدة : عطينا 10 دقايق بس ..ليش هي راقدة؟

• زينة : لا حليلها واعلية من بعد الأذان ...

• اليدة : ما شاء الله عليها ... يالله اتجهزي انتي بعد ...

• زينة انحرجت : لا يا حجة آني ما اقدر اروح وياكم ..

• اليدة : افا ليش؟ جان عالموتر تراه يسّد ..

• زينة : لا يا حجة .. بس بوعيسى يوعى وما يشوفني يتعصب من غير بروح الجمعية ..

• اليدة : خلاص عيل براحتج .. تامرين بشي الغالية ؟

• زينة : سلامتج يا عيوني ..

• اليدة: الله يحفظج .. نحن يايين ترانا ..

• زينة : ان شاء الله

(وبندت عنها .. وسارت اليدة حجرة راشد )

• اليدة محتشرة لأنها موعتنه كم من مرة : رشود ويهّد !! لين الحينه ما نشيت؟

• راشد : اممممم شو؟

• اليدة : ورانا سيرة غربل الله شرك !! قم !!

• راشد يفتح عين وحدة يطالع الساعة : والخيبة امايا الساعة 6 جيه بنلاحق الدياي؟ 5 دقايق بس ..

• اليدة : انا لو فإيدي الدريول جان سرت .. قم لأكسر ضلعك بهالعصا .. هاكيه حرمتك غابشة حليلها ..

• راشد فز من مكانه ويمسكها من جتوفها : حلفي اامايا حلفي؟

• اليدة : والله .. يالله ارحمنا وقم .. وانقفض !! (وهو ساير الحمام مستعيل واتأشر بعصاتها ) تعال تعال تعال !! (وهي اتأشر بصبعها بتوّعد ) ان لبست بنطلون وقميص بكنسل السيرة فهمت؟

• راشد يسمع الكلام ويهز راسه : من عيوني فديت your eyes

(واتدزه عشان يطوف يدش الحمام )

• اليدة : طوف يالله طوف !!!

(وماشاء الله عليه اتسبح ف 5 دقايق طلع وصلى واتسبح في العطر ودش حجرة الجود ورد اتسبح فيا لعطر للمرةالثانية وهو نازل واليدة اتطالعه )

• راشد : اذكري الله !! اذكري الله !! أهــــأ عن تصكيني بعين !!

• اليدة : هب هبيت !! يالله طوف جدامي ..

(وركبوا واتحركوا ..)

• راشد : امايا؟ بناخذها وبنسير العين رواحنا؟

• اليدة : لا !! بناخذها وبنتريا يدتها لين توصل دبي وبناخذهم ويانا ..

• راشد : انزين امايا تحبيني؟

• اليدة اتطالعه : انا ما حبك .. اسأل ندوه هيه بتجاوبك .. (ويحبها على راسها وبرقعها ) بس اعنبوك بتدعم !! شوف الاشارة جدامك حسبي الله على ابليسك ..

• راشد : هههههههههه اتصدقين اني احبج؟ وأمووووت عليج وعلى طوايفج يالجود!!

• اليدة : مب من الله ..

• راشد : دومج ظالمتني ولا انا فقيّر ..

• اليدة : انزين إمش شوي شوي الدلال ورا ..

• راشد : لازم دلالج وياج؟

• اليدة : انا ما روم اطلع بدون دلتي .. هي اللي تفجج راسي ..

• راشد : هاي؟ الا غسالة !!

• اليدة : غسالة اللي تشربونه المدحّب قصوا عليكم هالأمريكان .. صبوا ماي وحطوا خاشوقة قهوة اععععععع..

• راشد : امايا الدنيا اتطوّرت .. ماعلينا .. خلينا فموضوعنا !!

• اليدة : شو بغيت تراك طفرتني !!

(ووصلوا عند قوم هنود ويضرب الهرن )

• راشد يترجى : دخيلج عشان خاطري فديت ويهج ..

• اليدة : بلاك عوذ بالله؟

• راشد : دوري ورا وخليها تدور جدام .. (وتضربه على راسه ) آآي !!

• اليدة : قصورك يالرغيد !!

• راشد : انزين ماعليه .. ان يت يدتها خليها اتدور في النص عشان اشوفها ..

• اليدة : انزين يصير خير .. (وخلاف حسبتها ) انا ادري عشان ترفسها بريولك ولا اتطلع ايدك من ورا ادري .. ولا هالطول !! (وصدت ) هاكييه يت .. قم !! قم شل عنها الأجياس !!

• راشد : هوااااااااااا من عيوني !!! (وينزل بسرعة وساير صوبها .. وهي انصدمت انه هو )

• هنود فخاطرها : وابويييه هو بيوّدينا؟ لا يالفضيحة !!!

• راشد : صباح الخير والاحساس والحلاوة .. (وهي عصبت وكانت رافعة حواجبها وطافت عنه ولا مهتمة ) مب قصدي والله بس عطرج لعوزني لأنه ريحته مثل الحلاوة ..

• هنود فخاطرها : أسميه هب صاحي

(وعطته الاجياس وبطلت الباب اللي جدام عشان اتسلم )

• اليدة : هلا صباح الخير فديييت روحج .. (وتسلم عليها ) واايه فديتج ..

• هنود فخاطرها : فديت هالخيّرة ... (ودارت وراها واول ما ركب رشود )

• راشد : اتصدقين يا امايا؟

• اليدة : خير؟

• راشد : انا كنت يوم عايش برع .. ثرهم ما يسلمون بالخشوم شراتنا ..

• اليدة : اووص !! اسكت اسكت فضحتنا ..

• راشد : شو فضحتج؟ انا اقول الصدق تراني .. يوم الريال بيسلم عالحرمة لازم على خدها .. واليوم تراج ما سلمتي علية .. (وسيده هنود فهمت التلميح )

• هنود احمرت وفخاطرها : يالله شكله اليوم ما بيمر على خير ..

• راشد فخاطره : وانا لازم آخذ حقي .. على الضرب اللي حصلته هههههه انحرجي شوية ..

اليدة صادة : هنود امايا؟ اتعرفين رقم يدتج ؟ (وهنود اتهز راسها بإيجاب ) عطينا اياه فديتج (وكتبت في ورقة رقم مايد ) أبويه اتصل ..

راشد : ان شاء الله ... (ويتصل ) ألو ؟ السلام عليكم .. مايد ويايه؟

مايد : هيه نعم مايد وياك ..

راشد : وياك راشد بن سالم ..

مايد: يامرحبا الساع والله .. متصّل تتخبر عن العربان؟

راشد : ههههههههههه اكيد .. وين وصلتوا؟

مايد : والله واصلين صوب الواحة .. القريبة من البيت ..

راشد : انزين اوقف هناك نحن يايين ..

مايد : شليتوا هندوه ولا؟

راشد : خلاص شليناها .. بس العيوز محتشرة علينا .. مستعيلة على رزقها ..

اليدة اتمتم : لا حول ولا قوة الا بالله

(وهنود تضحك ويوم وصلوا صوب الشيشة نزل وسلم على مايد )

هنود فخاطرها : توّني الاحظ كشخته .. وااايه فديت الكشخة انا والله احبه يا ناس !!!

(وهنود تنزل وتبطل السيت عشان تيلس ورا .. ويلست ووصلن العيايزالثلاث )

ميثاء تركب : سلامن عليكم ...

اليدة : وعليكم السلام ورحمة الله ..

نشبة : انا بيلس صوب الدريشة .. ماداني اليلسة في النص ..

شما : ولا هالطول .. امبوني ايلس صوب الدريشة وانتي دومج تيلسين في النص .. الله يحفظني في صورة ..

(وسلمن على بعض ودارت ميثاء في النص ونشبة على اليسار وشما توّها بتركب عاليمين وهنود اتحببهم على روسهم .. وشما حطت ايدها عشان اتاجب وياها راشد على غفلة مايدري بند الباب ويسمعون صرخة تدوي .. وهن قفزن من الزياغ )

شما: آآآآآي !! لحقوا عليّة!! (وهن مبججات عيونهن شو بلاها؟ اتخبلت هذي؟) بطلوا الباب !! بطلوه !!! (واتدقق براسها على سيت اليدة .. وتضرب بإيدها على السيت متويّعة ) آآآي بطلوه !! بطلوه !!

ميثاء : بلاها هذي؟

(وشما اتيّود ميثاء من عباتها وتمطها )

هنود فخاطرها : اوييييييييييييه بند الباب على صبوعها !!

(وراشد صد يطالع بلاهن؟)

اليدة تضرب على الدريشة : إلحق بطل بابها !! بطّل !! صبيعاتها !!!

(وشما اتدقق براسها انزين يالغبية بطلي الباب وفكي عمرج ..ذكاء يا ناس .. وهنود عفدت جدام بس نص جسمها واتبطل لها الباب .. وسكتت فجأة ووشما تنتفض)

شما تنفخ على صبيعاتها : اوووووووفففف اوووووففف كنت بموت الله سلمني كنت بموووت !!

(اما عند مايد )

مايد : هلا مانع..

مانع: اهلين اقووولك انته في دبي صح؟

مايد: هيه

مانع: خلك مكانك .. اباك اتيي هالمكان ..

مايد: خلاص تم ... بس ليش هالمكان مال الحريم جيه موّدي الحرمة؟

مانع: لا بس بنسير انغيّر شكلك..

مايد : شو بعد شكلي؟ الله اكبر .. بتسشورون شعري ولا بتحطون لي مكياج هب هبيت !!

مانع: لااااا ..بس شوية بنغيّر اللوك مالك .. عشان اتبيّن فلبيني اصل ...

مايد: شو بتسوي؟ بتلبسني مراري؟ وعقود وخواتم؟

مانع: ههههههههههههه تقدر اتقول جذيه ...

مايد عصب : اكرم انك هب عاقل ... لو الموت ما سويت هالشي ..

،
،
،
،
،
،
،

(الجزء 52)

• نشبة ميتة من الضحك : هههههههههه احينه الله يحفظج في صورة !!

(وميثاء حاطة ايدها على قلبها )

• راشد بطّل الباب جداها : خالوه؟ اشوف صبوعج؟ تبيني اييب لج ثلج؟

• شما : لالالا تيب شي فدياك ..

• ميثاء : رد اركب يابويه .. ورانا درب .. حسبي الله على منكرج عجيتي فؤادنا ..

• اليدة : يالله يا مرارتي .. زين ما اندحقت ..

• ميثاء : امايا نحن دوم جذيه .. (وهو يتحرك ويضحك وهنود ناقعة من الضحك ) نشبووه لسانها .. اما شموه بتلقينها داعمة ولا طايحة ..

• شما : تعايبين علية ما عليه .. الله سلمني بس ..

• اليدة : تستاهلين السلامة يا شميم .. حد اتوحّاج ..

• شما : الله يسلمج ياغناتي .. هي والله صدقتي .. عادة انا قلت بييب زهور ويانا .. لكن ميثوه ما خلتني ..

• ميثاء تتحرطم : جيه نحن سايرين نتلقف لحد؟ ترانا سايرين نقّضي شغل ويايين ..

• نشبة : كل ما تقولين لها شي .. تقولج زهور وزهور .. حشا لو عيالج ما سويتي بهم جذيه ..

(وهنود اتطّلع الطوّس الحرارة .. وراشد عينه عليها )

• ميثاء : امايا هنود شو يايبة ؟

(وهنود تراويها الاكل وتعطيهم ياكلون ..)

• راشد فخاطره : فدييييت اللي مسّوين لي ريوق .. (يقطع حبل افكاره مسج ياينه .. " معقولة تاخذ وحدة ثانية .. وتنسى حبيبتك اللي اتحبك؟" هو احمر ويهه ) بسم الله الرحمن الرحيم .. منو هذي بعد؟ (ويطرش " شكلج مغلطة في الريال اختيه " .. ويوصله مسج بعد 3 دقايق .. " لا انا مش مغلطة ياراشد " ) منو هاي؟ انا ما جد كلمت بنات ولا احتكيت فيهم بعد ..شو السالفة؟ (وصد يطالع هنود من المنظرة ما حصلها ) اكيد منسدحة ..

• هنود فخاطرها : انا احينه ميّلسة ومجابلني ريلي حبيبي وقلبي ..وليش افكر بميوه الماصخة؟ شو استوا البارحة يوم سارت وياه؟ وايد طول لسانها ملعومنة الصير ..انا لازم اخبر عليها زينة .. لازم توقّفها عند حدها .. هذي بتفكر تظهر ويا شباب .. كل ما ياها بتتفيرط ..

(وعند عيسى العصر .. كان ياي من الدوام ..وحطوه فغرفة ويا سعيد بأوامره .. وكانوا واصلين اثنينتهم فنفس الوقت .. بس كان شغل كل واحد فيهم مختلف ..)

• عيسى : يالله اتكسّر ظهري اعنبوا موّعينا من الساعة 4 خافوا الله ..

• سعيد : هذا وانا وياك بعد .. كلنا في الهوا سوا ماشي عندهم واسطات ..

• عيسى وهو يدخل النت : بدخل النت ..

• سعيد : ما بترتاح شوية؟ قبل ما يكرفونك زيادة؟

• عيسى : لا .. ياخي ضربني فضول على هالبنية احس انها فطيم .. مادري ليش..

• سعيد : هههههههه يا هالاحساس .. عيل بيلس وياك شوي قبل ما اسير اذاكر .. بنشوف اخرتها انتوا الثنينة شو بتصير؟

• عيسى : حياك .. بس آخرتها هي اللي بتندم هب انا .. (وضاف فطيم .. وسيده دخلت ) حشا شكلها اترياني ..

• سعيد : هاي مريضة نفسيا ..

• عيسى يكتب : شكلج ما صدقتي؟

• فطيم تكتب: انته منو؟

• عيسى يكتب: انا المحقق كونان وانتي؟

• فطيم تكتب : هاهاها ما يخصك غلاسة !! قول منو ولا بتحصل البلوك ..

• عيسى يكتب: أها اتذكرتج انتي اللي تتصلين واتطفرين الخلق ..امممم على ما اظن اسمج العقربة صح؟

• فطيم تكتب : قليل الأدب انته هب متربي ..

• عيسى يكتب: خليت التربية لج يا ام كراع ..

• فطيم تكتب: الكرعان خلهن لك يمكن اتسوي صالونة كرعان يا كونان ..

• عيسى متعجب : صالونة؟

• سعيد ميت من الضحك : هههههاااااااااي .. صالونة كراعين !!

• فطيم تكتب: شو اسمك؟

• عيسى يكتب: اسمي عنتر وانتي؟

• فطيم تكتب: انا عبلة ..

• عيسى يكتب: كم عمرج يا عبلة؟

• فطيم تكتب: 35 سنة وانته؟

• عيسى يكتب: توّني أحبي ..

• فطيم تكتب: معرس؟

• عيسى يكتب: اممممممم ما يخصج ..

• فطيم تكتب: عاد انا الفضول ضرب عندي ..

• عيسى يكتب: خلي فضولج لعمرج او اضربيه هذي اشياء شخصية .. لا يكون حبيتيني؟

• فطيم تكتب: حبك برص ..

• عيسى يكتب: تعجبيني يالتمساحة ..

• فطيم تكتب: من زينك انته يالطيطار .. لازم تنعجب فية اصلا ..

• عيسى يكتب: صدقتي عمرج؟ كنت اقولج تعجبيني لأنج ذكرتيني ببشكارتنا .. كانت رمستها شراتج ..

• فطيم تكتب: بشكارة فعينك !! انته ما تستحي !!

• عيسى يكتب: لا ما استحي ويهي لوح وانتي؟

• فطيم تكتب: ياربي تقهر ..ليش تسوي جذيه؟

• عيسى باستهبال ويكتب : انا؟ شو سويت يا تمساحة كونان؟

• فطيم تكتب: ثمّن كلامك ياولدا لبلاد !!

• عيسى يكتب: تشترينه؟

• فطيم تكتب: فضّل عنه منو بيشتريه وععع

• عيسى يكتب: ابيعه بمليون ولا اقولج؟ لي شور بقّص لسانج اول وخلاف بتصدق عليج بالمليون ..

(وفي الصالون الرجالي في جميرا .. مايد يتصدد يمين ويسار يخاف حد يشوفه ..)

• مايد فخاطره : الله يغربلكم ان شاء الله .. كله منج يا شمايل ..

• حسن : اووووب !! اووووب ابو المجد علومك؟

• مايد زايغ : شو يايبنك هنه؟

• مانع: ياي ويايه ..

• مايد : اكملت !! مانع دخيل الله ما لقيت غير اتخليني فلبيني ؟

• مانع: جاب يالله جاب هذا أمر (ويزجر على الحلاق ) يالحبيب؟

• مايد: انزين اول شي خبرني .. ليش حسن ما ايي بدالي؟

• مانع: شوف اذا ما تبا ارمس من الحينه .. عشان احط بدالك حد .. واذا انته انسحبت بتنطرد وبتنسجن قبل لأنه على غيابك المتواصل ..

• حسن : اذا ما تبا على راحتك محد بيغصبك ..

• مايد فخاطره : كله عشانج يا شمايل يهون اهم شي اكون عندج اوصلج ..

• مايد يتنهد وعقد العزم: سووو اللي تسوونه انا جاهز ..

• مانع: انزين ترا بعد المهمة هذي بتحصل 2000 زيادة على معاشك .. يعني كل شي بحسابه ..

(ومايد ساكت )

• حسن :وانته ليش زعلان؟ ياخي كلنا جربنا .. اتحيد مرة طبيت على عواس ووياه باكستاني؟

• مايد يتذكر : هيه الخان بلاه؟

• حسن : هههههههههههههه هذا انا ..

• مايد مبجج عيونه واعتدل فيلسته : جذااااب !!!

• حسن : والله .. ومرة .. تذكر منوع؟ شو خلونا؟

• مانع يضحك : بس والله يا ميود ان خبرت حد لأجتلك !!

• مايد : شوه؟ والله ما بخبر ..

• حسن : كان عندنا نقص في الحريم هاكي الوقت .. من غير في الليل محد يداوم .. اقولك لبسوني انا ومنوع جلابيات حريم وحجاب وغيّروا هيئتنا وخلونا اندونيسيات .. والله لو تشوف اشكالنا ..

• مايد يضحك : هههههااااااااااي لالالا اندونيسيات مرة وحدة؟ يا راجل !! ما فيكن حيلة اوووب قصدي ما فيكم حيلة !!

• حسن : والله لين الحينه عندي الصورة مصورينها اراويك ..

• مانع عصب : حسووون ويهّد !! امسحها !!

• حسن يضحك : ياخي ذكرى ..

(وقام مايد عشان يطالع )

• مايد: راوني ..

• حسن هاااه شوف ...

(ومايد يشوف بنتين غاويات حذال بعض بس بحجاب وحدة جلابيتها وردية والثانية خضرا وخلاف صد يطالع حسن ومانع ..)

• مايد : غربلكم الله شو هالغوا ؟

• مانع يضرب ميود على راسه : جاب ماصخ واحد !! احم !! (ويكلم الحلاق) لو سمحت نباك اتغيّر هيئته ..

• اللبناني: شو بدك نعملوا ميك اووفر...

• مايد: قصوورك بعد اتحط لي مكياج ان حطيت لأحش ايدك حش !!

• مانع: اسكت .. نبا اتسويه شرات الفلبينية ..

• اللبناني : أها فهمت عليك .. بدكن اكستنشنز ولا صبغة؟

• مانع : شو رايك ميود؟

• مايد : والله قلبي منقبض من هالكلمتين شو هن؟

• مانع: تباه يصبغ شعرك ولا يركب لك توصيلة؟

• مايد قلبه يدق : وابوييه توصيل بعد؟ لهالدرجة وصلت السالفة؟

• مانع عصب : شو قلنا؟

• مايد : سووو اللي تسوونه لا تسألوني .. (وهو عوّره قلبه لأنه الرجولة اختفت )

• اللبناني : انا برايي انه شعره مو محتاج للقص ..

• مايد : اكيد دامني معسكر كل اسبوع عند الحلاق ..

• اللبناني: يقبرني شو اسمووه؟

• مايد : بابو عبدالصمد ..

• حسن ومانع :ههههههههههههههههههاااااااااااااااااااااي

• اللبناني: اوكي تأبر عظامي .. برايي انك ما بتحتاج لل coloring بس راح اوصل لك توصيلات شقر وبني .. (ومايد غمض عينه من الكارثة اللي بتستوي ) وراح انشيل الشنبات واللحية .. امممم (ومايد بجج عيونه .. واللبناني يحط ايده على خصره ) شو رايكن نعمل له سكسوكة (قفل ) ولا نشيلهوون؟

• حسن عينه تدمع : شيل شيل !!

• مايد : شلاك طهف ان شاء الله يالهرم ..

• مانع: نحن بنسير ناخذ لك كم من غريض ..تعال خبرت اهلك انك بتبات برع البيت؟

• مايد : خبرت اميه ...

• مانع: يالله عيل حسن خلنا نتوكل ..

(وروحوا ..)

• مايد يشوف اللبناني يحط له شي يقبض له شعره : وبعد اتحط لي قباضات مال الحريّم؟ شو رايك اتحط لي وردة فراسي؟ تراك ظهرت لي نخلة !!

• اللبناني يضحك : لك تقبشني هادا شغلي !!

• مايد فوّل : جاب يالله جاب .. اعتدل فرمستك لأعطيك ع ويهك بخليه يعتدل هرم واحد !!!

برهوووم
01-26-2008, 02:12 PM
القصه روووووووعه
ثااانكس المنسيه

وانا سيفيتهم عندي
بقراهم بعدين خخخخخخ

دانوه
01-26-2008, 03:59 PM
منـسيوووووووووووووووووووووووووووووهـ حيـاتي

كمـليهـا اليـووووم فـ الليـل .. فـدييييت قـلبجـ انا ^___^

المنسيه
01-26-2008, 05:58 PM
اخويهـ برهومـ .. ان شـاءاللهـ اتعيبكـ القصهـ .. وننتظـر ردكـ //

دانـوهـ .. ان شـاءاللهـ فديتـج اليوم فليل بكملها =)

دانوه
01-26-2008, 06:47 PM
لالالالالالالالالالالالالالالالالالالالالالالالالا لالالالالالا

كمـليهـا الاسبـوووع الـياااي احـسن

الرميثي77
01-26-2008, 06:58 PM
متى تت كمل

القصه مثيره

المنسيه
01-26-2008, 07:16 PM
ان شـاءاللـه بكملهـا قريب =)

انته أي بارت وصلت ؟

دانوه
01-26-2008, 08:18 PM
منسيوهـ سمعـي كـلامي وكمليـها الاسبـوع اليـاي عشـاني ^_^

bental3mah
01-29-2008, 03:41 PM
.....ـــثانكســـ ــعـــ ـــالقصهـــ ....

دانوه
01-31-2008, 06:41 PM
منسيـووووووووووووووووووووووووووووووووووووووووووووو ووووووه

دخييييييييييييييييييييييييييييييييييييلج كملـي

فـدييييييييييييييييتجـ >__!

المنسيه
02-01-2008, 01:30 PM
(الجزء 53)

(وكان ميود طول الوقت مغمض عينه وهاكي يمطط شعره .. وعند حسن ومانع ..)

• مانع : حسوون بلاك احسبك مب على بعضك من رديت البلاد ..

• حسن : ليش شو بلاني؟

• مانع : احس ما تتكلم الا اذا ويانا حد .. ويوم نكون روحنا تسكت ..

• حسن : لا عادي مادريبك انته ..

• مانع : ولين متى بتم؟

• حسن : مادري لين يأمر الشيخ سعيد ..

• مانع : مين قدك يا عم .. احينه ويا الشيوخ ونسيتنا ..

• حسن : خخخخخخخخ تقدر اتقول جذيه ..

• مانع : قولي شو تشتغل هناكي ؟

• حسن : ألحق الشيخ وين ما يسير .. تقدر اتقول بودي جارد ..

• مانع : احينه انته مستواك بودي جارد؟ موّدر شغلك على بودي جارد؟

• حسن : والله ماحيده لا عيب ولا حرام ولا اسوي شي غلط ..

• مانع قفط : شغلك وبكيفك ..

(وعند راشد في الموتر كان شاغل باله عالمسج ..وأول ما وصلوا .. )

• اليدة : يالله الحمدلله عالسلامة اعنبوا ما بغينا ..

• نشبة : هي والله صدقتي .. حشا اتكسرت ظهورنا ..

(وهم نزلوا .. وبندوا الباب .. انزين والآدمية اللي داخل .. )

• هنود اتدق عالدريشة وفخاطرها : الله يغربل هالحالة .. اعنبوا كل مرة ينسوني !!

• راشد : خخخخخخخخخخخخخخخخ نسيناج !! (ورد بطل الباب ..) ههههه آسفين آسفين ...

• هنود فخاطرها : جاب جاب .. هذا شي شاغل راسه .. (وبطل السيت عشان تنزل ..)

• راشد مد ايده : هاتي ايدج عن اتطيحين ...

• هنود فخاطرها : قصورك بعد !! (ورد ايده يترياها تنزل .. وهي تنزل ..)
ويييييييييييييييييييييييه .. [/COLOR](وتنخرط واتطيح على الرصيف .. ) ويييه حسبي الله على ابليسك ..

• راشد : واي بسم الله عليج .. سلمتي سلمتي !! نشي نشي .. شي يعوّرج ؟

(هنود تأشر له لا .. وكانت محمرة .. بس ما كان يبين يشي غير عيونها ..)

• هنود فخاطرها : الله سلم ما طلع سروالي ..

• راشد : دواج محد قالج انا يوم مديت ايدي شوية وبتعضيني .. حوباتي ...

(هنود بتفصخ نعالها ..)

• هنود فخاطرها : انا الحينه براويك ملعون الصير ..

• راشد : لالالا التوبة خلاص .. كنت اتمصخر انا ...

(اما عند شمايل .. كانت طالعة من عند الدكتورة النفسية ... اتكلمت شوي وياها في حدود 5 دقايق .. يعني في تطور في شخصيتها ..وكانت سايرة الحديقة .. وتمشي .. ووصلت صوب الشيّرة ودارت عليها اتطالع اذا هزاع فوق ولا لأ .. ويلست .. ويتها الممرضة .. )

• الممرضة : هناء حبيبتي .. شلونج اليوم؟

• شمايل : والله بخير .. بس مادري من رحت غرفتي ارتحت حلمت حلم وايد عيبني ..

• الممرضة : خير؟

• شمايل : أفضّل اخليه لعمري ... ابا اعرف دفتر الالوان وينه؟

• الممرضة بفرحة : تبينه؟

• شمايل : وابا الوان بعد ...

• الممرضة : من عيوني ..

(وسارت الممرضة وردت يابت لها الدفتر .. وكانت شمايل ابتسامتها شرات اليهال فرحانة .. وطلعت الممرضة من مخباها .. )

• شمايل بفرحة اكثر : جالاكسي؟

• الممرضة : اتحبينه؟

• شمايل : وااايد امووت عليه

• الممرضة : شكلج رومانسية ..

• شمايل : ليش؟

• الممرضة : اللي عايش حالة حب ياكله .. من غير الكاكاو هذا يهّدي الاعصاب ..

(وروحت عنها .. وخلاف ياها هزاع وهي ما شافته ..)

• هزاع : السلام عليكم ..

• شمايل تهمس : عليكم السلام .. (وقفت وتبا اتروح .. الا تنافضت ..)

• هزاع : انا شرات اخوج لا تخافين .. انا اللي بحميج ..

• شمايل: اخوي؟ انا ما عندي اخو .. (وكان محمر ويهها )

• هزاع : انا قلت اعتبريني شرات اخوج ..

• شمايل :مع السلامة

• هزاع: ابا اكلمج عن اختج ..

• شمايل : هنوه؟ (ووقفت مكانها ..) بلاها؟

• هزاع: ممكن تيلسين؟

• شمايل يلست : نعم؟ آمر؟ جان بتعفد علية ؟ 100 واحد واقف لك ..

• هزاع: انا ما اعفد على حريم ..

• شمايل : شو تبغي؟

(وهو يلس مجابلنها .. بس بعد ابعد ..)

• هزاع: انزين ليش عاقدة النون؟ اميييه بسم الله زيغتيني !!

• شمايل تبتسم على كلامه : كيفي..

• هزاع: كيفج كيفج حطيه فجيبج !! اووووه تاكلين كاكاو؟

• شمايل: باجي شوي .. تباه؟

• هزاع: ياريت من زمان ما كلت ..

• شمايل: انته شو تسوي هنه؟

• هزاع: يقولج غداهم غاوي هني..

• شمايل: انته اخو مانع صح؟

• هزاع: صحيح ..

(اما عند ميود .. )

• حسن: هههههههههههههههههههههااااااااااااااي عاش عاش ..فلبينو !!

• مايد : جاب يالله جاب عنلات صيرك يالهيس !! (وهو محمر .. كان لابس بنطلون جينز وفانيلة سودة .. ومانع لبّسه سلسلة على رقبته ..وعيون ميود منطرة ) غربلك الله مرّية؟

• مانع : هههه احم احم اصول الشغل ..

• وحسن يعطيه : وهذي الحيول !!

• مايد: هب هب هبيت والله قصورك ..

• حسن : اقص عليك هاي سلسلة .. والبنيات يسمونها سويرة .. تكملة الغريضات ..

• مايد : الله اكبر عليكم ما خليتوا شي .. شورايكم بعد اتلبسوني بو شوجة؟

• مانع: ياريت بس ما حصلنا قياسك .. الله الله على الاصفر اللي فراسك ..

• مايد: استغفر الله العظيم .. (وكانن الخصل على طول شعره بالضبط ..لين اذنيه وفيه كم من خصل كان يبين انه بنية .. بس هيئته شوية فيها دفاشة يبونه يليّن )

• مانع: انزين قبل ما نسير .. راوني مشيتك ..

(ومايد يمشي..)

• حسن : لالالا خف المشية .. شوي شوي .. يعني يوم بتمشي اختال شرات عارضات الازياء ..

• مايد يطالعه بنظرة احتقار بياكله :شو رايك اربط الشيلة على خصري بعد؟

• حسن: هههههههه لالالا اكرم ..

• مانع: شوف ميود ماباك اتخرب العملية .. اباك تستعمل عقلك والفطنة ..

• حسن : ميود صد ..

• مايد وهو صاد : هاه؟

• حسن يصوره : للذكرى ..

• مايد ويعفد على حسن : والله تمسحها والله ان ما مسحتها لأمسح راسك عالارض ..

• حسن : هههههههههه فجني الله يهديك العقيد طالب الصور هب انا ..

• مانع: هي والله هو طالب الصور بذات نفسه يبا يتأكد..

(وميود قام عنه .. واعصابه خلاص ..وهم يمشون .. )

• البنية : وابويه انا على المريلة .. شو رايك بعد تلبس عباة وشيلة؟

• مايد : هب هب هبيتي يا ام لسانين .. عاد من زين لباسج المرصص والطحين فويهج !! فضل عنج وعن شكلج فوقج .. انف عليج انجلبي عن ويهي عنلات هالويه !!

(البنية زاغت تتحراه اجنبي .. وهو انهد عليها ما خلا شي .. وهم ما استراحوا لين وصلوا الموتر ..)

• حسن: انا باخذ موترك وبرده البيت .. المهم ابا اقولك شي .. كل ما تمشي .. حط ايدك على خاصرتك .. تراهم جذيه يسوون ...

• مانع: هيه .. وكل ما تتكلم ارمس انجليزي ..

• حسن : انزين كل ما تشوف بنية قول لها مدام منيكير.؟

• مايد مب فاهم : مناكر؟ انا احينه ياييبيني عشا المناكر؟

• حسن : منيكير يعني اتسحل ظفورهم...

• مايد: اععععععععع جيه ماشي صالونات؟

• حسن: يالغبي عشان تكسبهم وتسألهم ..

• مايد: هيه فهمت كل ما اسألهم باكل كلمة عشان ما يفهمون ..

• حسن : انزين .. بعد .. اتحذر من الباكستانية لأنه نحن شاكين فيهم لأنه 5 منهم موجودين ..

• مايد : الله يغربلهم ما جد شفنا باكستاني شريف ابدا !!! حشا بالينا بلى !!

(وحسن يظهر له خشم .. وهاكي مبجج عيونه ..)

• حسن : هذا اقولك خشم بحط لك اياه بس تراه سيده يطيح ..

• مايد : انزين كيف بتثبته؟

• حسن : سرنا عند الجيناوية ( هل الصين تشاينا تاون ) وسألناهم .. المهم هذا..

• مايد : غربلك الله صبغ مال الظفور ...

• حسن : هههههههههههه لالا يالدفش .. هذا تحطه عشان يلصق الخشم .. (ويحط على الخشم اليديد ..وماسكنه خمس دقايق .. وخلاف لصق ..)

• مايد : اععععععععععع فضل عنه من ريحة !!

• حسن : استحمل .. وبعد تستعمل نفس المادة انك تغطي جفونك بس نحن يبنالك نظارة ..

• مايد : ارحم الله والديك يزاك الله خير ياخويه !!

• حسن : وهذا تيلفون شرا القلم خذه .. محد بيدريبه ..

(وأول ما وصلوا قلبه يرفرف .. لأنه بيشوف شمايل ..)

• مايد : واخيرا بشوفج ..

(ويوم وصلوا عند الاستقبال ..)

• الممرضة : تعالي حبيبتي .. بوّديج الحديقة لين يخلصون الاجراءات ..

• مايد فخاطره : الله يغربلج .. (وهو يسويلها انه هو ريال )

• الممرضة : سوري سوري .. كوم كوم تو ذا هديكة ..

(مايد مشى واول ما وصل اصطن مكانه ..)

• مايد فخاطره : شو تسوي ويا الريال؟ الله يغربلك ... (وهي توها قايمة وتمشي .. ويوم وصلت عند ميود ..) شو اقول لها شو اقول؟ مدام منكر؟ لالا مدام منكير؟ لاااااااا .. مدام مكنير !! هيه هذا هو ..

• مايد يميط الرمسة: مداااااااااااااااام مكنير؟

• شمايل صدت : شو؟

• مايد ويميطها اكثر: مدااااااام مكنير؟ (وهو قلبه يدق ..)

• مايد فخاطره: يالله ما تكشفني .. فديت هالويه انا لا خليت منج يا غناتي..

• شمايل: قصورك بعد .. يالمتبنت !! هب هبيت .. سير سحّل ظفورك اول يالحريموه !!

المنسيه
02-01-2008, 01:31 PM
(الجزء 54)

• مايد فخاطره : هههههههه اسميها قوية ... بعدها على هالشخصية مسيطرة عليها .. الله يحفظج يا اميه نشيبة مورّثة اللسان الطويل ..

• شمايل وهي مروّحة وتتحرطم : اكرم انك هب طبيعي ..

(وبعد ربع ساعة .. حسن ومانع يايينه ..)

• مانع : نحن كلمنا مديرة المستشفى .. وخبرناها عنك ..

• مايد : تدري اني متخفي؟

• مانع: تدري .. بس طبعا الدكاترة .. والممرضات ما يدرون وهي ما بتخبرهم لين اتزخه ..

• حسن : خلك بعيد عن المشاكل ..

• مايد : ان شاء الله ..

(وروحوا عنه وودته الممرضة غرفته .. اما هنود .. من وصلت الخياط راوته القطعه قال بيخلصها لها بعد اسبوعين .. وهي الا كم من يوم الملجة .. وخلاف راواها قطعة بنفسجية فاقعة عيناوية وفيها الاحمر الفاقع مخوّرة ومخلصة .. لوحدة من سنة ماخذتها وسيده شرتها وخذتها وياها ..وروحت البيت .. كان راشد تفكيره في المسج وهي في اختها مي .. ويوم وصلت الساعة 8:30 )

• مي : السلام عليكم ورحمة الله وبركاته .. اسعد الله مسائكم .. قام صاحب السمو رئيس الدولة بزيارة ..

• نشبة : اندوج طاعن كل سنة اييبون لنا وحدة شيفة ..

• غريبة اتدقق: هذي رمسة ميوه .. اندوج تشبه ميوه !!

• نشبة : وعععع وايه تراب !! ميوه وين !! الا عند فضّول مسوّد الضلع ..

• غريبة تولول : حسبي الله عليج يا ميوه !! فضحتينا يالمكرفونة !! طاعي لباسها طاعي !! لا وجاية ولا عباة !! لا بركتن في هالبنية !! هاي آخرة تربيتي فيج هاي؟ (وتتصل ) ألو؟

• مي : مرحبا

• غريبة مشتطة : مستانسة على اللي سويتيه؟ سوّد ويه ابوج !!

• مي بدلع : ليش ؟ آآآآآني شو سويت؟

• غريبة تزاعج : اكرم انج ما سويتي شي ..

• مي : اييييه ليش تزاعجين؟ انا مو بنتج !! وثاني شي انتي ما يبتيني من بطنج !!

• غريبة : هب هب هباج الله من بنية !! احينه انا اللي ربيت وشاب شعر راسي وآخر شي تفضحيني وتنزلين راسي هذا يزايه؟

• مي : أي يزا هذا هاه؟ الام اللي اتفر بنتها هذي يسمونها هاي ام؟ ما اتكلم عن العراقية بس اتكلم عنج .. كاني موجودة .. ييتي وخطبتي لبنتج ولا فكرتي اتقولين لي ردي معاي .. اقولج ما من بيني وبينج كلام .. والبطاقة راح اقطعها .. جانج اتريدين اتحاجين بنتج .. شريلها موبايل .. باي ..

(وبندت ببرودة اعصاب وغريبة مستغربة من طريقة كلام بنتها .. وعند هنود )

• زينة : كاهي .. كاهي اتشوفينها؟

• هنود فخاطرها : ويدي غربلج الله شو هاللباس؟ قصير ؟ فقدتج وفقدت كراعينج السود وععععععع فضل عنج !!

• زينة : بكرة ملجة الرياييل .. متحمسة حبيبتي؟

• هنود تكتب : اكيد .. بس اليوم مول ما سوالي سالفة ..

• زينة : ليش يا عيوني؟

• هنود تكتب : مادري يمكن وايد زوّدتها وياه ..

(وسارت غرفتها اتفكر شو مصير اختها وحركاتها ..وتتذكر رشود وضحكته اللي لعوّزت حالها .. وعند عواس وفطيم عالنت )

• عيسى يكتب : اوووه التمساحة تترياني ..

• فطيم تكتب : ممكن اقول لك شي؟

• عيسى يكتب : قولي ..

• فطيم تكتب : انا بكل صراحة اسمي فاطمة ..

• عيسى يكتب : اصلا اعرف انج فطيم .. وانا عيسى

• فطيم تكتب : صدق؟ (وكانت منصدمة ومب دارية بعمرها )

• عيسى يكتب : على راحتج اذا ما تصدقين ..

• فطيم تكتب : افتح الميكرفون .. عشان أتأكد ..

• عيسى يكتب : آسف ..

• فطيم تكتب : يعني انته جذاب ..

• عيسى يكتب : اوكي انا جذاب .. بس براويج شي يا بنت نشيبة .. (ويراويها صورته صوب البحيرة وكان شكله موول متغير خاف شعره عالآخر ومسوي سبايكي ومبيّض لدرجة انه ما فيه دم في ويهه وجسمه ) يالله باي

• فطيم تكتب : لحظة لحظة دخيل الله عواس ..

• عيسى يكتب : شو بغيتي؟ فخاطرج بشي؟

• فطيم تكتب : عواس ليش اتسوي جذي؟

• عيسى يكتب : ما يخصج ..

• فطيم تكتب: ليش اتكلمني جذيه؟

(وبند الماسنجر وتم طول اليوم وهو مفوّل عليها ويسبها .. ومي على الساعة 12 ردت البيت كانت طبعا اتهوم وسمعتها هنود بس سوّت عمرها راقدة .. اما غريبة اللي مرضت بسبة كلام مي .. كانت فيها حمى وزاد عليها من التفكير وكانت حاسة بالذنب لأنها ودرت بناتها عند ابوهم ..وشمايل حالتها من اسوأ لأسوأ .. اما الصبح الساعة 9 كانت الممرضة توّعي شمايل ..)

• الممرضة : هناء حبيبتي .. قومي ..قومي .. حان موعدج ويا الدكتورة وبعدج ما خذتي الدواء .. (وتهزها ) هناء ..هناء .. ليش ما اتردين؟ (ورفعت اللحاف عن ويهها ولقت شمايل ما تتحرك والدمّان عالموسدة وتربع برع ) نادوا الدكتور حالا ... بسرعة البنت انتحرت .. بسرعة !!!

المنسيه
02-01-2008, 01:32 PM
(الجزء 55)

(ونقلوها على طول الطابق السابع يسعفونها ..وعلى الساعة 10 )

• شمسة : ألو؟ مرحبا .. بنتي ؟ (وتصيح ) شوه؟ عملية شو؟ يالله انا ياية ..يبالي ساعتين .. انا موافقة موافقة .. اهم شي بنتي .. (وبندت التيلفون ..وشلت عمرها .. وسيده عالمستشفى .. واما ميود كان يدوّر على شمايل في الحديقة .. وخلاف ما عرف شو يسوي .. سار عند مديرة المستشفى .. ويدق الباب ..)

• مايد : مدااااام مكنيررر؟

• السكرتيرة : شو بدك؟

• مايد : مدااااام.. (ويحط ايده ع خاصرته )

• السكرتيرة : ويت هيرر.. (اصبر هني .. وسارت وخلاف طلعت ..) كوم انسايد .. (ادخل )

• مايد : تانكيو .. تانكيو .. (ومن بندت الباب ...) السلام عليكم .. (وعج النظارة ..)

• امل : عليك السلام .. هههههههههههههه أيوا انته المتخفي مايد ... آمر ...

• مايد : في عندكم مريضة ما شفتها اليوم ..

• امل : اتعرفها ؟

• مايد : هيه اسمها شمايــــ قصدي هناء ..

• امل : هناء؟ هييييييه .. حليلها هالبنية موول مب مترقعة ..

• مايد زاغ : خير؟ شو استوا؟

• امل : شو تستويلك؟

• مايد : بنت عمي .. وبنت خالتي فنفس الوقت ..

• امل : ايوا .. يا مايد .. بنت عمك عندها الدودة الزايدة .. ويبالها عملية مستعجلة .. ونحن نتريا امها

• مايد منصدم : الدودة الزايدة والحمال؟ الله يستر بس ..

• امل : أي حمال؟

• مايد : إييييه المغفية !! عاطينج دكتوراه ببلاش؟ البنية حامل ..

• امل قامت من مكتبها مفزوعة : شو تقول؟ حامل؟ لالالالا غلطان ..

• مايد : شو غلطان؟ انا ويا امها سايرين عند الدكتورة وفحصتها والدكتورة أكدت هالشي !!

• امل قامت : انته متأكد؟

• مايد : والله العظيم ...

• امل : بس تحاليلنا ما بيّنت هالشي ..

• مايد : قومي سيري اتأكدي .. دخيل الله .. ممكن تسويلي تصريح اني ادخل ؟

• امل : بهالشكل؟

• مايد : أي شكل؟ هذي حبيبتي انا هب هادنها .. (وسيده ساروا غرفةالانعاش .. وهم يسوون لها التحاليل ومايد ماسك ايدها ويقرا عليها .. ) أحبج .. أحبج .. (ودس صبوعه في صبوعها ويلمح السلسلة اللي ماخذنها لها .. ) فديتج يا ربي .. ادري انه قلبج طيب .. ومستحيل تنسين حبيبج .. (ويتقرب من اذنيها ) شمايل حبيبتي قومي .. تراني اترياج .. طول عمري بترياج .. احبج .. اتعرفين شو يعني احبج؟ امووت على شمايل وروحها وقلبها وشطانتها وحتى صبرها .. حبيبتي قومي يعلني افدا روحج .. ليتني مرّقد بدالج ..

(وهي راقدة مب حاسة بعمرها ..)

• شمايل : هزاع ..

• مايد منصدم : هزاع؟ منو هذا هزاع؟ لايكون الريال اللي كان مجابلنج؟ ايهبي ياخذج عني !! والله لأراويه .. (وبعد نص ساعة تدخل الدكتورة ..)

• امل: اتعرف انك خوفتني ؟

• مايد : خير؟

• امل: البنت هب حامل ..

• مايد منصدم : شو تقولين؟

• امل وتراويه الورقة : متى حصل الاغتصاب؟

• مايد : من شهر..

• امل: بالله عليك !! حالة الاغتصاب او حتى الحالة بين الريال وحرمته .. يعني مستحيل يكون اليوم الثاني الحمال.. جيه بالله عليك البنية ارنبة وانا مادري ؟

• مايد متنّح : ما فهمت !!

• امل : انته ما درست علوم؟

• مايد : درست ..

• امل : افتح كتاب العلوم صفحة 22 وبتعرف ..

• مايد : والله ما يبته ويايه يالخبيرة !! فهميني !! كيف هب حامل؟

• امل : حصل الاغتصاب انقول مثلا يوم الاحد .. وانتوا سرتوا العيادة بعد اسبوع صح؟

• مايد : اظني جذيه ..

• امل : عيل خلاص .. البنت مستحيل اتحمل بعد اسبوع .. يوم الدياي يباله 45 يوم عشان يفقس كيف الآدمي !!

• مايد :هااااااااااااااااااه معناته الآدمية يبالها 9 شهور توّني فهمت !!

• امل : صح ..

• مايد : بس ليش جذبت علينا الدكتورة هاييجي ؟ الله يغربلها يعلها السقم .. يعلها فكل خطوة سم ان شاء الله ..

• امل : يمكن خطأ طبي..

• مايد : بعد الغبية ما سألتهم .. لكن ما عليه خليني اخلص منا لمهمو وانا براويها والله ما هديتها ولا هديت هزاع ..

• امل : منو هزاع؟

• مايد : واحد ما تعرفينه ..

• امل : انزين نحن نخاف انه يزيد عليها الويّع .. ممكن اتوقع على هذي؟ انك موافق انه انسويلها الجراحة ..

• مايد : مضمونة؟

• امل : عملية ناجحة بإذن الله ..

• مايد : أوقعها وأوّقع ابوها بعد !!

دانوه
02-01-2008, 03:58 PM
كمـليهـا اليـوووووم فـ الليـل دخيييييييييييييييييييلـج

المنسيه
02-01-2008, 10:12 PM
(الجزء 56)

• امل وتعطيه الاوراق : كلك اتحبها ..

• مايد: الا اموت على هواها .. ( امل اتأشر على ويهها ) نعم؟

• امل تضحك : ههههههه خشمك على الحافة بيطيح !!

• مايد يمسك خشمه : هههههه احينه بسير اعدله ..

• امل: غاوية هالاكستنشنز ..بسير اسوي منهن ..اي صالون مسوي؟

• مايد : تراج زوّدتيها .. سيري عالجي حبيبتي ..

(وسارت وهو سار غرفته يعدّل خشمه وعند هندوه )

• مي : انا عندي بعد ساعة تسجيل .. بتين ويايه؟ لأني بعدها بروح الصالون ..

• هنود تكتب : روحي بسير الصالون مب محتاجة لج ..

• مي : ترا هناك مكياجهم يجنن

• هنود تكتب : خليته لج ..

• مي : براحتج يا عيوني ..

(وسارت لبست تنورة وردية طويلة وفانيلة بيضاء .. كاجوال عشان هناك يلبّسونها .. وشلت شنطتها بس انفرطت وطاحت .. وطاحن الاغراض عالارض .. موبايلين اثنينه ..كلينكس .. جلوس .. جحال .. مبرد .. مشط حق الكشة .. لكن الصدمة الاكبر محصلة شيئين ما يتحصلن فشنطة بنية واللي هو علبة سجاير ومدواخ ودوخة .. )

• هنود فخاطرها : ويلي ويلاه !! مدواخ .؟ لهالدرجة توصل؟ (وحطت ايدها على راسها ومي سيده كانت تحبي وشلشلت اغراضها وهي زايغة وقامت وطلعت وهي تربع ..) هب هباج الله ..يالقوية يالمستلعنة الله يغربلج !!

(وتم داير راسها وخذت بنادول اكسترا .. والصداع مب طايع يخوز عنها .. ونزلت وهي يائسة من اختها .. كل مرة تتذكر صورة اختها والمدواخ .. بس المدواخ حق الشباب .. ما كد شافت بنية اتدوخ مدواخ .. )

• زينة : يمه هنودة شفيج؟

• هنود تبتسم وفخاطرها : ليتج اتعرفين شو فداخلي يا خالوه ..

• زينة : ابي اطلب منج طلب .. هنودة حبيبتي .. ابيج لما تطلع مي تروحين معها .. ريلج على ريلها .. يا يوم .. انا خايفة عليها .. وعيال الحرام اشكثر .. وهذي بنتي لو مهما يصير يا يوم ..

• هنود تكتب : ان شاء الله ..

• زينة : اتصلت بج الجود .. حاجتني واتقول بتمرج بعد ساعة ..

• هنود مستغربة : لويش؟

• زينة : هههههه لويش؟ لأنه راح توّديج الصالون ..

• هنود تكتب : وانتي؟

• زينة : آني؟ لا يا عيوني .. آني راح تمرني وحدة تعمل مكياج وشعر .. اما انتوا البنات خذوا راحتكم ..

• هنود تكتب : فديتج يا عيوني ..

(وزينة اتظهر لها بيزات .. يكفيها الا ويزيد .. وردت اتفكر ف أبوها اللي هي من لحمه ودمه من اتحولوا ما فكّر يعطيها درهم واحد تصرفه .. وحرمته العراقية قلبها اصفى عنه .. وعيونها تدمع .. ليش الدنيا مرات تكون قاسية .. ابا يكون ابويه شرات كل ابو .. شمعنى انا ابويه اللئيم؟ شمعنى همه هو البيزات .. ما عمره فكر بحياتنا وكم من مرة فكر انه يبيعنا .. ما همه سعادتنا او حتى ابتسامتنا .. اهم شي عنده يعاندنا ويشوف الدموع في عيوننا .. كأنه انجز انجاز .. وخذ براءة الاختراع عليه .. وعند عواس .. كان يلبس الدريس ماله وسعيد وياه ..)

• عيسى : اتعرف انه البارحة كانت تترجاني رجا ..

• سعيد يلبس الدلاغ : كانت فطيم صح ؟

• عيسى : كنت حاس .. واصلا روحها اعترفت ..

• سعيد : وشعنه ما ترد لها ؟

• عيسى : انا ارد لها ؟ ههههههه والله ضحكتني يا سعّود !! انا ارد لها ؟ (وبجدية ) انا اقولك لو تموت 100 موتة ما رد لها .. اتعرف شو ما ارد لها ؟ يعني بعذبها شرات ما سوّت بي .. انا ادريبها تبا ريال مريّش وعنده فلوس .. لكن اتهبي تاخذ قلبي .. انا انقرصت مرة وقلت لها الله يهنيج .. لكن من سابع المستحيلات ارد لوحدة خسيسة ومنافقة شراتها !! يعني انا اترييتها وحتى بسبتها ما كملت دراستي ولا دشيت جامعة كله عشان امسك عمري وأيّمع لعرسنا بيزات .. ريال على ريال .. وهي الا لعّابة بتلعب شوية وبتفر قلبي .. ههه هذي الا ياهل بعدها ما عقلت !!

• سعيد : يالله يا عواس وايد شال فخاطرك ..

• عيسى : شو ما شليت ... لكن احينه هي اللي تراكض ورايه .. تراها تبا واحد لعّاب حاضرين ..

• سعيد : إييييييه لا تنسى هذي من هلك وعرضك !!

• عيسى : هه ومن قالك بسّوي شي؟ خلها تركض ورا حلم ما بتحصله ..

• سعيد: يا ريال .. خلك من الخجة .. لا تتعلم هالطبع !!

(وبطل الماسنجر ..)

• عيسى : طاع !! هاكيه اونلاين !!

• سعيد : لا حول ولا قوةالا بالله .. انزين رد عليها ..

• عيسى : مالي مزاج ..

• سعيد : خاف الله فيها ..

• عيسى : ماخافت الله يوم قالتها جدام اميه نشبة .. يوم غربلتني .. انا ما كنت ادري انها وايد شالة علية !! طوف طوف خلنا نسير نتريق قبل ما يدق الجرس ..

(وهو يطالع نافذة المسن وهو متألم الا منكسر .. وعند مستشفى الامل ..اليدة ميثاء وشمسة يايات مسرعات .. وكانت امل طالعة من غرفة العمليات ..)

• شمسة : سامحينا عالتأخير .. شو مستوي فبنتي ؟

• امل: انا بسألج ايام الاغتصاب كانت اترجّع صح؟

• شمسة : هي اترجّع دم حتى روحي اتروعت عليها ..

• امل : من يبتوها لعندنا سوينالها وايد تحاليل بس ما كان مبيّن لين طاحت علينا وعرفنا عوقها ..

• ميثاء : شو عوقها واعلية عليها ؟

• امل : الدودة الزايدة ..

• ميثاء منصدمة : دودة فبطنها ؟؟ طلعوها عيل !! هذا اكيد من اللوز !!

• امل تضحك : خالوه مب دود دود .. قصدي انه سبب انها ترجّع دم والويّع فبطنها .. ورفضها للاكل والحمى .. هذي هي اعراضه .. بس ما تبيّن الا بعد فترة وعند هناء .. موّصل لمرحلة متقدمة .. بس نحنا اتلاحقنا عليها والحينه بإذن الله اتكون بخير ..

• ميثاء : يالله الحمدلله والشكر .. (وتصيح ) يالله تشافيها .. هاي البنية مووول هب مترقعه ...

• امل : وممكن تتفضلون لمكتبي ؟ (وشمسة كانت زايغة انه شمايل سقطت الحمل .. ويوم سارن وياها )

• شمسة : خير يا دكتورة ..

• امل : لو سمحتي ابغي اعرف اسم الدكتورة اللي شخصت حمال هناء ..

• شمسة : مادري والله شو اسمها بس احيدها اردنية .. جيه؟

• امل : لأنه هناء مش حامل .. ولا شي كما تعتقدون ..

• شمسة منصدمة : شو تقولين؟ عن الخبال !! لالالا نحن متأكدين ..

• ميثاء منصدمة : أي حمال؟ بنتج حامل؟

• امل : هناء لا حامل ولا شي .. وانا مسويتلها 5 مرات تحليل تبع الحمل ..

• شمسة عصبت : شوه؟ تتحرانا نلعب وياها؟ جيه لا حسيب ولا رقيب عليها؟ والله لأشتكي عليها .. انزين دكتورة منو وقع عالعملية؟

• امل اتلعثمت : هاه؟ اختيه من قلتي انج موافقة خلاص .. نحن اتصرفنا ..

• شمسة : مشكووورة يا بنيتي .. الحينه عادي نشوفها؟

• امل : لا ما يصير لين اتكمل ساعة بالكثير .. ويخوز عنها البنج ..

• ميثاء وهن طالعات : تعالي اباج .. (واتخبرها كل شي واليدة شوية وبتتخبل من اللي تسمعه ..وعند الجود )

• الجود : بنسير صالون وحدة اعرفها من زمان .. بس توّها فاتحتنه بس شو مكياجها خبال ..

• هنود تكتب : اهم شي اني وياج .. مب مهم المكياج ..

• الجود : فديتج والله ما خبرتيني .. جيه ما خليتيني اسوق ؟ واصريتي انه ناخذ موتركم ..؟ (وهنود حطت صبعها على راسها معناتها مزاج ) ههههههه يا مزاجية ..

(ويوم وقفوا عند الاشارة ..)

• هنود تكتب : متحمسة اشوف امج نداية !!

• الجود : اميه نداية ؟ ههههههههه اقولج وايد متلومة منج .. لأنها ما يت يوم الخطبة حتى ما رقدت الليل .. وهي تفكر بس والله يا هنود اميه ما تروم سيراتها ويياتها ثجيلة .. ما تحب تطلع .. ونادرا ما تي دبي .. ومن توصل المزرعة تتذكر ابويه سالم وتدعي له بالرحمة ..

• هنود فخاطرها : الله يغفر له ويرحمه .. بس من القصة والله حبيته ..

• هنود تكتب : وشو اخبارج ويا محمد؟

• الجود تضحك هب مصدقة : هههههههه محمد؟ الله يذكره بالخير .. انسان بصم على قلبي ومستحيل انساه .. يمكن هو نساني .. بس انا اقولج مستحيل انساه ..

• هنود تكتب : وليش ما تحاولين اتدوسين على كرامتج واتردين له ؟ ما تبين عيال؟ ما تبينه هو؟ ما تحبينه؟

• الجود : حب؟ دخيلج يا هنيد .. بعدج ما جربتي الحب .. (ودمعة ورا دمعه تنزل من الجود ) اتعرفين يوم تكسرين بخاطر واحد حبّاج من كل خاطره وباع الدنيا عشانج هذا هو محمد .. وانا وايد متندمة لين يومجهذا اني ما رديت له .. والله اني اذكر يوم يطلقني في القرية كأنه توّة حاصل لي .. حسيت روحي بتظهر من ينبي .. ولا اقولج .. في آدمي يتريا حرمته سنتين لين اتخلص دراستها ومستحمل جفاها وعنادها؟ في؟ ياختيه وايد بنات مستقويات لين ايييهن شي ويعجهن مرة وحدة امممرة ..

(ومن وصل الصالون سيده غيروا الموضوع لأنه حساس وايد .. لدرجة انه الجود صاحت .. وعند شمايل دش مايد ..)

• امل : شوف اا دخلتك على اساس انك ممرض ..

• مايد : ان شاء الله .. ان شاء الله

(ولبسته الكمامة عشان ما يبين شي غير عيونه .. وبعد ربع ساعة .. شمايل تمسك ايده وهو كان سرحان بس قفز )

• شمايل : ابا جالاكسي ..

• مايد بجج عيونه وفخاطره : جالاكسي .؟ من وين اييبلج جالاكسي؟ هااااااايه رديتي لي روحي ..

(وهي بعدها ماسكة ايده )

• شمايل : اقولج ابا جالاكسي سيري هاتي لي .. (ونشت تتويع وهدته ) آآخ اشووو هذا؟ شو استوا ببطني؟

(مايد طلع برع لأنها بدت تقوم .. وسار يدوّر لها الجالاكسي ما حصل وعج الكمامة ..ويوم هو راد )

• ميثاء : تستاهلين السلامة يا امايا ..

• شمايل تحضن ميثاء وما طاعت اتهدها : اتولهت عليج يا امايا .. (وصدت اتطالع ) انته بعد ؟ اعنبوا لاحقني فكل مكان ؟

• شمسة : جيه منو هاي؟

• مايد : مدااااااااااام مكنير؟

• شمايل : اطلع برع !! كلنا حريم شو تبا بنا؟

• ميثاء : منو هاي اميه؟

• شمايل: هذا ريال فلبيني بو المراري شو فيه فضل عنه طاعي شوية وبيتحيّس !! فضل عنه .. انا روحها جبدي اتلوع من هالاشكال ..

• مايد فخاطره : حسبي الله عليك يا منوع يا ساس البلى ..

(وهو واقف مصطن يسوي عمره مب فاهم )

• شمايل: انته مينون؟ اقولك اظهر ..

• مايد : مداااام مكنير .. مداااام !!

• شمايل: يابويه ما نبا شي !! سر عند الممرضات يمكن يبنك سر الله يهديك !! (وحاطة ايدها على بطنها ) انا ما روم اقول شي بس تعبت وياه يأست !!

• ميثاء: خليه مصطن لين تي الممرضة .. بتسحبه ..

(ويخبرونها بكل شي وشمايل منصدمة واتطالع بطنها )

• شمايل تصيح : انا هب حامل؟ حلفي امايا؟

• شمسة : والله العظيم انج هب حامل .. تعبوا وهم يسوون التحاليل طلعت هذيجي الدكتورة اونها مغلطة !!

• شمايل: والله اتهدوني عليها الملعونة !! انا كنت اصيح دم بسبت هالشي ويننت بي في بنية بترضى تسكت عن اللي استوالها؟

• شمسة : اكيد لا .. بس انتي يوم بتقومين بالسلامة .. كل اللي تبينه بيستوي ..

• شمايل وبهدوء : وميود؟

• شمسة : شو تبين فيه ؟ خليه يلتعن عنج !! هو ساس البلى !!

• شمايل : بس انا احبه اميييه والله احبه !!

• مايد يدقق براسه عالطوفة وبصوت واطي : يالله .. يالله يالله !! ودوني الانعاش .. انتي انعاشي يا حلات هالكلمة ..

• ميثاء : وابويييه وابويييه .. الحقي طاعيها اتدقق براسها على اليدار .. اهبي !! وابوييه هاي فيها زيارين .. طلعي برع هب ناقصينج !!

(وعند مانع ..)

• مانع يمسك اخته العنود من شعرها : شوفي ان ما رديتي استسمحتي من ريلج وابو ريلج والله لأمسح بويهج عالارض

• ام مانع: دخيلك يا مانع هدها ..

• مانع : محد مخرب اخواني غيرج انتي ودلعج !! انا اختيه اتسير تشتكي عن ابو ريلها؟ هذا شرات ابوج اهبي هباج الله .. جنتج ونارج .. وهاكي الاهبل مبطل حلجه اتقول ياهل ..

• العنود : اصلا ما دانيه !! هاتوا له حد يشله ويحطه انا ما اقهره !!

• مانع: بتغدين شرات بشكارته اتعرفين شقايل؟ شرات البشكارة تحت ريله ... شرات ما فضحتينا .. لعنبوا دارج بيزاته كلهن عندج انتي ومحد يروم يردج وتبين تفرينه برع البيت والله وراسي يشم الهوا .. انا بعرف دواج !! (ومسكها من رقبتها )

المنسيه
02-01-2008, 10:15 PM
(الجزء 57)

(اما بعد صلاة العصر ..)

• الجود : سوري أخرتج .. يالله انا بروّح وبيي وياهم ..

• هنود تكتب : ما بتتغدين ويانا؟

• الجود : أي غدا فديتج؟ أذّن العصر وبيأذّن المغرب .. يالله اشوفج خلاف يا احلى عروس ..

• هنود فخاطرها : الله يحفظج .. (وسارت سيده لحجرتها اتطالع عمرها في المنظرة .. اتفكر ..) هل انا عاشقة لرشود؟ ولا انا اقص على عمري؟ ومانع؟ نسيته؟ (وتتنفس بصعوبة ) أميييييه ..هل قلبي بيرضى اني اخذ واحد احبه بعد اللي صار لي؟ اخافه يوم من الايام يسألني عن الحادثة ..

(تمت بجلابيتها .. اتطالع مكياجها اللي يمزج بين الناري الاحمر والاصفر الهادي .. والجحال الفحمي الاسود اللي مرسوم من اول العين لآخره بخط طويل ورفيع .. والروج الاحمر الصارخ .. واتطالع التنورة والقميص لكن مب أي كلام .. كانت شارتنه لها زينة من مصمم بس مب معروف توّة في بدايته .. تنورة حمراء حرير ضيقة لحد الركبة ومن تحتها وسيعة شرا السمكة.. وقميص اصفر ومسّوي فيه قصات للقميص مبيّن انه انيق وعند الاكمام ركّب الدانتيل الفرنسي من نفس لون ال القميص وفيه صبّة كريستال من اللون الاحمر وكله عالاكمام ..)

(وعند راشد)

• راشد : معرس !! معرس فديتني .. ياحظي فهالبنية .. (ويوصله مسج يقطع فرحته .. " مستانس على عمرك بهالعرس؟ الله لا سامحك " ) والخيبة !! منو هاي ؟ العثرة تعثرها !!! (ورد اتصل بالرقم .. محد يرد ) اووووف !! come on طاف طاف هاي وحدة فاصية ..

( اما شمايل .. على طول ودوها حجرتها القبلية .. وكانت وياها ميثاء وشمسة وامل )

• امل : نحنا نقلناج لغرفتج لأنج خلاص مب محتاية غير للراحة ..وغيرج يحتاج اكثر للعناية ..

• شمايل : زين سويتي .. ممكن تخلوني ويا الدكتورة رواحنا ؟

• ميثاء : ليش امايا؟ شي فيج؟ شي يعوّرج ؟

• شمايل : لا ببس ابا اكلمها شوي ..

• ميثاء : ان شاء الله طوفي شموس .. (ويوم طلعن )

• شمايل عجت شيلتها : أسئلة وايد اتدور في بالي يا دكتورة ..

• امل يلست :وانا اقولج اعتبريني دكتورتج لأني بشرف على علاجج ..

• شمايل : دكتورة انتي متأكدة اني هب حامل ؟

• امل :اتعرفين اني استغربت وخلاف اتأكدت وكله من التحاليل ..

(واتخبرها بكل شي )

• شمايل : يالله هم وانزاح .. اتعرفين انه هلكني والله اني كنت حاسة انه مافي فداخلي ياهل ..

• امل :انتي قوليلي شو اسمها الدكتورة وانا بتصرف ..

• شمايل : انا اعرف شكلها بس ناسية اسمها .. ودّوني صوبها وانا براويها الويل على اصوله ..

• امل : في اسئلة ثانية في بالج؟

• شمايل اترددت : هل ؟ هل؟ هل انا؟ (واحمر ويهها وحطت ايدها على بطنها ) يعني بنية ؟

• امل: لا يا هناء .. انتي مب بنت ..

• شمايل نزلت دموعها لأنه وقع الكلمة صعب عليها : مشكورة مشكورة .. اناما ابعطلج عن شغلج ...

• امل : زعلتي؟ هذي هي الحقيقة واتمنى اتعرفين حقيقة مرضج ..

• شمايل بعصبية : انا هب مريضة ..

• امل : هناء .. الدكتورة شخصت مرضج وانتي عندج خلط بين الواقع والخيال .. من كثر الكوابيس ..

• شمايل : وسببهن الاغتصاب .. وانا فاهمة ..

• امل : بإذن الله كل مرض وله علاج انتي مستعدة تستمرين في العلاج؟

• شمايل: هالحزة لا ..

• امل : اتمنى اتقولين أقدر وأقدر ويكون العزوم عندج يفوق التوقعات صدقيني بتتعافين بأقصر وقت ممكن ..

• شمايل : تتكلمين جد؟

• امل : اكيد ..هناء انا بعطيج دواء يرقدج عشان يخفف الالم ..

• شمايل : ياريت لأنه بطني يعورني والخياطة اتزيّغني ..

• امل : لاتشوفين الخياطة عشان ما تلمسينها ..

(وعطتها الابرة وطلعت .. وعند عيسى فتح المسن بس ما لقاها اون لاين ..)

• عيسى مستغرب : غريبة ما دخلت اليوم؟ هههههههههه شكلها يأست الحرمة ..

• سعيد : عواس ما شفت طبجة نعالي؟

• عيسى : اظني فارنها في الحمام ..

• سعيد : منو كنت اتكلم توّك ؟

• عيسى : ههههههههه اكلم عمري ...

• سعيد يسّوي عمره منصدم : لهالدرجة وصلت السالفة؟ اتكلم عمرك ؟

• عيسى : هع هع هع لهالدرجة واكثر يا عموه ..

• سعيد : اشوفك جلبت مصري يا واد ..

• عيسى : أمال؟

• سعيد : بقى عاوز أسألك البت دي بتاعت اللي ما بيتسمى المسن بتدخل؟

• عيسى: لأه .. دي عاوزة تتغلى .. على مين يا راجل !!

(سعيد وعيسى يضحكون .. وقابضينها على القناة المصرية ..وفي الموتر )

• نشبة اتكلم الدريول اليديد : ابويه محمد اتدل؟

• محمد: ماما انتي قول وين انا في روح مكان وين تبي !!

• نشبة : لا حول ولا قوة الا بالله ..

• غريبة تضحك : بلاج معتفسة عموه؟ دامنه ويانا محرم خلاص .. (وترقد راشد عشان ينش خلاف )

• حمد : شو تقولين ؟

• غريبة : ابويه خف صوتك عن ينش الياهل ...

• نشبة : ما نقول شي ما نقول شي ..

• غريبة : لا تحاتين انا ادل ..

• شما : احينه الله يحفظها في صورة لو خليتوا زهور تي ويانا .. عشان ترفه عن عمرها بدال الحبسة .. جان زين ..

• نشبة نشت لها نشة : انطبي اقولج انطبي زهور وزهور شعنه؟ روحتنا مرتصين ..

(وفطيم وهناء يواويجون جدام ويطالعون نشبة )

• فطيم : رواحتنا؟ من وين يا يبتنها بعد؟

• هناء: بدينا بقاموس التخريف !!

• فطيم : اميه؟ بس وينها اميه ميثاء ؟

• غريبة : سارت ويا شموس عند حرمة ..

• فطيم : قصدج شمايل؟

• هناء : خالوه ؟ وينه مايد ؟ احيده لازم يكون موجود فهالمناسبة ..

• غريبة : مسافر برع البلاد .. دورة مال الشغل..

• هناء: حراااااااااااااااااااااام بيفوّت ملجة اخته ..

• نشبة : وانتي شو حارّنج ؟ (واتغير السالفة ) الله يستر .. يالله توصلنا بالسلامة .. روحه الدريول يديد ..

• فاطمة فخاطرها : طبعا اليوم ما بدخل المسن بسبت الملجة ... اكيد ما بيحاتي اذا دخلت ولا لأ .. بعد اللي سويته فيه .. ادري انه ما يباني .. بس انا قلبي يباه .. ومب طايعة انسى صورته اللي حطاها آخر مرة .. كان مبيّن انه بخير وعافية الا طرر ..

(وكانت هنوه متغشية واتطلع موبايلها من شنطتها .. وبالدسة اتطالع 3 ميسد كول .. انه هزاع لأنها اتعرف رقم المستشفى .. محد غيره يتصل .. )

• هنوه فخاطرها : ياربي شو اسوي ؟ ارد عليه؟ والله لو سمعونني اهلي جان جتلوني .. ماشي غير ارد عليه خلاف .. امبونه اهبل .. ولا بيسوي شي ادريبه جبان ..

(وسيده اييها مسج ..ان ما رديتي علية لأطلع ورقة الزواج العرفي جدام اهلج وأطّرها جدامهم ..")

دانوه
02-01-2008, 11:50 PM
@___@

زاوووووجـ عـرفـي

كمـليهـا دخيييييييييييييلـج

دانوه
02-02-2008, 12:14 AM
ويـن الـي بيكمـلهـا ^___^

المنسيه
02-03-2008, 11:41 PM
هييييه

زواج عرفي >< اتخيلي ..

ألحيـنهـ بكملها

المنسيه
02-04-2008, 11:26 PM
(الجزء 58 )

(كانت هنوه زايغة ينكشف امرها .. توّها كانت تسبه واتقول عنه جبان بس الله راواها ..
ويوم وصلوا بالسلامة دخل اليد ميلس الرياييل وحصل عايلة علي كلهم هناك .. من صغيرهم لين كبيرهم .. ومن دشن الحريم كانت الجود وندى ودانا ووفاء وسلامة وعهد واليدة الجود موجودات .. سلموا على بعض ومن يت زينة سلمت عليهم عم الهدوء لأنها يت قريبة من غريبة ..مدت إيدها ..)

• زينة : مبروك ملجة بنيّتج ..

• غريبة : الله يبارك فيج .. (والكل يطالع العدايل ..)

• زينة : اتفضلي .. اتفضلي ..

• غريبة احمر ويهها : زاد فضلج الغالية ..

(وماكانت تروم ترمس لأنه الغلط منها البنت يوم بيملجون عليها لازم يكون من بيت ابوها .. ولازم مكان ما هي عايشة ومتربية هي ليوا مب دبي .. احينه الناس بياكلون ويهها .. وعند مي وهند في الحجرة )

• مي : ياعيني يا عيني انا ما كنت دارية انج هب سهلة ..

(وهنود اتطالعها بنظرة .. كانت مي لابسة فستان اسود ضيق وقصير لين ركبتها وفيه كريستال بيض .. وكان كات .. وتسريحة مرفوعة ما تناسبها لأنه رقبتها عريضة ومكياج اسود .. ويابوا المليج .. وهنود على اعصابها ما تعرف فشو اتفكر .. ومحد دخل عليها الغرفة .. وهي تاكل في عمرها وتتحرطم .. وتسمع فجأة صوت تيهيييل .. )

• .................. : ألف الصلاة والسلام عليك يا حبيب الله محمد ..

(ودخلت غريبة لحجرة هنود انصدمت مكانها وهنود سيده حضنتها )

• غريبة تصيح : ما توقعت انج كبرتي وبتسيرين بيت ريلج .. سامحيني .. سامحيني ..

(وهنود راصة عليها مب طايعة اتهدها .. )

• هنود فخاطرها : على شو اسامحج؟ انتي ما سويتي شي يا امايا ... آآآخ اتولهت عليج .. انتي ملكتي قلبي .. صدق يوم يقولون حنان الام غالي ..

(ويلست غريبة توّصيها على ريلها .. لين نزّلتها )

• ندى عينها دمعت : بسم الله عليها الله يحفظها ... (واتطالع شعرها المنشول لين ركبتها .. )

• شما : ربي تحفظها في صورة .. ربي تحفظها في صورة ..

• هنود قلبها بيطلع من مكانه وفخاطرها : امييييه مادري ليش زايغة جذيه .. ( وسلمت على ندى ..)

• ندى تمسح على راس هنود : حصّنت عليج بالله وملائكته .. (وهنود سلمت عليهم ويلست قريب من ندى و خلاف ينّها البنات كلهن ويسولفن عليها حتى دانا بلهجتها المكسرة .. ومرات تتكلم عربي بحت .. ومي وهنوه كانن معتزلات رواحهن كل وحدة في صوب .. وفطيم يالسة ويا شلة البنات ماخذتنهم السوالف .. ومي ترمس في التيلفون وكان ويهها منوّر .. كأنها اتكلم شخص غالي ..)

• الجود : ألوه؟ ها بوسنيدة بالبركة .. ملجتوا؟ انزين لحظة بعطيك امايا ..

• ندى : هلا ابويه .. ان شاء الله ان شاء الله قلنا .. انزين .. (واتطالع هنود وتبتسم) من عيوني .. ام عيسى؟

• غريبة : يا لبيه ..

• ندى : لبيتي الحاية يا غناتي .. راشد بيدخل بيسلّم .. خذوله درب فديتج ..

• غريبة : ام مي وين الميلس الثاني ؟

• زينة: على يسارج يا عيوني .. ( الجود شالة الكيمرة وتصوّر )

• ندى : شعنه اتصورين بعد؟

• الجود : اميه هاي ليلة العمر ما تتفوّت .. (ودزت كرسي امها وسارت وياهم هنود للميلس الثاني ..)

• راشد : عمي خذ لي درب بدخل ..

• اليد مسك ايد راشد : مبروووك يا بويه ..

• راشد يبتسم له : الله يبارك فحياتك ..

• احمد : مستعيل الريال ..

• عواد : بلاك ؟ هيّد !! البنية ما بتشرد يقولك الشاعر ..

• احمد: كاشخ الريال .. كل هذا حق ال women مالك؟

• راشد : انطب انطب ..

• احمد يضحك : اسميهن ألفاظ ..

(فاضل كان يرمس زينة ويوم بند عنها ..)

• فاضل : تعال .. اقرب ..

(وكان راشد لابس كندورة سودة والغترة الحمراء والعقال وويهه منوّر بشوفة الحبيب .. واليد حمد لابس لكم الكندورة الكركمية ..ومتجحل بأثمد .. شكله هو المعرس هب راشد هع هع هع .. )

• حمد وراشد: السلام عليكم ..

(والحريم كلهن ردن السلام )

• هناء فخاطرها : والخيبة هب جمال فيه .. أسميه طرر لا وشخصية بعد !!

• مي : ويلي ويلاه من رشود .. وطوايف رشود ..

(وهناء اتطالع مي باحتقار .. كأنه كل وحدة اتعدت على ممتلكات الثانية .. وراشد يدوّر بعيونه على هنود وأمه مب محصلنهم ..)

• اليدة الجود : هاااه اتدوّر على حد؟ (واحمر ويهه منحرج لأنه كلهم يسمعونه ) سر على يسارك بتحصلهم هناك ..

• راشد متحمس : ان شاء الله .. (ودق الباب .. ووراه اليد حمد .. ) اتجدمني ابويه ..

• اليد حمد: ما تقصر يا بويه ..

• ندى : اقرب .. اقرب .. (وبطل الباب ومن دخلوا .. اتغشن ندى والجود )

• اليد حمد : السلام عليكم ..

• ندى والجود : عليكم السلام ورحمة الله وبركاته ..

• هنود سارت حضنت يدها وحبته على راسه وفخاطرها : وااايه فديت ويهك ..

(وراشد يطالعها وهي مبتسمة ..)

• اليد حمد : باليركة يا بنتي .. منج العيال ومنه المال ان شاء الله ..

(و حط فإيدها كلينكس ملفوف بشي ..و سيده روّح عشان ياخذون الحريم راحتهم ..)

• ندى : مبروك يا ولدي عساه مبارك وسعيد ..

• راشد: الله يبارك فحياتج .. عقبال رحيل انتوا ما منكم فايدة ..

• ندى تضحك : ما اتيوز عن سوالفك .. (وسيده حباها على راسها ..)

• راشد : فديتج يالغالية .. (وسار صوب هنود ) علومج العروس؟ (ويغمز لها )

• هنود فخاطرها : اميييه يالفضيحة .. عيني عينك تغمز لي ؟ (واتدوسه فريله والدم وصل لين راسه وكان غادي غير طماطه مارام يصرخ من الويّع خاف من الفضيحة قصدي من الدوسة اللي جاسته ) دواك مهاروم !! (كانت ناسية عمرها انها خلاص حرمته )

• راشد يصاصرها : خليهم يظهرون .. بعمرج .. اتعرفين والله ما بخليج ..

• ندى : يالله الجود .. خليهم يسولفون ..

• الجود : حركة حلوة يالعروس زيدي منها فديتج ..

• راشد : فارجي دخيل الله .. عندي علوم ويا عروسي ..

• هنود زاغت وفخاطرها : أي علوم؟ جان جذيه الملجة زياغ ماباها !!

(وطلعوا الجود ونداية .. )

• راشد يطالعها بمكر : انزين يا عروسي الغاوية ..

(وهي ابتعدت شوي لأنها كانت زايغة وتتنفس بصعوبة .. وحسّر عن ايده يبا يزيّغها .. وهي اتطالعه منصدمة ويربع لها ويمسكها من خصرها وهي ميتة حاسة ضلوعها ما يتحركن وهي تحاول تفلت عمرها ما رامت ..ويقرقطها تقرقيط .. )

• هنود فخاطرها : ههههههههههههههههه آآي حسبي الله عليك لا تقرقطني ما روم هههههههههههههه ماروم ماروم ماروم بصيح ..

• راشد : ههههههههههههههههااااااااااااااااي ابا التوبة تكون في عيونج .. (واتطالعه بتكبر وتيلس عالغنفة وتسويله حركة كيفي ..) ياويلي عالكيف انا .. عيل دامنج جذيه .. شكلج ما تبيني ايلس وياج .. احسن لي أروّح .. (وقام من مكانه .. وتمسكه من ايده وهي اتطالعه ..)

• هنود فخاطرها : أهبل ..رد اباك .. منو يشوف هالويه ويقول لا ..

• راشد : فديت اللي يباني .. (ويحبها على راسها ..) أسميج طرر كل شي فيج كل نظرة .. كل ابتسامة .. كل فلعة يتني منج .. (وهنود تبتسم )

• هنود فخاطرها : حليو يمدح خسيفة .. وين عايشين يا ناس ..

• راشد : يايبلج شي .. (وطلع من مخباه ) هذا حقج .. (وحطّاه في ثبانها ومسك ايدها ) تراني لو أخبّل بج .. بدا قلبي يخفق باسمج يا هنيد انا احبج ..

• هنود احمر ويهها وفخاطرها : ياويلي يا رشود انته تحبني؟ انا؟ انزين انا غبية شعنه خذني؟ اكيد يحبني مالت عالدبش !!

(وبطلت التيلفون وتكتب في المسج عشان تراويه " ماحبك ")

• راشد : صدقيني انتي تحبيني .. بس مب راضية تعترفين ...

• هنود تكتب له : فأحلامك ..

• راشد: دامنج ما تحبيني مع الايام بتموتين على طوايف رشودج !!

• هنود اتطالعه متعجبة وفخاطرها : اويييه هذا وايد خجاج من احينه شايف عمره عليّة ..

• راشد : بس صدقيني احبج .. (ويقرقطها وهي مبتسمة .. تشرد عنه بعيد )

• هنود فخاطرها : ههههههههه ما يتوب والله انه ما يتوب ..

(وعند شمايل )

• الممرضة منال : هناء ما نمتي لين الحين؟

• شمايل: رقدت شوية .. بغيتي شي ؟

• الممرضة منال : تبيج الدكتورة امل .. (ويابت لها الكرسي المتحرك ..) جلسي عليه ..

• شمايل اتعدل شيلتها وتلفها على راسها : ان شاء الله .. (وكان مبيّن عليها التعب ويوم وصلن للمكتب ..)

• امل : اتفضلي اناراح اخليكم روحكم فمان الله .. (دخلتها وطلعوا عنها وكانت اتطالع ريال عاطي ظهره يطالع اللي برع وصد صوبها ..)

• مايد صد : شحالج شمايل؟

• شمايل مبججة عيونها من الصدمة وسيده انهمرن دموعها : ويلي انا ميود؟

• مايد : لا تتكلمين ..

• شمايل : بس انا ابغي اخبرك ..

• مايد يتقرب منها وييلس عالكرسي مجابلنها : انج ما تحبيني برايه .. ماباج تحبيني .. خليني انا اللي احبج .. اعشقج .. احلمج .. وانتي ماباج اتسوين شي .. تبين اتعذبيني .. ضربيني كل يوم .. كسري راسي .. جلعي قلبي حاولي .. بس بتحصلين صورتج متربعة هناكي (ويأشر على قلبه ) هناكي !! انا بتخبل بستوي مينون ان ما خذتج .. اباج حقي تسمعين يا شمايل ؟ حقي !! (ونزل على ركبته توّة بيمسك ريلها عشان ما تحاول تشرد منه وهي تتحراه بيبوس ريله .. بس صدق عرفت تكسر راسه الا تيب راسه وقلبه .. بس سبقته وتصفعه هاييجي الصفعة )

• شمايل : انا احبك .. بعمرك ان نزلت راسك لحد حتى لو كانت حبيبتك ..

• مايد قام مب مصدق : حبيبتك؟ تعتبريني انتي؟ حبيبج؟ يعني شو؟

• شمايل تبتسم وتوقف: اقول انا بطلع ..

• مايد يمسكها من ذراعها : ياويلج مني .. والله ما هديتج ..

• شمايل: هد ايدي .. شو قصدك؟

• مايد : قصدي تتزوجين هالحافي المنتف؟

• شمايل : لا ..

• مايد : شو السبب ؟

• شمايل : مايد ؟ حبيبي بتسمعني للآخر ؟

• مايد يتنهد : واايه وااايه فديت كلمة حبيبي .. بسمعج يعلني افداج .. يلسي .. (ويلست )

• شمايل احمر ويهها : انزين لا تطالعني جذيه استحي ..

• مايد : هااااااايه هااايه ليت هاللحظة موول ما تخلص ..

• شمايل : ميّادي (يالله بدينا بالدلع ) حبيبي انته راضي تاخذ وحدة .. وحدة مغتصبة ؟

• مايد : شوفي شمايل .. انا كنت احبج وامبوني احبج .. وما كنت احب اعترف بهالشي لأنها بحس اني منهزم .. بس جذيه ولا جذيه باخذج يعني باخذج .. شو يعني مغتصبة ؟ بإرادتج؟ اكيد لا .. انا احبج .. تعرفين شو يعني احبج ؟

• شمايل تتويع : آآي بطني ..

• مايد زاغ عليها : بسم الله عليج .. بلاج؟

• شمايل :بموووووووووووووووووت ..

• مايد : لاتقول جذييه ..

• شمايل تبتسم : قصدي قلبي يعورني مب مصدقة انك تحبني ..

• مايد يضحك : يراسج !! زيّغتيني عليج !!

المنسيه
02-04-2008, 11:29 PM
(الجزء 59)

(وفي الجامعة ..صوب الحديقة كانت مسّوايه شرا الغابة.. معظم الطلاب ييلسون جريب ..)

• عيسى يتصدد : Joseph where is the team? " جوزيف وين فريق المكافحة ؟"

• جوزيف : there is no team you fool " اصلا ماشي فريق يالاحمق "

• عيسى فخاطره : شو السالفة؟ شو يبا؟ لا يكون يبا بيزات ؟

• عيسى: how come ? " ليش عاد؟"

• جوزيف: I caught you , you're terrorist I know that " زخيتك .. انته ارهابي وانا اعرف هالشي "

• عيسى منصدم : me ? come on joe .. I'm not insane to do this "انا؟ حرام عليك يا جو .. انا ما فية هالخبال " ..

• جوزيف : don't fool me " لا تقص علية "

• عيسى: joe please I came to this country to study not to be terrorist "جو.. بليز .. انا ييت على هالبلاد لأني ابا ادرس مب عشان استوي ارهابي "

• ديفيد: joseph put down your weapon, we're not in a war " جوزيف .. اخفض سلاحك نحن مب في حرب "

• جوزيف : He's terrorist , why can't you believe me? "انه ارهابي .. ليش ما تصدقوني؟ "

• ديفيد : who told you ? " منو خبرك؟ "

• جوزيف : I heard rumors in the street "انا سمعت اشاعات من الشارع العام "

• ديفيد : oh jesus Christ!! Are you crazy? We taught you to kill innocent people? Put down your weapon commander " اووه يا ربي ..هل انته مجنون؟ نحن علمناك تقتل ناس ابرياء؟ نزل سلاحك بسرعة "..

• جوزيف : before I do .. "قبل ما اسوي هالشي "

( ويطلق رصاصة على عيسى اللي تم واقف يطالع وعينه تدمع ومسك جتفه من الويّع .. وسيده سار ديفيد ورا جوزيف ويمسكه وحاول يربطه وانطلقت رصاصة ثانية يت قريبة من عيسى .. وسيده ديفيد ربطه بالحبل )

• عيسى فخاطره : آآآخ الله يسامحك ..

(ويتقرب شوي شوي من جوزيف )

• ديفيد : are you okay essa? " هل انته بخير ؟ عيسى؟ "

• عيسى معصب عالآخر : I'm not terrorist " انا ارهابي؟ "

(واغمى عليه ..وسيده طاح على جوزيف ونقلوه المستشفى وهو يهذي كانت الضربة على جتفه كان يصارخ من قمة راسه من العوار اللي جايسنه .. اما في الشقة )

• سعيد : hello? Yes I am , who? Commander? What happen? What? Shot? Is he alive? Medical hospital? Ok ok I'm coming ,if he's injured badly you'll wish that your mother didn't give your birth "ألو؟ هيه انا .. القائد؟ شو استوا؟ شوووه؟ طلقة؟ هو حي؟ المستشفى ؟ اوكي اوكي انا ياي .. لكن اذا اصابته خطيرة ما تلوم الا نفسك بتقول ليت امي ما يابتني .."

(وبعد ساعة وصل سعيد .. كان يهزبهم ما خلا شي ووياه سفير مال دولة الامارات كان راقد فعز نومة من اتصل به سعيد سيده ربع صوبه ..)

• ديفيد : please your highness we don't want any problems with your embassy "ارجوك يا صاحب السمو نحن ما نبغي مشاكل ويا سفارتكم " ..

• سعيد: who is your boss? And where is the bloody idiot? "منو رئيسك؟ ووين هالغبي؟"

• ديفيد : in the other room, waiting to take him to jail "في الغرفة الثانية ينتظر لين يوّدونه السجن .. " ..

(سعيد دخل الغرفة اللي فيها المتهم جوزيف تم نص ساعة وظهر وايده كلها دم بس ما كان ميروح والعسكري ديفيد يوم دخل لقا جوزيف طايح عالارض مضروب ضرب والدمّان يظهر من ينبه كله وهذا كله وما استخدم شي الا قبضة ايده .. كان صدق قوي .. )

• سعيد : now you can take him to the bloody jail " والحينه تقدرون اتوّدونه للسجن "

• ديفيد : please sir, we don't want the media to know about this accident " ارجوك يا سيدي .. ما نبا الصحافة اتعرف عن الحادث "

• سعيد : mind your own business, and arrest him or you'll be taken with him "ما يخصك ..واذا ما اعتقلته بتنأخذ وياه .. "

• ديفيد : I beg you pardon you highness "السموحة منك طويل العمر "

(اما عند عيسى طلعوا الرصاصة وخاطوا له المكان .. وكان يوّن من الويّع .. ينش يطالع واحد مجابلنه يطلع عسكري ويرد يغمض عينه .. لين بطّل وهو ما كان يدري انه مرتكب غلط .. قام من مكانه ومحمر ويهه من العصبية ومسك العسكري وهو يتنفس بصعوبة .. ويوّده من رقبته ودزاه على اليدار )

• عيسى : مب انته اللي تسميني ارهابي .. والله لأجتلك .. انا ارهابي؟ (والعسكري مب رايم يرمس الا ما يروم يتنفس ) انا اخون بلادي ؟ انا؟ (ويرفسه في بطنه ) عمرها سمعتي شرا المسك وانته ياي اتقولي اني ارهابي؟ انته يا جوزيف؟ انته ياللي عدّيتك اخويه؟ حسافة طلعت بو ويهين ما سار بعيد منّوع نفس النوعية .. لكن حقي وباخذه منك ومنه !! (ويرفسه مرة ثانية )

• سعيد داش : عواس؟ شو ها؟ عواس؟ (ومسكه ) عواس استهدى بالله ياخي .. مب هو مب هو ..

• عيسى : هدني عليه .. تراه عندهم حياة الناس لعبة فإيدهم .. شافوا عربي قالوا ارهابي ..

• سعيد : انزين عواس هده هو ماله ذنب هاكي في الحجرة الثانية ..

(وتيييه الممرضة وردوه لمكانه ..واما شمايل وميود كانوا احلى اثنين .. روّح عنها وهو فرحان .. حتى رقد رقدة .. اسميه ناخر وشاخر .. ويوم نش يلس عدل شعره .. )

• مايد : اشوا انهن ما طاحن البارحة ولا جان فضّحني ..

(وطلّع الصبغ الشفاف ويحط الخشم وهو طالع يدوّرها يمكن طلعت .. يمكن عند الدكتورة النفسية .. ويلس يتمشى في الحديقة .. حتى هزاع اختفى ... وشاف واحد مينون ينتفض .. وحذاله واحد باكستاني متوتر ويتصدد .. ورافع الكم عن المينون يبا يضربه بشي .. ويوم دقق انها ابرة .. وهو نفس اللي معتدي على شمايل طبعا مايد ما يدري .. لأنه ما كد شافه )

( اما هنود ورشود .. لاعبين ملاعيبهم .. مسجات طول الليل وعلى الساعة 8 الصبح انه ياينه مسج)

• راشد : منو بعد؟ (بطّل عين وحدة وهو يتثاوب ) اكيد الحب مالي فديتها (وسرح .. يتذكر يوم يلعّوزها واحلى لقطة يوم تمسك ايده ما تباه يروّح ..) آآآه ويلي محلات الحب .. (ويقرا " ليتك مع خلي ميرة لرشود بس رشود خوّان " بطّل عينه واعتدل فيلسته ) ميرة؟

المنسيه
02-04-2008, 11:31 PM
(الجزء 60 )

(اما راشد سيده قام يطرش مسجات ..ويتصل بمعارفه عشان يظّهرون له الرقم باسم منوه .. حتى لدرجة انه نسى هنود في هالمحنة.. وحزتها انصدم .. ميرة سالم هي صاحبة الرقم ..)

راشد : الله اكبر .. كيف جذيه؟ لعنبوا والبنية اللي جثتها كانت بين ايدي؟ هذي وحدة مستغلة الرقم لحسابها الملعونة !! انا براويها !!

(وطلع لين بيت قوم ميرة ..ويدقق براسه عالسّكان من القهر .. ظهر الابو ..وظهر الاخو .. اتصل بها محد رد .. طرش لها مسج " ان ما رديتي لأدخل البيت واللي فيها فيها " وبعد محد رد تم مهموم وقلبه يدق ومب فاهم شو السالفة لين اليوم الثاني .. كان يطرش مسجات حق هنود لين وصله " لقانا اليوم فمقهى .... في آب تاون عالساعة 7 ")

مسج هنود:انا اليوم بداوم العصر في مدينة الطفل

مسج راشد : انتي هب محتاية الشغل ..

مسج هنود : وأبويه محتاي للبيزات .. عشان يسير بعيد عني ..

مسج راشد : وبيزاتي انا؟ ما يكّفنه؟

مسج هنود :خلنا احينه عن شغلي

مسج راشد :هنيد بتشتغلين مكياج ما اتحطين ..

مسج هنود : ولا اثمد؟

مسج راشد : ولا شي قصورج والله لأذبحج ..

مسج هنود : اتغار علية ؟

مسج راشد : وعدسات ماشي تفهمين؟

مسج هنود: انا ما احط عدسات

مسج راشد :لا تجذبين .. عيونج هذيلا هب لونهن ..

مسج هنود : والله هذيلا لونهن بلاك اتخبلت؟

مسج راشد : انزين يوم بيي بكشف على عيونج .. ان طلعن عدسات لأجّد عينج (يعني بيدخل صبعه فعينها خخخ)

مسج هنود : مجرم

مسج راشد : عيل تبين فلان وعلان يتمنظر فحرمتي والله لأعدمه ..

مسج هنود :غيار .. بحط مكياج خفيف وبعّج اللثامة .. يابوك حر هالايام ..

مسج راشد :وابويه عليج وابويه .. قصورج بعد !!

مسج هنود : أسوّيها افا عليك .. المهم الغالي انا احينه بسير اتزجرت لأنه العصر دوامي ..

مسج راشد : صدقيني بوقف عند الباب .. وصدقيني بمسحه ..ريلج وأسويها ..

(وهنود ميتة من فرحتها لأنه يغار عليها ..وسارت توّها بتدخل الغرفة وتسمع ضحك اختها بصوت عالي ..)

مي : هههههههههاااااااااي لا ياعيوني ما ريد اليوم مالي نفس اروح ..لا بس راح اروح المقهى شوي ويا جمانة .. شيش

هنود دشت وفخاطرها : شيشة يالفارطة يالخايسة يا ام اليور .. خليني انا براويج ..

(ومي زاغت وبندت التيلفون وكان مبيّن على ويهها الزياغ لأنها اتكلم واحد ومبيّن .. ما عبّرتها ..وسارت اتبدل ملابسها .. لبست جلابية مخّورة حمراء ..وفوقها عباة وسيعة من جدام .. يعني قطعة عريضة شرا حركة المنديل .. او النوّام .. .. وعلى طرف اليدين مثل قطعتين زيادة شرا الدائرية بس نازلة .. وما فيها أي شي كانت سيمبل بس تلفت بعد .. لأنه الموديل غريب وما فيه شي ...)

مي : هنود؟ شفيج؟ انتي ما قمتي اتكلميني شرات قبل؟

هنود طالعتها بطرف عينها وكانت اتسحي شعرها وخلّت المشط وكتبت : انا بالاصل ما اتكلم ..

مي احمر ويهها : مب قصدي يا هنود .. انتي اختي .. يعني لازم توقفين وياي اذا استوا فيني شي ..

هنود تكتب : مافيج شي تراج شرات الخيل .. والعقربة بنفس الوقت ...



CUT

شو بيستوي بين ميرة وراشد هل بيلتقون؟

وراشد بيخبر هنود عن اللقاء ولا؟

وشمايل بتلتقي في اللي معتدي عليها؟

دانوه
02-05-2008, 08:03 PM
منسيـوووووووووووووووووووووووهـ

كمـليهـا يومـ الخميـس

^_^

عشـاني ^_^

المنسيه
02-05-2008, 09:54 PM
×-- ان شـاءاللهـ =)

دانوه
02-07-2008, 10:27 PM
منسيـووووووووووووووووووووووووووووووووهـ يلا كمـليييييييييييييييييييهـا

المنسيه
02-07-2008, 10:31 PM
(الجزء 61)

• سعيد : عواس؟ انته بخير؟ اباك اتم زيادة في المستشفى .. عشان اتأكد انك بخير ..

• عيسى : سعوّد ؟ شو سواو بالريال؟

• سعيد : قصدك جو؟

• عيسى : بيخضع للمحاكمة صح؟

• سعيد : اكيد .. شو اتوّقع؟

• عيسى : سعوّد .. انا ما برفع دعوى عليه .. الله يسامحه على اللي سواه ..

• سعيد عصب : انته شو من البشر ؟ عواس هذا اللي كان بيثوّر فيك !! (وضرب سعيد بإيده على الطاولة )

• عيسى : استهدى بالله .. عيّن من الله خير ..

• سعيد : لا إله الا الله .. عواس هذا حقك .. لين متى بتغدي أهبل وينقص عليك؟

• عيسى : اهبل؟ تسمي طيبتي هبالة؟

• سعيد : مب قصدي يا عواس .. انته وايد خيّر .. وهذا ما يستاهل طيبتك

• عيسى : انا فكرت في الموضوع ليش ابهدل الريال وراه حرمة وعيال .. خله الله يسامحه ..

• سعيد يتهازب : عواس !! عيل ما فكر هاكي الجلب اذا انته وراك اهل او حرمة ؟ كان جذيه ولا جذيه بيثوّر فيك اووووهوووه !! الكلام وياك ما يفيد !! انا ظاهر .. ( طلع وهو مشتط .. وعيسى روّح لحجرته في الجامعة .. وهو ماسك جتفه المربوط وخذ مسّكن الآلام ..اما عند هنود كانت نازلة )

• فاضل: هاه ام السعف والليف؟ على وين العزم؟

• زينة : بوعيسى وراها شغل ..

• فاضل : أي شغل العصر؟ مغازل؟ سمعيني يالجلبة .. ان طحتي في جبدي وطلقج صدقيني بفّرج برع البيت ..

• هنود فخاطرها : اللهم طوّلج يا روح .. يعني من زمان ما رمست ويايه والحينه تقولي هالسم؟ بدال ما تقولي مبروك؟

• زينة : وامها؟ خلها تروح تزور امها ..

• فاضل : صدقيني ان فرّيتها عمرها ما بتوصل عند غرّوب .. صدقيني وهذي كلمتي ..زينة : يا بوعيسى .. ارحمنا .. وخل البنية تروح .. (واتأشر لها عشان اتروّح .. عشان ما يزيد عليها .. وطلعت وهي تصيح ... وسارت بتركب الموتر .. وتحس بإيد تمسكها ..)

• راشد : علوم حبيبتي؟

• هنود زاغت وفخاطرها : راشد؟

• راشد عج الغشوة عن راسها وانصدم : بلاج هنيد؟ (وهنود تبتسم ) انا قلت شي يزعل؟ (وهي تلعب بشعره ..) أدريبج ما بتخبريني .. بس في المسجات بتخبريني .. (ويصاصرها ) صح؟

(وحسّت شعر ينبها يقّف)

• هنود فخاطرها : ياويلي يا رشود ضربت عالعوق ...

(وغمضت عينها لأنه كان يمسح دموعها ..)

• راشد : ان شفت دمعه لأقرعج !! (وهي تضحك .. ومسكها من إيدها وساروا المطبخ اللي برع .. وهي مستغربة ليش .. والخدامة طلعت من شافتهم .. غسل إيده ومسح على ويهها يمسح دموعها ..) عمرها الدموع مب الجواب او العلاج يا هنيد .. (ومسك فجها ..) أحبج يا هنيد ..

(وهي احمر ويهها مب عارفة شو اتقول )

• هنود تنطق : آآآ .. آآآ .. آآه (ويأست ..وهو رفع راسه يطالعها ..)

• راشد مب مصدق : انا بكمل عنج أحب ... أحبج .. تسمعين ؟

(وروّح عنها ..وهي وقع الكلمة عليها مأثرة عليها .. )

• هنود فخاطرها : أحبه ... أحبه .. أحبك يا رشود ..

(وهي سارت مدينة الطفل ..دخلت مكان اتوقّع فيه حضورها عن طريق بطاقة مخصصة لها .. اول شي حسّت بالغربة .. وكانت شغلتها انه كل بنتين تقبض لها شغلة .. يعني هي شغلتها ترسم على ويوه الاطفال بالألوان والبنية اللي وياها غايبة .. وبنتين يسوّن هدايا صغيرة .. او يعلمن الصغارية القص واللصق .. يعني أشياء طفولية تعليمية .. وكانن ينقسمن لفريقين .. فريق الازرق وهذيلا المثبتات .. والفريق الثاني وهن المتطوعات واللي هي هنود وياها وكانت لحالها .. اتخاف تختلط ويا حد لاحظوا البنات المثبتات انها ما تعرف ترسم على ويوه الاطفال فقاموا يطرشونها تيب لهم أغراض ..يعني يآمرونها وهذي أصلا هب شغلتها .. اما عند راشد .. وصل آب تاون .. وقلبه يخفق بطريقة هب طبيعية ..)

• آلاء : واااو شوفي هالغرشة ..

• مي : وين ؟ وين؟

• آلاء : ثاني واحد على اليمين راعي الكاب ..

• مي صدت وكانت اتشّيش : كح كح .. ( وغصّت ) راشد ؟ ( ونزلت تحت الطاولة )

• آلاء : شفيج؟

• مي : سكتي .. سكتي .. !!

(وراشد يطرش مسج " وين " ويلس يتصدد لين احمر ويهه )

• راشد : ميره؟ ( وحس كل عضلة في ينبه ما اتحرك ..) استغفر الله العظيم !! قمت أحلم !!

(واتقربت منه خطوة على خطوة لين وصلت مجابلتنه )

• ميرة : فمان الله ..

• راشد شوي وبيفقد عقله : ما بخسرج لا ...!! (ويمسكها من ذراعها ) ميرة!!!

• ميرة : هدني !!!

( وكل اللي في الكوفي يطالعونهم )

• راشد : ميرة ؟

• ميرة حاطة إيدها على خصرها : هيه نعم !! ميرة .. ( وسارت تيلس صوب طاولة خالية وهو لا إراديا وراها كأنه مسحور .. سيده يلاحقها .. وقلبه يدق .. يدق بناقوس الخطر .. ويلس مجابلنها وعينه محمرة ..)

• راشد : ليش سويتي جذيه فية ؟ انا أذّيتج بشي؟ انا كنت حاطنج ع راسي من كثر ما حبج ..

• ميرة : مادري منو الغلطان ..

• راشد : انتي شكلج متغيرة .. انتي هب ميرة ... اصلا الحادث استوا جدام عيني !!

• ميرة : لا والله ؟ زين .. زني .. زين حصل جدام عينك ..

• راشد : شو قصدج؟

• ميرة : انا اسمي ميرة سالم .. أخت مريم اللي حبتّك ..

• راشد : شو تقولين؟ انتي قمتي اتخرفين !!

(وهو من الغصة دموعه ينزلن )

• راشد : مريم؟

• ميرة : انا حبيت اقولك انه اختي التوأم الله يرحمها كانت تجذب عليك قالت انه اسمها ميرة .. اتوّقعتك واحد لعّاب ..لين يوم حان وقت الجد ..يا راعي الجد .. ييت وخطبتني بدال ما اتخطب اختيه ...

• راشد : لالالالالا انا احلم ..

• ميرة : شو تحلم؟ اسمعني عدل .. كلام هب عايدتنه ..انته حبيت اختيه مريم واللي عطتك اغلى ما عندها ...

(وهو احمر ويهه )

• راشد : هالشي محد يدريبه غيري انا وهي ..

• ميرة : وكتابها اللي تكتب فيه عن كل شي .. كل تفاصيل صغيرة .. تحصل لها .. زعلها .. زعلك .. سفرك .. رجعتك .. دراستك .. لقاكم ف ............

• راشد : انتي جذوب .. انتي هييي .. جيه الدنيا لعبة؟

• ميرة : اذا هب مصدق .. جهنم كلتك .. لكن ثمن شرفها اللي ضاع ما بيضيع دامنها أختها ..

• راشد : الله يغفر لها ويرحمها .. ميرة .. أختج .. بعدها في قلبي .. وانا لين الحين منصدم ..

• ميرة : ليش لأانه نحن توائم ؟ او بتستغلني شرات ما استغليتها؟

• راشد : انا..

• ميرة : انته شوه؟ انته واحد خسيس .. لا سرت ولا رديت .. دلوع ماخذتنك بيزات أبوك .. صدقني بحطمك ..

• راشد : يالله جان ترومين !!

• ميرة : صدقني لحرمتك المصون بوصل لها .. وانته اتعرف الباجي ..

• راشد يطالعها فعينها : شو بغيتي ؟ (وهي اتوترت )

• ميرة : انا قلت اللي عندي .. ( وقامت )

• مي : صورتي كل شي ؟

• آلاء : أكيد فديتج كل شي من أول مسكة ذراع ..

• مي : لع رشود هب هيّن ..يراكض ورا البنات ..

(وعند شمايل .. كانت اتطالع تلفزيون في الصالة العودة )

• هزاع : انتي هنه؟ وانا أدوّرج ؟

(ودخل مايد )

• مايد : مدااااام مكنير؟

• شمايل : دخيلكم بعيد عني ..

• هزاع : شو السالفة ؟

• شمايل تبتسم : ماشي ..

( ودخل الباكستاني ..يوم شافته سيده نزلت راسها لين ريولها )

• مايد فخاطره : بلاها؟ بلاها زايغة جذيه؟

( وتنتفض)

• شمايل فخاطرها : يالله قوم بعيد عني !! دخيل الله .. انا قمت اخلط بين الواقع بالحلم !!

(وسيده لحفّت ويهها وتركض لحجرتها ..وبغى مايد يلحقها وعرف انه بينكشف .. طلعت شوي شوي تتصدد وما حصلت حد )

• هزاع : بووووه !!!

• شمايل اتقبضت بالباب وقلبها يدق : تبو بو حسّك وانقبض فجّك !!

• هزاع : صبري .. صبري لا تدشن داخل .. ابا اكلمج ..

• شمايل : ياخي شو تبا مني !! كفاية الل صار لي وماباه يصير لي ..

• هزاع : شو قصدج؟

• شمايل نزلت راسها : ماشي ..

• هزاع : ابااكلمج عن هنوه اختج ..

• شمايل : بلاها؟

• هزاع : تعالي يلسي .. (وساروا عندالاستقبال اللي حذال حجرتها وهو يلس عالكرسي داخل وهي تمت واقفة ومنزلة راسها ..) انتي اخت خيّرة وعلى نياتج ..

• شمايل : من طيبك ..

• هزاع : شمايل اتحملي من اختج هنوه ..

• شمايل قلبها يدق : بلاها؟ انته من متى اتكلم هنوه ؟ وهنوه ما خبرتني ..

• هزاع : اختج .. انا .. انا .. انا متزوجنها في السر ..

(شمايل مبججة عيونها .. كيف وليش؟ شو السبب؟ مارامت تتريا ولد الحلال لين اييها ..)

المنسيه
02-07-2008, 10:32 PM
(الجزء 62)

(دخل عيسى الحجرة )

• عيسى : سعّود؟ سعّود؟ انته هنيه؟ (ويدوّر عليه .. ما حصله .. سوّاله تيلفون .. بعد ما يرد .. بطّل اللابتوب ..) هذي موول نسيناها .. خلني أبطّل أطالع آخر علومها .. (وبطّل المسن بس هي away .. تم يترياها هي ترمس .. بس بعدين التهى بالشاش اللي لافينه على جتفه ..) يا ربي كيف شكل اليرح؟ محد راواني .. انزين ليش ما يعوّرني ؟ اووووه المسّكن !! ( وبطّلاه كله )

• سعيد واقف : اتخبلت؟ لا تفجّه!!

• عيسى صد : آآآخ يعوّرني ..

• سعيد : بلاك ياخي !! ( وهو كان زايغ ) خلني أردك المستشفى !!

• عيسى : ههههههههههه اتمصخر وياك ما فية شي ... (سعيد سار غرفته ) على وين ؟ على وين؟

• سعيد : ماشي بسير ارتاح .. ( وروّح حجرته وعيسى مب فاهم شو السالفة .. وخلّا على راحته .. واما شمايل منصدمة )

• شمايل : اتعرف اني ما بجذبك فأي كلمة .. حتى لو كانت هي اختيه ..

• هزاع : شو مصلحتي اني اجذب؟ هاه؟

• شمايل : هزاع .. انته ليش مدخلينك المستشفى ؟

• هزاع : تقدرين تقولين قضية مخدرات ..

• شمايل : ما استبعدت هالشي ..

• هزاع : غريبة ما خفتي مني .. احيدج من تشوفين واحد شردتي ..

• شمايل : انا .. انا ..خلنا الحينه في سالفة اختيه ..

• هزاع : تبيني اخبرج عن سوالفها ؟

• شمايل : ماباك تخبرني زيادة .. بس دخيل الله .. استر عليها .. والله بيستر على خواتك .. انا ما با اختيه تنفضح .. من غير اميه لو درت والله لتجتلها ..

• هزاع: وهذا اللي بسوّيه !! (شمايل زاغت ) بس مب عشان حلات ويهها ..

• شمايل : معقولة ؟ وعيل ليش خذتها ؟

• هزاع : تقدرين اتقولين هي طلبت مني هالشي .. من غير انا كنت كاره فاطمة لدرجة اني بسّوي أي شي .. كنت طايش .. وأحين لازم اكون مسؤول عن افعالي ..

• شمايل : فطيم؟ شو يخصها ؟

• هزاع : لا ما شي .. انا حبيت اقولج اني من اتقدم لها وتكون تحت ايدي صدقيني بتعتدل ..

• شمايل : بإذن الله ..

• هزاع : لا تفكرين اني كنت يوم من الايام حبيتها .. انا عمري ما حبيتها .. بس هي كانت تلعب وانا كنت ألعب ..

• شمايل : اختيه وانا اعرفها ..

• هزاع : ليتها خذت من وصوفج ..

• شمايل : جان ما يابت لك الخير ..

(وميود يتمشى وتوّة بيلف .. ويشوف شمايل تضحك ويا هزاع ..)

• مايد فخاطره : الله يغربلك ان شاء الله .. انته منوه!! وشلك بحرمتيه !!

(وعند راشد .. توّة واصل البيت )

• راشد ينادي : رحيل؟ يا رحيل !!

• رحيل : يس سر ..

• راشد : وين ماما العودة؟

• رحيل : ماما سير أبوظبي ..

• راشد : ايوا عيل سارت .. وانتي ليش ما سرتي وياها؟

• رحيل : بابا هني في شغل واجد ..

• راشد : انزين سيري ..

• رحيل : بابا يريد عشا؟

• راشد : لا

• رحيل : بابا ..

• راشد : خير؟

• رحيل : بابا في درايفر جيب كيس في بوك .. انا في ودي روم مال انته ..

• راشد : درايفر مال منو؟

• رحيل : ما قال نيم ..

• راشد يفكر : اكيد هنود مطرشتلي شي فديتها .. ( وسار بسرعة لحجرته .. حصل كيس وطالع اللي داخله .. ) كتاب؟ شو مطرشين لي رواية؟ هذا وقته؟ (وكان لون الكتاب وردي وأزرق .. بس مبيّن عليه مستعمل .. بطّل اول صفحة .. " سالفة الغرام " استغرب زيادة..) سالفة الغرام؟ أي غرام هذا؟ (وفتح الصفحة الثانية .. " أول يوم شفته فيه .. قلبي تعلّق فيه .. مشيت وراه وما حسيت بعمري ..وهو ما يعطي ويه لأي حد .. طوله وغواه .. وضحكته اللي ما تطلع الا من فترة لفترة ..والابتسامة اللي فيها كبرياء .. كنت اتمنى بس اوقف مجابلتنه وما اقول غير يا ويلي من نظرتك .." خلصت الصفحة الثانية .. مع انه مب مكتوب وايد فيها .. ) ميرة !! والله انها ميرة ..اعرف خطها .. وحتى رومانسيتها ... والله انها هي .. (ويلس يشم الكتاب .. كأنه ريحتها فيه ..فتح الصفحة الثالثة .. " اليوم الثاني دوّرت عليه بنفس المكان ما حصلته وتميت شرا المينونة اللي اتدوّر على حبيبها اللي شافته يوم واحد واتخبلت ..ولين الحينه اذكر شوفته كان يوم الاربعاء اتأخرت على شغلي الصبح .. كنت اشوفه في المحطة ياخذ له كوفي ويحاسب .. يا حظها الفلوس يوم انك لمستها .. لحقته .. لين وصل مكان شغله .. وأخيرا والله اخيرا .. نزلت وهو سبقني ..سألت عن وظيفة هناكي بأي طريقة .. من درجة اليأس اللي فية محد درا اني كنت أشتغل فتنظيف الحمامات وانا اللي مؤهلي جامعي .. بس الحاية بنت حرام يا ريتها حاية فلوس .. حاية الحب سوّت بي جذيه .. وكنت اشتغل فكافيتيريا كانوا ما يخلون رياييل يطبخون او يسوون حتى العصاير او القهوة والجاهي .. كنت اشوف طلباتهم .. وأبغي اشوف هالشخص وين يشتغل .. سرنا المحاسبة وعند المدراء ..وهذا كله عشان اشوف هالانسان .. اللي عيوني ما شافت النوم " وهو تم يصيح من الكلام اللي يعوّر القلب .. ) معقولة تنظفين حمامات؟ وها كله عشاني؟ (وخذ الكتاب وحطاه في الكيس وفرّاه وصل صوب الحمام .. وطرش مسج ل ميرة .. تبين تعذبيني وتعذبين اختج .. الله لا سامحج " وميرة بعد 5 دقايق تتصل به وسيده رد ) نعم؟ تبين تعذبين؟ هذي شغلتج؟ دخيل الله ابتعدي عني وعن حرمتي انا ببدا حياة يديدة..

• ميرة وتقلد شرات صوت اختها مريم : افا حبيبي .. ليش كل هذا؟ (وهو قلبه يدق بطريقة خطيرة لأنها تقلد صوت اختها وهذا هوالخطر بعينه .. لأنها تضرب عالوتر الحساس ..) ههههههههه عرفت انك اتحب مريم ..

• راشد عصّب :ميرة !! حشمي !!!

• ميرة : كنت اتحبها ؟

• راشد : هيه احبها .. فيها شي؟

• ميرة : لا !! (وتقلد صوت مريم ) اتصدق وانا بعد احبك ..

• راشد وهب حاس بعمره : صدق غناتي؟

• ميرة فخاطرها : اسميني بتمّلكه .. ما بستريح لين ألّعوزه ..

• ميرة : انا ميرة هب مريم ..

• راشد : ادري ..

(كانت ميرة تسولف وياه ومستغلة خفة الصوت والتقليد عشان تستحوذ على قلب راشد .. وهو كان يدري ومستوعب انها ميرة .. واختها اللي حباها .. بس بعد مب رايم يهّدها لأنها من ريحة الغالين ..ويوم يتذكر صورتها ..الخالق الناطق حبيبته مريم .. تموا على هالحال .. حتى هنود قام يسويلها طاف .. وكله بأمر من ميرة وحنكتها .. اللي كل ما ياها تستحوذ عليه يوم عن يوم .. ميرة تختلف اختلاف كلي عن اختها .. انسانة واقعية وتاخذ حقها بإيدها .. اما مريم كانت رومانسية ومعطاءة .. لدرجة ما تتخيلونها .. بس مشكلتها انها عيّشت حبيبها على جذبة انه اسمها ميرة .. يعني استغلت اسم اختها لمصلحتها .. يوم عن يوم لين وصل اليوم المحتوم .. وهي ملجة الحريم ..كانوا مستعدين من الخاطر .. طلعت هنود الصبح بفرحتها .. وردت الظهر من الصالون .. وياها مسج من راشد " الساعة 5 بييج اباج ضروري ")

• هنود فخاطرها : شو السالفة؟ هو من كم من يوم ما يرد علية وهذي ميوه تصرفاتها هب طبيعية .. شو خاشّين عني؟ لالالا ليش أظن فيهم ظن السوء؟ هو يمكن يتجهز للملجة .. اعنبوا يوم انا الحرمة خلصت اشغالي كيف الريال؟ اكيد شي شاغل باله .. حتى المصخرة ما يتمصخر ... هو مب راشد اللي انا اعرفه..

(كانوا اممكيجين عيونها البنفسجي الفاقع المسيطر على عيونها والاسود الفحمي ..وكانت اتطالع حناّها ..لين ياها المسج " انا برع تعالي " تلثمت وطلعت)

• فاضل: على وين العزم؟ مب اليوم الملجة ول انا غلطان؟

(هنود اتأشر له )

• زينة :ريلها يبيها برع

• فاضل: هييه دامنه حذيه طلعي

(مي كانت داخلة ..وتشوف موتر راشد .. وقفت ونزلت ..وسارت صوبه ونزل لها ..)

• راشد: شحالج المي؟

• مي : والله ما بيسّرك حالي يا بوسنيدة ..

• راشد :افا !!

• مي : ابتعد عن اختي وهذا آخر كلامي ..

• راشد : نعم؟ شو قصدج؟

• مي : قصدي واضح ..

• راشد: فهميني!!

• مي : سالفة آب تاون وكل شي مصوّر يا راعي البنات..

• راشد : انتي فاهمة السالفة غلط..

• مي : شوف عندك من الحّلين يا انك اتوّدر البنية وترد لأختيه او توّدر اختيه وهذا آخر كلامي ..

• راشد : استريحي انا بالاصل ياي عشان انهي هالشي ..

• مي منصدمة : ما تباها ؟ انته ياللي كنت تربع وراها .. والحيه ما تباها؟ زين تسوي .. بيي شيخ وبياخذها ..

(هو بعده .. ما وصلت له المعلومة انه اللي يسّويه هو الخيانة .. انه خان هنود .. ضميره كان معذبنه خصوصا لأنه اعترف لهنود انه يحبها هو بالاصل يحب مريم .. ورد يجدد حبه ويا اختها ....وبطلت هنود الباب ..)

• مي : انا مروّحة فمان الله (واتطالعه باحتقار .. )

• راشد كان مجابلنها واحمر ويهه : هنيد !!

• هنود فخاطرها : بلاهم هذيلا الثنينة ؟

• راشد : طلبتج بالسموحة والعفو ..

(اما عايلة بومحمد .. مويز لو تذكرون البنت اللي كانت مقدمة على وظيفة يوم تدعم موترهم مي ..)


• موزة تتصل ل مريوم اختها : ألو؟ ها مريوم؟ شو تسوين؟

• مريم : ماشي بتغدا .. خير في شي؟

• موزة : والله حاسة عمري بنطّر بنفجر !! سناتر ومولات ممنوع .. كل شي ممنوع ..

• مريم : ههههه هدي هدي يا اختيه .. ههههه افا عليج وخويتج النومة وين سارت؟

• موزة: سارت اتغدي ريلها وولدها ..

• مريم : غلاسة !!

• موزة : شواسوي؟ وقلت حق عبود يوّديني السينما .. ياختيه عمري ما شفتها الا في التلفزيون ..

• مريم : إششششش !! قصورج !!

• موزة : جيه؟ شو بيستوي؟ ماحيد حرام !!

• مريم: نحن ما اتعوذدنا نسير هالاماكن .. مويز !! منو معلمنج هالسوالف؟ اكيد هالتلفزيون !!

• مويز بلهفة : مريوم؟ سيري غدي ريلج وولدج انا مشغولة اخويه يعلني افداه وصل !! (وتبند عنها ) ياهلا ويا مرحبا ويا مسهلا !!

• عبدالله يتصدد: منو تكلمين؟ تكلميني انا؟

• مويز : منو غيرك ياخويه !! يالله ماتدري من زمان ما شفتك !! (وتاخذه بالاحضان ) هات راسك بحبك !!

• عبدالله يضحك : مويز !! عن الغلاسة وارمسي شو تبين ؟

• موزة تسوي عمرها فقيّرة : لا عاد الله يهديك .. انته فاهمني غلط ..

(وهو ضحك زيادة ..لأنه عارفنها )

• عبدالله: انزين .. كيفج !! انا ساير !!

• مويز : على وين العزم؟

• عبدالله : وانتي وشلج؟ حطوج رقيبة؟

• موزة بكل براءة : لا عادة اباك تمر بي المول..باخذ لي غريض محتايينه ضروري !!

• عبدالله متعجب : أوّديج المول عشان غريض؟ شو هالغريض؟

• مويز : شي حريمي ..

• عبدالله : حريمي؟ جاسني الفضول .. انزين سيري لبسي عباتج .. (هو ذابحنه الفضول ولا لو مب الفضول جان انثبرت مكانها ..البنية عندها حس الحماس هههههه)

• مويز وهي تناقز وتحولف : والله ما تسير عني !! والله ان سرت عني لأعفد من الدريشة !! بعمرك يا عبود!!

• عبدالله : هههههههههه والخيبة !!انزين سيري سيري .. (وهو يتوّعد) حرام ان حطيتي مكياج بتجرّين مكانج !!

• مويز : حتى جحال؟

• عبدالله : انتي سايرة تاخذين غريض؟ ولا عشان يشوفونج؟

• مويز : هاه؟ لا خلاص !! التوبة التوبة !! (وتربع فوق وآثار الرياح وراها .. وهي نازلة ..وتوّها بتبطل الباب .. سبقها وبطل الباب من جهته ..) ويييه بسم الله زين ما شليت لي خشمي !! (وهي تركب )

• عبدالله : هذا يزايه مبطل لج الباب .. (وهم في الطريج ) يعني ما بتخبريني؟

• مويز : ماشي بس شلوه (=شلوه اسم بشكارتهم ) تباني آخذ لها ليفة وفازلين حق ريولها ..

• عبدالله عصب : شلها طهف ان شاء الله عنلات صيرها وصيرج فوقها !!!

(ومويز تضحك)

• مويز : وبغيتك توّديني السينما ع طريجك ..

• عبدالله : اهبي هباج الله .. انا براويج مسوّدة الويه .. (ووداها الجمعية) يالله انزلي ..

• مويز : إيييييييييييه !! والله مافيك خير !! يعلك بحرمة شلقى وبلقى !!

• عبدالله : هههههههههههههه انزين نزلي نزلي .. انا بترياج .. قالت شلوه قالت !! حريم آخر زمن !!



• احمد: لا امايا ساير المدني آخذ كناديري وأفصل بعد هنتين زيادة .. (وهو لف يمين وهي سارت سيده وما لاحظوا بعض وهي تمشي واتحرطم على عبود ..وبعد ربع ساعة ) انزين شو بعد؟ امممم؟ الدهن العود موّصني رشود !! (ويرد على اتصال ياينه ) مرحبا .. هلا عواد .. بخبركم شو السالفة؟ من طريت اني بسير المدني وانتوا كلكم علية !! هههههههه انزين خلاف خلاف الشاعر بيقولي .. شو بغيت ؟ مرضعة ميلوبا؟ إشووه هذا؟ هيييه الاصفر قول اورنامين سي .. اهب !! ياللي بييبه لك عنلات صيرك !! (وبند عنه وهو يضحك وغلق التيلفون عشان يلعوّز بعواد .. وسار يدوّر مرضعة الميلوبا .. دوّر قسم الاطفال ما حصل شي .. وكل مرة يسأل اللي يشتغلون او الحريم يقولن له مناك .. بس هو ما يعرف شكله ..) اختيه؟

• مويز : نعم؟ (وصدت له )

• احمد : اختيه اتعرفين وين مرضعة ميلوبا؟ (ورفعت ححاجبها متعجبة منه .. وفخاطرها بعد تضحك )

• مويز : مرضعة؟

• احمد : هيه !!

• مويز : اخويه انته تستهبل؟ لو سمحت فارج انا مب راعية هالسوالف !!

• احمد: بس انا والله ماعرف .. شو هوه؟ والله حق ولد اخويه !!

(ومويز قامت بغياظ وسارت قسم اليهال ودوّرت عالميلوبا وهو مصطن مكانه يترياها ..)

• مويز : اتفضل ..

(وروحت بعيد)

• احمد: مشكورة .. ههههههههه مادري على شو مشتطة ..بس غريبة ما عرفتني ما قالت انته احمد ههههههههههه احسن !! بس عليها غوا بنت الذين .. (ويطالعها تسير بعيد ..ويوم هي مروّحة وهو طالع من عند المدني كانت موّخية بتيب بوكها اللي طاح .. وما شافها ودعم جتفها ..خخخخ شكله اتوّحاها ..وطاحت عالأرض ..) هووووه هوووووه هيّدي !!

• مويز تتويع : آآآي!!! يالله اعنبوا جلعت جتفي ما تشوف جدامك؟ (واتغير لون ويهها واستوا احمر لأنها عالارض وفضيحة الناس يطالعونها ..)

• احمد : انتي؟ اوووه .. آسف .. آسف .. انتي بخير؟ ماعرفتيني؟

• مويز: لا ماعرفتك انته منو؟

• احمد: انا احمد ..

(ونزل لين مستواها بيساعدها ..بس رفضت ..وتضحك عليه من الخاطر وقامت مع انه الضحك مبهدلنها )



• مويز قامت وهي تتنهد بغيظ :لا والله ما عرفتك .. (وعرف حزتها انه مب كل اللي في البلاد يعرفونه وانعجب فيها ..وف جرئتها وروّح) يالله تصبرني بلاه هالريال علية؟ (وأحمد روّح طلع برع صوب المواتر وهي توّها نازلة من الدري وترمس ويا عمرها وتتحرطم عليه ..واتبرّيدت مكانها منصدمة ) ربيع عبود؟ ياربي يا فضيحتيه .. احينه بيخبر علية عبود ..ياربي انا مب ناقصة مهازب !!

المنسيه
02-07-2008, 10:33 PM
(الجزء 63)

(وعطاها ف ايدها الشيك )

• راشد : هذا شيك يرد لكم حقكم وتكاليف الملجة كلها .. وسامحيني..

(ودبّر عنها .. وإيدها تنتفض وعينها على راشد )

• هنود فخاطرها : ليش كل هذا؟ انا شو سويت لك؟

( ويوم توّة راكب الموتر .. كان يطالعها وهو متعلق فيها )

• هنود : خاف الله باللي تسويه خاف .. (وروّح وهي تمت اتصيح عند الباب .. ما حسّت بعمرها انها تنطق .. هو اللي خلاها تنطق .. وتمت مكانها ما اتحركت .. اتفكر شو السبب اللي خلاه يوّدرها .. يمكن لأنه وصل لنتيجة انه ما يقدر يعيش ويا وحدة بلمى ما تتكلم .. وبعد 20 دقيقة من الصياح .. دشت داخل .. وهي الضو بتظره من عيونها .. ومي كانت تتسبح دشت تكمل صياحها الا غصتها وطلعت مي من الحمام ..)

• مي تغني : حايرة والشوق بين عيونج .. خايفة تحبين ويلومونج .. (وتسكت فجأة لأنها تشوف اختها ملحفة عمرها باللحاف ..) يا شايف(ن) نفسك على الناس هونك ..

(قفلت مي الباب وغمضت عينها شوي ..)

• مي فخاطرها : احينه بتستوي الفضيحة على اصولها ما بيتجرأ يخبر اهله ..

• هنود فخاطرها : ما سامحك طول عمري على اللي تسويه فية !!

(وأذّن المغرب وخلاف العشاء .. وقاموا يتوافدون اهل قوم الجود.. وربعهم كانوا اهلية .. هل دبي .. وقوم جود واصلين توّهم وفنفس الوقت وصلوا قوم ميثاء .. قاموا يسلمون ويتلقفون للعرب ..)

• غريبة : ام مي فديتج انا بسير اطالع بنتي فوق

• زينة: البيت بيتج فديتج

• غريبة : يوّدي شوي راشد لين اسير وأرد .. (وسارت واتدق الباب وقلب هنود يقفز من الزياغ وتبند الستاة .. الحرمة كانت اتوايج وميتة من الزياغ لأنه اوادم وايد يايين ..)

• هنود فخاطرها : امييييه وايد حريم يايات .. والله بتستوي فضيحة عوده !! والله .. بس والله الغلط هب مني (وتصيح )

• غريبة : هنود ؟ حبيبتي فجي الباب ..

• مي : افتح؟

(هنود قامت بغيظ وشافتهن ببجامتهن اثنيناتهن )

• غريبة اتغير ويهها وعصبت : اتخبلتن لا بركتن فيكن؟ العرب كلهم هنه وانتوا و ما بديتوا؟ (هنود دبرت عنها واتصيح ) بلاج يا امايا؟ الله يهديج هذيلا اوادم ما ياكلون .. (دخلت .. ومي دبرت عنها ويلست تتمكيج لأنه في بالها فكرة جهنمية ) من غير انتي بتاخذين بوسنيدة زينة الشباب .. (وتصيح زيادة ..) لا إله الا الله بلاج؟

• مي تحط الآي شادوه الاسود : رشود قبل شوي ياها وقال انه ما يباها ..

• غريبة : اتخبلتي ميوه؟ من استويتي مكرفونه طلعن لج قرون ولسان؟

• مي : اذا انا جذابة طلعي من بيتي .. مالج حاية فبيت جذابين صح؟

• غريبة : ميوه حشمي انا امج !!

• مي : جاب !! (وقامت من مكانها ) انتي لا اميه ولا شياته .. انتي الا شيطان بعينه ..

• غريبة عينها دمعت وسارت صوب هنود : صح الكلام اللي قالته؟ ودّرج رشود؟ (وهنود تهز راسها بالايجاب بكل ندم )

• هنود فخاطرها :آآه هدّاني هييييه هدّاني ..

• غريبة : شعنه؟ شو سويتي؟ اتضاربتي وياه؟ (وهنود تسويلها حركة انها ما تعرف ) لا حول ولا قوة الا بالله .. يالله .. سيرتنا بتستوي على كل لسان ..شوفي هنود .. انا بسترج عن الفضيحة اتعدلي ولبسي وانزلي ..

• هنود تكتب : لا لا يعني لا .. كرامتي اهم من هالخايس هذا !!

• مي : نزلي وبعد ربع ساعة بالضبط بتنزل ..

• غريبة : الله يهديكن..
(قلبها كان يدق وظهرت غريبة )

• مي : هنودة ما بتظهرين؟

• هنود تكتب : يا حبج حق الفضايح والشماتة !!

• مي : صدقيني لا .. شو رايج انرد له الصاع صاعين ؟

• هنود تكتب : كيف؟ اتمنى هالشي ..

• مي : خليها عليّة .. اسميهم بينصدمون ..

(وبعد ربع ساعة بالضبط ..يسمعون صوت زفة .. وتظهر لكم العروس لابسة الثوب وفالة الشعر والمكياج اللي يقول انا .. والشيلة المنقّدة .. ونزلت خطوة خطة .. كان ما يبين غير ثوبها .. وخلاف نزلت زيادة وبيّنت .. ميثاء ونشبة وشما وغريبة شهقن .. اما اليدة الجود .. والجود ودانا وباجي البنات مبججات عيونهن من الصدمة .. والباجين كانوا عادي .. يطالعون ..)

• زينة : أويلي ويلاه .. ميوووه !!

المنسيه
02-07-2008, 10:35 PM
يـلا أقـري =)

علـى فكـرهـ ،، هالبارتاتـ روووعهـ وأستـوتـ أحداثـ عجيبهـ فيهـا !!.

دانوه
02-08-2008, 09:08 PM
كمـلي منسـيووووووووووووووووووووووووووووووووووووهـ

ولا مـا اقـدر اصـبر زيـااااااااااااااااااااااااااااااااااااااااااااااا ااادهـ

دخـيييييييييييييييييييييييلجـ كمـلي وغـلاتي

عندجــــــــــــــــ @___@

المنسيه
02-08-2008, 11:18 PM
ان شـاءاللهـ ،، بكملهـا عقـب اشويهـ ..

المنسيه
02-08-2008, 11:28 PM
(الجزء 64)

• نشبة: حسبن الله عليها ..

• ميثاء تتصدد وتطالع هاي مي ولا غيرها : شو السالفة يا عرب زايد؟ نحن ما نشوف؟ ولا ضبابة على عيوننا؟

• غريبة : حسبي الله عليج يا ميوه تاخذين مكان اختج؟

• بنية تصاصر بنية ثانية : مب جنها هذي مذيعة التلفزيون؟ وعععع من زينها؟ احينه هاكي الغرشوب بياخذها هي؟

(الجود سيده سارت لها واتسوي عمرها اتسلم عليها .. لأنه الضيوف ما يدرون انها هب العروس ..)

• الجود تصاصرها : ميوووه شو هالخبال؟ وين هنيد؟

• مي : طوّفي السالفة على خير .. (وتبتسم ) هذا اللي كنت اتمناه طول عمري يطالعوني الناس باعجاب..

• غريبة تدّعي : يالله اتطوّف السالفة على خير .. يالله !!

(اليدة الجود سيده سارت صوب غريبة )

• اليدة الجود : ام عيسى؟ فهمينا دخيل الله .. الناس بيتكلمون ..

• غريبة : يا ام سالم ولدج كلم البنية قبل شوي وقال انه ما يريدها .. (وهذيجي انصدمت ) هيييييه ما يباها .. دامنه لعّاب جذيه .. شعنه تبون تيّوزونه؟ البنية منصدمة فيه وتناعر هاكيه فوق وهو ولا بحاس بها ابدا اممرة .. وجان على سالفة ميوووه .. نبا نستر على البنية عن الفضيحة .. تبين الناس يقولون لا هي طاعت تنزل ولا هو ياء؟ عمرها هالسالفة ما بتطوف على خير ..

• الجود : رشود؟ انته وين؟

• راشد : انا .؟ انا في البيت .. (وهو يجذب اصلا في الكوفي ..)

• الجود متوترة : شو السالفة؟ رشود الله ياخذك ان شاء الله شو سويت بالبنية ؟

• راشد : come on .. I didn't do anything.. what the hell happen?

• الجود : يعلك العوق .. شو ها اللي اسمعه؟ ما تبا البنية؟

• راشد : ياختيه توّني مستخير وخلاص ما ارتحت للبنية ..

• ميرة : قول لها .. قول لها ماباج .. غصب هو العرس؟

• الجود تدخل الميلس الثاني ومعصبة : رشود؟ منو هاي؟ يالرغيد !! والله لأخبر عليك يدوه !!

(وتبند عنه ..ويوم هي سايرة تخبر يدتها )

• ام خلفان : عيل المعرس متى بيّحدرونه؟

• اليدة الجود : ابو العروس ما رضى .. من غير المعرس مطوع يخيّل يدخل ..

(غريبة وميثاء يطالعونها بدهشة )

• الجود : يدوه !! يدوه !!

• اليدة : بلاج؟ خينا في المصيبة اللي نحنا فيها !!

• الجود تصاصر يدتها : انا اتصلت برشود .. اميه حرمة فارة مخه والحينه هو متواعد وياها ..

• اليدة : هب هباه الله من ولد رغيد !! شو هالمذهب اللي متعلمنه؟ ياربي يا فضيحتنا .. احينه الناس شو بيقولون عنا .. الا اهلها شو بيقولون ..

(وتتمسل عنهم فطيم وتسير فوق .. ووراها هنوه .. اما مي كانت يالة عالكوشة ..)

• مي فخاطرها : ياعيني .. ياعيني ..كلهم يناظروني ..

(وزينة تركب الكوشة )

• زينة : شنو هذا ؟ شو اللي تعمليه؟ نزلي عن الكوشة ؟ وليش لابسة ثياب هنود؟

• مي : شو انزل ؟ تبيني اسوي فضيحة؟ خليني بمجدي !! من غير اكسر عيون هالبنات الحسودات ..

(اما عند فطيم .. بطلت الباب ولقت هنيد بعدها توايج من الدريشة ..)

• فطيم : هنيد؟ شو هالمهزلة؟

• هنود دموعها كانن يبينن : فطيم !! لحقي علية !!

(وكانت اتيّر نشاقتها )

• فطيم منصدمة : هنيد ؟ انتي اتكلمين ؟

• هنود : فطيم .. مابا حد يدري .. مادري كيف ظهر صوتي ..

• فطيم : غناتي؟ شو السالفة؟ وليش ميوه خذت مكانج؟

• هنود : دخيلج .. ما اقدر ويهي يعورني .. هذا الخاين رشود ..

• فطيم : خانج؟

• هنود : لا ما خاني ..

• فطيم : عيل؟

• هنود : فآخر لحظة قال انه ما يباني ..

• فطيم : ليش؟ انتي زعلتيه؟ اتضاربتي وياه شي؟

• هنود : والله ما قلت له شي .. بس انا من يومين مادري بلاه ..

• فطيم : واحينه شو بتسوين؟

(ولمعت فكرة في بالها )

• هنود : فطيم ؟ بتسوين لي أي شي اقوله؟

• فطيم : افا عليج ..

• هنود : جبانة ولا تسوينها؟

• فطيم : افا .. اسويها قدها وقدود !!

• هنود : عطيني عباتج ووقايتج !!

• فطيم : ليش؟

• هنود : بسير اواجهه

(وتمث دموعها )

• فطيم : انزين بيي وياج ..

• هنود : من سابع المستحيلات .. انتي تمي في الفراش ومن اطلع قفلي الباب بيتحروني انا في الفراش تسمعين؟

• فطيم : اوكي ..

• هنود : ولو يقولون اللي يقولونه ما تفتحين لأي آدمي لين ايي

• فطيم : ان شاء الله ..

• هنود : مشكوورة وما بنسالج هالجميل .. (ولبست عباتها وخذت سويج الموتر .. وتلثمت .. ونزلت ..)

• هنود فخاطرها : لازم آخذ حقي منك لازم

(ونزلت ومحد درابها ..ركبت موترها وطلعت والغصة تاكلها اكل .. وعند هناء )

• هناء :يالله محد يكشفني يالله .. (وفتحت باب حجرة زينة ودوّرت في اغراض زينة .. وما حصلت مبتغاها بطّلت الكبت حصلت في حدود 3050 وسرقتهن وسرقت خاتم ذهب وفيه كم من ألماسة..)

• الخدامة : انتي شنو في سوي منيه!!!

(وهنوه زاغت وطاحن من ايدها الذهب .. ووصلت هند بيت قوم راشد .. كان يدليها دريولهم )

• هنود شافته نازل من الموتر : توّك ياي حضرتك؟ يا انا يا انته !! (وبندت الموتر ونزلت له .. وسارت لين عنده )

• راشد احمر ويهه : هنيد ؟ شو تسوين هنيه؟

(ووصلت وهي معصبة صوبه .. واتدق الجامة اللي اتبندت بسرعة )

• هنود : فتحي الجامة يامالج السم !!

(ونزلت ميرة )

• ميرة : سم يسّمج ان شاء الله .. يالكجرة !! (وهو منصدم انها اتكلم وقلبه يدق ..)

• هنود : احينه موّدرني انا وساير عند ربيعتك !! انا اللي ياية بالحلال ووحدة تباها بالحرام؟ انا اللي ودّرتني وساير عند الوصاخة؟

• ميرة : حوووه حوووه ... محد اوصخ عنج يالجلبة .. انا اشرف عنج وعن اللي يابوج !!

• هنود : اشوفه الشرف يقطر منج !! تدريبه ريل معرس وبعد تلاحقينه يا مالج السم (وتمسكها هنود من شعرها ..) انا براويج الشرف الحينه !!

• ميرة : آآآي الله ياخذج هديني !! آآي .. إلحقني حبيبي رشود إلحقني !!

• هنود فاير دمها : حبج برص ان شاء الله

(ويمسكها راشد من خاصرتها )

• راشد : هنيد !! انجعمي واسكتي !!

• هنود : مب انا اللي اتجعمني يا بو الحريم

(وترفسه ع بطنه)

المنسيه
02-08-2008, 11:36 PM
(الجزء 65 )

• راشد : آآآخ .. حسبي الله عليج من بنية !!

(ويدخلها داخل بغصب وهي ترافس ..)

• ميرة : ما ودّي ادخل .. بس اخاف اخلي حبيبي وياج ..

• هنود : هذا ريليانا يالملوج !!

• راشد : يا هنيد هدي اعصابج !!

• هنود تصارخ : خليت فية اعصاب يا ولد سالم؟ توّدرني عشان وحدة لا سارت ولا ردت؟

• راشد : قلت لج اللي من بيننا منتهي ..

(وهو يقولها بغصب وما وده يعيدها ..)

• ميرة حاطة ايدها على خاصرتها : سمعتي شو قال يالسبالة؟

• هنود : محد سبال غيرج .. قوات عين وحدة لا معرسة ولا شي ويايه بيت واحد .. شو رايج ترقدين وياه؟

• ميرة : حشمي !!

• هنود : خليتي فيها حشيمة يالحشيم؟

• راشد : عن الفضايح يا هنيد .. تعالي بردّج البيت ..

• هنود تصيح : انا اللي كنت ياية اتأسف لك .. قلت يمكن غلطت عليك ولا شي .. وآخرتها خيانة جدام عيني ؟

• ميرة : هه دموع التماسيح ..

• راشد يزاعج : ميرة !!

• ميرة منفعلة : شو؟ بتدافع عنها وجدامي بعد؟

• راشد : ميرة ردي البيت ..

• ميرة : مب طالعة لين اتطلقها جدامي ..

• راشد : ميرة ردي البيت وانا يوم اعصب ما شوف شي جدامي .. اقصري الشر وروحي البيت ..

• ميرة : خلاص انا مروحة .. لكن ها ويهي ان شفتني مرةثانية ..
(وطلعت وهو يلس عالغنفة )

• هنود : معقولة ؟ معقولة اللي تسويه؟ هذا راشد اللي اعرفه؟ احسك ريال غريب

• راشد : عن المواعظ الزايدة .. كم بغيتي؟

(هنود منصددمة منه ومن كلامه )

• هنود : ههههههه انا تسومني بالبيزات؟ وين كلام الحب؟ احبج يا هنيد.. ولا قلبك غادي شرا محطة قطار؟

• راشد : لو ندرين شو استوا بي ..

• هنود : لا يكون حبيبتتك طلعت من المعشرة و يت صوبك؟

• راشد : شو؟ هنيد !!

• هنود : لا تنطق باسمي .. انا اتريا الطلاق ... يالله بسرعة ..

• راشد : آسف بفكر ..

• هنود تشهق : الله اكبر عليك .. بعد هذا كله بتفكر؟ خاف الله يا راشد ..

• راشد : تعالي بوّصلج البيت ..

(ومسكها من ذراعها )

• هنود : قلت لك لا تلمسني .. انته نيس !! تعرف شو نيس؟ نيس شرا الجلاب !! (وروحت موترها وتصيح ) هييييه نيس .. بعد ما خذت قلبي .. جذيه تسوي فية ؟ ليش ياربي ؟ انا شو سويت عشان احصل على هالنتيجة؟

(ووصلت بيتهم .. تمت تصيح وتشوف الحريم يروحون تمت ساعة كاملة لين اتأكدت انه كلهم ساروا .. دشت البيت وتسمع زعيج امها ..)

• غريبة : يا هندوه فجي الباب الله يهديج .. (وطرشت مسج لفطيم " فجي الباب " وما وحالها انها فاتحة الباب ..) فطيم؟ وين اختج؟

• الجود : هاكيه !! (وصدوا ورا )

• ميثاء : هنود؟ وين كنتي؟ (ويلسوا يحققون وياها وهي طول الوقت ساكتة .. تموا العايلتين متلومين من بعض .. وعايلة هنيد ردوا ليوا .. وكانت هنوه طول الوقت زايغة)

• هنوه فخاطرها : الله يستر ما اتخوّن فية واتخبر .. بسها 1500 اعنبوا اكيد كفنها عشان اتصك حلجها ..

(اما عند مي وهنود .. مي كانت هذربان ريج .. توصف كل شي استوا .. وهنود ساكتة اتفكر ف راشد .. شو كان يسوي وياها فنفس السيارة؟ وهل هاي ميرة نفسها اللي كان يحبها قبل؟ بس هذيجي ماتت اعنبوا سكنية اللي كانت ويانا؟ .. اما في ليوا ..)

• غريبة : شو هالورقة المحطوطة عند الباب ؟ (شلتها ودخلت ويوم فتحت انصدمت صدمتها ..) شو ها؟ بيع البيت؟ ليش يبيعه؟ اعنبوا هالبيت لامّنا وين بيفرنا بعد؟ لا بركتن فيه من طليج ... يعلك يا فضول يا ولد ضبوب ما تتهنى بحياتك ان شاء الله .. انا براويك يالهيس شو بسوي .. (واتطر الورقة من الغياظ .. وين بتضرب براسها .. بعد بتسير عند اهلها؟ مالها اصلا الا اهلها .. وفبيت حمد ..)

• ميثاء ترد عالتيلفون : مرحبا ..

• اليدة : مرحبا الساع .. سامحيني خويتيه متصلة هالوقت بس ما ياني الرقاد ..

• ميثاء : ولا حتى نحن من المصيبة وين بيينا الرقاد؟

• اليدة : سمعيني يا ميثاء .. شو رايج انقرّب ما بينهم؟ يمكن يحّن قلبهم؟

• ميثاء : كيف يعني شو بتسوين؟

• اليدة : شو رايج تون عندنا في المزرعة اللي في الخوانيج .. انتي وخوياتج وتيبين البنات وياج ..

• ميثاء : وعيل كيف بتقربينه منها؟

• اليدة : بخليه قربي !! ما يسير أي مكان .. كله ملطوع في المزرعة مجابلنها .. والصندقة اللي برع بيرقد فيها ..

• ميثاء : شورج وهداية الله .. يالله تليّن روسهم ..

• اليدة : آمين ان شاء الله .. بعد هالجيل طالعين لنا طلعة !!

• ميثاء : وان استوا العكس؟

• اليدة : تف تف من حلجج لا تقولين جذيه .. الله لا يقوله !!

• ميثاء : انزين ومتى العزيمة؟

• اليدة : خليها ورا باجر .. وعلموها البنية خلها اتجهز .. وقولوا لها يدتج اتقولج لا تزعلين وامسحيها فويهي..انا المشكلة من وصلت البيت عيّزت وانا ادقق الباب عليه ومسوي عمره راقد .. لكن صبري عليّة

• ميثاء : رايتج بيضاء يا غناتي .. وويهج دوم ابيض..
(وعند عواس )

• عواس : خلاص انا برد البلاد ..

• سعيد : بعد كل اللي سويته تبا ترد؟

• عواس : ياخي مليت تدريبات نفسها في البلاد ما اتغير شي ..

• سعيد : جذوب شكلك متوله عالحب هاه؟

• عواس : على هاي؟ ههههههههههه شكلك مغفي ..بس والله متوله على اهلي .. امايا وخواتي .. واخواني .. ما بقول اخويه .. لأنه احينه 2 عندنا .. رشود وميود .. اكيد يتجاتلون .. واميه نشبة وميثاء ويدي حمد هههههههه اقولك يبلشهم .. من يحيد اميه نشبة فنص رمستها قاطعها يقولها هاااه شو تقولين ما اسمع .. خخخخخخخخخخخخخخ

• سعيد : والله شوقتني اتعرف على عايلتك .. بس شمعنى اتكلم عنهم جميع الا عن ابوك؟

• عواس مستغرب : ابويه؟ هه .. ابويه ما همه اذا ولده عايش ولا ميت .. اظني يوم خبروه انه ولده ميت كان عنده العيد .. انا قبل صدق اعذره .. وطيبتي وياه كانت بدون حدود لكن الحينه كل شي له حدود

• سعيد : الله يستر منك بس

(اما عند شمايل .. يلست تتجلب في الفراش هب ياينها الرقاد .. تفكر ب هنوه اختها .. وب امها .. واتفكر بردة فعل امها لو درت ..)

• شمايل : لو حد ياء خطبها قبل ما تخلص مهلة هزاع في الدختر؟ شو بيستوي ؟ ويلي ويلاه شو بيفججنا !! والله انه اميه بتجتلها والله .. (نشت فجأة ) والله يوعانة !! (واتطلع بيزات من مخباها واتدوّر على دراهم ) بسير اخذ لي من الثلاجة البراعية كاكاو .. ( غيرت ثيابها ولفت شيلتها البيضاء وطلعت من الحجرة ..)

• منال: على وين؟ وين رايحة يا هناء؟

• شمايل : بسير اخذ لي كاكاو من الثلاجة .. تبين؟

• منال : اييه والله زكاتك .. بدي جالاكسي .. وكوفي على طريقك ..

• شمايل : من عيوني ..

• منال: شو سبب الفرحة في عيونك؟

• شمايل : انا؟

• منال : ههههه لا انا !!

• شمايل: يوم برد بخبرج ههههههههههه

• منال : اذا قصة حب لازم تخبريني ..

• شمايل احمر ويهها : لا .. مصارعة ثيران !!

• منال: روحي روحي يبعت لك حمى ما اغلظك !!

(شمايل تضحك .. وهي سايرة هناك .. )

• شمايل : مدااام مكنير !! هههههههههههههه هاكي الفلبيني .. اسميه فنتكة .. شكله راقد .. ولا بيطفرني وبيطلع لي قرون .. بس حبوب ..ههههههه بخليه باجر يسّحل لي ظفوري نصهن متكسرات .. اقص على منو؟ على عمري؟ خخخخ عادتي مب حلوة لازم اكل ظفوري لالالا لازم باجر اخليه يسّحلهن .. بس بخليه يلبس قفازات قبل عن يمرضني ولا شي .. ( هي تمشي وترمس ويا عمرها .. ووصلت صوب الثلاجة .. وهي يالسة تاخذ وتختار شو الاحلى ..اتحس واحد واقف يطالعها وصدت ..) امييييه .. (هو سيده عرفها .. وكان يتمتم باللغة الباكستانية .. وكان محمر ويهه .. وسيده ايوّدها من رقبتها .. ويوّديها صوب الحديقة ..) هدني !! هدني يالخايس آآخ ماروم اتنفس الله يغربلك والله لأصرخ هد !!!!

(ومن وصلوا الحديقة .. توّها حاسة عمرها بتدوّخ لأنه كاتم عليها .. تحس ايده تنفلت .. وحصل ضربه على رقبته.)

• هزاع : يا سلام .. ارباب هني وانا مادري ؟ شو تسوي هني يا خان؟ تعطيهم جرعات زيادة للمحتايين؟

الباكستاني : ارباب .. والله والله ما في سوي شي .. انا ما في قول شي ..

• هزاع : شمايل ؟ انتي اتعرفينه؟

شمايل تصيح وتسير ورا هزاع : هذا اللي اللي اعتدى علية هو وربعه .. انا ما كنت احلم هو موجود جدامي صح؟

• هزاع حسّر عن ايده : تبيني اخذ حقج؟ (وهي تهز راسها موافقة ) سيري بندي الباب (وتربع وتبند الباب اللي بين الحديقة والمدخل .. ويضربه من الخاطر ..) تعفد عليها صح؟ شي زين صح؟ احينه براويك الشي الزين على اصوله ... انته يعيبك هالشي الزين .. (ويفصخ حزامه .. ويعطيه ع ظهره جلد وهو يصرخ ) صدقني ما يوفي حقك .. اتعرف العذاب اللي عجيت اختيه فيه بعدك ما شفته ..

دانوه
02-09-2008, 01:53 AM
كمـليييييييييييييييييييييييييييييييييييييي

المنسيه
02-09-2008, 02:20 AM
(الجزء 66)

قراءة ممتعه

(ونشوا الصبح الخلق اللي في المستشفى .. وعلى الساعة 10 نشت شمايل شبعانة رقاد ..والبسمة على ويهها ..اتسبحت وطلعت بتتريّق ..وتشوف ناس متيمعين صوب الحديقة وهي مستغربة شو السالفة؟.. كانوا الممرضين يوّدون كل واحد لحجرته .. وتموا الشرطة )

• شمايل اتغشت: شو السالفة؟ بسم الله.. (واتقربت زيادة من شرطي ..وكانت لأول مرة ) اخوي؟ شو السالفة؟

• الشرطي : واحد باكستاني منتحر ..

( من قال باكستاني قّف شعر ينبها .. ويوم اتقربت زيادة .. اتشوف واحد رابط حبل طويل ومعّلق عمره.. هذا هو نفسه اللي معتدي عليها .. ردت ايدها على ثمها منصدمة .. وتربع لغرفتها ..)

• شمايل فخاطرها : انا شو سويت؟ يالله تغفر لي .. والله هب قصدي !! كنت اباه يتعلم من غلطه والله العظيم ..

(وقبل ما توصل حجرتها اتحس حد يناديها )

• ....................: صبري !!!

(وعند هنود ..)

• فاضل : فجي الباب (ويدق الباب بقوة ) فجي الباب اقولج !! يعلج السقم !! صدق انج خام !! اعنبوا دارج تشّردين الريال .. خافي الله !!

(نشوا هنود ومي منصدمين )

• هنود فخاطرها : لا إله الا الله .. ما بيفوّت اليوم على خير !!

• مي قامت وهي معصبة بطلت الباب : شو تبا؟

• فاضل : ابا هاي السبالة !! اللي اتشرّد الرياييل !! اعنبوج شو هالنحاسة؟ (ودخل وسار مسكها من جتفها وهي مب مهتمة .. واتطالع الجهة الثانية )

• مي : هدّها !! اقولك هدّها !!

• فاضل : ماشاء الله اتدافعين عنها اشوف ؟

• مي : مو اختي؟

• فاضل : والله وطلع لج لسان يا ميوه !!

• مي : والله وطلع لك جيب يا بو عيسى (كأنها اتذكرها إنها هي اللي تدفع ) بعده ما نزل المعاش ولا تباني استقيل؟

• فاضل منصدم : هاااه؟ ولا اقولج؟ اهم شي البيزات .. بس والله يا السبالة اتسيرين اتعّذرين من ريلج ولا اعجج في مكان ما تتمنينه تفهمين ؟

• هنود فخاطرها : امييييه .. خفت تراني !!

(وروّح عنها وهي تمت في الفراش تتذكر كيف كان لقاها ويا رشود .. وخلاف ردّت بها الحاسية ..)

• هنود : كيف هذي تكون ميرة ؟ بس انا احيد الجود كاتبة انها ما تت جدامه .. كيف درّت ؟ ما يخصني ما يخصني !! ان يلست افكر فيه بينفجر راسي .. (ويصيح تيلفونها ..) هلا فطيم ..

• فطيم : حد وياج؟

• هنود : لا محد ..

• فطيم : وميوه؟

• هنود : تتسبح .. شوالسالفة؟

• فطيم : هندووووووه لحقي .. اميه نشبة توّها اتخبرني .. ألّف اغراضي حق كم من يوم ..

• هنود : بسم الله .. شعنه؟

• فطيم : يدة رشود واميه ميثاء متفقين انه نسير جميع وبمن فيهم انتي اصلا اهم شي انتي .. ونسير مزرعة قوم رشود في الخوانيج ..

• هنود هب مصدقة : جذااابة !!

• فطيم : والله مب جذب !!

• هنود : شو يتحرون اني بلا كرامة او عزة نفس؟

• فطيم : محشومة .. محشومة فديتج .. انزين انتي ليش ما تخبرينهم انج اتكلمين؟

• هنود : مابا ياختيه عنادا فيهم ما بتكلم وجانج بتخبرينهم محد بيصدقج !!

• فطيم : هنيد انا مالي مصلحة اني اتضارب وياج .. انا انصحج !!

• هنود : ومن متى وحدة قلبها صخر تحاتي وحدة قلبها مكسور؟

• فطيم عصبت : يالله فديتج فمان الله..

• هنود : فكاك !!

(ومي توّها طالعة من الحمام ..)

• مي تجفف راسها : والله لو مب التلفزيون جان بصمت لج مب بالخمس؟ الا بالعشر انج اتكلمين !! بس هالمخ خربان من كم من يوم ... (وتبتسم هنود بس كان مخها مب وياها .. كان تفكيرها في الرحلة واذا سارت شو بيستوي .. وشو بيستوي اذا ما سارت ..) حووووه !! حووووه !! وينج ؟ (وصدت هنود صوبها ) شو رايج هنود تتلبسين؟ ابا اعزمج عالغدا اليوم ..

• هنود تكتب لها : شو المناسبة؟

• مي : في موضوع ابا اكلمج فيه ..

• هنود تكتب : شو هو؟

• مي : لبسي وخلينا نطلع .. والعصر بوّديج شغلج .. (لبست هنود عباتها وركبت في موتر مي .. صدت اتطالع ثياب مي .. كانت لابسة تنورة ضيقة لينا لكربة بالضبط .. ولابسة هيل هوب لونه بني .. وفانيلة بحرية مايلة للأزرق والااخضر .. وفوقه جاكيته .. الكم لين الكوع باللون البني والذهبي وكانت هب متمكيجة ولافة شعرها بقباضة .. كان لباسها وايد أوفر ..)

• هنود فخاطرها : أسكنت هالبنية !! والله اني استحي ألبس جذيه !!

(ويوم وصلوا طلبوا اول شي كوفي عشان يعدل مخهم ..)

• مي : أدري اني ما وصلت لمستواج .. صح انج احلى عني بوايد .. وحشيمة .. بس انا ابا اعيش حياتي .. منو بيتقدم لخطبتي؟ يمكن انتي ماتعرفين انه دوم مناجرتي وياج من يوم كنا يهال .. لأنج انتي اغوا عني وكنت اغار منج .. (وهنود منصدمة ) بس انا عمري ما طلبت منج شي خليني اعيش حياتي .. صح اني بيي يوم بندم على كل شي سويته .. بس خليني اجرب .. أغلط .. بس مب الغلط اللي في بالج .. ابا اتعلم .. لدرجة ابا اتعلم الغرور بس على شو دامنه ما فية جمال .. منو بيي بيخطب وحدة امها عراقية .. لا ورقاصة بعد !! بيقولون هذا النسب اللي يشّرف يا عيوني .. (وتدمع عيون مي ..) لدرجة اني خذت قرار من كثر ما انا احبج .. انتي اختيه .. وما ارضى عليج .. لدرجة اني ابا استوي شراتج ..

• هنود فخاطرها : هاي شو تخربط؟ شو قصدها؟

• هنود تكتب : شو قصدج؟

• مي : انا قررت أسوي عملية تجميل .. (وهذيجي انصدمت ..)

• هنود فخاطرها : والله اتخبلت !!

• هنود تكتب وإيدها تنتفض : اتخبلتي؟

• مي :ههههه تبين الحلاه كلها لج؟

• هنود فخاطرها: غبية هاي؟ ف شو اتفكر؟

• مي : هذي حريتي .. بس اذا ما عندج مانع .. لي طلب .. (وهنود لين وقتها منصدمة ) اباهم يسوّون لي عملية تجميل وأستوي شراتج .. احم .. قصدي اشبهج !!

(وهذيجي جنه انصب ع راسها ماي بارد..)

• هنود تكتب : هذا الخبال بعينه !!

• مي معصبة : أي خبال هااه؟ دامنه كل يوم في حياتي يعايروني بالخسافة .. طاعي عمرج !! طاعي عواس .. طاعي ميود !! كلكم من دم واحد والغوا طرنكم طر .. واستخسرتي فبنت العراقية تحصل على شوية جمال؟ هههههه خلاص ولا يهمج .. شوفي انا حبيت اشاورج .. لكن عرفت انج ما بتوافقين .. وانا جذيه ولا جذيه بسويها .. بشوف لي دكتور تجميل عدل .. ويغيّر شوي من ملامحي .. المهم أغّدي حلوة .. لا تخافين ما بقوله عنج وع اني ابا اشبهج .. حطي ايدجوريلج فماي بارد ..

• هنود فخاطرها : ما اتوقعتها اتقول جذيه .. كسرت خاطري ..

• مي : وعلى شان اثبت لج اني في صفج .. براويج شي ما شفتيه .. (وتعطيها التيلفون ) افتحي الاستوديو وبتحصلين فيديو طاعيه .. انا هب نذلة .. بس والله ما يستاهلج ..

( وفي المستشفى )

• هزاع: صبري !!

• شمايل : مات الريال يا هزاع !! مات !! وكله بسبتي !!

• هزاع : الباكستاني؟ جيه ؟ شو استوا به؟

• شمايل : تعال براويك .. (وتوّديه للمكان بس ما طاعت تتقرب .. وكانوا الشرطة ينزلون الجثة .. وشمايل قلبها يدق زايغة .. وأكيد يوم بيعرفون بيقبضون عليها ..)

• الشرطي : please out

(والريال يطلع له ال identification )

• مايد : وياكم الملازم مايد بن فاضل من المكافحة !!

(وعج الخشم والاكستنشنز من شعره وشمايل اتطالع منصدمة .. والشرطة منصدمين .. وواحد من الشرطة يتّفل عالارض يتحراه بنية ..)

• شمايل ترمس شوي شوي : ميود ؟ معقولة؟

المنسيه
02-09-2008, 02:21 AM
(الجزء 67)

• سعيد : حجزت ولا بعدك؟

• عيسى : لا بعدني .. العصر بسير ..

• سعيد : خلاص انا راد وياك ..

• عيسى : سعيد شو هالكلام؟ من قلت بروّح قلت يالله مع الخيل يا شقرا؟

• سعيد ميت من الضحك : حلوة هاي مع الخيل يا شقرا .. المهم .. انا اقدر اكمل دراستي في البلاد ..

• عيسى : سعيد؟ شو سالفتك؟ احس انك متعلق فشخص اسمه عيسى؟

• سعيد : انا كان ربيعي الروح بالروح اسمه يوسف .. اتوفى من سنتين .. وكله من جرعة زايدة من المخدرات .. بس وين مات؟ مامات في بلاد ه .. بس مات فهالبلاد الوصخة !! ويوم اتعرفت عليك وعرفت حالتك .. حالتك كانت شبيهة بحالته بس الرب حفظك .. حسيت بك ربيعي اقرب للأخو ..

• عيسى : يالله هاي شهادة اعتز بها .. عادي احطها وسام على صدري؟

• سعيد : خخخخخخخخ تقدر تقول جذيه ..

• عيسى : انزين بسير اسحب من الصراف .. هذا اذا بقى شي بيزات .. وخلاف بحجز ..

• سعيد مبتسم : انزين اترياك ..

(وعند هنود )

• هنود فخاطرها : هذي الجلبة ميروووه!! يعلفها العوق !! آآخ لو هي جدامي بس !!

(وتصيح .. ودميعاتها قامن ينذرفن عالكوفي ..)

• مي : انزين ليش اتصيحين؟ انتي غاوية وما فيج أي عيب ..

• هنود تكتب بعصبية : شو فايدة الجمال بليا روح؟

• مي : صدقيني بيركض وراج هالجلب ..

• هنود فخاطرها : صدق حقير !! اكرهك يالجلب اكرهك !! يعلها هالبنية تحرم عليك دنيا وآخرة ان شاء الله

(وبعد 10 دقايق كانت تتفكر في ملامح مي ....)

• مي : بلاج مبججة عيونج علية؟

• هنود تكتب : استهدي بالله يا مي .. محد قال انج خسفة ..

• مي : مب لازم بالقول .. النظرة بس تكفي ..

• هنود تكتب : عشان خاطري ميووه اذا تحبيني لا تسوين هالشي ..

• مي : انا خذت قراري .. وصدقيني روحج بتستانسين لي ..

• هنود تكتب : انا خايفة عليج ميوه !! اخاف شي يستوي فيج .. عملياتهم هب مضمونة ..

• مي : ما بيستوي الا كل خير .. صدقيني هذا كل مناية ..

(وودتها لشغلها ..وسجلت حضورها .. وشافت وحدة من المثبتات كانت وايد وغدة ..)

• سعاد : يا مرحبا الساع والله .. اشوفج ياية من وقت؟

• هنود : لاوالله عيل اترياج لين ما تين .. صدق بايخة !!

• سعاد منصدمة : اوييييه اتكلمين؟

• هنود : لا شكلي اكلم عمريه .. ما عندي وقت لوحدة سخيفة .. (عطتها هنود نظرة وروحت )

• سعاد : الله اكبر والله وطلع لج لسان يا هندوه !!

(وسارت لورشة شغلها وشافت وحدة في غرفة الملابس .. ويه يديد .. بس هالويه اتعرفه ..)

• هنود : السلام عليكم .. مويز؟

• مويز : عليج السلام (والبنيات منصدمات انها اتكلم .. ومويز صدت ..) منو الحرمة؟

• هنود : مويز؟ انا هنيد .. ما تذكرين اختيه مي داعمة موتر اخوج ..

(وهذيجي الصدمة عاقدة لسانها .. وسارت سلمت عليها..)

• مويز : انتي اتكلمين؟ تستاهلين السلامة فديتج ..

• هنود : الله يسلمج غناتي .. يعني من فترة ..

• مويز : ونحن عيل بنشتغل سوا؟

• سعاد بكل لؤم داشة عرض امبينهم :لا بتشتغلين ويايه ..

• هنود : لا بتشتغل ويايه .. عندج مانع؟

• سعاد : هيييه عندي مانع .. انتي ما تعرفين ترسمين ..

• هنود : والله بتعلم .. يوم ابا بتعلم ..

• مويز : ماعليه انا بعلمها ..

• سعاد : وبعد اتدافعين عنها؟

• مويز : اقولج لسانج وايد طويل ويباله قص ..

• هنود : شو رايج اقصه لها؟

• سعاد : يالله جانكن اترومن .. قصوركن بعد !!

(وهنود اصلا واصلة حدها .. ياية من المطعم وشافت الاهوال وخصوصا فيديو راشد .. عادي اتعفد على سعاد مسوّدة الويه .. واتقربت منها .. ومسكتها من شعرها ..)

• هنود : شو قلتي؟ عيدي كلامج !!

(ومويز ميتة من الضحك )

• سعاد : قلت موزة بتي تشتغل عندي وهدّيني !!

• هنود تضحك : صدقيني ما بهّدج !! (وتسحبها لين المغسلة ) مويز فتحي المغسلة !!

• مويز : افا حاضرين حق الشطانة !!

• هنود : شو رايج؟ جبانة ولا تسوينها؟

• مويز : اوووه!! انتي بعد تعرفينها ؟ نحن في المدرسة نلعبها .. بس والله اسويها !! حلاته هاليوم !!

(ورفعت مويز شيلتها وعلّقتها .. وحسّرت عن ايدها عشان ما تخيس عباتها ..وبطلت المغسلة )

• هنود : اليوم شكله ويهج هب مغسول عدل .. من غير اشوف كم من قشرة في راسج مادري قملة !!

• مويز : اعععع .. خوّزي ايدج عنها عن اتعاديج !!

• هنود : لالالاتخافين .. امبوني نظيفة من ساسي لراسي !!

• سعاد : جاب !! هدّيني يالحمارة !!

(وقاموا يرّشون عليها ماي وصدق غسلوا شعرها .. والبنات يتضحكن عليها.. وكانوا مستانسين لأنه في حد قام يردع المثبتات لأنهن كانن دوم تصرفاتهن غلط .. وقاموا يتحذرون من مويز وهنود لأنه أي كلمة بتوّديهم في داهية .. ومن سارن الورشة مالهم ..)

• مويز : شوفي هنيد .. خذي الاسفنجة وغطّيها بلون وحطيها على عيون الياهل ..

• هنود : شو رايج نسوي دعاية لعمارنا؟

• مويز : قصدج كل وحدة ترمس على خد الثانية .. عشان اليهال اييّونا؟

• هنود : ماشاء الله عليج قريتي تفكيري.. شكلج متمرسة في الرسم .. (ومويز ماسكة فج هنود وترسم على خدها مدهش ..)

• مويز : انا احب الرسم .. (وياهم صغيروني .. يالس يطالعهم ومبطّل حلجه ..)

• هنود ترمس شوي شوي : اندوج طاعي الياهل .. الذبابة دشت وطلعت من حلجه وهو بعده مبطّل حلجه ههههه

• مويز : هههههههههه حبيبي تباني ارسم لك؟

• الصغيروني : خالوه؟ (وأخيرا صك حلجه ) عادي ترسمين في ويهي؟

• مويز : افا عليك ..

• الصغيروني : لا مب انتي .. انتي صغيرة ما تعرفين ..

(وهن صدن يطالعن بعض ويضحكن )

• هنود : حبيبي انا ما اعرف .. هاي اتعرف ترسم ..

• مويز : برسم لك مدهش ..

• الصغيروني مستانس : صدق والله؟ انزين يوم بترسمينه مب على خدي شرات خالوه هذي !!! ابا على ويهي كله ومب اتحطين لي روج !! عيب هذا مال بنات !!

(وهنود احمر ويهها من الضحك وكانت متوالفة ويا مويز .. لأنه الباجيات ما كانن ييّسرن يتقربن ..وبعد ما رسمن على كم من ياهل .. سارن يتعشن ..)

• مويز : شو رايج جبانة ولا تسوينها؟

• هنود : صدق ؟ شو هو؟

• مويز : ولا اقولج خلي كل يوم بيومه احسن .. باجر بخبرج شو هو اللي بتسوينه ..

• هنود : اتصدقين دشيتي خاطري .. انتي الوحيدة اللي اتوالفت وياها ولا انا من دخلت هالمكان ما رمست حد ..

(وعند شمايل ..)

• مايد : انا كنت متخفي بسبت هالبتّاني .. كنت اشوفه بعيد يتخّلى ويا واحد من المرضى .. بس ما عرفت شو يسوي .. تسمح لي افتش غرفته ؟

• الشرطي : اتفضل .. وخذ وياك كم من شرطي ..

(ويوم هو يتحرك .. كان ينفض الاكستنشنز .. وتتلاقى عيونه فعيون شمايل اللي كانت واقفة حذا هزاع .. سوالها بنظرة ... معناتها ابتعدي عنه ولا بذبحج .. وهي سيده منهّدة صوب ميود .. اللي كانت خطواته سريعة .. ما يباها تتورط في السالفة ..)

المنسيه
02-09-2008, 02:22 AM
(الجزء 68)

(ويوم وصلوا حجرة الباكستاني ..)

• شمايل : أوقف مكانك !!

• مايد : انطبي .. وسيري مناك !!

• شمايل تتقرب منه وتكفخه ع راسه : طب الله راسك يالحريموه !!

• مايد يعطي اوامره للشرطة بشكل جدي : فتشوا غرفته .. (وسار جدا شمايل ..) اتخبلتي؟ وجدام الشرطة بعد؟

• شمايل محمر ويهها : أخخخ عليك يا ميود !!! شو اللي خلاك تستوي فلبيني وتجذب علية؟ وقابض لي مدام مكنير ومدام مكنير !! وانا مصّدقة اتحريت واحد فلبيني مسكين حاله !! الا مسكين حالك انته !!

• مايد: شمايل سمعيني انا كل اللي سويته .. اني استحملت المذلة كلها عشان اوصلج .. يا ما اترجيت امج وأمي ومحد ياب طاريج غير اميه نشبة وزلّت بلسانها .. ولا انا كيف بعرف طريجج هاااه؟ ولا بتوارد الخواطر؟

• شمايل : انته تعرف اني كنت اعاني ونص المشكلة انته !! تعرف شو يعني انته؟ يتني وداد وقالت لي انها بتطلق من منّوع وبتاخذك ..

• مايد يبتسم : أسميها مصخرة !! وانتي صدقتيها؟

• شمايل : أكيد لا ..

• مايد : شكلج .. مبيّن انج مصدقتنها !!شمايل : ما بسامحك على جذبتك !!

• مايد : صدقيني يا شمايل .. لو تحّسين بالمذّلة اللي انذليت فيها .. بتقولين حرام اللي يصير لك .. بس انا اقولج كل هذا يفداج .. لأني احبج .. ما يهمني .. لو يطالعوني الكل .. او حتى اتفنّش من الشغل .. انتي حبيبتي تعرفين شو معنى حبيبتي؟ يعني مالي .. من حقي .. ومالج حق توقفين حذا الخايس هزاعوه .. ولا حتى تتلفظين باسمه تسمعيني؟

• شمايل تهاجمه : من احينه بتتملكني؟

• مايد : مب تملك .. بس ما حيدج تعطين فرصة لحد وترمسينه؟ احيدج أثقل عن جذيه !!

(شمايل احمر ويهها وتصفعه طراق ع ويهه ..)

• شمايل : صدق قليل الادب !! انا كنت بروحي .. منو عندي في المستشفى يساندني هااااه؟ ويوم الباكستاني البارحة كان بيعفد علية في الحديقة .. كنت انته موجود؟ هه طبعا لا خامر كعادتك .. ( قصدها راقد )

• مايد منصدم : بيعفد عليج؟ شو تقولين انتي؟

• شمايل : هذا هو اللي عاد علية في ساحة ليوا .. تذكر ولا أذكرك في الاحداث

• مايد : ماله داع ..

• شمايل : شي يوصلك ويتعداك .. انته هب ريلي ولا خطيبي او حتى حبيبي عشان تحاسبني !!

• مايد اتغير ويهه من القفطة : انزين دامنج قلتي جذيه .. هذا آخر كلام لي وياج .. وعمري ما بّذل عمري زيادة... تبيني ولا لأ؟

• شمايل بتكبر : لا يعني لا..

• مايد : أسميني مال مقصة !! صدقتج وقلت اتحبني .. لكن من عقب الحادثة صدق اتغيرتي .. والتعجرف قام يتملكج .. خلّج على عنادج ... انا ما بتم ألاحقج شرا الجلب .. ميود اللي يحبج بيتم طول عمره يحبج .. لكن ما بذّل نفسي زيادة .. الرب لج حافظ ياااااا شمايل ..

(احمر ويهه .. وطاف عنها .. ودخل حجرة الباكستاني .. وهو يدوّر ويا الشرطة وكانت الدمعه في عينه .. وما حس بها .. اما شمايل .. تربع لحجرتها ..)

• شمايل : صدقني روحك بتندم .. والله بتندم .. يوم وبترد وانته راكع تباني ..

(وتمت تصيح .. وأثبتت التحريات انه الباكستاني هو اللي يضرب المرضى بإبر المخدرات .. ووصل مانع ووياه حسن ..)

• مانع عيونه بتنطر من الزياغ : شو السالفة؟

• مايد : ماشي ..

• مانع : وليش الشرطة هنه؟

• مايد : انا اعفوني استقالتي وبقدمها اوكي؟ يالله فمان الله ..

• مانع : بلاه؟

• حسن : بسير اطالعه ..

• مانع يزاعج : ميود رد هنيه

• مايد : احينه انا هب على إمرتك !! خلني في حالي أبرك لك .. تبا تعرف شو السالفة اسأل الشرطة والسلام ختام ..

• مانع : انا قلت اترد هنيه !!

(ومانع كان يستفزه . ويرد ميود بسرعة بخطوات سريعة صوب مانع ويمسكه من ثيابه بكل قوته )

• مايد : انته شو بنغالي؟ ما تفهم؟

(ويضربه بوكس ع بطنه )

• مانع : آآخ !!! الله يغربلك !!

(ويروّح عنه )

• حسن يمسك مانع : هد اللعب !! هد اللعب !!

• مانع : آآخ الله يهده ان شاء الله ..

(وعواس وصل عند الصراف الآلي وكان يطلع البطاقة )

• عواس يغني : صغيرهم يدري بقيمة غلاهم .. لا يمكن تحصله معروض للبيع !! (ويدّخل البطاقة والرقم السري ..) حووووه !! حوووه !! ويّدي بسم الله !! (شو هالأصفار؟ قام يحك عينه ..) كم ؟ 5 ملايين؟ ربي سترك يا ربي !! (وهو يتنفس بصعوبة ) بسم الله الرحمن الرحيم .. بسم الله .. بسم الله .. يالله شكلي احلم .. (ويقرص عمره ) لا هو الرقم اكيد !! (وسحب البطاقة ودخل المصرف وهو عرقان مع انه الجو بارد .. ويتكلم بالانجليزي وانا بترجم لكم ..) لو سمحتي أبغي كشف بحسابي ..

• الحرمة : ممكن الجواز والبطاقة؟

• عيسى : اتفضلي .. (وبعد 5 دقايق )

• الحرمة : حسابك بالضبط فهالورقة ..

• عيسى ك شكرا .. (ويشوف الورقة كاتبين ..) 5,011,000 درهم يالله ربي تستر .. لو سمحتي ممكن تقرين؟

• الحرمة : خمسة ملايين واحدى عشر ألف درهم إماراتي ..

• عيسى معصب : احينه اتظّهرين لي من وين ينّي الخمسة ملايين ... أحينه روحي يالله ب ديني .. كل اللي عندي 11,000 درهم

• الحرمة : انته لازم تكون مستانس

• عيسى : استانس على بيزات هب بيزاتي؟

• الحرمة : اوكي لحظة .. (شرب القهوة .. وبعدها يابوا له كيكة .. امتعد الريال وهو يتريا .. وبعد 20 دقيقة ) آسفة عالتأخير .. اتفضل عند المدير وهو بيشرح لك

• عيسى : ما تقصرين يا بنت الايواد .. (ودخل وسلّم عالمدير..) ممكن تفسر لي اللبس اللي صار؟

• المدير : عيسى هذي فلوسك ..

• عيسى : انته بتطلع لي نخلة فراسي؟ انا من وين لي ؟لا احيدني اقامر ولا مرتشي!!

• المدير: هذي الفلوس متحوّلة من حساب الشيخ سعيد ..

• عيسى منصدم : سعيد؟ وييييييييييييه ما ياء على بالي ..

• المدير : اتعرفه؟

• عيسى : ربيعي ..

• المدير : خلاص انحلت المشكلة وما فيها أي لبس ..

• عيسى : مشكور .. (وطلع وهو في حالة صدمة ..اول ما وصل الشقة ) سعّود ؟ وينك؟

• سعيد : أهّب الثياب برع !!

(كان لابس بجامة مال الرياضة ولاف راسه بعصابة مال الاجانب عشان ما يخرّس شعره .. )

• عيسى : عاش عاش !!ليش اليوم دورك؟

• سعيد: صدقني !! يبالنا بشكارة ولا هالمعاناة !!

• عيسى : لا بعدني .. استوالي توّة موقف .. والحمدلله ارتحت

• سعيد مبتسم : خير؟

• عيسى : خير بويهك .. يتني حرمة عيوز طلابة .. تبا بيزات .. قلت لها ما عندي بس صبري بسحب وبعطيج .. وحوّلت البيزات على حسابها ..

• سعيد : عطها فإيدها بعد شعنه العبالة كلها ؟

• عيسى : لأنه المبلغ عود هب صغير ..

• سعيد : ليش كم؟

• عيسى : بس 5 ملايين .. حطوهن في حسابي .. مادري منو هالكريم اللي حاط لي .. وعشاني هب محتاي البيزات عطيت هالفقيّرة !!

• سعيد منصدم : شوه ؟ اتخبلت؟ (وطاحن الثياب من ايده ) سويتها ؟

• عيسى يهز راسه وهو مستانس : هههههه سويتها ونص .. بلاك يا ريال؟

• سعيد : لاحول ولا قوة الا بالله العلي العظيم !!

• عيسى : ههههههههههه دواك تستاهل !! باجر برد المصرف وبحوّلهن لك

• سعيد : والله ما تردهن !! وهذي حلفة شيخ !!

• عيسى : انا هب محتاي بيزات .. انا جد طلبت منك ؟

• سعيد : ابدا .. سمها مكرمة شيخ وخلاص !! وإبدأ فيها مشروع !!

• عيسى : ليش كل هذا؟ لو قلت حق واحد من الشباب سلفني 1000 درهم جان شرد عني .. وأحينه يوم هب محتاي بيزات احصل هب مليون .. خممممسة ملاييين !! يالله بالستر !! ما اقدر ياخي ما اقدر !!

• سعيد : تقدر ياخي تقدر ! وانا وياك فأي مشروع !! عواس؟

• عيسى : الله يخليك لي يا خويه !! اسميهم الاخوان قاموا يزيدون .. اول ميود والثاني رشود والثالث حسّون والرابع سعّود !!

• سعيد : هيه والله شفت عادة ؟ يقولون اليوم عواس عازمني .. مغتني الريال . وين بتعزمني ؟

• عيسى : اممممم شو رايك ماكدونالد؟

• سعيد : انته بتموت اذا ما مريت على ماكدونالد؟

• عيسى : ياخي ادمان بلاك انته؟

• سعيد : انا كنت ادري انك بتنصدم من السالفة .. اتصلت احجز ومال لقوا حجز غير بعد اسبوع .. موافق؟

• عيسى : خلاص تم .. بيكون عندي وقت آخذ سفرة لأهلية ..

• سعيد : احم احم .. في شي بعد !!

• عيسى : شو؟

• سعيد : الاخت فطيم .. تركت لك رسالة عالمسن ..

• عيسى :شو؟

• سعيد : سوري قريتها .. بسلأاني كنت يالس أخلص شغلي عاللابتوب وظهرت لي رسالة عالمسن وطلعت

• عيسى : افا عليك .. انا اصلا كتاب مفتوح جدامك

• سعيد : كاتبتلك انه اختك هند ملج عليها واحد راعي دبي .. وف ليلة ملجتها ودّرها ..

(وعيسى منصدم )

• عيسى : هنيد؟ هنيد اختيه؟ لا يكون منّوع؟ لالالالا.. لحظة !!

(ويتصل ب حسن )

• حسن : سلام عالقاطعين

• عيسى : حسون؟ الله يخليك .. ابا اعرف هنود اختيه منو ماخذة؟ منّوع؟

• حسن : لالالا هب هو ..

• عيسى: شدراك ؟

• حسن : بس ادري ...

• عيسى : هو حذاك؟

• حسن : هيييه وبس جذيه السالفة

• عيسى : خلاص بكلمك خلاف ..

• حسن : اوكي فمان الله

• مانع : حسون؟ ماحيدك اتكلم بنات .. منو علمك هالسوالف؟

• حسن : ربك بعد ..

• مانع : اتحمل منهن ياخي ..طوف طوف خلنا انطالع سالفة المنتحر وهذا الهيس ميود !!

(وهنود مرّت عليها مي )

• مي : سوري اتأخرت عليج .. بس كنت أتدرب .. (وكانت هنيد تشم ريحة خايسة .. فتشت فأغراض مي في الشنطة ) شو اتدورين؟

• هنود تراويها وفخاطرها : هذا !! يا مسوّدة الويه .. سيجارة؟

• مي : كلهم يدخنون !! السالفة يت علية ؟ وهاي حرية شخصية !!

(ويوم وصلوا البيت .. نزلت هنيد وكانت يوعانة .. ما دخلت من جدام .. سارت من ورا صوب المطبخ الخارجي .. وتحس جنه شي يقرصها .. اقشّعر ينبها .. تتذكر يوم كانت ويا راشد في المطبخ .. كان يهّديها ويتفداها وانه كل شي يهون بس الا دمعتها .. اغتاظت ونست يوعها ..)

• هنود : والله لأراويك .. (وتربع لحجرتها وتفر عباتها .. وشنطتها ..وطلعت ثوبها مال الملجة وذهبها .. )

• مي : بسم الله طلعن الزيارين !!

(ونزلت هنود وسارت برع ورا البيت .. وحطت ثياب الملجة والشيلة المنقّدة حتى الذهب اللي يابه لها .. فرته داخل درام عود )

• هنود: أحينه بعرف اذا انتهيت من حياتي ولا لأ .. (وردت المطبخ ويابت جاز وكبريت وتصب الجاز كله من الغصة وعيونها تحرقها .. خلاف اتلبّق الضو .. وبقّت الضو العودة ..) احينه انتهيت ويا ليتك تنتهي من قلبي !! [COLOR="black"]( وهي اتطالع الدرام وتصيح .. وزينة تتكلم في التيلفون ..)

• زينة : لا يا عيوني توّها واصلة .. وين أنطيج اياها .. نسيتي انها ما اتحجى؟ (واتطالع صوب دريشتها شرا الليت .. وسارت اتوايج وهي اتكلم ويا اليدة الجود ..) أويلي ويلاه !!

• اليدة: خير؟ خير؟

• زينة : البنية استخفت جالسة تبجي جنب الدرام .. لا وحارقة ثيابها !!

• اليدة: هالله هالله فيها سيري طاعيها دخيل الله عن تسوي شي فعمرها !!

• زينة : كاهي دخلت .. خلاص انا راح اكلمها ..وأرد لج خبر..

• اليدة : ردي سوي لي اليوم ..مفهوم؟

• زينة : اوكي.. (وتربع لهنود وتحضنها ) انجنيتي يا بنيتي؟ (وتصيح فحضنها لين هدت.. ويوم هدت..) في سالفة ابي رايج فيها .. (وهنود اتأشر لها مثل شو ) يدة راشد حاجتني من شوي وودها ومنى عينها انها تشوفج ..وودها تتأسف لج عن اللي صار .. حتى راشد نفسه ..وراح يسوون بكرة عزيمة جبيرة.. ..وراح تنامين عندهم في المزرعة كم من يوم مع نشبة وميثاء وشما وامج غريبة كلهم بيكونون موجودين ..

• هنود تبتسم وتكتب : خلاص قوليلهم تم ..

• زينة تنفرج اسارير ويهها : صدج؟ فرحتي قلبي الله يفرح قلبج .. وانا راح ارتب لج ثيابج ..

• هنود فخاطرها : والله لأراويك

(اما عند اليدة الجود )

• اليدة : شرات ما وصيتج ..

• ندى : افا عليج ..

• اليدة : مب يسير يقص عليج؟ انا موول اممرة ما يسمع كلامي ..

• ندى : خلاص ولا يهمج ..

(وهو توّة داش مستعيل وزايغ على امه ..)

• راشد : اميه؟ بلاج؟ وين يعورج؟

• ندى: يابويه فؤداي يعورني .. (يالله بدينا بالفيلم المصري قلبي وقلبي )

• راشد : وايه فديت فوادج .. (ويمسك كرسيها المتحرك .. ويسحبها بيوّديها المستشفى ..)

• ندى زايغة : وين ؟ وين موّدني؟

• راشد : الدختر بلاج امايا؟

• ندى : استهدى بالله .. وعيّن من الله خير وودني حجرتي ..

• راشد : ان شاء الله .. (وشلاها ووداها غرفتها ..) ليش يا اميه كل هالمسرحية؟ انا ادري هاي يدوه جذيه تسوي ..

• ندى تهزبه : ولا كلمة زيادة !! تفهم؟ خلني اتكلم .. احينه ريال يعري طول بعرض وبسمعتك .. تسوي ببنت العرب جذه؟ لو نحن غاصبينها عليك جان قلنا الغلط منا .. لكن انته مختارنها .. ولا وانته تدري بمرضها شو معناتها اذا البنية ما اتكلم ؟ نعمة من الله .. وبلى فنفس الوقت ..

• راشد : اميييه ترا البنية ما يعيبها شي تراها اتكلم ..

• ندى : يابويه قمت اتخربط الحينه .. أسميك اتهذي .. اسمعني كلمة وما بعيدها .. ان ما هديت هاييجي البنية ما تلوم الا نفسك .. صدقني برد لدار العجزة .. هناك أولم لي بدال مجابل ولدية اللي ما يسمع كلامي ..

• راشد : يا اميه كيف بفهمج؟ كيف؟

• ندى : لا تفهمني ولا افهمك .. ورطتنا وورطت اهلها الخيرين والحينه اتحمل النتيجة .. باجر بنحمّل شلايلنا وبنسير المزرعة وانته بتكون هناك .. حرام ان دريت انك شايف ومقابل هذي الهرمة .. اعنبوا مهدود قيدها؟ اكيد كنت ترابع وراها !!

• راشد : ان شاء الله على امرج ..

• ندى : ان شاء الله شو؟

• راشد : ان شاء الله بسمع الكلام ..

• ندى : ومن تشوف حرمتك تستحي على ويهك واتعذّر لها وتيب لها هدية ..

• راشد : ان شاء الله

• ندى : صدقني وانا امك نحن ما نبا غير سعادتك .. حتى البنية مكسور خاطرها والله اليوم تخبرني يدتك والله اتقطع فوادي عليها .. قامت اتحرق ثيابها وهذا كله منك انته ..

• راشد : يا اميه قلبي محتار .. بينها .. هو رايدنها .. بس

• ندى : عيل تبا هذيجي اللي تربع وراك؟ يمكن وصلت للبيت ونحن ما ندري؟

• راشد احمر ويهه : ما يصير خاطرج الا طيب..

(وعند بيت حمد )

• ميثاء : غرّوبة؟ شعنه ما بتين ويانا؟

• غريبة : عندي شغل في البنك باجر..

• نشبة : انزين أجّلي السيرة وتعالي بتتونّسين ويانا .. روحه ولدج ضايق .. طول اليوم وهو يصيح ..

• غريبة : شو تبيني اسوي يا امايا؟

• ميثاء : طلعي سيري عراسات .. (قصدها اعراس )

• غريبة : وانا ويني ووين العراسات .. كفاية المصايب اللي تنهد عليّة من كل صوب ..

• ميثاء : أي مصايب بعد؟

• غريبة : بعد شوه غير بناتي بعيد عني .. وميوه قامت اتفيرط .. شفتيها كيف غدت مكرفونة !!

• ميثاء : ويدي غربل الله مذهبها الخايس !!

• نشبة: هاي هب من .. ولا جان ما سوّت جذيه ..

• غريبة : هاي بنتي .. لا تقولين عنها جذيه .. امايا خذوا رشود وياكم .. واذا في وقت بتصل بمحمد الدريول وبيي عندكم ..

• ميثاء : زين يابوج .. عشان يلعبو ويا خواته أسميهم متولهين عليه .. وانتي يا شموس بتين ولا مثل كل مرة بتتعذرين؟

• شمسة : الا امايا بسير وياكم انا وبنتي ...

• ميثاء: ويييين اشرقت الشمس !!!

• شمسة : يا امايا متضيجين من يلسة البيت .. وكفاية الحفلة البارحية .. من غير بحط عيني على ولد اختييه..

• ميثاء : زين اتسوين ..

• نشبة : كم كمّل الحينه؟

• غريبة : بعد يومين بيكمل 8 شهور ..

• نشبة : طاعوا الايام كيف تربع ..

• غريبة فخاطرها : الا باجر أسير له ..

(وميود كان يالس في كوفي شوب في جميرا يطالع الكوب ..)

• ....................: وقال مصدر عن امين عام الجامعة الدولية ..

(وحس كأنه شي ياكله .. يبا ينبهه ..)

• واحد من الشباب : مادري من وين يايبين هالخسيفة ؟ شفتها؟ احينه قلة حريم؟

• والثاني : هي والله صدقت .. اللي يشوفها بيعاف الاخبار .. الا ما بيبطل التلفزيون ..

• مايد سمعهم: عن منو اتكلمون؟

• واحد ويأشر : هذي !! صد هني !!

(ومايد يطالع التلفزيون .. انه يشوف اخته ميوه بكراعينها .. وتقدم في الاخبار ..)

• مايد منصدم : ميوه؟ (ويركب موتر وبسرعة يسير بيت زينة ..) انا براويج يالطفسة يالماصخة يالحاسر !! ( وطلع الخيزرانة من الدبة ..ودخل البيت ) وينها .؟ (ويزاعج ) وينها ام السعف والليف؟

• زينة نازلة : خير؟ خير؟ شبغيت؟

• مايد : بغيت ام الكراعين اللي يطالعونها في التلفزيون !!

• فاضل : اطلع من البيت لأزجر الشرطة ..

• مايد : هاي عندك المريلة؟ انته ريال انته؟ اتخلي بنتك مكرفونة؟

• فاضل : وخير يا طير؟ لا هي اول وحدة ولا آخر وحدة !! شو حارنك ؟

• مايد : اقولك اختيه .. تقولي شو حارني؟ اعنبوا ما عندك غيرة على بناتك؟ (ويزاعج .. ويضرب بالخيزرانة على الدري ) والله والله تنزلين يالجلبة !! يا ام الرياييل !! والله اني يالس في الكوفي .. (وهي ورا الباب تسمعه وهنود كانت راقدة ..) والله وهذي حلفة انهم يقولون منو هاي العبرة اللي اتلوّع بالجبد .. ومخلنها بكراعينها بعد !! .. (ويخبرهم بالكلام كله اللي قالوه الشباب ومي طلعت بعصبية )

• مي : دامني عبرة وألوّع الجبد .. اصبر علية وانا أوّريك منو اللي بتكون عبرة .. واطلع من بيتي .. لأني لا اعرفك ولا تعرفني .. يوم هذي المخوة ماريدها !! خلها لأختك هنيد !! (وتزاعج ) برع !!

• مايد : صدقيني بتندمين على قد شعر راسج !! والله بتندمين .. وان شفتج جدامي قسما بالله وانتي بهالشكل لأقبّض المحناية وأعلّمج التربية من أول ويديد .. محد بيمنعج عن شغلج .. لكن خليني اشوفج حاسر والله ثم والله ما بتسلمين مني..

(وروح ..)

• مي : سيرة بلا ردة .. (دشت الحجرة وهي تصيح .. ) طبعا انا العبرة واللي ألوّع بالجبد .. انا خسيفة .. ويوم اقول حق هنود اتجذبني .. لكن من اليوم وساير ما بهتم ف راي حد .. عمري والله ما بهتم وهذي حلفة !!!

المنسيه
02-09-2008, 02:25 AM
وهــــــــذا آخـر بارت حطته الكاتبــــــه =)

يعني أتريي لين أتحط الباقي ،،

دانوه
02-09-2008, 01:34 PM
اووووكيــــهـ

ياررب مـا تتأخــــــــر

دانوه
02-14-2008, 11:13 PM
مـا كمـلت ؟؟؟؟؟

المنسيه
02-21-2008, 04:56 PM
(الجزء 69)

(وعلى الساعة 8 الصبح في ليوا ..)

• ميثاء تزاعج : نشيبة !! يا نشيبة !!! يا شميم يالله دهديه !! يا محمد بس من التنظيف !!

• حمد : جان انه من الغبشة قابض لج هالوزار ويمّسح في هالموتر .. وين تبينه يفج عنه !!

• ميثاء : لا إله الا الله !! بعد اتوّحاه .. توّة يديد..

• نشبة : السلامن عليكم .. طاعوا طاعوا جوازي طاعوا !!

• حمد : ما حيدج متى عطوج جواز؟

• نشبة : بسم الله علية !! انته ما اتوبي !! سر مناك عن ويهي ..

• حمد : يالله يا نشيبة ..(ويحبها ع راسها ) ما بتتولهين على خوّيج؟ احينه لو طاح ميهود منو بيداريه؟

• نشبة سيده صاحت : يالله يا خويه عوّرت فوادي لا تقول جذيه ..

• ميثاء نشت له نشة : بسم الله عليك الرحمن ... حصّنت عليك بالله وملائكته .. ان قلت هالكلمة ودّية ثانية ما تلوم الا نفسك ..

• نشبة : يالله .. هالله هالله بعمرك الا هن كم من يوم ورادين ..

• حمد : شو تقولين ما اسمعج ..

• نشبة: وترفع صبيعاتها للسماء : ما اقول غير حسبي الله ونعم الوكيل ..

• حمد : هب هبيتي وتدعين علية يا مسوّدة الويه !!! (وفطيم ميتة من الضحك )

• نشبة عصبّت واتدز فطيم : طوفي ورايه طوفي .. (قصدها جدامي ) المكر من طبع هالعايلة ..

• حمد : سبحانك يا ربي .. خلقت الذيب وخلقت الصخلة !! (ويأشر عليها )

• نشبة : الله اكبر عليه !! الله اكبر عليه .. !! ميثوه !! هب تنسين جوازج !!

• ميثاء : وشميم وينها؟

• نشبة : قالت انمر عليها منزلقة عالسطح وما تروم تمشي وايد ..

• فطيم : واعلية عليها !!

• ميثاء : تموت الا التسديح عالارض .. اعنبوا دارها ما تشوف جدامها ؟

• نشبة : انزين يالله اركبي اركبي .. اتأخرنا عالاوادم ...

• حمد : تعالي هنه مسوّدة الويه شعنه بعد الجواز؟ لا يكون بتسيرين تعرسين؟ (وميثاء تبند الباب .. ونشبة بطلت الجامة ..)

• نشبة : بنسير نسويلنا هوية ..

• حمد : هيييييييييييه !! صبروا بييب جوازي .. سوولي وياكم ..

• نشبة : جيه؟ سندويتش صمون وانا مادري؟ (واتدق على سيت محمد ) يالله اتحرك يا محمد .. فمان الله .. فمان الله ..

(وميثاء تصيح .. ومروا على بيت شمسة وخذوها هي وبنتها وراشد .. وساروا عند شما .. وتموا ربع ساعة ..)

• ميثاء تمسح دموعها : اتحملن تطرن ل شميم بكم ماخذين الاغراض حق العرب .. أهأ ..

• هناء : شعنه يدوه؟

• ميثاء : شو شعنه؟ بتيلس لنا هذا حرام وهذا تبذير .. هي فزمانها كانت تلبس القصير .. واتهّدي اما الحينه البخل شالنها شل !!

• نشبة : هي والله لو شفتيها امسات . ليضربج العجب !!

• ميثاء : جيه؟

• نشبة : يت بيتنا وهي تلبط من العرق ..

• ميثاء : وابوووييييه !!

• نشبة : اونه يالله يالهوا برع شي شي بيشّلنا !!

• شمسة : وابووويييييه أي هوا هذا اللي شالنها !! مووووت زغدة !! ما نروم نتنصخ !!

• نشبة : جان ريتي هالحرمة مووول مخرفة .. ويوم سلمت عليها .. الله لا يراويج قبضتني لوعة (قصدها دوخة ) زين ما طحت مسّلقاية .. لومب فطيم حذالي .. الله سلمني بس .. اعنبوا شو هالريحة .. انهكّة !! ياختيه هالبنية مينونة .. من يقولولها هالعطر غاوي قالت هيييييه !! هذا هو الزين !!

• ميثاء : هاكيه يت سكتي سكتي !!

• نشبة : محمد .. تعال .. دخّنت الموتر؟

• محمد : والله ماما انا في تس تس موتر ..

• نشبة : زين اتسوي ..زين .. (ويوم ركبت شميم ..)

• شما: السلامن عليكم ..

• ميثاء : يالله ما بغيتي توصلين ..

• شما : شو اسوي يا امايا لين أوصي زهور ... ولين ألبّج ليتاتي .. أخاف الا من السروق !!

• نشبة ميوّدة خشمها : يالله يالله يالله يالله شو ماكله؟

• شما : هااااه؟ مب ماكله شي الله يحفظني في صورة .. ماشي ..

• نشبة : والله انه خشمي استد !! (وفطيم وهنوه ميتات من الضحك ) شو ماكله اقولج؟

• ميثاء : محمد يابوك اتحرك ..

• شما : ماشي .. بس بصل مضّية !!!

• ميثاء ونشبة وشمسة وفطيم وهناء يوّدن خشومهن : لا حول ولا قوة الا بالله !!

• نشبة ميوّدة راسها : يالله ترحمني برحمتك !!

(وبعد نص ساعة )

• شمسة : انتوا كلمتوا هنود؟

• ميثاء : لا ما رمسناها .. بس اليوم سويت حق زينة وقالت لي بتي ..

• شمسة : يابوج هالبنية مب مترقعة منحووسة !! بس الله بيوفقها ان شاء الله ..


(وعلى الساعة 10 )

• هنود: هلا مويز .. صباح النور .. شو اصبحتي؟

• مويز : ماشي ملل.. أتريا العصر ايي عشان اسير الدوام ..

• هنود : شو رايج نتريق في مكان؟

• مويز : اممم .. لا .. لأنه اهلي ما يرضون .. شورايج انتي اتريقين عندنا؟

• هنود : خلاص اوكي .. بس حد عندكم؟

• مويز : قصدج شباب؟ لا اخويه عبدالله ..وأبويه وأميه في الدوام ..

• هنود : خلاص بمر عليج .. يالله باي ..

• مويز : حوووه حوووه !! أسكنتي !! انزين اتدلين البيت؟

• هنود : لا ما ادله ..

• مويز : عيل ليش بتبندين؟

• هنود : ياختيه اختبص راسي ..

(ويوم وصلت بيت مويز )

• مويز : يالله حمدلله عالسلامة .. ما بغيتي توصلين ..

• هنود : شو اسوي زحمة ..

• مويز : إييييه العيوز وين كنتي؟

• هنود : ماشي سرت آخذ لج العوق !! وانتي حد يشرب من صباح الله بيبسي !!

(وطلعت هنود كيسة وفيها جالاكسي من الكبار )

• مويز : والخيبة .. وابوييه !! بمووت .. شلوّني !!

• هنود تضحك : ماروم أشّل .. جان ترومين شّليني ..

• مويز : قربي انزين .. يالفشيلة !!

• هنود تضحك : زاد فشلج !! هههههه

(وعند الريوق )

• مويز : أهلج ما قالوا لج شي؟

• هنود : عن شو؟

• مويز : عن ظهرتج من البيت يالمغفية !!

• هنود: هييييه !! ليش الله يهديج هم يدرون وين أسير ووين أرد؟ محد يسأل عني غير خالوه زينة .. حتى اميه اللي هي اميه .. ما سألت ولا اتخبرت عني ..يعني عقب السالفة اللي حصلت كان لازم تكون قربي هب بعيدة ..

• مويز : انزين وأبوج؟ جيه امج ما ترمس ابوج عشان تسيرين لها ؟

• هنود : ما عنده واحد اثنين .. يا طراقات يا مسّبة .. يعني اقول فخاطرية .. اعنبوا وين عايشين نحنا ..

• مويز : انزين لو خيّروج وقالوا لج وين بتعيشين وين تبين؟

• هنود : اذا جاوبت بتنفذينه؟

• مويز : هههههههههه جيه جنية وانا مادري؟

• هنود : لا!! تتعاملين ويا شعراء ..(قصدها سحرة )

• مويز : ها معناته سحرة !! انا ساحرة؟

• هنود : لا .. انتي موزة ..

• مويز : تعالي وعلوم الخطيب؟ (واتخبرها هنود بكل شي .) مقواه !!! يعني بتسيرين المزرعة؟

• هنود : والله اتشاور ..

• مويز : هب هب هب هبيتي .. عقب كل اللي سواه؟

• هنود : اللي سواه هب شوية .. وانا هب مخلية السالفة اتفوت على خير ..

• مويز : دخيلج خبريني شو بتسوين؟

• هنود : صدقيني عالحب اللي حبيته .. لاتقولين ما في قلب يكره .. انا كرهت .. والسالفة ما بتفوت على خير صدقيني .. وخصوصا على حساب الكرامة .. اللي انهانت .. لين الحينه كل كلمة قالها فآخر لقا ما نسيته .. (وجان تبتسم عشان تنسى ) المهم

• مويز : والله انتي الاهم ..

• هنود : خبريني شوفيه قلبج؟

• مويز : بسم الله علية ما فيه شي ..

• هنود : داخله داخله ..

• مويز : لا داخله ولا خارجه ..

• هنود : يعني ما حبيتي حد؟

• مويز : لا .. ولا عمري حبيت ولا عمري بحب .. ولا عمري بعوّر راسي على اشياء تافهة ..

• هنود : والله فاكة عمرج !!

• مويز : انزين صدقيني انا شو بستفيد ؟ الا صدعة وعوار راس .. بس عندي حبيب واحد ..

• هنود اتغيّر ويهها : انتي وايد متناقضة !!

• مويز : حبيبي الاول والاخير الجالاكسي !!

• هنود : هههههه الحمدلله والشكر على نعمة العقل . مويز عيوني؟

• مويز : حياتي؟

• هنود : مويز قلبي؟

• مويز : بخبرج منو علمج التقدرين؟

• هنود : افا عليج أتعلم وأعلّم .. انزين طلبتج ..

• مويز : آمري ..

• هنود : محد من اهلي يدري اني اتكلم ..

• مويز منصدمة : اويييه ما خبرتيهم؟

• هنود : لا .. (وتمّت هنود عند مويز .. واتغدت عندها .. واتطرش مسج للجود .. " تراني هب ياية " وردت الجود تتصل بس هاييجي ماترد .. وسارن الدوام .. )

(وأول ما وصلن مدينة الطفل .. كانت واقفة جلف كار .. تترياهم توّديهم للمركز داخل ..)

• مويز : جبانة ولا تسوينها؟

• هنود : خير توّنا بعدنا ما وصلنا ..

• مويز : حار ب حار ..

• هنود : عيل ؟ مويز : تركبين جدام .. حذال الحرمة ام صنانة اللي تسوق ..

• هنود : أخييييج يا مويز ..

• مويز : عيل جبانة !!

• هنود : جبانة !! جبانة !! بس اهم شي تسوينها؟ تسوينها انتي؟

• مويز : لا تتحديني فديتج ..

• هنود : اتحداج !! وان يلستي حذالها بدون ما اتشين صدقيني انا بركب على حد الجلف كار وبتم واقفة وهي تسوق !!

• مويز تضحك : والله؟ اوكي يالله بنات !!

(ومويز يالسة جدام وانتفخ خشمها من الريحة .. هذا وبعدهم ما اتحركوا .. يتريون كم من بنية تركب ..)

• الحرمة : نزلي يا بنية ليه راكبة ورا .. بتجلبينا !!

• مويز : خليها !! خليها !! هههههههه ابتسمي هنود .. هههههههههااااااااااي ..

• مريم : صبروا .. صبروا يا بنات لا تسيرون عني صبروا !!

• مويز : دهديييه دهدييييه !! (ويوم ركبت اتحركوا .. وهنود واقفة والشمس ضاربة عليها ..) ودّينا شوية صوب الالعاب ..)

• الحرمة : يا بنية ما وراكي دوام !! شاغلتنا وشاغلة هالموتر التعباان ..

(وتوّديهم .. وهم يضحكون على لهجتها )

• هنود: يالسبالة تبين الشمس تحرق ظهري !!

• مويز : ههههههه طبع النذالة ياختيه !!

(وهنود اتخش ايد وحدة تبا توصل ل مويز وتقرصها تقريص .. )

• مريم : ما باركتوا لي يا بنات !! خذيت الليسن وأخيرا شوفوا !!

• مويز وهنود والحرمة : الله !!مبروك مبروووك!!

• مويز ترمس الحرمة : انتي صدي جدام عن تروّحينا !! اندوج!! اميييه بسم الله بلاج طالعة من السجن انتي؟

• هنود : اشوف راويني ..

• مويز : ابدا لا تراوين القراصة !!

• مريم : يوّدي طاعي !! ياختيه ما طاعوا ياخذون صورتي قالوا لازم فوري غربلهم الله ..

• هنود : بسم الله بلاج جذيه مزيّغة !! (وترمس الحرمة ) هييييه هيييييه شوي شوي شوي شوي اعنبوج سباق رالي عندج؟

(وتقرص مويز ..)

• مويز : غربلج الله بس عاد سويتي علايم !! (ومويز بدون ما تحس الحرمة تضرب عالبترول .. تموا يختضون ..)

• مريم: ويدي بسم الله شوي شوي !! شوي شوي !! (وتزاعج مريم .. )

• هنود : وابويه .. أمييييه .. أمييييه !!!

(ومن الزياغ هنود يوّدت رقبة مريم متشبثة فيها .. وانجلب الموتر على ينب وطاحوا في حفيرة مال النخلة ..)

• مويز هي الوحيدة اللي صاغها سليم ..اصلا هي اللي جالبتنهم : زين جذيه !! وين جذيه زين ما روحتينا !! ما تشوفين جدامج !!

(وعند راشد )

• راشد : سامحيني كل شي بينتهي من بيننا .. ما اقدر اكمل وياج انا وعدت الوالدة ..

• ميرة : لهالدرجة ما تباني يا راشد؟

• راشد : شو ما باج؟ انا قلبي وياج يا ميرة .. ما تذكرين كلامي يوم تلاقينا في الشركة ؟ شو قلتي لي؟ (وهو كان مغلط .. ميرة اتورطت شو بتقوله هي ما تعرف ..)

• ميرة : هيييه أذكر ..

• راشد : سامحيني بس والله هب بإيدي .. فمان الله .. (وهو يقولها بغصة .. وبند التيلفون .. صد يدوّر الكتاب .. اللي كانت تكتب فيه مريم .. ما حصله تم يدوّره لين حصله .. ) بشله ويايه .. بقراه هناك .. (ورد له الكلام اللي قاله عن الشركة ..) بس انا ما تلاقيت ويا مريم في الشركة .. انا كان قصدي في الكوفي شوب .. كيف جذيه؟ لا يكون ميروه تلعب علية؟ (وبطل تيلفونه ويسويلها ..) هلا .. غناتي .. بتخبرج .. انا توّني مرمس الوالدة ..

• ميرة : رمستها عنا؟ وانه نحن نحب بعض؟ كنت ادري انك تحبني !!

• راشد : غناتي؟ تذكرين اول يوم التقينا فيه؟

• ميرة: هيه اذكر .. ليش ما اذكر؟

• راشد : ميرة؟ ليش اتقلدين صوت اختج مريم؟ تبين تعذبيني؟ انا ادريبها متوفية .. انتي تبين تعيّشيني في الاحلام؟

• ميرة ردت بصوتها العادي : هههههههههه توّة الناس .. توّك افتكرت .. يالله احس عمري ارتحت .. لأني عرفت ألعب بك .. يالخسيس !!

• راشد : حسّني ألفاظج انا ما غلطت عليج !!

• ميرة : شو رايك أفضحك؟ شو فايدة انه اختي اتوفت؟ تراها طايحة في النار بسبتك !! عقب الزنا اللي استوا فرطت فشرفها لولد الملياردير !!

• راشد : انا قلت لج انا احبها واللي استوا .. اني كنت باخذها .. وهالشي بيني وبينها .. انتي شو يخصج ؟

• ميرة : شو؟ شو؟ شو شيخصني؟ هذا كله وشو يخصني؟ ياخي استح على ويهك !! يوم عرست وخذت اللي تحبها؟ اكيد لا !!

• راشد : شي ما يخصج !!

• ميرة : خلاص خذني انا .. انا اشبه اختيه فكل شي ..

• راشد : انغريت فيج .. وقلت هذي مريم اللي احبها .. بس فرق بين السماء والارض وانتي الغيرة تاكلج اكل .. اصلا انتي تغارين منها !!! لأنها احسن عنج بوايد .. الله يغفر لها ويرحمها !!

• ميرة : اغار من شو يا حظي؟ من تفريطها بشرفها ؟ اقولك خذني انا !! بنت عرب .. وما يعييييييبني شي لاااااااا (وتستفزه اكثر ) وبعد في معلومة انا بنية .. (قصدها عذراء ..)

• راشد : الله يغربج !!

(بند فويهها متغصص لأنه وايد حط عليها آمال اتوقع انها اتكون شرات اختها مريم .. وساروا المزرعة ويوم وصلوا هل ليوا ..)

• الجود تصاصر راشد : تراها هب ياية !!

• ندى : انته سير لها ... هاتها من شغلها

• راشد : خلوها على كيفها البنية من حقها تسوي جذيه ..

• ندى : جاب واسمع الكلام !!

• راشد : ان شاء الله ..

(ويوم هو توّة متحرك .. وواصل عند الدروازة بغا يدعم الموتر اللي جدامه ..)

• احمد يوايج من الدريشة : اعنبوك ما تشوف جدامك ؟

• راشد : اوووه شو تسوي هني؟

• احمد : طالع منو ويايه ..

• راشد: ام داني موجودة؟ يا مرحبا وسهلا ..

• احمد : انته وين ساير؟

• راشد : بسير مدينة الطفل بييب الحرمة ..

• احمد : يابويه ما بيخلونك تدخل جذيييه عندي لك فكرة ..

• راشد : ياخططك السنعة !!

• احمد : بنزل ام داني وبييك .. (ويحص له فلعة بالكلينكس ع راسه ..)

• دانا: ام زايد قلنا !!

• احمد : ان شاء الله ان شاء الله .. (نزلها وخذ اليهال وياه .. ) انزل ياخي وتعال ويانا .. وفي الردة رد ويا حرمتك !!

• راشد : وشعنه يايب الحشاكل وياك حق الحشرة؟

• رشا : حشاكل محد غيرك !!

• فيصل : وانا ريال ما شاء الله علية ما أحب ألعب تراني ..

• مريم: وانا احب اطب طب..

• احمد صد ورا : طب طب؟ وابويه عليج وابوييه !! انطبي عنلات صير اخوج احمدان !!

• منصور: انا ابا ألعب وياج ..

• راشد : جيه انا حريموه تقولي وياج !! اعتدل في الرمسة !!

• احمد : خله خله يابوك رمسته كم تسوى !! اتدلها مدينة الطفل؟

• راشد : هيييه يالله اتحرك !!

(وعند مركز الاخبار .. كانت مي يالسة تدرب حق الاخبار ..)

• مايد : انا اخوها شو ما تفهم؟ (وفر السيكيوريتي بعيد ) بنت الذين !! شو لابسة !!!

• مي : لحظة لحظة مايد !!

• مايد : جاب يالله جاب !!! (وإيوّدها من رقبتها ويصفعها طراق على ويهها .. ) هذي هي السمعه؟ هاااه؟ يا بنت العراقية هاي هي السمعة؟ لا بركتن فيج ولا في ابوج اللي علمج هالتربية يا بنت الشوارع !!

• مي: ما يخصك !! جاب واطلع برع عنلات صيرك آآآي !!!! (ويدفرها عالارض .. ويضربها من الغيظ ما يشوف جدامه كان يضربها لأنه يغار عليها ويصطعها طراقات .. ) آآآي بتجتلني .. لحقوا علية !!!

• مايد : آآآي !!هاااه؟ فوق مليون واحد يطالعج كل يوم !! خافي الله !! لا ولابسة قصير بدال ما تسترين على عمرج !! فضل عنج !!! الله ياخذج ان شاء الله على هالمذهب الخايس !!!

المنسيه
02-21-2008, 04:58 PM
(الجزء 70 )

(وبعد ما جتلها من الضرب قام الدمّان يطلع من ثمها .. وطلعوه برع .. )

مايد : صدقيني فهالفن عمرج ما بتكملين فيه !!! تسمعين؟ تسمعين يا بنت العراقية ؟ اتفي عليج يالجلبة !!

(ومي ما تروم اتقوم من مكانها .. اتحس جسمها متخدر .. الا موول ما تحس بشي .. وعند راشد واحمد ..)

راشد : شو الخطة ؟ والحشاكل شعنه ما نزلتهم؟

احمد : انا سامع واحد من الشباب يقول ما يدخّلون شباب لهالمكان الا اذا يهال وياهم ..

راشد : صدق والله؟

احمد : هي والله .. أشوف كم عندنا؟ 1 2 3 4 ؟ زيّود انته هني؟

زايد : هي عمي انا here !!

(زايد يكون ولد عواد وسلامة وعمره 5 سنين .. وسوالف وعلوم شرات ابوه ..)

احمد : امك تدري انك ياي ويانا؟

زايد : no sir ..

احمد : بيّض الله ويهك !!

زايد : ويهك أبيض يا عمي !! .. (وراشد يضحك عليهم .. وعند البنات ..)

هنود : غربلج الله يا مويز .. كسّرتي ظهورنا .. حسبي الله عليج !! أشوف فيج يوم !!

مويز بكل براءة : انا وشلي؟ انا اللي كنت أسوق؟ حشا علية !!

(وتنفض كندورتها العيوز )

هنود تصاصرها : لا تخليني أفضحج جدامهم .. شفتج يوم اتدوسين عالبترول !!

مويز مندهشة : يا قوة ملاحظتج !! حاطة عينج علية !!

(ومن وصلن المركز )

سعاد : اليوم بنسوي عيد ميلاد وبنقلكم داخل المسرح .. وبتاخذون ساعة ترسمون على ويوه اليهال ..

مويز : ويييه أشوا .. قبل ناخذ 4 ساعات بدون راحة ..

سعاد: والله هاي شغلتكم .. ليش تشتغلين عيل؟ يعطونكم راتب ببلاش؟

هنود وقفت عند راسها : وانتي شغلتج شو؟ انتي تراج الا خمام !!

مويز : هاللسان يباله قص بنت الذين !!!

هنود : مويز حياتي .. خلينا نسير نشرب شي قبل ما نبدا شغلنا ..

مويز اتقربت من سعاد : عندج مانع؟

سعاد : هااااه؟ لالالالا ابدا !!

مويز : هيه زين عيل ..

(واتشبثت في خويتها )

هنود تبربش بعيونها وتمشي : عندج مانع؟

مويز : جاب !! يعني شكلي كان يروّع؟

هنود : امممم لا .. بس شكلج كان يضحك ..

مويز : امممم جبانة ولا تسوينها؟

هنود : هالمرة بسويها ..

مويز تضحك : في عندهم شخصية شرات مدهش شفتيه؟

هنود: قصدج مسعف؟

مويز: هييييه هذا هو .. كل عيدميلاد لازم بنية تلبس اللباس ومحد يدري انها بنية وترقص عند اليهال .. شو رايج تلبسينه؟

هنود : والله انج هب صاحية !! وأترقص بعد ؟

مويز : هيييييه نعم .. قولي انج جبانة وخلاص ...

هنود : والله أسويها .. وصدقيني انا وايد جريئة ..

مويز : انزين يالله خلينا انسير انلبسج اللباس .. لأنه عود ..

هنود : اوكيه ..

(ووصلوا قوم احمد وراشد واليهال .)

راشد : يا ولد تعالي هني !! ان سرت بعيد بنروّح عنك ..

احمد : سمعوني عدل خلكم ويانا .. والا بيسرقونكم انا ما يخصني ..

(واحمد كان شال منصور وماسك زايد ..وراشد شال وماسك رشا .. ووصلوا عند الريسيبشن .. )

احمد : اممم .. السلام عليكم ..

سعاد : عليكم السلام

احمد : لو سمحتي في عندكم موظفة اسمها ؟ اسمها ؟ اممم شو اسمها رشود؟

راشد : خليتني أتكلم انا؟.. ياي بشراع وميداف !! اسمها هند فاضل بن محمد ..

سعاد : هييييه !! وانته شو تبا فيها؟

راشد : انتي شو يخصج؟ سؤال وابا جواب ..

سعاد : والجواب هب عندي !!

راشد : لا تخليني أفشّلج جدام اللي يسوى !!

سعاد : security please !!!

راشد : بعدج ما عرفتي منو انا !! (وطّلع من مخباه بوكه وفر ع طاولتها نيطان قوم بو 500 في حدود 3000 درهم ..) وأحينه؟

سعاد مبججة عيونها : هاااه؟ طويل العمر اتفضل اتفضل .. (وخذت البيزات وخشّتهن في مخباها ..) هند ورا المسرح .. أوّديك ؟

راشد : جرّي الدعنة !! ومرة ثانية حلّي اسلوبج !!

احمد : ياخي هب جذيه تفرفر بيزاتك !! ندريبك ولد مليونير !! احينه اليهال بيتعلمون شراتك !!

راشد : انا قاهرتني !! انا تزجر لي الsecurity ? جيه أشحت من عندها انا؟ بنت الذين !!

احمد : انزين .. انا بسير ادخل اليهال المسرح .. وانته سير اتفاهم ويا حرمتك !!

راشد : اوكي !!

زايد : يقولك راعي صوغان فاااااااااالك طيب !!

راشد يبتسم : هب وقته !!

احمد : حتى عياله تعلموا منه !! هووووووووووه !! هووووووه!!! تعالوا هني !!

راشد : سيروا سيروا عند عمكم يالله !!

(وسار ورا المسرح ولقى باب بطّله شوي شوي ..)

مويز : اقولج خشّي ريلج عدل !!

هنود : أووووف !! هاه !! يوّدي وجايتج !!

(وكان اللبس ثقيل .. وراشد مبجج عيونه ..)

راشد فخاطره : اندوك انته !! شو تلبس هذي؟

(وراد ايده على ثمه منصدم ويضحك ..)

مويز : انزين احينه باجي راس القطوة !!

هنود : قصدج مسعف ..

مويز : لالالالا قبل ما تلبسينه لازم صورة !!

(وهن يتصورن ويسوّن حركات ..)

راشد يتكلم شوي شوي : وااايه فديتج .. ليتني ما حطيتج فهالموقف ..

هنود : يالله نسير ..

مويز : خلينا نسير من جدام احسن عشان تفاجئينهم !!!

راشد : بسير عند احمدوه !! هناك بخليها تنصدم !! (وبسرعة سار عند احمد ..)

احمد : هاااه ؟ حصلتها؟

راشد : احينه بتي .. خلنا نسير فوق .. انا وانته !!

احمد : اوكي .. (واليهال كانوا يلعبون .. لين دخل مسعف ..)

راشد : هاااكيه !! هاااكيه !!

احمد : وينها؟ (وهو انصدم ..)

راشد : خلنا ننزل لها ..

احمد اتغير ويهه وبطنه قام يعوّره : لا خلني يالس شوي ..

راشد : بلاه ويهك؟

احمد : هاااه؟ (ويبتسم ) ماشي ماشي حرّان !!

راشد : هي والله صدقت حرورة فهالمكان !!

احمد : انزل انته وانا بييك !! (راشد كان يتحرى مويز هي هنود .. لأنه سيده اتذكرها يوم في الجمعية ..)

راشد : اوكي ..

(ويلست هنود على الكرسي وحذال مويز .. وقاموا يرسمون على ويوه اليهال ..)

احمد فخاطره : انزين ليش عصبت؟ هذا اخويه .. وهالبنية ما كنت ادري انها حرمة ولد عمي .. اوووففف خلنا ننزل ولا كأنه مستوي شي .. اسميها هالبنية طررر..

راشد : السلام عليكم .. (وهنود صدت بترد السلام ... ومويز سيده عرفته ..)

مويز : عليكم السلام ..

راشد : ممكن مدهش يرسم على ويوه عيالنا؟

هنود اتغير ويهها الا غيّرت صوتها : هذي الاخت هنيه احينه بتخلص ..

راشد : بس هم يبونك انته يا مدهش .. تكسر بخاطرهم ؟

مويز فموقف محرج : ان شاء الله ..

احمد يسحب راشد : بلاك على مدهش؟ (ويقولها بغصة ) خله حرمتك ترسم بعد شوه؟

راشد يضحك : انزين حرمتي لابسة مال مدهش !! عيل تتحراها البنية الثانية ؟

احمد اتغير ويهه الا انوّر : قول والله؟

راشد : هههههههههه والله..

مويز احمر ويهها وتصاصر هنود : اويييييه هذا الولد اللي دعمني في الجمعية وعجني !!

هنود : هيه هذا احمد المزاجي ما تعرفينه؟

(وتخبرها عنهم ..وكانت مويز اتطالعه وهو يضحك ويا راشد ..)

راشد ياي صوبهم : يالله عاد اتأخرتوا انا متى دوري؟ احمدوه ما تبا البنية ترسم لك؟

احمد :هههههههههه لا شكرا ..

(وكانت مويز مركزة على الولد ترسم على ويهه وغدا ويهها شرا الطماطة .. وقامت تعرق وتنشف وقلبها يدق ..)

مويز : وييييه يالوهجة !!!

احمد فخاطره : فديت هالويه انا !! شكلي احرجتها !!

هنود فخاطرها : يالله ما يعرفني .. المشكلة اني اعرف انه ياي عشاني .. شكله هب راقد .. واايه فديييت ويهك يا رشود !! (وقلبها يتسارع بالنبض .. ومن خلصت رسم على ويوههم .. سحب راشد كرسي ويلس مجابلنها ..)

هنود : اووييييه؟ شو بعد؟ تباني أرسمك؟

راشد : يا ليت !! اتصدق يا مدهش اني معجب؟ احمدان ؟

احمد وهو مركز على مويز وجفله صوت راشد :همممم؟

راشد : وانته بعد معجب؟

احمد: انا المغرم الهاوي .. انا شكلي شايف هالشكل بس مادري وين !! (يستعبط عليها ..)

مويز فخاطرها : حسبي الله عليك !! ياربي بلاه علية !!

راشد : يالله يا مدهش ما بترسمني؟

(هنود اتنافض ..)

هنود فخاطرها : الله يبهدلك شرات ما بهدلتني !!

(وتمسك فجه بقوة وهو كان مركز عليها ..ويسمعون تبهديل ..)

مويز فاض بها الكيل : ياخي بلاك اتطالع جذيه ؟؟ مب عيب عليك !!! سر بتحصل مكوّدات البنات هنيه !! لو اتطير وتحّل هب ماخذة رقمك !!

احمد : آسف آسف !! والله هب قصدي الشيخة !! بس كنت سرحان .. ومادري كيف اتلاقت عيوننا !!

مويز : هاي هب اول مرة !! ممكن اتصد الجهة الثانية ابا اكمل شغلي !!

احمد ضحك : ليش ؟

(مويز سكتت )

احمد فخاطره: شكلي لعوزتها وايد !!

هنود : شو تباني أرسم؟

راشد : قلبج !! (هدّته ومشت لين ورا المسرح .. وراشد يلحقها .. ) هنود !!

(وهي تعج لبس مسعف .. وتبا تتناول عباتها .. )

هنود : خير؟

راشد : انا آسف ..

هنود: ههههههههههههههه

راشد : ليش تضحكين؟

هنود : من حلات ويهك عشان أرد لك؟ تتحراني لعبة فإيدك؟ او محتاية لبيزاتك يا ملياردير؟

راشد : ردي ويايه المزرعة .. ولا تسوين فضيحة يا هنيد !!

هنود : انا مروّحة البيت وانته توّكل .. (وهي تلبس عباتها ..)

راشد : ريلي على ريلج !!

هنود : وانته اونه بصفتك ريلي؟ هههههه أسميك اخرطي !!

راشد: خلينا انبيّن لأهلي وأهلج انه نحن بخير !!

هنود: وانا هب بخير !!! ليش بجذب؟

(وخذت شنطتها وهو يلحقها .. ويأشر لأحمد انه ساير وياها وهذاكي فهمها عالطاير ..) لاتلحقني ياخي ماباك !! (وتدفره بس هو اقوى منها ..)

راشد : بس انا اباج !!

هنود: قوم ولا أزجر لك السيكيوريتي !!

راشد : سيري ناديهم .. استواو ربعي تراهم ..

(وهو يلحقها .. لين موترها .. وهي تبطل الموتر تبا تركب قبل ما يركب هو ..)

هنود: انزل اقولك !! (بس هي فخاطرها عايبنها الوضع لانه مقربنها منه ..) انزل !!

راشد : هب نازل !!

هنود استسلمت : اوكي.. بسير وياك .. بس أييب شنطتي من البيت ..

راشد : انزين .. ماعليه تراني انا ما يبت موتري ..

هنود : استغفر الله العظيم .. هذا اللي بيطلع لي نخلة فراسي !!

راشد : فديييييييييييييييييت النخلة اللي بتطلع من راسج !!

(وتسوق وهي مسرعة وهو ماخذ راحته عالآخر يتعبث باغراضها .. وهي مشحونة أكثر .. ويتأملها .. وكيف كان يغلط عليها .. وعلى حساب منو على حساب انه فضّل وحدة ما تستاهل عليها هي .. بس هو بعده يحب مريم .. واتوّقع انه ميرة بتكون بمستوى اختها طلعت ولا شي ..واتوّقع انه ميرة بتكون بمستوي اختها طلعت ولا شي .. ووصلوا البيت .. وهي نازلة مسرعة وهو حس انه السالفة فيها إن .. وأمه قايلتله ما يرجع الا ووياه حرمته ..)

هنود : باي بلا رجعه !! (وتربع بتسير داخل .. وتركب الدري وتوّها بتبطل باب الصالة عشان تدخل .. يمسكها من خاصرتها ..)

راشد : وين بتسيرين عني؟

هنود : هدني اقولك !! مادانيك بعيشة الله !! ياخي قوم عني !!

راشد : انا هب اخوج انا راشد .. (ويتقرب من أذنيها ..) ريلج !!

(ويشلها من مكانها ..)

هنود: اقولك نزلني ولا بصارخ !! نزلني اقولك صدق حقييير !!

راشد منفعل : قولي ماحبك !! قولي وبهدج !!

هنود : ماحبك ياخي ماحبك هدني !! الله يخليك نزلني !!

راشد ويوّديها لين الموتر وهي ترافس وهو مب طايع يهدها : مب من خاطرج ياحلوة !! ورانا درب طويل لين نوصل .. وصدقيني ما بتنسينها هاللحظة !!

(ويلس مكانها بيسوق ويشلها عدل ويحطها مكانه وين كان يالس لأنه بيسوق عنها .. من كثر ما تتحرك وترافس انصقعت بالسقف ..)

هنود : آآآخ .. ماحبك تعرف شو ماحبك؟ ياخي ماحبك غصب؟ ماحيد حب بغصب؟ جان سرت عند ميروه !! عند الاحضان كله ببلاش ما بتصفعك تباك تراها ..

راشد : خلاص هنيد !! لا ياغناتي .. نحن سايرين المزرعة وبيجهزون لنا هذيجي الغرفة الغاوية ..

هنود احمر ويهها وعصبت : ومنو قالك وإمرك هاااه؟ جيه انا على ذمتك؟ ماحيدني !! تذكر يوم وصلت لين بيتكم ؟ شو قلت لي؟ انجعمي وانطبي !! ولا جني حرمتك !! صدقني انا عفتك واذا على قولتك بيحطونا فغرفة وحدة انا اللي بفضحك وبخبرهم بكل شي ..

راشد : هنيد عندي اتفاق لج .. سوي عمرج مستانسة عشان خاطر اهلي واهلج ..

هنود : وليش أجذب؟ اانا جبرتك على شي؟

راشد : خليهم يستانسون فهالكم من يوم .. وبيّني لهم انه ردينا لبعض ..

هنود : لا اتوقع هالشي من صوبي !! عمري ما سامحك !!

راشد : جيه نحن نمثل فمسلسل ؟ (ووقف عند المزرعة وما دخل .. مسكها من ذراعها وقربها صوبه ..) ان ما استوا هالشي .. بتطيحين من عينهم .. كفاية انج مبيّنة لهم انج ما ترمسين ..

هنود : والله وتعرف اتهدد يا راشد ..

راشد : مب تهديد .. بس انا غلطت فحقج واطلب منج السموحة والعذر ..

هنود : وانا ما اسامحك !! وبتم جذيييه لين اتطلقني .. لا تتوقع اني بتجهّز حق العرس !! صدق حقير !!

(صدت الجهة الثانية .. ووصلها لين باب الفيلا ..والكل كانوا برع يطالعونهم ..)

المنسيه
02-21-2008, 04:59 PM
(الجزء 71 )

(راشد نزل وسار جهة هنود اللي ما طاعت تفتح الباب .. أصلا كانت قافطة ..)

راشد : السلام عليكم ..

(وكانن البنات داخل .. بس العيايز مصطفات برع يالسات عالكراسي وقابضينها هذربان )

الكل : عليكم السلام ورحمة الله وبركاته ..

اليدة : وينها عيل؟

(بطّل الباب وهي ما وحالها تنزل يمسكها من خاصرتها .. المشكلة عندها .. انها تغار فهالمنطقة .. كأنه يقرقطها .. وسيده ابتسمت ..)

هنود ترمس من ضروسها وكانت وصلتله شرا الهمس : لا تدقني فخاصرتيّه لأنه يقرقطني . (وهو احكم قبضته ..) بجتلك تراني ..

هنود فخاطرها : فيّة ضحكة الله يغربلك !!

راشد : فديت اللي بيتضحك !!

اليدة : مسوّد الويه شعنه ميوّدنها جذيه؟

راشد : من زود الوله .. (وما استراحت لين فلتت عمرها ..وضربته على راسه ..) آآخ !!

اليدة : وابويه عليك وابويه !! أحينه اتفداها؟

نشبة : خليه يا أمايا خليه يغازل ريله ..

(راشد وهنود يطالعون بعض ..)

راشد : هاااه؟

(وفجأة ينقعون من الضحك كلهم ..)

نشبة : بلاكم؟ شو يضحك؟ قلت شي انا؟

راشد : هالجمال كله !! واتسمينها ريال؟

نشبة : ويدي انا شو قلت؟ ما عليه طوّفها لنا .. اعنبوا محد يغلط؟

دانا وتسلم على هنود : welcome back ..

راشد : ثانكس ..

دانا : مولك .. للحلوة !!

راشد : حشا !! قفطة !!

(ودّرته وسارت اتسلم عالعيايز ..)

ندى : تعالي .. امايا تعالي .. (وتزاعج ) هات لها كرسي مسوّد الويه !!

راشد : ان شاء الله ان شاء الله كل شي بفتنة !!

ندى : شو تقول؟

ميثاء : الله يذكرك بالخير يا حمد .. كان دومه يلعوزني !!

نشبة : يلعوزج انتي؟ أكرم !! إلا انا يطّلع لي قرون !!


(ويوم ياب الكرسي يلس عليه ..)

ندى :وابويه عليك وابويه !!

راشد : لا أميه بيّلسها فحضني بلاكم؟

(هنود احمر ويهها وقامت بتسير بعيد ..)

اليدة : يوّدي ندوي العصا !! يوّدي أقولج !! حسبي الله عليك من ولد !!

راشد : اتمصخر بلاكم ؟ أغيّر جو بدال القريض !! (وقام ) تعالي يلسي .. (ويلست مكانه ..)

هنود فخاطرها: هرم !!

اليدة : سمعيني يالهند .. أدريبج حاطة فخاطرج وساكتة وكاتمة هالشي .. والولد تراه طايش .. وهو ياي يستسمح منج ويراضيج عن اللي سواه .. وصدقيني بيعوّضج عن اللي فات ..

(هي ابتسمت وطلعت من مخباها ورقة ..وقامت ..)

هنود فخاطرها : كلام منمق .. انا احينه براويك ..

(وفرّت فويهه شيك .. هذا الشيك اللي عطاها اياه يوم قال بيفترق عنها .. طالعته بتكبر وروحت عنه ..)

نشبة : إشووه هذا؟

شما : شو فرّت؟

ندى : شيك شو؟

راشد مسك الشيك : لا ماشي ..

ميثاء : خبرني يابويه اعصابنا فريلنا !!

راشد: قبل عزيمة الحريم عطيتها هالشيك وبس !!

فطيم : غلطان !!

(وكلهم صدوا صوبها .. وكانت متغشية ..)

راشد : منو؟

فطيم : انا بنت خالتها !! ليش تجذب عليهم؟ قول الصدق .. امايا .. تراه فر الشيك فويهها وقال لها هذا اللي خسّرتوه حق العزيمة واسمحي لي ما بكمل وياج !!

(وهو قام بيرّوح ..)

ميثاء عصبت : وشعنه هذا كله؟ بنتنا فيها عيب؟

ندى: حشا عليها !!

فطيم : ودّرها عشان بنت الشوارع !! مافي آدمية وهب معرسة .. توصل لبيت ريال هب معرس ويمكن وصلت لشبريته بعد !! الله أعلم !!

اليدة : تف تف تف من حلجج !!

فطيم : هذا هو الصدق بعد شوه؟ دامنها التربية جذيه !! شو بتزيدون؟

راشد : لو سمحتي؟

فطيم : سمحت ولا ما سمحت !! يوم كسرت بخاطر هنيد !! صدقني انته لا بريال ولا شي !! الا اخرطي بنظري !!

(وروحت داخل )

ندى : زين جذيه؟ زين جذيه؟ ونحن نوّصي؟ هذي آخرتها؟

شما : استهدى بالله .. استهدى بالله يابويه !!

نشبة : لا إله إلا الله !! وشعنه؟ مب عايبتنك بنتنا ؟ ولا فيها قصور؟

اليدة : قوم عن ويهي ولا ابا اشوف رقعة ويهك

ميثاء : ياختيه استهدي بالله .. شكله يباها .. أبويه ؟ تبا البنية؟

شمسة : سيروا زجروا لي هنيد !!

ميثاء : شعنه؟

شمسة : هنيد بتجاوبكم .. (وتزاعج ) هنيد؟ تعالي هنيه !! (ويوم يت )

هنود فخاطرها : أدري انه بيطلقني .. خله أحسن !!

شمسة : ابويه راشد؟

راشد : خير خالوه ؟

(وشمسة تمسك إيده وتسحبه لهنيد .. وتحط إيده فإيدها ..وهم يشوفون بعض ..)

هنود فخاطرها : فضيحة !!

شمسة اتأشر عالعرقوب اللي في المزرعة : تشوف هالعرقوب؟

راشد : هيه بلاه؟

شمسة : يالله أشوف؟ اقبض حرمتك وسيروا اتمشوا .. وان فلتوا بعض لأوسمكم اثنيناتكم .. يالله أشوف .. جلبوا ويوهكم !!

راشد يبتسم : ان شاء الله خالوه .. (وهو يسحبها ..)

هنود : هدني اقولك !! (واتدحه على ظهره )

راشد: آآخ هندوه !! بيوّسمونا !! تراها اتطالعنا !!

هنود : اسكت !! اسكت عن اتطالعنا !!

شمسة تزاعج : أشوفكم تراني !!

(وهنود صدت ورا وتبتسم وتسوي باي باي ..)

ميثاء : أسميج يا شميس هب سهلة !!!

شمسة : شفتي عاد؟

(وكانوا يسولفون ويضحكون .. وعند هنود )

راشد : بلاج ما ترمسين؟

هنود : ما عندي شي أقوله .. (وانسدحت عالحشيش ..)

راشد يهزبها : إييييه اعتدلي بيادير هنيه !!

هنود : والله ما اهتم !! انته تهتم؟

راشد: حرمتي وما اهتم؟

هنود : ههههههههه بعد ما نروّح كل واحد فطريج !!

راشد : شكلج مب ناسية !!

هنود : ولا بنسى !! (وقامت بتروّح ) فمان الله

راشد : الرب لج حافظ !!

(وهو اغتاظ زيادة .. ودت داخل عند البنات ..)

فطيم : جود؟ هاي النقازية اللي برع مالتكم؟

الجود تتمصخر : لا مال يراننا !!

فطيم : هههههه انزين نبا نلعب .. ما تشوفين ايدي تحجني؟ وهنود ريلها اتحجها !!

الجود : وهنوه؟

فطيم : هنوه راسها يحجها خخخخخ غادية شرا السبلان !!

هناء : جاب جاب عنلات صيرج !!

الجود : شو رايكم في الليل يوم بيرقدون؟

دانا : انا معاكم !!

الجود : انتي قلبج دوم ويانا؟

فطيم : القلب وما يهوا يا ام ندى !!

دانا : هي والله !!

فطيم : عيل وينها كتكوتتج ؟

دانا: عند اميه جودية (قصدها اليدة الجود )

فطيم : بس يقولون ترقدين من وقت !! ما بترومين تناقزين ويانا !!

دانا : أروم .. أروم ليش ما اروم؟

(وهنود شالة راشد اخوها وتلعب وياه ..)

هنود فخاطرها : ليتهم ما سموّك عليه !!

(وعالعشاء طرشوا له عشاء هو واحمد في الحجرة اللي برع محبوسين )

احمد : ياخي ابا اتنفس !! باخذ الموتر وبسير اتمشى ..

راشد : ماشي ولا هالطول !! كلنا في الهوا سوا !!

احمد : ياخي انته اللي مسوي البلاوي وعاجنهن !! هب انا !!

راشد : ماعليك !! الصديق وقت الضيق !! انته ولد العم !!

احمد : انزين شو رايك نلعب بتة؟

زايد يوايج من الدريشة : حبسوكم صح؟

احمد : هاه هاه ياك الذيب !! (وكان لابس عقال وسفرة ) اندوك انته !! حسينوه ياي من البصرة !!

(احمد وراشد يتضحكون على زايد ..)

زايد : هيه اضحكوا اضحكوا .. يقول راعي صوغان .. بخبّر عليكم اميه جودية !!

راشد : احمدان قلدها !! قلدها !!

احمد : ياخي نعمة جدامي خلاف ..

راشد : عليك رفجة الحينة !!

احمد : يوم تحرج طاع شو تقول .. تف تف تف تف من حلجج !! لازم هاي ماركة فعلية عندنا !!

راشد :ههههههههاااااااااااي !! مب مقصرة هيه !!

(وعند الحريم يتعشن )

اليدة الجود : كح كح كح كح كح (ما اتروم اتنفس )

ميثاء : نشيبة !! دحيها دحيها !!

شما : بسم الله عليج حد يطريج !!

اليدة : كح كح كح يالله وابويييييه شرقت !! هذا محد غير مسوّد الويه احمدوه !! (وتزاعج ) أسمعك تراني أسمعك !!

احمد زايغ : اسكت اسكت أسمع صوتها .. (ويزاعج ) نلعب بتة امايا .. نلعب بتة !!

زايد : هههههههههه عمي خواف طلع !! كاك كاك كاك

(اما في الليل كانن العيايز منسدحات في الصالة اونهن يحارسن ..براويكم وين كل وحدة انسدحت .. اليدة الجود وشما خذن الجانب الأيمن من الصالة .. وكل وحدة طاحتعلى غنفة على صوب واحد .. شكلهن بينجلبن .. اما ميثاء ونشبة خذن الجانب الأيسر من الصالة .. بس رقدن عالأرض .. لأنه ماشي غنفات بس يلسة عالأرض ..فرشوا لهم ورقدن .. وشمسة وندى وهناء واليهال رقدوا داخل .. وبخبركم ليش سواو العيايز أحزاب .. كرم الله ويوهكم .. بسبت الحمام .. اللي في جهة اليمين في دجة توّديهم لحجرة ونفس الشي فجهة اليسار .. يعني عشان ما يسوون أزمة في الليل .. من غير نشبة عندها السكر يعني عشان اتلاحق على عمرها .. وهنود وفطوم ودانا والجود .. كانوا يالسين ع دواشقهم في الصالة فارشينهن ..)

دانا : كيف ترمسين ؟ بس انا خبروني !!

هنود :اششش !! يا بنية بعلمج خلاف يوم بنظهر !!

فطيم ترمس بصوت ينسمع : أميه نشبة علومج؟

نشبة نطرت لهم وشّلت براسها : بخير الله يعافيج وانتي؟

دانا وهنود وفطيم والجود :ههههههههههههههههههاااااااااااااااااي

فطيم : ها معناتها انها مغفية .. صبروا عليها شوي ..

هنود ترمس شوي شوي : وصلتني اشاعة عن دانا ..

دانا: شنو؟

الجود : وهنود : شينو ؟ مينو؟ هههههههههه

فطيم : هنود جبانة ولا تسوينها؟

هنود : دخيلج لا مويز عندي في الدوام مهلكتني من هاللعبة .. ياختيه اتفوقت علية شيطانة !!

دانا : قولي قولي؟

فطيم : ان قرصتج شو بتسوين؟

دانا : بضحك؟

فطيم: اتحداج !!

دانا : اوكي يالله قرسي !!! (وتقرصها هذيجي القرصة .. وتصرخ بربها اللي خلقها ..) آآآآي !! حسبي الله عليج من جيرل !!

هنود : غربلج الله حشا قرصة سمسوم !!

(كلهم قفزوا على صرخة دانا ..)

نشبة : لاحول ولا قوة الا بالله .. (وقامت نشبة بتبطل الليت ..)

ميثاء تزاعج : نشيبة ! دجة !! دجة !! دجة !!

نشيبة ارتفت ايدها في الهوا وانفرطت ريلها : واااااااااااااااااالجعتيّة !!

شما صدت وبغت تنجلب : ربي تسلمنا في صورة !!

اليدة جودية : ويدي غربل الله الدجات ان شاء الله ..

دانا تصيح من الضحك وميوّدة بطنها : واااااااااااااااي بطني ماروم !! I can't

هنود حطت راسها على ثبان دانا : حسبي الله على ابليسكم

(الا ميتة من الضحك ..)

نشبة : هيه اضحكن اضحكن مالت على اهالشيف !! ما اتوبي !! آآآخ يا رويلاتي !!! آآآخ !!

(وتوّها هنود بتقول لها ما اتوبي .. بس سيده اتداركت الموقف فطيم )

فطيم : ما اتوبي .. ما توبي !! ما عليج انتي !! (وسارت جدا يدتها ..) انتي بخير؟

(عند الشباب...)

راشد : احمدان تسمع اللي انا اسمعه؟

احمد : هيه انته ادرى بهذربان البنات ..

راشد : لا هاي صرخة !! قم !! قم خلنا نسير نطالع بلاهم .. أحس شي مستوي ..

احمد: يا ريال خلنا يالسين احينه بيحوشونا !!

المنسيه
02-21-2008, 05:03 PM
الجــزء الـ 72 ~


احمد : بطلوا الباب !! بلاكم؟ منو يزاعج جذيه؟ (هو ثره الفضول ضارب عنده أزيّد عن رشود ..)

راشد : بطلوا الباب !! امايا؟

اليدة : سيري يا جودوه صكي حلوجهم عن اينشّون العيال !!

الجود :سايرة .. سايرة .. صبري بلف شيلتي !!

(والبنات سيده اندسن في الفراش ..)

نشبة :هيه اندسن .. اندسن !! ملاعين الصير .. وااااي يا رويلاتي .. أحس كسر في ريولي شوفي ميثوه شوفي !!

(ميثاء اتهمز ريل واليدة الجود اتهمز الريل الثانية ..)

ميثاء : لا كسر ولا شي .. روحج مستعيلة على رزقج ..

اليدة : بنسويلج سح وكركم ..

نشبة : لالالالالا .. ماعليه ماعليه .. انا بخير ..(الجود طلعت ..)

الجود : بلاكم؟

راشد واحمد : ليش الزعيج؟

الجود : لا ماشي

راشد : والله تقولين

الجود : كم بتعطوني ؟

راشد : بعطيج كاف يالله رمسي ..

الجود : عفانا الله وين الأخوة؟ ماشي بس خالوه نشبة اتكرفست وطاحت ..

راشد : وين في الحمام؟

احمد : لا ياخي .. انا اقول اكيد هاي امايا منسدحة ومادة رويلاتها وخرطفت بها ..

راش واحمد والجود :ههههههههههااااااي

اليدة توايج : أدريبك يا مسوّد الويه ترمس عني ..

احمد احمر ويهه : ياربي هالحرمة ساحرة ولا شو؟

اليدة : ساحرة فويهك ملعون الصير !! توّني شرقت !! اذكر الله ..

راشد : عيّنتها ياخي عيّنتها !!

اليدة : عيّن من الله خير .. ويالله دشوا داخل رقدوا !!

احمد بصوت عالي : سلاماااااات سلامااااات خالوه !!

نشبة تزاعج : الله يسلمك يابويه !!

(وراشد واحمد ميتين من الضحك ومن دشن داخل ..)

اليدة : ياختيه شيطان هالولد ..

(والبنات طول الوقت يبن يطلعن .. بس مب رايمات ..)

ميثاء : اميه هندوه !! جتلي الليت نبا نرقد ..

نشبة تتسدح :واااه !! واااه !! واااه !! يالله .. شموه؟

شما تلبس دلاغها : خير؟

نشبة : يقولون وحدة من البلدان بييهم قصف !!

(واحمد وراشد واقفين عند دريشة شما يتسمعونهم )

احمد يرمس بشويش : ياخي هات كرسي بنيلس نتسمع سوالفهن ..

راشد : اصبر .. (والبنات يتضحكن على رمسة نشيبة .. لأنها كانت تبا اتزيّغ شما ..)

شما : لاإله إلا الله .. هاي رمسة يرمسونها في الليل؟

ميثاء : هيه انا سمعت بعد ..

اليدة : ما حطوها فأخبار الامارات ..

نشبة : لا يا امايا .. مب في مال ها بشّر !! لا قناة ثانية .. يمكن في قناة ام تيلة (قصدها روتانا ..)

شما : يابوكم ارمسوا بشي عدل .. حد يرمس بهالسوالف ؟ (وانسدحت شما وغمضت عينها ..)

نشبة : ام سالم؟ سمعتي عن هاكي السروق اللي عافد على بيت العيوز ؟

اليدة : حشا مووول ما وصلني الخبر .. جيه منو هي؟

ميثاء : يقولج سارق بيزاتها وذهبها .. وبشيكيرتها شردت .. ثره الريال عافد من الدريشة !!

شما بطلت عينها وقامت : دريشتي نسيت أبندها !! والله بيسرقوني !!

احمد وراشد : هههههههههههههههه

راشد : أسميهن عيايز !!

فطيم مغفية ومقفلة عيونها : انا بسوي حق بشكارتج وبرمسها ارتاحي انتي ..

شما : ما عندها موباااايل .. طرشي مسك حق الدريول .. والله قلبي ما بيرتاح!!

نشبة : هههههههههه أحينه الله يحفظ بيتج في صورة !!

اليدة : حليلها يا نشيبة !! هالله هالله فيها ..

فطيم : سكتوا .. سكتوا .. طاعوا حاطين أم خماس !!

نشبة : شميم تعالي شوفيها .. انتي ما شفتيها فرمضان !!

( قامت شما ولحافها على راسها ..)

شما : طاعوا !! غربل الله منكرهم .. اندوج !! طاعي والإيد محناية !!

نشبة : هيييه شو اتحرين !! هذا تلفزووون هب لعبة !!

(وكانوا حاطّين حلقة ام خماس .. يوم إييها ريلها في الليل .. بوخماس ..)

شما : لاإله إلا الله .. شو هالحلقة السقم ؟ اعنبوه !!

(نشبة وميثاء يتضحكن ..)

ميثاء : هاي اتذكرنا في وحدة الله يستر عليها ..

اليدة : منو هذي علموني؟

نشبة : حد غير شميم ؟ تراها ماخذة 4 !!

شما تزاعج : فعين الحسود !!

راشد : ول !! مزواجه هالحرمة هع هع هع !!

احمد : حليلها خلها تعيش حياتها ههههههههههه

اليدة : عادي خلها اتعرس ..

نشبة : وهاكي ريلج الرابع نسيتيه؟

شما : انتوا ما بتفوتون الليلة على خير؟

ميثاء : يطوّلي بعمرج الحرمة ياء خطبها واحد من دبي المهم ..

شما : الله يغفر له ويرحمه ..

ميثاء : يقولج الريال من ملج عليها .. دخلت الحرمة بسويعيتها .. الحرمة يالسة .. وهاكي ميّحلط .. هب متسبح .. (احمد احمر ويهه من الضحك .. وراشد حاط ايده يصّك حلجه ..)

اليدة : ويدي فضل عنه !!

نشبة : هيه شو اتحرين !! حتى مخاطه يمّثه في وزاره !! ويدي شايفينه !! فضل عنه !!جنه ماشي حمامات !!

شما : الا قولي ماشي كيليلللكس !! (ماتروم تنطق كلينكس )

ميثاء : سار وجابلها .. وهي مستحملة .. بدال ما يقول شي حلو ..

شما : الله يغربله تغربيل ان شاء الله .. هذا ريال هذا؟

(اليدة تضحك )

ميثاء : قام يخبرها فأول ليله لهم .. كيف حريمه الثلاث ماتن .. كل وحدة منهن ..

اليدة : طاع مذهبه الخايس .. أكيد زغتي !! زغتي شميم؟

شما : الا ما زغت !! قلت أكيد بيذبحني وبكون الرابعة !!

ميثاء : روحت عنه وردت له مهرها كامل له .. وطلقها .. ويقولج سار خذ له هندية وياب عيال منها واحينه تجار !!

اليدة : ما طلع لج شي منه؟

شما : حشا .. انا مطلقة ما ايوز !!

(وسار راشد يبا يسوي صوت عشان يزيّغ شما ..وهو توّة بيوايج ..)

احمد ضربه على راسه : ياخي عيب !! يمكن البنات مرقدات وكشفات !!

راشد : شو بشوف غير صراويل !! انا ابا ازيّغ العيوز !!

احمد يزاعج : أماااااااااااااايااااا !! (وكلهن زاغن )

اليدة تزاعج : امك تقولك وصّمة !! شو تبا؟ روّعتنا !!

احمد : رشود يبا يوايج عليكم !!

(وهم استوت عندهم حالة استنفار .. البنات يتراكضن بلحفاتهن ..)

فطيم : وابوييييه ..

هنود فخاطرها : الله يغربلك !!! (ونشبة اتلحفت كامل عشان ما تروم اتحرك ..)

ميثاء : ويه ويه ويه !! الهرم !! (وتربع داخل .. وشما من الزياغ سارت وبندت دريشتها .. ويسمعون صرخة تدوي )

راشد : آآآآآخ ايدي !!!!

شما : إشووووه هذا؟ (والدريشة ما بندت عدل وردت بقوة وبندتها أزيّد للمرة الثانية ..)

راشد يزاعج : آآآآآآآآآآآآآآآآآآآآآخ !!!

اليدة : والخيبة !! (لفت اليدة شيلتها وظهرت ..) شو هالزعيج ؟ مب عيب عليكم؟

احمد يضحك : أشوف اصبوعك أشووووف؟

راشد :آآآآي .. بسير المستشفى ما روم !! عظامي !!! عظام صبوعي !!

اليدة : بلاهن صبوعك؟

راشد محتشر : بندتوا الدريشة على صبوعي !! اعنبوا ما تشوفون؟ آآآخ !!! اوووف اوووف ..(وينفخ على صبوعه ..) اوووووه يعوّر !!!

احمد يضحك : حوباتي عشان ما اتوايج عليهم !!

اليدة : وحدة بوحدة .. يوم بندت الباب على صبيعاتها !!

راشد معصب : انزين انا ما كنت ادري !!

اليدة : هي بعد ماكانت تدري !! سر سر حط لها ثلج وبتستوي بخير .. (ويوم دخلت داخل ..) طلعن !! طلعن ثره يتمصخر ..

(اما عند زينة ..)

زينة اتداوي مي : ويييه حسبي الله عليه من صبي !!

فاضل : انا باجر برمسه .. جيه؟ احينه بيشوّهج وبيطردونج من الشغل !!

مي تزاعج : وانته كل همك الشغل والبيزات؟ آآآخ شفتي ويهي؟ والله طر عند بوزي .. ومنيه .. ومنيه !! الله ياخذك يا ميود !! (وتصيح صياح .. اما اليوم الثاني .. نشت غريبة من صباح الله ..)

غريبة : ابويه محمد .. (وكان ينظف الموتر كعادته ..) يالله بنطلع ..

محمد : ان شاء الله ماما ..

(وكانت الساعة 7 الصبح .. ما اتريقت بس شربت قهوتها عالريج .. وظهرت وهي الهم ماكلنها ..)

غريبة فخاطرها : يالله كيف بناتي اتغّيرن عليّة .. مي مب عايبنها الوضع وقامت تسبني .. وهندوه عيونها فاضحتنها من الغبنة .. انزين انا شو اسوي؟ تراني آدمية وأغلط .. دوم المصايب تي على راسي .. وتنحل .. الا سالفة البيت .. البيت عمره ما بينباع وراسي يشم الهوا ..

غريبة تبتسم : مرحبا الساع ..

عيسى : مرحبا ملايين ..

غريبة : يالله عالقاطع احينه اتذكرت انه عندك ام؟

عيسى : مادري يا ااميه حلمت حلم .. وحسيت شي ياكلني .. من غير انا انتي دوم على بالي .. (وغريبة اتذكرت مي وسكتت .. ) في شي مستوي؟

غريبة : ابدا يابويه .. انا احينه سايرة عند يدتك وخواتك تراهم بايتين في المزرعة .. (وتخبره عن الملجة ..)

عيسى : انتي شفتي الريال؟

غريبة : يابويه الريال ما يعيبه أي شي .. بس هذي افكار لندن اللي مخربتنه .. يتحرى هندوه ربيعته !!

عيسى عصب : شو تقولين؟ ربيعته؟ شو قصدج؟

غريبة : يعني هندوه اتطوّلها وهي قصيرة .. تغار على ريلها بس !!

عيسى : هييه اتحريتج اتقولين شي ثاني ..

غريبة : انته خبرني شو حالك؟ متوّله علينا ؟ متوّله على طبيخي؟

عيسى : يالله يا اميه .. متوله على غرّوبة !! اتعرفين انتي اني انا احبج ..

غريبة تدمع عينها : وحد ما يحب أمه؟

عيسى : والله اتدوريلي على حرمة شراتج !!شرا طبعج والله لآخذها !! حتى لو كانت خسفة !!

غريبة : وابويه عليك وانا خسفة؟

عيسى : هههههههههه ماماتي انا اقول لو البنية خسفة ومتطبعة بطبعج باخذها !!

غريبة : ويه يعلني افدا منطوقك يابويه .. ومتى بترد بالسلامة؟

عيسى : بشيرج .. آخر الاسبوع .. يوم الخميس !!

غريبة: لالا؟ صدق؟

عيسى : والله صدق .. يالله اسميني متوله عليج ..

غريبة : فرحتني الله يفرح قلبك ان شاء الله .. ابويه.. بجهّز غرفتك وبدخنها وبعدلها .. يالله البيت بيشرق بردتك ..

عيسى : الا البيت منوّر براعيته !! (واترخص عنها وبند ..وكانت اتكلم الدريول ..) لف يمين واقبض الخط سيده .. هيييه .. دوار يسار .. (ومن وصلت ..) شحالج ام مي؟

زينة : بخير يا عيوني .. شو هالزيارة اللي تسر؟

غريبة : بلاه ويهج؟ شكلج هب راقدة ..

زينة : كنت سهرانة مع مي .. استريحي ياعيوني ..

غريبو : شو فيها بنتي؟ واعلية عليها !!!

زينة : ميود سار لمكان شغلها وضربها !!

غريبة منصدمة : شو تقولين؟ ودّيني غرفتها !!

فاضل : استريحي مكانج !! يالله بصباح خير !!

غريبة : بنتي وبتمنعني عنها ؟

زينة : انا راح اسويلكم قهوة .. فاضل !! هد الوضع !! (وسارت المطبخ )

فاضل : من متى بنتج؟ (ومي تسمع صوت غريبة .. وكانت متلهفة تشوف ويهها .. ويوم طلعت شوي شوي ..)

فاضل صد : مي؟ شو مطلعنج؟ ردي حجرتج !!

غريبة توّها بتسير ل مي : مي غناتي ..

مي : انا قلت لج .. انتي مب اميه .. بلاج؟ اتكلم هندي انا؟

غريبة : لو تقولين اللي تقولينه انا امج !! اعنبوا اتنكّرين لأمج؟

فاضل : سيري غرفتج يا مي !!

مي : ما خلصت كلامي !! انتي منوه عشان اتحددين الأمومة ؟ انتي ام عيسى !! مب أمي !! مادري منو قاص عليج .. ممكن تذلفين عن ويهي لأني مادانيج ..

غريبة : بس انا احبج .. انا امج اللي ربتج !!

مي : طز !! اتعرفين شو طز؟ يعني لو تذرفين دموعج دم ولو آخر نفس اللي تنفسينه هو الموت بيكون عندي العيد بذاته !! يالله انفدي عن ويهي !!

(غريبة نزلت دموعها .. اعنبوا ليش كل هالكراهية؟ وروحت مي لغرفتها .. وهي متغايظة الا مقهورة ..)

غريبة : سمعت شو قالت؟ اعنبوا داركم كرهتوا البنية فأمها؟

فاضل : تستاهلين من هذاوأزيّد !! شو يايبنج هنيه؟ تبيني أردج؟

غريبة : قصوري بعد ان فكرت فيك !! (واتطلع الورقة من مخباها وتفرها عالارض ) انته آدمي؟ منو إمرك تبيع البيت؟ بعد ما كتبت لك البيت بإسمك جذيه تسوي؟

فاضل :ههههههههه انا من شهر بايعنه !! وشكله توّة واصلنج التحذير !!

غريبة : خاف الله وانا؟ وعيالك؟ وين نسير؟

فاضل : وأبوج؟ هاكي الشيبة الأصمخ يكوّد البيزات لمنو؟ سكني عنده !! مش مشكلتي !! انا ما يخصني !!

غريبة : والبيت اللي نحن فيه؟ خاف الله هذا البيت لامّنا !!

فاضل : كلمة ثانية وبفّرج بأي شي جدامي ..يالله فارجي !!

غريبة : هب طالعة شو بتسوي؟ بلّغ الشرطة !!

فاضل يمسكها ويدفرها عالارض : برع يا ويه السقم !!!

غريبة : سقم؟ سقم؟ بس ترد بيتي !! بيتي !! انا حياتي وياك كانت سقم !! ومن طلقتني اعتدلت حياتي !! بس رديت اتخبرها من خذت بناتي .. وبيتي !!!

فاضل : ردت وقالت بيتي !! طل !! بيتج !! بعناه وشبعنا بنص بيزاته !!

غريبة تصيح : يعله زقوم فجبدك ان شاء الله .. وما اتهنّى بفلس حمر ببطنك !!

فاضل: شفتي؟ ادريبج حسودة !! برع !! برع يا بنت الشوارع !! سيري بيعي عمرج بتحصلين لج على بيت ..

(ويسحبها ويدفرها برع )

غريبة :آآآآخ !! (وطاحت ع دجة الدري ..) آآي ظهري !!

الدريول يربع لها بايوّد ايدها : ماما !! ماما !!

غريبة تتألم وما خلته يدقها : لالالالا انا بخير .. (وقامت شوي شوي .. وهي تصيح .. بس قامت ومسحت دموعها بتكبر .. عشان ما تبيّن للدريول هزيمتها .. ركبت الموتر ..) محمد !!ردني ليوا .. (وهي في الموتر جاسها هبوط .. ما كانت اتحس بعمرها اتدوّخ .. وترد مرة ثانية تبا تقول شي وتدوّخ مرة ثانية .. ) يالله !!

(وصلت البيت .. وكان حمد واقف عند الباب يترياها ..)

حمد: وين سرتي ؟ ما سرتي عند امج؟

غريبة تناهي : لا يابويه .. ما سرت .. ادخل ابويه ادخل ..

حمد: عيل وين سرحتي؟

غريبة: سرت البنك .. يالله بويه ادخل بسوي لك الغدا ..

حمد : خلاص قلت حق البشكارة تسوي .. تعالي اتغدي عندي ..

غريبة : ابويه مالي خاطر اتغدا ..

حمد : بلاج؟ محتاية شي؟ بيزات؟ مادفعتوا مال الكهرباء؟

غريبة : لا يابويه خيرك سابق .. (والصيحة يايتنها .. ) الله يطولي بعمرك !!

حمد : انزين العصر بمر عليج بنسير عزبة نشيبة نتمشى !! جيه عيل هم بس يتمشون؟ انا وبنتي بنتمشى بعد !!

غريبة : من عيوني .. يالله بويه سامحني بسير استريح .. انته سر اتغدى وارقد ..

(وروحت عنه وسارت داخل ..) يا زهووور؟ زهووور؟

زهور : نعم ماما؟

غريبة : اتغديتي؟

زهور : لا ماما اسوي انتي سبري
غريبة : فديتج سيري اتغدي انا مابا .. لا تخلين لي .. شوفي اذا ياء ميود ناديني ..

زهور : اوكي ماما

(وغريبة سارت المطبخ لبجت الضو .. عشان اتدخن حجرة عيسى .. وسارت فوق ..)

غريبة اتعج عباتها وشيلتها : متى ردتك يا عواس ؟ انته انته اللي بتيّمعهم كلهم !! كله بإيدك انته !! فديتك وفديت طاريك يابويه !!

(حطت المدخن ودارت على الغرفة كاملة .. وقامت اتشم ثيابه من غلاته .. شلت سفرته .. وسارت حجرتها بدلت ملابسها وانسدحت ع فراشها اتصيح .. تتذكر مي كيف كانت اتعاملها .. كأنها عدوة .. وبعدها السفرة فإيدها .. وغمضت عينها .. اما في حجرة عواس كانت الضو شابة وكله من المدخن في الكبت وقامت تتوسع وتزيد اللهيب .. وكانت غريبة تتجلب من الحر .. )

دانوه
02-22-2008, 11:10 PM
كمـلييييييييييييييييييييييييييييييييييييييييييييي

بلـييييييييييييييييييييييييييييييييييييييييييييييي يييز

المنسيه
02-23-2008, 01:27 AM
ما بكمـل الا يوم بشوف تعليقات علـى القصـهـ !!

يعني أبا اعرف شو الأحداث اللي عيبتج وما عيبتج .. !!

حسسيني انج متحمسهـ تبين اتعرفيـن التكملـهـ ^_* ..

يلا بحط لج بارت ألحيـنهـ .. بس عقب ما بكمل الا اذا سويتي اللي أباهـ .

المنسيه
02-26-2008, 04:42 PM
(الجزء 73 )

(اما عند العرب .. رقود طبعا بعد حفلة البارحة .. وما نشوا الا على أذان الظهر .. بس كانت ندى اتعابل عالغدا ..)

نشبة : لا إله إلا الله .. ويييه ثركم كلكم رقود ؟ (واتشوف ساعتها ..) حوووه !! قوموا !! قوموا !! أذّن الظهر .. الله يغربل الشيطان !!

ميثاء : يالله .. اعنبوا شو هالرقاد اللي رقدناه !!آآخ ظهري ..

هناء : انتوا خليتوا حد يرقد أمسات الا صريخ وزعيج !!

شما : لا لله ما استوا شي .. انتي الا مغفية !!

اليدة :هههههه هيه اكرم !! (ونشوا يصلون وبعد الصلاة .. يلسوا عند الضو .. والجدر محطاي .. وكانوا يالسية احمد وراشد وميثاء واليدة ..)

نشبة : وييييه نسينا انسوي هواية !!

ميثاء : وييييييييييييه .. جنه الله مب رايد !! خلاص باجر بنسوي ..

احمد: يستوي انزين العصر ..

شما : زين بعد هبابنا .. انا يبت جوازي .. عاد خلهم يصورونا صور عدلة !!

احمد: خالوه يصورون فوري

نشبة : وانا عيل يايبة صورتي !! ماعليه عيل بنتزجرت اليوم ..

شما : وانا ما يبت الصراي مالي (قصدها جحالها ..).. نشيبة عندج انتي ؟

نشبة : هيه امايا هيه !! (واتطالع راشد ينود ..) ابويه بوسنيدة !! جان فيك النودة .. سر داخل اتسدح !!

راشد عيونه محمرة : هاااه؟ لا امايا انا بخير ..

ندى اتدزها رحيل : بلاها ايدك؟

راشد : هاااه؟ لا ماشي فديتج احمدوه بند الباب على صبوعي !!

(واحمد يضربه على راسه )

احمد : جذاب واحد !! احينه بتمشكلني ؟؟ امايا امسات كان يبا يوايج عالحريم .. وحدة منهن بندت الدريشة على صبوعه !! هههههههههههههااااي دواك !!!

نشبة : ههههههههههه هاي محد غير شميم !!

شما : عاد يابويه سامحني مادريبك .. (وشوية وبتصيح ..)

راشد يحبها على راسها : يالله يا اميه انا ولدج !!

شما : هندوه؟ (وتزاعج ) تعالي يا مسوّدة الويه !!

هنود مستغربة وفخاطرها : بلاها هاي بعد مشتطة ؟

شما : عندج هالريال الشيخ وتفرطين فيه وتتعنطزين بعد !! (رشود اتشجج )

هنود فخاطرها : مالت !! قصوره شيخ بعد !!

(وابتسمت وصدت الجهة الثانية سايرة صوب العرقوب .. واحمد ينغز راشد ..)

راشد : آآخ !! بلاك؟

احمد يصاصره : سير لها .. وراضها !!

راشد : ياخي البنية ما تبا .. ليش اغصبها؟

احمد : ياخي مبردك !!

(وراشد يطالعها وفخاطره يسير لها .. يوم توّة بيقوم ..)

شما : عاد انا كاتبتلك هاكي القصيد ..

(واستراح مكانه ..)

راشد : لي انا؟

شما : هيه .. يالله اتسمع واتطمش !!

نشبة : إييييييييييييييييييييييييه يا حافظ عليج بتقصدين؟ وين طالعة الشمس؟

شما : وانتي شعليج؟ من كيسج أعد قصيد؟ احم احم سمعوا

حـــي جـيـلـك عـــد مـــا مـــزن نـشــا
واعـشـبـت أرض امحـيـلـه بلـمـطـور الكل = بلمطوووور

او عـــدد مـــا يـــورد الـبـيـر الــرشــا
او عــدد مــا يـوفــي المـسـلـم نـــذور الكل = نذور

رمــــز خــــط مــثــل دريــــز الــوشــا
يـقـمــش الــخـــوار دور فـــــوق دور الكل = دور

لـــك ابـحــال ومـــال جـنــد امـجـيـشـا
والزعيـم الخـضـر وابـشـر بالـسـرور الكل = بالسرور

جـان بــك مــن حــب مضـفـي الغـشـا
لا تـشـاكـي لا تـبـالــي كــــن صــبــور الكل = صبور

بـو جـعـود ايــدوس فيـهـن لــي مـشـا
الغضـيـض الأحــور الـظـبـي الـنـفـور الكل = النفور

مـن حسـدك ومــن ذلــك ومــن وشــا
ســر او يـاهـم والقـلـب خـلـه عـبــور الكل = عبور

لـو طـرو لـك وصـف خلـك قــل حـشـا
لا أحـبــه ولا أعـرفــه مـــن يــصــور الكل = يصور

هــم عـجـارب هــم أفـاعـي واحـنـشـا
لا تـولـيـهـم ولـــــو ولـــــوك شـــــور الكل =شوووور

طـيـع مــن تـهـواه وافـعـل مـــا يـشــا
لـي رضـى خلـك رضـت كلهـا الأمـور الكل = الامور

مـن ضـوى الأكـرام مـا حـاتـا العـشـا
ومـن ضـوا الأبـخـال خـلـوه امحـقـور الكل = امحقور

وسلامتكم ...

(وهم يصفقون لها مستانسين .. )

ندى : عاشت شميم ما قصرتي

اليدة : بيض الله ويهج ..

راشد : عاد يا اميه الله يهديج لوراشد الخضر يدريبج جان قاضاج ..

شما :وابويه شعنه؟

راشد : سرقة أدبية !!

شما : الله يحفظني في صورة ..

(اما عند هندوه كانت يالسة عالعرقوب .. وكان قارصنها سمسوم واتحج ريلها .. وتيها هناء ..)

هناء : شحالج هنيد؟

(وهنود اتأشر لها انها بخير ..)

هنود فخاطرها : أوفيييه !! شو تبا هالطحنه؟

هناء : اتصدقين انه ريلج طرر .. وهذا احمد بعد !! اوووف عليهم !!

هنود عصبت وفخاطرها : اتفدين ريلي بعد وجدامي؟ هب هب هبيتي من بنية !! (وقامت وسارت بعيد عنها ..)

هناء : ههههههههه يا حرمة بلاج زعلتي؟

هنود تتحرطم شوي شوي : جلبة وحدة !! قليلة الادب !!

(وكان راشد ياينها .. جان تمسك ايده توّديه بعيد ..)

راشد : هذا هو الحب ولا بلاش هههههههه

هنود : جاب جاب عنلات صيرك .. (وساروا ورا البيت ..) اسمعني راشد .. انا قلبي عافك !!

راشد : ادريبها الاسطوانة المشروخة !!

هنود : انطب واسكت !! جان تبا .. جدام الكل بتكلم وبقول اني ماباك !!

راشد وبكل جدية : هنيد هذي غلطة وما بعيدها بلاج؟

هنود : جدام الكل ببّين اني احبك .. لكن يوم كل واحد يسير بيته بتطلقني .. انا ما ابا اكسر بخواطر اهلي واهلك .. خلهم مستانسين جذيه ..

راشد احمر ويهه : ما تفهمين الكلام اللي قلته؟ (ومسكها من ذراعها ..) أقولج اباج !!

هنود: ياخي وانا بايعتنك !!

الجود : هنود؟ يا هنود؟

راشد : هنيه !! يالله سيري

(و يت الجود وويهها احمر .. اتوقعت انه شي يستوي من بينهم ..)

الجود تصاصر هنود : تعالي أباج !!

(وساروا بعيد عنه .. وهو تم متكدر ... بس مب طايع يبين لهم ..)

هنود : بلاج؟

الجود : خلينا نسير بعيد ..

(وهم يمشون .. سايرين صوب الهوش .. )

هنود : شو مستوي؟

الجود : حصلت كتاب بنّوتي عند رشود !!

هنود منصدمة : كتاب بنّوتي؟ أكيد مال بنية !! هذا ما يتوب ؟

الجود : هدّي !! هدّي !! السالفة هب جذيه ..

هنود : تعالي بسألج .. كيف كتبتي عن سالفة ميرة وإنها ماتت؟ شو من عقلج؟

الجود : لا والله هب من عقلي .. بس أذكر من كم من سنة كان يكلم عبود وهو يصيح .. وكانت اول مرة اشوفه يصيح ..

هنود : كل هذا؟ ويخبّر ربيعه؟

الجود : ولد عمه مب ربيعه بس.. انزين سمعي انا خشيت الكتاب فشنطتج .. ومن توصلين البيت اقريه !!

هنود :وشعنه هب هنيه؟ خليني اقرا عن سواد ويهه ..

الجود : لا يا هنيد .. بعد هذا مهما يكون اخويه .. وبعد هنيه البنات وبيرمسن !!

هنود تبتسم : خلاص ولا يهمج !!

ندى تزاعج : يالله اتفضلوا غدا .. وينها العروس؟ هنيد؟ يالله وراكم طلعة العصر ..

(اما في ليوا ..)

زهور تزاعج وتربع لبيت حمد :باباااااااااه !! باباااااه !! انا في موووت باباااه ... دااااو !! داااو !!

(وكان توّة ميود واصل البيت .. نزل يطلع ثيابه من الدوبي .. وصد فوق يشوف البيت يحترق .. هو زاغ وفر ثيابه عالارض ..)

مايد زايغ : امااااياااا !!! (وبطل الباب ودخل داخل .. وإنه الضو مستلبسة في البيت كله .. وعيال الفريج يترابعون ويبطلون الماي مال الزراعة .. ويطلبون المطافي .. وقاموا على قلب واحد يبون يطفّون الحريجة .. والعيايز والحريم كلهن يدّعون انه محد يكون في البيت .. واللي سار بيت حمد عشان الماي عندهم قوي .. ويضربون بالحصا على دريشة غريبة .. عشان اتكسّر الجامة .. ويرشون الماي .. ودخل مايد ...بس سعيد ولد يرانهم يوّده ..)

سعيد : رد يا ميود !!

مايد يصيح : امايا داخل !! انته شو ما تفهم؟ امييييه !! (ومايد يطرح سعيد عالارض .. ويدخل داخل .. وكان يدوّر مكان ما فيه ضو .. وكان يحاسب .. وبسرعة يمشي .. ) امايا؟ امايا؟ تسمعيني؟ ردي علية!! انا ميود ولدج !! ردي !!! (ويوم وصل لغرفتها بيبطل الباب حرقته قبضة الباب..) آآآخ حااار !! آآآخ !! (ورفع كندورته .. وقام يبطل بها الباب بسرعة عن تحترق ايده .. وكان زايغ .. وأول ما بطل الباب .. الصدمة وهو مبجج عيونه .. وبصوت متقطع مبحوح ..) اميــــ إيه ؟ (وكانت جثتها محترقة .. لكن فظيعة ما تنشاف.. كانت مشوهه وسودة وحمراء ومستلبسة فيها الضو .. وهو دموعه ينهمرن .. أمه تموت جدام عينه .. ) أممم ييييييييه !! (وحصّل مثل اللحاف بس ما جاسته الضو .. ويلحفها من راسها لريلها .. وهو يتنافض والدنيا اتدور به .. وطاحت احطبه من الكبت على ايده ..) آآآآآخ ...آآآآي إيدي !!! (ويطالع ايده .. طرت له ايده وكندورته ..والدمان ينزل منه ..وهو مب مهتم .. قام ولحّف امه .. ) أميييه !! ليش تموتين؟ ليش ودّرتينا؟ انا اباج !! امايا !!! (وشلاها وهي ملحفة وهو يصيح بحرقة .. ويطالع الضو .. اللي كلت امه وبيتهم ..) ليتج خذتي البيت وماخذتي اميه وياج !!! امييييه !!!

حمد: وينها؟ وينها؟ انا مخلنها بخير !! والله اني مخلنها بخير !!

سعيد : هد يابويه هد الوضع !! ترا مايد دخل وأكيد بييبها .. (ويزاعج ) يا جمال !! وين مال الاطفاء؟

جمال: بيتحيرون !! تراهم بعيد !!

مايد ظهر وكان شالنها ويصيح ويتمتم بأشياء هب مفهومة : اميه !! (ويوم ظهر كانوا كلهم يترابعون له ..)

حمد: أشوف !! ليش ملحفنها؟ لييش؟

مايد :لا يابويه !! لا !! لا تشوف !!

حمد : خلني أشوف بنتي !! خلني !! (وعيونه تدمع ويوم عج اللحاف عن راسها .. بجج عيونه وبصوت واطي .) غريبة؟

(وخنقته العبرة وطاح عالارض ..)

مايد : أبويه !! مب انته بعد !!! مب انته بعد ... يا سعيد ... إلحق !! آآآخ .. (وكان متشبث فأمه مب طايع يهدها .. كان ينبها حار .. والشباب يصيحون .. لأنه فهالاوقات ايحسّون الام غالية .. وخصوصا يوم واحد من ربعهم فقد أمه ولا وجدامهم .. كانت وفاتها تصيّح الصخر ..)

والبارت الياي يوم الجمعهـ

دانوه
02-26-2008, 07:00 PM
اوييييييييييييييييييييييييييييييييهـ

حـرااااااااااااااااااااامـ واللهـ

ياااويـل قـلبي انـااااااا

بصـييييييييييح واللهـ >__<

واللهـ ما كنـت اتـوقعـ انهـ جييييهـ بيستـوي

منسيـوووهـ كمـليهـا يوووومـ الخمييييييييس

عشـان خـاطري ^_<

دانوه
02-28-2008, 03:39 PM
منـسيووووووووووووووووووووووووووووووهـ

يلااااا

وتوقـعاتيـ <<

اتـوقعـ انهـ عـواااااس بيـرد البـلاد بسـرعهـ

واتـوقعـ انهـ هنيييدهـ بتكوووون اووكيهـ ويا رااااشـد ^__^

يلا كمـلييييييييييييييييي

دانوه
03-07-2008, 01:27 PM
منـسيوووووووووووووووووووهـ

يلا كمـلي

Grand Father
03-07-2008, 02:02 PM
الله يعينج دااانوه شو هالاندمااج هههههههه

دانوه
03-07-2008, 05:03 PM
هههههههههههههههههههههـ

لازمـ

احـب هاي القـصص ^__<

يلا منـسيوووووهـ

بليـز كمـلي >__<

واللهـ بصيييييييييييحـ

أم قصايد
03-07-2008, 06:14 PM
يسلمـــــــــــو ع القصـــــــه الغاويــــــــه ونتريا البـــــارتات اليايـــــــــه^^__^^



^^هبـــــــــــــــله وتهبـــــــــــــل^^

المنسيه
03-07-2008, 09:33 PM
ان شـاءاللهـ ، اليومـ فليل بكمـل ،،

Grand Father

دانوهـ..

وأتهبـل ..

مشكوريـن ع المرور النايس ~ وما تقصـرون

المنسيه
03-08-2008, 12:06 AM
دانوهـ ، السموحهـ بس الكاتبـه ما كملت القصهـ بعدها !

برمسها باجر ان شـاءاللهـ ، اوكيهـ ^_^

دانوه
03-08-2008, 01:40 AM
خـلاصـ اووكيهـ فديييييتـجـ

يلا بـاي

Grand Father
03-08-2008, 02:58 AM
مغسيه بنجوووووووه

* TOTTI *
03-08-2008, 04:08 AM
ناااااااااااايس


:)

المنسيه
03-08-2008, 04:39 AM
مشكورين ع المرور

دانوه
03-14-2008, 04:54 AM
ماااااااااااااااااااااااااااا كمـلتهـا ؟؟؟؟؟؟؟

SmallBaby
04-02-2008, 05:29 PM
المنسيه..
مشكووووره على هذي القصه الروووعه..
وبليييييييييييز كملييييي القصه..
حراام عليج بتخبل :91eea40f: ..
يلاا.. am waiting for it
c ya

المنسيه
04-09-2008, 09:05 AM
(الجزء 74)


(والعصر عالساعة 4)

• ميثاء : لا إله الا الله .. يالله يا بنات ..

• اليدة : يعنيهب حالة .. يالله ما تسوى علينا هالسيرة ..

• احمد : والله اني بسير عنكم ..

• راشد :مب تعديل اتعدلونه !! (وكانن العيايز ميّلسات ..اليدة وميثاء وشما ونشبة عند احمد .. اما ندى ودانا وشمسة وهناء وفاطمة يلسوا عند اليهال ..)

• الجود: يايين يايين صبروا !!

• نشبة : انزين ليش كلهن بيسيرن؟ خلهن يتفيزرن انا محتاية الهوية هب هن !!

• اليدة : اسكنتي !! كلنا نبا شراتج .. (واحمد محمر ويهه من الضحك عالهزاز ..)

• شما : انا !! لو يايبه بشيكيرتي ويايه جان سويتلها هوية ..

• نشبة : اكملت !! اكملت !! قصورج بعد !! خلاص انا مابا أسوي هوية !!!

• ميثاء : يا حرمة استهدي بالله .. اتمصخر وياج !!

• نشبة : انا مابا أسوي هوية !! خلاص بطّلنا ما نبا !! (وتوّها نازلة )

• ميثاء : وين سايرة؟

• نشبة : ملتعنة عنكم !! (وهي تمشي بعيد ..) قصورها بعد .. بتيب بشكارتها .. جان يبتي على طريجج محمد الدريول !!

(والغريب فهالشي انه نشبة لو تتناجر وياهم .. ما كانت توصل انه تهدهم وتسير .)

• احمد : زين جذيه زعلتوها؟ بسير اراضيها .. (الاخ خايف على العيوز خخخ .. )

• ميثاء : استريح يابويه بسير اطالعها ..

• شما : بسير وياج .. هذي مب عادتها اتهدنا .. (وساروا لها .. وكانت صوب الهوش ..)

• ميثاء تزاعج : يا نشيبة !! نشيبة !! طلعي من زرب الهوش !!

• شما : الله يحفظها .. بلاها جذيه اليوم؟ (ودشوا عندها .. وهي يالسة اتأكل الهوش ..)

• ميثاء : اعنبوا يهالمذهب !!

• شما : بلاج مبوزمة؟

• نشبة : ابدا ما بلاية شي .. سيروا ارحلوا انتوا !!

• شما : ماحيدج تزعلين من سوالفي؟

• نشبة : مادري يا خويتي .. سوالفج عسل امبونها .. بس ..

• ميثاء : بس شو؟ أحسّج مب نشيبة اللي نعرفها .. بلاج؟

• نشبة : حلمت وحسيت ياثوم كاتم ع صدري بغيت أموت ..

• ميثاء : أعوذ بالله .. متى هذا؟

• نشبة : في الليل بعد .. يعني في النهار؟

• شما : والله مب منيه والدرب ياينج !! استغفري ربج .. تراج أمسات مقطعة الخلق .. لا خليتي حد فحاله ... الميت خليتيه حي !!

• نشبة : مب هذا !! مب هذا !! انا قلبي ناغزني اللهم اجعله خير ..

• ميثاء : اتعوذي من ابليس .. وطوفي !! غدت ريحتنا ريحة دبش ..

• الجود يايين صوبهم : شو تسووون صوب الدبش؟

• ميثاء : امايا الجودة عندج لوشن؟

(وهن ظاهرات يتخبطن ..)

• الجود : في الشنطة انتوا ركبوا ..

• هنود فخاطرها : هذا وقته؟ اتخمين عن الدبش؟

(وربّعت نشبه عباتها وحطتها على راسها .. وحسّت شي طاح ع راسها ..)

• نشبة : بسم الله ..

(أونها عادة اتضحكهم بهالحركة .. ونست السالفة ..وأول ما ركبن ..)

• احمد: يالله يا خالوه زعلتي؟

• نشبة : لا يابويه .. أسوي سوالف لين إييّن !!

• احمد يضرب هرن وينزل الجامة : إيييه جودوه !! تعالي أمايا هنه !!

• الجود : وات؟

• احمد : تعالي اقولج ..

• اليدة : خلني أنلز الجامة .. أهزبها ملعونة الصير .. تعالي منّه !! (ويايه صوب احمد مغفية .. وهنود سايرة صوب موتر راشد وتركب )

• الجود : بلاكم؟

• اليدة : سيري اركبي في الدبة سيري !!

• الجود : شعنه مرتصات؟ بسير أيلس عند اخويه وحرمته ..

(وأحمد يغمز لها عشان تفهم وتخليهم روحهم وهي لا حياة لمن تنادي ..)

• اليدة :أقولج سيري اركبي ورا لتحصلين هالعصا .. (ويايه توها بتظهرها العصا ..)

• احمد : هااه !! هاااه !! هاااه !! عيّني من الله خير !! يالله سيري !!

• الجود : ان شاء الله عمي ..

• احمد: غصب عنج !!

(الجود تسويله حركة مالت .. لا وبعد اتوعّد له وهي تبطل الدبة وتركب من ورا وهو يضحك ..)

• هنود : يعني قلة أماكن؟ وشعنه أختك ما يت عندنا؟

• راشد : هاي أوامر يدوتي ويدتج عندج مانع؟

(وهم في الطريج وراشد كأنه يتكلم ويا عمره .. وحتى يوم يسألها ما يحصل جواب ..)

• اليدة : اقولكن بنيات .. (احمد والجود يتصددون يدورون وين البنيات ..)

• احمد : وينهن؟

• ميثاء : عونج ..

(اليدة سوّت له طاف ..)

• اليدة : يبتن جوازاتكن؟

• نشبة تزاعج متحمسة : انا يبت !! شوفي شوفي !! عجوا عني البرقع بعد !!

(وتضحك الجود عليها ..)

• شما : انا عيل حايلتهم يوم جددوا جوازي .. يابويه عيب منقود !! قال جان ما تبين ماشي شؤون .. وسرت لله وفصخت برقعي ..

• احمد يضحك من قلة لا حيلة ..ههههههه

• اليدة : انطب انطب .. انزين عادة يا بنيات .. انا سرت تراني ويا الدريول .. وفي صندقة روحها حق الحريم .. وصندقة حق الرياييل ..

• الجود :أي صندقة الله يهديج !!

• اليدة : لكن بهدلوني .. وخيّسوا صبوعي .. ابصمي بصبيعاتج كلهن !!

• نشبة : وابويييه

• ميثاء : أسكنوا ..

• اليدة :والله ما خلوا صبع .. الله راد ما قالوا صبوع ريولج .. ولا كيف بتمسح !!

• شما : هههههه الله يحفظهن في صورة !!

• اليدة : هييييه شو اتحرن عبالة ..والله رديت البيت منهدة !!

• نشبة : نحن فاكين عمارنا يبنا جوازاتنا وخلاصةا لصدي ويانا ..

• الجود : هههههههه فديت اللي بيصيد غزلان ..

• احمد : غزلان ولا سبلان؟

• الجود : سبلان شراتك يالهرم ..

• احمد : انا افا !! احيدج سبالة جميلة هع هع هع

• الجود : مالت عليك جان هذا تشبيه ..

• نشبة : أي غزلان وأي سبلان؟

• اليدة : امايا لا يكون يايبين صوركم؟

• ميثاء وشما ونشبة : هيييه!!

• اليدة :اسمعوا المدحب ..يصورونكم فوري ..

• نشبة : ويدي ما اتجحلنا !! امايا جودة عندج جحال؟

• الجود : هيه اميه عندي مال ماك ..

• نشبة : امايا ابا جحال مابا ماك ..

• الجود : عندي ماك تبينه؟

• نشبة : يا امايا الله يهديج ماباه .. هاتي لي جحال صراي الله يهديج ..

• الجود : انزين هو جحال قلم !!

• نشبة : لا إله الا الله هاتيه هاتيه !!

(والجود اتدوره فشنطتها ..)

• اليدة : عادة ما راويتكن هويتي !! (أونها عادة بتتخجج عليهم طلعت أردى عنهم )

• ميثاء : أشوف؟ (وخذتها وبججت ميثاء عيونها ..) ويييييه!!

• نشبة :اندووووج !! عند الله عليج !! امايا وين الشيلة؟

• شما : أبوووووووووووووووه !!

• اليدة :امايا انا قالوا لي تبين تعجين الشيلة ماشي رياييل هنه على كيفج وعجيتها ..

• الجود ودرت اللي فإيدها ومنصدمة : شووووه؟ حاسر؟

• احمد انصدم وصد ورا ويشتغل عنده الفضول : أشوف !! أشوف ؟ (وعطوه ..) هههههههههههههههااااااااي آآي بطني آآآي ههههه آآخ آآخ !!

• الجود متحرقصة : والله احمدوه !! والله عطني بشوف !!! الله يخليك بشوف !!

• اليدة : مسوّد الويه ..

• نشبة : شو السالفة؟ شعنه عجيتي الشيلة؟

• اليدة: هم قالوا لي عجي الشيلة !!

• احمد: اقول يدووه !! عيل محد يدريبج مسوية هوية؟

• اليدة : كلهم يدرون بس ما راويتهم ..

(وقبضوها ضحك وتعليق .. والجود يوم حصلت الجحال )

• الجود : اميه نشبة هاوه الجحااااا (وما رامت اتكلم وقامت تسير جهة اليسار صوب شما .. وتدفر بشويش ميثاء ..)

• ميثاء: شو بلاج يا امايا؟ (وصدت ميثاء ورا ..) شو؟ (والجود اتأشر زايغة واحمد يطالع من المنظرة شو السالفة لقافة يا ناس .. وهي اتأشر على راس نشبة .. ميثاء قف شعر ينبها وقامت اتلز صوب شما ..)

• احمد: بلاكم صخيتوا؟ خلصن السوالف؟

• ميثاء على اعصابها : احمد وقف !!

• احمد: شعنه؟

• ميثاء : اقولك وقف !! (وضرب بريك والجود وميثاء حاطين عيونهم على راس نشيبة ..) أقولج نزلي ..

• نشبة : منو ؟ انا؟ ليش شو سويت؟ (واليدة واحمد صدوا ورا مستغربين )

• ميثاء ترمس بحزم : أقولج نزلي !! (يوم هي نازلة سيده تنزل وراها ميثاء وتيوّد عباة ميثاء وتفرها وترضها عالباب وتكفخه عالباب كم من مرة .. ) مووت !! مووت !! يعلك السم !! موووت !!!

• احمد سيده نزل : طيطار صح؟ أدريبه هاتي العياه !! عنلات صيره !!

• نشيبة : أعععييييييج !! (وتسير بعيد ويفصخ احمد نعاله والجود شغلت الفيديو .. وتم الطيطار متعلق في العباة واحمد يضربه لين مات وطاح عالارض ..)

• احمد : حشا تمساح هب طيطار من وين يايبتنه؟

• نشبة : الله سلم ما تفّل علية ولا جان جاسني اليرب !!

• احمد: يودي عباتج ..

• ميثاء تسوي بصبعها اتحذر : ولا هالطول !! عجيها كلها مرض !!

• نشبة : عادي اسير بدون عباة؟

• شما : وكلي الله ..تراج لابسة وجاية .. لو زهور هنه جان عطيناج عباتها ..

• نشبة : اعععع .. هبّت !! هبّت !! هبّت !! قصوري آخذها !!

• اليدة : الا من وين يايبتنه .. (يوم هي راكبة ويكملون طريجهم )

• نشبة : ظنتّية يوم سرت عند زرب الهوش .. حسيت شي طاح ع راسي..

• شما : انزين جان نفضتي عباتج المدحوبة !!

(وفي المستشفى .. كان مايد واقف وهو متساند ويصيح شرا اليهال وكان حاط في باله انه خلاص امه راحت وودرتهم .. طلع الدكتور بعد ساعة ونص ..)

• الدكتور : الله يرحمها .. الحرمة يايبينها وهي محترقة بالكامل ما في شي ننقذه ..

• مايد بانفعال : أدري انها ماتت أدري !! أحينه صدق غديت يتيم .. (وهو صياحه يعلى منقهر .. ليش أمه ) شمعنى اميه؟ شمعنى ما خذت أبويه؟ أبويه هو السم !!

• الدكتور : اذكر الله .. حرام تقول جذيه ... اذكر الله يا مايد ..

• مايد يزاعج : هذا الصدق .. عيل انا اجذب؟ محد كان يحّن علينا غيرها .. والله لو تنزل بدال دموعي دم ما يوفن حقها .. عمرها ما ذلتنا .. بالأصل ما شفنا منها الا كل شي زين ..

(والدريول حذاله يصيح .. وربعه كل واحد منهم صاد الجهة الثانية ما يبون يبينون انهم يصيحون بس المصيبة هدتهم .. واليد متنوّم مب حاس بالدنيا .. كان مايد مب راضي يدخل عليه ويزيد من همه ..)

• الدريول يمسح دموعه ويبا يبري ذمته : بابا انا في قول شي ماما سوي ..

• مايد وهو هادي وكاتم على عمره : شو (وكان مايد يطالع الارض )

• الدريول : انا في ودي ماما صبح دبي .. هيّة سوي جنجال واجد واجد ويا رجال وفري ماما برا ..

• مايد يطالعه : منو فراها برع؟

• الدريول : والله بابا هذا في رجال واجد سوا جرجر وجنجال وكلام مو زين

• مايد : وين بيته؟

• الدريول : هذا مكان في دبي صوب دكان

• مايد: فاضل؟

• الدريول : هيه بيت ماما زينة وبابا فادل

(قام وشياطين الدنيا على راسه لو جدامه آدمي جان جتله .. بس الله سلم ..)

• مايد ركب موتره ويتكلم ويا عمره : والله لأراويك يالجلب يالميّذع !! انته اللي جتلت اميه .. يالجلب!! لكن والله ما أخليك انته أبو انته !! (وكان يسوق فوق ال 200 وكانت دموعه ينزلن فلحظة ضعف ومر على كل الرادارات .. يإنه يخطف على كل رادار وكل مسبة تظهر منه لأبوه ) انته تجتل أميه !! انته الا ليلام وطلاب !! هي اللي عززتك وانته اللي بعتها .. أصلا لو تبيعك ما يبت شي !! يعمري ما سامحتك يا فضول يالجلب !!آآآخ يا امايا آآخ !! وغلاتج ماسامحه !! لأخليه شرا الخمام .. الله يرحمج يالغالية .. كنتي الوحيدة الخيّرة .. انتي اللي تحنين علينا ..هه عواس مات وأحينه انتي ودور فضول ياي !! والله ما اخليه حي !!

(وهو عنده جيج العصبية ضارب .. أول ما وصل كان فاضل توّة مبند باب الصالة بيظهر ..)

• فاضل: لا والله ولك عين تي بعد ؟ لا يكونبتبات؟ ولا مطرشتنك الخايسة امك؟ تراني بعت البيت خلاااا

(توّة ما كمل رمسته وكلمة خلاص يحصل ميود ميودّنه من رقبته ..)

• مايد منفعل ومحمر ويهه الا القهر في عيونه : انته اللي جاتلنها !! محد حرق قلبها غيرك !!

SmallBaby
04-09-2008, 05:09 PM
حراااآآآآآمــ ...

:d33561e9:

واللهـ ودي أذبح فضوول ...

بس؟ مايد بيذبحه ولا؟

بليييييييييييز المنسيه...

متى ما تقدرين... كملي القصه...

المنسيه
04-09-2008, 09:48 PM
ان شاءاللـه ..

اممم ع السـاعهـ 12:00 بحطـ التكملهـ

وشكـرآ علـى المتآبعهـ ~

دانوه
04-11-2008, 01:47 AM
حيـاااااااااااااااااااااااااااااااتـي

كمـلييييييييييييييييييييهـا

^____<

المنسيه
04-11-2008, 02:52 AM
(الجزء 75)


(عقب ما ضربه ميود روّح وتم ميود في الموتر يتنافض .. جاست ايده النفضة .. وروّح وهو في الطريج يتذكر شمايل .. وصاح يوم اتذكر امه .. اتذكر يوم كان يزيغها في الليل عشان يرقد عندها .. يتذكر كيف اتقوله بو طبر .. اما فاضل قام وهو يتويع ..)

• فاضل: الله ياخذك يعلك العدم ان شاء الله يالسبال !!!

(وأول ما وصلوا البريد المركزي ..)

• نشبة تركب الدجة شوي شوي : يالله بسم الله .. السلام عليكم .. (وسارت صوب الحريم .. شافت بنيات ..) أمايا؟ انا نشبة وهذي أوراقي سوولي هوية ..

• البنية : ان شاء الله خالوه .. بس لازم تتريين دورج .. اتفضلي يلسي ..

(وكانت ميثاء اتكلم في التيلفون ويا ميود..)

• ميثاء: شو تقول؟ بنتي؟ واعثرتي عثرة !!

• اليدة الجود: شو مستوي؟

• ميثاء تنزل دموعها : غريبة اتوفت؟ (وكان صوتها خفيف ..) ردونا ليوا دخيل الله ..

• شما تربع صوب نشبة : نشيبة بنروّح ..

• نشبة : امايا بييج خلاف .. شو بلاج شميم؟ شعنه بنروّح ..؟؟

• شما تصيح وكانت منكسرة : غروبة اتوفت ياويلي عليها هالبنية !!

(وتمن في السيارة يصيحن ..)

• ميثاء : سر يابويه سيده ليوا ..

(وكانوا كلهم ساكتين ومويمين .. واحمد حط لهم شريط قرآن عشان يهدون ..وكل وحدة قامت تتذكر غريبة .. ومليون سؤال في بالهن .. )

• احمد: لا إله الا الله ..

(اما عند هنود )

• هنود: وين موّدني؟

• راشد : بوّديج الكوفي ..

• هنود: جيه تتحرى عمري من المفرورات؟ لا يابويه اصحى ردني البيت ..

• راشد : غناتي انا بس ابا اكلمج ..

• هنود : ياخي ردني لأني واصلة حدي منك ..

• راشد : شوفي هنيد .. انا صبري له حدود .. اوكي؟ (وقّف الموتر وهو معصب حتى ويهه احمر ..ونزل ) اتفضلي اركبي .. سوقي .. انا راد البيت مشي .. (وهي تمت منصدمة ..)

• هنود فخاطرها : مينون !! مينون واحد !!!

(قامت بكل تكبر وبطلت الباب .. وركبت مكانه وسارت بعيد عنه .. الود ودها ترد ريوس وتكلمه واتقول انها اتكابر .. تمت على هالحالة وهي تصيح لين وصلت البيت .. وعند راشد ..)

• راشد : ألو؟ عمي؟ بنتك وصلت البيت ولا لأ؟

• فاضل: آآآخ؟ أي بنت بعد؟ علها السقم!!

• راشد : هنيد ..

• فاضل: جيه شو مستوي بعد؟

• راشد : اتضاربت وياها .. وخليتها اتروح البيت .. شو أسوي دامنها هب رايدتني .. بس طمّني عليها اذا وصلت .. وعقّلها ..

(اما عند الشرطة .)

• الشرطي : انتي زهور؟

• زهور تصيح : نعم بابا صرطي ..

• الشرطي : خبرينا بكل شي استوا ..

• زهور : بابا هذي ماما غريبة جيب دكون مشان سوي ريحة نايس مال هجرة مال عيسى .. انا والله في شوف هيّه تبجي كتير كتير .. بعدين انا مافي شوف غير داو في كل مكان جابيت مويه .. كل شي بس مافي فايدة .. وبابا كبير همدبعد انا في ركض بيته انا اكبّر بابا كبير .. بعدين ميود في شلي ماما في موت كله اهترق .. هراااام .. (وتصيح زيادة ..) هذي ماما كله يحبو هيّة كلوا انا هتى احبها

(ويوم وصلت هنود البيت .. كانت واصلة حدها بالأصل كارهة عمرها على فعلتها .. ليش ودرته؟ هو اعترف انه يحبها .. بس ليش ودرته؟ تبا اتقلد اخته الجود؟)

• هنود: انا ليش سويت جذيه؟ اتخبلت؟ انا لازم اراضيه .. حرام أكسر بخاطر حبيبي ..

(يوم هي نازلة ..)

• هنود فخاطرها : اميييه بسم الله .. (بغت تدعم ابوها ..)

• فاضل : ورادة بسواد ويه يالملعونة؟ (ويصفعها طراق وهي مب فاهمة وسيده احمر ويهها من الصفعه .. انزين هي شو يخصها؟ ميود اللي ضاربنه مب هي ..)

• هنود فخاطرها : انا شو سويت؟

(وكانت متمالكة اعصابها ..)

• فاضل يودها من ثيابها : طوفي جدامي !! طوفي !! (ويركبها السيارة غصب ..وهي تتنافض لأنه السالفة هالمرة جد )

• هنود فخاطرها : ياربي شو السالفة؟ ليش دوم المصايب اتطيح ع راسي؟

• فاضل : انتي يا ام المصايب أصلا انتوا عايلة كلها ميانين !! (ويدفر راسهاعالجامة ..بغت اتدوّخ ..بغت اتقول شي بس سكتت ..) احينه امج ما باجي غير الجلب ميود اللي مد ايده علية يعله السقم ان شاء الله .. وأظني يدج مات بعد وافتكينا منه .. (وهاي صدمتين لها كلهن مرة وحدة عجهن على راسها ..)

• هنود فخاطرها:اميييه؟ ماتت؟

• هنود بدون ما تحس تنطق جدامه : اميه انا؟ ماتت؟

(وفاضل صد جداها منصدم ..)

• فاضل : مالت عليج وهذا اللي خلاج تنطقين يوم الخايسة ماتت؟ لو كنت ادري جان جتلتها بإيدي بس فات الفوت الحينه !!

(وإيييه طراق من بنته عشان يصحى وكان هالطراق لاارادي من هنود ..)

• هنود تزاعج : انته ابو انته؟ انته عدو !! الله ياخذك ..

(ويرد لها الصفعه بقو ودعمت الجامه .. حسّت راسها داير .. )

• فاضل : يلعنج يالجلبة !! (كان محمر ويهه من آثار الصفعة ..)

• هنود: آآآخ .. (وهو يهذر عليها اتحس شرا السم يوصلها .. لين وصل هالمكان..)

• فاضل : احينه فهالمكان محد بيدريبج !! خلهم يتحرونج ميتة لا بركتن فيج !! (وطلّع من مخباه وكانت حاطة ايدها على راسها لأنه كان يعورها وتصيح ..) يوّدي بطلي حلجج !!

• هنود: شو ها؟

• فاضل: اشوف بطلي حلجج .. (ويوّد فجها وبغصب وهي تصارخ وفج حلجها) أشوف صرطي الحبوب يالله !!خذيهن الله ياخذج ما بيجتلنج !! (وبند فجها بغصب وهي الدموع ينزلن)

• هنود فخاطرها : خاف الله يالجلب !!! بتجتلني !! (وهي تسوي عمرها تبا تزوع )

• هنود: اععععععععععععععععععععععععع (قامت اتهاوع عشان اتعج الحبوب)

• فاضل مسك فجها : صرطي اشوف !! (ويزاعج ) صرطي !!! (لين ما صرطته ما استراح .. وتمت اتهاوع اتغشت وصدت الجهة الثانية وكانت عيونها محمرة .. وتتنفس بصعوبة .. وقامت اتحط صبعها فحلجها عشان اترجعه وما يتم في بطنها ..بس مارامت لأنه فاضل كان ينزل اوراقه ونزلت ايدها عن يشوف فعلتها ..وكانت اتطالعه بكره ..ونزّلها ..وبعد ربع ساعة دخلت لغرفة فاضية فيها سرير وطاولة .. حطت شنطتها ..وكانت تتنافض .. مكان غريب موحش مافيه أي حد ..من غير اتحس الدوا شي يسبب لها ..)

• هنود: ياربي هذا مستشفى ليش جذيه المكان؟ (ودخل عليها فاضل ..)

• فاضل بكل وغادة: سمعيني عدل .. (ويمسكها من شعرها ..)

• هنود :آآي آآآي أبويه !! آآي !! هد شعري !!

• فاضل: ان سمعت لج حس والله ثم والله تعرفين شو بسويبج؟ شرات ما ماتت امج بجتلج شراتها .. لا وبعد قبل ما اجتلج بجتل اخوج رشود قبلج .. شو يبون فيه هذا الا ياهل !!

• هنود بكل قوة : جيه تتحراني بصدقك؟ انته الا اتمثل !! يالله أشوف ردني البيت !!

(ويصفعها صفعه خلاها اتطيح عالارض مدوخة .. وما حست بعمرها الا بالسيستر عندها .. اما عند فاضل يوم وصل البيت ..)

• زينة زايغة : بوعيسى ؟ داخلة على الله وثم عليك بعطيك فلوس .. بس وين البنت؟

• فاضل : منو قصدج مي؟ أحيدها فحجرتها متكسرة !!

• زينة تصيح : لا هند .. دخيلك يا فاضل .. جانك اتريد اتعيش معنا خبرنا عن مكانها ..

• فاضل يبتسم : تقدرين تقولين اني جتلتها وبالأصل ميتة !!

• زينة تصارخ : أويلي ويلاه !! أويلي ويلاه !! البنت عندنا أمانة وانته قتلتها !! شو من الأبهات انته؟ ما تحس؟ مافي قلبك رحمة؟ أويلي !! (وتصفع عمرها ) شو راح انقول لأهلها؟ وزوجها لما ييجوا؟

• فاضل: لا تحاتين هي يوم ياية كان موّدرة ريلها .. روحه ريلها متصل بي ..

• زينة : ياخي يابرودك !! هذي بنتك !! كيف قتلتها؟

• فاضل: خليها تصرط حبوب

(زينة تصفع عمرها لأنها حاسة بالذنب وتصيح صياح عليها .. لأنها حست بها اقرب من بنتها مي ..)

• زينة : اطلع برا !! اطلع !!

• فاضل: بس راد !! راد تراني .. ولا باخذ ميوه واتعرفين مثل ما جتلت الأولانية بجتلها ..

• زينة تزاعج : روحة بلا رجعه !! الله لا يردك !! (ويوم توّة مبطل الباب ..)

• الشرطي : السلام عليكم ..

• فاضل: عليكم السلام

• الشرطي : فاضل بن عبدالله؟

• فاضل: خير؟

• الشرطي : اتفضل ويانا ..

• فاضل: انزين ما عليه اسبقوني وانا احينه بييكم .. (وكان ميت من الخوف .. الحمدلله انه في شي يخوفه هالآدمي ..)

• الشرطي : لا تعال معانا القسم .. عندنا امر بالقبض عليك ..

(ويوم وصل القسم )

• فاضل: اعنبوا انا مب مسوي شي بلاكم؟

• الملازم : فاضل .. انته موقّع على بيع البيت صحيح؟

• فاضل: هيه نعم ..

• الملازم : والبيت احترق باللي فيه .. ومب مأمن ..

• فاضل: هيه انا ما يخصني .. جيه انا اللي حارق البيت؟

• الملازم : بس انته موقّع العقد ويا هالشخص ..

• فاضل: انا ادري واعرفه .. بس البيت احترق شو تبوني أسوي؟


(وكان المشتري حابكنها عدل ..)

• الملازم: اترد له فلوسه ..

• فاضل بانفعال: احينه انا اللي حرقته؟

• الملازم: محد اتهمك بالحريجة .. بس انته موقّع العقد .. انه قبل التسليم لو استوا أي شي في البيت من حق المشتري استرداد أمواله ؟ صحيح؟

• فاضل: متى هذا؟ (والملازم يراويه الاوراق ويراويه البند الموجود في العقد اللي ما شافه ويا سبحان الله كما تدين تدان .. وخصوصا يوم انه نهب حرمته غريبة والله راواه ..)

• الملازم: هذا توقيعك؟

• فاضل: هيه بس هذا غش يسمونه !!

• الملازم : انته خلاص وقعت .. وتقدر تتفاوض ويا الريال يتنازل ..هاكوه جدامك !

• فاضل: انزين بس انا صرفت الشيك خلاص شو الحل يعني؟ بتصبرون علية؟ بتصبر علية بوعارف ؟ دخيلك؟

• بوعارف: آسف انا ورايه التزامات وانته ما التزمت بشروط العقد..

• الملازم : اكتب شيك ..

• فاضل: كيف؟ حسابي مافيه شي يصفر !!

• الملازم : عيل كل واحد ياخذ جزاته .. خذه للحجز الحينه ... لين اييي حد يكفله ...

• فاضل يقاطعه : لا !! اعنبوا وين القانون؟ انا اقولكم !! بعطيكم بيزات زيادة اكثر عن اللي عطاكم بوعارف !!

• الملازم عصب : وترشينا بعد؟ لابارك الله فيك !! ودوه الحجز !!

(اما عند هندوه )

• هنود فخاطرها : انا وين؟ منو هاي الفلبينية؟ (واتأشر لها شو تبا؟ )

• الفلبينية : this will let you sleep

(ضربتها الابرة .. تمت مكانها .. تفكر بأمها ..)

• هنود فخاطرها : ليش تموت؟ أكيد أبويه جتلها .. ولا لأ يقص علية شرات ما طلعني هاكي اليوم من البيت غصب .. و يدي مات بعد؟ لالا هالانسان هب طبيعي .. وهالمستشفى مال الميانين انا اعرفه .. شفته .. الا اسوي حق حد يفازعني .. محد غير الجود .. (قامت اتدوّرفشنطتها عن التيلفون منيه مناك .. ماشي حد شل تيلفونها ..)الله ياخذك يا فضول !! (وتصيح صياح المظلوم بسبت الظلم اللي عايشتنه ..) محد بيصدقني .. بيقولون مينونة !! بس انا والله هب مينونة !! الله ياخذك انته ابوا !!! (وكانت تصيح بحرقة .. لين اتحس شرا النفضة وشي يتحرك ويهتز تحتها .. رنة نوكيا ..ياها الفرج ..)

• هنود : وييييه !! شو هذا؟ (وقامت متفاجأة .. فصخت عباتها .. التيلفون فمخباها .. دوم اتخشه فكندورتها ..) يالله يالصدفة .. ربي يحبني .. اللهم مالك الحمد والشكر .. (وهي بفرحة اترد اللحاف عليها .. بدون ما تشوف الرقم ) ألو؟

• راشد : أدري بتقولين ويهك لوج ..

• هنود تصيح : رشود إلحق علية بموت ..

• راشد اتغيرت ملامحه : شوفيج غناتي؟

• هنود: رشود أبويه فرني فمستشفى مال الميانين ..

• راشد: هنيد غناتي شو هالخبال؟

• هنود بعصبية : ما تصدقني تعال هالمكان بتحصلني هناك .. داخلة على الله ثم عليك اتطلعني .. جان في يوم من الايام حبيتني ظهرني دخيلك ..

• راشد: مستشفى الامل متأكدة؟

• هنود: والله هناك ..

• راشد : انا احينه ياي .. الله ياخذه هذا ابو؟ وشعنه ودرج هناك؟

• هنود: تراك انته رمسته وخربت الدنيا!! قال شو فايدتي !! امبونه ما يدانيني !! حتى انته !!

• راشد : لا تقولين جذيه .. انتي فأي غرفة؟

• هنود : مادري وين نفدوني ..

(ومن بند عنها لبس ثيابه وسار لها وهو خايف الا داير راسه والفكرة هاي مب داشة مخه غادية مثل مال المسلسلات بس ابوها يسويها دامنه كل تفكيره في البيزات .. خاف شي يستويبها ..)

• راشد في الموتر : انزين هي انسانة صاحية .. كيف جذيه؟ لا بركتن فيه ... (وخذ نص ساعة وخصوصا زحمة دبي .. ووصل ..) لو سمحت المريضة هند فاضل

• موظف الاستقبال جمال : هذي توها داخلة ..

• راشد : ممكن أشوفها انا ريلها ..

• جمال: لو سمحت وثيقة الزواج والجواز او الهوية ..

(وسار الموتر ويابهن ..دوم فار أوراقه الثبوتية داخل الموتر ..)

• راشد : هاكن .. جمال مبجج عيونه : الملياردير راشد بن سالم؟

• راشد : وخير يا طير؟

• جمال : اتفضل طويل العمر.. اتفضل .. ماله حاية الاوراق الثبوتية ..

• راشد : انا قلت ابا اعرف حجرتها ممكن؟ ولا أعيد الرمسة؟

• جمال: ان شاء الله طويل العمر .. أحينه انا روحي بوديك .. (ومن وصلوا يعني ما احتاج ورقة من الدكتورة ولا شي .. سيده وداه غرفتها ..)

• راشد: ان شفت آدمي يوايج على حرمتي .. نحرته تسمعون؟

• جمال والسيسترات زاغوا : ان شاء الله .. ان شاء الله ..

(ودق الباب .. ودخل بدون ما تسمحله بالدخول ..)

• راشد بند الباب : غناتي .. (وما حصلها الا ميوّدة ريوله حاضنة ريوله ..)

• هنود : والله ما تخليني .. والله يا رشود ان هديتني بكرهك لطول عمري ..

• راشد نزل لها : قومي يا بنت الحلال.. (وهو يبتسم ) احينه بيخلص كل شي ..

• هنود: احلف اول شي .. (وهي تصيح ومب طايعة اتهده )

• راشد : هنيد انا من متى اجذب عليج؟ قومي .. (ويخليها اتقوم ..)

• هنود: انا والله ما سويييي (ويصيح تيلفونه )

• راشد : كملي ..

• هنود شكت : رد ع تيلفونك .. (وكان راسها داير .. لأنه بدا آثار الابرة يهدها ..بس كانت مستحملة واتقاوم ..)

• راشد : مب مهم ..

• هنود: ميرة صح؟ حبيبة القلب ..

• راشد : هههههههه من زمان طاف عليها دهر هذي الجود اختيه ..

• هنود: اشوف راوني

• راشد: شوفي ..(وهو كان صادق ..)

• هنود مسكت ايده: رد عليها ..

• راشد فرحان : والله برد والله .. (ورد ) ألو؟ بلاج اتصيحين؟ (وكان زايغ واحمر ويهه ويطالع هنود وزاح احمراره ..واتساندت هنود على جتفه ) لا حول ولا قوة الا بالله العلي العظيم .. خلاف خلاف .. ما يخصج .. فمان الله

• هنود كأنها سكرانة : بلاها اختك؟

• راشد : انتي شكلج ما رقدتي .. طيحي .. طيحي ..

• هنود : حلفت بربي اللي خالقني انك ما تخليني ..

• راشد : عيّني من الله خير .. ورقدي انا بتم وياج ..

(وعند شمايل كانت يالسة تكتب ..)

• شمايل تكتب وتتكلم : مادري اليوم أي يوم .. بس عايشة فهالكم من يوم بدون ميود .. عرفت انه معنى الحب لازم مثل ما نعطي لازم بعد نحس به من الشخص الثاني .. وانا يوم عن يوم لازم اكون قوية وما يهزني ريح .. لازم اسمع كلام الدكتورة امل .. وأتبّع تعليماتها .. اذا اليوم اتذكرت ميود .. باجر بنساه .. وانا عمري ما بخلي ريال يسيطر علية .. اليوم الدكتورة كلمتني .. وقالت لي اني مب محتاجة أي دوا..اهم شي انها اتابع تطورات مرحلتي .. وخصوصا سالفة الاحلام والرياييل ..لازم اكون متفائلة وناجحة .. واذا واجهت عثرة لازم اتخطاها .. وحتى النتيجة بتسرني .. وقالت اهم شي اني اواضب على صلاتي ولا ما بيفيدني شي .. ولازم ايماني بربي يكون قوي.. يمكن اذا قريت كم من آية من المصحف ربي بيهدي سري .. وبتخف عني البلاوي ... انا قبل بس كنت اصلي الفروض وما افتح المصحف الا فرمضان ويوم الجمعه .. انا عقدت العزم .. انه المصحف ما يفارقنيوحتى لو يكون عندي وقت .. اهم شي اقرا بخلي الدكتورة .. اتدوّر لي حد يعرف يتلو بطريقة صح .. عشان اتلو وراها ..

(اما عند مي تصارخ من قمة راسها ..)

• مي: لاااااااااااااااااااااا والله خياس !! (ودشت زينة عليها ..)

• زينة: شفيج يمة؟

• مي: الشغل توهم مرمسيني !!

• زينة: إييييه شفيهم؟

• مي: طردوني من الشغل ما يبوني !! (وتصيح ) كله من ميود الخايس !! يعله الدمار !!

(اما عيسى )

• عيسى : ألووووووووووووووووووو .. يامرحبا بحسن ..

• حسن : عواس .. انا

• عيسى : شوبلاك؟

• حسن : ما ودي اخبرك بس لازم ترد البلاد..

• عيسى : جيه شو صاير؟

• حسن : امك.. الله يرحمها ..

• عيسى منصدم: شو تقول؟

دانوه
04-12-2008, 02:07 AM
حـراااااااااااااااااااااااااااااااااااااااااااااام ـ

مـنـسيووووووووووووهـ

دخييييييييييييييييييييييلجـ كمـلي

>___<

المنسيه
04-12-2008, 03:04 PM
(الجزء 76)

(تم عيسى ساكت وحسن يكلمه .. فر سماعة التيلفون .. وتم منصدم ..)

• عيسى فخاطره : أميه؟ غرووبة؟ (احمرت عينه ...)كيف؟ ليش؟ شو اللي ذبحها؟ أمايا انا؟ (قام بكل هدوء ودخل الحمام ويزاعج ..) أمي انا؟ ما لقيتوا تذبحون غيرها؟ هاي الهوا اللي أتنفسه .. وأحينه ما عندي هوا أتنصخه .. انتي نصخي .. انتي قلبي اللي يدق .. شعنه تودريني !! مابا شي من هالدنيا اباج انتي بس !! دخيلج ردي !! (ويصيح بضعف ..) خليتيني فدنيا وصخة !! مافيها أي خير.. انتي كنتي الخير كله .. ليش تودريني؟ (قام بحزم وغسل ويهه وخذ بوكه وموبايله وشرا المينون طلع وخذ تكسي وسار المطار .. وهو يرمس حرمة تحجز له على أي رحلة بس المهم الحينه اتطير الطيارة .. وخلص الاجراءات مال بسرعة .. حتى ثيابه ما خذهن وياه .. من اول ما ركب الطيارة ارتاح انه بيرد بلاده .. بس على شو يرد بلاده على موت امه فراقها .. قلبه عمره ما بيرتاح .. وأمه بعيد عنه .. تم يغمض عينه وكان حاس عمره شرا فدوامة .. وويهه أحمر ..) excuse me ..

• المضيفة : yes sir?

• عيسى :water please .. (وحس عمره ما يروم يتنفس .. ومصّدع لدرجة انه العروج فويهه مبيّنة ..)

• المضيفة : here it is .. oh my !!! sir? Do you need doctor?

• عيسى يهز راسه بصوت يالله ينسمع : yes

(وتربع المضيفة اتدور له على الاقل دكتور وطلع كابتن الطايرة هو الدكتور .. وسيده ياه .. وحط له مال الضغط ..)

• الكابتن: what happen to your arm?

• عيسى مايروم يرمس بس نطقها : shot

• الكابتن: your blood pressure is high .. what happen to you? (وعيسى يتويع من الألم ومب راضي يخبره عن أمه ..)

• عيسى : آآآآآآخ (ويمسك راسه ..) راسي بينفجر ..

• الكابتن : I'll give you these pills for blood pressure ..but you must not think of anything

• عيسى : ok ok

• الكابتن: and you must go to the hospital immediately, please sir, your condition is in danger..

• عيسى بعصبية :ok ok give it to me (ويصرط الحبوب بدون ما يشوف الحبوب .. وتم يتويع .. وويهه يحمر ويصفر .. لين مرّت صوبه حرمة سايرة صوب الحمام .. صدت بتبطل الستارة عشان تدخل الممر بس لمحت شخص تعرفه ..جد عالجته من قبل ..)

• الممرضة سارة : essa? What happen to you?

• عيسى: منو هاي بعد؟

• سارة : this is me .. did you forget me?

• عيسى:who? (وتحط إيدها على يبهته)

• الممرضة : wait a minute … (وقامت وسارت يابت عدّتها وسوّت له تحاليل فورية له ..)

• عيسى: شو تسوين يا حرمة؟

• الممرضة بجدية : ما أسوي شي !! (وهو انصدم انها عرفت رمسته .. وكانت تسوي شغلها .. اما عند هنود .. كان راشد متلخبط ..)

• راشد : ياربي شو اقول لها؟ امج ماتت؟ لالالا غلط !! انا اول شي لازم أظهرها من هالمكان .. بس خلها تنش .. الله يغربلهم أكيد عاطينها منوّم ... (وسار يلس عالكرسي .. وطاحت شنطتها .. سار بيلقّط أغراضها ..) شو ها؟ ( شاف شي ماله ..معطاي له .. كيف وصلها ؟) كتاب مريم؟ مذكراتها كيف وصلها؟ أكيد خذته يوم كنا في المزرعة يوم كنت مشغول في مراضاتها !! (عصّب ) لعيينة !! لهالدرجة وصلت مواصيلها ؟ تسرق؟ انا فشو قصرت وياها؟ معقولة لهالدرجة توصل الغيرة؟ بس انا احبها وهي تحبني ..انا سامع عن مرض الغيرة الجنونية بس جذيه !! (واتذكر اكبر مثال يوم صاح تيلفونه اليوم ) وييه يوم رديت عالجود !! ماتوقعتها جذييه !! (فر الدفتر عالارض معصب ..) دامنها نذلة انا بكون أنذل عنها !! تتحرى قلبي لعبة بإيدها !! خلها تشبع بالكتاب !!

(طلع ورّض الباب رضة .. منقهر متغصص .. اما عند قوم احمد .. وصلوا المستشفى دخلوا حجرة اليد .. وكان اليد مويّم ويقرا القرآن على راس ميود اللي كان طايح ع ثبان يده ويصيح .. وأول ما شاف اليد حرمته ميثاء ..دمعت عينه ..)

• اليد حمد : لا حول ولا قوة الا بالله (ومن سمعن بالخبر شموس وفطيم وهنوه خذن تكسي وعلى طول عالمستشفى ..)

(العيايز تمن يصيحن ويدعوا لها بالمغفرة والرحمة والبنات يصيحن .. اما مايد ..)

• مايد: والله لأجتله !! صبروا علية بس !! صبوا وانا روحي بجتله !! (شمسة دشت براشد تبا اتحطه على فراش اليد عشان يرقد ..) هاتييه (وقام وشل أخوه .. ويته الصيحة ) أحينه غدينا أيتام .. محد غيري انا وانته بس بنتجابل .. محد بيربيك غيري !!

• شمسة : لاتقول جذيه يابويه .. ونحن وين سرنا؟

• مايد معصب : انتي سيري ربي بناتج أول وخلي أخويه في حاله .. الله الغني عنج وعن بناتج !!

• اليد : حشم يا ميود !!

• مايد : جان علمت بناتها الحشمة ..وحدة مغازلجية ترابع ورا الرياييل .. والثانية اتخبلت !!

• شمسة : الله يسامحك يابويه !!

• مايد يزاعج : الجميع مب بس انا !! قمتي تتخججين على اهلج وعلمتي بناتج على هالشي .. هذي هي التربية ..وحدة فالتوه اللهم عافنا .. والثانية رافعه خشمها يعله الكسر !! طلعي برع وما يخصج بنا !!

(تم ميود في المستشفى عند يده .. اما الحريم ساروا يغسلون المتوفية .. كانت ميثاء اتشوف بنتها ..بس ملامحها ما تبين كله حروق سوداء وحمراء يعني معالمها ما تبين..)

• ميثاء: يالله ياقلبي !! الله يرحمج يالغالية .. كنتي تبين الحياة .. لكن ما نقول غير حسبي الله على اللي كان السبب ..

(واليوم الثانية الصبح ..عند الدفن في المعشرة كانوا يحفرون بعدهم ما حطوها ... كان موجود)

• عيسى : السلام عليكم ..

(كل الرياييل منصدمين .. صد ميود يطالع هالصوت هب غريب عليه )

• اليد حمد منصدم : لا إله الا الله !! الله أكبر !!

• مايد منصدم اكثر : يالله سترك !! عواس؟

دانوه
04-12-2008, 04:16 PM
كمـليييييييييييييي

>______<

المنسيه
04-12-2008, 09:04 PM
ما بكمـل الا اذا شفت تعليقات ع القصهـ ~

يعني توقعاتكمـ ~

وتعليقاتكمـ .. شو عيبكم شو ما عيبكمـ

وعقب بكمـل ^__^

دانوه
04-19-2008, 02:47 AM
دخيييييييييييييييلج كمـلي

ماشـي تعـليقـات

يلااااااااااااااااااااااا

المنسيه
04-21-2008, 08:04 PM
(الجزء 77)

• واحد من الرياييل: يالله سكني في النهار !! يالله القيامة قامت !!!

• عيسى: عيّن من الله خير..انا ما مت ..

(مايد يتقرب من عيسى وقلبه يدق زايغ ..)

• واحد منهم زايغ :ميود لا اتدقه ياخي بيحرقك !!

(وكانوا صدق زايغين )

• مايد مسك عواس : عيسى؟ أخويه؟

• واحد منهم : والله اني ما كنت أصلي لكن التوبة ثم التوبة !!! والله لأصلي خلاص التوبة !! يالله تغفر لي !!

(وكان حسن يطالع عواس منصدم )

• حسن يتكلم ويا عمره: ويييه يا عواس جيه تي ؟؟ اوووف !! منوع !! (ويتصل بمانع ) ألو؟

• مانع: هلا والله ياي .. عند الاشارة واصل ..

• حسن : أقولك .. رد البيت ..

• مانع : ليش؟ شو مستوي؟

• حسن : ماشي .. بس غيروا المعشرة ..

• مانع: وأحينه ؟ شو الحل؟ بلحقكم عيل ..

• حسن : خلاص دفنوها عيل يتريونك؟ انته روّح البيت .. وانا بييك ..

(عيسى سيده حضن أخوه .. ومايد دقات قلبه تزيد ..)

• مايد : أميه اتوفت من صوب ..وأخويه رد لنا من صوب الثاني .. شفت أميه ؟ شفت شو استوابها؟

• عواس محمر ويهه : خلنا ندفن الغالية .. (وزاد عليه الضغط ..بس ما بيّن لهم .. كانوا يدفنون غريبة .. وكانوا شالينها اليد وعيسى ومايد .. وباس عيسها باللي ملحفينها به .. وقروا عليها وهم مروحين .. ) قلبي بيظهر من مكانه .. (ويصيح )

• مايد : عيل انا شو اقول ؟ كانت مجابلتني .. وغبت عنها كم من يوم .. وطاع شو استوا بها ..

• عواس: 100 سؤال في بالكم أدري .. بس خلنا نرد البيت .. دخيلك .. والله واصل حدي ..

• مايد: أي بيت ياخويه ..بيتنا حرقته الضو بقى شي عندنا بيت؟

• عواس منصدم: شو تقول؟

• مايد: عيل امك كيف اتوفت كله من الضو ... كانت اتدخن غرفتك ... البشكارة علمتنا .. اتحريتها متولهه عليك ..

(وتم اليد يخبر عيسى باللي صار وهاكي ضاربتنه الغبنة ..)

• اليد: ما قول غير الحمدلله والشكر .. الحمدلله ..

(وهم مروحين حاطين على إذاعة القرآن ..وكل فترة يصد ميود واليد ورا يتأكدون انه صدق ولا لأ.. ومن وصلوا بيت اليد يلسوا في الميلس يستقبلون المعزين .. في منهم اللي ينصدم من يشوف عواس .. وفي منهم مايدرون شو السالفة .. لين حزت الغدا .. وروحوا الحريم والرياييل .. وكانوا في الميلس وبيسيرون الصالة ..)

• اليد حمد: هود !! هود!!

• ميثاء : هدا .. هدا .. اقربوا .. (وكانن العيايز ميّلسات .. والبنات بعد .. ورشود ويا فطيم يلعب ..)

• عواس: السلام عليكم..

• شما تزاعج: اللهم سكنهم في مساكنهم .. ( وحطت إيدها على قلبها من الزياغ ..)

• نشبة تزاعج وترد على ورا: سكني والله سكني !!

• فطيم ردت بإيدها على ثمها منصدمة : عواس؟

(واتجدم عواس ويحب العيايز على روسهن بس ميثاء قلبها ارتاح يوم شافته كانت تدري انه حي غريبة خبرتها ..وسار صوب فطيم ويدق قلبها زيادة بشوفته .. حط عينه فعينها .. خذ عنها رشود بدون ما يلمس ايدها ..)

• عواس: بسم الله عليك .. رشود؟ فديتك يا ربي .. (وقام يحببه ..) نحن سايرين فوق نرتاح ..صح رويشد؟ (حتى ما خلاهم يتكلمون من الصدمة .. اما عند حسن ..)

• حسن يرد على منوع في التيلفون : ها منوع ..

• مانع: وينك ياخي خيستني وانا اترياك ..

• حسن : كانت عندي شغلة ..

• مانع : شو مستوي عندك؟ لهجتك غير ...

• حسن : لا ماشي .. بكلمك خلاف خلاف

(ومايد خبر عواس بالسوالف اللي استوت .. الا خبره عن خواته ..)

• عيسى : امبونها ميوه وصخة مب توّها !!

• مايد : شدراك؟

• عيسى : منو عجاني فهالمحنة غيرها !! صدقني كل واحد بياخذ يزاه !!

• مايد: ليش في حد غيرها ؟

• عيسى : اثنينه زيادة ..

• مايد : وخواتك؟

• عيسى : العودة هب اختيه .. بنت العراقية .. اما هنود .. روحي بييبها وجان في شاربه خير يرمس !!

• مايد: نحن أحينه رياييل البيت !!

• عيسى : حتى ما فكر إيي يعزينا فأمنا !!

• مايد : شو اتحرى؟ هذا أبو هذا عدو !! الله ياخذه ..

(تموا يرمسون .. وعواس من دخل الحجرة ما ظهر منها الا على المسيد ويرد .. وتموا على هالحالة 3 أيام ..3 أيام لا يتهم زينة ولا مي .. وأما هنود .. كانت كل ما توعى تحس عمرها شرا المخدرة .. وتيها الفلبينية وتضربها بالابرة تخدرها لمدة 3 أيام على هالحالة .. وفطيم تحاول بأي طريقة تكلمه .. بس ما شي فايدة .. يطوف جدامهم .. يعج السلام .. ويروّح فوق.. وهو راد من صلاةا لعصر .. ويحس بإيد على جتفه ..)

• فطيم : عواس؟ (وهو حس برعشة )

• عواس صد صوبها وابتعد شوي : نعم؟

• فطيم : عظم الله أجرك ..

• عواس: أجرنا وأجرج .. الدوام لله ..

• فطيم : اترياك فساحة البنات ..بعد ربع ساعة .. (تبتسم وتسير داخل صوب نشبة ..)

• عواس يبتسم : أسميها ياهل .. لا حول ولا قوة الا بالله .. (وروّح داخل ..ويوم شافته فطيم .. استحت وسارت المطبخ ..) هههههههه مسكين حالها !!! (ويرد ع تيلفونه اللي يصيح ) مرحبا .. هلا بطويل العمر .. لا أبد .. بس عندي شغلة في دبي .. وفي الليل بفضى ان شاء الله .. وين؟ وين؟ .. وين هذا؟ هيييه خلاص اتفقنا ... (وفطيم ياية اتطير وفإيدها رشود )

• فطيم بلهفة : عواس !! عواس !! شوف !! (وكانت شالة رشود ..) رشود حبيبي .. (وحطته عالأرض ..)

• عواس:بلاه في شي ؟ ميهود؟

• فطيم: طاعه !! حبيبي رشود تعال ... (وكان توّة يخّطي كم من خطوة ..وطاح عالارض ..)

• عواس يبتسم ويشله: بسم الله عليك .. غديت ريال هاااه؟؟

• فطيم : يبالنا اننثّر عليه حلاوة !!

• عواس بجدية :أجليها نحن فعزا ..

• فطيم : انا بترياك فهالمكان .. ابا اقولك شي ضروري ..

• عواس: يصير خير ..

(وطلع وهي استبشرت خير .. يوم انه ظهر .. معناتها انه سبقها لهاكي المكان .. وهي حليلها خذت الأذن وقبضت الباب وسارت الساحة ..)

• فطيم وصلت : وينه؟ ليش ما ياء ؟ ( تمت ربع ساعة تترياه ) معقولة حركة خساس اتسويها فية؟ ( وبعد نص ساعة .. كان ميود مار ..)

• مايد: فطوم؟ ( ويزاعج ) فطوم؟

• فطيم تزاعج: أسمعك.. شو تبا انته بعد !!

• مايد : شو تسوين هنه روحج؟ ما اتوبين كم من مرة اقولكم لازم حد وياكم !!

• فطيم : بس محرمي ما ياء .. الا خساس يسوي فية ..

• مايد : منو؟

• فطيم: أخوك !! حد غيره؟ (وتلف شيلتها عدل وتتغشى ..) انا مروحة البيت ..

• مايد : انا بوديج !!

• فطيم : روح لاااه !! لا توديني ولا أوديك استريح !! فمان الله .. (وردت البيت وهي تصيح ..) انا استاهل اللي إييّني ..

• مايد يتصل على عيسى : وينك انته؟

• عواس: انا ساير دبي شعنه؟

• مايد : أخخخ عليك .. شو مسوي بفطيم؟

• عواس : بلاها النعّارة؟

• مايد : شفتها في استراحة البنات روحها وتصيح .. ياخي خاف الله .. لا تسوي جذيه بالبنية .. تراها تباك ..

• عواس :أقول ميود خل عنك المواعظ .. انا مب فاضي لك .. من أرد ان شاء الله لي كلام وياك .. وأحينه قولي وين مكان حرمة أبوك؟ (ويدليه المكان وعقب ساعتين ..) السلام عليكم.. ماما موجودة؟

• البشكارة : إيييه ..

• عواس :وأرباب؟

• البشكارة : أرباب داخل سجن..

• عواس منصدم : شوه؟ السجن ؟ جيه؟

• البشكارة : مادري ما أرف !!

• عواس: زجري مدام ..

• البشكارة : انته روه داخل .. عادي .. (ودخل ..)

• عواس: عادي ؟ عادي !!

• البشكارة : اتفدل بابا .. ماااامااااه في ريال يبي انتي !!

• زينة : منو؟ إش يبي؟

• عواس: انتي ام مي؟

• زينة : خير؟

(وعواس يطالعها من فوق لين تحت مستغرب منها ..)

• مي كانت وراه تغني : يا حبيبي ليش تتغلى .. ياويلي من هالمزيون اللي عطني ظهره ؟ ( صد عواس وراه يشوف مي ياية من برع انصدم من شكلها .. أما مي اللي كانت مترنحة اتيبست مكانها .. وحسّت الدم فجسمها وقّف وما يوصلها ..) ع ..ع .. ع.. عواس؟ (تمت تتنافض ..)

• زينة : شفيج؟

(مي توّها بتشرد وإيوّدها من كشتها قبل ما تشرد ..)

• عواس : وين سايرة؟ بتشردين؟ ههههههههههه يا حافظ عليج !! .. شو هاللباس؟ لالا اتطورت الدنيا .. لا الدنيا عندكم كلها يا هل دبي ...

• مي: عواس انا ما كنت مادري ... مااااا .. مااا .. والله .. ماااا (ويدفرها وتحصل صفعة اتعجها عالأرض .. خلا أذنيها تنصمخ .. كان طراقه ولا فأي ضرابة .. كانت أقوى ضربة عنده .. حتى سطارها غدا أحمر .. ) آآآي !!!!

• زينة معصبة : وانته شكو؟ إيش تريد !! اطلع من بيتنا لأبلغ الشرطة !!

• عواس : يالله بلغي .. انا اتريا .. ههههههههه خسيسة شرا أمج !! بتستوين الا رقاصة فمراقص شراتها !! تف عليج من بنت شوارع !! انتي هب أختيه !! (ويمسكها من شعرها ..) تسمعين؟ هب أختيه .. اتهبين اتكونين أختيه !! لا بارك الله في الساعة اللي يابتج فيها !!!

أتريـــــــا التعليقآآت ><

أم قصايد
04-22-2008, 12:50 AM
• عواس : يالله بلغي .. انا اتريا .. ههههههههه خسيسة شرا أمج !! بتستوين الا رقاصة فمراقص شراتها !! تف عليج من بنت شوارع !! انتي هب أختيه !! (ويمسكها من شعرها ..) تسمعين؟ هب أختيه .. اتهبين اتكونين أختيه !! لا بارك الله في الساعة اللي يابتج فيها !!!


قووووووووووويـــــــــه>< نتريـــــــــــــا التكملـــــــــــــــه غلايـــــــــــــــه^__^

المنسيه
04-23-2008, 11:50 PM
(الجزء78)

(وهي تصيح من الويع .. وتحس عمرها تحلم ..)

• مي : والله آسفة والله !!

• عواس مسكها من شعرها اللي استوا كشة من الضرب والمط عشان توقف : قومي قومي يالمذيعة !! (ويزاعج ) هنود !! هنود !! وينج ؟ انا عواس !! (وهو يتلفت متوقه انها تظهر فأي لحظة ..)

• زينة تمسكه وتتوسله عشان يهدها : الله يخليك ودرها !!

• عواس يدفر زينة : مالت عليج !! لا تدقيني يالوصخة !! (ويكلم مي ) لا فكرتي بأمج !! اللي ربتج واللي خلتج تغدين حرمة .. الله يرحمها .. فيج انتي؟ ما عرفت اتربي .. ودوم كانوا يقولولنا لا تربون النغل !!! وانتي النغل بعينه !!!

• مي: عواس !!! دخيلك لا تقول جذييه !!!

• عواس : ما تنطقين باسمي.. أظني بعد ما اتعرفين شي اسمه صلاة دامج مفصخة جذيه !!لا بركتن فيج ولا فأمج !! سمعيني عدل وخلي هالشي حلقة فأذنيج يالبقرة !! انا مب عيسى الأولي .. الطيب .. يوم بتشوفيني لازم تتحذرين مني .. ان شفتج في مكان عادي تيج صفعه .. أدوسج فبطنج .. بس كيفي !! ياء في بالي أكون نذل وياج .. (ويعطيها ع راسها ويبتسم ) مثل الحينه !! (وهي تتنافض والدموع ينهمرن منها ..) هههههه أحينه اتطالعيني بنظرة وغادة؟ ما خفتي من ربج يوم عجيتي وجايتج وعباتج؟ ما خفتي وقلتي ربي بيحاسبني ..وورايه اخوان وخوات وأهل !! ما خفتي وقلتي في مليون ألف واحد يطالعني هالحزة وانا كشفة !! ولا ما وراج حد؟ هاااه؟بنقول درستي التخصص اللي تبينه واتعلمتي واتخرجتي عقب زور وشدة ويوّدتي شهادتج ..لكن ما منعناج عن الشغل .. تطلعين تتكشفين لرياييل وفي التلفزيون !! سمعيني يا بنت العراقية وجهة رايج ؟؟

• زينة : يا أخي خلنا في حالنا .. اللي فينا مكفينا !!

• مي فخاطرها : ليش يا عواس ؟ ليش تسويبي جذيه ...

• عواس : أقول انتي انطبي لأصكج كف يصك نطعج !!وينها هنود ؟؟ (ويزاعج ) وينها ؟؟ (اثنينتهن انتفضن من صرخته )

• زينة : أبوك مدري وين وداها !!

• عواس يصرخ بهم وفنفس الوقت منصدم : كيف يعني؟؟

• زينة : خذها معاه مكان .. بس ما نعرف وين .. صدقني ..

• عواس: عاد اللي يقول بصدقج .. ( دفر مي .. وطاحت عالارض مرة ثانية .. وتحس بوّيع فظيع ...تمت مكانها ما تتحرك .. منصدمة .. مندهشة .. محد يعرف شعورها هذيجي الحزة .. وهو سار يدوّر على هنود في الحجر ..) هنود؟ يا هنود!! هنود؟؟؟ والله ما منكم أمان أكيد جتلتوا أخيته !! لكن والله ما أخليكم في حالكم !! ( وسار الطابق اللي فوق وما خلا مكان وما حصلّها وحس بالغبنة ..) صدقيني يا ام مي لأراويج الويل ان ما قلتي وين أختيه !!

• زينة تترجاه : ماعرف شمدريني .. اسأل ابوك هو اللي خذاها كفاية ضميري !!

• عواس : ضميرج ولا ضمير أبوج !!طزز !! انا بسير عند ريلج هالجلب وحسابي وياه !!وعلى فكرة لا ترقدون لأنه ببلغ عنكم وبتشوفين بعد .. (وتوّة بيبطل الباب .. حس حد ماسك ذراعه يسحبه على ورا ..)

• مي وعيونها كل دموع ورجا : ودني وياك ..

• عواس صد وطالعها بطرف عينها : بنات المراقص مالهن مكان عند العرب والجبايل المربايين عن تخربينهم !!

• مي : دخييلك عواس .. بغدي بشكارة تحت ريلك !!

• عواس يبتسم : صدق؟ كم تبين معاش؟

• مي : مابي معاش .. ابي أعيش عندك .. ماروم .. من شفتك محد بيحس بي غيرك ياخويه !

• عواس : ههههههههههه ضحكتيني (ومسك ايدها ينزلها عن جتفه ) بعيد يالنجسة !! انتي هب أختيييه !!

• مي تصيح : من متى اتريا اليوم اللي ايي فيه واحد من اخواني ويهزبني بس من قالوا لي انك ميت خلاص حسيت اني خسرتك واحينه يوم شفتك ردت لي روحي ياخويه .. خذني وياك .. انا بعيش الا على رضاك .. (وتصيح ماسكتنه ) خذني اقولك !!

• عواس: جاب !! عنلات صيرج .. (ودفرها بقوة وعجاها عالارض ..) خلّج عند أمج اتعلمي الدمار على أصوله .. (وروح ومن ركب الموتر ) ليتني ما قلت جذييه .. انا انسان مؤمن وأصلي وأقول حق أختيهه جذييه؟ يالله تسامحني .. يالله تسامحني انا قاصد هالشي اباه تحس بالعذاب اللي حسيته .. الله يهديها ويرد لها عقلها .. (وعيونه محمرات من القهر.. وسيده سار الشرطة وسأل عن مكان أبوه بس هالمرة الحظ ويا مانع لأنه ما ياء كانوا طالبينه ف لأنه يشتغل في المكافحة ويبونه يثبت انه العملية كلها من صوبهم .. لو كان موجود جان استوت الحفلة على اصولها .. ودخل بوفاضل )

• فاضل منصدم : عيسى؟ ك ك ك كيف؟ (ومبجج عينه ويطالع الشرطي ) ليش؟ بسم الله .. اللهم سكنهم في مساكنهم حضرة الضابط اتشوف اللي انا اشوفه؟

• الشرطي: هذا ولدك ..

• عيسى تم يالس مكانه :عن المشاعر الزايدة وين أختيه؟

• فاضل انصدم : قوللي انته .. كيف جذيه؟ أعوذ بالله..

• عيسى مسك ابوه من ثيابه : انته اللي قوللي وين ودّيت أختيه؟ وين؟

• فاضل: بعيد عن ويوهكم !! اصلا هي راضية ..

(وعيسى سار تفكيره بعيد انه يشغّل هنود فشي هب زين ..)

• عواس: انته ابو انته ؟؟ انته عدو!! الله ياخذك وينها !! وينها اقولك ؟ ولا أرتكب فيك جريمة ..

• فاضل :عجيتها فمستشفى الميانين (و يت فاضل ضربه على ويهه .. على خشمه اللي نزف ..وطلع عواس وهو ضارب عنده الجايج ..)

• عواس: آآخ ايدي !! الله يعينج يا اختيه .. اكيد بهدلج تبهديل .. عيل وين هذا اللي يسمونه ريلج ؟؟

(وعند راشد في الموتر ويا اخته يوّديها بوظبي ..)

• راشد : أيام مرّن ..

• الجود : عيل شو اتحرى؟ هذا الوله بعينه . سر راضها ..

• راشد فخاطره : لو تدرين بس .. احس اللي سويته حركة نذالة ... بس اللي سوّته بعد ما ينغفر لها.. عقلي وقلبي يقولولي على شي سخيف ؟ شي ما يستاهل .. تتغلى عليها ؟ بس ياربي ما لقى التغلي إييّني الا حزة ما هي محتايتيني؟ ماشي غير اني أأ

• الجود قطعت تفكيره : حوووه !!حوووه !! فشو اتفكر؟ شوف جدامك طريج !!

• راشد : هاااه؟ لا ماشي ..

• راشد فخاطره : لازم أرد لها وأساندها فمحنتها .. بكلم المستشفى بسألهم عن حالتها .. وباجر بإذن الله بسير لها (ويتنهد ) يالله تولهت عليها وعلى لسانها اللي دوم يواجعني .. أحبــها .. يبالي أطالع مرحلة علاجها من بعيد ... بدون ما تلاحظني يمكن تتقبلني خلاف ..

• ضميره يتكلم : أحينه توّك حسيت بها؟ وينك عنها يوم هي محتايتنك ؟ أحينه لازم نصفق لك على الرجولة .. اللي كانت خرطي .. فيوم من الايام ..

(وبعد ساعة كاملة وصل عيسى المكان المنشود ..)

• عيسى : لو سمحت المريضة هند فاضل ..

• جمال: لحظة شوي .. (وبعد ثواني .. ) هند فاضل ؟ هند فاضل ؟ هند فاضل .. اممم ما عندنا بهالاسم هني ..

• عواس : انزين شمااااي .. قصدي هناء ..

• جمال يدوّر : موجودة فغرفة ... بس لازم تمر على الدكتورة أمل ..

• عواس: أي طابق غرفة هناء ؟

• جمال : الثاني .. ما بيخلونك تدخل الا بتصريح ..من الدكتورة أمل ..

• عواس يطلع له بطاقة الهوية ماله : يرضيك؟ مكافحة .. ابا استجوبها عن الحادثاللي صار من فترة ..

• جمال: قصدك عن الباكستاني اللي انتحر ؟

• عواس: هيه

• جمال: بس محد وياك ؟

• عواس : تبا المكافحة يداهمون المكان مرة ثانية؟ عشان حضرتك ما شفت حد ويايه ؟ مب شرط .. يالله دهديه راوني اللفت .. (ودلاه ا لمكان وسار الطابق الثاني وهو توّة طالع من اللفت ..)

• هزاع يدندن ويمشي :همممم هممم همممم هممم (وكان هزاع طالع من غرفته يمشي في المدخل وعواس طالع من اللفت ودعمه هزاع ..بدون ما يشوفون بعض ) اوووب سوري مب قصدي والله..

• عواس رفع نظره يطالع منو اللي دعمه وفخاطره : هالجلب موول ما ينّسى وأحصله جدامي؟

(هزاع عيونه اتخونه وقلبه بيطلع من مكانه وعيونه صغرت من شافه)

• هزاع يالله يالله رام ينطق : ع ع ع ع ع عيسى؟

دانوه
04-25-2008, 12:08 AM
اويييييييييييييييييييييييييييييهـ

منـسيوووووووووووووووووووووووووتي والله بمـووووووت

دخـيييييييييييييييييييلج كمـلي

دخيييييييييييييييييييييييييييييلج

>__<

المنسيه
04-25-2008, 12:34 AM
(الجزء 79)

(اما عند الحريمات )

نشبة كانت موّيمة مب على بعضها : اتعرفون يا بنيات؟

ميثاء : خير؟

نشبة : اتذكرون سيرتي عند زرب الهوش يوم طمحت؟ صدقوني جنه ربي يحذرنا ..

شما : من شو يحذرنا؟

نشبة : من كل شي .. يعني الياثوم اللي ياني كان شرا التحذير وكان في محله قلت لكم قلبي منقبض وما صدقتوني .. واتوفت غريبة .. بنّيتي .. (وتصيح نشبة متغصصة ) هاي انا اللي مربتنها هالبنية على ايدي ..

ميثاء عيونها يغرغرن من الدموع : لا تزيدين يا نشيبة .. انا قلبي ما يستحمل ..

نشبة : حتى رشود حسّه اختفى ما قام يضحك شرات اول طاعيه

ميثاء بعصبية : شو تبينا انسوي؟ نطلع امه من التراب ونراويه ؟ ترا نحن اللي بنربيه منو غيرنا !!

نشبة بجدية : بطلي عينج عدل !! وينه هو؟

ميثاء : ويا ميود ..

نشبة : لا تتحريني مدحوبة ولا ما افتهم !! يوم ابا بفهم .. طاعي عيال غروب كيف غدوا !! كل واحد أوغد عن الثاني .. قلنا عواس الشيخ رد لنا والله حفظه من كل شر طاعيه رد بشحمه ولحمه وقلبه غادي شرات الحصا .. وهذاكي ميود مسوي عمره ريال وبيربي أخوه .. طاعيه جان حد دق رشود شو بيسوي !! ياهل بيكمل سنتين ينترك ويا صبي؟

مايد كان واقف وراها : ماحيدني صبي .. أحيدني قد المسؤولية ..

نشبة صدت منصدمة صوبه : ميود؟ من متى انته هنه؟(وكان شال رشود .. اللي كان يلعب بشعره )

مايد : يوم طلّعتي اللي فخاطرج (ويبتسم ) الله يسامحج يا امايا .. انا مب قصدي هذا .. كل واحد له حياته وهمومه تكفيه وانا ماعندي هموم .. خليني أكون مسؤول عن اخواني .. دامنه الابو ضميره مات من زمان خلوني انا اللي بربي رشود أحسن تربية.. صدقوني انا مب ميود اللي يلعوزكم من زمان .. بكون قدها .. ابا الناس تطرينا بكل خير .. (وتحمر عيونه ) مع هذا انا ورشود وعواس كلنا اخوان .. (وحباها ع راسها ) سامحيني يالغالية ..

(وفمستشفى الامل )

عواس : موتك على ايدي !!

(ومسكه من رقبته بإيد وحدة )

هزاع : دخيلك .. الرحمة .. طالبنك بالرحمة !!

عواس : تستاهلها؟ ما اظن!! (وكان هزاع محمر ويهه ما يروم يتنفس ) أي رحمة !! رحمتني انته؟ خلني اتذكر همممم ما اظن .. (وكانت شمايل طالعه من حجرتها .. ولقت هزاع لاصق عاليدار وريال ماسكنه من رقبته )

شمايل : هزااع !! (صد عيسى يطالعها وودره .. بس هزاع طاح عالارض مب حاس بعمره ) عواس؟ انته حي؟ (وتتقرب منهم ) هزاااع؟ هزاااع !! قم !! دخيلك قم ..

عواس مسكها من ثيابها عشان ما يستاثم : شمايل ان دقيتيه بجتلج !!

شمايل تصيح : شو سويت به ؟ ذبحته؟

عوس: حي مامات !! قطو !! لكن حقي وباخذه من كل واحد آذاني !! طوفي جدامي ..

(وكان هزاع مرمي عالارض لا حول له ولا قوة .. ومشت شمايل وياه منكسرة الخاطر .. ولا حد من المستشفى قدر يوقفه عند حده وخصوصا لأنه من المكافحة .. ويوم ركبوا الموتر ..)

شمايل : ليش ييت خذتني؟

عواس : انا ياي أخلصج .. بنت العرب ما يوّدونها هالمستشفى .. البنت المريضة يوّدونها عيادة نفسية .. وأهلها حولها مب فارينها بعيد عنهم ... شو من العلاج هذا؟ هذا الخبال بعينه !!

شمايل: عواس .. مادري ليش .. بس حسيت انك طحت من عيني

عواس: ما عشتي المعاناه اللي عشتها بس الله يسامحج .. يمكن يوم من الايام تفهمين .. شمايل ..

شمايل : نعم؟

عواس : جهزي عمرج باجر ..

شمايل : وين؟

عواس: ما يخصج .. جهزي عمرج بس .. شمايل ؟ (وكانت سرحانة ) شمايل ؟

شمايل : هاااه

عواس : اتولهتي على ميود ؟

شمايل عيونها تدمع وتطالعه : ولا ذرة !!

عواس : شكله حبّج نقص

شمايل : تقدر تقول جذه .. (وهي مترددة ) وهو؟

عواس : من فقد الغالية وهو معتفس ..

شمايل احمر ويهها : منو هاي؟

عواس: غريبة امايا .. (وكان يقول اسمها ويحس قلبه يعوره ..) آآخ يا غريبة .. (وكان يسوي عمره قوي .. بس نقطة ضعفه هي امه )

شمايل: بلاها خالوه؟

عواس: اول شي بسألج في بنات وياج في المستشفى؟

شمايل: لا مافي أي بنات غير الممرضات

عواس: كيف جذيه؟

شمايل: انا الوحيدة هناك

عواس يضرب ايده عالسّكان وشمايل قفزت وفخاطره: الجلب طلع يلعب علية والله لأراويه وانا قلبي ما بيرتاح لين احصلج يا هنود وأفكج من المصايب هذي!!

شمايل: عوس بلاها خالوه؟

عواس: اتوفت ..

شمايل: شوووووه؟؟

(اما عند مانع ... )

مانع: هلا .. منو؟ المستشفى؟ خير؟ هزاع؟ بلاه؟ بس انا حرمتي توها مربية .. انزين انزين بييي ... خلاص اوكي .. ان شاء الله ان شاء الله ..

(وكان حزتها عواس يطرش مسجات لسعيد .. عشان اذا يعرف حد في المستشفى ..يستفسر عن هالشي لأنه ما قدر يتكلم جدام شمايل عن تنتكس عليه ..وعند فطيم ..)

فطيم : انا لازم ما اخليه والله .. انا احبه ولازم يرد عواس الجديم الحبوب ..

(وبعد 3 ساعات من الصياح والغبنة وصلوا ليوا وكانت شمايل تتنفس بصعوبة .. واتطالع انها قريبة من بيتهم وقلبها يدق ..)

شمايل تمسح دموعها : اخاف امييه

عواس: خليني انا بتصرف

شمايل: اميييه عصبية وايد

عواس : وانا اخس عنها ..

شمايل: واذا حاولت اتردني لهاكي المكان ؟

عواس: مستحيل اتعرفين شو معنات مستحيل.. يدي يقولج لو ودتج انا بردج لكن بتردين وبتسكنين عندنا

شمايل: يدي يدري؟

عواس: طبعا يدري .. عيل ليش جذيه بيقول؟

شمايل: ودني بيتكم

عواس: زين..

(ويوم وصلوا كان عيسى يدخل الموتر داخل وكان ميود يترياه .. )

مايد: برمسه عن امايا نشبة .. (وكان متوّجه صوب شمايل ..طبعا مخفي ما يدري .. انه آدمية داخل ويا عواس ..)

شمايل: اويييه ياي ياي ميود ياي !!!

عواس: صبري لا تزيغين .. (وبطل الباب ..)

مايد : اعنبوا دارك شو هالتأخير؟ (وبطل عينه عالآخر ) شمايل؟

عواس يضحك: شو رايك؟ مفاجأة حلوة؟ (شمايل احمر وييهها منحرجة .. )

المنسيه
04-25-2008, 12:35 AM
(الجزء 80)

مايد : شمايل؟ اح اح كح كح كح (ويكّح شرقان )

عواس : شرق شرق .. دحيه !!

شمايل: لا يابويه أستاثم !! (وعيون ميود محمرات من الشرقة .. وصد الجهة الثانية ..)

مايد: يالله يالله يالله .. (ويحج عيونه يبا يتأكد انه ما يحلم ) ليش ييتي حضرتج؟

شمايل : كيفي !! انته شعليك؟ (ونزلت من الموتر ) ولي أمري ؟؟

مايد : هيه ولي أمرج !! مب عايبنج؟

شمايل : لا والله ولي امري؟ راوني جوازك ياااااااا ولي امري .. (وفيها ضحكة بس ماسكة عمرها )

مايد يسوي عمره مب مهتم : ما اهتم لكلام يهال .. سيري سيري داخل يالله ..

شمايل: ياهل فعينك .. قليل الادب .. (وعواس راكب عالموتر يطالعهم .. وصورهم مستانس ..)

مايد : انا قلت سارت دبي وبتحلو البنية زيادة .. أشوفج الا رديتي خسفة وقصرتي بس لسانج طول اخافه يطيح .. اشوف بطلي حلجج .. بطلي !!

شمايل اتطل لسانها تعايب عليه : آآآآآآآآآه

مايد : وابويييه إلحق عواس طاح لسانها عالارض ..

(شمايل ومايد يطالعون بعض )

شمايل ومايد : ههههههههههههه (وهو يطالعها باعجاب )

عواس : إإييييه الجني والعطبة ... (وكانت فطيم توايج اتطالع منو ياي وتنصدم وتبطل الباب وتربع برع)

فطيم تزاعج : واااااااااع عيوني تخونني شماي ........ شمايل .. (ويتها الصيحة .. هم زاغوا من زعجة فطيم )

شمايل حطت ايدها على قلبها : اميييه بسم الله !! (مايد وعواس يطالعونها )

فطيم : وااااع شمايل حبيبتي .. (وتربع صوبها )

عواس يكلم عمره : واع بعد ليش؟ أكيد بتزيغ البنية .. (وحاط ايده على ثمه يضحك بشويش عشان ما تشوفه فطيم )

مايد يطالعها منصدم : يابوج روعتينا !! ليش هالواع بعد؟

فطيم اتطالعه بتكبر: تكملة برستيج بلاك انته؟ (وتزاعج ) طلعوا !! طلعوا !! أمييييه طاعوا منو ياينا !! طاعوا !!

(وكان عواس لأول مرة يشوف العفوية من فطيم .. وخلا شمايل وياهم وشمسة طبعا ما تدري .. وسار الميلس عند يده ..)

عواس :السلام عليكم بوغريبة ..

حمد:عليك السلام والرحمة .. ها بشّر؟ عسى الامانة وصلت؟

عواس: الامانة ويبتها لك ..

حمد: والامانة الثانية؟

عواس: باجر بنتوسع وبندوّر عليها .. لأنه هب محصلينها ..

حمد عصب: اعنبوا جيه درّية هب محصلينها ؟ ويد وداها فضول؟

عواس: انا مستهم وهذا مب ابو .. باجر برمس ريلها ..

حمد: رقمه ظنتيه عند ميود .. شر هاته دهديه ..

عواس: ان شاء الله (ويدق باب الصالة ) احم ..هود هود ..

نشبة تمسح دموعها : حدا حدا .. (الهاء ما تروم تنطقها من الصيحة ..)

عواس يبطل الباب : ويييه بلاكن؟ لا إله الا الله .. تعال بابا تعال فديتك .. (ويشل رشود ) شحالك رشود؟ عساك الا بخير؟ حد ضربك خبرني انته بس وانا اكسر له راسه .. فديت شبيهي ..

نشبة : دلووع .. ومنو اصلا بييسر يدقه ..

عواس: فديت العيون الدامعة .. ليش هالصياح كله؟ يوما لبنية ويبناها لكم .. أميه ميساء ؟ (وكلهم يتضحكون )

ميثاء: اعتدل فرمستك ملعون الصير .. منو هاي ميسا؟

عواس: انتي فديتج أدلعج ..

شمايل: تعالي فطيم بنسير فوق ..

فطيم: هيه والله احسن..

عواس: أحسن وفرتن .. ههههه انزين يا امايا نشيبة .. علومج؟ وعلوم الدار وياج؟

نشبة : الدار الا بتنهد ع راسي ..

عواس: افا افا افا .. شعنه يا امايا؟

واحد مهاروم قص علية الله يسامحه .. قاللي سوي هوية وبنعطيج بيت ومن هاكي اليوم ما اتصل ..

عواس: هههههاااااااي حسبي الله على منكركن من عيايز .. ههه (ونشبة تمطه من أذنيه )

نشبة : أشوف طبرك كبر وغدا شرات ميود !!

عواس يتحسس راسه : لا والله؟ محد عملني !! حتى رشود بعد شو فيه .. رشود؟ انا منو؟ قول بابا .. قول عواس .. بابا عواس ..

ميثاء بجدية : لا تيلس اتعلمه على كلمة بابا انته اخوه هب ابوه ..

عواس: شعنه؟ دامنه ابوه اللي هو ابوه مب موجود هايت

ميثاء: بس هذا اخوك .. بيتحرونه ولدك مب زين يابويه ..

عواس: خلهم يتحرون انا شعلية؟ هذا اخويه وتاج راسي بعد .. ومستحيل افره او اخليه محتاي لشي ..

(اما عند مي )

مي: ليش ظهرتيه؟ هاااه؟

زينة : هذا ابوج .. ومنهو راح يطلعه غيري؟

مي: يعله يخيس في السجن انتي شكو؟

زينة : هذا ابوج واتحجين عنه جذيه ؟

مي: لا ابويه ولا شي .. هذا عدو .. وين التعن؟

زينة : نزلني وراح ..

مي: هزرج وين ودا هنود؟

زينة : هو وعدني انه راح ايجيبها .. وكل شي بحساب ..

مي: كيف يعني؟

زينة : يعني طلعته من السجن ودفع الفلوس مقابل يجيب هنود

(اما في مستشفى الامل .. فاضل ما دخل بس تام في الموتر )

فاضل : ألو؟ ها جينا .. وين انتي؟ انزين تعالي برع دهديه .. هااه؟ شو تقولين؟ برع .. برع .. آوت .. آوت .. آوت .. (وبعد 10 دقايق ظهرت الممرضة ويطلع ايده من الجامة ) هنه !! هنه !! تعالي ..

جينا تركب الموتر : وات دو يو وانت؟

فاضل : اباج تاخذين هنود .. وتوّدينها أي مكان بس تخشينها عندج ..

جينا : بس في لازم دفع فلوس ..

فاضل يعطيعا الظرف : هاي 5000 درهم يسدن حلجج

جينا تبتسم : ثانكس هاني .. (وتطلع من الموتر وتخش البيزات ..)

فاضل: الحمدلله نقلة وطاحت .. أحينه بيخوز عنا النحس ..

(وكانت هنود قايمة )

هنود : أوووففففف .. بلاه ينبي أحس ريلي نايمة .. (قامت شوي شوي ) آآخ يا ريولي .. (وتشوف التيلفون حذالها ) خلني اتصل برشود .. ابا اعرف شو سالفته .. قبل ما تي النسرة .. (وتضرب رقم رشود ..)

راشد بدون ما يشوف الرقم : ألو؟

هنود: جيه ودرتني وسرت عني؟ما تدانيني صح؟

راشد : هند .. خبريني شو يسوي كتاب مريم عندج؟

هنود انصدمت : هاه؟ (وصدت صوب الطاولة .. كيف درا ..) انا خذته ..

راشد : وليش؟

هنود : هاه؟ ان ان ان انته بالاصل لازم تعلمني بكل شي وما تخش عني شي .. (وما رامت اتقوله الصدق تخاف الجود اخته تتمشكل وياه )

راشد : ولو قلت لج انها حياتي وانا لو ابا غيرج جان سرت عند غيرج ..

هنود : يعني افهم من كلامك .؟

راشد: بتمين في المستشفى وانا بنفسي بتابعج ..

هنود: يعني انا مينونة احينه استويت ؟

راشد : لا فديتج منو قال ..

هنود انفجرت عليه : تاخذني على قد عقلي؟ حرام عليك .. خاف الله .. انا اللي حبيتك وقدرتك جذيه اتسوي بي؟ مابا شي منك وعلى فكرة فكر بالطلاق لأني ماباك ومابا شي يربطني بك و حبي لك بنساه وبدوسه بس عشان انساك !!

(وتبند التيلفون فويهه .. وعند البنات . كانن فطيم وشمايل يوايجن على ميود اللي كان يسوي تمارين البوشآب)

شمايل تصاصر فطيم : طاعي محلاته .. طاعيه فديته .. أشوف عضلة ظاهرتله ..

فطيم : هي والله صدقج .. والله وكبر ميود وسواله عضلات هههههههه ما تحسين شمايل انه كأنه شي مر جدامنا .. أحس شعر ينبي قف ..

عواس: زين والله يوم ميود كبر وربى له عضلات !!

(شمايل وفطيم انقبض قلبهن من الزيغة واتقبضن بالباب وطاحن داخل حجرة ميود )

شمايل وفطيم :وييييييييييييييييييييييييه!!

(كانت طيحتهن عجيبة هذي على هذي ..وميود وقف يطالعهن )

شمايل: قومي عني متنتي يا فطموه !!

فطيم : انتي قومي عن ريلي .. أعوذ بالله ..

عواس: هههههه دواكن ..

مايد: كان ودي اتكون فايدي كيمرة جان صورت حالكن المسكين ..ههههههه قومن قومن الله يستر عليكن وعلى صراويلكن المخورة ههههههه

عواس:افا عليك .. (وكان يسوي عمره يصوّر )

فطيم : إيييه عواس !! شو هالمذهب الخايس؟

شمايل: عيب والله عيب !! عواس يا ويلك !! والله هات التيلفون .. (ويبون يحاولون ياخذون التيلفون من عنده بس ماشي فايدة .. )

عواس: هههههههه وااااع في الاحلام .. بعلم عليكن اميه ميسا ..

(ونسى عواس سالفة رقم راشد .. وعلى الساعة 12 .. وعلى فكرة كانوا الاخوان الثلاثة يرقدون ع شبرية وحدة مرتصين .. عاليمين عواس .. وعاليسار ميود .. وفي النص رشود .. عشان ما يحاول رشود ينجلب ويطيح عالارض مب مخلين له فرصة.. كان ميود يرقّد رشود .. وعواس يطالع التلفزيون ..)

عواس: هممم ميود؟

مايد : هااه؟ (ويحط رشود حذاله ..ويلحفه )

عواس: شو رايك ناخذ شبرية ومنز حق فصعوننا ؟

مايد : لا يابويه استريح امايا جربت قبلك .. اصلا كان يرقد وياها في الشبرية ..

عواس: بس اخاف ياخي مرة تنجلب عليه خطر ..

مايد يضحك ويطالعه بمكر : هههههه لا والله انا اللي انجلب ولا بعض الناس اللي يلعبون دوري في الشبرية ..

عواس: بسم الله علية !! انا من متى؟ حشا علية !! انا حمل وديع !!

مايد : اراويك؟ أراويك؟ (ويراويه بطنه ) شوف هااه !!

عواس: شو؟ ما شوف شي ..

مايد : هني كنت ترفسني فبطني .. أعوذ بالله من رقادك حشا دب ما تحس !!

(وعواس يضربه ع راسه )

عواس: بوطبر !! جاب يالله عنلات طبعك !! حشّم !!

مايد يضحك : دامنك ضربتني ها معناته اني صادق .. الله يعين حرمتك بس !! انا فية شوية قوة .. لو يتك وحدة حطبة .. رفسة وحدة بتوصل الحمام .. وثاني يوم طالبة الخلع ..

عواس: ههههههههه جاب يالله جاب .. اصلا انا رفستي علاج يدورونها الخلق .. شدراك انته !!

مايد : هااااااه.؟ الله يهديك .. أعوذ بالله منها جنها سم فيران ..

عواس: هب هبيت .. ههههههه ارقد .. انطبن !!

مايد : ماروم واصل حدي من الفرحة .. (وطاح على ظهره .. ويطلع من سدته صورة )

عواس: شو هاي؟

مايد: شوف منو هاي؟

عواس: منو هالياهل؟

مايد يبتسم : هاي شمايل يوم كنا يهال ..

عواس: الناس اتم عندهم صورهم وهم كبار وانته حبك أزلي وطفولي؟

مايد: حلاته .. اتعرف انه هالصورة ما فارقتني.؟ في الموتر ويايه وكل كندورة أغيّرها ويايه .. مادري سبحان الله مع اني اموت ع ترابها .. بس أحب ألعوزها .. وأعاندها وأشوفها يوم اتبرطم ...حتى اليوم يوم اقولها طلعي لسانج بشوف طوله .. أسميني من وصلت الحجرة نقعت من الضحك .. شكلها الفرحة ردت لنا يا عواس بردتك ..

عواس : زين انك عقلت يا ميود ..

مايد : اتعرف شو كنت احلم؟

عواس: بشو؟

مايد: كنت أدعي فصلاتي بس انه يردك لي ..

عواس: شمعنى؟

مايد: لأنه ولأول مرة كنت حاس انك حي ما مت .. وخصوصا انه يوم سواو العزا وجثتك ما كانت موجودة ..

عواس: احساسك صويب ..

مايد : بس بانت أقداره !!

عواس: بس عادة .. خلنا نرقد يتني الصيحة ..

مايد : هههههههه حريموه ولا اميه نشيبة؟

عواس: فديتها ..

مايد : ما خبرتك .. يوم ودوا شمايل اتبعت وياها أسلوب الحيلة ويا اميه نشيبة ..

عواس: ههههههه ملعون الصير شو سويت؟

مايد : سرت أراضيها وقلت فخاطرية اميه نشبة دوم تجلب الرمسة وقلت بجلب شراتها الأريّل .. بشوف شو بحصل من الجواب ..

عواس مبجج عيونه : أسكنت من ثعلب ..

مايد : هع هع هع .. وانا اقوللها يا اميه نشبة غلطت فحق هنوه وبراضيها

عواس: لعييييييييييين هههههههههه

مايد :وطلعت روحها الرمسة .. (وعلى الساعة 3 كان عواس راقد على بطنه .. وصاد جهة ميود ويحس شرا الماي ع ويهه ينجب .. ويحس شرا الشبرية تهتز .. )

عواس: ياربي ميود !! اوووفففف (ويحس ظهره يعوره ) آآآخ .. (ويدق مكان رشود .. بس ما كان رشود موجود .. زاغ وبطل عينه ويحصل حد يطالعه .. ) أميييه بسم الله !! روعتني يابوك !!

مايد كان يطالعه ومتقبض بالتيلفون يصورهم فيديو : هههههه شوي بس دخيلك .. (ويضربه عواس ع راسه ) آآخ ..

عواس: وين رشود؟ (ميود يأشر على ظهر عواس وهو صاد ) وابويييه شو يسوي ع ظهرية؟

مايد : شقلوب يتجلب مادري من وين يايب هالطبع !! اصلا ما حسيت بشلالات نياجارا؟ قصدي روانه؟ مسبحنك .. ههههههههههههه

عواس يمسح الروان عن ويهه : اعععييييييييييج !! ياخي شله عن ظهريه .. اععععععععع

(مايد يشل رشود شوي شوي ..)

راشد: اووووووووووووووووووووووه !! ميوووووط !!

(عواس يطالع ميود منصدم وهاكي يطالع عواس ..)

مايد : سمعته ؟

عواس: ههههههه عاش ميووط خلاص بنسميك ميوطي !!

مايد : عيب !! شو هالكلام!!

عواس: انا ما قلت شي أخوك اللي قال !! ياااااا ميووط ..

( اما عند مانع )

مانع : دكتور؟ بلاه هزاع؟ ليش ما يقوم؟

الدكتور : نحن عاطينه مسكن مشان ينام ..

مانع: بس طال نومه .. ومن غير منو متهجم عليه؟

الدكتور : ما يندرى .. من يقوم .. بيتوضح كل شي ..

مانع: الا اعرف منو سوا بأخويه جذيه ..

الدكتور: بكرة ان شاء الله خله يرتاح الحينه ..

مانع: انا بسير .. لأنه حرمتي مربية .. وباجر برد .. (ويتصل ) هلا فديتج .. الحمدلله عالسلامة .. بسم الله بلاج تفاتنين؟ ماشي كانت عندي شغلة .. وأحينه ياينج .. شوه؟ شو ماله داعي ؟ انا بيي ما علية منج (وبند التيلفون فويهها .. وهو ساير موتره ..) افففف منها ومن كلامها السم بييني الضغط بسبتها .. (وهو يسوق مسرع .. ويوم وصل المستشفى .. شل كيس صغير أنيق فإيده .. ويدق الباب ويدخل .. استغرب انه وداد مالبست شيلتها .. شو يعني كانت حاسة انه هو؟ ) السلام عليكم

وداد: أقولك اطلع برع مابا أشوفك ..

مانع مستحمل ويبتسم : الحمدلله على سلامتج .. شوفي شو يايبلج ..

وداد مبججة عيونها : حقي؟

مانع: لا حقي ..

وداد : هههههه عن المصخرة .. تعال تعال ..

مانع: وين النونو؟

وداد : هاكوه .. (واتأشر مب مهتمة ..) عطني الكيس !!

مانع يعطيها الكيس ويسير صوب النونو : اللهم صلي على محمد .. وااايه مصغروونه .. ولد صح؟

وداد : طبعا انا ما أييب غير ولد .. لو بنت جان عجيتها !!

مانع: يدقق : بس كاتبين في البطاقة بنية ..

وداد : هااه؟ (احمرت لأنه كشفها .. كانت بتجذب عليه )

مانع: سمعيني عدل .. عن المشاكل .. لأنه مشاكلي اتكفي .. تسمعين؟

وداد : انزين .. انزين .. انا غلطت وكان فخاطري ولد يخلفك ..

مانع عصب : يخلفني ؟ جيه ان شاء الله ناوية تذبحيني؟ هااه؟ والله انج أميّة !!

(وتم مانع بايت عندها .. من كثر وغادتها محد زارها غير أهلها وأهله بس .. لأنه الناس ما تطيقها .. اما اليوما لثاني الساعة 9 الصبح ..)

عواس: وين ساير من صباح الله؟

مايد : بدوّر لي شغل ..

عواس: ما تبا تشتغل في المكافحة؟

مايد : خلاص التوووووبة .. انا روحي بدوّر ..

عواس: قبل ما تسير ابا رقم ريل اختك ..

مايد : هنيد؟

عواس: هيه..

مايد : هاك ............... (ونزل يتريق ) أميه ؟ يديه .. بقولكم شي ..

حمد: بلاك؟

مايد : لو اشتغلت فمكان انا رايدنه .. واللقمة حلال..

حمد: والله هالشي زين .. ونعمة بعد ..

ميثاء : شعنه اتخبر ؟

مايد : انا بشتغل فكارفور ..

ميثاء: وشو؟ قصورك بعد !!

مايد : اميه .. انا ما اسوي شي حرام ولا عيب .. انا آخذ شوركم لأنه مقابل الشغل اليوم..

ميثاء : خلق الله بتنقد عليك ..

حمد : شوف ميود .. انته راضي؟

مايد : دامنه يرضي ربي وأهلي واللقمة حلال .. بكمل طريجي ..

حمد : غريبة ما طريت العرس يوم شفت شملوه !!

مايد : البنية اذا تباني بتريا لين أكوّن عمري ..

ميثاء: أسكنت يابوطبر .. عيل بتسلمنا رشود؟

مايد : ههههههه لا .. رشود بيكون ويا عواس ..

ميثاء : انتوا شوه !! مب واثقين فأهلكم؟ اعنبوا داركم نحن مربينكم ومبدلين عنكم البامبرز !!

مايد احمر ويهه : ماعليه امايا نحن بنتحمل مسؤوليته ..

دانوه
04-26-2008, 09:46 PM
هههههههههههههههههههههههههههههههه

اييييييييييييييييييجنن آآآآآآآآآآآآآآآآآآخر بـارت

تسـلمييييييييييييين منسيـوتي

والقصهـ لييين الحيـنهـ وااااااااااااااااااااااايد روووووعهـ

^__^

تسـلميييين حيـاتي ^__^

SmallBaby
04-27-2008, 04:29 PM
واااااااااااااااااااااو!!!

ليـــــــن الحين..

القصهــ كشخه!

ريم الدماني
05-17-2008, 12:40 AM
•ـ✿Hi






{.. آلًسٌٍلآٍمٌ عًلْيٌكُمِ

--------------------------------❀--✿--❀--

•ـ------ـ•


يااااااااااا ويييييييييييييل حاااااااااااااااااااااااااااااالي ع القصهـ

خبااااااااااااااااااااااااااااااال × كثرتيييييييييييييييم


حبيتها برثااا برثاااا



عيثى في الفتره الاخييره ما عيبني اثلووبه احثه كان واايد قاااثي ..

و الله يعييين هنووده و يهدي راااشد في الباراتات اليايه ..

و فديييييييييييتهم العياايز و الله ثوالفهم ما تنمل .. ضحكت من الخااطر ..

بالذااات ع ثالفة الهويه مصوره اليده بلياا و قاااايه .. خخخخخخ

و كششششخه لو مايد خذا شمايل و احمد خذا مويييز وناااثه يؤ يؤ ..

و قلبيه عوورني هالكثر يوم اتوفت غربيهـ =(

و عن مانع احثه يثتاهل اللي ايييه و ما يثتاااهل ،،

و بعد ثوووه امممم عن مي هالبنيه امم غمضتني بث بعد مثودة الويه تثتاهل كل اللي صابها

و بعددد هييييه هزااااع اللي لقاه من اخوه ومن عيسى يسده لأنه بدى يعتدل ..

و فطيييم حليلها في البارتات الاخيره غامضتني بث بعد لازم اتعلم ..


و جييييه ،، عشت جو القصه وااااايد حثيت اني منهم و فيهم لوووولز (.^_^.)



تثلميييييين المنثيهـ ع القصه الطررررررررر ..

و نرقب التكملهـ *__* ..

و مشكووره وما قصرتي و لا تحرمينا من هالقصص الغاااويه ^_^


•ـ------ـ•

--❀--✿--❀--------------------------------






دُمٌتًٍـُـُمْ بَــٍ وٌدٍّ ..}


•ـ✿Bye